ایمگه‌‌لَر️

💢💢💢 "Bir veda havası" Vakit tamam Seni terk ediyorum Bu kırık ve incecik bir veda havasıdır Tutuşan ellerimden Palma kuşuna deyen sıcaklık İncinen bir hayatın yarasıdır Kalacaktır tüm izlerin hayatımda Gözümden bir damla yaş Sızlayıb resmine attığında Bir yeri bula bilsem seni hatırlatmaya Bir yer olsa keşke Kan tarlası Gelincik şafağında Ölümse korktum Savaşsa hep kaçtım Vur kendini kuşkularda Hadi offf Sen bir suydun oysa Sen bir ilacsın Hoşça kal canımın içim Hoşça kal gözümün nuru Hoşça kal.... ✍#Yusuf_Hayaloğlu #ایمگه‌لر_کانالی ✔️✔️✔️ 👇👇👇 https://telegram.me/imgalar

🔳 سئون انسان   ✍️ شاعر: #سوسن_نواده‌رضی   📸 عکاس: #تبریزلی_اۆلکر     یئنه- قالخا اۇزون یوْللار گلمیشم گاه آغلایێب، گاه یاشامدا گۆلموشم من سئوگینی اینانمێشام، بیلمیشم سئون انسان گؤزللشیر گۆن به گۆن نیفرت ساچان اؤلۆب، دۆشور تۆن به تۆن!     @SancaqDergisi

💢💢💢 "قفسدن اوچماغیم گلیر" گاه اولور اؤزومی اوشاقلار سایاق اَزدیریب یاغیشدا قاچماغیم گلیر قولومو قاناد تک توتوب بؤیرومه گؤیلرده قوش کیمین اوچماغیم گلیر   دئییرم نه اولار اوشاقلیق سایاق اوجوزلو قولچاقلا بیرده شاد اولام چیینیمی آغریدان یاشام یۆکوندن نه اولار‌ نه اولار بیر  آزاد اولام فلسفه بیلمه‌یم حساب بیلمه‌یم سایسیز سورغولارا جاواب بیلمه‌یم پیرتلاشیق فیکیرلر اینجیدیر منی هئچ یازیب اوخوماق کیتاب بیلمه‌یم گؤیلومده حَیطدن نردبان قویام دییَم کی گؤیلره اَللریم چاتار مهریبان تانریمیز گؤرنده منی دونوما بیر اَتک اولدوزون آتار  گاه اولور بو یاشدا گولمه‌یین منه آنامین قوجاغین گؤیلوم ایسته‌ییر بو سویوق دونیامیز اوشودور منی آتامین اوجاغین گؤیلوم ایسته‌ییر  اوشاغلار اوشاغلار اَلیز قوربانی بؤیوک دونیاسیندان قاچماغیم گلیر نفسیم داریخیر توتون اَلیمی قفسدن اوچماغیم اوچماغیم گلیر ✍#سحر_خیاوی  #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 و عشق نه یایلاغی، یایلاق نه قیشلاغی، قیشلاق اؤته‌ری بیر اوْتراق‌دیر خیالدا 🔷 #تابلو_فرش #ایمگه‌لر_کانالی ✔️✔️✔️ 👇👇👇 @imgalar

