سفهتُك أكثر مما ينبغي♥✨

ما بتقدر تسد دينك .. ولو سدّيته ! 💜💜💜 الدنيا صيف زي دة .. و امتحاني للتخصص فاضل ليه فترة بسيطة شديد .. هيام صحبتي خاتاني تحت جناحا .. أقري يا سلمى .. اجتهدي يا سلمى .. خلي البكا و العوارة .. مرات لما تحن علي من قعدة المكتبة المملة تقول لي أنا ماشة اقعد في الكافيه الفلاني عندي شغل أونلاين .. ارح اقعدي معاي بدل المكتبة عشان ما تزهجي.. نمشي .. تأكل و تشرب و تجيب في الكيك و تحاسب.. الزول الوحيد اللي ممكن أقول ولا مرة خلاني أحاسب على فاتورة قط ! المهم الامتحان مصيري و سلمى لازم تبقى أخصائي و الظروف ياهو معروفة ..عندي حبة قريشات خاتاهم على جنبة ديل حق السفر و القعاد في الأردن و الفندق و الذي منه .. يعني حق الامتحان .. و ما عندي غيرم أصلا .. أصدقاء ليا اتورطو في ورطة حقيقية و كان يا يدفعو يا القانون ياخد مجراه .. ما كان في اي حل غير اديهم اللي عندي على أمل انه لي قبل الامتحان يقدرو يرجعوه .. ما حصل و فضلت في حالة الليلة و بكرة لحد ما السفر بقا بكرة .. قالو والله آسفين ما عندنا .. ما عندي غيرها .. هيام فيصل .. ضربت ليها أبكي .. حصل و حصل و روحي مارقة بالبكا .. هسي انت بتبكي ليه ! لو القراية غالباك ما تختيها في حاجات تانية ما تتوتري انت داخلة على امتحان .. حتمشي المطار كيف ؟ خالتو حتمشي معاك المطار ؟ خلاص بكرة بجي أوديك و نمشي المطار و ارجع خالتو عشان ما ترجع بي تكسي ..! و قد كان ..جابو لي القروش و سفروني و رجعو ماما البيت و وقفو عربيتي في حته فيها ضل ..! جيت من الامتحان ناجحة الحمدلله .. قالو لي تعمل امتحان الترخيص المحلي.. هيام بتخش تحجز الامتحان بالايميل حقي و تدفع قروشه و تضرب تصحيني عشان أقرا .. رغم النجاح كنت بمر بي حالة اكتئاب و استنزاف نفسي شديد.. ما يوم قلت يا هيام أنا جاياك في العيادة خلي لي خمسمية .. قالت لا .. بلقاها خاتة الألف مع بت الاستقبال لو هي في اجتماع ما يوم قالت لي انت حترجعي لي قروشي دي متين .. ولا كيف .. قد تكون ما كانت مبالغ بالنسبة ليها لأنها بت عز أساسا و عينها مليانة شديد و شافت الكرم في بيتم .. برضو لما تعرف بيوت الناس و أهاليهم .. بتعرف هم كدة ليه ! عمو فيصل و خالتو نعمات قصة تانية ..مافي ليها زاتو مساحة تكفيها .. في الجود و اللطافة و الاهتمام بي كل حاجة تخصك .. عديت الامتحان المحلي بعد جهد و خلاص دي رخصتك و هاك اشتغلي .. لما جيت أسدد ليها جيتا على استحياء كدة.. لأنه أصلا ما عارفة هي دايرة مني كم ..و هي دقيقة و مرتبة بشكل مرضي و مزعج عديل .. أنا ما بعرف زول مرتب بالشكل المزعج دة أبدا ولا دايرة أعرف .. زول ياخي برتب ورق الفواتير بالأقدمية و يختو ليك في محفظتك الفاضية .. عشان ما يضيع منك لو انت محتاج ليه .. ضغط نفسي عجيب المهم سددنا دين دكان حسين .. لكن جواي حاجة ما انطفت .. قلت خلاص إن شاء الله يحصل السمح و اقيف معاها بحس إني أحسن عرست و ولدت و قدر ما هديت حاجات .. كانت تافهة شديد لحد ما وصلت لي قناعة .. ما حتقدري تسدي الدين دة .. أدتك من قلبها و انت عايزة تدي من جيبك ! دة دين أخلاقي و الديون الأخلاقية ما بتسدد .! مهما عملت و كسرت رقبتي ، ح أفضل مدينة ليها للأبد.. وقفت معاي وقفة بنات الناس الجد و وقفت الأصحاب الجد .. ما عندي صاحبة زيها .. لأنه مافي ليها زي ما عشان القروش .. أبدا .. عشان العطاء من القلب.. بدون انتظار مقابل .. عشان المحبة و المحنة .. رغم انها شخصية جادة شديد و رسمية شديد و ما funny زاتو .. هيام بتعرف قيمة التعليم كويس .. اقري .. اعملي الماستر .. ما تقيفي على التخصص .. أمشي سافري .. ما حتلقى في حياتك ناس كتير .. قد ما تلقى خالص زول يقيف على تفاصيل نجاحك و يدعمك .. أنا بعرف يعني شنو تدفع الزول نحو انه يغير حياته .. و انك تطلعه من حتة مظلمة شديد لي مكان يقدر يشوف فيه الضوء و يختار مصيره .. أنا كنت هناك .. و بعرف قيمة الحاجة دي كويس! أما المثل اللي قائل سيد دينك سيد رقبتك .. فهو مثل صحيح .. سيد دينك سيد رقبتك ولو سدد الدين .. أخر كلمة .. في زمن ما عارفة الحصل فيه شنو .. الناس بتنهش بعض و تاكل حق بعض و تشيل منك بالنصب و الاحتيال و الاستهبال .. أنا ممتنة للقدر رغم انه لاقاني بيهم للأسف .. إلا إني ممتنة إنه عرفت السمح و الشين .. عرفت البيوت اللي ربت و البيوت اللي للأسف ودت الشارع بس .. كتر خير الأمهات اللي ربو بنات و رجال بقو لينا سند .. الباقين ..موعدنا يوم المشهد العظيم ! و اتذكر دايما .. دين المواقف ما بتسدد .. لايدرك المجد إلا سيدٌ فطن ‏لما يشق على السادات فعّالُ ‏لولا المشقةُ ساد الناسُ كلهمُ ‏الجودُ يفقر و الإقدام قتّالُ الجود يفقر و الاقدام قتال ! #محبتي_التي_تعلمون محبتي لي هيام فيصل في أستراليا البعيدة تعالي عندنا سخانة تقتل .. تعالي ضوقي الضايقنو الناس .. وحشتيني و وحشتني أيامك #سلمى_المصباح

