بين رفوف مريم.

لو عندكم فتور في الصلاة أو حد من أهلكم أو حتى ابعتوه لصديقة ليكم مقصرة في الصلاة نص ساعة بتدخل قلب الإنسان وتوقظه لأهمية فرض الصلاة وخطورة التفريط. انصح بيه بشدة بشدة بشدة https://youtu.be/ay6m2uva2zQ?si=BvAdEC52QNrIZXqS

في معنى جميل جدا في ديننا وبجد لما بفتكروا بحس بالخفة والتيسير والراحة وبتقل عندي عقدة الذنب اللي بيسببها وهم الكمالية. عن أم المؤمنين عائشة رضي الله عنها قالت: قال رسول الله ﷺ: سَدِّدوا وقارِبوا واعلموا أنه لن يُدخِلَ أحدَكم عملُه الجنَّةَ وأنَّ أحبَّ الأعمالِ إلى الله أدومُها وإن قَلَّ. مش حاسة اني محتاجة أضيف أي تعليق بعد كلامه ﷺ الهين الرقيق الذي يطمئن القلوب ويشجعها ويخفف عنها بأقل الكلام ﷺ

"من عرف الناس استراح؛ فلا يطرب لمدحهم ولا يجزع لذمهم، فإنهم سريعوا الرضا، سريعوا السخط، والهوى يحركهم" - الفُضيل بن عياض.

عليكم السلام ورحمة الله وبركاته 🤍 عسل أوي الرسالة دي وانتي جميلة بجد🤍 بصي في حاجات كتير تعبري بيها عن اهتمامك بدون كلام عاطفي وقت الخطة. وعلى فكرة ممكن ببساطة تسأليه وسط الكلام انت ايه طريقة الاهتمام اللي بتحبها؟ او الحاجات اللي لما حد بيعملهالك بتحسسك بالاهتمام والحب؟ وتشوفي تفضيلاته. طيب نعمل ايه في فترة الجفاء بتاعت الخطبة دي😂 سؤالك عنه هيفرق معاه اكيد، تعملي أكل لما ييجي لك حتى لو مبتعرفيش تطبخي جربي وصفات بسيطة وسهلة وجربي معاه عادي هيحس باهتمام انك عاملة ده علشانه. والاهم بالنسبة لي اتكلموا وخططوا لحياتكم بعد الزواج هنعمل كذا ونخرج كذا ونقضي وقتنا كذا حتى هنسمي اولادنا كذا والشقة والتجهيزات كل ده هيحسسه انك عندك رغبة تتجوزيه وتكملي معاه. وزي ما قولتك الأهم تسأليه وتعرفي هو شخصيا بيحب ايه وتحاولي تعمليه في حدود استطاعتك وربنا يسعدك ويتمم لكم على خير وتعقدوا بقا👀🫂

https://youtu.be/Kg8qs9VomBM?si=_-pxPDMPzbkNV0nd اسمعي ده🫂

متحطيش على نفسك ضغط يا حبيبي ومتخليش مثلا انك بتشوفي حد بيلخص وبيعملوا تلخيصات شكلها حلو وكدة انك تحسي بضغط او انتقاص منك او انك فايتك حاجة. البودكاست اللي بيبقى علشان يغير وعيك وفكرك انا بصراحة مش بدون فيه حاجة بستمتع بس والحاجة اللي بدونها بتكون مثلا حديث اول مرة اسمعه مقولة عجبتني او فكرة طلعت في دماغي بس كدة.

