Akademik litsey

❗️Akademik litsey o‘quvchilariga qo‘shimcha yengillik va kafolatlar berilmoqda Adliya vazirligi O‘rta maxsus ta’lim tashkilotlarida yakuniy davlat attestatsiyasini o‘tkazish tartibi to‘g‘risidagi nizomga qo‘shimcha va o‘zgartirishlarni davlat ro‘yxatidan o‘tkazdi (ro‘yxat raqami 2011-5, 19.03.2026-y). ✅ Unga ko‘ra, yakuniy attestatsiya sinovlarida xorijiy tillar va umumta’lim fanlari bo‘yicha milliy va xalqaro tan olingan sertifikatga ega bo‘lgan o‘quvchilar mazkur fanlardan davlat imtihonlarini topshirmaydi va ularga maksimal ball beriladi. ⏳ Yakuniy attestatsiya sinovlarini 3 yil mobaynida ham topshirmagan o‘quvchilarga davlat namunasidagi shahodatnoma olish uchun eksternat tartibida yakuniy attestatsiyani topshirish huquqi beriladi. 🗒 Yakuniy attestatsiya sinovlarida shikoyatlarni ko‘rib chiqish uchun apellyatsiya komissiyasi tuziladi hamda o‘quvchilar davlat imtihoni baholari e’lon qilingan kundan boshlab 3 ish kuni ichida apellyatsiya shikoyati berishi mumkin bo‘ladi. ⛔️ Shuningdek, apellyatsiya shikoyatini ko‘rishda o‘quvchilarning davlat imtihoni natijasida olgan ballarini pasaytirishga yo‘l qo‘yilmaydi. @litseyhujjat

❓Ramazon hayiti va Navro'z bayrami munosabati bilan necha kun dam olamiz? 🔰 Bayramlar munosabati bilan quyidagi kunlar dam olinadi: 🔹 20-mart (juma) – Ramazon hayiti kuni – barcha uchun dam olish kuni; 🔹 21-mart (shanba) – Navro'z bayrami kuni – barcha uchun dam olish kuni; 🔹 22-mart (yakshanba) – dam olish kuni; 🔹 23-mart (dushanba) - 5 kunlik ish haftasidagi xodimlar uchun dam olish kuni (ishlanmaydigan bayram kuni dam olish kuniga to'g'ri kelganligi sababli, bayramdan keyingi ish kuniga ko'chirilgan dam olish kuni) 6 kunlik ish haftasidagi xodimlar uchun ish kuni. @litseyhujjat

❗️2026/2027-o‘quv yili bakalavriatga qabul uchun test sinovi topshiriladigan fanlar boʻyicha test topshiriqlari soni hamda baholash mezonlari Oliy ta’lim, fan va innovatsiyalar vazirligining tegishli buyrug‘i bilan 2026/2027-o‘quv yili uchun respublika OTMlarining bakalavriat taʼlim yoʻnalishlariga mos test sinovi topshiriladigan fanlar boʻyicha test topshiriqlari soni hamda baholash mezonlari tasdiqlandi. Unga ko‘ra: Barcha test topshiruvchilar uchun majburiy 3 ta fan: 1️⃣ Ona tili (o‘zbek, rus, qoraqalpoq) x 10 ta; 2️⃣ Matematika x 10 ta; 3️⃣ O‘zbekiston tarixi x 10 ta; 30 ta savol uchun 1.1 balldan jami 33 ball. Bakalavriat ta’lim yo‘nalishiga mos bo‘lgan 2 ta fan: 4️⃣ 1-fan: 30 ta savol x 3.1 ball = 93.0 ball 5️⃣ 2-fan: 30 ta savol x 2.1 ball = 63.0 ball 60 ta savoldan jami 156,0 ball. 2026/2027-o‘quv yili qabulida abituriyentlarga umumiy 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi. @litseyhujjat

❗️2026/2027-o‘quv yilida kirish test sinovlari uchun javoblar varaqasi namunasi tasdiqlandi. @litseyhujjat

❗️Ўзбекистонда умумхалқ ҳашари ўтказилади 🗓 13–14 март кунлари мамлакатимиз бўйлаб кенг кўламли умумхалқ ҳашари бўлиб ўтади. Вазирлар Маҳкамасининг 72-сонли фармойишига мувофиқ, ҳашарлар “Юрт ободлиги, аввало, маҳалладан бошланади!” шиори остида ташкил этилади. @litseyhujjat

Oʻrta maxsus va kasbiy taʼlim tashkilotlarida Milliy reyting tizimi joriy etiladi (baholash mezonlari)

Muhokamalar portaliga ‘‘Oʻrta maxsus va kasbiy taʼlim tashkilotlarining milliy reytingini yuritish va ragʻbatlantirish tartibi toʻgʻrisida’’gi Nizom loyihasi jamoatchilik muhokamasi uchun joylashtirildi.

