"لايف كوتش شيرين عمر "

لا ثانيه واحده ده مش بوست عن الفيلم ولا روعه اداء توم هانكس المعتاده😉 لكن ده بوست عن حياتنا المهنيه اليوميه وإزاي دايما بيتم توجيه اللوم والنقد والاشاره للتقصير سواء في فشل او حتي في نجاح🤔 باختصار ((سولي)) طيار بعد اقلاعه بدقايق واجه سرب طيور وتوقفت المحركات وفي ٢٠٨ ثانيه من الضغط اخد القرار انه يهبط في النهر عشان ينقذ الركاب وانقذ الكل بالفعل لكن محققين السلامه والطيران شافوا انهم ببرامج المحاكاه الرقميه المفروض انه كان يرجع المطار او يهبط في واحد تاني قريب ، وان تقارير الحاسب بتأكد ان في محرك كان لسه شغال طبعا بدل ما يشكروه وجهه له الاتهام انه عرض الكل للخطر عشان بيدور علي مجد شخصي😠😠 طيب والحقيقة اللي اثبتها انهم مأخدوش في اعتبارهم العنصر البشري والمفاجئة اللي بتتطلب وقت اقل في اتخاذ القرار وبعد ما جربوا بالمعطيات ديه المحاكاة أدت لتحطم الطياره في السيناريوهات الاخري لأ وكمان تقرير الحاسب طلع خطء والمحركات كلها كانت عطلانه،، يعني كابتن سولي فعلا بطل👍🏽 طيب الكلام ده كله قصدي بيه ان دايما في شغلنا بنواجه كده ( كان المفروض تعمل كده ، تقول للعميل كده ، تقول كده ، تاخد القرار ده ) سهل جدا تقدم النقض وانت مش في الموقف نفسه سهل جدا تقدم محاكاه ونظم واجراءات وانت مش بتعملها بإيدك سهل جدا تنتقد وتحلل مواقف وتقول رأي بس صعب جدا تنفذ . نقطه ومن اول السطر الفيلم عن قصه حقيقيه بالكامل😉