💢💢💢 سئوگیلیم، دوداغیندا حزین بیر بایاتی یاتیریرسان کؤرپه‌میزی، گئجه یاریدیر... میصراعلار سانکی تبریز خیابانیندان کئچن دوه قاتاریدیر، غملی بیر آهنگله آخیر. کؤرپه دجل اولسا دا، نغمه‌نین آهنگینه اویوب خیالا دالمیش کیمی اۆزونه باخیر. بسدیر، بو غملی نغمه‌نی اوخوما، اوخوما، سئوگیلیم. اونسوزدا یامان سؽخیلیر قلبیم بو تک اوتاقدا. اؤزوم ۵۶-جی ایلده‌یم، خالقیم اون ایل قاباقدا. گلیر خاطیریمه، سنگرده یاتدیغیم، توزا ، تورپاغا باتدیغیم گۆنلر. دۆشور یادیما فدایی دوستلاریم، ساققال ولی، شمسووارلی ابی، قوجا شاهمار. تۆفنگین قونداغینا کندیر باغلاییب، گۆلله‌لری داغارجیغا یؽغان، تانکی سینه‌سی‌یله ساخلاییب قوشون قاباغینا چؽخان آدسیز قهرمانلار. دۆشور یادیما، ساکیت گئجه‌لرده دۆشمن سسی‌نی ائشیتمه‌سین دئیه آستادان بایاتی دئین جاوانلار. اوخوما، سئوگیلیم، بو بایاتیلاری اوخوما، یئتر. گلیر خاطیریمه آیلی آخشاملاردا تۆفنگین قونداغی اۆسته شئعر یازیب سحر آتیشماسیندان قاباق بیر داشین اۆستونه قالخیب اونو دوستلاریما اوخودوغوم گۆنلر. دۆشور یادیما ایکی جبهه دوستوم – تۆفنگیم، آتیم. بیری نغمه‌م کیمی آلوولو ایدی، بیری جیلووسوز خیالیم، اوچان قانادیم. گلیر خاطیریمه تبریزه دؤنرکن جبهه‌دن اۆچ گۆنلوک یولو بیر گئجه-گۆندوزده کئچدیگیم، گئجه بایاتی دئییب، گۆندوز بارداقلاردان آیران ایچدیگیم گۆنلر... گلیر خاطیرینه یقین کی، سنین ده اونوتمامیسانسا اگر، یئنیجه دؤنموشدوم جبهه‌دن، سردار خیابانیندا بیر سحر اۆز-اۆزه گلدیک. سن گۆلومسه‌یه‌رک بیر منه باخدین، بیر ده پالتاریما. سونرا جدی حال آلیب قاش-قاباغینی تؤکدون، توققانی دۆزلدیب نیظامی کؤینگی‌نین اتگی‌نی چکدین، بیر عسگر کیمی سلاملادین منی. من سؽخارکن الینی، دئدین: «بوینونا ساریلاردیم خیابان اولماسایدی اگر» یادیندامی سئوگیلیم. بیر عسگر افسرله یاناشی گئتدی حربی قرارگاها قدر... سئوگیلیم، اؽندی سن بئشیک باشیندا لایلا چالیرسان، کؤرپه خومارلانیر یاتاقدا. منده تک بیر اوتاقدا یامان داریخیرام، یامان گلیر خاطیریمه، او زامان تبریز خیابانلاری‌نی کئچیب «شاعیرلر مجلیسی»نه قوشا گئتدیگیمیز گۆنلر. گلیر خاطیریمه، هر سحر گئجه یازدیغیم شئعری میکروفون قاباغیندا اوخویارکن من، «آذربایجان»دا چؽخاردی سنین نغمه‌ن، سئوگیلیم، بیز اوزون ایللرین سؽناغیندان کئچیب گلن، حیاتین آغلی-قارالی گۆنلری‌نی گؤرن، بیر مسلک اوغروندا ووروشوب، بیر حیاتا نغمه قوشوب، یاشامیشیق. اۆزوموز آغ، آلنیمیز آچیق. سئوگیلیم، سن دۆنن جبهه دوستوم، قلم یولداشیم ایدین، بو گۆن حیات یولداشیم اولموسان آرتیق، سن، تۆفنگی آتیب بیر یانا کئشیک باشیندان کئچیب لایلای چالیرسان اوغلونا. بیلیرم، سن اونوتمامیسان ایلک عهدینی، اؽلک ایلقارینی جبهه‌ده اؤلن ایگیدلرین