ایمگه‌‌لَر️

‍ 💢💢💢 بو گئجه، من کی یاتا بیلمه‌ییرم باشی باشلارا قاتا بیلمه‌ییرم. یوخوسوزلوق منی قاتلاشدیردی من بو نامرده باتا بیلمه‌ییرم. اوغرو قالدیردی قازان-قابلامانی کیم ال آتسین حاجاتا؟، بیلمه‌ییرم. اوغرونون کیم یئتیریب اومباسینا، زیخلایا بیر زوپاتا؟، بیلمه‌ییرم. آیلیق آلدیق، کیرا وئردیک گئتدی، نه یئیَک؟، ائی وای آتا! بیلمه‌ییرم. دده‌‌میز یوخ، کیمه چکمک باراتی؟ کیمی سالماق باراتا؟، بیلمه‌ییرم. جیبده قالمیشسا دا بیر بئش ماناتیم، نه آلیم بئش ماناتا؟، بیلمه‌ییرم. دلی شیطان دا دئییر یورقانی سات قیشدی، یورقاندی، ساتا بیلمه‌ییرم. قار دئییر: گَل، کیشی سن ! پامبیق آتاق کیشی! من پامبیق آتا بیلمه‌ییرم. هئی گلیب مندن آلیرلار "شتل"ی، کیم سالیب "مازی"،"مات"ا؟، بیلمه‌ییرم زیندگانلیق قورادا بیر شئی اولوب، نه یه لازیم قورادا؟، بیلمه‌ییرم. بیر سوموکدور کی بوغازلاردا قالیب کیم آتا یا کیم اوتا؟، بیلمه‌ییرم. قار-یاغیشدا بو نه قوندوم-کؤچدوم؟ نییه دوشدوک بو اودا؟، بیلمه‌ییرم. بو کیتابلار اؤزو بیر آت یوکودور بونو کیم چاتسین آتا؟، بیلمه‌ییرم. هئی سویوقدان قورویوب، بَی دورورام، کیمدی یئنگه-موشاتا؟، بیلمه‌ییرم. ال کی توتمور یازام، ال تاپماق دا_ قلمه یا داواتا، بیلمه‌ییرم. گئجه‌میز صوبح اولاجاق، یا هله وار؟ باخیرام هئی ساعاتا، بیلمه‌ییرم. قوش اوچار، آمما نه درمان ائله‌مک_ داش د‌يَن قول-قانادا؟، بیلمه‌ییرم. آی قاداشلار! منه بیر ال یئتیرین یوک آغیرلاشدی، چاتا بیلمه‌ییرم. طبع شعریم دایانیب سونجوق آتیر من ده کی، سونجوق آتا بیلمه‌ییرم. ✍#استاد_شهریار #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 ائلیندن گۆنوندن آیریلان کؤنۆل آرا-بیر واخت تاپیب آغلاسین گرک عزیز کیمسه‌لری قیریلمیش کیمی یاس توتوب قارالار باغلاسین گرک دئمیرم اینجیدیب اۆزسون اؤزونو ال اۆزوب دۆنیادان یومسون گؤزونو نقدر اولســا دا وطــن ســـؤزونو دویسون اۆره‌یینده آنلاسین گرک بیر شیکسته نئی‌ام بیر قیریق کامان گؤرمه‌دیم بیر بلا حسرتدن یامان وورغون ائل‌لر دئییب آغلار هر زامان اونون قایداسی‌دیر آغلاسین گرک ✍#صمد_وورغون #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 قاراجا بالێق دئدی: هرنه سوْنا چاتار؛ گئجه، گۆندوز، هفته، آی، ایل.... من ایسته‌ییرم بیلم یاشام ائله بیر بالاجا یئرده هئی گئدیب قاییدیب، قوْجالماقدیر؟! یوْخسا آیری جۆر ده یاشاماق اوْلار دۆنیادا؟..... سیزلر چوْخ فکرلشیرسیز. یالنیز فکرلشمکله اوْلماز. یوْلا دۆشسَک، قوْرخوموز تؤکۆله‌جک..... ✍#صمد_بهرنگی 📚بالاجا‌ قارا‌ بالێق گۆنوز آیدین سئوگیلی دوْستلار📚☕️🕊🌺🎼 #ایمگه‌لر_کانالی ✔️✔️✔️ 👇👇👇 @imgalar

