imon.uz
Open in Telegram
Ўзбекистон мусулмонлари идораси Жиззах вилояти вакиллиги www.imon.uz саҳифасининг расмий канали Расмий саҳифаларимиз: https://taplink.cc/imon.uz Биз билан боғланиш: @imonuz_aloqa_bot Веб-сайт: www.imon.uz
Show more📈 Analytical overview of Telegram channel imon.uz
Channel imon.uz (@imonuz) in the Uzbek language segment is an active participant. Currently, the community unites 12 701 subscribers, ranking 6 918 in the Religion & Spirituality category and 6 189 in the Uzbekistan region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 12 701 subscribers.
According to the latest data from 06 September, 2026, the channel demonstrates stable activity. Although there has been a change in the number of participants by 2 416 over the last 30 days and by -56 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 8.05%. Within the first 24 hours after publication, content typically collects 6.37% reactions from the total number of subscribers.
- Post reach: On average, each post receives 1 025 views. Within the first day, a publication typically gains 811 views.
- Reactions and interaction: The audience actively supports content: the average number of reactions per post is 2.
📝 Description and content policy
The author describes the resource as a platform for expressing subjective opinions:
“Ўзбекистон мусулмонлари идораси Жиззах вилояти вакиллиги www.imon.uz саҳифасининг расмий канали
Расмий саҳифаларимиз:
https://taplink.cc/imon.uz
Биз билан боғланиш:
@imonuz_aloqa_bot
Веб-сайт: www.imon.uz”
Thanks to the high frequency of updates (latest data received on 07 September, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Religion & Spirituality category.
12 701
Subscribers
-5624 hours
+3 7627 days
+2 41630 days
Posts Archive
12 701
Тошкентдан аввал: Қўқон (7), Наманган (10), Фарғона (10), Андижон (12)
Тошкентдан кейин: Бекобод (0), Жиззах (6), Гулистон (2), Денов (6), Самарқанд (9), Шаҳрисабз (10), Қарши (14), Каттақўрғон (12), Нурота (14), Навоий (16), Бухоро (19), Хива (36)
http://imon.uz/
12 701
Repost from Muslim.uz
+9
#xabar #muftiy #anjuman
🌙 Муфтий ҳазрат Саудия Арабистонидаги нуфузли халқаро анжуманда иштирок этмоқдалар
⏺Бугун, 7 сентябрь куни мусулмон дунёсининг энг нуфузли илмий муассасаларидан бири — Халқаро Ислом фиқҳи академияси томонидан Жидда шаҳрида халқаро конференция ўз ишини бошлади.
🌙Ушбу нуфузли анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари мазкур давлатлараро мақомга эга ташкилот аъзоси сифатида иштирок этмоқдалар.🌙 Илмий-фиқҳий кенгашда мусулмон оламининг кўзга кўринган уламолари, академияга аъзо давлатларнинг муфтийлари, етакчи фатво кенгашлари раҳбарлари, Ал-Азҳар сингари йирик илм даргоҳларининг олимлари ҳамда нуфузли тадқиқот марказлари профессорлари қатнашмоқда.
💬Сўзга чиққан нотиқлар хотин-қизларни ҳар қандай шаклдаги тазйиқ, зўравонлик ва камситишлардан ҳимоя қилишда дин пешволари ҳамда уламоларнинг ўрнини ошириш, оилавий қадриятларни мустаҳкамлаш ҳамда зўравонликка қарши муросасиз муҳитни шакллантиришда илмий-шаръий манбаларнинг аҳамияти ҳақида нутқ қилмоқдалар. Шунингдек, Ислом дини аёллар ҳуқуқлари, шаъни ва қадр-қимматини юксак даражада қадрлашини тарғиб қилишга алоҳида урғу қаратмоқдалар.➡️Анжуман тафсилотларини тармоқларимизда кузатиб боринг. ✅ Ўзбекистон мусулмонлари идораси Матбуот хизмати 🌐 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook
12 701
#Видео
#намоз
📹 Ёш болаларни мингашиши намозни бузадими?
