JDPU | Rasmiy kanal

#FOTOJAMLANMA_ "Dolzarb 90 kun" dasturi doirasida Jizzax davlat pedagogika universiteti tomonidan 34-sonli maktabda tashkil etilgan ma'naviy-ma'rifiy va musiqiy tadbirdan yorqin lavhalar.

#Dolzarb_90_kun_ Jizzax davlat pedagogika universiteti jamoasi Sharof Rashidov tumanidagi 34-sonli maktabda boʻlishdi "Payshanba – yoshlar kuni"ga bagʻishlangan tadbirda oʻquvchilar oʻrtasida kitobxonlik va sheʼrxonlik tanlovlari, qiziqarli interaktiv oʻyinlar tashkil etildi. Faol yoshlar universitet rektori sovgʻasi badiiy kitoblar bilan taqdirlandilar. Universitet ijodkorlari tomonidan tayyorlangan musiqiy chiqishlar barchaga koʻtarinki kayfiyat ulashdi.

#JDPU #YozniUniversitetBilan #Kitobxonlik «Yozni universitet bilan» loyihasi doirasida intellektual bellashuv bo‘lib o‘tdi Universitetning «Kitobxon talabalar klubi» a’zolari uchun «Uyg‘onish: Imom al-Buxoriy» kitobi asosida maxsus test sinovlari tashkil etildi. Zamonaviy axborot texnologiyalari imkoniyatlaridan foydalangan holda, Kahoot elektron platformasi orqali o‘tkazilgan ushbu raqamli bahsda 100 dan ortiq kitobxon talabalar ishtirok etib, o‘z bilim va tezkorliklarini sinovdan o‘tkazdilar.

2-iyul – O‘zbekiston Respublikasi Davlat gerbi qabul qilingan kun! 🇺🇿 Bugun jonajon Vatanimiz mustaqilligi, xalqimizning asriy orzu-armonlari, milliy qadriyatlarimiz hamda buyuk kelajagimiz timsoli bo‘lgan O‘zbekiston Respublikasi Davlat gerbi qabul qilinganiga 34 yil to‘ldi.

POKISTONDA STAJIROVKA O‘TASH UCHUN NUST DASTURI E’LON QILINDI! 🇵🇰 🎓 Pokiston Islom Respublikasining yetakchi oliy ta’lim muassasasi — Fan va texnologiyalar milliy universiteti (NUST) , O‘zbekistonlik talabalar uchun “NUST Internship Program for International Students” (NIPIS) 2026 stajirovka dasturiga qabul boshlandi! 🌍 Dastur doirasida: ✅ Ilmiy-tadqiqot loyihalarida ishtirok etish ✅NUST professor-o‘qituvchilari bilan ishlash ✅ Zamonaviy laboratoriyalardan foydalanish ✅Sanoat korxonalariga tashriflar ✅ Madaniy almashinuv tadbirlarida qatnashish imkoniyati mavjud. ⏳ Dastur davomiyligi: 4 hafta 💰 NUST tomonidan: ✅Bepul turar joy ✅ Bepul ovqatlanish ✅ Ilmiy mentorlik ✅ Laboratoriya va tadqiqot infratuzilmasidan foydalanish ✅ Madaniy va logistika ko‘magi taqdim etiladi. 📥 Ma'lumot uchun: https://nust.edu.pk/

#Dolzarb_90_kun #JDPU #Maktab_va_OTM Maktablarda universitet professor-o‘qituvchilari seminar o‘tkazmoqda "Dolzarb 90 kun" dasturi doirasida Sharof Rashidov tumanidagi 34-sonli maktabda Jizzax davlat pedagogika universiteti professor-o‘qituvchilari tomonidan "Ta’lim jarayonida raqamli texnologiyalardan foydalanish" mavzusida seminar-trening o‘tkazildi. Unda Malayziya ta’lim tajribasiga alohida to‘xtalib o‘tildi. Shuningdek, mazkur maktabda dastur doirasida tashkil etilgan Ingliz tili to‘garagi a’zolari safi ham kun sayin kengayib bormoqda. 🔹JDPU axborot xizmati.

