QORJIN

📈📉🇰🇿 16 қазандағы қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша) 🔼 KZAP (Қазатомөнеркәсіп): ₸29 180,00 (+2,4%) 🔼 KSPI (Kaspi): ₸43 399,79 (+0,5%) 🔼 KMGZ (ҚазМұнайГаз): ₸35 874,73 (+0,3%) 🔼 HSBK (Халық Банк): ₸374,00 (+0,2%) 🔼 KEGC (KEGOC): ₸1 448,50 (+0,2%) 🔼 AIRA (Air Astana): ₸687,49 (+0,1%) 🔻 CCBN (Банк ЦентрКредит): ₸5 099,99 (-0,0002%) 🔻 KCEL (Кселл): ₸3 167,80 (-0,1%) 🔻 KZTK (Қазақтелеком): ₸44 800,01 (-0,1%) 🔻 KZTO (ҚазТрансОйл): ₸1 315,01 (-0,1%) #КүнҚорытындысы

📱 Отбасыңыз қай санатқа жатады? eGov-та калькулятор іске қосылады Еңбек министрлігі отбасының тұрмыс деңгейін бағалайтын калькуляторды 16 қазан кешке немесе 17 қазан таңертеңге дейін eGov пен eGov Mobile-да қолжетімді етуді жоспарлап отыр. Оған отбасы құрамы, табыс, үй, көлік және басқа мүлік туралы мәліметтерді енгізіп, қай санатқа жататыныңызды және қандай мемлекеттік қолдау қарастырылғанын алдын ала білуге болады. Тексеруді аты-жөніңізді көрсетпей жасауға болады. 📌 Бұл - алдын ала есеп. Калькулятор нәтижесі жәрдемақы тағайындау туралы шешім емес.

🏠 2027 жылдан бастап кімдерге жәрдемақы сақталады: A, B, C, D және E санаттары нені білдіреді? 2027 жылғы 1 қаңтардан бастап жекелеген жәрдемақыларды тағайындағанда отбасының тұрмыс деңгейі ескеріледі. Ол Отбасының цифрлық картасы арқылы бағаланады. Отбасылар қандай санаттарға бөлінеді? ▪️ A - әл-ауқаты жоғары отбасылар. ▪️ B - ауқатты отбасылар. Екі санат та материалдық жағдайы жақсы отбасыларды қамтиды. Бағалау кезінде табыс, жылжымайтын мүлік, қымбат көлік, бизнес пен жер учаскелері ескеріледі. Көрсеткіштердің бірі - әр адамға шаққандағы қаржылық қамтылу деңгейінің ең төменгі күнкөріс деңгейінен кемінде жеті есе жоғары болуы. Еңбек министрлігі A және B санаттарын бірге сипаттап, олардың арасындағы нақты шекті көрсетпеген. Бір пәтердің немесе көліктің болуы отбасын автоматты түрде ауқатты санатқа жатқызбайды. ▪️ C - тұрмыс деңгейі қанағаттанарлық отбасылар. Негізгі қажеттіліктеріне қаражаты жетеді. Тұрақты жұмысы, баспанасы және көлігі болуы мүмкін. ▪️ D - экономикалық тұрғыдан осал отбасылар. Материалдық қиындықтары бар: мысалы, тұрақты жұмыс жоқ, несие төлемдері кешіктірілген немесе баспана мәселесі шешілмеген. ▪️ E - экономикалық және әлеуметтік тұрғыдан осал отбасылар. Негізгі қажеттіліктеріне ақша жетпейді, бір мезгілде бірнеше күрделі қиындыққа тап болған. Мұндай отбасыларға бірінші кезекте қолдау қажет. Бұл жәрдемақыға қалай әсер етеді? ✅ C, D және E - тағайындау талаптарына сай келсе, тиісті жәрдемақыларды алу құқығын сақтайды. ❌ A және B - мұқтаждықты ескере отырып тағайындалатын жекелеген жәрдемақыларды алмайды. Бұл барлық төлем тоқтатылады деген сөз емес. 📌 Санат отбасы туралы мәліметтердің жиынтығы бойынша анықталады. Ол ай сайын қайта есептеледі және отбасының жағдайына қарай өзгеруі мүмкін.

