BAC STORY WITH ISLEM
前往频道在 Telegram
أنا إسلام، متحصل على بكالوريا 2024 شعبة رياضيات بمعدل 17,19، و يساعدني في إدارة هذه القناة مجموعة من المتفوقين من جميع الشعب في هذه القناة نشارككم: ✅ نصائح للتفوق حسب تجاربنا المتواضعة 📂 موقع إلكتروني شامل لجميع المصادر للإعلانات👈🏻: @bacstorycontact
显示更多📈 Telegram 频道 BAC STORY WITH ISLEM 的分析概览
频道 BAC STORY WITH ISLEM (@islembacdz) 阿拉伯语 语言赛道中的 是活跃参与者。目前社区聚集了 16 105 名订阅者，在 教育 类别中位列第 12 356，并在 沙特阿拉伯 地区排名第 4 523 位。
📊 受众指标与增长动态
自 невідомо 创建以来，项目保持高速增长，吸引了 16 105 名订阅者。
根据 21 九月, 2026 的最新数据，频道保持稳定运转。过去 30 天订阅人数变化为 428，过去 24 小时变化为 -25，整体触达仍然可观。
- 认证状态： 未认证
- 互动率 (ER)： 平均受众互动率为 19.44%。内容发布后 24 小时内通常能获得 6.09% 的反应，占订阅者总量。
- 帖子覆盖： 每篇帖子平均可获得 3 131 次浏览，首日通常累积 981 次浏览。
- 互动与反馈： 受众积极参与，单帖平均反应数为 63。
- 主题关注点： 内容集中在 مَادَّة, مَوضُوع, حَلّ, تَمَيُّز, مَصدَر 等核心主题上。
📝 描述与内容策略
作者将该频道定位为表达主观观点的平台：
“أنا إسلام، متحصل على بكالوريا 2024 شعبة رياضيات بمعدل 17,19، و يساعدني في إدارة هذه القناة مجموعة من المتفوقين من جميع الشعب
في هذه القناة نشارككم:
✅ نصائح للتفوق حسب تجاربنا المتواضعة
📂 موقع إلكتروني شامل لجميع المصادر
للإعلانات👈🏻: @bacstoryconta...”
凭借高频更新（最新数据采集于 22 九月, 2026），频道始终保持新鲜度与高覆盖。分析显示受众积极互动，使其成为 教育 类别中的关键影响点。
16 105
订阅者
-2524 小时
+767 天
+42830 天
帖子存档
16 102
قمنا بتنظيم جميع تجارب المتفوقين التي شاركناها من قبل هنا(حتى تجارب السنة الماضية) في صفحة خاصة في موقعنا الإلكتروني حتى تتمكنو من الوصول إليها بسرعة، تضفحوها عبر الرابط التالي👇🏻
https://www.bac-story.com/experiences
#سلسلة_تجارب_المتفوقين@islembacdz
16 102
بالنسبة لتلاميذ التقني رياضي هل تم إعتماد تسمية شعبة هندسة أم بقيت بالإسم القديم؟🤠
16 102
فريق BAC STORY يتمنى لكم دخول مدرسي موفق يا أصدقاء🤍
ننصحكم تحضرو هذه الأيام حتى تتعرفو على أساتذتكم و تشدو مقاعد مليحة فالمقدمة🤓
16 102
لي عندو أي سؤال لهذه المتفوقة يتفضل بطرحه👀👇🏻
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
🔖نصائح عامة
- أخذ أيام راحة عند الإحساس بالتعب
- عدم الخوف كاين العديد من التلاميذ الي كانو متأخرين بصح لحقو منهم أنا كنت متاخرة في المواد الأدبية ختمتهم في الأسبوع ماقبل البكالوريا
- إذا حسيت راك ضيع في وقتك في ليكور حبس و قرا وحدة إذا كنت خفيف على الفوج تاعك و لا ثقيل حبس ليكور و قرا في الدار احسن لك
- الأساتذة و ليكور يمثلو 20% فقط من دراستك و 80٪ الباقية عليك أنت و الجهد الي غادي تبدله كامل قسم يقرأ عند نفس الأساتذة بصح مشي كامل جابو امتياز
- ماتحرموش رواحكم من هواياتك و اهتماماتكم أنا وحدة من الناس كنت نمارس هواياتي بشكل طبيعي و نقرا تاني كلشي يعتمد على كيفية تنظيمكم لوقتكم
- قادر لا سمح الله تحدث مشاكل عائلة اعزلو عقلكم عنها جربو ماتتاثروش بالمشاكل و هدرة والديكم و ابذلو أقصى مجهودكم و اخلصو نيتكم
- و اخيرا خلو قرايتكم في السر ماتقولو لحتا واحد العين حق و الناس تحسد على اصغر الأشياء و في نفس الوقت ماتكذبوش إذا سألكم واحد قولو فيها الخير ان شاءالله
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
🔗تجربتي مع bac story :
