حارسات السنة ️🦋

ليلة الجمعة صلوا على النبي صلى الله عليه وسلم و أكثروا ❤

بمناسبة صعوبة امتحان الكيميا النهاردة نقووووول تاني الثانوية مش مقياس نجاح و لا فشل و لا بتحدد مصير المطلوب منك تعمل اللي عليك و تجتهد و تتقن المذاكرة لأن ربنا سبحانه وتعالى يحب إذا عمل أحدكم عملا أن يتقنه . النتيجة هتكون ايه دي بقى بتاعت ربنا سبحانه وتعالى وحده . و النتيجة اللي ربنا اختارها لك هي الاختيار الأمثل و الأفضل و الأنسب لك . كفاية توتر و قلق و خوف و تفكير لن يكون إلا ما يريد و ما أراده الله هو عين الخير. يلا ركزوا في الجاي و اجتهدوا و اعرفوا إنكم بإنهائكم المرحلة دي إنجاز كبير أيًا كان هتخلص على ايه لأنها مش نهاية المطاف أبدًا بل البداية ❤ ربنا يوفقكم و يكون الجاي خير و أفضل . كلمات من قلبي لكل حبايبنا في الثانوية العامة و طبعا نفس الكلام لحبايبنا ثانوية أزهرية و بالتوفيق للجميع . #سارة_العبسي

من الإستشارات المؤلمة التي جاءتني الأسبوع الماضي و ليست أول مرة أن أسمع هذا الكلام للأسف و هي أكيد إن شاء الله حالات فردية أم تقول لابنتها المتزوجة زوجك يفعل لك و يشتري لك و والدك ما فعل معي مثل هذا ربنا رزقك صبيان و لم يرزقني حياتك أفضل من حياتي عايشة عيشة إحنا مش عايشنها و كلام من هذا القبيل إلى أن مرض الزوج و مات جلست الزوجة تبكي و أمها تقول لها بتبكي على ايه ؟!! اسأل الله أن يربط على قلب الأخت و أن يعوضها خيرًا هناك بعض الأمهات بيكون عندهم غيرة من بناتهم فأمثال هؤلاء الأمهات يلزم عدم إطلاعهم أبدًا على أي أمور حتى أبسط الأمور . و هذا ليس له علاقة بالعقوق بل هو واجب على كل أخت ابتلت بمثل هذه الأم أن تحفظ بيتها وزوجها و أولادها تماما فلا تخرج ما يخصهم لأمها حتى و إن طلبت الأم ذلك . اللي زعلني إن الأخت كانت معتقدة إن دا كده ممكن يكون مش بر بأمها و الحقيقة إن دا ليس له علاقة بالبر . الأم المتحكمة أو الأم الغيورة لابد لهم من حدود لحفظ حياتك. #استشارات #سارة_العبسي

أنت هنا في مصر تقريبا من الشعوب القلائل إن لم يكن الوحيد اللي بيعمل لسنة ثالثة ثانوي هذه القيمة الجوفاء الفارغة ويحيطونها بهالة من الرعب والتوتر ويجعلونها نهاية مطاف التعليم والأفظع من دا كله بعض الناس عندهم إن الهدف منها يدخل الولد طب ومجالاته من صيدلة وأسنان وإلا مش هينول رضا أهله وهيعتبروه فاشل في إيه 🤌 بجد ليه كدا ، دي اسمها عقدة نقص والله ابنك أو بنتك لو ربنا أراد له يدخل مجال الطب تمام خلاص دا نصيبه المشكلة هنا إنك تعلمه أنه داخل على مسؤولية كبيرة دورك كأب تعلمه يتحملها حق تحملها ولو دخل أي مجال تاني أيا كان فهو كذلك مساوي للطب وأكثر ليه ؟ علشان احنا محتاجين كل المجالات في حياتنا احنا محتاجين المدرس وموظف المصالح الحكومية والممرض والطبيب وعامل البريد والمهندس وعامل النظافة والنجار والحداد والخياط والرسام و....و.... وكل مايخطر على بالك وما فيش حد يستغني عن التاني فنبطل ضجة التوتر اللي بنعملها دي ونوصل لأولادنا إنك مهما تكون بعد كدا أنا كأب بحبك وراضي عنك المهم المكانة اللي هتوصلها تكون فيها إنسان تقي وصالح وتحاول تثبت إنك تقدر تكون الأحسن وتخدم نفسك وغيرك علشان نعمل مجتمع سوي محدش يتعالى فيه على حد لأن ببساطة كلنا محتاجين لبعض . أم صهيب