🎙 Ёрқинжон домла Жумабоев
Ўзбекистон мусулмонлари идораси Фатво маркази мутахассиси👨💻 Тўлиқ ҳолда кўриш ✅ Улашинг: @diniysavollar
12 701
🧎♂️ Тавба намози қандай ўқилади?
Ҳар бир мусулмон билиб ёки билмай хато қилса, таҳорат олиб, икки ракат намоз ўқиши ва Роббисидан мағфират сўраши суннатдир.
1. Ният: «Холис Аллоҳ розилиги учун икки ракат тавба намозини ўқишни ният қилдим».
2. Тартиби: Бомдод намозининг суннати каби ўқилади. Қироатда маълум бир сура шарт қилинмаган.
3. Вақти: Макруҳ вақтлардан ташқари исталган вақтда ўқиш мумкин.
📿 Намоздан сўнг айтиладиган истиғфор:
Икки ракат тавба намози адо этилгач, қуйидаги истиғфор калималари айтилади:
🤲 Ўқилиши: “Астағфируллоҳ, астағфируллоҳ, астағфируллоҳа таъаалаа мин кулли занбин азнабтуҳуу ъамдан ав хото-ан ав сиррон ав ъалаанияҳ. Ва атуубу илайҳи миназзанбил-лазий аъламу ва миназ-занбиллазий лаа аъламу иннака анта ъаллаамул-ғуйууб”.
Маъноси: “Аллоҳдан гуноҳларимнинг кечиришини сўрайман. Аллоҳдан гуноҳларимнинг кечиришини сўрайман. Аллоҳ таолодан атайлаб ё адашиб, махфий ё ошкора қилган барча гуноҳларимнинг кечиришни сўрайман. Ўзим билган ва билмаган гуноҳлардан Унга тавба қиламан. Албатта, Сен ғайбларни билувчисан!”
📌 Тавба қабул бўлишининг шартлари:
• Гуноҳдан дарҳол тўхташ;
• Қилган ишидан пушаймон бўлиш;
• Қайтмасликка қатъий аҳд қилиш;
• Агар банданинг ҳаққи бўлса, уни адо этиш.
Эшик доим очиқ, Роббимизнинг раҳмати эса чексиз. Бугун тавба қилиш учун энг яхши фурсат!
✅ Дўстларингизга ҳам улашинг! Шояд сиз сабабли кимдир ҳидоят топса.
#истиғфор #тавба #намоз #ислом
Яқинларингизга ҳам улашинг!
🌐imon.uz 🎬 YouTube |🚀| Telegram |🔵 Facebook
12 701
Repost from Muslim.uz
+9
#xabar #diniy_talim
📢 ДИНИЙ ТАЪЛИМ МУАССАСАЛАРИДА ЯНГИ ЎҚУВ ЙИЛИ БОШЛАНДИ
📚 Бугун, 7 сентябрь куни Ўзбекистон мусулмонлари идораси тасарруфидаги ўрта махсус диний таълим муассасаларида янги 2026-2027 ўқув йили бошланиши муносабати билан “Ягона Ватан, ягона халқ бўлиб, янги ҳаёт ва келажак яратамиз!” шиори остида очилиш тадбирлари бўлиб ўтди.✅Мазкур маросимларда Дин ишлари бўйича қўмита, Ўзбекистон мусулмонлари идораси, ҳудудий ҳокимлик масъуллари, диний таълим муассасалари раҳбарлари, бош имом-хатиблар, ўқитувчи ва талабалар иштирок этди. 📖 Тадбирлар Қуръони карим тиловати, хайрли дуолар ва давлат мадҳияси билан бошланди.
