მსოფლიო ამბები

🇸🇰 სლოვაკეთის მთავრობა 16 წლამდე ბავშვებისთვის სოციალური ქსელების გამოყენების აკრძალვას გეგმავს, კანონპროექტი სლოვაკეთის სამთავრობო პარტიამ პარლამენტში წარადგინა. კანონპროექტის დამტკიცების შემთხვევაში, 16 წლამდე ასაკის ბავშვებს სოციალური ქსელების ანგარიშების შექმნა აეკრძალებათ, პლატფორმებს კი ვალდებულება ექნებათ, რომ ახალ მომხმარებლებს ასაკის დადასტურება მოსთხოვონ.

🇺🇦🇺🇸 უკრაინის პრეზიდენტმა ვოლოდიმირ ზელენსკიმ ილონ მასკს უკრაინის „თავისუფლების ორდენი“ მიანიჭა — ქვეყნის ერთ-ერთი უმაღლესი სახელმწიფო ჯილდო. ჯილდო მას გადაეცა ადამიანის სიცოცხლისა და თავისუფლების დაცვის საქმეში შეტანილი მნიშვნელოვანი წვლილისა და უკრაინასა და აშშ-ს შორის ურთიერთობების განვითარებისთვის.

🇬🇪 აფხაზეთში, სოხუმის დრამატულ თეატრში საქართველოს ეროვნული ჰიმნი ჩაირთო.

🇧🇷🇺🇸 ბრაზილიის პრეზიდენტმა ლუიზ ინასიო ლულა და სილვამ დონალდ ტრამპთან სატელეფონო საუბრისას შესთავაზა, რომ ორ ლიდერს შორის პირდაპირი კონტაქტები შუამავლების გარეშე დამყარდეს, რაც აშშ-ის სახელმწიფო მდივნის, მარკო რუბიოს, გავლენის შეზღუდვის მცდელობად განიხილება. CNN Brasil-ის ინფორმაციით, ლულას მრჩევლების ცნობით, პრეზიდენტმა ტრამპს უთხრა, რომ ბრაზილიის მთავრობის საქმიანობის შესახებ მას დამახინჯებული და მცდარი ინფორმაცია მიეწოდება, მათ შორის ქვეყნის ელექტრონული ხმის მიცემის სისტემებთან დაკავშირებით.

🇺🇸 აშშ-ის ომის მინისტრი პიტ ჰეგსეთი: „ტრამპმა თავისი პირველი საპრეზიდენტო ვადის განმავლობაში ჩვენი შეიარაღებული ძალები აღადგინა. ახლა, მისი მეორე ვადის დროს, ის ამას კიდევ ერთხელ აკეთებს.“

🇦🇲🇪🇺 სომხეთის პრემიერ-მინისტრი ნიკოლ ფაშინიანი ევროკავშირში გაწევრიანებაზე: „სომხეთმა პირველ რიგში ევროკავშირში წევრობის შესახებ ოფიციალური განაცხადი უნდა შეიტანოს. ესეც ფართომასშტაბიან სამუშაოს მოითხოვს და, შესაძლოა, უახლოეს მომავალში ამ პროცესს დავიწყებთ, განსაკუთრებით ჩვენი ევრაზიის ეკონომიკური კავშირის (EAEU) პარტნიორების რჩევების გათვალისწინებით. ასევე არსებობს ეკონომიკური კომპონენტი: უკვე იდგმება პირველი ნაბიჯები იმისთვის, რომ სომხეთმა ევროკავშირის ბაზარზე წვდომა მოიპოვოს და ჩვენს ხალხსაც უნდა ჰქონდეს დრო, რომ დაინახოს და გაიგოს, რა შესაძლო შედეგები შეიძლება მოჰყვეს ამას. ჩემი გაგებით, ევროკავშირში წევრობაზე რეფერენდუმს მას შემდეგ ჩავატარებთ, რაც ოფიციალურად შევიტანთ განაცხადს ევროკავშირში, მივიღებთ შესაბამის პასუხს და გვექნება პროცესის საგზაო რუკა.“

🇨🇳 დაახლოებით 80 Booster T2 ჰუმანოიდმა რობოტმა პეკინში, 2026 წლის ,,World Humanoid Robot Games”-ის გახსნის ცერემონიაზე, სინქრონიზებულ ფორმაციაში ერთდროულად იარა და ირბინა. რობოტებმა ერთმანეთთან კოორდინირებულად შეასრულეს მოძრაობები და კოლონაში სინქრონულად გადაადგილდნენ.