💵 Сарапшылар алдағы үш жылға арналған доллар бағамы болжамын төмендетті Ұлттық банктің қазан айындағы макросауалнамасына қатысушылар теңге бұрын болжағаннан күштірек болады деп күтеді. Олардың бағалауынша, доллардың орташа жылдық бағамы: ▪️ 2026 жылы - ₸479 (бұрынғы болжам - ₸490); ▪️ 2027 жылы - ₸499,6 (бұрын - ₸516,2); ▪️ 2028 жылы - ₸527,1 (бұрын - ₸562,2). 📌 Бұл - желтоқсанның соңындағы емес, бүкіл жылдағы орташа бағам. Жекелеген айларда доллар бұдан қымбат та, арзан да болуы мүмкін. 📊 Тағы не өзгерді? Сауалнамаға қатысушылар мұнай бағасына қатысты болжамдарын көтеріп, инфляция болжамдарын төмендетті. Енді бағаның жылдық өсімі 2026 жылдың қорытындысы бойынша 10% емес, 9,5%, 2027 жылы - 8,3%, 2028 жылы - 6,9% болады деп күтілуде. Жеке бюджет үшін бұл нені білдіреді? Болжам бойынша, тауарлар мен қызметтер қымбаттай береді, бірақ бағаның өсу қарқыны баяулайды. 💡 Макросауалнама Ұлттық банктің өз болжамын емес, тәуелсіз сарапшылардың пікірін көрсетеді. Бұл бағалаулар өзгеруі мүмкін және доллардың дәл осынша тұратынына кепілдік бермейді.

📈📉🇰🇿 15 қазандағы қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша) 🔼 AIRA (Air Astana): ₸687,02 (+2,8%) 🔼 CCBN (Банк ЦентрКредит): ₸5 100,00 (+1,6%) 🔼 KSPI (Kaspi): ₸43 200,00 (+0,8%) 🔼 KZTO (ҚазТрансОйл): ₸1 315,90 (+0,8%) 🔼 HSBK (Халық Банк): ₸373,10 (+0,6%) 🔼 KMGZ (ҚазМұнайГаз): ₸35 778,93 (+0,4%) 🔼 KZTK (Қазақтелеком): ₸44 830,00 (+0,4%) 🔼 KEGC (KEGOC): ₸1 446,00 (+0,03%) 🔻 KCEL (Кселл): ₸3 169,90 (-0,2%) 🔻 KZAP (Қазатомөнеркәсіп): ₸28 498,99 (-0,7%) #КүнҚорытындысы

🚨 "Сіздің атыңызға сенімхат рәсімделді": алаяқтардың жаңа айласы Сізге хабарлама келеді: атыңызға "цифрлық сенімхат" рәсімделіп, оны бөтен адамдар пайдаланып жүр екен. Немесе сіз өтінім бермесеңіз де, кредит мақұлданған. Оның күшін жою үшін көрсетілген нөмірге қоңырау шалуды ұсынады. ➡️ Ұлттық банк ескерткен жаңа алаяқтық схема осылай басталады. Алаяқтар адамды қорқытып, өздеріне қоңырау шалдыруға тырысады. 👇 Одан кейін не болады? Телефон арқылы "сенімхаттың күшін жоюға", "кредит өтінімін бұғаттауға" немесе "ақшаны қорғауға" уәде береді. Әңгімеге өзін Ұлттық банк не құқық қорғау органдарының қызметкері деп таныстырған адамдар қосылуы мүмкін. Содан кейін: ▪️ СМС-кодты немесе банк картасының деректерін айтуды; ▪️ қосымша орнатып, телефонға қашықтан кіруге рұқсат беруді; ▪️ ақшаны "қауіпсіз шотқа" аударуды сұрайды. Мұндай хабарлама келсе, не істеу керек? Хабарламадағы нөмірге қоңырау шалмаңыз, сілтемелерді ашпаңыз. Ақпаратты тексеру үшін банкке немесе хабарлама жібергендей болған сервиске өзіңіз хабарласыңыз. Байланыс нөмірін ресми сайттан не қосымшадан алыңыз. 💡 Ақшаны қорғау үшін оны басқа шотқа аударудың немесе біреуге код айтудың қажеті жоқ. Ұлттық банк қызметкерлері азаматтарға аудио не бейнеқоңырау шалмайды және олардың шоттарына қызмет көрсетпейді. Деректеріңізді беріп қойсаңыз немесе ақша аударсаңыз - дереу өз банкіңізге хабарласып, полицияға арыз беріңіз. Ұлттық банктен кеңес алу нөмірі - 1477.