یئرینه بؤیودورسن آرازینی، اعتیبارینی. سئوگیلیم، اوخو! شن ماهنیلار اوخو! قوی داها مؤحکم گورلاسین نغمه‌ن! اوخو، سئوگیلیم، ائله اوخو، قوی بیلسینلر کی، فدایی اولدوغونو اونوتمامیسان سن. #بالاش_آذراوغلو #باکی_۱۹۵۶ #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 اوزاق ایللر یاخین گؤیده مهریبان آی یاریسی‌نین دالیسینجا دوْلاناندا، بالیقلی چای قیراغیندا بالابان چالینان ایللر آغزیمداکی ساققیز سئوینج، جیبیمده کی بئش قیرانلیق امنیتیم یاری گئجه اۆستۆمۆ باسدیران اَللر سیگار ایییلن قاریشان عاطفه یدی نه آغزیمدا ساققیزیم وار، نه جیبیمده امنیتیم، نه محبت اییلی یوْرقان چای ایچینده قان ایچیلیر میندار قوشلار دیمدیگینده. قاش - قاباقلی اوزاق گؤیده آی کیچیلیر، بایقوش اوْوولتوسو گلیر ✍ #حمیده_رئیس_زاده‌ #سحر #ایمگه‌لر_کانالی ✔️✔️✔️ 👇👇👇 https://telegram.me/imgalar

«#سانجاق»، سیاسی- اجتماعی مهد تمدن گۆنده‌لیگی‌نین ۲۸۶۰. سایێنداکی تۆرکجه صفحه‌ «مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر. @SancaqDergisi @MuncuqAz

💢💢💢 ایچیمده‌ بیر‌ آراز‌ آددیملاییر #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 قَد‌ اَنارَ العِشق‌ُ لِلعُشاق‌ِ مِنهاج‌َ الهُدا سالیک‌ـ ی راه‌‌ـ ی حقیقت‌، عئشقه‌ ائیلر‌ ایقتیدا‌ ✍ #فضولی #ایمگه‌لر_کانالی ✔️✔️✔️ 👇👇👇 https://telegram.me/imgalar

‌💢💢💢 «آنام نصیبه، قیزیم نصیبه» یوخودا آغلاییب گورولسن بوگون آی قیزیم نگران قویموسان بیزی سن گؤزل باکی‌نی یوخودا گؤردو، یوخسا حبس اولونموش آنا تبریزی؟ گؤزو قاماشدیریر دیشی‌نین آغی یاناغین شیروانین آغ پامبیغی‌دیر آراز قونداغی‌نین قیرمیزی باغی گؤی-گؤل بَلَـگی‌نین گؤز مونجوغودور ایکی وطن اولوب بیر خالقیمیزدان ایکی سرحد اولوب وطنه بیر چای ائله گولمه‌لیسن دانیشمالیسان! نه اوتای اینجیسین نه‌ده کی بوتای من بیر گوللـه‌یدیم تفنگه دولدوم هدفه دَگمه‌دیم چیخدیم هدفدن آرازین ایچینده بیر آدا اولدوم نه او طرفدَ‌نـم نه بو طرفدن هم او طرفدَ‌نـم هم بو طرفدن بوی آت کؤرپه بالام قوووش وطنه عؤمرونو اوتایا بوتایا باغلا قیزیم نه وئرسه‌لر بوتایدا سنه گؤتور اوتاییندا پایینی ساخلا قیزیم مهندس اوْل، سو مهندسی دنیا چایلارینی آرازا ایچیرت یاخشی سئچ دنیادا یاخشینی پیسی آرازی جُلفادان، سالیاندان دَگیل آرازی زنجاندان، قزویندن گئچیرت اورتادان آچیلمیش کتاب کیمی‌دیر باخیر آستارالار سرحد تیرینه سؤیکه‌نیر جُلفالار