🇺🇸🇹🇷🇮🇱🇸🇾 აშშ-ის ელჩმა თურქეთში, ტომ ბარაკმა, i24NEWS-თან განაცხადა, რომ ისრაელის მიერ სირიაში, აბუ ალ-დუჰურის სამხედრო ავიაბაზაზე განხორციელებული ავიადარტყმა „რეალურ რისკს ქმნიდა, რომ სწრაფად გადაიზრდებოდა პირდაპირ სამხედრო დაპირისპირებაში ისრაელსა და თურქეთს, ასევე სირიას შორის“. ბარაკის თქმით, თურქულმა ძალებმა არ იცოდნენ, რომ ისრაელის თვითმფრინავები სირიის კონკრეტული ავიაბაზისკენ მიემართებოდნენ და არც მათი მისიის შესახებ ჰქონდათ ინფორმაცია. შესაბამისად, თურქულ მხარეს შესაძლოა გამანადგურებლების აფრენა გადაეწყვიტა იმ ვარაუდით, რომ თავად ხდებოდა თავდასხმის სამიზნე. ,,გუშინდელი მოვლენები სერიოზული და შემაშფოთებელი იყო. მიუხედავად ამისა, შვებას ვგრძნობთ, რომ არავინ დაიღუპა და სიტუაცია არ გამწვავდა“ — განაცხადა ბარაკმა.

🇸🇳 ცნობილი ფეხბურთელი სადიო მანე მშობლიურ სენეგალში, კაზამანსის რეგიონში, მასშტაბურ აგროინდუსტრიულ პროექტს იწყებს ბამბალის აგროინდუსტრიული პარკი 500 ჰექტარზე მეტ ტერიტორიას მოიცავს და ხილის წარმოებასა და გადამუშავებაზე იქნება ორიენტირებული მოსალოდნელია წელიწადში 50 000 ტონა ხილის წარმოება და 2 500-ზე მეტი პირდაპირი სამუშაო ადგილის შექმნა პროექტის მიზანი ახალგაზრდებისთვის სამუშაო ადგილების შექმნა და მთლიანად კაზამანსის რეგიონის განვითარების ხელშეწყობაა

🇺🇸🇸🇾 ატომური ენერგიის საერთაშორისო სააგენტომ (IAEA) სირიაში, ბირთვულ ობიექტზე, „რამდენიმე ტონა“ ბირთვული მასალა აღმოაჩინა, რომელიც ბაშარ ალ-ასადის წარუმატებელი ბირთვული პროგრამიდან იყო დარჩენილი. გავრცელებული ინფორმაციით, მასალის უმეტესი ნაწილი შედარებით უვნებელი „ყვითელი კექსია“ (yellowcake) — ურანის კონცენტრატი, რომელიც თავისთავად ბირთვულ იარაღს არ წარმოადგენს. სირიის ხელისუფლების განცხადებით, ბირთვული მასალა დარჩება სირიის სახელმწიფოს კონტროლქვეშ და სააგენტოს უსაფრთხოების გარანტიების სისტემის (safeguards) ფარგლებში იქნება.

🇨🇳🇰🇷 ჩინეთის საგარეო საქმეთა მინისტრი ვან იი 19–20 აგვისტოს სამხრეთ კორეას ეწვევა. ეს მისი პირველი ოფიციალური ვიზიტი იქნება ქვეყანაში ბოლო ხუთი წლის განმავლობაში. ვან იი შეხვდება სამხრეთ კორეის პრეზიდენტ ლი ჯე-მიონგს და სხვა ოფიციალურ პირებს. შეხვედრებზე განიხილავენ ჩინეთ-სამხრეთ კორეის ურთიერთობებს, ჩრდილოეთ კორეის საკითხს და რეგიონულ პრობლემებს.

🇫🇷🇪🇺 საფრანგეთის პრეზიდენტი ემანუელ მაკრონი ევროპაზე: „გქონდეთ ნდობა ევროპის მიმართ, რომელიც ასევე არის ჩვენი დამოუკიდებლობის წყარო და რომელიც საშუალებას მოგვცემს, ერთად, მტკიცედ ვიდგეთ ამ დაშლილ სამყაროში, სადაც საერთაშორისო სამართალი ყოველდღიურად ირღვევა და ბლოკების ლოგიკა ბრუნდება. და სწორედ აქაც უნდა შევინარჩუნოთ ჩვენი დამოუკიდებლობა და თავისუფლება.“

🇨🇳 ჩინეთის პრეზიდენტი სი ძინპინი: „ჩვენ უნდა გვჯეროდეს, რომ ჩვენი ხალხი ნამდვილი გმირია და არასოდეს უნდა მივატოვოთ ეს ისტორიულ-მატერიალისტური შეხედულება, რომლის მიხედვითაც ხალხია ნამდვილი გმირი.“