#TAYINLOV_ Jizzaxda Fortepiano ijrochiligi ijodiy birlashmasi tashkil etildi Prezidentimizning joriy yil 2-iyundagi PF-103-sonli Farmoni ijrosini ta’minlash maqsadida, viloyatimizda madaniyat va san’at yo‘nalishlari bo‘yicha ijodiy birlashmalar faoliyati yo‘lga qo‘yildi. Fortepiano ijrochiligi ijodiy birlashmasi rahbari etib Jizzax davlat pedagogika universiteti Iqtidorli talabalarning ilmiy-tadqiqot faoliyatini tashkil etish bo‘limi boshlig‘i Abdurazzoqova Mehribon Jaloliddin qizi tayinlandi. Ushbu yangi tuzilma viloyatimizda fortepiano ijrochiligi maktabini rivojlantirish hamda iqtidorli yoshlarning xalqaro maydonlardagi yutuqlarini kengaytirishga xizmat qiladi. 🔹JDPU axborot xizmati.

⚡️ Rasman: 1-iyuldan pensiya va nafaqalar, 1-sentyabrdan ish haqi va stipendiyalar miqdori oshiriladi

Prezidentning tegishli farmoniga ko‘ra, ijtimoiy to‘lovlar va ish haqi miqdorlari bosqichma-bosqich 7 foizga oshiriladi. 🗓 2026-yil 1-iyuldan boshlab: Yoshga doir eng kam pensiya — oyiga 983 ming so‘m; Nogironlik pensiyasining eng kam miqdori — 1 mln 83 ming so‘m; Pensiyani hisoblashning bazaviy miqdori — 504 ming so‘m; Kam ta’minlangan oilalarga moddiy yordam — 450 ming so‘m. Bolalar nafaqasi (Ijtimoiy reyestrdagi oilalar uchun): 3 yoshgacha bo‘lgan 1-farzand uchun — 386 ming so‘m; 3 yoshdan 18 yoshgacha bo‘lgan 1-farzand uchun — 295 ming so‘m; 2-farzand uchun qo‘shimcha — 177 ming so‘m; 3- va undan keyingi har bir farzand uchun — 118 ming so‘m. 🗓 2026-yil 1-sentyabrdan boshlab: Byudjet tashkilotlari xodimlarining ish haqi va stipendiyalar ham 7 foizga oshiriladi; Mehnatga haq to‘lashning eng kam miqdori (MHTEKM) — 1 mln 360 ming so‘m; Bazaviy hisoblash miqdori (BHM) — 440 ming so‘m etib belgilanadi.

📌Ma’lumot uchun: Oshirilish bilan bog‘liq xarajatlar Davlat byudjeti hamda Byudjetdan tashqari Pensiya jamg‘armasi mablag‘lari hisobidan qoplanadi. 🔹JDPU axborot xizmati.

#Tanlov #JDPUYAngiliklari DIQQAT, TANLOV! PROFESSOR-O‘QITUVCHILAR DIQQATIGA! Jizzax davlat pedagogika universiteti rektori tashabbusi bilan yozgi ta’til davrida professor-o‘qituvchilar o‘rtasida 10 ta muhim yo‘nalishda masofaviy tanlovlar tashkil etilmoqda.

Mukofot jamg‘armasi (har bir yo‘nalish uchun): I o‘rin – 10 000 000 so‘m II o‘rin – 8 000 000 so‘m III o‘rin – 5 000 000 so‘m Qo‘shimcha ravishda, 1-o‘rin g‘oliblariga xorijiy xizmat safarlariga borishda ustuvorlik beriladi. Muhim muddatlar: 10-iyulga qadar – Ro‘yxatdan o‘tish 20-avgustga qadar – Materiallarni topshirish

🔗 Kerakli havolalar: Ro‘yxatdan o‘tish (Google Forms) Tanlov Nizomi bilan tanishish (Telegraf) ➡️ Ilmiy va ijodiy salohiyatingizni ko‘rsatish imkoniyatini boy bermang! Barchaga omad tilaymiz!

Bugun magistratura mutaxassisliklariga hujjatlar qabuli boshlandi Magistratura mutaxassisliklariga qabul har yili 1-iyuldan 30-iyulgacha (shu kuni ham) davom etadi. Talabgorlar my.edu.uz platformasi orqali onlayn ro‘yxatdan o‘tib, hujjat topshirishlari mumkin.   📌Amaldagi tartibga ko‘ra, magistratura bosqichiga hujjat topshirishda quyidagi hujjatlar talab etiladi: ➖oliy ma’lumot to‘g‘risidagi hujjat (diplom) yoki diplomdan ko‘chirma hamda uning ilovasi; ➖xorijiy tilni bilish darajasini tasdiqlovchi milliy yoki xalqaro sertifikat.   🔹Magistratura qabulida xorijiy til sertifikati darajasi yo‘nalishga qarab B1, B2 yoki C1 etib belgilangan hamda ayrim toifadagi abituriyentlarga imtiyozlar qo‘llaniladi. ⏺College Board tashkiloti tomonidan o‘tkaziladigan SAT xalqaro imtihonida eng yuqori ballning 75 foizi — 1200 ball va undan yuqori natija qayd etgan hamda tamomlagan bakalavriat ta’lim yo‘nalishiga mos va turdosh magistratura mutaxassisliklariga hujjat topshirayotgan talabgorlar qo‘shimcha davlat granti asosida o‘qishga qabul qilinadi. ⏺Shu bilan birga, ko‘rish, eshitish va nutqida nuqsoni bo‘yicha I va II guruh nogironligi bo‘lgan shaxslar magistraturaga qabul qilinishda xorijiy til sertifikatini taqdim etishi shart emas. Batafsil ma'lumot bilan bu yerda tanishishingiz mumkin: https://talimxabarlari.uz/74270/