بصي البودكاست أو الكتب معظمها بتنقل لك وعي أو فكرة مش بتديكي علم تحفظيه أو تتخصصي فيه فانت محتاجة تسمعي وده بيغير وعيك وتفكيرك بيستبدل فكرة غلط بفكرة صح بس ده الهدف والمطلوب بس لو فيه خطوات عملية تدونيها وتنفذيها. انا ممكن أسمع حاجة دلوقتي بودكاست ساعتين ولو جيت بعد ساعتين هفتكر فكرتين بس او ٣ اللي هما أكتر حاجات فرقت معايا واثرت في وعي ودي اصلا خطوة كبيرة جدا فانتي مش متأخرة في حاجة. في نوعية كتب ودورات بتكون معلومات متخصصة زي مثلا البناء المنهجي مينفعش اسمع البناء بدون تدوين او بدون ورقة وقلم لانها كلها معلومات لازم اعرفها واحفظها وادونها فاهمة الفرق؟ النقطة اللي بعدها ان ببساطة الناس قدرات في ناس عندها قدرة على التذكر بالتفصيل وناس لا في ناس ذاكرتها بصرية وناس ذاكرتها سمعية وهكذا فده طبيعي بردو. لو ذاكرتك متأثرة عامة وبتنسي حاجات كتير او تركيزك قليل ممكن نشوف بقا ممكن يكون بسبب الموبايل والتشتت ونظام اكلك ونومك وكدة فمحتاجة تشوفي نظام حياتك وتحسنيه لكن لو ذاكرتك عادي كويسة يبقى عادي خلاص متحسيش ان ناقصك حاجة او فايتك حاجة.

كلنا هذا الرجل بجد 🥲 بصي هو الحل بيبدأ وانتي بتشتري الجيبات او الدريسات أصلا انك تتاكدي وتسألي قماشتها بتلزق ولا لا. بصي زمان كدة كان طلع جيبات صك كانت موضة وقتها فالجيبات دي أنا بلبسها تحت اللبس كله على اساس حتى لو الهدوم لزقت متفصلش رجلي لان الجيبة الصك تحتها. في بردو بيجيبوا قماشة كدة مش فاكرة اسمها ايه شيفون تقريبا وبيعملوها زي جيبة وبيلبسوها تحت الهدوم على اساس متخليش اللبس يلزق وتكون خفيفة بردو في الحر.

لسة سامعة جملة رهيبة من الشيخ الشعراوي وهو بيتكلم في سياق ان ازاي انسان ينصح انسان فقال: "ان الحياة مريرة فاستعينوا عليها بخفة البيان". ودي من أحلى الجمل اللي سمعتها بتلخص فكرة ان الانسان يكون حريص وكلامه خفيف لان الحياة حقيقي صعبة على الناس والكلمة الطيبة تخفف كتير.

- الفتاة التي تختار بإرادتها أن تكون ضعيفة، لا تقدر على إنقاذ نفسها، وتعجز عن إدارة حياتها واتخاذ قراراتها، تكون صيدًا سهلًا للرجل الذي لن يراعي ضعفها، ثم يسأم من سذاجتها ويستغل عجزها. ستكون جذابة..نعم، كنموذج يصوره البعض على أنه مثالي، لكنها لن تجذب إلا هذا النوع الذي سيستنزفها إلى نهايتها. وعلى النقيض، الفتاة الناضجة، الراسخة في أنوثتها، التي تزن بين عقلها وقلبها، وتعرف كيف تعيش حياتها بملئها ولو كانت بمفردها، لن ينجذب إليها إلا ذلك الرجل المستقرة رجولته. فهو لا يشعر بالضآلة أمام حضورها، ولا ينتابه النقص أمام ذكاء عقلها، بل يتزن بها وتتزن به، ويكملان بعضهما كندّين متكافئين، يشعر كل منهما بالأمان تجاه الآخر. وكلٌّ يختار الصورة التي يحب أن يكون عليها، وتتكوّن على شاكلتها علاقاته، ومن ثم تسير حياته..

ما أحوج بيوتنا اليوم إلى كلمة أحبك، وأشكرك، وأفتخر بك، وأنتِ نعمة، وأنتم قرة عيني الكلمة الصادقة وإجادة التعبير عنها قد تصنع في القلوب ما لا تصنعه أعظم الهدايا، والمشاعر إذا أُحسن التعبير عنها كانت سبباً للمودة والرحمة التي جعلها الله أساس الحياة الأسرية.. ولقد كان نبينا ﷺ أعظم الناس خلقًا في بيته، يُشعر أهله بمكانتهم، ويُظهر مودته لهم، ويُثني عليهم، ليعلمنا أن التعبير عن المشاعر ليس ضعفًا، بل خُلُق نبوي كريم، وسبب من أسباب استقرار البيوت وسعادتها..