ما بتقدر تسد دينك .. ولو سدّيته ! 💜💜💜 الدنيا صيف زي دة .. و امتحاني للتخصص فاضل ليه فترة بسيطة شديد .. هيام صحبتي خاتاني تحت جناحا .. أقري يا سلمى .. اجتهدي يا سلمى .. خلي البكا و العوارة .. مرات لما تحن علي من قعدة المكتبة المملة تقول لي أنا ماشة اقعد في الكافيه الفلاني عندي شغل أونلاين .. ارح اقعدي معاي بدل المكتبة عشان ما تزهجي.. نمشي .. تأكل و تشرب و تجيب في الكيك و تحاسب.. الزول الوحيد اللي ممكن أقول ولا مرة خلاني أحاسب على فاتورة قط ! المهم الامتحان مصيري و سلمى لازم تبقى أخصائي و الظروف ياهو معروفة ..عندي حبة قريشات خاتاهم على جنبة ديل حق السفر و القعاد في الأردن و الفندق و الذي منه .. يعني حق الامتحان .. و ما عندي غيرم أصلا .. أصدقاء ليا اتورطو في ورطة حقيقية و كان يا يدفعو يا القانون ياخد مجراه .. ما كان في اي حل غير اديهم اللي عندي على أمل انه لي قبل الامتحان يقدرو يرجعوه .. ما حصل و فضلت في حالة الليلة و بكرة لحد ما السفر بقا بكرة .. قالو والله آسفين ما عندنا .. ما عندي غيرها .. هيام فيصل .. ضربت ليها أبكي .. حصل و حصل و روحي مارقة بالبكا .. هسي انت بتبكي ليه ! لو القراية غالباك ما تختيها في حاجات تانية ما تتوتري انت داخلة على امتحان .. حتمشي المطار كيف ؟ خالتو حتمشي معاك المطار ؟ خلاص بكرة بجي أوديك و نمشي المطار و ارجع خالتو عشان ما ترجع بي تكسي ..! و قد كان ..جابو لي القروش و سفروني و رجعو ماما البيت و وقفو عربيتي في حته فيها ضل ..! جيت من الامتحان ناجحة الحمدلله .. قالو لي تعمل امتحان الترخيص المحلي.. هيام بتخش تحجز الامتحان بالايميل حقي و تدفع قروشه و تضرب تصحيني عشان أقرا .. رغم النجاح كنت بمر بي حالة اكتئاب و استنزاف نفسي شديد.. ما يوم قلت يا هيام أنا جاياك في العيادة خلي لي خمسمية .. قالت لا .. بلقاها خاتة الألف مع بت الاستقبال لو هي في اجتماع ما يوم قالت لي انت حترجعي لي قروشي دي متين .. ولا كيف .. قد تكون ما كانت مبالغ بالنسبة ليها لأنها بت عز أساسا و عينها مليانة شديد و شافت الكرم في بيتم .. برضو لما تعرف بيوت الناس و أهاليهم .. بتعرف هم كدة ليه ! عمو فيصل و خالتو نعمات قصة تانية ..مافي ليها زاتو مساحة تكفيها .. في الجود و اللطافة و الاهتمام بي كل حاجة تخصك .. عديت الامتحان المحلي بعد جهد و خلاص دي رخصتك و هاك اشتغلي .. لما جيت أسدد ليها جيتا على استحياء كدة.. لأنه أصلا ما عارفة هي دايرة مني كم ..و هي دقيقة و مرتبة بشكل مرضي و مزعج عديل .. أنا ما بعرف زول مرتب بالشكل المزعج دة أبدا ولا دايرة أعرف .. زول ياخي برتب ورق الفواتير بالأقدمية و يختو ليك في محفظتك الفاضية .. عشان ما يضيع منك لو انت محتاج ليه .. ضغط نفسي عجيب المهم سددنا دين دكان حسين .. لكن جواي حاجة ما انطفت .. قلت خلاص إن شاء الله يحصل السمح و اقيف معاها بحس إني أحسن عرست و ولدت و قدر ما هديت حاجات .. كانت تافهة شديد لحد ما وصلت لي قناعة .. ما حتقدري تسدي الدين دة .. أدتك من قلبها و انت عايزة تدي من جيبك ! دة دين أخلاقي و الديون الأخلاقية ما بتسدد .! مهما عملت و كسرت رقبتي ، ح أفضل مدينة ليها للأبد.. وقفت معاي وقفة بنات الناس الجد و وقفت الأصحاب الجد .. ما عندي صاحبة زيها .. لأنه مافي ليها زي ما عشان القروش .. أبدا .. عشان العطاء من القلب.. بدون انتظار مقابل .. عشان المحبة و المحنة .. رغم انها شخصية جادة شديد و رسمية شديد و ما funny زاتو .. هيام بتعرف قيمة التعليم كويس .. اقري .. اعملي الماستر .. ما تقيفي على التخصص .. أمشي سافري .. ما حتلقى في حياتك ناس كتير .. قد ما تلقى خالص زول يقيف على تفاصيل نجاحك و يدعمك .. أنا بعرف يعني شنو تدفع الزول نحو انه يغير حياته .. و انك تطلعه من حتة مظلمة شديد لي مكان يقدر يشوف فيه الضوء و يختار مصيره .. أنا كنت هناك .. و بعرف قيمة الحاجة دي كويس! أما المثل اللي قائل سيد دينك سيد رقبتك .. فهو مثل صحيح .. سيد دينك سيد رقبتك ولو سدد الدين .. أخر كلمة .. في زمن ما عارفة الحصل فيه شنو .. الناس بتنهش بعض و تاكل حق بعض و تشيل منك بالنصب و الاحتيال و الاستهبال .. أنا ممتنة للقدر رغم انه لاقاني بيهم للأسف .. إلا إني ممتنة إنه عرفت السمح و الشين .. عرفت البيوت اللي ربت و البيوت اللي للأسف ودت الشارع بس .. كتر خير الأمهات اللي ربو بنات و رجال بقو لينا سند .. الباقين ..موعدنا يوم المشهد العظيم ! و اتذكر دايما .. دين المواقف ما بتسدد .. لايدرك المجد إلا سيدٌ فطن ‏لما يشق على السادات فعّالُ ‏لولا المشقةُ ساد الناسُ كلهمُ ‏الجودُ يفقر و الإقدام قتّالُ الجود يفقر و الاقدام قتال ! #محبتي_التي_تعلمون محبتي لي هيام فيصل في أستراليا البعيدة تعالي عندنا سخانة تقتل .. تعالي ضوقي الضايقنو الناس .. وحشتيني و وحشتني أيامك #سلمى_المصباح

