ဖိုးမှန်

မြန်မာ - ဟောင်ကောင် ယူ-၁၇ အမျိုးသမီးဘောလုံးပွဲ ပထမပိုင်းတွင် သရေရလဒ်ထွက်ပေါ် ရန်ကုန်၊အောက်တိုဘာ ၁၁ ၂၀၂၇ အာရှယူ-၁၇ အမျိုးသမီးဖလား ခြေစစ်ပွဲ အုပ်စု (G) ၏ အဆုံးအဖြတ်ပွဲစဉ်အဖြစ် ယနေ့ အောက်တိုဘာ ၁၁ ရက် ညနေ ၄ နာရီတွင် ယှဉ်ပြိုင်နေသည့်မြန်မာ နှင့် ဟောင်ကောင် (တရုတ်) အသင်းတို၏ ပထမပိုင်းပွဲချိန်တွင် သရေရလဒ်ထွက်ပေါ်နေသည်။

ပိုလန်တွင် တစ်ပတ်အတွင်း ကျောင်းတွင်းဓားဖြင့်တိုက်ခိုက်မှု တတိယအကြိမ် ဖြစ်ပွား ပိုလန်နိုင်ငံ၊ ၀ါဆောမြို့တွင် အောက်တိုဘာ ၁၀ ရက်က စာသင်ကျောင်းတစ်ခုအတွင်း ဓားဖြင့်တိုက်ခိုက်မှု ဖြစ်ပွားခဲ့ရာ လူသုံးဦးဒဏ်ရာရခဲ့ပြီး ကျူးလွန်သူအသက် ၂၁ နှစ်အရွယ်အမျိုးသမီးကို ဖမ်းဆီးထိန်း သိမ်းထားသည်။ ယင်းတိုက်ခိုက်မှုသည် တစ်ပတ်အတွင်း ပိုလန်စာသင်ကျောင်းများ၌ တတိယအကြိမ် ဓားဖြင့်တိုက်ခိုက်မှုလည်း ဖြစ်သည်။

အယ်လ်နီညိုဖြစ်စဥ်အတွက် သံဖြူဇရပ်မြို့နယ်၌ အပူရှောင်စခန်း(၅)ခုဖွင့်လှစ်မည် အယ်လ်နီညိုရာသီဥတုဖြစ်စဥ်ကြောင့် ဒေသခံများအပူဒဏ်အန္တရာယ်မဖြစ်ပေါ်စေရေးအတွက် မွန်ပြည်နယ်၊ သံဖြူဇရပ်မြို့နယ်၌ အပူရှောင်စခန်း(၅)ခုဖွင့်လှစ်သွားမည်ဖြစ်ကြောင်း သိရသည်။ အဆိုပါ အပူရှောင်စခန်းများဖွင့်လှစ်နိုင်ရေးအတွက် သံဖြူဇရပ်မြို့နယ်ထွေအုပ်ရုံး၌ လုပ်ငန်းညှိနှိုင်းအ စည်းအဝေးကို အောက်တိုဘာ ၁၀ ရက်နံနက်ပိုင်းကပြုလုပ်ခဲ့ပြီး အပူဒဏ်အန္တရာယ်ကိုကြိုတင်ကာကွယ် ရေး၊ သောက်သုံးရေနှင့် စိုက်ပျိုးရေပြတ်လပ်မှုမရှိစေရေး၊ ရေအရင်းအမြစ်များထိန်းသိမ်းရေးနှင့် ရေလုံလောက်စွာဖြန့်ဝေပေးနိုင်ရေးတို့ကိုကြိုတင်စီမံဆောင် ရွက်ရန်ဆွေးနွေးညှိနှိုင်းခဲ့ကြကြောင်း သိရသည်။

