سفهتُك أكثر مما ينبغي♥✨

اغلب الناس البتتعاطف معاهم لو لقت فرصه فيك ح تنتهي منك هل ده معناه م تتاعطف لا طبعا هل ده معناه تبطل إنسان كويس بمقايسك ع الاقل لا طبعا بس م تنتظر منو رد جميل لو انت شخص بتقدر تقدم من غير مقابل م تتردد في انك تساعد الاشخاص دي لكن احرص منهم قدر المستطاع لانو اغلبيتهم بحسو بنقص نتيجه لمساعدتك أو التعاطف ده بقتلهم نادرا م يحسبو جميل اصلا زمان قريت كلام سمح بيقول لا تقتل المروءه في الناس العالم بقى ساحات معارك اغلب الناس عاوزه تاكل بعض فابطلو تحكي الحكايات الكئيبة وحكايات الغدر لو لاقيت شخص طيب ولسه قادر يقدم خير م تقول ليهو ووب علي نحن كنا قبلك امانه م غدرو بينا امانه م اذونا واصلو الايد البتاكلها تعضيك م توري الجانب السئ ممكن تنصحو انو يكون حريص ضد الاستغلال لكن م تقتلو المروءه والإحسان بين الناس وآلله الناس بقت م بتصدق انو في ناس طيبه واولاد أصول بجد من كتره السيئين فكونو لطيفين بقدر م تقدرو

حتى لا يُصيبني الجنون أذكّر نفسي بأنهم عبادك يارب تفعل ما تشاء. انت مالكها ومالكنا يارب ولا نقول إلا ما يُرضيك. يارب تولَّهم وانصُرهم نصرًا عزيزا وثبّت عليهم وعلينا العقول.

ضربني وبكى سبقني واشتكى مثل سوداني

حديث مرعب «إن الغادر ينصب له لواء يوم القيامة فيقال: هذه غدرة فلان بن فلان» يعني الغدار هيتفضح على الملأ شايل علم عليه غدرته سواء خيانه او سرقه او تشويه سمعة أو أي غدرة كبيره او صغيره يمكن في الدنيا الغادر بيحط لغدرته مسميات تانيه او مبرات يسكن بيها ضميره بس يوم القايمه الموضوع منتهي والغدر هو الغدر والغدار هيتفضح على الملأ بغض النظر عن غدرته دي سماها في الدنيا إيه ولا حطلها مبرر إيه اللي ائتمنك على عرض اللي ائتمنك على سر اللي ائتمنك على مال او حتى مائتمنكش بس النعمه في فإيدة حركت فيك غيره او حقد فغدرت بيه في سيرته أو سمعته "وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا" اللي اتغدر بيه يتطمن🤍

مؤخرا لاحظت حاجه بضايق منها اني ببرر كتير ومزعجه خصوصا لو كانت اكتر من اللازم الموضوع بديتو تدريجيا من اني م ابرر حاجتين في اليوم أعملهم وم ابرر انا عملتهم ليه المصاحبني شديد ح يعرف الحاجه دي اني بحلل اي شي 😂😭 عرفت اني كنت وقت خرافي من عمري في أشياء م ليها ستين لازمه وانو البعرفك والبحبك حقيقه م محتاج انك تبرر ليهو ولو احتجت انك تبرر كتير طوالي اعرف العلاقه دي م بيرفكت بطريقه ما وهنا لازم تهدي شويه قد يكون ده م صحبك أو م حبك الحقيقي أو م شخص قريب ويستاهل رفقتك بما يكفي

الإنسان اكبر معالج لنفسه

"قَد كُنتُ أرجُو فِي حَياتي زَهرةً وَاليومَ قَلبي بِالحقولِ مَليءُ"

