The AgriLancer

⚡️የስጋ ዶሮ ጫጩት የግራም አመጋገብ በእድሜ የስጋ ዶሮ በሚያሳድጉበት ጊዜ መኖ በዘፈቀደ ከመስጠት ይልቅ እድሜን መሰረት ያደረገ ሳይንሳዊ የግራም አሰጣጥ ይጠቀሙ። ይህንን ቻርት በግል ለምትፈልጉ መላክ እንችላለን። Email yonatan.lancer@gmail.com @AgriLancer

የስጋ ዶሮ (Saso) የተመጣጠነ መኖ አዘገጃጀት ዋና ዋና የሃይል (Energy)፣ የፕሮቲን (Protein) እና የማዕድን (Mineral) ምንጮችን በአግባቡ ማቀናጀት ይጠይቃል። የስጋ ዶሮ (Sasso meat) ማሳደግ ከፈለጉ የወጪውን 30% ለመቀነስ እና ዶሮዎቹ በቂ ፕሮቲንና ጉልበት እንዲያገኙ በአካባቢዎ በሚገኙ ጥሬ እቃዎች መኖ ማዘጋጀት ይችላሉ። ለስጋ ዶሮ በብዛት የሚውሉ ሁለት አይነት የመኖ ደረጃዎች አሉ። 1. የዕድገት መኖ (Starter Diet - ለ0 እስከ 8 ሳምንት ጫጩቶች) የዶሮዋን ፈጣን እድገት ለማፋጠን ከፍተኛ የፕሮቲን መጠን (18-20%) ያስፈልጋቸዋል። ለ 100 ኪሎ ግራም (1 ኩንታል) የሚሆን የመኖ መጠን 🌾የተፈጨ በቆሎ (Maize): 50 ኪ.ግ 🌾የአኩሪ አተር ዱቄት (Soya Meal): 17.5 ኪ.ግ 🌾የአሳ ዱቄት (Fish Meal): 12 ኪ.ግ 🌾የበቆሎ ብሬን (Maize Bran): 10 ኪ.ግ 🌾የሱፍ ፍሬ ዱቄት (Sunflower Cake): 4.5 ኪ.ግ 🌾ኖራ ድንጋይ (Limestone): 4 ኪ.ግ 🌾የአጥንት ዱቄት (Bone Meal): 1.5 ኪ.ግ 🌾ጨው (Salt): 300 ግራም 🌾ቫይታሚን ፕሪሚክስ (Premix): 200 ግራም 🌾ቶክሲን ባይንደር (Toxin Binder): 100 ግራም 2. የማጠናቀቂያ መኖ (Finisher Diet - ለ9ኛ ሳምንት እና ከዚያ በላይ) ለስጋ መድረሻ የሚሆን የጡንቻ እድገት ለማረጋገጥ መካከለኛ ፕሮቲን (16-18%) ያለው መኖ ይሰጣል። ለ 100 ኪሎ ግራም (1 ኩንታል) የሚሆን የመኖ መጠን 🌾የተፈጨ በቆሎ (Maize): 60 ኪ.ግ 🌾የአኩሪ አተር ዱቄት (Soya Meal): 14 ኪ.ግ 🌾የአሳ ዱቄት (Fish Meal): 10 ኪ.ግ 🌾የበቆሎ ብሬን (Maize Bran): 7 ኪ.ግ 🌾የሱፍ ፍሬ ዱቄት (Sunflower Cake): 5 ኪ.ግ 🌾ኖራ ድንጋይ (Limestone): 2.5 ኪ.ግ 🌾የአጥንት ዱቄት (Bone Meal): 1.2 ኪ.ግ 🌾ጨው (Salt): 200 ግራም 🌾ቫይታሚን ፕሪሚክስ (Premix): 100 ግራም 🌾ቶክሲን ባይንደር (Toxin Binder): 50 ግራም አዘገጃጀት እና ጥንቃቄ እህልቹ በደንብ መታሸት እና መፍጨት አለባቸው (ከ 3.2 ሚ.ሜ ያልበለጠ መጠን)። ዶሮዎች ጤናማ ሆነው ስጋ እንዲሰጡ በንፅህና አዘውትረው የተመጣጠነ ምግብ ማቀላቀል ይመረጣል። አነስተኛ ወይም ትልቅ መጠን ያላቸውን የስጋ ዶሮዎች መኖ በምንቀይርበት ጊዜ የሚፈለገውን የካሎሪ እና የፕሮቲን መጠን በትክክል ለማወቅና ለማስተካከል የተዘጋጁ መመሪያዎችን መጠቀም ይመረጣል። ከተጠቀሰው ባሻገር የስጋ ዶሮዎች 2 ወር እድሜ እና ከዛ በላይ ከሞላቸው ንፅህናውን የጠበቀ የወጥ-ቤት ትርፍራፊን በተወሰነ መልኩ ቀስ በቀስ እያለማመዱ በተጨማሪ በመስጠት እና የብላክ ሶልጀር እጮችን እንዲሁም አረንጓዴ የጎሮ አተክልት ቅጠላቅጠሎችን በመስጠት የመኖ ወጪን ማቀናነስ ይቻላል። እንደዚህ አይነት መመሪያዎችን ለማግኘትና ለመረዳት በስራው ላይ የቆዮ ባለሙያዎችንም በተጨማሪ ያማክሩ። @AgriLancer

