ar
Feedback

لا تقع ضحية للمخادعين! تيليمتريو يكتشف ويُميّز هذه القنوات 👉 إذا كنت تريد رؤية العلامة، اشترك

حارسات السنة ️🦋

حارسات السنة ️🦋

الذهاب إلى القناة على Telegram

أينقص الدين و أنا حي ؟!!

إظهار المزيد
8 706
المشتركون
+224 ساعات
+5427 أيام
+62630 أيام
أرشيف المشاركات
ايه النشاط الرهيب دا أنا كده هأجيب العصاية😁😏🙄 شدوا حيلكم شوية داخل حوالي ٧٠٠ أخت القناة عشان يستعدوا لرمضان فيييين التفاعل 🧐🧐🧐
20 نوفمبر, 14:48

فاصمت تسلم ❤
فاصمت تسلم ❤
20 نوفمبر, 13:52

هنبدأ من الغد ان شاء الله تفسير جزء تبارك د أحمد عبد المنعم حفظه الله حاجة كده فوق الروعة الإستعداد لرمضان ما يبقاش صح من غير تفسير د أحمد 🤗😍😍 متحمسة جدًا جدًا اللهم يسر و أعن ماذا عنك حبيبتي 🤔
20 نوفمبر, 10:28

سمعت كم حلقة من تدبر سورة الفاتحة للشيخ أمجد سمير
Anonymous voting
20 نوفمبر, 10:28

هنبدأ من الغد ان شاء الله تفسير جزء تبارك د أحمد عبد المنعم حفظه الله حاجة كده فوق الروعة الإستعداد لرمضان ما يبقاش صح من غير تفسير د أحمد 🤗😍😍 متحمسة جدًا جدًا اللهم يسر و أعن ماذا عنك حبيبتي 🤔
20 نوفمبر, 10:26
20 نوفمبر, ~10:26

أذكار المساء ❤ ساعة إجابة
20 نوفمبر, 09:41

5- الأساس | اهدنا | تدبر سورة الفاتحة
19 نوفمبر, 22:02

أذكار الصباح ❤
19 نوفمبر, 22:01

ليلة الجمعة صلوا على النبي صلى الله عليه وسلم و أكثروا ❤
19 نوفمبر, 10:39

أذكار المساء ❤
19 نوفمبر, 07:53

وصلتوا فين في ختمة السماع يا غاليات ؟؟ و بدأت من سورة الفاتحة و لا الناس
18 نوفمبر, 23:27

4- الصلاة | اهدنا | تدبر سورة الفاتحة
18 نوفمبر, 21:55

أذكار الصباح ❤
18 نوفمبر, 21:53

مش ناوية تبدأي قيام الليل و لو بركعتين خفيفتين حتى ؟! 🙈
18 نوفمبر, 14:55

العلمانيين هياكلوا وشنا !! من امبارح فيه توجه عجيب غريب مقيت يروج و بيحاول إنه يظهر تعاطف مع الملتحي المجرم القاتل عشان يا جمااااعة بقى ماينفعش نقول زي العلمانيين أيوة يعني حضرتك المفروض ندافع عنه و نهون من فعلته عشان هو ملتحي و العلمانيين بيطعنوا في الملتحين؟؟! بالله دا أي دين و أي عقل و أي فهم و أي قلب دا ؟؟ عايز تنصر مجرم قاتل عشان ملتحي بدل ما تواجه المشكلة و تعترف بها و نبقى منصفين و نقول ايوة فيه ملتحين مجرمين و أيوة فيه منتقبات مجرمات و أيوة فيه منهم تجار دين لكن هؤلاء لا يمثلوا إلا أنفسهم هؤلاء لا يمثلوا الإسلام و لا تعاليم الشريعة و تبقى متزن في طرحك و خطابك عايز تدافع عن أشخاص لمجرد إن ظاهرهم التدين بالله هو دا الإسلام؟ قول الله عزوجل ( إنا أنزلنا إليك الكتاب بالحق لتحكم بين الناس بما أراك الله و لا تكن للخائنين خصيما ) الآية دي و ١٠ آيات بعدها في سورة النساء كان سبب نزولها ايه؟؟!! العتاب الشديد من الله عزوجل للنبي صلى الله عليه وسلم دا ليه ؟ رغم إن النبي صلى الله عليه وسلم حكم على حسب الأدلة الظاهرة له و إن الدرع فعلا وُجد في بيت اليهودي لكن أنزل الله قرءانًا يتلى لقيام الساعة يبرئء و ينصف اليهودي الذي تم اتهامه بالسرقة من قبل المسلم و مش كده بس دا المسلم اللي سرق دا كان من الخزرج و سرق الدرع من مسلم من الأوس و المسلم لما حس إنه هيتفضح أخذ الدرع و وضعه في بيت اليهودي. و نزلت الآيات فضحت الخطة رغم إن كان ممكن يحصل تصادم رهييب بين قبليتي الأوس و الخزرج و رغم إن كان لسه النبي صلى الله عليه وسلم بيأسس الدولة، يعني بحسابتنا مضطرين نجامل المسلم السارق على حساب اليهودي عشان اليهود ما تاكلش وشنا و يقولوا هو دا الإسلام بقى !! لكن الله عزوجل عدل سبحانه لا يظلم أحدًا و لا مجاملة لأحد مفيش حاجة اسمها أصل العلمانيين هيشمتوا فيلا ندافع عن قاتل مجرم مفيش حاجة اسمها ما ينفعش نقول على الملتزمين إن فيهم مختلين نفسيا لا فيهم مختلين نفسيا و فيهم مجرمين و دول اصلا ملتزمين ظاهريا فقط و طريقتك الفاشلة دي مش هتحل المشكلة دي هتزودها و هتعمل فتنة أكبر و هيتقال الصف كله كذابين و مدلسين و بيطبلوا لبعض في الغلط أيناكم من قول النبي صلى الله عليه وسلم انصر أخاك ظالما أو مظلوما. الظالم نرده عن ظلمه مش نتهاون معاه دا قاتل روحين دا قاتل أولاده و يكون شغلك الشاغل أصل العلمانيين هياكلوا وشنا !! اللهم إنا نبرأ إليك من كل قول لا يرضيك الحق أحق أن يُتبع ❤ اللي عايزة تختلف مع الكلام دا تختلف على صفحتها #سارة_العبسي
18 نوفمبر, 14:53