💢💢💢 بو یوْل‌لاردا قاتار اؤتدۆ، قولاغیمدا سسی قالدی. تۆکَنسه‌ ده جان‌دا طاقت، یاشاماق هوسی قالدی. دایازدا گؤردۆم دَرینی، خئـیرده گؤردۆم شَرینی. عؤمرۆن یاخشی گۆنلرینی، یوْلا سالدیم پیسی قالدی. قاتار گئدیر اؤز باشینا، یئتدیم اختیار یاشینا. چاتیرام منزیل باشینا... سوْنونجو دؤنگه‌سی قالدی. عؤمۆر وار کی بیرجه قاریش، ایلکی ساواش سوْنو باریش. قاتار اؤتدو قیریش - قیریش، اۆز - گؤزۆمده هیسی قالدی. اونودولوب چوْخدان بَری، دۆنیانین توْی - دۆیون‌لری. اؤتۆب کئچدی شن گۆنلری، دردی - غم، غصه‌سی قالدی. ✍#بختیار_واهابزاده #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 #تۆرکجه‌میزده_بیتکی‌لر نسترن: گیلدیک گَـزنه: گیجیرتیکان بومادران: بوْیمادَرن آویشن «کاکوتی»: کهلیک‌اوْتو پونه: یارپؽز شاهی: بۇلاق‌اوْتو شاهتره: آجؽ تره کاسنی: چؽرتلؽق درمنه: یوْوشان پنیرک: اَمه‌کؤمه‌جی، امن‌کؤمن‌جی گل‌گاوزبان: سوْرما گۆلۆ، سوْمورغان گۆلۆ، سؽغؽر دیلی بابونه: بَـبه‌‌نک خاکشیر: شۆورَ‌ن کلاه عموحسن: چوْبان یاستؽغؽ رزماری: قارغا دیلی گل محمدی: قیزیل گۆلۆ چوبک: چوْغان تربچه وحشی: تورپک گَـوَن: گَـوَن شِنگ: یئملیک ریواس: اۇشغۇن پیچک صحرایی: سارماشؽق کنگر صحرایی: سارؽ قانقال یولاف وحشی: وَله‌میر تاجریزی: قوش اۆزۆمۆ پنجه واش: دیل قانادان گل ماهور: سؽغؽر قۇیروغو شبدر: اۆچ قۇلاق گل‌پر: بالدؽرغان سَـلمه تره: یاغلؽجا تلخه‌: آجؽ کنگر تاج خروس: بئچه قؽزدؽران بَـنگ دانه: باتبات هفت بند: قؽرخ بۇغوم زالزالک «کویج»: یئمیشان درختچه گز: یوْلغون ✍#ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 داها چیچک دئییلدی کؤکه دایانج ایسته‌نیلدی؛ قیغیلجیمینی چاخمامیش آلیشدی الینده تکجه دیره‌نجی گۆونجی گۆل گؤزۆنۆن دورو یاشی لال باخیشی‌نین سوکوتو زوْرا اویوشمازلیق آنلاشمازلیق گؤزه قارشیت هئپ گیزلی- گیزلی آغلادی هئیکلی دایانیشما دایانیشما هئیکلی دایانج‌سیز دیک دوردو آشاغیلانمیشی‌یلا دابان‌سیز آنجاق اۆره‌یی دوْلو‌ ایدی، دوْلو ائیله‌می برک گۆوه‌نیلیر گؤزۆ گؤیلۆ توْخ الی دوز حیکایه‌سی دورغون اوْرتامی دار قایغیدان بوراجاق اوچوز اؤلمۆشدۆ آتاسی سوْیوق گؤرۆکدۆرۆردۆ یاشامین شوم اۆزۆنۆن الی کئچمیشدی اجلافلیق خیلخالارینا قورو سودو قاناتدی کرپیج اللری اؤزلمدن آغلاتدی گؤرجک قاپی‌دا ساغ قالماغا سولاق یازدی اوْغورلوق دول بوْیدا ایدی سو گتیرتدیلر بولاقدان تؤکۆردۆ دیله‌نن پایلانیلاجاق آشا اوشاقلارینا ایسته‌نیلدی توم اومودو یئته‌نه‌یی یاشامی گنجلییی… ژان‌وال‌ژان کوزئته قارا مئشه‌ده بونا شهریار ال آتدی یوخودا ادبه توتوندو دَبی بیراخیب بیر گؤزۆ همیشه بوراجاق آتاسینین آناسینین ایستکلی سئوگیلرینی قیسقاندی اۆره‌یینده قیزجیغاز. اویسا کی گؤیچک غمزه‌سی ساغ اۆزۆنۆن بره‌سی گؤوده‌سینی فیرلانیب اوْردا ساییردیم سارایین نئچه کز آرازی اؤزۆنۆ بوْغولدوغونو ✍ #دنیز_موغان_سارایی #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 یاخشی کی، ائویمه گلدیم دالدێم یئنه اؤز یاشێل عالمیمه قوْی اونوتسون بۆتون دوْستلار کؤلگه‌می ده. بو آن پاریس‌ین ایفِـل بوْرجوندایام و هر کلمه‌می بیر توْخماق کیمی دؤیۆرم دۆنیانین داش دؤهۆلۆنه. ✍#کیان_خیاو گۆنوز آیدین سئوگیلی آخاق اۆیه‌لری☕️📚🎼💐🕊 📸تانسو - یای ۱۴۰۵ #ایمگه‌لر_کانالی ✔️✔️✔️ 👇👇👇 @imgalar