⛏️ Solidcore өз акцияларын $1,2 млрд-қа кері сатып алады Бұған дейін Қазақстанда алтын өндіретін Solidcore компаниясы акционерлерге өз акцияларын бір данасын $11,66-дан сатуды ұсынғанын жазған едік. Енді компания қорытындысын жариялап, түскен өтінімдер бойынша қанша акция сатып алатынын анықтады. ➡️ Solidcore шамамен 102,9 млн акцияны — барлық шығарылған акциялардың 23,2%-ын сатып алады. Акцияларын сататын акционерлерге жалпы шамамен $1,2 млрд төленеді. Акционерлер компания жоспарлағаннан сәл көбірек акция сатуға өтінім берген. Сондықтан әр өтінім бойынша сатып алынатын акция саны ұсынылған көлемге сай аздап қысқартылды. Сатып алуға қабылданған акциялардың ақшасы жақын арада аударылады.

🏠 Отбасы банк: пәтерді жарты жыл күтпей сатып алуға болады Ақша жинадыңыз, пәтер де таптыңыз. Бірақ аралық қарыз рәсімдей алмайсыз - депозитіңіздегі бағалау көрсеткіші (БК) қажетті деңгейге әлі жетпеген. Бұл көрсеткіш жинақ сомасы мен ақшаның депозитте қанша уақыт сақталғанына байланысты. Стандартты талап бойынша БК кемінде 5 болуы керек. Банктің түсіндіруінше, оған жету үшін ақшаны депозитте кемінде алты ай ұстау қажет. ➡️ 15 қазаннан бастап кейбір пәтерлерді сатып алу үшін бұл мерзімді күтудің қажеті жоқ. Отбасы банк ең төменгі БК талабынсыз қарыз беру тетігін іске қосады. Алғашқы серіктес - BI Group. Компания Астана, Алматы, Шымкент және Атырауда 600 пәтер ұсынады. SAT NS және QazaqStroy компанияларымен келісімдер әзірге рәсімделіп жатыр. 👇 Негізгі шарттар: ◽️ Отбасы банкте депозит болуы және онда қарыз сомасының 50%-ы жиналуы қажет. ◽️ Аралық қарыз мөлшерлемесі - жылдық 8,5%, ЖТСМ - 9–9,6%. Кейін мөлшерлемені жылдық 3,5–5%-ға дейін төмендету қарастырылған. ◽️ Алдымен құрылыс компаниясынан пәтер таңдап, брондап, оны растайтын хат алу керек. Содан кейін банкке өтінім бересіз. 💡 Қажетті БК-ны күтудің қажеті жоқ. Бірақ жинақ пен банктің қарызды мақұлдауы әлі де міндетті. Қандай пәтерлер қолжетімді екенін құрылыс компаниясынан нақтылау қажет.

