Xayol chechaklari
Open in Telegram
Go'zal niyatlarning ro'yobi bo'lib, Kuzakda gullaydi mening bog'larim... Umida Abduhakimova
Show moreThe country is not specifiedThe category is not specified
400
Subscribers
+124 hours
-137 days
+17030 days
Posts Archive
...Derazaning tashqarisi kuz!
Ichkarida qolaqol, mayli.
Chiqsang.
Qaytib olmoqlik mushkul
Kuzga singib ketgan odamni...
Aziz Nur
@xayol_chechaklari
Repost from Misraginam
Band bo‘ling…
Hayot bilan band bo‘ling.
Sog‘lig‘ingiz bilan band bo‘ling.
Ishingiz bilan band bo‘ling.
Orzularingizni amalga oshirish yo‘lida qilayotgan harakatlaringiz bilan band bo‘ling.
Chunki ba’zan band bo‘lishning oʻzi insonga najot beradi.
Xrizantemalar
Chong Songhe
Yo'l bo'yidagi
gul do'koni oldida
har yo'lovchi to'xtab o'tar,
bir quchoq bo'ladi
quchsa agar
maydagul xrizantemalar
sariq gulbargchalaridan
kuz hidi kelar
Ehtimol,
har kuni ertalab
oldingda
to'xtab o'tganlar
men kabi
o'z kuzi haqida o'ylar...
R.Ahmedova tarjimasi
@xayol_chechaklari
Hayot - yaqindan qaraganda tragediya, uzoqdan kuzatganda esa komediyadir...
Charli Chaplin
@xayol_chechaklari
Toshlarni sev
Ular hech qachon
Yumshoqman deb aldamaydilar.
Yashirmaydi o‘zliklarini.
Mayin kulib yormaydilar bosh.
Toshlarni sev
Ular bezabon.
Shirin so‘zlar aytib o‘ldirmas.
Ming-ming yillar iztirobiga
Parvo qilmay beradilar dosh.
Toshlarni sev.
Toki bu jahon
Iqror bo‘lsin Ishq qudratidan
Ma‘shuqaga aylangusi tosh.
Toshlarni sev
Yuraging bo‘lsa.
Suhrob ZIYO
@xayol_chechaklari
Yolgʻizlikda ham baxtli boʻla oladigan inson haqiqatan erkin shaxsdir.
Agar sening baxting boshqalarga bogʻliq boʻlsa, demak, sen erkin emassan.
Osho
@xayol_chechaklari
Bu bog'da to'zg'igan shamollar tanish,
Shivirlar daraxtlar eski gaplardan.
Bolalik olislab ketmagan emish,
Kuz, og'iz ochmagin yangi dardlardan.
Abduhakimova Umida
@xayol_chechaklari
Daraxtlarga qarab qanday baxtli bo‘lmaslik mumkin?
Dostoyevskiy “Telba”
@xayol_chechaklari
Yuborilmagan maktub
Oʻshanda yigʻlaganim yoʻq. Faqat tomogʻim boʻgʻilib qolgan edi. Biror dona ham soʻz chiqmay... Yoʻq, yigʻlamagandim. Soʻzlar ustma-ust yigʻilib, meni boʻgʻib qoʻygandi... "Unda koʻzingizdan oqqan tomchilar nima?" deysizmi?! Bilmadim...— Siz hali ham yolgʻon gapirishni oʻrganmabsiz, dedingiz. Bilaman...Koʻzimdan oqayotgan tomchilarni yigʻi deb boʻlmasdi, balki. Ular shunchaki aytilmagan soʻzlarning koʻzlarimdan sizib chiqqan shakli edi...
Umida Abduhakimova
@xayol_chechaklari
Ketging kelganida keta olsang shaxd,
Yigʻlaging kelganda yigʻlolsang toʻyib.
Odam — taqdiriga ekilgan daraxt,
Fasllar oʻtadi muhrini qoʻyib.
Yerda yurganlarning hammasi sobir,
Oʻtib kelayotir koʻnglini qurshab.
Yelkasidan tonglar uchadi bir-bir,
Daraxtlarga qoʻngan qushlarga oʻxshab.
Nargiza Odinayeva
@xayol_chechaklari
Айни куз авжида сени соғиндим,
Устимдан хазонлар кулган чоғида.
Нима қолди экан, нимадир қолди,
Ўриклар гуллаган соғинч боғида...
Ҳалима Аҳмедова
@xayol_chechaklari