🇪🇺🇺🇸🇺🇦 ევროპამ უკრაინისთვის სამხედრო დახმარების მთავარი წყაროს როლი აშშ-ს ჩამოართვა, განაცხადა РИА Новости-სთან საუბარში ჯორჯ ბუშ უმცროსის ყოფილმა მრჩეველმა რუსეთთან ურთიერთობის საკითხებში, თომას გრემმა. ,,უპირველეს ყოვლისა, შეერთებული შტატები აღარ არის უკრაინის სამხედრო მხარდაჭერის მთავარი წყარო. ახლა ეს როლი ევროპელებს აქვთ“ — განაცხადა მან.

🇯🇵🇷🇺 იაპონია რუსეთის წინააღმდეგ უფრო მკაცრი ზომების მიღებას განიხილავს მას შემდეგ, რაც პრეზიდენტმა ვლადიმირ პუტინმა ეტეროფუს კუნძული მოინახულა — ოთხი რუსეთ-კონტროლირებადი კუნძულიდან ერთ-ერთი, რომელსაც იაპონია საკუთარ ტერიტორიად მიიჩნევს.

🇪🇸 ესპანეთის ქალაქ სეუტაში მიგრანტების დიდი ნაკადის შემდეგ ინფექციური დაავადებების შემთხვევები იზრდება. მედიის ინფორმაციით, დაფიქსირდა ტუბერკულოზის, წითელას, ქეცისა და ინფექციური დიარეის შემთხვევები. მთავარი პრობლემა მძიმე ანტისანიტარია და წყლის დაბალი ხარისხია. ქალაქში დაახლოებით 10 000 მიგრანტი რჩება. ერთადერთი საავადმყოფო გადატვირთულია და ყოველდღიურად ასობით პაციენტს იღებს. ადგილობრივები შიშობენ, რომ მდგომარეობა კიდევ უფრო გაუარესდება, თუ ინფექციების გავრცელება გაგრძელდება.

🇺🇦 უკრაინის პრეზიდენტი ვოლოდიმირ ზელენსკი: „წელს ჩვენ ორნახევარჯერ ნაკლები ჩამომგდები რაკეტა გვაქვს, ვიდრე 2025 წელს გვქონდა. რუსეთს კი თვეში ორჯერ მეტი ბალისტიკური რაკეტის გამოყენება შეუძლია, ვიდრე ადრე. თუ აშშ 5%-ს მოგვყიდის, ზამთარს გავუმკლავდებით და ადამიანების სიცოცხლეს გადავარჩენთ. თუ მათ შეუძლიათ 10%-ის გაყიდვა, ყველა რუსულ ბალისტიკურ რაკეტას გავანადგურებთ. დღეს კი მე 1% მაქვს.“

🇷🇸 სერბეთის პრეზიდენტი ალექსანდარ ვუჩიჩი სერბეთის ნეიტრალურ პოზიციაზე: „რა უნდა დავაბრალოთ უკრაინას? ისინი მათ წინააღმდეგ ომში არიან. სწორედ ამიტომ არ დავუწესეთ სანქციები რუსეთს და სწორედ ამიტომ გვინდა მშვიდობა — ჩვენ არ გვინდა არც ერთი მხარის გამარჯვება. ჩვენ ერთადერთი ქვეყანა ვართ, რომელსაც მხოლოდ მშვიდობა სურს და მეტი არაფერი. ჩემი საქმეა სერბეთის ინტერესების დაცვა თუ ყველა სხვა ქვეყნის ინტერესების დაცვა? სინამდვილეში, ჩემგან რა გინდათ?“

🇸🇾🇷🇺 18-თვიანი მოლაპარაკებების შემდეგ, სირიამ და რუსეთმა მიაღწიეს შეთანხმებას ჰმეიმიმსა და ტარტუსში რუსეთის სამხედრო ყოფნის მომავალთან დაკავშირებით. მემორანდუმის თანახმად, სამოქალაქო ობიექტები, მათ შორის ჰმეიმიმის აეროპორტი და ტარტუსის პორტის მეოთხე კომერციული ნავმისადგომი ეტაპობრივად სირიის სახელმწიფოს მართვაში დაბრუნდება. სამხედრო ობიექტების ფორმატიც შეიცვლება: ისინი ტრადიციული სამხედრო ბაზების ნაცვლად სირიულ-რუსულ ერთობლივ საწვრთნელ ცენტრებად გადაკეთდება.

🇬🇪 საქართველო, სამონასტრო ცხოვრება.