ما بتقدر تسد دينك .. ولو سدّيته ! 💜💜💜 الدنيا صيف زي دة .. و امتحاني للتخصص فاضل ليه فترة بسيطة شديد .. هيام صحبتي خاتاني تحت جناحا .. أقري يا سلمى .. اجتهدي يا سلمى .. خلي البكا و العوارة .. مرات لما تحن علي من قعدة المكتبة المملة تقول لي أنا ماشة اقعد في الكافيه الفلاني عندي شغل أونلاين .. ارح اقعدي معاي بدل المكتبة عشان ما تزهجي.. نمشي .. تأكل و تشرب و تجيب في الكيك و تحاسب.. الزول الوحيد اللي ممكن أقول ولا مرة خلاني أحاسب على فاتورة قط ! المهم الامتحان مصيري و سلمى لازم تبقى أخصائي و الظروف ياهو معروفة ..عندي حبة قريشات خاتاهم على جنبة ديل حق السفر و القعاد في الأردن و الفندق و الذي منه .. يعني حق الامتحان .. و ما عندي غيرم أصلا .. أصدقاء ليا اتورطو في ورطة حقيقية و كان يا يدفعو يا القانون ياخد مجراه .. ما كان في اي حل غير اديهم اللي عندي على أمل انه لي قبل الامتحان يقدرو يرجعوه .. ما حصل و فضلت في حالة الليلة و بكرة لحد ما السفر بقا بكرة .. قالو والله آسفين ما عندنا .. ما عندي غيرها .. هيام فيصل .. ضربت ليها أبكي .. حصل و حصل و روحي مارقة بالبكا .. هسي انت بتبكي ليه ! لو القراية غالباك ما تختيها في حاجات تانية ما تتوتري انت داخلة على امتحان .. حتمشي المطار كيف ؟ خالتو حتمشي معاك المطار ؟ خلاص بكرة بجي أوديك و نمشي المطار و ارجع خالتو عشان ما ترجع بي تكسي ..! و قد كان ..جابو لي القروش و سفروني و رجعو ماما البيت و وقفو عربيتي في حته فيها ضل ..! جيت من الامتحان ناجحة الحمدلله .. قالو لي تعمل امتحان الترخيص المحلي.. هيام بتخش تحجز الامتحان بالايميل حقي و تدفع قروشه و تضرب تصحيني عشان أقرا .. رغم النجاح كنت بمر بي حالة اكتئاب و استنزاف نفسي شديد.. ما يوم قلت يا هيام أنا جاياك في العيادة خلي لي خمسمية .. قالت لا .. بلقاها خاتة الألف مع بت الاستقبال لو هي في اجتماع ما يوم قالت لي انت حترجعي لي قروشي دي متين .. ولا كيف .. قد تكون ما كانت مبالغ بالنسبة ليها لأنها بت عز أساسا و عينها مليانة شديد و شافت الكرم في بيتم .. برضو لما تعرف بيوت الناس و أهاليهم .. بتعرف هم كدة ليه ! عمو فيصل و خالتو نعمات قصة تانية ..مافي ليها زاتو مساحة تكفيها .. في الجود و اللطافة و الاهتمام بي كل حاجة تخصك .. عديت الامتحان المحلي بعد جهد و خلاص دي رخصتك و هاك اشتغلي .. لما جيت أسدد ليها جيتا على استحياء كدة.. لأنه أصلا ما عارفة هي دايرة مني كم ..