وَمْضَـات

- الدنيا فانية، آخرتك رقم واحد بعدين نشوف الدنيا -اليوم اللي بتصحى فيه متأخر، دور على صلاتك وأذكارك، مش على معاد شغل فاتك -البوصلة دايما بتتظبط على إيمانك الأول، الدنيا مجرد وسيلة - المبالغة في المشاعر بتيجي بخذلان غالبا، الاعتدال جميل - مش مضطر تكمل في علاقات مرهقة نفسيا وبستنزفك، راحتك الأول - العشم الزيادة مش محبوب حفاظا على مشاعرك، اخفض سقف توقعاتك - متحاولش مليون مرة علشان حد مش قادر يمشي علشانك خطوة، احفظ نفسك - الناس في حياتنا محطات، بلاش تعلق، الدنيا نفسها زائلة - اختار البيئة اللي تناسبك من الصحبة وغيره، مش مضطر تأقلم نفسك على وضعك مش مناسبك المرء على دين خليله - العمر ماض إنما يبقى صنيعك والأثر المهم أنت ايه عند ربنا -بلاش تعيش دور المضحي اللي بيجي على نفسه علشان كل الناس - أي حاجه أو أي حد بيروح بيتعوض، احزن لكن متبالغش وتعيش عمرك كله تبكي على الأطلال. -هند محمود