የሱዳን ሳር (Sudan grass) በኢትዮጵያ ደረቃማ እና ከፊል ደረቃማ አካባቢዎች ለእንስሳት መኖነት ከፍተኛ ጠቀሜታ ያለው፣ ድርቅን የመቋቋም አቅሙ ከፍተኛ የሆነ የአንድ ዓመት የሳር ዝርያ ነው። የሱዳን ሳር ጠቀሜታዎች (Benefits) ከፍተኛ ምርት: በአንድ የምርት ዘመን ውስጥ ከ4 እስከ 6 ጊዜ ታጭዶ መኖ መሆን ይችላል። ድርቅን መቋቋም: አነስተኛ ውሃ ባለባቸው እና ሞቃታማ በሆኑ የቆላማ አካባቢዎች በደንብ ያድጋል። የአልሚ ምግብ ይዘት: ለወተት ላሞች፣ ለበጎች እና ለፍየሎች ተመራጭ የሆነ የፕሮቲን እና የኃይል (Energy) ምንጭ ነው። አጠቃቀም: በግብርና ወቅት በጥሬው ለመቀለብ (Green chop)፣ ለድርቆሽ (Hay) ወይም ለሲላጅ (Silage) ዝግጅት ውሎ ያድራል። የአመራረት እና አጠቃቀም መመሪያ (Cultivation and Management) አዘራር:አፈሩ በቂ እርጥበት ሲያገኝ ወይም በመስኖ ታግዞ ይዘራል።ፈጣን እድገት ስላለው በ45 ቀናት ውስጥ ለመጀመሪያ ምርት ሊደርስ ይችላል። አዝመራ እና አጨዳ (Harvesting): ሳሩ ከ60 እስከ 100 ሴ.ሜ ቁመት ሲደርስ ወይም ከዘሪቱ ከ50-60 ቀናት በኋላ ማጨድ የተሻለ ንጥረ-ነገር እንዲኖረው ያደርጋል። በጣም ከረፈደ እና ዘር ካወጣ የአልሚ ምግብ ይዘቱ (Protein) ይቀንሳል። ጥንቃቄ (Prussic Acid Warning): የሱዳን ሳር በጣም ወጣት በሆነበት ደረጃ (ከ50 ሴ.ሜ በታች ቁመት ሲኖረው) ወይም በድርቅ ወቅት «ፕሩሲክ አሲድ» (Prussic Acid) የተባለ መርዝ ሊኖረው ይችላል። ለዚህም መፍትሄ እንስሳቱን በቀጥታ ከማሰማራት ይልቅ ሳሩን አጭዶ ለጥቂት ሰዓታት ማድረቅ (Wilt ማድረግ) ወይም በሲላጅ መልክ ማዘጋጀት መርዛማነቱን ሙሉ በሙሉ ያጠፋል። የተመጣጠነ መኖ ለማዘጋጀት (Nutritional Improvement) የሱዳን ሳርን የአልሚ ምግብ ይዘት ይበልጥ ለመጨመር እንደ ጓያ (Vetch) ወይም ፎል (Cowpea) ካሉ የጥራጥሬ መኖዎች ጋር ቀላቅሎ መዝራትና ማዘጋጀት ይመረጣል። ይህ የአፈርን ለምነት ከመጨመሩም በላይ ለእንስሳቱ የተሟላ ፕሮቲን ይሰጣል። ተጨማሪ የምርምር መረጃዎችን ለማንበብ የ Amhara Agricultural Research Institute (ARARI) እና የ International Livestock Research Institute (ILRI) ድረ-ገጾችን መጎብኘት ይችላሉ። @AgriLancer