💡 Сўзга чиққан мутасаддилар барчани мустақиллигимизнинг 35 йиллиги ва янги ўқув йили бошланиши билан қутлади. Юртбошимиз томонидан диний-маърифий соҳага алоҳида эътибор қаратилаётгани, хусусан, яқинда ҳам бир гуруҳ уламолар “Имом Бухорий” ордени билан тақдирлангани ёрқин далил экани алоҳида таъкидланди. Шунингдек, жорий йилда Тошкент ислом институтини илк магистрлар тамомлагани, эндиликда докторантура ташкил этилиши режалаштирилаётгани ҳам айтиб ўтилди.📝 Шу билан бирга, диний таълим муассасалари фаолияти йилдан-йилга такомиллашаётгани, жумладан, ўқув дастурлари замон талабига қараб янгилаб борилаётгани, кириш имтиҳонлари электрон тест шаклида ўтказилиб, энг муносиб талабалар саралаб олинаётгани, мударрис ва талабаларга ҳар жиҳатдан шароитлар ҳозирланаётгани, ана шундай имкониятлардан унумли фойдаланиб, талабалар астойдил ўқиб-ўрганиб, яхши мутахассис бўлишга ҳаракат қилиши лозимлигига урғу қаратилди. 💭 Тадбирлар давомида диний таълим муассасаларига ўқишга янги қабул қилинган талабалар ҳам сўзга чиқишди.
🎁 1-курс талабаларига Ўзбекистон мусулмонлари идораси раиси, муфтий Шайх Нуриддин домла Холиқназар ҳазратлари номидан эсдалик совғалари улашилди.🤲 Якунда Ҳақ таолодан элу юртимиз тинчлиги ва фаровонлиги, мустақиллигимиз абадий бўлиши ҳамда янги ўқув йили хайрли ва манфаатли кечишини сўраб хайрли дуолар қилинди. 🇺🇿 Шундан сўнг ўқув хоналарида “Мустақиллик дарслари” бошланди. ✅ Ўзбекистон мусулмонлари идораси Матбуот хизмати 🌐 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook
12 701
ҚАЛБ УЧУН ЎЛИМДАН ҲАМ ДАҲШАТЛИРОҚ ЖАЗО
Инсон учун қалбининг сокин қабристонга айланиши, яъни ундаги ҳисларнинг ўлиши, эзгуликка бўлган рағбатнинг сўниши улкан мусибатдир. Аммо маънавият аҳллари бундан-да оғирроқ жазо борлигидан огоҳлантирадилар.
Бу – Қалбнинг муҳрланишидир.
Қабристонга айланган қалбда ҳали умид чироғи ёниши, қачондир у ерда пушаймонлик гуллари униб чиқиши мумкин. Аммо муҳрланган қалб ҳақиқатни кўриб туриб кўр, ҳақни эшитиб туриб кар бўлади. Бундай ҳолатдаги инсон:
• Гуноҳ қилади, лекин маломат сезмайди;
• Яхшилик қилади, лекин ҳаловат топмайди;
• Энг ёмони – ўзининг оғир аҳволда эканини ҳам англамайди.
Ибн Қайюм роҳимаҳуллоҳ айтганларидек: “Банда учун Аллоҳдан узоқлашишдан кўра оғирроқ жазо йўқ ва қалб қотишидан кўра катта мусибат йўқ”.
Қалбнинг ўлиши – ҳиссизлик бўлса, қалбнинг муҳрланиши – нажот йўлларининг ёпилишидир. Агар инсон ўз қалбининг ҳолатидан хавотирга тушса, “нега қалбим қотиб бораяпти?” деб ўзига савол берса – бу ҳали қалбда ҳаёт борлигининг белгисидир. Зеро, мутлақ ўлик қалб оғриқни ҳис қилмайди.
Аллоҳим, қалбларимизни Ўзингнинг зикринг билан тирик қил, уни қотиб қолишидан ва муҳрланиб қолишидан Ўзинг асра!
Яқинларингизга ҳам улашинг!
🌐imon.uz 🎬 YouTube |🚀| Telegram |🔵 Facebook
12 701
Шукр ва ношукурлик ўртасидаги фарқ
Инсоннинг бахтли ёки бахтсиз бўлиши унинг пули ёки мансабига эмас, балки нимага эътибор қаратишига боғлиқдир.