💼 Тендер кепілдігі 10 минутта: бизнес өзіне қолайлысын қалай таңдай алады? Бұрын тендер кепілдігін рәсімдеу үшін құжат жинап, банкке барып, кезек күту қажет еді. Қазір Halyk цифрлық сервистері арқылы оны бөлімшеге бармай-ақ, небәрі 10 минутта рәсімдеуге болады. Банк кепілдігі бизнестің ақшасын айналымда сақтауға көмектеседі. Кәсіпкер ақшалай қамтамасыз етудің орнына банк кепілдігін ұсынады. Егер ол кепілдікте көрсетілген талаптарды бұзса, банк тапсырыс берушіге белгіленген соманы төлеуге міндеттенеді. Қай кезде қандай кепілдік қажет? ▪️ Тендерге қатысу үшін - тендерлік кепілдік. Мемлекеттік сатып алуға және "Самұрық-Қазына" сатып алуларына қатысуға арналған. Өтінімді қамтамасыз етіп, ұйымдастырушының шотына өз ақшаңызды аудармауға мүмкіндік береді. Halyk-те оны онлайн, кепілзатсыз рәсімдеуге болады. ▪️ Жеңіске жеткеннен кейін - міндеттемелерді орындау кепілдігі. Тауар жеткізу, жұмыс атқару немесе қызмет көрсету жөніндегі шарттың орындалуын қамтамасыз етеді. Halyk-тің цифрлық кепілдігіне ЖК мен ЖШС өтінім бере алады. Бір кепілдіктің сомасы - ₸100 млн-ға дейін, кепілдіктердің жалпы сомасы - ₸200 млн-ға дейін. ▪️ Тым төмен баға ұсынылса - демпингке қарсы кепілдік. Сатып алу ережелеріне сәйкес ұсынылған баға демпингтік деп танылса, жеңімпаздан қосымша қамтамасыз ету талап етілуі мүмкін. Halyk-тің цифрлық кепілдігі осы талапты орындап, өз қаражатыңызды айналымда сақтауға мүмкіндік береді. Бизнес тендерге жиі қатысса ше? Halyk қатысу жиілігі мен сатып алу сомасына қарай Tender Pro, Tender және Salem пакеттерін ұсынады. Олар жазылым қағидатымен жұмыс істейді: пакет шарттары аясында әр тендерлік кепілдік үшін бөлек ақы төлемей рәсімдеуге болады. Қосылу үшін банк клиенті болу қажет. Ал "Тендер бойынша ұсыныстар" сервисі күн сайын компанияның қызмет бағытына сай сатып алуларды іріктейді. 💡 Рәсімдемес бұрын пакет құнын немесе комиссияны, кепілдіктің сомасы мен мерзімін салыстырыңыз. Сондай-ақ тапсырыс берушінің талаптарын және банк кепілдік бойынша төлем жасаған жағдайда оның алдындағы міндеттемелеріңізді тексеріңіз.

📈📉🇰🇿 14 қазандағы қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша) 🔼 KCEL (Кселл): ₸3 177,80 (+0,4%) 🔻 CCBN (Банк ЦентрКредит): ₸5 017,99 (-0,0002%) 🔻 KZTO (ҚазТрансОйл): ₸1 306,00 (-0,01%) 🔻 KZTK (Қазақтелеком): ₸44 650,00 (-0,04%) 🔻 KEGC (KEGOC): ₸1 445,50 (-0,2%) 🔻 KMGZ (ҚазМұнайГаз): ₸35 625,00 (-0,2%) 🔻 AIRA (Air Astana): ₸668,07 (-0,6%) 🔻 HSBK (Халық Банк): ₸371,01 (-0,8%) 🔻 KSPI (Kaspi): ₸42 850,10 (-1,2%) 🔻 KZAP (Қазатомөнеркәсіп): ₸28 700,00 (-1,7%) #КүнҚорытындысы

Halyk Market қазан айында бірқатар акция өткізуде Олардың қатарында Apple өнімдеріне промокод арқылы берілетін жеңілдік және Қытайдан жеткізілетін тауарларға есептелетін бонустар бар. 🍎 Apple өнімдеріне 30 000 жеңілдік Акция мерзімі: 12–18 қазан. Halyk Market платформасындағы ресми сатушылардан Apple өнімдерін сатып алғанда, промокод арқылы ₸ 30 000 жеңілдік қарастырылған. Шарттары: 🔹Тапсырыс сомасы кемінде ₸ 500 000 болуы керек. 🔹Төлемді картамен жасауға немесе 24 айға дейін бөліп төлеуге болады. 🔹Акция 18 қазанға дейін жарамды. 🇨🇳 Қытайдан жеткізілетін тауарларға 20% бонус. Акция мерзімі: 8–31 қазан. Halyk картасымен төленген Қытайдан жеткізілетін тауарларға сатып алу сомасының 20%-ы мөлшерінде бонус есептеледі. Шарттары: 🔹Бір клиентке берілетін бонус мөлшері 10 000 бонуспен шектелген. 🔹Акция 31 қазанға дейін жалғасады. 🔹20 қазаннан бастап осы санаттағы тауарларға бөліп төлеу мүмкіндігі де қарастырылған. Акциялардың мерзімі мен шарттары әртүрлі. Сатып алу кезінде промокодты қолдану талаптары мен бонустарды есептеу шарттарын ескерген жөн.