🎹 @litseyhujjat

⚡️Endi chet tili birinchi fan sifatida belgilangan ta’lim yo‘nalishlariga qabulda kamida B1 darajadagi sertifikati borlar ham hujjat topshirishlari mumkin Hukumat qarori bilan Oliy ta’lim tashkilotlarining bakalavriatiga o‘qishga qabul qilish tartibi to‘g‘risidagi nizom (13.09.2025-yil №578 VM qarori bilan tasdiqlangan)ning 12-band quyidagi tahrirda bayon etildi: “12. Fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish bo‘yicha kamida B1 darajadagi milliy yoki xalqaro tan olingan sertifikat asosida amalga oshiriladi. Fanlar majmuasida chet tili fani mavjud bo‘lgan ta’lim yo‘nalishlariga qabulda: — B1 darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ballning 75 foizi miqdorida ball beriladi; — B2 va undan yuqori darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ball beriladi.” Ya'ni o'zgartirishdan avval fanlar majmuasida chet tili birinchi fan sifatida belgilangan taʼlim yoʻnalishlariga qabul xorijiy tilni bilish boʻyicha kamida B2 darajasidagi milliy yoki xalqaro sertifikat asosida amalga oshirilar edi. Endi shu talab B1 darajasiga tushurildi.

🎹@litseyhujjat

🎗 O‘z hayotini 3 marotaba saqlab qolish imkoni bo‘la turib, o‘limni tanlagan Ustoz...

Biz "O‘qituvchi" deganda kimni tushunamiz? Shunchaki dars o‘tadigan insonnimi yoki o‘quvchisining taqdiri uchun oxirigacha javob beradigan Murabbiynimi? ✍️ Polshalik mashhur pedagog va yozuvchi Yanush Korchakning hayoti bu savolga eng oliy javobdir. U o‘z jonini saqlab qolish uchun berilgan 3 ta imkoniyatni ham rad etdi. Nega? Chunki u shogirdlarini, o‘zining "bolalari"ni tashlab ketolmasdi.

Birinchi rad etish:

Ikkinchi jahon urushi arafasida, nemislar Polshani bosib olishidan oldin, do‘stlari unga soxta pasport tayyorlab, xorijga qochishni taklif qilishdi. Korchak esa "Yetimlar uyi"dagi bolalarni taqdir hukmiga tashlab ketishni xiyonat deb bildi va qolmadi.

Ikkinchi rad etish:

Varshava gettosida ochlik va o‘lim hukm surayotgan paytda, unga yana yolg‘iz o‘zi qochib ketish imkoni taklif qilindi. U yana rad etdi. Uning o‘rni bolalarning yonida edi.

Uchinchi – eng so‘nggi rad etish:

Bu voqea bolalarni Treblinka konslageriga – o‘limga olib ketayotgan poyezd oldida sodir bo‘ldi. Vagonga chiqish oldidan fashist ofitserlaridan biri Korchakni tanib qoladi: — "Qirol Mateush" asarini siz yozganmisiz? Men bu kitobni bolaligimda o‘qiganman. Ajoyib asar. Siz ozod, ketavering, — deydi ofitser. — Bolalar-chi? — so‘raydi Korchak umid bilan. — Bolalar ketadi. Siz esa vagonni hoziroq tark etishingiz mumkin. Shunda buyuk Ustoz ofitserga qarab shunday deydi: — "Siz xato qilyapsiz. Ilojim yo‘q. Hamma odamlar ham yomon emas (men ularni tashlab ketolmayman)". 🚂 Bir necha kundan so‘ng, gaz kamerasiga kirib borayotganda ham u bolalar qo‘rqmasligi uchun ularning qo‘lidan mahkam tutib, ertak aytib berib ketayotgan edi...

*** Yanush Korchakning jasorati shuni ko‘rsatadiki, ustozlik – bu shunchaki kasb emas, bu – Missiya. Bu – mas’uliyat. Biz har kuni sinfga kirganimizda, bizga tikilib turgan ko‘zlarga nafaqat bilim, balki mehr, ishonch va himoya bera olishimiz kerak. Zamonlar o‘zgaradi, lekin haqiqiy Ustozning o‘z o‘quvchilariga bo‘lgan sadoqati o‘zgarmasligi lozim.

Bugun o‘zimizga savol beraylik: Biz o‘quvchilarimiz uchun qanchalik fidoyimiz?