كان يسهل لي الوصول إلى المواضيع و حلولها كما أمكنني ايجاد العديد من الملخصات و التمارين في جميع المواد + استفدت من النصائح بشكل كبير و تعرفت على أساليب دراسة جديدة و أشخاص يمرون بنفس تجربتي
عليكم بالإستفادة من الموقع فهو يوفر عليكم الوقت و الجهد👇🏻
https://www.bac-story.com/
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
⏳تنظيم الوقت
أنا كنت نخصص نهاية الأسبوع للمواد الثانوية اما أيام الأسبوع كنت مركزة مع المواد العلمية في اليوم كنت نقرا مادتين أساسيتين كانت طريقة الدراسة تاعي هي مراجعة عامة للدرس و إذا لقيت جزء نسيته او مافهمتهش غاية كنت نعاوده و نروح نحل تمارين
🔖طريقة الدراسة
كنت نركز جيدا على فهم الدرس ثم نحل تمارين و كنت أنوع بين الأفكار و ايضا كنت نستعمل التمارين كطريقة للمراجعة كل وحدة كنت نحل فيها عدد كبير من التمارين مع استعمال مؤقتة لازم التمرين الواحد مايديش كثر من 40 دقيقة
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
📜 التاريخ و الجغرافيا :
أنا شخصيا استعنت بالفهم اكثر من الحفظ حفظت فقط 30٪ من البرنامج متمثلة في التواريخ و المصطلحات اما الدروس فكنت أراجعها عند الاستاذ بورنان و لايفات الدكتورة نعيمة و الشخصيات حفظتها من عند الاستاذة هند
الكتاب الذي استعنت به للمراجعة كان كتاب الاستاذ محمودي عادل مفصل و به العديد من الاسئلة الاستنتاجية
كانت لدي مطوية خرائط للأستاذ محمودي عادل لكن لم احفظ أي خريطة
🕌العلوم الإسلامية:
نفس الشيء يجب ان تفهم الدروس جيدا و تحفظ التعاريف و الأدلة الشرعية و انصح بكتابي الأستاذة بوسعادي الأرجواني للدروس و الأخضر للاسئلة و المواضيع و الشريعة تحتاج إلى التدرب على فهم الايات و استغلالها في الإجابة كما يجب ان تركزو على الفروقات و اسئلة الفهم لان مواضيع الشريعة أغلبيتها تعتمد على الفهم اكثر من الحفظ
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
📚اللغات
كنت نحضر فالليسي نفهم و نركز مع الأساتذة مليح و كي يقرب فرض ولا اختبار نحل موضوع او موضوعين في كل لغة :
📝 اللغة العربية :
كنت نراجع من كتاب تأشيرة النجاح في اللغة العربية و نحل مواضيع مع الاستاذ بوبكر و حيقون
🇫🇷 اللغة الفرنسية :
استعنت بكتاب الأستاذة بوغدادة و حليت مواضيع بكالوريا تجريبية
🇬🇧 اللغة الإنجليزية :
كنت نحل بكالوريات تجريبية للمراجعة و القواعد لخصتها بنفسي
الإنجليزية هي مادة سهلة يجب ان يكون التلميذ متمكنا من المصطلحات اما القواعد لكثرتها انصح بتلخيصها و حفظها و التدرب جيدا على قراءة النص و استغلاله في حل الاسئلة لذلك يجب حل العديد من المواضيع
#سلسلة_تجارب_المتفوقين@islembacdz
16 102
⭐️تجربة تلميذة نظامية - شعبة تقني رياضي هندسة كهربائية
الامتياز في البكالوريا يحتاج الدراسة بذكاء لا بجهد
🧮الرياضيات
_ الفهم الصحيح للدرس و جميع المبرهنات هو الأهم اما التمارين فيجب التطرق إلى افكار مختلفة تجدون أغلبيتها في البكالوريات التجريبية
اما البكالوريات أنا شخصيا لم احل الكثير فقط موضوعين و ركزت على حل تمارين من كل وحدة على حل مواضيع شاملة
📚مصادر الرياضيات : كتب الاستاذ نور الدين و مواضيع البكالوريا و البكالوريات التجريبية
🧪 الفيزياء
مادة تحتاج الفهم ايضا أنا اعتمدت على أستاذ القسم في الفهم بالإضافة أنني سجلت في دروس خصوصية في الفيزياء انصح بكتب " تأشيرة النجاح " ارى تمارينها كافية و افكارها متنوعة بالإضافة إلى البكالوريات التجريبية