بسم الله، ربما تكون من هؤلاء الناس الذين تكثر شواغلهم وتضيق أوقاتهم فتظن أنك من غير الممكن أبدًا أن تصبح من أصحاب الأوراد المتعددة من القرآن الكريم. وربما إذا نظرت إلى بعض المسلمين الذين لديهم أوراد يومية من: ١) قراءة القرآن ٢) حفظ القرآن ٣) قراءة تفسير القرآن ٤) سماع مجالس تدبر القرآن فإنك تقول: هذا كثير جدًّا! لابد وأن هؤلاء من ذوي القدرات والهمم، وربما هم متفرغون أيضًا ولديهم من الوقت الكثير، من المؤكد أني لست مثـلهم ولن أكون. تقول ذلك ولا تدري أنك تستطيع أن تكون أنت أيضًا من أصحاب هذه الأوراد: ١) قراءة القرآن: تقرأ كل يوم ربعًا من القرآن. ٢) حفظ القرآن: تحفظ كل يوم ثلاث آيات من القرآن وتستظهرها ١٠ مرات. ٣) قراءة تفسير القرآن: تقرأ تفسيرًا مبسطًا للآيات الثلاث التي حفظتها. _المهام الثلاث السابقة لن تستغرق منك يوميًّا سوى نصف ساعة فقط يمكنك الانتهاء منها بعد صلاة الفـجـر، أو توزيعها على اليوم كله لو أردت. ٤) ثم يبقى سماع مجالس تدبر القرآن لمن تحب من الشـيوخ، وبإمكانك أن تفعل هذا أثناء ذهابك لعملك -دروسك- وإيابك منه. هكذا أصبح القرآن رفيقك، وصرت من أصحاب القرآن قراءة وحفظًا ومعرفةً بالتفسير والتدبر، والحمد لله. فلا تُعقد الأمور فتحرم نفسك من خير وفير. - ميلي سيريو.

بالنسبة للبنات اللي داخلة الكلية لأول مرة، واللي هتضطر تنزل جامعات مختلطة وده أمر واقع قدامهم، شوية حاجاة كده لوجه الله؛ - الجامعة مكان للدراسة فقط، يعني مش لازم تطلعي منها بأصحاب، ولو هتطلعي بأصحاب يبقى تنتقي كويس جدا اللي هتصاحبيهم! - مترميش نفسك على صحبة، متستعجليش، تريثي كده لحد ما تدرسي أحوال اللي قدامك وساعتها ابقى اختاري كويس. - الجامعة مش مكان للاختلاط، ولا نخرج مع (زمايلنا) نفطر معاهم ولا حتى نتكلم معاهم، تخرجي من بيتك للجامعة ومن الجامعة للبيت. - مفيش حاجة اسمها زميلي اللي بيجيبلي ملازم ولا اتحاد الطلبة اللي هشارك فيه مع زمايلي الصبيان ونتشارك الحوارات والبدنجانات! فيه خمسين ألف طريقة تجيبي بيها ملازمك، ولو اتسدت أوي ابقى اتعاملي في حدود مع رجل يجيب لكِ الحاجة. - الجامعة مش مكان للارتباط، ولا بنحقق أحلام الشباب اللي بتقدمها المسلسلات والأفلام إن الواحدة لازم ترتبط بصاحبها أو صاحبتك تقولك المعيد ده شكله حلو! أول ما تسمعي حد من زمايلك بيقول الكلمتين دول، ابعدي عنهم تماما، وخليكِ لوحدك! - غض البصر مش مقتصر على الأولاد بس، فَحضرتك مطالبة بغض بصرك، ودي خطوة مهمة جدا لحفظ نفسك من الفتن أو التساهل زي غيرك اللي هتلاقيهم بيكلموا ده وده! - اللبس! اللبس لوجه الله! اللي بيحصل إن كثير جدا من الأهالي بتتساهل جدا في موضوع اللبس على أساس يعني بناتهم تبقى زي التانيين، وتعيش سنها وتلبس، مش مشكلة! لا هي مشكلة! والله أكبر مشكلة، ده جهر بمعصية كبيرة جدا، بتثقل صاحبتها بجبال من السيئات. - الأثر اللي بتسيبه الجامعة من سهولة الاختلاط و(العادي) ده بيفضل مكمل شوية حلوين، والتعافي منه بيكون صعب جدا جدا، وإقناع البنت إن اللي كانت بتعمله غلط بيبقى شبه مستحيل! فَاحفظي قلبك من الفِتَن وعدي وقتك بسلام. -إسلام منصور

