بين رفوف مريم.

لما تعرفي السبب ابدأي دوري على حل مش دايما هتمشي بيرفكت في أيام هتكوني تعبانة طبيعي هرموناتك متغيرة مش قادرة تعملي حاجة وده طبيعي كونك طالبة ملغاش كونك أنثى فتقبلي ده. أما بالنسبة لسورة البقرة فانتي بجد جزاكي الله خيرا🤍 لانك ذكرتيني بيها وبقرائتها وقد ايه لما كنت مواظبة عليها كنت بحس ببركة. قسميها حسب وقتك. نصيحتي المجربة؟ انك تقرأي منها في ال٥ دقايق البريك من المذاكرة لو ذاكرتي ٣ ساعات هيبقي معاكي ٣٠ دقيقة مجموع ال٥ دقايق خصصيهم لسورة البقرة واختميها كل ٣ أيام أو حتى طول الأسبوع. شجعي نفسك دايما واتفقي معاها انك بتعملي اللي عليكي وبأقصي جهد وكلنا بنتزنق في الامتحانات خصوصا ونادرا لما بندخل امتحان واحنا مذاكرين كل المادة باتقان خصوصا في الدراسة الجامعية. فعادي متحمليش نفسك فوق طاقتك. انا كنت بتبع النظام ده في دراستي في المعهد وكنت ال٦ على الدفعة بكرم ربنا طبعا مش بمجهودي. ومتنسيش الدعاء وأذكار الصباح والمساء والرقية الشرعية. وبالتوفيق يارب🤍

أولا بالنسبة لفكرة عدم المراكمة دي ليها حلول كتير. بس في البداية هو في طالب مبيراكمش وبيتزنق؟ 😅 معتقدش علشان كدة متشيليش هم أو ذنب كل الطلاب كدة. الامر بيبدأ من عندك بفكرة الانضباط الذاتي. يعني أنا كنت بحدد لنفسي كل يوم مقدار سواء عدد ساعات او صفحات (بس لازم يكون مقدار منطقي مش خرافي وانت متاكدة انك مش هتعمليه) واقول لنفسي مريم احنا لازم نخلص الصفحتين دول النهاردة وبعدين هناخد مكافأة التحديد بيساعدك جدا. في حاجة ساعدتني طول سنين حياتي الدراسية وفي شغلي وفي دوراتي وكل حاجة😂 وهو نظام البومودورو بركز ٢٥ دقيقة بدون مشتتات ولا موبايل أي حد ينده لي؟ بعد ما النص ساعة تخلص أي حد يبعتلي؟ بعد ما النص ساعة تخلص أرد وهكذا فبقدر أركز. وبعد ما يخلصوا برتاح ٥ دقايق سواء أقلب في الموبايل أو أقوم من مكاني اتكلم مع اهلي وهكذا. بجد البومودورو بيقضي على الكسل والتسويف وبيحفزك وهرشحلك تطبيق سهل كنت بستخدمه. فاحنا كدة اتفقنا نحدد مقدار كل يوم وكمان نستخدم البومودورو وأهم حاجة العزم من جواكي وانك تشجعي نفسك دايما. في نقطة مهمة. ممكن تكوني زهقانة من المادة أو مش فاهماها فبتأجلي فيها فلازم تعرفي سبب التسويف مع نفسك

عليكم السلام اهلا بأختي الجميلة🥰 أنا خريجة معهد فني صحي شعبة تمريض. ولكن عندي صديقتين خريجات كلية زراعة واحدة منهم مكملة في المجال وهتتخصص في انها تكون أخصائية تغذية وصديقتي التانية مكملتش في المجال. وزوجي خريج زراعة كمان. ولكن من كلامهم عن الكلية بشوف انها كلية جميلة ومفيدة. ولكن كونها مناسبة ليكي أو لا ده بيعتمد عليكي وعلى أهدافك في المستقبل وعلى كمان الأوبشنز التانية المتاحة ليكي. لكن لو بتتكلمي من ناحية كلية مناسبة لبنت فده بردو بيعتمد عليكي خلال سنوات الكلية انك طبعا تحفظي نفسك من الاختلاط ويكون لك أنشطة خاصة بيكي بجانب الدراسة مش تكون حياتك مركزة على الدراسة وفقط. لو هي الاوبشن اللي هتدخليه قوليلي وابعتيلي اليوزر بتاعك وأخلي واحدة من صحابي يتواصلوا معاكي وهما مش هيبخلوت بأي معلومة وهما الاتنين شطارة وتفوق ودين وحياء ربنا يبارك🤍

https://998842727.sarhne.com شاركوني أي سؤال، أي شئ محتاجينه مني وممكن أساعد فيه♡