⚡️የስጋ አውራ ጫጩቶች ሽያጭ ለገና በዓል ሰንጋ አውራነት የሚደርሱ የሳሶ ዝርያ ጫጩቶች ለገበያ አቅርበናል። አዲስ አበባ እና ዙሪያውን ነፃ ትራንስፖርት እንሰጣለን። ከወዲሁ ደውለው ይዘዙ። call +251913323845 @AgriLancer

⚡️ትራፕ የመኖ ማቀነባበሪያ ቾፐር የከብት አርቢዎችን ስራ ያቀለለ ሁነኛ ማሽን 📌በሲንግል ፌዝ ኤሌክትሪክ የሚሰሩ። እንደምርጫዎ በቤንዚን የሚሰራም አለ። ⚔Trf 80- 4 የፈረስ ጉልበት ●የዶሮ መኖ ሚክሰር ●የከብቶች አገዳ መክተፊያ ●ቀዝቃዛ ሞተር ያለው የማይግል 📌ከብራዚል የገባ 📌በሰዓት ከ 6 ኩንታል አስከ 12 ኩንታል የመስራት አቅም ያለው ዋጋ እንደሚከተለው Trf 80 Electric 187,260 Trf 80 Gasoline 262,500 🪡ሂሳብ ቫትን ያካትታል ይደውሉ +251913323845 ኢሜል yonatan.lancer@gmail.com @AgriLancer

በዶሮ እርባታ ንግድ ውስጥ ከትንሽ መጠን (Small-scale) ወደ ሰፊና ትልቅ ደረጃ (Large-scale) / commercial scale ለመሸጋገር ስልታዊ ዝግጅት፣ የፋይናንስ አስተዳደር እና የቴክኖሎጂ አጠቃቀምን ማሻሻል ይጠይቃል። በኢትዮጵያ ተጨባጭ ሁኔታ ከትንሽ ወደ ትልቅ የዶሮ እርባታ ለመሸጋገር የሚረዱ ዋና ዋና ዝርዝር ነጥቦች የሚከተሉት ናቸው፦ 🗒 1. ትክክለኛ የሰነድ አያያዝ እና የፋይናንስ መረጃ (Record Keeping) መረጃዎችን በዝርዝር መመዝገብ፦ ወደ ትልቅ ደረጃ ከመታቀዱ በፊት የዶሮዎቹ የዕለታዊ መኖ ፍጆታ፣ የውሃ አጠቃቀም፣ የሕክምና ወጪ፣ የሞት መጠን (Mortality rate) እና የክብደት መጨመር በግልጽ መመዝገብ አለበት። የንግድ ፈቃድ እና ታክስ፦ ንግድዎን በሕጋዊ መንገድ መመዝገብ፣ የግብር እና የፋይናንስ ሪፖርቶችን ማስተካከል ከባንክ ወይም ከማይክሮ ፋይናንስ ተቋማት ብድር ለማግኘት ወሳኝ ቅድመ-ሁኔታ ነው። 📌 2. የመሬት እና የሼድ (Housing) ዝግጅት የቦታ ስፋት ማሳደግ፦ ለትልቅ ደረጃ እርባታ ሰፊ መሬት ያስፈልጋል። ለምሳሌ ለኤክስፓንሽን (ለማስፋፊያ) ከማዘጋጃ ቤት ወይም ከገጠር መሬት አስተዳደር መሬት መጠየቅ ወይም መከራየት ያስፈልጋል (ለምሳሌ እስከ 1,000 ካሬ ሜትር እና ከዚያ በላይ)። ዘመናዊ አሠራር (Intensive Systems)፦ ከባህላዊው አሠራር ወጥቶ ወደ ዘመናዊው የቅርጫት (Battery Cage System) ለእንቁላል ጣይ ዶሮዎች ወይም የተሻሻለ ጥልቅ የአልጋ አሠራር (Deep Litter System) ለሥጋ ዶሮዎች (Broilers) በመቀየር በትንሽ ቦታ ላይ ብዙ ዶሮዎችን ማርባት ይቻላል። 📊 3. የአቅርቦት ሰንሰለት እና የግብዓት ዋስትና (Supply Chain) የጫጩቶች አቅርቦት፦ አስተማማኝ ከሆኑ ትላልቅ ማዕከላት የአንድ ቀን ጫጩቶችን (Day-old chicks) በቋሚነትና በብዛት የሚያገኙበትን ውል ማሰር። የመኖ ዋጋና ጥራት፦ በትልቅ ደረጃ የዶሮ እርባታ ውስጥ ትልቁን ወጪ የሚይዘው መኖ ነው። የራስዎን መኖ መፍጫ ማሽን (Feed Mill) ማደራጀት ወይም ጥራት ላይ ከሚሰሩ አቅራቢዎች በጅምላ መግዛት ወጪን በእጅጉ ይቀንሳል። 📈 4. የፋይናንስ እና የብድር ዕቅድ (Business Plan & Financing) የኢንቨስትመንት ፕሮፖዛል ማዘጋጀት፦ የማስፋፊያ ፕሮጀክት ዕቅድ (Business Plan) በማዘጋጀት የራስዎን ካፒታል (Equity) እና ከባንክ የሚፈልጉትን የብድር መጠን (Loan) በግልጽ ማስላት። የወጪና ገቢ ትንበያ፦ ለግንባታ፣ ለጫጩት መግዣ፣ ለክትባትና ለመኖ የሚወጣውን ወጪ እንዲሁም ከሽያጭ የሚገኘውን የተጣራ ትርፍና የብድር መመለሻ ጊዜ (Payback Period) በትክክል ማስላት። 💡 5. የገበያ ትስስር ማጠናከር (Market Linkage) ቀጥተኛ ሽያጭ እና ውሎች፦ በትንሽ ደረጃ ለችርቻሮ ማቅረብ ቢቻልም፣ በትልቅ ደረጃ ግን ከሆቴሎች፣ ከሬስቶራንቶች፣ ከትላልቅ ሱፐርማርኬቶች እና ከጅምላ አከፋፋዮች ጋር የረጅም ጊዜ የሽያጭ ውል መግባት ያስፈልጋል። እሴት መጨመር (Value Addition)፦ ሥጋ ዶሮዎችን በቀጥታ በሕይወት ከመሸጥ ባለፈ፣ አርዶ፣ አጽድቶና አሽጎ በማቅረብ የተሻለ ትርፍ ማግኘት ይቻላል። @AgriLancer