JDPU mentorlari olib borilayotgan ishlar sarhisoblarini "Subhidam " musiqiy dam olish dasturi orqali amalga oshirishdi.

Bugun mamlakatimizda Yoshlar kuni munosabati bilan Prezidentimizning yoshlar bilan uchrashuvi bo‘lib o‘tdi. Muloqot davomida Yangi O‘zbekiston poydevorini yaratishga qaratilgan eng muhim va strategik tashabbuslar ilgari surildi. Batafsil

#YoshlarKuni Prezident Shavkat Mirziyoyev 30-iyun – Yoshlar kuni munosabati bilan yoshlar bilan uchrashuv oʻtkazdi.

Bizni kuzating

Facebook | Instagram | YouTube | Telegram

Bugun narkotik va psixotrop moddalar bilan bog‘liq jinoyatlar aholi genofondiga katta tahdid solyapti. Bunday jinoyatlarning uchdan biri yoshlar tomonidan sodir etilayotgani esa juda xavotirli. Shu bois, O‘zbekistonda giyohvandlik va narkojinoyatlarga qarshi kurashish masalasi umummilliy harakatga aylantirilib, barcha kuch va vositalar safarbar qilinmoqda. Yaqinda ushbu jinoyatlarga nisbatan javobgarlikni keskin kuchaytirish bo‘yicha qonun qabul qilindi.

“Bu illatni yoshlarimiz orasida ildiz otishiga aslo yo‘l qo‘ymaymiz, buni tag-tomiri bilan quritmaguncha to‘xtamaymiz. Giyohvandlik insonning eng qimmatli boyligi – sog‘lig‘i, aql-irodasi, orzu-maqsadlaridan ayiradi. Unutmang! Hayot insonga bir marta beriladi. Bunday illatlarga nisbatan murosasiz bo‘ling, umrning har bir daqiqasini ezgu ishlarga sarflang!”

– deya yoshlarga murojaat qildi Prezidentimiz. Davlatimiz rahbari ota-onalarga yuzlanib, farzand oilada kamol topishi, voyaga yetishi, uning yorqin kelajagi uchun mustahkam poydevorni, eng avvalo, ota-onalar yaratishini ta’kidladi. Ularni kun sayin o‘zgarib borayotgan o‘ta nozik sharoitda farzand tarbiyasiga har qachongidan ham e’tiborli bo‘lishga, mas’uliyat bilan qarashga chaqirdi.

Bizni kuzating

Facebook | Instagram | YouTube | Telegram

Endilikda AT va sun’iy intellekt sohalari uchun kadr tayyorlaydigan oliygohlarning 3-kurs talabalari AT parkda “dual ta’lim” asosida o‘qishni davom ettiradi. Mazkur yo‘nalishlardagi iqtidorli talabalar uchun “Muhammad al-Xorazmiy” nomidagi davlat stipendiyasi joriy etiladi. Iqtidorli qizlar uchun muhandislik, axborot texnologiyalari va sun’iy intellekt yo‘nalishlari bo‘yicha “Muhandis qizlar” stipendiyasi ta’sis etiladi. Yangi o‘quv yilidan to‘lanadigan ushbu stipendiyalar xususiy oliygoh talabalariga ham beriladi. Bugungi kunda kimyo, biologiya, fizika, matematika va informatika fanlari bo‘yicha nufuzli xalqaro olimpiadalar g‘oliblari 1 milliard so‘m, ustozlari 200 million so‘m mukofot olmoqda. Endi bu rag‘bat sun’iy intellekt bo‘yicha xalqaro olimpiada g‘oliblariga ham tatbiq etiladi.

