Khem Veasna

ស្តាប់ការពន្យល់ដំណើរធម៌ដើម្បីអោយអារម្មណ៍គិតហេតុផលតក្កៈយល់ថា អារម្មណ៍ដឹងតាមទ្វារទាំងប្រាំថាមានពិភពលោកនេះមាន តែអារម្មណ៍គិតហេតុផលតក្កៈយល់ថាពិភពលោកនេះគឺពិភពលោកនេះមិនមានទេ។ បើអារម្មណ៍ពិតជាគិតយល់តាមដំណើរនេះមែន នោះអារម្មណ៍យល់នឹងពាល់ត្រូវអរិយសច្ចៈទីមួយហើយ។ ការស្តាប់ការពន្យល់ដើម្បីអោយបានមកខ្លួនទាំងអស់គឺមិនមែនដំណើរនៃអារម្មណ៍យល់ធម៌ឡើយ៕

ល្ងាចនេះពូមិនបានទៅនិយាយពន្យល់ក្មួយនៅចំការដីថ្មីទេ។ ហ្កេមលោកិយនឹងមកដល់ដំណាក់ទុក្ខំក្នុងពេលដ៏ឆាប់ៗនេះហើយ។ មហន្តរាយលោកនឹងប្រាកដចំពោះភ្នែកសត្វក្នុងពេលដ៏ខ្លីនេះហើយក្មួយ។ ក្មួយមើលពីក្រៅមក ចាំតែសកម្មភាពដៃជើងនិងសំឡេងពូធម្មតាវិញហើយ នោះគឺជាចំណុចដែលពូសម្រេចឈានហើយណាក្មួយ។ ពូស្តាយមនុស្សដែលមានសំណាងកើតមកជាខ្មែរហើយមកទាន់ពូដែលជាអ្នកបំភ្លឺឡើងវិញការត្រាស់ដឹងរបស់ព្រះពុទ្ធទៅហើយ តែដោយក្បាលគេមិនមែនជាទ្វារមនោអាចគិតហេតុផលបាន គេទៅជាបំផ្លាញឱកាសដ៏កម្ររបស់ពួកគេនេះចោល ដោយគ្រាន់តែស្តាប់ពូពន្យល់ហេតុផលអោយពួកគេយកទៅប្រើខួរគិតហេតុផលដែលពូពន្យល់នោះថាត្រូវឬខុសចោលទទេអញ្ចឹងទៅ។ ចិត្តពូគ្មានអ្វីក្រៅពីសង្វេគចំពោះពួកគេដែលបំផ្លាញឱកាសរបស់ខ្លួននេះចោលទទេ ដោយអត់ស្រវាចាប់ឱកាសនេះអោយបានទៅវិញអញ្ចឹងទៅណាក្មួយ៕

កម្មវិធីផ្សាយផ្ទាល់​ នៅចម្ការដីថ្មី​ នាល្ងាចថ្ងៃទី៣១​ ខែតុលា​ ឆ្នាំ២០២៥​ នឹងចាប់ផ្តេីម​ក្នុងរយៈពេល១០នាទីទៀត។

ពូគិតពីអារម្មណ៍មនុស្សខ្លះចិញ្ចឹមឆ្កែអោយយាមនេះយាមនោះអញ្ចឹងទៅ ខ្លះចិញ្ចឹមឆ្កែគ្រាន់កំដរអផ្សុកជាដើមអញ្ចឹង។ ពូគិតយល់ពីអារម្មណ៍ទាំងពីរហ្នឹងសុទ្ធតែអារម្មណ៍មានខ្លួនជាសត្វ ទោះចិញ្ចឹមឆ្កែស្រឡាញ់ពួកវា ប៉ុន្តែដើម្បីកំដរអារម្មណ៍អផ្សុករបស់ចិត្តអត្តា ក៏មិនអាចបំបាត់អារម្មណ៍អផ្សុកដែលជាអារម្មណ៍មានខ្លួនជាសត្វហ្នឹងដែរ ព្រោះជាអារម្មណ៍ច្រឡំថាមានខ្លួនជាសត្វតែតាមពិតសត្វមិនមានទេ ដូច្នេះអារម្មណ៍តណ្ហាក៏មិនត្រូវមាន ចុះបើមាន បើមានគឺបំពេញមិនបានហ្នឹងហើយ។ ពូគិតយល់ពីអារម្មណ៍អផ្សុកនៃចិត្តសត្វអត្តា ហើយក៏ចិញ្ចឹមឆ្កែ ព្រោះឆ្កែចេះធ្វើអោយបាត់អផ្សុក ពូនឹងកហួសតែចិត្ត សត្វគ្នាមិនអាចជួយខ្លួនឯងបានផង ស្រាប់តែត្រូវមកជួយមនុស្សអោយបាត់អផ្សុកទៅវិញ នឹកឡើងចង់តែសើច គ្នាជួយខ្លួនឯងមិនទាំងបានផង តើយើងត្រូវមានអារម្មណ៍ទាមទារអ្វីពីគ្នាទៀត? យកវាមកជួយយើងអោយបាត់អផ្សុក? យី! ចេះមានអារម្មណ៍អញ្ចឹងកើត? ចិត្តពូចំពោះពួកវា ពូរស់បានជាទីពឹងអោយពួកវា សំលឹងពួកវាដោយទ្វារមនោ យល់ថាពួកវាកំសត់ណាស់ ត្រូវឆ្លងកាត់វាលវដ្តសង្សារដូចតែសត្វដទៃទៀតដែរ ជួយវាយ៉ាងណានៅតែមិនស្កប់ចិត្តចង់ជួយវា តែធ្វើម្តេចទៅ ព្រោះវាជាសត្វ តើពូជួយពន្យល់វាយ៉ាងម៉េចបាន? ពិតណាស់ថា បានការងារជួយពួកវា មិនអោយពូយល់ថារស់អត់ប្រយោជន៍ តែមិនមែនចិត្តចង់បានវាមកសំរាលការអផ្សុកនៃចិត្តអត្តាឡើយ។ គ្មានត្រូវការអ្វីពីពួកវាទេ ពួកវាត្រូវតែបានពូជាទីពឹងទាំងសព្វទាំងគ្រប់ សូម្បីតែដើម្បីបំបាត់ការអផ្សុកក៏គ្មានចិត្តចង់បានពីពួកវាដែរ អាណិតពួកវាណាស់។ ពូជឆ្កែជប៉ុនអាគីតា Akita ក្មួយៗកំពុងយកពួកវាមកពីភ្នំពេញមកនៅសៀមរាបក្រោមការមើលថែរបស់ពូហើយនៅពេលនេះ៕

កម្មវិធីផ្សាយផ្ទាល់​នៅចម្ការដីថ្មី​ នាល្ងាចថ្ងៃទី២៩ ខែតុលា​ ឆ្នាំ២០២៥​ នឹងចាប់ផ្តេីម​ក្នុងរយៈពេល៥នាទីទៀត។