⚡️ከአገስተኛ ወደ ትልቅ የዶሮ እርባታ ንግድ

⚡️ዚፐር የሳር ማጨጃ ( አዲስ የገባ) 🌾5 የፈረስ ጉልበት 🌾ከ 2,000 - 2,500 ሜትር ስኩየር በሰዓት 🌾ቤኒዚል ነዳጅ 🌾ባለ ሁለት እግር ተራማጅ ዋጋ 310,000 ብር ከነ ቫቱ @AgriLancer

⚡️ዲካልብ ዋይት ቄቦች እጅግ በጣም ምርታማ 🌾የተከተቡ/ well vaccinated 🌾 2 ወር እድሜ አዲስ አበባ እና አዳማ ነፃ ትራንስፖርት እንሰጣለንደ። ያልወሰዳቹ ውሰዱ @AgriLancer

⚡️ለመጪው ገና የስጋ አውራ ዶሮ ያቅርቡ በዓላትን ተከትለን ከደንበኞች ጋር የምንሰራው የስጋ ክላስተር ይቀጥላል። የፊታችን የገና በዓል ከፍተኛ የእርድ ፍላጎት መኖሩን ተከትሎ ዶሮ አርቢ ደንበኞቻችን ከመስከረም 15 እስከ ጥቅምት 10 ድረስ ባሉት ቀናቶች ውስጥ የ 1 ወር እድሜ ያላቸውን የስጋ ጫጩቶች እንድታስገቡ ጥሪ እናቀርባለን። ቅድመ ዝግጅት ጀምሩ። የ 1 ወር የስጋ ጫጩቶችን ከመስከረም 15 ጀምሮ የምናቀርብ ሲሆን ቤተሰባዊ መመካከር እንደለተለመደው ይቀጥላል። ከወዲሁ ይወጋጁ 06 መስከረም 2019 @AgriLancer