အပူဒဏ်ကြောင့် သတိလစ်ခြင်းမှ အသက်အန္တရာယ်အထိ ဖြစ်ပွားနိုင်၊ နံနက် ၁၀ နာရီမှ ညနေ ၄ နာရီအတွင်း နေပူထဲထွက်ခြင်းရှောင်ရန် ကျန်းမာရေးဝန်ကြီးဌာန သတိပေး အပူချိန်မြင့်တက်ချိန်တွင် အပူဒဏ်ကြောင့် ခေါင်းမူးခြင်း၊ ကြွက်တက်ခြင်း၊ သတိလစ်ခြင်းမှ အသက်အန္တရာယ်ထိခိုက်ခြင်းအထိ ဖြစ်ပွားနိုင်သဖြင့် နံနက် ၁၀ နာရီမှ ညနေ ၄ နာရီအတွင်း နေပူထဲထွက်ခြင်းနှင့် ပူပြင်းသည့်နေရာများတွင် အလုပ်လုပ်ခြင်းတို့ကို တတ်နိုင်သမျှ ရှောင်ကြဉ်ရန် ကျန်းမာရေးဝန်ကြီးဌာနက အသိပေးသတိပေးထားသည်။ ကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာန၏ အသိပညာပေးထုတ်ပြန်ချက်အရ အပူဒဏ်အန္တရာယ်မှ ကာကွယ်ရန် အရိပ်ရပြီး အေးမြသောနေရာများတွင် နေထိုင်ခြင်း၊ ရေများများသောက်ခြင်း၊ အပြင်ထွက်သည့်အခါ ထီး၊ ဦးထုပ်ဆောင်းခြင်းနှင့် အရောင်ဖျော့ပြီး ပွပွချောင်ချောင်ရှိသော ချည်ထည်များ ဝတ်ဆင်ခြင်းတို့ ပြုလုပ်ရန် တိုက်တွန်းထားသည်။

ဦးနှောက်စွမ်းဆောင်ရည်မြှင့် သောက်ဆေးတချို့ကြောင့် အမျိုးသားများအသက်တိုနိုင်ဖွယ်ရှိကြောင်း လေ့လာတွေ့ရှိ  ++++++++++++++++++++++++++++++++ 11 October 2026 ■ သုတေသနအသစ်တွေအရ အာရုံစူးစိုက်မှုနဲ့ မှတ်ဉာဏ်ကောင်းမွန်ဖို့ ရေပန်းစားနေတဲ့ ဖြည့်စွက်စာ ပါဝင်ပစ္စည်းတစ်ခုဟာ ထင်မှတ်မထားတဲ့ ဘေးထွက်ဆိုးကျိုး ရှိနေနိုင်တယ်လို့ ဆိုပါတယ်။ ■ သွေးထဲမှာ အဲဒီဓာတ်မြင့်မားစွာ ပါဝင်တဲ့ အမျိုးသားတွေဟာ အသက်တိုလေ့ရှိပြီး အမျိုးသမီးတွေမှာတော့ အဲဒီလို သက်ရောက်မှုမျိုး မတွေ့ရပါဘူး။ ■ ဟောင်ကောင်တက္ကသိုလ်နဲ့ ဂျော်ဂျီယာတက္ကသိုလ်က သုတေသီတွေဟာ ဗြိတိန် ရဲ့ လူပေါင်း ၂၇၀,၀၀၀ ကျော်ရဲ့ ကျန်းမာရေးနဲ့ မျိုးဗီဇအချက်အလက်တွေကို လေ့လာစစ်ဆေးခဲ့တာဖြစ်ပါတယ်။ သုတေသီတွေက Phenylalanine နဲ့ Tyrosine ဆိုတဲ့ အမိုင်နိုအက်ဆစ်နှစ်မျိုးဟာ အိုမင်းရင့်ရော်မှုမှာ ပါဝင်ပတ်သက်နေသလားဆိုတာကို အဓိကထား လေ့လာခဲ့ကြတာပါ။

အသက်ရှူလမ်းကြောင်းဆိုင်ရာရောဂါများသည် ကမ္ဘာလုံးဆိုင်ရာကျန်းမာရေးစိန်ခေါ်မှုများဖြစ်သဖြင့် နိုင်ငံတကာ ပူးပေါင်းဆောင်ရွက်မှု အသိပညာနှင့်အတွေ့အကြုံများမျှဝေခြင်းတို့ဖြင့် ကုသမှုဆိုင်ရာစွမ်းရည်များ မြှင့်တင်ရန် လိုအပ် အသက်ရှူလမ်းကြောင်းဆိုင်ရာရောဂါများသည် ကမ္ဘာလုံးဆိုင်ရာကျန်းမာရေးစိန်ခေါ်မှုများဖြစ်သဖြင့် နိုင်ငံတကာပူးပေါင်းဆောင်ရွက်မှု၊ အသိပညာနှင့် အတွေ့အကြုံများ မျှဝေခြင်းတို့ဖြင့် ကုသမှုဆိုင်ရာ စွမ်းရည်များ မြှင့်တင်ရန်လိုအပ်ကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းက ပြောကြားသည်။