و هي دقيقة و مرتبة بشكل مرضي و مزعج عديل .. أنا ما بعرف زول مرتب بالشكل المزعج دة أبدا ولا دايرة أعرف .. زول ياخي برتب ورق الفواتير بالأقدمية و يختو ليك في محفظتك الفاضية .. عشان ما يضيع منك لو انت محتاج ليه .. ضغط نفسي عجيب المهم سددنا دين دكان حسين .. لكن جواي حاجة ما انطفت .. قلت خلاص إن شاء الله يحصل السمح و اقيف معاها بحس إني أحسن عرست و ولدت و قدر ما هديت حاجات .. كانت تافهة شديد لحد ما وصلت لي قناعة .. ما حتقدري تسدي الدين دة .. أدتك من قلبها و انت عايزة تدي من جيبك ! دة دين أخلاقي و الديون الأخلاقية ما بتسدد .! مهما عملت و كسرت رقبتي ، ح أفضل مدينة ليها للأبد.. وقفت معاي وقفة بنات الناس الجد و وقفت الأصحاب الجد .. ما عندي صاحبة زيها .. لأنه مافي ليها زي ما عشان القروش .. أبدا .. عشان العطاء من القلب.. بدون انتظار مقابل .. عشان المحبة و المحنة .. رغم انها شخصية جادة شديد و رسمية شديد و ما funny زاتو .. هيام بتعرف قيمة التعليم كويس .. اقري .. اعملي الماستر .. ما تقيفي على التخصص .. أمشي سافري .. ما حتلقى في حياتك ناس كتير .. قد ما تلقى خالص زول يقيف على تفاصيل نجاحك و يدعمك .. أنا بعرف يعني شنو تدفع الزول نحو انه يغير حياته .. و انك تطلعه من حتة مظلمة شديد لي مكان يقدر يشوف فيه الضوء و يختار مصيره .. أنا كنت هناك .. و بعرف قيمة الحاجة دي كويس! أما المثل اللي قائل سيد دينك سيد رقبتك .. فهو مثل صحيح .. سيد دينك سيد رقبتك ولو سدد الدين .. أخر كلمة .. في زمن ما عارفة الحصل فيه شنو .. الناس بتنهش بعض و تاكل حق بعض و تشيل منك بالنصب و الاحتيال و الاستهبال .. أنا ممتنة للقدر رغم انه لاقاني بيهم للأسف .. إلا إني ممتنة إنه عرفت السمح و الشين .. عرفت البيوت اللي ربت و البيوت اللي للأسف ودت الشارع بس .. كتر خير الأمهات اللي ربو بنات و رجال بقو لينا سند .. الباقين ..موعدنا يوم المشهد العظيم ! و اتذكر دايما .. دين المواقف ما بتسدد .. لايدرك المجد إلا سيدٌ فطن ‏لما يشق على السادات فعّالُ ‏لولا المشقةُ ساد الناسُ كلهمُ ‏الجودُ يفقر و الإقدام قتّالُ الجود يفقر و الاقدام قتال ! #محبتي_التي_تعلمون محبتي لي هيام فيصل في أستراليا البعيدة تعالي عندنا سخانة تقتل .. تعالي ضوقي الضايقنو الناس .. وحشتيني و وحشتني أيامك #سلمى_المصباح