ዶሮ አርቢ የስራ ፈጣሪዎች የግዢ መኖ ብቻ ከመጠቀም የአስተሳሰብ ሳጥን ውስጥ መውጣት ይጠበቅባቸዋል። በስራው ተወዳዳሪ ለመሆን እና ትርፍን በከፍተኛ ሁኔታ ለመጨመር እና ፈጣን የኢኮኖማ እድገትን ለማምጣት በተወሰነ መልኩ መኖን የሚተኩ ውጤታማነታቸው የተረጋገጡ ምርቶችን በራሳቸው የመኖ አማራጭ የመተካት ስራ መሰራት አለበት። በቤት ውስጥ ሊመረቱ ከሚገቡ የዶሮ መኖ አማራጭ እጅግ ውጤታማው የጥቁር ወታደር ዝንብ እጮች (Black Soldier Fly Larvae) ሲሆኑ : ለዶሮዎች እጅግ በጣም ጠቃሚ፣ ገንቢ እና ተፈጥሯዊ የፕሮቲን እና የኢነርጂ ምንጭ ናቸው። ዋና ዋና ጥቅሞቻቸው የሚከተሉት ናቸው፡ 1. ከፍተኛ የፕሮቲን እና የአሚኖ አሲድ ምንጭ ከፍተኛ ፕሮቲን (38% – 62%): ከባህላዊው አኩሪ አተር እና የዓሳ መኖ እኩል ወይም የተሻለ የፕሮቲን መጠን አላቸው። ይህም የዶሮዎችን ፈጣን እድገት ይደግፋል። አሚኖ አሲዶች: ለዶሮዎች እድገት፣ ለላባ መፈጠር እና ለእንቁላል ምርት ወሳኝ የሆኑትን እንደ ሊሲን (lysine) እና ሜቲዮኒን (methionine) ያሉ አሚኖ አሲዶችን በከፍተኛ መጠን ይዘዋል። 2. ጠቃሚ ቅባቶች እና ጉልበት (Energy) ጤናማ ቅባት (25% – 38%): ለዶሮዎች ከፍተኛ ጉልበት (metabolizable energy) የሚሰጡ ጠቃሚ የቅባት አሲዶችን ይዘዋል። ላውሪክ አሲድ (Lauric Acid): በእጮቹ ቅባት ውስጥ የሚገኘው ይህ አሲድ በዶሮዎች አንጀት ውስጥ ያሉ እንደ ሳልሞኔላ (Salmonella) እና ኢ.ኮላይ (E. coli) ያሉ ጎጂ ባክቴሪያዎችን በማጥፋት የዶሮዎችን ጤንነት ይጠብቃል። 3. ጠንካራ አጥንት እና የእንቁላል ቅርፊት (ካልሲየም) ካልሲየም እና ፎስፈረስ: ከተራ የምድር ትሎች አንጻር እስከ 10 እጥፍ የሚበልጥ ካልሲየም ይዘዋል። ይህም የእንቁላል ጣይ ዶሮዎች ቅርፊት ጠንካራ እንዲሆን እና እንዳይሰበር ያደርጋል፤ እንዲሁም የጫጩቶችን አጥንት ያጠነክራል። 4. የበሽታ መከላከል አቅምን ማሳደግ ቺቲን (Chitin): በእጮቹ ውጫዊ ጠንካራ ቆዳ ላይ የሚገኘው ቺቲን የተባለ ንጥረ ነገር በዶሮዎች አንጀት ውስጥ ጠቃሚ ባክቴሪያዎች እንዲራቡ በማድረግ የዶሮዎችን የበሽታ መከላከል አቅም (immunity) ያሳድጋል። 5. የምርት መጨመር እና ባህሪ   ለስጋ ዶሮዎች (Broilers): ክብደታቸው በፍጥነት እንዲጨምር እና በጥቂት መኖ ብዙ ስጋ እንዲያወጡ ይረዳል። ለእንቁላል ዶሮዎች (Layers): የእንቁላል አስኳል ይበልጥ ማራኪ ቢጫ ቀለም እንዲኖረው ያደርጋል። የዶሮዎችን ጭንቀት ይቀንሳል: ዶሮዎች እጮቹን ሲያሳድዱ እና ሲለቅሙ ንቁ እንዲሆኑ ያደርጋቸዋል፤ ይህም እርስ በእርስ የመነካከስ እና የመቧጨር (feather-pecking) መጥፎ ባህሪያቸውን ይቀንሳል። @AgriLancer

Black soldier larvae

⚡️ቦቫንስ ብራውን የእንቁላል የ 2 ወር የእንቁላል ቄቦች አቅርበናል ወደ አዲስ አበባ ነፃ ትራንስፖርት አገልግሎት እንሰጣለን። ትንሹ ትእዛዝ 100 @AgriLancer