ليلة الجمعة صلوا على النبي صلى الله عليه وسلم و أكثروا ❤

عاشوراء مش مجرد يوم بنصومه وخلاص.. ده يوم النجاة اللي بيفكرنا بــ ﴿وَمَا ذَٰلِكَ عَلَى اللَّهِ بِعَزِيزٍ﴾. مهما كان كربك أو همك.. رب السموات والأرض اللي بيدبر الكون كله في لحظة، قادر يشرح صدرك ويجبر بخاطرك.. ساعات الابتلاء بيطول وبتحس إن الأبواب كلها اتقفلت.. بس افتكر سيدنا يعقوب لما يوسف ضاع وأخوه ضاع، وماأملش غير في ربنا وقال: ﴿عَسَى اللَّهُ أَن يَأْتِيَنِي بِهِمْ جَمِيعًا﴾، وفجأة ربنا جمع شملهم ورجعله يوسف وهو مَلِك مصر! يوم عاشوراء هو يوم الأمل.. يوم بيقولك إنك ممكن تصحى تلاقي الأرض 'مخضرة' وكل حاجة اتغيرت في لحظة، لمجرد إنك وفقت في حسن الظن بالله ويقينك في قدرته. #رسائل_عاشوراء #د_حازم_شومان

في ناس بتدعي ربنا يرزقها الثبات... لكنها كل يوم بتقرب خطوة من الفتنة. الثبات مش دعاء بس. الثبات قرارات صغيرة...بتتاخد كل يوم. #الثبات_قرار منقول

شهر المحرم شايل لينا أعظم قصة أمل ونصر في التاريخ: قصة سيدنا موسى عليه السلام. في يوم عاشوراء، البحر انشق والأسباب الدنيوية كلها انقطعت، ونصر الله جاء في لحظة! اليوم ده مش مجرد يوم بنصومه عشان الأجر، ده يوم بيجدد اليقين في قلب كل واحد مضغوط ومهموم. الرسالة واضحة: طول ما أنت مع ربنا، الباطل والضيق مهما كبروا.. ليهم نهاية حتمية. قال تعالى: ﴿فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ * قَالَ كَلَّا ۖ إِنَّ مَعِيَ رَبِّي سَيَهْدِينِ﴾ [الشعراء: ٦١-٦٢]. "اللهم كما نجيت موسى ومن معه، نجّ قلوبنا من الهموم وافتح لنا أبواب الفرج". #أسرار_شهر_الله_المحرم #د_حازم_شومان

غدًا تاسوعاء و بعده عاشوراء صوموا و ذكروا غيركم ❤ أيام خير تذكرنا بنجاة موسى عليه السلام و هلاك الطاغية فرعون .

اللهم أعنا على ذكرك و شكرك وحسن عبادتك لا تغفلوا نحن في شهر الله المحرم .