القاتل المتدين!! ما لحقناش نفوق من قتل محفظ القرآن لزوجته آية الله يرحمها و كان من قرابة شهرين زوج له مقاطع دعوية و تفسير للقرءان قتل زوجته و ٢ من إخوتها و لسه امبارح جريمة المذيع الملتحي و اللي برده كان بيوعظ الناس ضرب أولاده لحد ما ماتوا في ايده!! و السؤال ايه دا و فين الدين و إزاي فيه حد كده ؟؟! ببساطة إنه الإلتزام الأجوف أو الإلتزام الظاهري اتكلمت عنه كتييير و هأفضل اتكلم عنه لأنه كارثة خطرها يتفاقم يومًا بعد يوم . التزم بشوية مظاهر دينية و دخل وسط الناس الملتزمة عشان يدارى فيهم!! يدارى فيهم من ايه بالظبط ؟؟ من عقده و مشاكله النفسية اللي ما عرفش يحلها طيب ليه مش بيطلبوا مساعدة من متخصص ؟؟ بسبب الكبر و العجرفة!! نفسه عجباه كده هو عارف حقيقة نفسه كويس جدًا و عارف إن عنده مشاكل لكن مفيش الشجاعة إنه يواجه مشاكله مفيش جرأة إنه يعترف إنه سيئ و يبدأ يصلح من نفسه و يصلح من سوء سلوكه و في نفس الوقت ايه ممكن يداري الحقيقة السيئة دا ؟؟ اللحية و إني اطلع اتكلم في الدين فالناس تظن بي خير . طيب و رب الناس ؟؟!! لا مش مشكلة المهم الناس هتشوفني إزاي و سبحان الله بيتفضحوا في الاخر برده و ربنا بيعاملهم بنقيض ما أرادوا و فضيحتهم بتكون مدوية!! طيب و العبادات و الصلاة و الصيام و القرآن كل دا ما يغيرش من سوء الطباع و سوء الخلق ؟ يغير في حالة واحدة لو الإنسان متصالح مع نفسه و عنده الجرأة و الشجاعة إنه يعترف بأخطائه و يشتغل عليها و يحاول إنما اللي بيكذب على نفسه و بيكابر نهايته بتبقى سودة. و الكذب و الكبر تحديدًا الصفتين دول ما بيجتمعوش في حد إلا و يهلك عاجلا أم آجلا قال رسول الله صلى الله عليه وسلم ( إن الكذب يهدي إلى الفجور و إن الفجور يهدي إلى النار ) الفجور اسم جامع لكل شر و صاحبنا مش بس بيكذب لا دا بيجمل الكذب بشوية مظاهر جميلة و بيصدق الكذبة و بيوهم نفسه إنه بتاع ربنا و من أهل الصلاح !! و الكبر قال فيه النبي صلى الله عليه وسلم ( لا يدخل الجنة من كان في قلبه مثقال ذرة من كبر ) ذرة كبر واحدة شدد فيها النبي صلى الله عليه وسلم، ما بالكم من غرق في الكبر و غره مظهره و ثناء الناس عليه !! زي ما قلنا دول اختاروا إنهم يخدروا نفسهم بثناء الناس عليهم ، كذبوا على نفسهم و صدقوا الكذبة صدقوا إن باطنهم مثل ظاهرهم. قال الله عزوجل( بل الإنسان على نفسه بصيرة ) النبي صلى الله عليه وسلم سئل عن امرأة تصلي و تصوم و تؤذي جيرانها، قال هي في النار . خطورة الإلتزام الأجوف أو الإلتزام الظاهري منتشرة بشكل كبييير لا تثق في أي أحد مهما كان ظاهره العلم و الإيمان إلا إذا رأيت من أخلاقه و تعاملاته ما يؤكد ذلك . مفيش حد هيوصل للقتل مرة واحدة هي بتبقى خطوات أولاها فساد القلب بالكبر و الكذب ثم الرضا عن النفس و الغرور بثناء الناس و التمادي و الإصرار ثم السقوط من عين الله ثم الفضيحة أيًا كان شكلها. و مما وقفت عليه كثيرًا في الإستشارات لزوجات مكلومات أن أزواجهم أئمة لمساجد ووعاظ و مع ذلك ليل نهار في علاقات محرمة و معاملة من أسوأ أسوأ ما يكون فتنة ليس بعدها فتنة و نسأل الله السلامة والعافية. الخلل النفسي و سوء الخلق و الطباع مش علاجه الزواج ، الزواج مش منظومة علاجية للمختلين نفسيًا!! الزواج مسؤولية كبيرة تحتاج نفوسًا سوية لا مانع من أن نخطئ لكن نعترف و نسعى للإصلاح . اعتقد إنه واجب على الدولة الآن إنه يكون فيه كشف نفسي يوضح أهلية المقبلين على الزواج و دا لا يقل أهمية عن باقي الفحوصات الطبية. حرام كل شوية نسمع عن أب قتل أولاده أو أم قتلت أولادها. و اللي ما اتقتلش كتييير منهم عايش في عذاب بسبب أهله و سوء تربيتهم لا سيما التربية النفسية. و أولاد وبنات يخرجوا من الأسر دي عندهم مشاكل لا حصر لها ، منهم من ينجيه الله و منهم من يضل الطريق. أنا جدًا مع تأجيل الخلفة أول سنة أو سنتين أما الجماعة بتوع لما يخلفوا مشاكلهم هتتحل فهي فعلا بتتحل في حالة واحدة لما حد فيهم بيقتل التاني مش بالخلفة !! طبعًا أنا مع الرأي القائل بأن الأب يقتل بقتل ولده و كنت من عدة أيام كتبت تفصيل المسألة، موجودة في أول تعليق. أخيراً نعوذ بالله من خطوات الشيطان و نعوذ بالله من الإلتزام الأجوف، و نسأل الله أن يزيننا بزينة الإيمان #سارة_العبسي ✍ أخصائية نفسية بمنهجية شرعية
18 نوفمبر, 14:52