መስከረም ወር የቁም እንስሳት የመኖ አዝዕርቶች የሚዘሩበት ወቅት ነው 🌾ዘሮን ይዘዙ 🌾የምናቀርባቸው የዘር አይነቶች 1.Alfalfa ( አልፋአልፋ) 2.Rhodes Grass (ረሆደስ/ክሎሪስ ጎያና) 3.Sudan grass (የሱዳን ሳር) 4.Vetch (ቬች) 5.Oat (የአጃ ዘር) 6.Palaris (ፓላሪስ) 7.Desmudium (ጭሜሮ) 8.Pigeon pea (የእርግብ አተር) 9.Lab lab ( አሞራ ጓያ) 10.Coro pea (ኮሮ አተር) 11.Sesbania (ጊራንጊሬ) 12.Leucine (ሉሲኒያ) 13.Tree lucern (የሉስረን ዛፍ) 📌ትንሹ ትዕዛዝ 5 ኪሎ ዘር ❌ረሆደስ ለጊዜው አልቋል በቅርብ ይገባል ይደውሉ +251913323845 Email yonatan.lancer@gmail.com @AgriLancer

የወተት ላሞ እርባታ እና የዶሮ እርባታ ሥራ ከመጀመራቸው በፊት እና በሂደቱ ውስጥ ሊኖሩ የሚገባቸውን ስነ-ልቦናዊ ዝግጅቶች እና አመለካከቶች ወሰኝ ናቸው። የእንስሳት እርባታ ከፍተኛ ትዕግስት፣ ትጋት እና ሳይንሳዊ አቀራረብ የሚጠይቅ በመሆኑ፣ ከአካላዊ ዝግጅት በተጨማሪ የአእምሮ ዝግጅት ወሳኝ ነው። 1. የወተት ላሞች እርባታ ስነ-ልቦናዊ ዝግጅት የወተት ላሞች እርባታ "ቋሚ ሥራ" በመሆኑ እና ምርቱ በየቀኑ የሚገኝ በመሆኑ ለየት ያለ ስነ-ልቦና ይጠይቃል።  ለቋሚ ቁርጠኝነት መዘጋጀት፡ ላሞች በየቀኑ በተመሳሳይ ሰዓት መታለብ፣ መመገብ እና መንከባከብ አለባቸው። ይህ በዓመት 365 ቀናት ያለዕረፍት የሚደረግ ስራ በመሆኑ፣ አርቢው ለረጅም ጊዜ ስራውን የማያቋርጥ ቁርጠኝነት ሊኖረው ይገባል። የትዕግስት እና የእንስሳት ፍቅር፡ ላሞች ተንቀሳቃሽ ፍጡራን በመሆናቸው ስሜታዊ እንክብካቤ ይፈልጋሉ። በጭንቀት መያዝ፣ አለመታዘዝ ወይም መታመም ሊያጋጥም ስለሚችል፣ አርቢው ተረጋግቶ ችግሮችን የመፍታት ትዕግስት ሊኖረው ይገባል። የቀውስ አስተዳደር (Resilience)፦ የምግብ እጥረት፣ የመኖ ዋጋ መጨመር፣ የበሽታ መከሰት እና የገበያ መዋዠቅ እንደ ዋና ተግዳሮቶች ይታያሉ። እነዚህን ችግሮች ሲያጋጥሙ ተስፋ ሳይቆርጡ የመፍትሄ አቅጣጫዎችን የመፈለግ ዝግጅት ማድረግ ያስፈልጋል። ንጽህናን ማክበር፡ የወተት ተዋጽኦዎች ጥራት እንዲኖራቸው የላሞቹ ቤት እና አርቢው እራሱ ንጽህናን የማክበር ከፍተኛ ስነ-ልቦና ሊኖረው ይገባል።  