💢💢💢 🔷 سوکوتون سسی!! اوزولمه یولداشیم بورادایام اؤلمه‌میشم هله! یالنیز داغلاری تیتره‌دن آغیر بیر سوکوت تیخانیب کؤکسومه نفسیمی کسه‌نه قَدَر من اؤزومو آنلایاندان بَری هئچ واخت یالنیز اؤزوم اوچون یاشامادیم اینسان دردینی همیشه دولاندیریرام سیرتیمدا اودور کی بو گونلرده‌کی حالیمی بیان ائتمک اوچون شعرین باشماغی دار گلیر دویغولاریما اینجه دویغولاریمین آیاغینی سورتوب، قانادیر! بو گونلر سینیق- سالخاق، آخساق  خیی-خیی گئدیرم‌ یاشامی بو سببدن منی سارسیدان اولایلاردان نه دئییم کی هامیسینی سن ده یاخشی بیلیرسن کئشکه کئچیردییمیز بو آجی اولایلارین هئچ بیریسی اولماسایدی وطن، ایستی قوجاقلی آنا وطن اولسایدی! بیر سؤزله، بیز هامیمیز کورلاندیق، کوته گئدن، ایت خؤره‌یی اولان چؤرک‌لر کیمی حئییف اولدوق! قویون اولدوق! اویون اولدوق یارامازلار اَلینده! حال بو کی آنامیز بیر داها دوغمایاجاق بیزی! بیر داها یئر کوره‌سینه گلمیه‌جه‌ییک! کئشکه یاخشی بیر زاماندا دوغولسایدیق! اینسانین اینسانا قارداشجا مهریبان اولدوغو بیر چاغدا! *** خط آرخاسیندا دینمه‌سن ده منه لاقئید اولمادیغین بللی‌دیر، بئینی‌نین بیر کونجونو قیجیقلاندیریرام هله ده! دئییرلر: درد آغیر اولاندا اینسان لال اولور منیم کیمی! باغیشلا منی، بو گونلر ائله قارغاشالییام، چتین تابلاشیرام اؤزومله ده گؤره‌سن مایامی باسدیراندا، اوچوروم قیراغیندا اکیلدییمی دوشونمه‌دی آتام؟! نه‌دن آدام کیمی یاشایانمیرام؟! هر گون- هر گون منه آغیز آچان قورخونج دره‌لره آیاغیم‌ سویروشور! کئشکه شوشه یئرینه داشدان یارانسایدی منیم ده اوره‌ییم! هر حالدا، آغیر سوکوتومون شیفره‌سینی سیندیردیغین اوچون، منیم هر فریاددان اوجا سوکوتومو ائشیتدییین اوچون مینتدارام سنه! ✍ #سحر_خیاوی ✔️✔️✔️ 👇👇👇 https://telegram.me/imgalar