إلى أولياء طلبة الثانوية العامة هونوا على أولادكم و ادعموهم نفسيا بأطيب الكلام و لاتشعروهم إن مستقبلهم متوقف على الثانوية لأن المستقبل بيد الله فكم من طالب دخل ما يسمونه بكليات القمة ثم توفاه الله فهذا أين مستقبله ؟! المستقبل الحقيقي ما يعده المرء للدار الاخرة وليس معنى هذا أن نفشل في أمور دنيانا بل واجب على كل طالب أن يجتهد و أن يتقن عمله لكن أن يتعنت الاباء و الامهات مع الابناء و يشعرونهم بأن من لم يحصل درجات ما تسمى بكليات القمة هو فشل و من ثم نرى حالات انتحار كما شاهدنا سابقا بعد النتائج فهذه كارثة و ياليت الاباء و الامهات يهتمون بدين اولادهم و لو نصف اهتمامهم بتعليمهم فهؤلاء الاباء سيسألون أمام الله عن تربية أبنائهم أكانت تربية ونشأة صالحة أم ربوهم على البعد عن الله و على نسيان الاخرة ⁉ اهتموا بدين اولادكم ثم بدنياهم إن فعلتم ذلك فلحوا في الدنيا و الاخرة . اسال الله أن يبارك في اولاد المسلمين و أن يجبرهم في اختباراتهم و أن يحصلوا أعلى الدرجات إعادة نشر #سارة_العبسي

في ناس تستحق فرصة تانية نعرفهم إزاي ؟ من طريقة سعيهم إليك و إنك تتأكد إنهم اتغيروا فعلا و دا من خلال المواقف أما مجرد الكلام فليس دليلا على أي شيء . و في ناس لو فكرت تعطيهم فرصة تانية يبقى تستاهل اللي يحصلك🙂 #وعي_نفسي #سارة_العبسي

ليلة الجمعة صلوا على النبي صلى الله عليه وسلم و أكثروا ❤

إن شاء الله ابدأ بنشر كل ما كتبته أو سجلته فيما يخص الإرشاد النفسي أو الزواجي. ساهموا في نشر الرابط https://whatsapp.com/channel/0029VbDDU4uFy72AggcfYt1k

أنت في شهر الله المحرم فاحذر قال ابن القيم كم ضيعت الغيبة من أعمال الصالحين يصلي يصوم يذكرالله يقوم الليل يعمل الصالحات ثم يغتاب ويضيع هذه الحسنات" قال ابن عثيمين: كل إنسان يغتاب شخصًا فإنما يقدم له عملًا صالحًا للذي اغتيب.

ماما حبيبتي ليه السنة الهجرية بتبدأ بشهر محرّم، مع إن الرسول صلى الله عليه وسلم ♥️ هاجر في ربيع الأول ⁉️🤔 ~~~~ الرسول صلى الله عليه وسلم ♥️ كان فعلا بيدون التاريخ بحدث الهجرة النبوية الشريفة.. لكن بدون تحديد الشهر اللي تبدأ بيه السنة.. لحد ما سيدنا عمر بن الخطاب خد رأي الصحابة بعد اقتراحات عديدة.. ثم استقروا جميعا إن السنة تبدأ من محرم.. ومن الجميل إن الاختيار وقع على الشهر ده.. لإنه الشهر اللي الحجاج بيرجعوا بعده لبلادهم مغفورا لهم بإذن الله.. فكأن بداية محرم هي بداية سنة جديدة وحياة جديدة في طاعة الله 😊🌹 #معلمةصفاء 🕊️ #ركن_صافي 🌻 #أسئلة_ولادنا #محرم

استنزلوا رحمة الله وعطاياه ..بالصلاة عليه ﷺ . قَالَ رَسُولِ اللَّهِﷺ: «مَنْ صَلّـى عَلَيّ صَـلاة  صَلّــى اللهُ عَلَيْهِ بِهَا عَشْـــرٓاً». الصلاة الواحدة بعشر! والعشر بمائة!! والمائـة بألـف!!! والألف بعشرة آلاف!!!! وفي ذلك فليتنافس المتنافسون. ‏         ..صلوا عليه ﷺ.. #الصلاة_على_النبيﷺ ليلة الجمعة صلوا على النبي صلى الله عليه وسلم و أكثروا ❤

سلسلة جديدة بعنوان الأمهات النرجسيات جحيم البيوت 👇👇 https://www.facebook.com/share/p/1Bjd8mKQLc/