2. የዶሮ እርባታ ስነ-ልቦናዊ ዝግጅት የዶሮ እርባታ በተለይም ዘመናዊው ስልት ፈጣን የእድገት መጠን ያላቸውን ዶሮዎች የሚያካትት በመሆኑ ከፍተኛ ጥንቃቄ ይፈልጋል።  ለዝርዝር ሁኔታዎች ትኩረት መስጠት (Attention to Detail)፦ ዶሮዎች ለሙቀት፣ ለአየር ዝውውር እና ለበሽታ በጣም ስሜታዊ ናቸው። የዶሮ ቤት ንጽህና፣ የሙቀት መጠን እና የመብራት አቅርቦት ላይ የሰዓት ጥበቃ ማድረግን ይጠይቃል። ሳይንሳዊ አቀራረብን መከተል፡ ባሕላዊውን የእርባታ ዘዴ ትቶ ዘመናዊ የዶሮ እርባታ ስራን ለመተግበር የሚፈልግ አርቢ፣ በአመጋገብ፣ በክትባት እና በበሽታ መከላከል ዙሪያ አዳዲስ እውቀቶችን ለመቀበል ስነ-ልቦናዊ ዝግጅት ሊያደርግ ይገባል። የአደጋ ተጋላጭነትን መቀበል፡ የዶሮ በሽታዎች በአጭር ጊዜ ውስጥ መላውን እርባታ ሊያጠፉ ይችላሉ። ስለዚህ፣ ከፍተኛ ጥንቃቄ በማድረግ እና የባዮሴኪዩሪቲ (Biosecurity) መመሪያዎችን በመከተል የሚመጣውን አደጋ ለመቀነስ ዝግጁ መሆን ያስፈልጋል።  3. ለሁለቱም እርባታዎች የሚረዱ አጠቃላይ ስነ-ልቦናዊ ነጥቦች ትምህርትን መቀበል፡ በወተት እና በዶሮ እርባታ ዘመናዊ የሙያ ብቃት (Skills, Knowledge, and Attitude) የሚጠይቁ ስልጠናዎች ላይ መሳተፍ እና የሚሰጡትን መመሪያዎች ለመተግበር ፈቃደኛ መሆን። ጥናታዊ አቀራረብ፡ የእንስሳት መረጃን መመዝገብ (Performance Recording)፣ የምግብ አዘጋገብ መከታተል እና የሚመጣውን ትርፍ እና ኪሳራ በንቃት መከታተል። ከትዕግስት ጋር መሥራት፡ የእንስሳት ምርታማነት በአንድ ጊዜ አይጨምርም። በሂደት የሚመጣን ለውጥ ማመን እና የተሻለ የቴክኖሎጂ አጠቃቀምን መከተል።  ማጠቃለያ የወተት እና የዶሮ እርባታ ስኬታማ የሚሆነው በእውቀት ላይ የተመሰረተ (ቴክኒካል) እና አእምሮአዊ ዝግጅት (ስነ-ልቦናዊ) ጥምረት ሲኖር ነው። አርቢው ለእንስሳቱ ፍቅር ያለው፣ ንጽህናን የሚያከብር፣ ተግዳሮቶችን በቋሚነት የሚቋቋም እና አዳዲስ ሳይንሳዊ ዘዴዎችን የሚተገብር መሆን አለበት። @AgriLancer