🏠 Қазақстанда ипотеканың бастапқы жарнасы төмендеуі мүмкін Премьер-министр Олжас Бектенов Қаржы нарығын реттеу және дамыту агенттігі мен Өнеркәсіп және құрылыс министрлігіне тұрғын үй бағдарламалары бойынша бастапқы жарнаны төмендетуге қатысты ұсыныстар әзірлеуді тапсырды. Мақсат - баспана сатып алуды қолжетімді ету. 💡 Бұл сатып алушылар үшін нені білдіреді? Бастапқы жарна төмендесе, пәтер сатып алу үшін азырақ қаражат жинау жеткілікті болады. Бірақ баспана бағасы өзгермесе, несие сомасы көбейеді. Мөлшерлеме мен несие мерзімі бірдей болған жағдайда ай сайынғы төлем де, жалпы артық төлем де өседі. 📌 Жаңа шарттар әлі бекітілген жоқ. Жарна қаншаға төмендеуі мүмкін, қандай бағдарламаларға қатысты болады және қашан енгізіледі - әзірге жарияланбады. Қазір ведомстволарға ұсыныстар дайындау тапсырылды.

🏠 Ипотеканы төлеуге көмек: өтініштер 2027 жылғы 1 шілдеге дейін қабылданады Қазақстанда ипотеканы қайта қаржыландыру бағдарламасы аясында қосымша көмекке өтініш беру мерзімі ұзартылды. Өтінішті 2027 жылғы 1 шілдеге дейін беруге болады. Ал көмек 2027 жылғы 1 қыркүйекті қоса алғанда көрсетілуі мүмкін. 🔎 Тағы кімдердің ипотека төлемін жеңілдетуі мүмкін? Комиссия 2021–2024 жылдары берілген ипотекалық несиелерді қайта қаржыландыруды ұсына алады. Яғни қарыз алушыға төлеу жеңіл болуы үшін несие шарттары өзгертілуі мүмкін. Ол үшін 2025 жылғы 1 қаңтардағы жағдай бойынша мына талаптардың бәрі орындалуы керек: ▪️ қарыз алушы бағдарламада көрсетілген әлеуметтік осал санаттардың біріне жатуы немесе белгіленген тізімдегі ауруы болуы; ▪️ кепілдегі баспана қарыз алушы мен оның жұбайының Қазақстандағы жалғыз баспанасы болуы; ▪️ ипотека төлемінің кешігуі 180 күннен асуы; ▪️ негізгі қарыздың қалдығы ₸50 млн-нан аспауы; ▪️ табысы қазіргі шарттар бойынша несие төлеуге жетпеуі. ⚠️ Көмек автоматты түрде мақұлданбайды. Әр өтініш жеке қаралады. 2021–2024 жылдардағы ипотеканы қайта қаржыландыру бағдарламада бос қаражат болған жағдайда мүмкін болады. Бұл тетік мемлекеттік бағдарламалар бойынша берілген ипотекаға, заңды тұлғалардың несиелеріне және сот шешімімен расталған алаяқтыққа байланысты қарыздарға қолданылмайды. 💡 Қайда жүгіну керек? Ипотекаңызға қызмет көрсететін банкке немесе ұйымға. Сол жерден бағдарлама талаптарына сай келетініңізді және қандай құжаттар қажет екенін біле аласыз.