Bizni kuzating

Facebook | Instagram | YouTube | Telegram

“Raqamli hukumat” markazida birinchi superkompyuter klasteri ishga tushirildi. Keyingi yil klaster quvvati 3 karra oshiriladi. Joriy yilda 20 ta oliygohda sun’iy intellekt laboratoriyasi tashkil etiladi. Yoshlar tarmoq va hududdagi masalalarga sun’iy intellekt orqali yechim topishda ushbu superkompyuter va laboratoriyadan bepul foydalanadi. So‘nggi yillarda Toshkent, Nukus, Qarshi, Termiz, Urganch, Farg‘ona shaharlarida zamonaviy AT parklar ishga tushirildi. O‘tgan hafta Yangi Namanganda yana bir yirik loyihaga start berildi. Andijon, Samarqand, Jizzax, Buxoro, Guliston, Chirchiq, Nurafshon, Navoiy shaharlarida ham umumiy maydoni 100 ming kvadrat metr bo‘lgan yirik AT parklar barpo etish boshlanyapti. Bular hisobiga 20 mingdan ziyod o‘g‘il-qizlar uchun yuqori daromadli ish o‘rni yaratiladi. Shuningdek, “Mening birinchi kompyuterim” dasturi boshlanadi. Ehtiyojmand oiladagi 10 ming yoshga noutbuk olish xarajatining yarmi Raqamli texnologiyalar jamg‘armasidan qoplab beriladi, qolgan qismiga esa uch yilda bo‘lib to‘lash sharti bilan foizsiz ssuda ajratiladi.

Bizni kuzating

Facebook | Instagram | YouTube | Telegram

“Biz 2030-yilgacha iqtisodiyot hajmini 240 milliard dollardan oshirishni reja qilganmiz. Bunga erishish uchun barcha sohalarga yangi g‘oya olib kiradigan innovatsion startaplar kerak”,

– dedi davlatimiz rahbari. So‘nggi to‘qqiz yilda mahalliy startap ekotizimi 15 barobar o‘sib, 4 milliard dollardan oshdi. Venchur jamg‘armalar soni 23 taga, ularning umumiy kapitali 200 million dollarga yetdi. O‘tgan davrda 1 ming 200 dan ziyod istiqbolli startap loyihalar paydo bo‘ldi. Ayni yo‘nalishda 3 mingdan ziyod yoshlar yuqori daromad topyapti. Ushbu yo‘nalishdagi ishlar xalqaro tashkilotlar tomonidan ham e’tirof etilmoqda. “Global startap indeksi”da O‘zbekiston 31 pog‘ona ko‘tarilib, dunyoda eng tez rivojlanayotgan startap ekotizimi, “2026-yil mamlakati” deb e’lon qilingani ham buning yaqqol isbotidir. Hali bu sohada juda katta imkoniyatlar borligi ta’kidlandi. Endi har bir vazir, tarmoq rahbari va hokimlar “1 mingta masalaga – yoshlardan 1 mingta yechim” loyihasini ishga tushiradi. Bunda har bir rahbar o‘z tizimidagi dolzarb muammolarni ochiq platformada joylashtirib, eng yaxshi yechimlar uchun mukofot e’lon qiladi. Buning uchun har bir vazir va hokim kamida 10 milliard so‘mlik venchur jamg‘arma tashkil etadi. Ushbu mablag‘lar g‘oliblarni mukofotlash va 20 tadan eng yaxshi startapni g‘oyadan amaliyotgacha barcha bosqichlarni moliyalashtirishga sarflanadi. Yoshlar agentligi biznes, AT, kreativ iqtisodiyot yo‘nalishida 100 ta eng yaxshi loyihani tanlab, ularga 1 milliard so‘mgacha investitsiya kiritadi.

Bizni kuzating

Facebook | Instagram | YouTube | Telegram

📣 Bitiruvchilar diqqatiga: So‘rovnomada ishtirok eting! Iqtisodiy tadqiqotlar va islohotlar markazi tomonidan oliy ta’lim tashkilotlari bitiruvchilarining iqtisodiyot tarmoqlarida bandligini ta’minlash masalalarini o‘rganish maqsadida maxsus tadqiqot o‘tkazilmoqda. Kelajakdagi bandlik tizimini rivojlantirish va bitiruvchilarga yanada keng imkoniyatlar yaratishga qaratilgan ushbu so‘rovnomada faol ishtirok etishingizni so‘raymiz. ⏳ Muddat: Joriy yilning 30-iyun sanasiga qadar. 🔗 So‘rovnoma havolasi:

Sizning fikringiz yoshlar bandligini ta'minlash va islohotlar samoradorligini oshirishda juda muhim!