၂၀၂၆ ခုနှစ် ပထမခြောက်လအတွင်း နိုင်ငံတစ်ဝန်း ယာဉ်မတော်တဆမှုကြောင့် လူ ၉၃၂ ဦး သေဆုံး၊ ရန်ကုန်တွင် ၁၂၅ ဦး သေဆုံးခဲ့ ၂၀၂၆ ခုနှစ် ဇန်နဝါရီလမှ ဇွန်လအထိ ပထမခြောက်လအတွင်း မြန်မာနိုင်ငံတစ်ဝန်း ယာဉ်မတော်တဆမှုများကြောင့် လူ ၉၃၂ ဦး သေဆုံးခဲ့ပြီး ရန်ကုန်တိုင်းဒေသကြီးတွင် ယာဉ်မတော်တဆမှု ၂၅၅ မှု ဖြစ်ပွားကာ ၁၂၅ ဦး သေဆုံးခဲ့ကြောင်း နေပြည်တော်မှ ထုတ်ပြန်သည့် အချက်အလက်များအရ သိရသည်။

■ယူကရိန်းသမ္မတ ဇယ်လန်းစကီးနေရာတွင် ခေါင်းဆောင်သစ်တစ်ဦး အစားထိုးတင်မြှောက်ရန် ထရန့် ပြောကြား ယူကရိန်းသမ္မတ ဗိုလိုဒီမာ ဇယ်လန်းစကီး၏နေရာတွင် ခေါင်းဆောင်သစ်တစ်ဦး အစားထိုးတင်မြှောက်ရန် အမေရိကန်သမ္မတ ဒေါ်နယ်ထရန့်က အောက်တိုဘာ ၁၀ ရက်တွင် ပြောကြားခဲ့သည်။ အမေရိကန်သက်တမ်းဝက်ရွေးကောက်ပွဲ မတိုင်မီ သီတင်းပတ်အနည်းငယ်အလိုတွင် အမေရိကန်၌ လောင်စာဆီစျေးနှုန်းများ မြင့်တက်နေသည့် ဖိအားများနှင့် ရင်ဆိုင်နေရသော ထရန့်သည် ရုရှား၏ ဒီဇယ်များအပေါ် ပိတ်ဆို့အရေးယူမှုများ ဖြေလျှော့ပေးခဲ့ခြင်းကို ဇယ်လန်းစကီးက ပြင်းပြင်းထန်ထန် ဝေဖန်ခဲ့ ပြီးနောက် ထရန့်၏ ပြောကြားချက် ထွက်ပေါ်လာခြင်း ဖြစ်သည်။

၆၁ ကြိမ်မြောက် မြန်မာ့ကျောက်မျက်ရတနာပြပွဲ တတိယနေ့တွင် ပုလဲအတွဲပေါင်း ၁၉၆ တွဲ ရောင်းချခဲ့ရ ၂၀၂၆ ခုနှစ် ၆၁ ကြိမ်မြောက် မြန်မာ့ကျောက်မျက်ရတနာပြပွဲ တတိယနေ့ကို စက်တင်ဘာ ၁၀ ရက်က နေပြည်တော်ရှိ မဏိရတနာကျောက်စိမ်းခန်းမ၌ ဆက်လက်ကျင်းပပြီး ပုလဲအတွဲပေါင်း ၁၉၆ တွဲ ရောင်းချခဲ့ရကြောင်း သိရသည်။

ကရင်ပြည်နယ်တွင် ခြောက်လအတွင်း တရားမဝင်ကုန်သွယ်မှု ၁၃၉ မှု ဖမ်းဆီးရမိ၊ ကျပ် ၂၅ ဒသမ ၉၂၇ ဘီလီယံဖိုးရှိ ကရင်ပြည်နယ်အတွင်း ၂၀၂၆ ခုနှစ် ဧပြီလမှ စက်တင်ဘာလအထိ ခြောက်လတာကာလအတွင်း တရားမဝင်ကုန်သွယ်မှု အမှုတွဲပေါင်း ၁၃၉ မှု ဖမ်းဆီးရမိခဲ့ပြီး ဖမ်းဆီးရမိပစ္စည်းများ၏ ခန့်မှန်းတန်ဖိုးမှာ ကျပ် ၂၅ ဒသမ ၉၂၇ ဘီလီယံခန့်ရှိကြောင်း ကရင်ပြည်နယ် တရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ အချက်အလက်များအရ သိရသည်။