📚مصادر الفيزياء: كتب تأشيرة النجاح و بكالوريات التجريبية و فيديوهات الاستاذ عبد اللطيف
⚡ الهندسة الكهربائية
مادة اساسها الفهم و حل الكثير من المواضيع هي مادة بعض دروسها معقدة لكن تمارينها و مواضيعها سهلة لذلك انصح بحل مواضيع كلا من البكالوريا التجريبية و البكالوريا
📚مصادر الهندسة الكهربائية : اعتمدت على تمارين استاذة القسم التي تجبدونها في موقع BAC STORY👇🏻
https://www.bac-story.com/
+ حللت جميع البكالوريات السابقة
#سلسلة_تجارب_المتفوقين@islembacdz
16 102
السلام عليكم ورحمة الله وبركاته🤍
لازلنا مع #سلسلة_تجارب_المتفوقين@islembacdz، و سادس ضيوفنا تلميذة نظامية متحصلة على معدل 18,22 شعبة تقني رياضي هندسة كهربائية – بكالوريا 2026 – طالبة بالمدرسة للعليا للأنظمة المستقلة🤖
موعدنا معها على الساعة الثامنة ليلا ً(20:00)⏱️
اضغطو على هذا الهاشتاغ #سلسلة_تجارب_المتفوقين@islembacdz و ستجدون فيه جميع تجارب المتفوقين التي قمنا بمشاركتها من قبل⭐️
16 102
🎓تجربة طالبة حرة - شعبة علوم تجريبية
⭐️آخر نصيحة:
حاولوا تنظموا وقتكم برك، الوقت راه كاين، اعرفوا تستغلوه، اعرفوا كيفاش تقراوا واهم حاجة ماتقارنوش رواحكم بغيركم، انا كانوا يعاودوا معايا بزاف كاين لي كملوا البرنامج قبلي بصح مادرتش عليهم كنت مهتمة بنفسي وفقط، مايهمني في حتى واحد المهم نركز مع نفسي وقرايتي...
الجامعة مانخالط فيها مانكسر راسي ندي واش نحتاج ونروح، حتى في المكتبة ولا كنت نشد بلاصتي نقرا نكمل نهز روحي نروح فرات...
واهم شيء واحد ماكان يعرف بلي راني نعاود ماعدا المقربين وهاذوا يتعدوا على الاصابع..
وماقريتش بهاذيك المثالية، كاين يامات والله ماهزيت فيهم كراس وماحليت فيهم تمرين، بصح كنت كل مانطيح نوض وهكذا، الواحد مش آلة، راه انسان ويجي وقت وين يتعب فيه ويولي يحوس غير يرقد ويرتاح..
والنصيحة الثنينة يلي نمدهالكم هي انكم تكسروا روتين القراية بالقرآن، كنت كلما نكمل مادة ولا نكره نهز روحي ونروح نقرا القرآن كي نكمل نحس بالطاقة عاودت رجعت ونكمل نهاري بفضل الله.
واعلموا انه مازاحم القرآن شيئا الا باركه.
والدعاء كذلك، ادعوا بكل ما لديكم وبر الوالدين خاصة...
واخطيكم من الخلطة وكثرة الكلام مع الناس راهي ماتنفعش، لي يسقسيك راك تعاود طنش جدو واش دير بيه، الفضول الزايد يقتل..
وهذه هي، نتمنى انكم استفدتوا ولو بالقليل...
دعواتكم لنا بالتوفيق والهداية والثبات والفتح المبين.
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
⏱️تنظيم الوقت
وطبعا تنظيم وقتي كان راجع للجامعة وسيستامها،
كنت انا اغلب وقتي في المكتبة نقرا ولا القاعات، في الدار نقعد غير اواخر الاسبوع...
المهم كنت نركّز في التيدي والتيبي بزاف، والكور كاين موديلات معينة برك نركز فيهم كيما اناتومي، سيتولوجي، ايستولوجي، اومبريولوجي وكذا..
ليسونسيال كنت نحاول ندي واش نحتاج وماكنتش محيرة روحي من الباك، وقت الجامعة جامعة ووقت الباك باك، تسما كل وقت والمجال تاعو.
شوفوا كنت كي مانحضرش الكور ولا يجي وقت ومانقراوش فيه نروح نستغلوا ونقرا للباك... بعدها كي لحقوا الاختبارات تاع الs1
قسمت العطلة بين الباك والجامعة...
الصباح كنت نحفظ... ونحل كاش موضوع ولا زوج..