سرحد تیرینه منیم قوللاریمی اینه ساپ ائدین تیکین آستارانی بیر- بیرینه چایلاری یوللاری اینه ساپ ائدین تیکین جُلفالاری بیر- بیرینه صاباح سن وطنه گئتمک ایسته‌سن گرک نه اجازه نه ایذین اولسون خَلقین بیرلشمه‌سی ائله ایندیدن قیزیم قوی گلینلیک جهیزین اولسون ✍#سهراب_طاهیر Bakı / 1969 #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 🔷 اسامی فامیل‌های نزدیک و دور به #تورکی_آذربایجانی مادر: آنا ana مادر زن، مادر شوهر: قایین آنا qayın ana نامادری: آنالیق analıq پدر: آتا ata پدر زن، پدر شوهر: قایین آتا qayın ata ناپدری: آتالیق atalıq پدربزرگ: بابا baba مادربزرگ: ننه nənə برادر: قارداش qardaş برادر زن، برادر شوهر: قایین qayın برادر ناتنی: اؤیگه قارداش öygə qardaş پسر برادر: قارداش اوغلو qardaş oğlu دختر برادر: قارداش قیزی qardaş qızı خواهر: باجی bacı خواهر زن، خواهر شوهر: بالدیز baldız خواهر ناتنی: اؤیگه باجی öygə bacı پسر خواهر: باجی اوغلو bacı oğlu دختر خواهر: باجی قیزی bacı qızı داماد: کوره کن kürəkən داماد بزرگتر: یئزنه yeznə عروس: گلین gəlin عمو: əmi زن عمو: عمی آروادی əmi arvadı پسر عمو: عمی اوغلو əmi oğlu دختر عمو: عمی قیزی əmi qızı عمه: بی‌بی bibi شوهر عمه: بی‌بی اَری bibi əri پسر عمه: بی‌بی اوغلو bibi oğlu دختر عمه: بی‌بی قیزی bibi qızı دایی: dayı زن دایی: دایی آروادی dayı arvadı پسر دایی: dayı oğlu دختر دایی: dayı qızı خاله: دایزا dayza شوهر خاله: دایزا اَری dayza əri پسر خاله: اوغلو dayı oğlu دختر خاله: دایی قیزی dayı qızı مرد: کیشی kişi پیر مرد: قوجا کیشی qoca kişi زن: آروات ,قادین arvat پیر زن: قوْجا آروات qoca arvat شوهر: اَر ər شوهر خواهر زن: باجاناق bacanaq پسر: اوْغلان oğlan دختر: قیز qız بچه: اوشاق uşaq نوزاد: ببه ,کؤرپه bəbə, دوقلو: ائکیز ekiz ریش سفید: آغ ساققال ağ saqqal گیسو سفید: آغ بیرچک ağ birçək همسایه: قوْنشو qonşu ✍#ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 اؤز ایشیغینا گۆوه‌نن؛ باشقاسی‌نین پارلاماسیندان راحات‌سیزلیق حیس ائتمز. ✍#ویکتور_هوگو #ایمگه‌لر_کانالی ✔️✔️✔️ 👇👇👇 @imgalar