من غير شرح ولا مقدمات: لا تحرموا أولادكم من ارتياد حلقات تحفيظ القرآن الكريم في المساجد. الخسارة هنا هائلة، ولا يمكن تعويضها. د. عبد الكريم بكار

آيات النِكاح ومشاهد عقد الزواج كانت مهيبة بالنسبة لي دومًا وسبحان الله عند وقوعك فيها يكون لها رونق ولذة جميلة ، تستشعر فضل الله عليك ورحمته بك أن هداك لهذا وقر عينك به ، وتتذكر ما بذلته وما ضحيت به لأجل تلك اللحظات ، لتسكونوا إليها والميثاق الغليظ لا يصل إليها الإنسان إلا بعد جد واجتهاد علي الصعيد المادي والنفسي والمعنوي ولكنها تبقي هبة من الله عزوجل للإنسان ، ولسان حالها ، ولقد مننا عليك مرة آخري . الله يزوج شباب وبنات المسلمين في عفو وعافية ويُسر . التلاوة من عقد زواجي 🤍

https://youtu.be/K9PHRT016gw?si=-c1jlttuQoXjEVtg مهم جدا لكل بنت فرحها قرب.

﴿رَبِّ فَلا تَجعَلني فِي القَومِ الظّالِمينَ﴾ [المؤمنون: ٩٤] فلا تجعلني في القوم المشركين الظالمين، ولكن اجعلني ممن رضيتَ عنهم. - التفسير الميسر

‏لا تُشتّت قلبك في البحث عن حُب وأمان وكمال عند غير الله؛ لأنك لن تجد، وسيبقى القلب يخذله البشر، وهم معذورون جميعا؛ لنقصهم وضعفهم وجهلهم.. ستبقى تنصدم وتتوجع؛ حتى تتيقّن أن التعلق الحقيقي لا يصلح إلا للهﷻ وأن القلب لا يرتاح ويطمئن ويشعر بالأمان إلا مع الله ﷻ. -د.حسين الفيفي

الأحاديث الخاصة والرسائل الخاصة لا يجوز نشرها على العام، ولا إرسالها لشخص ثالث إلا بإذن صاحبها، وكذا المنشور المخصص للأصدقاء لا يصح تصويره ونشره لغيرهم ، والمكالمة الخاصة لا يجوز فتح السماعات وإسماعها لغيرك إلا بإذن صاحبك. هذه كلها من الامانات التي تجب صيانتها وحفظها. عن جابر بن عبد الله، قال: قال رسول الله صلى الله عليه وسلم: «إذا حدث الرجل بالحديث ثم التفت فهي أمانة». رواه ابو داود. واختلف في معنى "التفت" فقيل : التفت احتياطا خشية أن يسمعه غيره، فدل على أنه أراد إخفاء حديثه. وقيل: "التفت" أي انصرف عن حديثه، وهو الأقرب، فيفيد العموم. - الشيخ أسامة المراكبي 📌 تفصيل شرح الحديث في التعليقات #أحكام_شرعية #العلاقات_الاجتماعية فقه العلاقات: تليجرام | فيسبوك | واتساب | يوتيوب