🏦 2027 жылдан бастап жәрдемақы тағайындағанда банктегі шоттар мен депозиттер ескеріледі 2027 жылғы 1 қаңтардан бастап банктер әлеуметтік көмек алушылар мен олардың отбасы мүшелерінің шоттары және депозиттері туралы мәліметтерді Еңбек министрлігіне береді. Ол үшін олардың келісімі қажет. Бұл туралы Еңбек және халықты әлеуметтік қорғау министрі Асқарбек Ертаев мәлімдеді. 🔎 Бұл не үшін қажет? Мемлекет көмекті отбасының мұқтаждығын ескере отырып тағайындауға көшіп жатыр. Отбасының материалдық жағдайын бағалағанда жалақымен қатар шығыстар, мүлік, несиелер және банктегі жинақтар да ескеріледі. Бұл мәліметтер Отбасының цифрлық картасында жинақталады. Жүйе отбасының жағдайын жұмыспен қамтылудан бастап жылжымайтын мүліктің болуына дейінгі 50-ден астам көрсеткіш бойынша бағалайды. 30 дерекқордағы ақпарат күн сайын жаңарып, отбасының әл-ауқат санаты ай сайын қайта қаралады. 💡 Бұл отбасы үшін нені білдіреді? Мұқтаждықты анықтағанда отбасының жалпы қаржылық жағдайы бағаланады. Депозиттің болуы жәрдемақы беруден автоматты түрде бас тартады деген сөз емес: министрдің түсіндіруінше, отбасының санаты бірнеше көрсеткіштің жиынтығы негізінде анықталады.

📈📉🇰🇿 13 қазандағы қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша) 🔼 KSPI (Kaspi): ₸43 360,00 (+1,3%) 🔼 HSBK (Халық Банк): ₸374,00 (+0,3%) 🔼 KMGZ (ҚазМұнайГаз): ₸35 700,00 (+0,2%) 🔼 KZTK (Қазақтелеком): ₸44 666,00 (+0,1%) 🔼 CCBN (Банк ЦентрКредит): ₸5 018,00 (+0,1%) 🔻 KZTO (ҚазТрансОйл): ₸1 306,13 (-0,1%) 🔻 AIRA (Air Astana): ₸672,08 (-0,2%) 🔻 KCEL (Кселл): ₸3 165,01 (-0,3%) 🔻 KEGC (KEGOC): ₸1 448,00 (-0,4%) 🔻 KZAP (Қазатомөнеркәсіп): ₸29 183,56 (-1,7%) #КүнҚорытындысы

📉 KEGOC акциялары 4,7%-ға арзандады: бұл дивидендтермен қалай байланысты? KEGOC акциялары 12 қазанда 4,7%-ға арзандап, ₸1 454,28 болды. Бұған дейін, қыркүйектің ортасынан 9 қазанға дейін, баға шамамен ₸1 510–1 525 аралығында сақталған еді. 💰 8 қазандағы жиналыста KEGOC акционерлері 2026 жылдың бірінші жартыжылдығы үшін бір акцияға ₸81,25 дивиденд төлеуді мақұлдады. Жалпы төлемге ₸22,4 млрд бағытталады. 👉 Дивиденд кімге тиесілі? Дивиденд алуға құқығы бар акционерлердің тізімі 14 қазанда сағат 00:00-де бекітіледі. Төлем осы тізімге енген акционерлерге тиесілі болады. KASE-де Т+2 режимі қолданылады: сатып алынған акция бойынша есеп айырысу екі жұмыс күнінен кейін аяқталады. Сондықтан осы дивидендті алу үшін акцияны сатып алудың соңғы күні 9 қазан болды. 12 қазаннан бастап акция сатып алғандар бұл төлемді алмайды. Ал акцияны уақытында сатып алғандар оны осы күннен бастап сатса да, дивиденд алу құқығын сақтайды. 🔻 Акциялар неге арзандады? Акция алдағы дивидендті алу құқығынсыз саудалана бастағанда, оның бағасы әдетте төмендейді. Мұны дивидендтік гэп деп атайды. Қарапайым тілмен айтқанда, бұрын сатып алушы акциямен бірге дивиденд алу құқығына да ие болатын. Енді бұл төлем оған тиесілі болмайды. Баға дәл дивиденд сомасына төмендеуі міндетті емес, ал қайта қалпына келуі уақыт алуы мүмкін. 🏦 Ақша қашан түседі? Төлемдер 1 қарашада басталады. Компанияның хабарлауынша, дивидендтер шешім қабылданған күннен бастап 90 күнтізбелік күн ішінде төленуі тиіс.