РобімНогі

Прыемна назіраць за забегамі, якія з кожным годам растуць і прыдумляюць нешта новае. Актыўныя ўдзельнікі "Бабуліных казак" у гэтым годзе атрымаюць два медалі – асобныя для начнога і дзённага трэйлу. Лагічны і прыгожы ход. Ну, і за канцэптуальнасць – рэспект. Такія медалі хочацца збіраць, як бонсцікаў.

Лічбы Мінскага паўмарафона-2026: 💫 Усяго на трох галоўных дыстанцыях забег сабраў 15881 удзельніка (+2747 да 2025 года). На паўмарафонскай дыстанцыі – 4036 фінішораў (+793 да 2025 года, але да рэкорда 2019-га крыху не хапіла). 💫 На паўмарафонскай дыстанцыі сярод фінішораў было 2964 прадстаўнікоў Беларусі, Расіі – 1028, Казахстана – 7, Польшчы – 5, Кітая і ОАЭ – па 3, Узбекістана, Францыі, Швецыі, Малдовы, Кеніі – па 2, Туркменістана, Чэхіі, Чылі, Аўстрыі, Бразіліі, Велікабрытаніі, Германіі, Індыі, Ірана, Іспаніі, Італіі, Канады, Ганконга, Мальты, Нарвегіі, Танзаніі – па аднаму 💫 Найбольш фінішораў на 21 км было з наступных гарадоў: Мінск – 1279, Масква – 390, Санкт-Пецярбург – 145, Гомель – 92, Брэст – 90, Гродна – 75, Віцебск – 66, Магілёў – 58, Барысаў – 34, Наваполацк – 27, Бабруйск – 24, Баранавічы – 22, Салігорск – 20, Мазыр – 19, Орша –18, Ліда, Маладзечна – па 17, Жодзіна – 15, Пінск, Светлагорск – па 13, Жлобін, Полацк, Смаргонь – па 11 💫 Самыя актыўныя клубы па фінішорам на 21 км: Arza Running Club – 52, Run4Fun – 36, Tristyle – 26, Adept Running Club – 25, ProRun – 19, I-RUN – 16, Падабайка-RUN – 15, Running Vitebsk, Бег с Удовольствием – па 13, Cadence – 12, Аматар – 11, BeRunner, DovydkoClub, VeRUN – па 9, Runos, Sozh River Runners КЛБ "Сож"– па 8, Daily Sport Club, LFK group – па 7

Вось такі маршрут па тэрыторыі Музея народнай архітэктуры і побыту будзе для ўдзельнікаў Начнога забега. Зарэгістравацца на яго сёння ўжо не атрымаецца.

Вось такі бясплатны сыр раздадуць у Белавежскай пушчы.

Дзінара Смольская паспрабавала сябе ў паўмарафоне. Вынік: 1:21:56 і 10-е месца ў абсалюце Мінскага паўмарафона-2026.

Я в восторге от всего, что я видела и что чувствовала начиная с разминки, заканчивая заключительными метрами дистанции, - энергия, драйв, эмоции, поддержка бегунов друг друга, зрителей по трассе, волонтёров и просто неравнодушных прохожих. Это было здорово и незабываемо!

Дзінара Смольская – беларуская біятланістка, алімпійская чэмпіёнка, пераможца этапаў Кубка свету.

Пераможцы Мінскага паўмарафона-2026: 🥇Boay Dawii Maganga – 1:04:23 🥈Дзмітрый Сойка – 1:04:57 🥉Уладзіслаў Прамаў – 1:06:15 4. Мікіта Коценеў – 1:06:33 (PB) 5. Мікіта Чахоўскі – 1:07:08 (PB) 6. Андрэй Сушчэня – 1:07:13 🥇Hilda Jelagat Kiptum – 1:11:31 🥈Cynthia Kosgei – 1:11:31 🥉Таццяна Шабанава – 1:14:11 (PB) 4. Іна Новік – 1:14:52 (PB) 5. Кацярына Карнеенка – 1:15:06 6. Ганна Максімава – 1:16:46 (PB)