مهم

من فضلك أنا لبسي فساتين وجيبات، الفترة دي تعرضت لانتقاد اني ببقى عجوزة فيهم، الله اعلم بنية صاحبة الكلام بس انا طول عمري كدا، لما تفكرت في الموضوع وهل ممكن البس بنطلون وكدا لقيتني بقول لا انا بحب الجيبات وبرتاح في لبسهم وبكون طايرة لما اكون لابسة واسع جدا، فحسيت اني كدا نيتي مش خالصة لله وبحب الشكل بس؟؟ ج / وإيه المشكلة لما أعمل عبادة لله وفي نفس الوقت أبقى بحبها؟ يعني لو برتاح بالصلاة هزعل عشان أنا برتاح لما بصلي لكن مش بصلي لله؟ بالعكس بنفرح إن ربنا حبب إلينا الطاعات وأزال عنا عبء الجهاد فيها.. فلله الحمد على سواء فطرتك :)) جددي بس النية لله وبلاش وسوسة الشيطان تُفسد عليكِ سلامة فطرتك. المهم هنا.. هل الحجاب فعلا بيكبر شكل البنت؟ دا في نظرة النساء لبعضهن البعض بس.. وعالم النساء فيه من الخراب والشر ما فيه والله. ويبقى العيب فيها وتلبسهولك. حتى لو من غير قصد. الفكرة بس إنها ماتلاقيش حد أحسن منها وخلاص :) أنا لما بشوف بنت ملتزمة بغير منها، مش كرهًا لها ولكن لأنها وصلت لشيء صعب عليّ وبقت أحسن مني عن ربنا وسبقتني، وفي ذلك فليتنافس المتنافسون. ساعتها مش هحبطها بل هشجعها وأقولها يا ريت كل الناس زيك، وأدعيلها بالثبات ولي بالهداية. فيه ناس مش زينا، يشوفوكِ في وضع ما، والرجال حولهن مثلا بينتقدوها وبيمدحوا فيك أمامها، فتتغاظ، ثم تكره لك الخير وتحبك تكوني أقل منها. أو بشكل غير واعٍ هي تكون فعلا شايفة لبس البنطلون والميني دريس حاجة كول، والحقيقة أنا كمان بشوف كدا وبجيب للبيت لبس من دا.. بس دا مش حقيقي.. لو شكلك حلو وهندامك مظبوط ومكوي ونضيف ووشك فيه نضارة طبيعية وصحي وضحكتك حلوة من القلب وروحك خفيفة الناس مش هتاخد بالها من ستايلك أصلا الخارجي، بل ممكن يحبوا ستايلك بسببك. وحسب آراء الرجال (المحترمين) أن الفتاة المحجبة حجاب شرعي سليم وحييّة في تعاملاتها هي عملة نادرة في الزمن دا وتستحق الفخر وبيدوروا عليهن وبيخافوا ما يلاقوهمش من كتر انتشار السوء في الشوارع والجامعات وأماكن العمل.. فلأ مش هتباني كبيرة سنًا، لكن هتبقي كبيرة مقامًا فالله يثبتك، ويهدينا 🤍 - أميرة صقر #شبهات فقه العلاقات: تليجرام | فيسبوك | واتساب | يوتيوب

- أفكار نافعة لاستغلال العطلة الصيفية 2 بما إنه أغلبنا نتيجة الاختلاط بالناس وضغوطات الحياة اللي فُرضت علينا والتحديات أصبح عندنا عُقد نفسية أو ربما تشوهات ومنا مكتئبين بحاجة دعم نفسي وبقينا محتاجين نشوف أنفسنا من منظور إسلامي طبي وكمان محتاجين نعرف نفسنا بشكل أفضل وإزاي نرفق بها ونتعامل معها وكمان نتعافى من أمور كتير مدفونة جوانا وأثرت علينا أنصحكم بسماع محاضرات الدكتور عبدالرحمن ذاكر الهاشمي خصوصا سلسلة فقه النفس ومحاضرات د. عماد رشاد خصوصا محاضراته عن التعافي ومحاضرة بعنوان بناء القوة النفسية وأخيرا علشان الصورة تكتمل إيمانيا أنصحكم بسلسلة سوية المؤمن للمربي الفاضل شيخنا أحمد السيد علشان نعالج المشكلات اللي ممكن تكون سببا في الفتور وعدم الثبات وربنا يعافيكم من كل الأمراض النفسية والجسدية ويرزقكم الهمة العالية في الدين والدنيا 🤍

- أفكار نافعة لاستغلال العطلة الصيفية 1 من الحجات المهمة جدا واللي أرشحها لكم تسمعوا دروس الشيخ أحمد عبدالمنعم ومجالس التفسير بتاعته ولو بشكل يومي تداوموا على 20 دقيقة بس حتى! هتلاقوا في تدبرات وإيمانيات بتنور جواكم ودا من بركة القرآن على أهل القرآن وشوفوا إسقاطه للآيات على واقعنا وحياتنا وفي دروس كتير للشيخ أحمد عبدالمنعم نافعة جدا جدا جدا الحقيقة وفيها خير كتير فبلاش تبقى العطلة كلها نوم، استغلوها فيما ينفع وربنا يفتح عليكم في معاني القرآن 💛

متنسوش قراءة سورة الكهف في بداية اليوم قبل ما تنشغلوا🥰

«عصمنا اللهُ وإيّاكم من الحيرة، ولا حمَّلنا ما لا طاقةَ لنا به، وقيَّض لنا من جميلِ عونه دليلًا هاديًا إلى طاعته، ووهبنا من توفيقه أدبًا صارفًا عن معاصيه، ولا وَكَلَنا إلى ضعفِ عزائمنا، وخَوَرِ قوانا، ووَهاءِ بُنيتِنا، وتلدُّدِ آرائنا، وسوءِ اختيارنا، وقلَّةِ تمييزنا، وفسادِ أهوائنا».

ابن حزم.