၂ဝ၂၆ ခုနှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲတို့တွင် တစ်နိုင်ငံလုံး ဘာသာတွဲအလိုက် အမှတ်အများဆုံးဖြင့် ထူးချွန်စွာအောင်မြင်ခဲ့ကြသည့် ကျောင်းသား ကျောင်းသူများ အမျိုးသားပြတိုက် (နေပြည်တော်) လေ့လာ နေပြည်တော်၊ အောက်တိုဘာ ၁၁ ၂ဝ၂၆ ခုနှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲတို့တွင် တစ်နိုင်ငံ လုံးဘာသာတွဲအလိုက် အမှတ်အများဆုံးဖြင့် ထူးချွန် စွာ အောင်မြင်ခဲ့ကြသည့် ကျောင်းသား ကျောင်းသူ ၃၆ ဦးနှင့် ကြီးကြပ်ကျောင်းအုပ်ဆရာ ဆရာမ သုံးဦး တို့ကို ပြည်တွင်း (နေပြည်တော်)နှင့် ပြည်ပ(ထိုင်း နိုင်ငံနှင့် ဗီယက်နမ်နိုင်ငံ)များကို လေ့လာရေး ခရီးစဉ်အဖြစ် ပို့ဆောင်ပေးသွားမည်ဖြစ်သည်။ ပြည်ပခရီးစဉ် ပို့ဆောင်ရေးမတိုင်မီ ပြည်တွင်းခရီးစဉ်အဖြစ် ယမန်နေ့က အမျိုးသားပြတိုက် (နေပြည်တော်)သို့ လာရောက်လေ့လာကြသည်။

စစ်ကိုင်းမြို့နယ်ရှိ ရှေးဟောင်းစေတီအပါအဝင်စေတီဘုရားပေါင်း(၂၄)ဆူကိုပြုပြင်ပြီးစီးဟုဆို ငလျင်ကြောင့် ထိခိုက်ပျက်စီးခဲ့ရတဲ့ စစ်ကိုင်းမြို့နယ်အတွင်းရှိ ရှေးဟောင်းစေတီအပါအဝင်စေတီဘုရားပေါင်း ၂၄ ဆူကိုပြုပြင်ပြီးစီးပြီလို့ သာသနာရေးဝန်ကြီးဌာန ဒုတိယဝန်ကြီးဦးလင်းအောင်ကပြောပါတယ်။

ရန်ကုန်မြို့ပြဧရိယာ တိုးချဲ့လာမှုကြောင့် ၂၀၂၁ ခုနှစ်မှစ၍ သစ်တောပြုန်းတီမှုနှုန်းမှာ ယခင်နှစ်များထက် သုံးဆခန့် ပိုမိုမြန်ဆန်လာကြောင်း UNDP ပြောကြား ရန်ကုန်မြို့ပြဧရိယာ တိုးချဲ့လာမှုကြောင့် ၂၀၂၁ ခုနှစ်မှစ၍ သစ်တောပြုန်းတီမှုနှုန်းမှာ ယခင်နှစ်များထက် သုံးဆခန့် ပိုမိုမြန်ဆန်လာကြောင်း ကုလသမဂ္ဂဖွံ့ဖြိုးမှုအစီအစဉ် (UNDP) က ပြောကြားသည်။ UNDP က ထုတ်ပြန်ခဲ့သည့် "တိုးချဲ့လာသည့် ရန်ကုန်မြို့နှင့်အတူ ပျောက်ကွယ်လာရသော သစ်တောများ" ဆောင်းပါးတွင် ယင်းအချက်ကို ထည့်သွင်းရေးသားခဲ့ခြင်းလည်း ဖြစ်သည်။