Стаў вядомы спіс эліты на Мінскім паўмарафоне: Boay Dawii Maganga - 1:01:57 (2026) Танзанія, 22 Сцяпан Рагаўцоў - 1:03:50 (2009) Беларусь, 40 Уладзіслаў Прамаў - 1:04:16 (2019) Беларусь, 42 Дзмітрый Сойка - 1:04:40 (2021) Расія, 27 Сяргей Карпаў - 1:06:12 (2025) Беларусь, 31 Мікіта Чахоўскі - 1:07:45 (2024) Беларусь, 32 Сяргей Краўчэня - 1:07:33 (2023) Беларусь, 30 Мікіта Коценеў - дэбют, Беларусь, 30 Cynthia Kosgei - 1:08:29 (2023) Кенія, 32 Hilda Jelagat Kiptum - 1:09:31 (2024) Кенія, 27 Марына Даманцэвіч - 1:12:13 (2015) Беларусь, 42 Кацярына Карнеенка - 1:13:04 (2026) Беларусь, 38 Таццяна Шабанава - 1:15:10 (2025) Беларусь, 28 Іна Новік - 1:16:08 (2025) Беларусь, 25 Ганна Максімава - 1:17:07 (2025) Беларусь, 32 На каго ставім?

Што чакаем і чаго не варта чакаць ад Мінскага паўмарафона-2026 Год таму хадзілі актыўныя чуткі пра тое, што паўмарафон нарэшце вырасце да марафона. Але яны так толькі чуткамі і засталіся. Пазней з'явілася цалкам афіцыйная інфа пра тое, што бегавое свята пройдзе ў два дні. Але і гэтага не здарыцца – Мінск яшчэ не гатовы да пашырэння фармату. Чаго ж чакаем? Пачнем з пазітыву — Мінскі паўмарафон нарэшце адмовіўся ад дыстанцыі-спадарожніка ў чвэрцьмарафон 10,55 км. Чаму ён так доўга трымаўся гэтай незразумелай дыстанцыі – для мяне дагэтуль загадка. Але гэтым разам будуць роўненькія 10 км. Хай сабе і з горачкамі. А ўлічваючы тое, што гэта дыстанцыя ўжо сертыфікавана — то нарэшце можна будзе ставіць легальныя рэкорды на шашэйных 10 км у Беларусі. Зрэшты, ці з'явяцца вынікі Мінскага паўмарафона-2026 на сайце World Athletics — вялікая загадка. Вынікі забегу з 2015 па 2021 гады там ёсць, але пазнейшыя — адстутнічаюць. Фактычна для сусветнай лёгкай атлетыкі Мінскага паўмарафона з 2022 года не існуе. Чаму вынікі не публікуюцца? Пытанне адкрытае. Напрыклад, пратаколы расійскіх шашэйнікаў там з'яўляюцца спраўна. У гэтым годзе вернуцца прызавыя "ў далярах" — пераможцы атрымаюць па 3000$ (такія ж прызы былі ў Мінску з 2016 па 2021 гады). Цікава, ці хопіць гэтага для таго, каб на паўмарафон вярнуліся хуткія афрыканцы? Апошнія два гады на п'едэсталах былі толькі беларусы. Дарэчы пра міжнароднае прадстаўніцтва. Штогод арганізатары называюць лічбу краін, з якіх рэгіструюцца на Мінскі паўмарафон. Максімум быў у 2019-м – 57. У мінулым годзе было 15, а ў гэтым – 39. Але для якаснага пашырэння геаграфіі ўдзельнікаў арганізаты не зрабілі нават самы першы і самы лагічны крок – не пераклалі сайт на англійскую мову. Сайт для рэгістрацыі на паўмарафон – гэта асобнае пытанне. Ён быў створаны тры з паловай гады таму па шаблоне з расійскім сайтам RussiaRunning і за гэты час ніяк не адаптаваны ла Беларусі. Там па-ранейшаму падчас рэгістрацыі па змоўчанні стаіць "Расія" (а краіну "Беларусь" у доўгім спісе знайсці няпроста – бо трэба шукаць "Рэспубліку Беларусь"). Рэдка ў каго атрымаецца зарэгістравацца на паўмарафон па-беларуску – бо сістэма не прымае літары "і" і "ў". Вернемся да станоўчага — "Сямейны забег" набудзе нарэшце рысы спаборніцтва і самыя хуткія дзеці будуць дадаткова адзначаны (узроставыя: 7-9, 10-12). Заўсёдная інтрыга – ці зможа ў гэтым годзе Мінскі паўмарафон-2026 перабіць рэкорд па ўдзельніках 2019 года. У мінулым годзе на дыстанцыі 10,5 км было больш фінішораў, чым у 2019-м. Гэтым разам інтрыга, ці будзе больш фінішораў на паўмарафоне (у 2019 г. было 4070 чалавек). Гэты рэкорд вельмі верагодны, бо зарэгістаравалася на поўную дыстанцыю ў 2026-м больш за 4,5 тыс. чалавек. А чаго вы чакаеце ад Мінскага паўмарафона-2026 і якія станоўчыя і адмоўныя моманты гэтага старту заўважылі?