⚡️ስነልቦናዊ ዝግጅት እና የእርባታ ስራ

የወተት ላም ማደሪያ ወይም በረት (Dairy Farm Shade) በሚገነባበት ጊዜ የላሞቹን ጤንነት፣ ምቾት እና የወተት ምርታማነት ለመጨመር ከፍተኛ ጥንቃቄ ማድረግ ያስፈልጋል። ፋርሙ ትንሽም ሆነ ትልቅ: ከፍተኛ በጀት ኖረውም አልኖረውም: ግንባታው የሚሰራ ከሆነ የከብቶችን ምቾትን የግድ ያማከለ ሊሆን ይገባለ። ሊታሰቡባቸው የሚገቡ ዋና ዋና (Major) እና ጥቅቅን/ቀላል (Minor) ነጥቦች ዝርዝር የቦታ አቀማመጥና አቅጣጫ (Orientation & Location)አቅጣጫ የጣሪያው ቁመትና ርዝመት ከምስራቅ ወደ ምዕራብ (East-West) አቅጣጫ መደረግ አለበት። ይህም በቀጥታ የሚመጣውን የፀሐይ ሙቀት ለመቀነስና ጥላው ቀኑን ሙሉ በሼዱ ውስጥ እንዲቆይ ይረዳል። ከፍታ፦ ቦታው ጎርፍና ውሃ የማይቋጥርበት (ከፍ ያለ ቦታ) መሆን አለበ። አየር ማናፈሻ (Ventilation)የሼዱ የጎን ግድግዳዎች ሙሉ በሙሉ የተዘጉ መሆን የለባቸውም (Open-sided) ቁመት፦ የጣሪያው ከፍታ በጎን በኩል ቢያንስ 3 ሜትር， በመካከለኛው ክፍል ደግሞ እስከ 4-5 ሜትር መሆን አለበት። ይህም ሙቅ አየር በቀላሉ ወደ ላይ ወጥቶ እንዲወገድ ያደርጋል ። የወለል አሠራር እና ተዳፋት (Floor & Slope)ቁሳቁስ፦ ወለሉ ኮንክሪት ሆኖ ላሞቹ እንዳይንሸራተቱ ሻካራ (Non-slip finish) መሆን አለበት። ተዳፋት፦ ሽንትና ውሃ በቀላሉ እንዲፈስ በየአንድ ሜትሩ 3 ሴንቲሜትር ያህል ጋደል ያለ (Slope) መሆን ይኖርበታል። ውሃ መተኛት የለበትም። የቦታ ስፋት (Space Allocation)ለአንድ ላም ማረፊያ (Sleeping area) ቢያንስ 1.2 ሜትር ስፋት እና 2.1 ሜትር ርዝመት ያስፈልጋል። በአጠቃላይ በአንድ ላም ከ2.5 እስከ 3 ስኩዌር ሜትር የጥላ ቦታ መኖር አለበት። የመመገቢያና ውሃ ማጠጫ ቦታ (Feeding & Watering Section)መመገቢያ (Manger) ለአንድ ላም ከ0.6 - 0.75 ሜትር ርዝመት ያለው የመመገቢያ ገንዳ ያስፈልጋል። ውሃ ማጠጫ፦ ንጹሕ ውሃ ሁልጊዜ የሚያገኙበትና በቀላሉ የሚታጠብ ገንዳ መዘጋጀት አለበት። መኝታ:- የወተት ላሞች አብዛኛው አርቢ ሲሚንቶ መሬት ላይ ሲያስተኛ ይስተዋላል: ይህ ፈፅሞ ስህተት ነው። ከብቶች ምቾት ያለው መኝታን ይፈልጋሉ። ሰጋቶራ አሸዋ እና የከብቶች ማት በመጠቀም መኝታቸውን ማመቻቸት ያስፈልጋል። ካልሆነ ግን ዝቅተኛ ምርትን በመስጠት ምላሽ ይመልሳሉ። 📌ጥቃቅንና ረዳት ነጥቦች (Minor Considerations) የጣሪያ ቁሳቁስ ምርጫ (Roofing Material)ቆርቆሮ የሚጠቀሙ ከሆነ በሞቃት ወቅት ከፍተኛ ሙቀት ስለሚፈጥር፣ ከቆርቆሮው በታች የቀርከሃ ወይም የአካባቢ ቁሳቁሶችን (ሳር/መጋዝ) በመጠቀም ሙቀቱን እስከ 10 ዲግሪ ሴንቲግሬድ መቀነስ ይቻላል። ከተቻለ የአስቤስቶስ ወይም ሙቀት የማይሰበስቡ የጣሪያ ሉሆችን መጠቀም ይመረጣል። የጥጃዎችና የወሊድ ክፍል (Calf & Calving Pens)የሚወልዱ ላሞች እና አዲስ የተወለዱ ጥጃዎች ከአዋቂዎቹ ላሞች ተለይተው የሚቀመጡበት ትንሽ ክፍል (Pen) ማዘጋጀት። ይህም የበሽታ መተላለፍን ይከላከላል የማሰሪያ ዘዴ (Tying System)ላሞቹ በነፃነት የሚንቀሳቀሱበት (Loose housing) ወይስ የሚታሰሩበት (Tie stall) እንደሆነ አስቀድሞ መወሰን። ለወተት ምርታማነት ነፃ ሆነው ጥላ ውስጥ የሚንቀሳቀሱበት ዘዴ ይመረጣል። የቆሻሻ/የፍግ ጉድጓድ (Manure Pit Location)የፍግ ማስቀመጫው ከላሞቹ ማደሪያ ቢያንስ 3 ሜትር ያህል ርቆ መሥራት አለበት። ይህም ዝንብና መጥፎ ሽታ ወደ ላሞቹ እንዳይመጣ ያደርጋል። የአጥር ከፍታ (Boundary/Guard Rails)በሼዱ ዙሪያ የሚሠሩ መከለያዎች ወይም የብረት/የእንጨት አጥሮች ቁመት ላሞቹ ዘለው እንዳይወጡ ነገር ግን አየር እንዳይከለክሉ ሆነው መሠራት አለባቸው (ብዙውን ጊዜ 1.2 ሜትር ከፍታ) ጀማሪ አርቢ ሆናችሁ ግር የሚላችሁ መረጃ ካለ ያላችሁበትን ሁኔታ: ከየት እንደሆናችሁ እንዲሁም ማወቅ የምትፈልጉትን ግልፅ በሆነ ፅሁፍ ጥያቄያችሁን ከስር ባስቀመጥኩት ኢሜል ብትፅፉልኝ እመልሳለሁ። Email yonatan.lancer@gmail.com ''መልካም አዲስ ዓመት'' @AgriLancer