💢💢💢 #گل_آنا! یاشام پوزغون اولوب آنا بوتون آنی‌لاریمیز پوزغون هر ایشیمیز پوزغون یادیندامی؟ رؤیالاریمدا دئمیشدین: بورا زنگ ائتمه ناگومانا بوردا آنتن وئرمَز تئلفون‌لار بوردا کیمسه دستک گؤتورمَز ایندیسه بیز اؤلمه‌میش اؤلوم یاشاییریق آنا؛ آنتن وئرمیر بارماق‌لاریمیز هرگون دووارلار قالین‌لاشیر قارشیمیزدا قارانلیق گئت-گئده قاتیلاشیر ها دابانیمیزی قووزاییریق دووارلار بیزدن اوجاراق دورور کیم ایدی یئر اوزو بیر کوره‌سل کنددیر دئییردی؟! بیز کی بو کندین یام-یاشیل آخار-باخارینا تامارزی باخیریق هله‌ده و یئر اوزونون کوره‌سل‌لشمه شنلیک کارناوالینا حسرتلی گـَل آنا قیزین قوربان سنه گَـل قادین سسی ایله؛ آنا سسی ایله؛ چاغیر اینسانلیغی هاراییمیزا؛ دئنن: من بالاما چؤرکلی، گولوشلو و اؤزگور دونیا آرزولامیشدیم گَـل آنا؛ یئر کوره‌سی قیزمالی‌دیر بیزیم خریطه‌ده؛ ساییقلاییر یامان؛ گَل آیاق‌لارینی سووا قوی؛ آلنینا نَملی مندیل سَر قیزماسینی آل سن یاخشی باجاریرسان بونلاری دانیش منه آنا؛ دئه منه وطن؛ کوبود یومروق‌لار آغزیما توشلانمیش بو من؛ آغزی تیلت قانلی؛ بو یئرین هاراسیندا دورموشام وطن؟! گـَل آنا؛ گَـل اینسانلیغی چاغیر هاراییمیزا ائشیدرلر یقین؛ آنالار دونیانین هر بیر یئرینده سایغیلی‌دیرلار آنالار اینسانلارین اورتاق دیلی‌دیرلر. ✍#سحر_خیاوی #ایمگه‌لر_کانالی ✔️✔️✔️ 👇👇👇 https://telegram.me/imgalar

💢💢💢 گئجه‌دیر، باخ گئجه‌دیر. بیر ایستی گۆنودور، گۆنش وورموشدو باشیم لاپ شیشمیشدی. مین اۆچ یۆز اللی سکگیزایدی. تهران شهرینده، بیلیم‌یورد قاباغیندا باغلی کتاب‌خانالارا باخا-باخا گئدیردیم. بیردن گؤزۆم قورو آرخدا پارالانمیش کتاب‌لارا ساتاشدی. قوْرخو تری منی باسدی. بیر آددیم گئتدیم، دوردوم، قاییتدیم،هئچ بیلمه‌دیم ناواخت #صمدین بو کتابینی او پارالانمیش، آرخا آتیلمیش کتاب‌لارین آراسیندا سئچیب، تز کؤینگیمین آلتینا باسدیم، یئل کیمین اوردان اوزاقلاشدیم، او گوندن بو کتاب منده‌ وار. قوْرخودا #صمدی مندن آلانمادی. صمد کؤنلومده‌دیر اۆره‌گیمده‌دیر @bizimdil #ایمگه‌لر_کانالی ✔️✔️✔️ 👇👇👇 @imgalar

💢💢💢 🔷 بایاتی‌لار ✍ شاعر: #زهرا_فردی - ساچلی   گۆنش سنین ،آی سنین، سو نغمه‌لی چای سنین. پاییز منـــــیم بسیم‌دیر، بنؤوشـه‌لی یای سنین. سو گلر چای دولانار، ایل کئچر، آی دولانار. شاعرین باخ شعرینه، دۆنیا وار پای دولانار. دومان آلدی داغ‌لاری، چیچک‌لندی باغ‌لاری. یول‌لارینی گؤل آلیب، گاه سوْلو ،گاه ساغ‌لاری. باهار گلیب سهنده، گۆل سۆنبولو أڲنده. بایاتینی یازاندا، سیز شهره،من کنده.   