⭕️ İtin Vəfası, Səsli nağıllar ⭕️ایت‌ین وفــاسێ - سسلی ناغێل‌لار ✍️ شاعر: #کریم_مشروطه‌چی (سؤنمز) 🎨 رسّام: #مرتض_پروین 🎤 سسلندیرن: #مرتضی_مهدی‌زاده 🔶 مترجم و توپلایان: روزبه پیری 🔷 ناغێل‌لار! اوشا‌قلار و یئنی‌یئتمه‌لر اۆچون! (آذربایجان تۆرکجه‌سینده کارتون) @MuncuqAz https://t.me/Sancaq_media/8256

💢💢💢 «دونیانین بوجاغی» قیسیلمیشام بو آخشام دا دونیانین بوجاغینا توللانسام می چاتارام هئچ گؤیلرین اوجاغینا؟! داریخیرام یئر اوشودور توللانسانمی دوشه‌رم؟ دونیایا گلمه‌میش کیمی تانری‌نین قوجاغینا؟! سؤزلریم وار گؤزل تانریم گَل بو آخشام چایلاشاق سن ده دئنه‌ن من ده دئییم دردیمیزی پایلاشاق یئر اوزونده بنده‌لرین خالقا مهریبان دئییل وورها-ووردور، قیرهاقیردیر، ساکیت آسیمان دئییل سن بویوردون خالیص اولون، بوردا ریا یئریییر بویاسیزلار بیزیم یئرده ذرره- ذرره چورویور آللاهسیزلار جولان ائدیر، چول- چوخایا بورونور اود-آلاولی سیلاحلاردا قارداش اَلی گؤرونور بالان یوخدور بیله‌سن کی آغیردیر بالا داغی او گنج اوغلان جان اوستونده گزیردی سولو- ساغی دئییردی کی: هاردا اولسا آنام اؤزون یئتیرر بو آمانسیز یارالارا یقین مرهم گتیرر گؤزو آخدی اینتظاردا آتاسی دا گلمه‌دی ناکام اؤلدو توی گئجه‌سی خئییر دوعا وئرمه‌دی سیزین عرشی یتیم قیزین ناله سسی بورویور؟! مَلَک‌لری مزارینا اوزو اوسته سورویور؟! یاتانمیرام کابوسومدا اوخشاما وار هر گئجه قدم- قدم گودوکجو وار، گیوتین، دار هر گئجه من اوچون دای بو یئر اوزو دؤزومدن دیر یوخاری یوخسا دوشونمه‌یه بیزی اؤزون دوش گَل آشاغی قالماییبدیر هئچ اینامیم نه یادا، نه قارداشا یا منی قوش ائله‌گینن یا دا کی دؤندر داشا ✍#سحر_خیاوی #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 کؤنۆل قازانماق ایسته‌ییرسن، سئوگی توْخومو اَک. جنّتی قازانماق ایسته‌ییرسن، یوْللارا تیکان سَپمکدن ال‌چک!! ✍#مولانا_جلال‌‌الدین_رومی گۆنۆز آیدێن سئوگیلی آخاق اۆیه‌لری☕️💐📚🎼🕊 #ایمگه‌لر_کانالی ✔️✔️✔️ 👇👇👇 @imgalar

💢💢💢 منیم ده أکسیکلیغیم وار البت «ســــن کیمــــی» ✍#اؤزدمیر_آصف #ایمگه‌لر_کانالی ✔️✔️✔️ 👇👇👇 @imgalar

💢💢💢 دردی حیس ائده‌بیلیرسن‌سه جانلێ‌سان... باشقاسێ‌نین دردینی حیس ائده‌بیلیرسن‌سه، #انسانسان. ✍#لئو_تولستوی #ایمگه‌لر_کانالی ✔️✔️✔️ 👇👇👇 @imgalar