လျှပ်စစ်နှင့်စွမ်းအင်ကဏ္ဍတွင် ရင်းနှီးမြှုပ်နှံမှုများ တိုးမြှင့်ဆောင်ရွက်လာ ကြစေရန်ရည်ရွယ်သည့် ဆွေးနွေးပွဲသို့ နိုင်ငံသားလုပ်ငန်းရှင်များအား တက်ရောက်ဆွေးနွေးနိုင်ရန် ဖိတ်ခေါ် ++++++++++++++++++ Published 11 October 2026 လျှပ်စစ်နှင့်စွမ်းအင်ကဏ္ဍတွင် ရင်းနှီးမြှုပ်နှံမှုများ တိုးမြှင့်ဆောင်ရွက်လာ ကြစေရန်ရည်ရွယ်သည့် ဆွေးနွေးပွဲသို့ နိုင်ငံသားလုပ်ငန်းရှင်များအား တက်ရောက်ဆွေးနွေးနိုင်ရန် ဖိတ်ခေါ် ထားကြောင်းလျှပ်စစ်နှင့်စွမ်းအင်ဝန်ကြီးဌာနမှ သိရသည်။ လျှပ်စစ်နှင့်စွမ်းအင်ဝန်ကြီးဌာနသည် လျှပ်စစ်ဓာတ်အားစနစ်တည်ငြိမ်ရေး၊ ဓာတ်အား တိုးတက်ရရှိရေး၊ ရေနံနှင့်ရေနံထွက်ပစ္စည်းများ တိုးမြှင့်ထုတ်လုပ်နိုင်ရေး၊ စွမ်းအင်လေလွင့် ဆုံးရှုံးမှုလျော့ပါးရေးအပါအဝင် နိုင်ငံတော်၏ စွမ်းအင်ဖူလုံရေးနှင့် လုံခြုံရေးအတွက် ကြိုးပမ်းဆောင်ရွက်လျက်ရှိကြောင်းသိရသည်။

ဆယ်ကျော်သက်အရွယ်မှာ Vape သောက်သုံးခြင်းက  နောင်တစ်ချိန်မှာ နီကိုတင်း စွဲလမ်းမှုကို ပိုမိုတွန်းအားပေးနေ  11 October 2026 ■ ဆယ်ကျော်သက်အရွယ်မှာ နီကိုတင်းပါတဲ့ Vape သောက်သုံးတာဟာ ရေတိုစွဲလမ်းမှုတစ်ခုတင် မဟုတ်ဘဲ နောင်တစ်ချိန်မှာပါ ပိုပြီး ဒုက္ခပေးနိုင်ကြောင်း သုတေသနအသစ်တစ်ခုမှာ ဖော်ပြလိုက်ပါတယ်။ ■ ကြွက်တွေနဲ့ စမ်းသပ်ထားတဲ့ ဒီလေ့လာမှုအရ ငယ်စဉ်အခါက နီကိုတင်းအငွေ့နဲ့ ထိတွေ့ခဲ့ရခြင်းဟာ လူကြီးဖြစ်လာတဲ့အခါ နီကိုတင်းကို ပိုပြီး တောင့်တစွဲလမ်းတဲ့ အပြုအမူတွေကို ဖြစ်ပေါ်စေတယ်လို့ ဆိုပါတယ်။ ■ ဒါဟာ ဆယ်ကျော်သက်တွေကြား Vape သောက်သုံးမှုရဲ့ ရေရှည်ဆိုးကျိုးတွေနဲ့ ပတ်သက်လို့ စိုးရိမ်စရာ ဖြစ်လာစေပါတယ်။ ■ တက္ကဆက်တက္ကသိုလ် က သုတေသီတွေဟာ ဆယ်ကျော်သက်အရွယ် ကြွက်တွေကို နီကိုတင်းနဲ့ ထိတွေ့စေပြီး သူတို့ကြီးပြင်းလာတဲ့အခါ ဘာတွေပြောင်းလဲသွားသလဲဆိုတာကို လေ့လာခဲ့ကြတာပါ။