ما بتقدر تسد دينك .. ولو سدّيته ! 💜💜💜 الدنيا صيف زي دة .. و امتحاني للتخصص فاضل ليه فترة بسيطة شديد .. هيام صحبتي خاتاني تحت جناحا .. أقري يا سلمى .. اجتهدي يا سلمى .. خلي البكا و العوارة .. مرات لما تحن علي من قعدة المكتبة المملة تقول لي أنا ماشة اقعد في الكافيه الفلاني عندي شغل أونلاين .. ارح اقعدي معاي بدل المكتبة عشان ما تزهجي.. نمشي .. تأكل و تشرب و تجيب في الكيك و تحاسب.. الزول الوحيد اللي ممكن أقول ولا مرة خلاني أحاسب على فاتورة قط ! المهم الامتحان مصيري و سلمى لازم تبقى أخصائي و الظروف ياهو معروفة ..عندي حبة قريشات خاتاهم على جنبة ديل حق السفر و القعاد في الأردن و الفندق و الذي منه .. يعني حق الامتحان .. و ما عندي غيرم أصلا .. أصدقاء ليا اتورطو في ورطة حقيقية و كان يا يدفعو يا القانون ياخد مجراه .. ما كان في اي حل غير اديهم اللي عندي على أمل انه لي قبل الامتحان يقدرو يرجعوه .. ما حصل و فضلت في حالة الليلة و بكرة لحد ما السفر بقا بكرة .. قالو والله آسفين ما عندنا .. ما عندي غيرها .. هيام فيصل .. ضربت ليها أبكي .. حصل و حصل و روحي مارقة بالبكا .. هسي انت بتبكي ليه ! لو القراية غالباك ما تختيها في حاجات تانية ما تتوتري انت داخلة على امتحان .. حتمشي المطار كيف ؟ خالتو حتمشي معاك المطار ؟ خلاص بكرة بجي أوديك و نمشي المطار و ارجع خالتو عشان ما ترجع بي تكسي ..! و قد كان ..جابو لي القروش و سفروني و رجعو ماما البيت و وقفو عربيتي في حته فيها ضل ..! جيت من الامتحان ناجحة الحمدلله .. قالو لي تعمل امتحان الترخيص المحلي.. هيام بتخش تحجز الامتحان بالايميل حقي و تدفع قروشه و تضرب تصحيني عشان أقرا .. رغم النجاح كنت بمر بي حالة اكتئاب و استنزاف نفسي شديد.. ما يوم قلت يا هيام أنا جاياك في العيادة خلي لي خمسمية .. قالت لا .. بلقاها خاتة الألف مع بت الاستقبال لو هي في اجتماع ما يوم قالت لي انت حترجعي لي قروشي دي متين .. ولا كيف .. قد تكون ما كانت مبالغ بالنسبة ليها لأنها بت عز أساسا و عينها مليانة شديد و شافت الكرم في بيتم .. برضو لما تعرف بيوت الناس و أهاليهم .. بتعرف هم كدة ليه ! عمو فيصل و خالتو نعمات قصة تانية ..مافي ليها زاتو مساحة تكفيها .. في الجود و اللطافة و الاهتمام بي كل حاجة تخصك .. عديت الامتحان المحلي بعد جهد و خلاص دي رخصتك و هاك اشتغلي .. لما جيت أسدد ليها جيتا على استحياء كدة.. لأنه أصلا ما عارفة هي دايرة مني كم ..و هي دقيقة و مرتبة بشكل مرضي و مزعج عديل .. أنا ما بعرف زول مرتب بالشكل المزعج دة أبدا ولا دايرة أعرف .. زول ياخي برتب ورق الفواتير بالأقدمية و يختو ليك في محفظتك الفاضية .. عشان ما يضيع منك لو انت محتاج ليه .. ضغط نفسي عجيب المهم سددنا دين دكان حسين .. لكن جواي حاجة ما انطفت .. قلت خلاص إن شاء الله يحصل السمح و اقيف معاها بحس إني أحسن عرست و ولدت و قدر ما هديت حاجات .. كانت تافهة شديد لحد ما وصلت لي قناعة .. ما حتقدري تسدي الدين دة .. أدتك من قلبها و انت عايزة تدي من جيبك ! دة دين أخلاقي و الديون الأخلاقية ما بتسدد .! مهما عملت و كسرت رقبتي ، ح أفضل مدينة ليها للأبد.. وقفت معاي وقفة بنات الناس الجد و وقفت الأصحاب الجد .. ما عندي صاحبة زيها .. لأنه مافي ليها زي ما عشان القروش .. أبدا .. عشان العطاء من القلب.. بدون انتظار مقابل .. عشان المحبة و المحنة .. رغم انها شخصية جادة شديد و رسمية شديد و ما funny زاتو .. هيام بتعرف قيمة التعليم كويس .. اقري .. اعملي الماستر .. ما تقيفي على التخصص .. أمشي سافري .. ما حتلقى في حياتك ناس كتير .. قد ما تلقى خالص زول يقيف على تفاصيل نجاحك و يدعمك .. أنا بعرف يعني شنو تدفع الزول نحو انه يغير حياته .. و انك تطلعه من حتة مظلمة شديد لي مكان يقدر يشوف فيه الضوء و يختار مصيره .. أنا كنت هناك .. و بعرف قيمة الحاجة دي كويس! أما المثل اللي قائل سيد دينك سيد رقبتك .. فهو مثل صحيح .. سيد دينك سيد رقبتك ولو سدد الدين .. أخر كلمة .. في زمن ما عارفة الحصل فيه شنو .. الناس بتنهش بعض و تاكل حق بعض و تشيل منك بالنصب و الاحتيال و الاستهبال .. أنا ممتنة للقدر رغم انه لاقاني بيهم للأسف .. إلا إني ممتنة إنه عرفت السمح و الشين .. عرفت البيوت اللي ربت و البيوت اللي للأسف ودت الشارع بس .. كتر خير الأمهات اللي ربو بنات و رجال بقو لينا سند .. الباقين ..موعدنا يوم المشهد العظيم ! و اتذكر دايما .. دين المواقف ما بتسدد .. لايدرك المجد إلا سيدٌ فطن ‏لما يشق على السادات فعّالُ ‏لولا المشقةُ ساد الناسُ كلهمُ ‏الجودُ يفقر و الإقدام قتّالُ الجود يفقر و الاقدام قتال ! #محبتي_التي_تعلمون محبتي لي هيام فيصل في أستراليا البعيدة تعالي عندنا سخانة تقتل .. تعالي ضوقي الضايقنو الناس .. وحشتيني و وحشتني أيامك #سلمى_المصباح