باغچالارین یاغیشی، گۆل - چیچکلی ناخیشی. بایاتی اوخویانلار، یۆز یاشاسین باخیشی. آرازیم گؤزو دوْلو، اۆره‌کده سؤزو دوْلو. داغ‌لارا یاز گلنده، چیچک‌له دۆزو دوْلو. باهارین نفسی‌یم، بۆلبولون اؤز سسی‌یم. دره‌لرین اوزونو، آخار چای نغمه‌سی‌یم. عزیزینم باغ اولا، یاشیل دوْندا داغ اولا. بایاتی‌لار یازاندا، یاغیش یاغان چاغ اولا قارداش ائلین آدی دیر، محبتین دادی دیر. باجی‌سی اولان بیلر، باجی، آنا یادی دیر. قارداش آتا سؤزودور، آنالارین گؤزودور. باجی‌لارین اۆره‌ڲـی، ایکـــــی دۆنیا اؤزودور. قارداش اۆره‌ک دیره‌ڲـی، دادلی‌دیردوز-چؤره‌ڲـی. گۆزه‌ل‌لرین ایچینده، باجی گؤیلر مله‌ڲـی. قارداش باغین- باخچانین، گۆلوش‌لری آخچانین. باجی‌نین ال ایشلری، گؤزلرینده تاخچانین. بو داغین بره‌سینده، چیچک‌له تره‌سینده. یاد اوْوچولار گؤزو وار، کهلیک‌ین فره‌سینده. هاوا دولوب دومانا، اۆره‌ک گلیب گۆمانا. فلک اؤزو آغلادی، بیزه چاتان زامانا. من عاشێق یارا داغ‌لار، سئللری سارا داغ‌لار. هر گلن دؤولت گزر، باغلانماز وارا داغ‌لار. منیم بالام خالێ وار، باشیندا آغ شالێ وار. بو اوْبانین، بو ائلین، خیاوی، خالخالێ وار. قاشیندا وسمه بالام، یولومو کسمه، بالام. گاه کۆلک، گاه دا بولود، داغ‌لاردا اسمه، بالام. بالامی بال دئییرلر، یاناق‌دا خال دئییرلر. گوزلیک‌ده تایی یوخ، دردینی آل دئییرلر. #ایمگه‌لر_کانالی ✔️✔️✔️ 👇👇👇 https://telegram.me/imgalar

⭕️ آدام اؤز دیلداشێنی تحقیر ائتمز!   ✍️ یازان: #منصور_فتوحی   اوْ زامان، اوْرتا مکتبده بیرینجی یاخود ایکینجی صینیفین شاگیردی‌ایدیم (پایه اوّل یا دوّم – دبیرستان دکتر بهشتی گرمی) و دیڲر هم‌محلّه‌لریمیزله بیرلیکده صینیفین سوْنونجو سێراسیندا اوْتوروردوم. اوْ گۆن ده انگلیسی درسیمیز واریدی.  رحمتلیک رسول بهشتی‌، انگلیس دیلی معلّمی‌میز، Honey Bees)  بال آرێ‌لاری) عنوانلی درسین ایچینده‌کی  شعری اوْخوماقلا مشغول‌ایدی. بو شعری: Work will be light when hands are together. Life will be bright when hearts are together We work we sing and my days are bright. … … … تأسفله معلّمین درس دئدیڲی واخت، منیم کۆره‌ڲیم ائله قاشێـنیردی کی، نه ائده‌جـڲیمی بیلمیردیم. هم ده ال چاتمایان یئرده ایدی. بو اۆزدن معلّم منه باخمایاندا بیر آز چیڲین‌لریمی سَیریتدیم. سوْل طرفیمده‌کی صنیفداشیم، «بایرام محمّدی»،  «نییه سَیریییرسن؟» - دئدی. - «کۆره‌ڲیم بَتـر قاشێنیر، الیمده چاتمێر قاشێیام» دئیه، جواب وئردیم. شینییه – شینییه «بیزیم ائوده پلاستیکی ال وار. بئل قاشێماق اۆچوندور.  