فعالية تخلينا نستعيد الشغف🙂‍↕️ شاركوني صور من تصويركم ولما بتشوفوها بتحسوا بمشاعر جميلة. أنا بحب الصورة دي علشان كنت بحب الوقت ده من حياتي وبحب الرواية دي كمان ولما بشوف الصورة برجع أفتكر الوقت ده وبترجع لي جزء من طاقتي. 🤍

«إن التسليم لله هو الطريقة الإنسانية الوحيدة للخروج من ظروف الحياة المأساوية التي لا حل لها ولا معنى، إنه طريق للخروج بدون تمرّد ولا قنوط ولا عدميّة ولا انتحار، إنه شعور بطوليّ (لا شعور بطل)، بل شعور إنسان عادي قام بأداء واجبه، وتقبّل قدَرَه». _علي عزت بيجوفيتش. #حنفاء

"لا تؤذ أبدًا إنسانًا يكافح من أجل لقمة عيشه". كلارنس دارو

قال رسُول اللَّهِ ﷺ (الإِثمُ مَا حاكَ فِي نَفْسِكَ، وكَرِهْتَ أَنْ يَطَّلعَ عَلَيْهِ النَّاسُ). رواهُ مسلم.

الرواية اللي رجعتني بذكرياتي لأولى اعدادي. في حوش المدرسة الترابي وأنا بحكي لزمايلي بشغف عن رواية من أول ما لامس عقلي وقلبي وحفز خيالي. "يقولون الحب أعمى وأنا أقول أصابني العمى حين أحببت وها أنا أجلس في غرفتي لأكتب.." البداية التي حفرت في ذهني من أرض زيكولا بتفضل قصة من أفضل القصص اللي قرأتها. وبيكمل دكتور عمرو عبد الحميد تميزه في القصص المختلفة والفانتازيا اللي رغم انها شئ مش واقعي ولكن الانسان بيكون مستمتع بالقراءة والقصة المحببة للعقل بتفاصيلها. القصة دي مختلفة فيها قيمة ولكن القيمة لم يتم ابرازها بشكل كامل كنت حابة ان يكون في هدف أو قيمة اخلاقية بشكل أوضح أو يكون فيه تفاعل مشاعري أكثر بين الشخصيات. لان بعد اكمال الرواية حسيت اني استمتعت أيوة بالوصف والسرد المتقن ولكن محستش اني استفدت قيمة اخلاقية أو شعور مختلف بعد القراءة. في المجمل رواية ممتعة مناسبة لو حد انقطع عن القراءة فترة وحابب يرجع أو شخص بيحاول يفصل بعد كتاب دسم.

عليكم السلام حبيب مريومة🫂 مبسوطة بجد انك اتكلمتي مع والدك🥺 بصي خلينا نقول ان والدك رفضه بسبب خوف عليكي من البهدلة او كدة وهو معاه حق بردو يخاف على بنته. والزواج عرض وطلب وبيقوم على الاتفاق فيارب يوصلوا لاتفاق ونفرح بيك يا عسل ونشوفك متهنية يارب🥺 اللي عليكي دلوقتي الاستخارة والدعاء بالتيسير والخير اينما كان والزمي دعاء الاستخارة الله ييسر لك أمورك يارب 🫂

وبشوف الجوانتس اكتمال للستر مع النقاب وبيحفظ اديكي من الشمس😅 ازاي تستمري؟ بشوف ان الاستمرار في أي طاعة هو اولا دعاء ربنا بالثبات دوما وكمان انك تغذي ايمانك وقلبك اما بسماع دروس او ذكر او تلاوة القرآن. واكيد اللي لابسين النقاب ممكن يعطونا نصايح اكتر🤍