أذكار المساء ❤ رسالة لقلبك 👇🤗❤ حس بالعادي! أكبر خطأ بنقع فيه هو إننا بننظر للنعم على أنها شيء مضمون، مع إنها في الحقيقة معجزة كاملة! إنك تصحى بتتنفس، وتشرب مية براحتك، وقلبك بينبض.. دي نعم تتفوق على أي حلم دنيوي لسه ماتحققش. عشان تحس بقيمة النعمة، افتكر دائمًا إن العادي اللي أنت مش واخد بالك منه هو أكبر أمنية عند غيرك. قال الله تعالى: {وَإِن تَعُدُّوا نِعْمَةَ اللَّهِ لَا تُحْصُوهَا}. وعن النبي صلى الله عليه وسلم قال: "مَنْ أَصْبَحَ مِنْكُمْ آمِنًا فِي سِرْبِهِ، مُعَافًى فِي جَسَدِهِ، عِنْدَهُ قُوتُ يَوْمِهِ، فَكَأَنَّمَا حِيزَتْ لَهُ الدُّنْيَا بِحَفَافِيرِهَا". فماتستهونش بالنعم، وماتستناش تفقدها عشان تعرف قيمتها. #ونيسرك_لليسرى #خد_بالك_من_النعم
18 نوفمبر, 07:52

صباحكم رحمات ❤
صباحكم رحمات ❤
17 نوفمبر, 23:59

3- الشافية | اهدنا | تدبر سورة الفاتحة
17 نوفمبر, 21:45

أذكار الصباح ❤
17 نوفمبر, 21:43