ال کیمی‌ دؤرد بارماغێ دا وار، گلرسن بیزه اوْنو وئررم  قاشێیارسان» - دئدی. - «ایت جهنّمه ائ، سن ده سؤز تاپدێن دا دانێشماغا!!» دئیه‌رک، اوْنا آجێقلاندیم. آما بیزیم دانێشیغیمیزی بایرام‌ێن سوْل طرفینده اوْتوران «شَکور» ده ائشیتدی. شَکور، اوزون اڲری بیر اوْغلان ایدی. چوْخ دا دیللی – باشلی ایدی. اوْنو – بونو لاغ ائتمکده ده کیمسه اوْنون توْزونا چاتا بیلمزدی. اوزون سؤزۆن قێساسی «یئته‌نه یئتردی، یئتمه‌یه‌نه ده بیر داش آتاردێ.» ائولری ده تخمیناً ایکی یۆز متر بیزیم ائودن آشاغێدایدی. آما هم‌محلّه اوْلدوغوموزا باخمایاراق مدرسه‌نین حیطینده‌کی آغاجێ پنجره‌دن گؤستریب، «آقادان اجازه آل، گئد کۆره‌ڲینی اوْ آغاجا سۆرت» - دئدی. اوْنون بو سؤزۆیله سوْن سێرادا اوْتوران اوشاقلارێن هامێسینی گۆلمک توتدو. رحمتلیک آقای بهشتی ده اوْنلارێن گۆلدۆڲونو گؤرۆب، «سیز اوْردا نه تاپێـبسوز؟» - دئدی. - «آقا بیلمیرم بونلار نه‌یه گۆلورلر، آما منیم بئلیم آغریێیر. کلاسدا اوْتورا بیلمیرم. اجازه وئرسن حیطه چێخیم. او حیطده‌کی آغاجدان ساللاشێـب، بیر – ایکی دفعه بارفیکس گئتسم توْختار.» دئیه، جواب وئردیم. - «نه بیلیرسن آغاجدان ساللاشسان توْختار؟» دئیه، سوْروشدو. - «آقا دۆنن بیز فرش یویوردوق، یوواندان سوْنرا سویو آخا – آخا گؤتۆروب، دیوارین اۆستونه سَردیک. اوْ واختدان بویانا بئلیم آغریێـیر. ظنّ ائدیرم بئلیمین مهره‌سی ترپه‌نیب، آغاجدان ساللاشسام یئرینه قایێدار توْختار.» دئدیم. اوْ دا «گئت دا، نه دئییرم، گئت ساللاش!» - دئدی. من ده آیاغا قالخێب، عیناً «شَکور»ون دده‌سی کیمی بئلیمی اڲدیم و عینی اوْنون کیمی یئریییب، قاپێ‌یا طرف گئتدیم. کلاس‌دا «شکور»ون آتاسێنی تانێـیان هر کسی گۆلمک توتدو. چۆنکی بیلیردیلر کیمی یانسێلاییرام. حتی بعضی‌لری ده اڲیلیب، «شکور»ون اۆزونه باخێردی. آرا – سێرا من ده دؤنۆب، شکورا باخێردیم. حتی بیر کره‌ده آقای بهشتی‌‌نین نه ائتدیڲینی گؤرمک اۆچون اوْنا طرف اۆزومو چئویریب، «آقا بلکه ده قێـمیج اوْلموشام!» - دئدیم. اوْ دا «یاخشێ، تئز ترپن» – دئییب، پنجره‌یه طرف دؤندۆ و حیطه باخماق بهانه‌سیله، گۆلومسه‌دیڲینی بیزدن گیزله‌مـڲه چالێشدی. آخێ، اوْ دا بیلیردی کیمی یانسێلاییرام. من ده قاپێ‌دان چێخاندا شکورا بیر گؤز قێـرپیب، «بئلیمی آغاجا سۆرتمه‌ڲه گئدیرم!» - دئدیم. آرتێـق کۆره‌ڲیمین قاشێنماسیندان دا خبر یوْخیدی. قاچا – قاچا گئدیب، سالوْندان ائشیڲه چێخدیم، آما آغاجا یاخێنلاشاندا یئنه‌ ده اوْمباسێ اڲری آدام کیمی یئریییردیم. و