🛑 Бахтсиз инсон — бор эътиборини ўзида йўқ нарсаларга қаратади. У доимо камчиликларни қидиради, бошқаларга ҳавас ёки ҳасад билан қарайди ва натижада қалбидаги тинчини йўқотади. Неъматлар ичида яшаса-да, ўзини худди маҳрумдек ҳис этади.
✅ Бахтли инсон — Аллоҳ таоло унга берган неъматларни кўра олади. У диққатини қўлидаги бор нарсаларга: соғлигига, тинчлигига, оиласига ва бир тишлам нонига қаратади. У борига шукр қилиш, йўғига эса чиройли сабр қилиш орқали ҳақиқий қалб хотиржамлигига эришади.
📕 Қуръони Каримда шундай марҳамат қилинади:
«Қасамки, агар шукр қилсангиз, албатта, сизга зиёда қилурман...» (Иброҳим сураси, 7-оят).
📜 Ҳадиси шарифда эса Расулуллоҳ соллаллоҳу алайҳи васаллам айтганлар:
«Дунё ишларида ўзингиздан пастроқдагиларга қаранг, сиздан юқоридагиларга қараманг. Мана шу Аллоҳнинг сизга берган неъматларини камситмаслигингиз учун энг тўғри йўлдир» (Имом Муслим ривояти).
• Бахт — бу истаган ҳамма нарсангга эришиш эмас, балки Аллоҳ берган неъматларнинг қадрига етишдир. Шукр қилган қалб ҳеч қачон маҳзун бўлмайди.
Яқинларингизга ҳам улашинг!
🌐imon.uz 🎬 YouTube |🚀| Telegram |🔵 Facebook
12 701
Ассалому алайкум ва роҳматуллоҳи ва барокатуҳ!
Аллоҳ таоло янги ҳафтанинг илк тонгини хайрли ва баракотли қилсин.
Душанба — амаллар Аллоҳ таолога кўрсатиладиган, Расулуллоҳ соллаллоҳу алайҳи васаллам таваллуд топган муборак кун. Бу кунда ниятларимизни янгилаб, яхшиликка қадам қўйайлик.
Тонгги дуо:
«Эй Роббим! Бу кунда бизга кенг ризқ, манфаатли илм ва қабул бўладиган амаллар насиб эт. Қалбимизни хотиржам, танимизни соғлом, оқибатимизни хайрли қил!»
Кун ҳикмати:
«Сизга берилган неъматларнинг энг яхшиси — хотиржамлик, энг катта бойлиги — қаноатдир».
Ҳафта давомида яхши кайфият ва эзгу амаллар сизни тарк этмасин!
Яқинларингизга ҳам улашинг!
🌐imon.uz 🎬 YouTube |🚀| Telegram |🔵 Facebook
12 701
📱 Биласизми?
Инсон кунига ўртача 3-4 соатини ижтимоий тармоқларга сарфлайди. Агар бор-йўғи 5 дақиқа вақтимизни «Субҳаналлоҳи ва биҳамдиҳи» дейишга ажратсак, 100 марта зикр қилишга улгурамиз. Бу эса гуноҳларнинг денгиз кўпигича бўлса ҳам кечирилишига сабаб бўлади (Бухорий ривояти).
👉 Телефондаги «лайк»лар эмас, тилдаги зикрлар сизни қутқаради.
Яқинларингизга ҳам улашинг!
🌐imon.uz 🎬 YouTube |🚀| Telegram |🔵 Facebook
12 701
Тошкентдан аввал: Қўқон (7), Наманган (10), Фарғона (10), Андижон (12)
Тошкентдан кейин: Бекобод (0), Жиззах (6), Гулистон (2), Денов (6), Самарқанд (9), Шаҳрисабз (10), Қарши (14), Каттақўрғон (12), Нурота (14), Навоий (16), Бухоро (19), Хива (36)
http://imon.uz/