كنت اكتب نص عنه فادركت انها ضياع دقائق

اللهم نشكرك على كل م مننت به علينا❤️

أوعك تبخل على زول بي معلومة واختصر على الناس الطريق الانت مشيتوا في عشر خطوات خليهم يمشوهو في خطوة واحدة ساعد الناس بي خبرتك وتجاربك ومعرفتك؛وما تخاف نصيب زول ما بياخدوا زول تاني.. ربنا قال: "وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا" كل ما تساعد زول حاتلقى ربنا بسخر ليك خلقه من حيث لا تدري ولا تحتسب، وحينزل عليك كرمه أضعاف مضاعفة.. 💞

الزمن بيجيب حق سلامة نيّتك

يارب الا تعيدني لأيام وحدك تعلم كيف مضت الا تكسر عزيمتي ان تجعلني سيده قلبي ومشاعري لا انكسر لا أضعف أو احن لاتجعل قلبي يفر مني مره اخرى ياالله

لا يطُولُ الطَّريقُ على مُحب حَملَهُ قلبُه! _الشيخ وجدان العلي

"هناك أشياء عظيمة تحدث في مكان ما،لا يستشعر عظمتها الا الذي يدركها..نحن محظوظون لأننا نعيشها♡" #يارب_لك_الحمد🖤