Валянцін Малькоў стаў пераможцаў Kazbegi Mountain Marathon на дыстанцыі 36 км. Гэта горны трэйл , які праходзіць у Грузіі непадалёк ад гары Казбек. Час Валянціна - 5:26:05.

Это очень сложная гонка: у меня средний темп вышел 8:58/км. Сложность состоит из многих факторов – это и большой набор/сброс (2882 м за 36 км), и высота (старт на 1750 м, максимум – 3650 м), и большие градиенты, часто больше 20%, сложный рельеф на спусках: лед, морена, каменистые тропы, травяные склоны. Конкуренция была больше внутренняя, почти все соперники знакомые. Всего среди фаворитов набралось 6 парней и одна девушка с итрой больше 700. В какой-то момент стало понятно, что отрыва, который я заработал на спуске, хватит до финиша. Я не могу выделить чего-то одного, сыгравшего ключевую роль в результате. Если говорить про день гонки, то помог опыт предыдущих попыток, хорошая погода, терпение в начале, умение бежать техничные спуски в середине и конце, удачно подобранное питание и снаряжение.

Як вам такая прабежка!? 💪

Вось цікава, 100 кілаграм свіных рабрынак - гэта самы вялікі прыз пераможцу на беларускіх забегах-2026? (добра, Мінскі паўмарафон і Магілёўскі марафон у разлік не бярэм). 🎥 Instagram

Проста цікавы факт. 2025 год. Вялікі пампезны Мінскі паўмарафон vs Лакальны мінскі марафон "Самапраўзыходжанне" (экс - "Вясёлка"). Лічым фінішораў з замежжа без уліку Расіі: Мінскі паўмарафон (дыстанцыі - 10,5 км і 21,1 км): Кітай - 8, Казахстан - 6, Польшча - 2, Азербайджан, В'етнам, Італія, Латвія, Егіпет, Кыргыстан, Турцыя - па 1 Марафон "Самапраўзыходжанне" (42 км): Германія - 7, Бельгія - 1, Катар - 1

🍂🍁Плануйце сваю восень з каляндаром беларускіх забегаў: 6/09 🚙 ⭐️ 🐎Мінскі паўмарафон 12/09 🚙Ашмянская пяцёрка 13/09 🚜 Ліса ў лесе (Магілёўскі р-н) 19/09 🛻Шляхамі Якуба Коласа (Стаўбцоўскі р-н) 19/09 🛻〽️ Kaspersky Race (Дзяржынскі р-н) 26/09 🚙 Языльская дзясятка (Старыя Дарогі) 27/09 🚙 🐪Магілёўскі марафон 27/09 🚙 Залатая восень (Мінск) 3/10 🛻 Жырандоля III (Баранавіцкі р-н) 10/10 🚙 🐪Маларыцкі марафон 10/10 🚜Бабуліны казкі (Гродна) 10/10 🚙 🐎Гомельскі паўмарафон 17-18/10 🚜 Залатыя сады (Полацкі р-н) 24/10 🚜〽️Жук-трэйл Лагойск (Лагойскі р-н) 🚙 - шаша, крос 🛻 - трэйл-крос 🚜 - трэйл-трэйл 🐎 - паўмарафон 🐪 - марафон 🐫 - ультрамарафон ⭐️ - сертыфікацыя World Athletics 〽️ - старт ITRA 🔗 - клубны залік, эстафета

22 жніўня пройдзе галоўны мінскі марафон - "Самапраўзыходжанне" (экс-"Вясёлка"). Ліміт удзельнікаў - 108 чалавек. Марафон пройдзе ў 25 колаў. Удзел бясплатны.