حقیقتاً بئلی آغرێیان آدام کیمی، چتینلیکله اؤزۆمو آغاجا یئتیریب، کلاسین پنجره‌سینه باخا – باخا آغاجێن بیر بوداغێندان یاپێـشیب، ساللاشدێم. بئش – آلتێ دفعه ده بارفیکس گئتدیم. سوْنرا آیاقلارێمی یئره قوْیوب، بیر – ایکی کره ده اڲیلیب، دۆزلدیم. سوْنوندا دا دۆز – دۆز یئریییب، کلاسا گلدیم. اوْ گۆندن سوْنرا شکور بیر – ایکی هفته منیمله دانێشمادی. آما خرداد امتحانێنا یاخێن، بایرام بیزی بارێشدیردی. آخێ بیز اوْ جاهیل چاغێمیزدا، اؤن سێـرالاردا اوْتوران اوْ دیلسیز – آغێزسیز کند اوشاقلارێـنی سریێـیب، گۆلردیلر. اؤزۆموزو یوْخ! شکور حدّینی آشمێشدی. هم ده ملّی دۆشونجه‌دن ده چوْخ کاسیب ایدیک. اؤز کندلی‌لریمیزین لهجه‌سینی لاغ ائدیردیک. آنلامێردیق کی، انسان اؤز ملّتینی، اؤز کندلی‌لرینی، اؤز دیلداشلارێـنی مسخره ائتمز. هم ده بۆتون شهرلر و کندلریمیزین لهجه‌سی، ائله بیزیم دیلین لهجه‌سی‌دیر. و چوْخ دا گؤزلدیر. جاهیل ایدیک دَه. جاهیل! آما «شکور»ون حقّی ایدی.   ۱۴۰۴/۲/۱۹   @SancaqDergisi https://t.me/Sancaq_media/8472

‍ ‍ ‍ 💢💢💢 🔷هاوادا لال دۇمان، هاوادا لال چَن دام باجا قاپسانمیٛش، حالوا ایییندن اوْجاغێن اۆستونده اؤلۆم بوغلایێر هاوادا لال دومان، هاوادا لال چن آه بیر یـتیم بولود زار زار آغلایێر آرزوم اله دۆشر آیاغا دۆشر دئدی، بئش‌آددێمی بیر آددێملادی "بیردن أریم اؤزگه سوْراغا دۆشر نئیلیم کی دالێمجا گلن اوْلمادێ" اوْ اؤزۆ قایێتدی سس‌سیز سمیرسیز آخێ آرزو قێزی یادێنا دۆشدو سحر گؤردۆلر کی هر یئر تر تمیز هر طرف سولانێب سۆپورولموشدو أل آتدی باغچادان بیر چیچک اۆزدو اوْنو گۆله گۆله، تئلینه تاخدێ بیرده شیرین شیرین شریتی سۆزدو بیرده شیرین شیرین چینارا باخدێ یوخویا وئرمیشدی آتا، آنانێ هامێدان خبرسیز چێخیب گلمیشدی اؤزۆنون بیلمیشدی اوْ آستانانێ دالێجا کؤرپۆنو یێخیب گلمیشدی آستانا شیریندی گۆلدو آغلادێ چَرقتله گؤزۆنون یاشێنی سیلدی! اوْ آچان قاپێنی طالع باغلادێ أر اوْنو ائوینه قوْیان دئییلدی! «بو گۆنو قال، صاباح دور ایتیل» - دئدی «ساخلایان دئییلم، بونو بیل» - دئدی حسرت اۆره‌یی‌نین ساپاغێن اۆزدو گئجه‌نین یارێسی حیطه آخدێ بیرده آجێ آجێ، شریتی سۆزدو بیرده آجێ آجێ چینارا باخدێ سئودا ساچلارێنی دارایێر پایێز اوْجاغێن اۆستونده اؤلۆم بۇغلایێر! آه بیر یـتیم آرزو، آه بیر یـتیم قێز قاپێ‌نین دالێندا زار زار آغلایێر ✍#استاد_نادر_الهی #ایمگه‌لر_کانالی ✔️✔️✔️ 👇👇👇 https://telegram.me/imgalar