بعدها نقرا للجامعة... بعدها نريح ونرجع للباك ونختمها بالجامعة...
المهم كنت ندير مادتين جامعة
مادتين باك وخطرات 3 على حساب الوقت..
وهكذا طلعت الs1 مليح وضمنتو بفضل الله... وتفرغت مليييح للباك... في الs2..
كاين وين تغيبت في حصص تيدي وتيبي وكذا...
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
🕌الشريعة:
كنت حافظة من قبل، ماعييتش روحي خليت حتى اخر شهر وبديت نراجع خفيف خفيف من عند بوسعادي ونحل مواضيع مقترحة اي موضوع نتلاقاه نحلوا..(20)
🕊️الفلسفة:
مانكذبش عليكم رحت بالمقترحات وركزت بزاااف على الحتمية والمقارنة...
تبعت الاستاذ اكرم غسان ماشاء الله عليه يعرف يفهم.. الخ... قريت المنهجيات ووجدت مخططات للمقالات لي اقترحهم عادل مقرود وركزت على لي مقترحينهم كامل...
وفي الاخير طاحت الحتمية ودرتها (:
الحمد لله (18)
💭اللغات:
كانت عندي خلفية مليحة، بصح شفت ملخصات بوغدادة في الفرنسية مليحة بزاف فيها كامل واش يحتاج الطالب(18)، والانجليزية شفت عزوز وسعدو ، وكنت خطرات نضرب طلة على ليزاستوس تع امين انجلش..(19)
ماحليتش مواضيع وحدي لكن شفت مع ليبروف في اليوتيوب... شغل بالحيلة (:
📚الأدب العربي:
كنت قاريتها من قبل بصح كي لحق رمضان عاودت طليت عليها وحليت مواضيع، تبعت غير بوبكر وراجعت من ملخصاتي، وانا بنادم يميل للنثر تسما كنت عارفة واش نخير و ديت (17.5)
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
🧪الفيزياء:
اكتفيت بالاستاذ طيايبة فقط، نتفرج الدرس ونحل التمارين لي حالهم ونفوت للافكار (كان عندي كراس خاص بيهم ومام ندير كيما ندير في كل مادة).
كاين ثاني الاستاذ عبد الله منظم.. كاين لي استفادو منو.. بصح انا تبعت طيايبة... واكتفيت بيه في كل شيء..
بالنسبة للمواضيع في الفيزياء ماحليتش...حليت تماربن مقترحة برك
مادرت لا وقت لا والو...
المادة كانت المفضلة عندي فماكنتش نلقى مشاكل معاها...
بديت بهذا الترتيب: الكيمياء (الاكسدة، الاحماض، الاسترة، وفالتمارين نحل تمارين تدمجهم وكذا)، الميكانيك (كنت نفهم الاساس كيما داير طيايبة ونطبق)، الكهرباء، النووي.(19)
كي تشوفوا طيايبة رايحين تفهموا قصدي إن شاء الله.
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
🧬بعدها بديت العلوم:
طبعا انا كنت عارفة واش رح نقراوا وكذا، تسما ماعييتش روحي بالمكتسبات (ماعدا انني شفت في فيديو المكتسبات جزئية المنهجية)، طول رحت للدروس وتبعت "ايوب للعلوم"، كمت الوحدة نكملها في وقت قصير وننتقل مباشرة للتمارين..
المهم طريقتي كانت: نقرا الوحدة كاملة، بعدها ننتقل للملخص بعدها ننتقل للتمارين(حليت غير لي حاطهم ايوب وشوي من عند خيرة فليتي لانو كان كل همي نفهم كيفاش نحل وماكانش يهمني شحال نحل)، بعدها كي نكمل التمارين تاوعوا مع الاختبار تع كل وحدة نروح نتفرج الافكار...
وفي الاخير حليت المواضيع لي حطهم في قناتو وراجعت من فيديوهاتو + سلسلة انعش ذاكرتك.
ملاحظة: كان عندي كراس خاص ومقسم على 3:جزء للافكار، جزء للاخطاء والتصحيح، جزء للمنهجية (ماكنتش نكتبها بطريقة بيداغوجية ولا، لالا، كنت نكتب كيفاش نحل مثلا كي يمدلي حلل واش لازم ندير وكي يمدلي وضّح واشرح وواش الفرق بيناتهم، الصراحة ننصحكم بيها لانو تعاون بزاف وتسهل عليكم).
الصراحة ماكسرتش راسي بكمية التمارين والمواضيع، كان كل همي نعرف كيفاش نحل.. الكمية كامل مادرتش عليها...