Мінуў апошні старт летняга сезона ў беларускай лёгкай атлетыцы - Адкрыты Кубак Беларусі. Лепшым забегам сярод мідлраннераў сталі жаночыя 800 м: там, хоць поўнавартаснай барацьбы і не атрымалася, але і Ангеліна Равіч (на фота), і Таццяна Шабанава палепшылі свае асабістыя рэкорды. Астатнія забегі былі малацікавымі і без выбітных вынікаў. Пераможцы Адкрытага Кубка Беларусі-2026: 800 м 🥇Дзмітрый Савін - 1:49.63 🥇Ангеліна Равіч - 2:01.22 PB 1500 м 🥇Арцём Калачоў - 3:43.03 🥇Таццяна Шабанава - 4:15.09 5000 м 🥇Павел Небыт - 14:03.50 🥇Іна Новік - 16:28.28 3000 м з/п 🥇Дзмітрый Іваненка - 8:36.98 🥇Іна Новік - 9:50.72 Лепшыя на Кубку Беларусі ў бегу на выносліваць, згодна з рэйтынгам World Athletics: 1. Ангеліна Равіч - 1140 (800м - 2:01.22 PB) 2. Іна Новік - 1118 (3000 м з/п - 9:50.72) 3. Таццяна Шабанава - 1103 (800 м - 2:03.34 PB) 1. Дзмітрый Іваненка - 1092 (3000 м з/п - 8:36.98) 2. Арцём Калачоў - 1066 (1500 м - 3:43.03) 2. Сяргей Карпаў - 1048 (3000 м з/п - 8:47.18) Фота: БФЛА

Медаль "Навагрудскай вандроўкі-2026" будзе з Фарным касцёлам. Клубны залік таксама будзе: будзе ўлічвацца сума чатырох лепшых вынікаў на дыстанцыі 10 км ад каманды, і як мінімум адзін з вынікаў павінен быць жаночым. Збірайце каманды!

Сёння стартуе Адкрыты Кубак Беларусі. У праграме, сярод іншага, бег на 800 м, 1500 м, 5000 м і 3000 м з перашкодамі. З цікавых супрацьстаянняў: Савін vs Калачоў vs Слома на 800 м Карпаў vs Іваненка на 3000 м з/п Равіч vs Шабанава на 800 м Яшчэ з цікавага: на Кубак прыедзе даволі прадстаўнічая дэлегацыя з Ірана. Напрыклад, прыедуць лідары іранскага сезона на 800 метраў Ali Amirian (PB 800 м - 1:44.97, 1500 м - 3:43.18) і Hamidi Arsalan (PB 800 м - 1:47.66), на 1500 м Hossein Nouri (PB 1500 м - 3:46.20) і на 3000 м з перашкодамі Samir Eghbali (PB 8:55.35). Спаборніцтвы пройдуць на мінскім стадыёне "Дынама". Уваход вольны.

Сёння стартуе Адкрыты Кубак Беларусі. Спаборніцтвы пройдуць на стадыёне "Дынама". У праграме сярод іншага - бег на 800 м, 1500 м, 5000 м і 3000 м з перашкодамі. З цікавых супрацьстаянняў: Лідары іранскага сезона на 800 метраў Ali Amirian (PB 800 м - 1:44.97, 1500 м - 3:43.18) і Hamidi Arsalan (PB 800 м - 1:47.66), лідар іранскага сезона на 1500 м Hossein Nouri (PB 1500 м - 3:46.20) і на 3000 м з перашкодамі Samir Eghbali (PB 8:55.35).