လျှပ်စစ်ကဏ္ဍနှင့်ပတ်သက်သည့် ရင်းနှီးမြှုပ်နှံမှုဆိုင် ရာအခွင့်အလမ်းများချပြဆွေးနွေးပွဲကို လာမည့် နိုဝင်ဘာပထမပတ်၌ နေပြည်တော်တွင်ကျင်းပမည် လျှပ်စစ်နှင့် စွမ်းအင်ဝန်ကြီးဌာနမှ လျှပ်စစ်ကဏ္ဍနှင့်ပတ်သက်သည့် ရင်းနှီးမြှုပ်နှံမှုဆိုင်ရာအခွင့်အလမ်းများချပြဆွေးနွေးပွဲကို လာမည့် နိုဝင်ဘာပထမပတ်၌ နေပြည်တော်တွင်ကျင်းပမည်ဖြစ်ကြောင်း သိရသည်။ အဆိုပါ ဆွေးနွေးပွဲကို နိုင်ငံသားလုပ်ငန်းရှင်များ လျှပ် စစ်နှင့်စွမ်းအင်ကဏ္ဍတွင် ရင်းနှီးမြှုပ်နှံမှုများတိုးမြှင့်ဆောင်ရွက်လာကြစေရန်ရည်ရွယ်၍ လျှပ်စစ်နှင့်စွမ်း အင်ဝန်ကြီးဌာနတွင် ရင်းနှီးမြှုပ်နှံနိုင်မည့်အခွင့်အလမ်းများ၊ နိုင်ငံတော်အစိုးရအနေဖြင့် အားပေးကူညီမည့်အ စီအစဉ်များကို Power Point Presentation များ၊ ရုပ်ပုံကားချပ်များ၊ 3D Model များဖြင့်ချပြဆွေးနွေးသွားမည်ဖြစ်ကြောင်း သိရသည်။

မမြရေလှောင်တမံမှ ရေများလျှော့ချထုတ်လွှတ်နေသော်လည်း ဒေသခံများနှင့် စိုက်ခင်းများ ထိခိုက်မှုမရှိဟုဆို 𝙊𝘾𝙏～𝟏𝟏 ဧရာဝတီတိုင်းဒေသကြီး၊ မြန်အောင်မြိုနယ်ရှိ မမြရေလှောင်တမံမှ အရေးပေါ်ရေပိုလွှတစ်ဆင့် ဆည်ရေများ လျှော့ချထုတ်လွှတ်လျက်ရှိသော်လည်း ရေထုတ်လွှတ်မှုကြောင့် တမံပတ်ဝန်းကျင်ရှိ ဒေသခံပြည်သူများနှင့် ကျေးရွာစိုက်ခင်းများ ထိခိုက်ပျက်စီးမှုမရှိကြောင်း သိရသည်။ မမြရေလှောင်တမံတွင် အောက်တိုဘာ ၇ ရက်မှစတင်၍ တမံပေါင်မြေသား နိမ့်ကျမှုဖြစ်ပွားခဲ့ပြီး အောက်တိုဘာ ၁၀ ရက် နံနက် ၆ နာရီခွဲခန့်တွင် မြေသားနိမ့်ကျမှု ထပ်မံဖြစ်ပွားခဲ့သဖြင့် သိုလှောင်ရေကို လျှော့ချနိုင်ရန် အရေးပေါ်ရေပိုလွှမှ ရေထုတ်လွှတ်ခြင်းလုပ်ငန်းများ ဆောင်ရွက်နေခြင်းဖြစ်သည်။

မြန်မာ (ယူ-၁၇) သမီးငယ်လေးတွေကို ကွင်းထဲအရောက် သွားရောက်အားပေးကြပါစို - ဂူအမ် ကို မြန်မာနဲ့ ဟောင်ကောင် က (၉)ဂိုးပြတ် အနိုင်ယူထားတာ တူညီနေပါတယ်။ ဒီပွဲ နိုင်မှသာ နောက်တစ်ဆင့်ကို တက်လှမ်းခွင့်ရမှာဖြစ်လို သမီးငယ်လေးတွေကို အားပေးဖို ၁၂ယောက်မြောက် ကစားသမားများကို နှိးဆော်လိုက်ရပါတယ်။ MATCHDAY! AFC U17 Women's Asian Cup (Qualifiers) …………………………………………………… MYANMAR 🇲🇲 (Vs) 🇭🇰 Hong Kong, China 📍 Date - 11 October 2026 🕒 Time - 4:00 PM 🏟 Venue - Thuwunna Stadium, Yangon

အယ်လ်နီညိုရာသီဥတုဖြစ်စဥ်ကြောင့် စက်သုံးဆီအရောင်းဆိုင်များမီးလောင်မှုမဖြစ်ပွားစေရေးစစ်ဆေး ဧရာဝတီတိုင်း၊ ဖျာပုံမြိုနယ်ရှိ စက်သုံးဆီအရောင်းဆိုင်များအား အယ်လ်နီညိုရာသီဥတုဖြစ်စဥ်ကြောင့် မီး လောင်မှုမဖြစ်ပွားရေးအတွက် ယနေ့ အောက်တိုဘာ ၁၀ ရက်နံနက် ၁၀ နာရီတွင်စစ်ဆေးခဲ့ကြောင်း သိရသည်။