مواضيع ايوب كانوا كافيين+ تمارين خيرة فليتي وشرحها وكذا..
بصح ننصح بزاف بأيوب لاني تبعتوا في كل شيء تقريبا.(19.5)
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
📜الاجتماعيات:
قلت بلي بديتها بكري، لأنو بالنسبة ليا كانت طويلة وماكنتش حابة نروح بالمقترحات... يعني على الاقل نضمن علامة مليحة..
تبعت الاستاذين "بورنان ولعروق"، بورنان ماكانش عندي كتابو ايا وليت هبطت ملخص تاعو نحفظ منو (ماطبعتوش غير من التيليفون كلما نلقى فرصة ونكون الاز نخرجو نقرا منو)
المهم انا مارحتش لكل درس وحدو، رحت للمراجعات الشاملة في كل وحدة نتفرجها مرة وزوج وثلاثة ومبعد نرجع للملخص هذاك نقرا منو ونزيد نقرا حتى نلقى روحي حفظت.
والمصطلحات والشخصيات والتواريخ: قريتهم عند محمد لعروق...كاتبتهم تقدروا تقولوا (من العام ليفات) تسما غير قريت وراجعت منهم.
المواضيع: اكتفيت بالبكالوريات ولي حاطهم بورنان، مثلا كنت نحل شفهيا كب نكون حافظتها مليح، ونحل كتابيا كي نلقى روحي ناقصة...خاصة المقال..والتعليق.(18)
بعد هذه كامل بديت شوي نفيق، ووليت نتغيب ومانحضرش ليكور بصح! كنت ضمنت بلي فاهمة سيستام الجامعة كيفاش، وعرفت وقتاه نتغيب ووقتاه لالا وهذا الشيء سهّل عليّ بزاف، بحيث خلاني نقرا الاز ايا وليت نهار يكون عندي كور مانحضرش نروح للمكتبة ونقرا واش كتب ربّي وهكذا..
#سلسلة_تجارب_المتفوقين@islembacdz
16 102
🎓تجربة طالبة حرة - شعبة علوم تجريبية
كنت في بداياتي نقرا للباك في الابام الاخيرة (الخميس، الجمعة، السبت) بحكم انني بالخميس ماكنتش نقرا لعشية كان عندي حصة واحدة برك صباحا..
(هذه كانت في شهر اكتوبر).
اول مادة بديت بيها كانت الرياضيات موازاة مع الاجتماعيات.
🧮 الرياضيات: قريت عند الأستاذ عبد الشافي(عندو قناة في اليوتيوب)، بديت بالمكتسبات والحوايج يلي نحتاجهم في المادة عمومًا، كنت نتبع معاه الدرس ونحل تطبيقات خفاف نشد بيهم القوانين ونفوت للدرس لي بعدو، وهذا ماكانش يدي من وقتي بزاف لانو اصلا كانوا كاينين حوايج فاهمتهم تسما لازم تعرفوا برك واس تحتاجوا باش تثبتوهم فرات.
المهم كنت قريت: الدوال كامل ومعاهم الدوال الاصلية والتكامل وبعدها انطلقت في التمارين لي كان دايرهم، بعدها رحت للميزان والمقترحات تع نوردين..
بالنسبة للاسئلة الاخيرة والافكار: كنت نشوف نوردين والاستاذ بوسيف باش نطوّر روحي وكذا، واصلا المادة تعتمد على فهم الدرس ثمّ الممارسة، يعني مستحيل تقرا حاجة وتقول فهمتها الا لما تمارس وتطبّق.
وهذا هو سر التفوق في المادة بعد توفيق الله، انّك تقرا الدرس ثم تطبق عليه، كنت كي مانفهمش جزئية معينة مثلا المناقشة ولا التكاملات.. الخ، نروح نشوف عند نوردين سلسلة خاصة بيهم يعني تطبيقات ونحل ونفهم..
بعدها المتتاليات، الاحتمالات، الاعداد
المركبة.. وكلهم بنفس السيستام..
ملاحظة: كان عندي كراس خاص مقسم على 3 اقسام، قسم ندير فيه الاخطاء لي نديرها مع التصحيح، وقسم ندير فيه الافكار لي نتلاقاهم وكيفاش نحلها، وقسم ندير فيه القوانين....(علامتي في الرياضيات كانت:19).
في المراجعة النهائية: حقيقة استغنيت كلّيا عن المواضيع تاع عقبة والمواضيع الخارجية، وحليت غير مع الاستاذ نوردين، اي تمرين يحطه ولا اي موضوع نحله... وطبعا ندير الوقت... فالحمد لله يعني..
#سلسلة_تجارب_المتفوقين@islembacdz
