Arada FM 95.1 - አራዳ ኤፍኤም 95.1

የመንገድ ትራፊክ ደህንነት በጎ ፍቃድ አገልግሎት ተጀመረ ሰኔ 21፣ 2018 (አራዳ ኤፍ ኤም) የአዲስ አበባ ከተማ አስተዳደር የሕዝብ ተሳትፎና በጎ ፈቃድ ማስተባበሪያ ኮሚሽን በዛሬው ዕለት የትራፊክ ደህነት በጎ ፍቃድ አገልግሎትን አስጀምሯል። ኮሚሽኑ ከአዲስ አበባ ትራፊክ ማኔጅመንት ኤጀንሲ ጋር በመተባበር በክረምት ወቅት የሚከሰተውን የትራፊክ አደጋ ለመቀነስ ያለመ የበጎ ፈቃደኞች ሥራውን በይፋ ማስጀመሩን በአዲስ አበባ ከተማ አስተዳደር የሕዝብ ተሳትፎና በጎ ፈቃድ ማስተባበሪያ ኮሚሽን ኮሚሽነር አቶ ይመር ከበደ ተናግረዋል። ለክረምቱ በጎ አድራጎት ስራ 10 ሺህ ተሳታፊ እንደሚኖርበት የተገለፀ ሲሆን በሀገራችን እየተከሰተ ያለውን የትራፊክ አደጋ ለአሽከርካሪዎችና ለእግረኞች ተገቢውን ግንዛቤ በመፍጠር ለመቀነስ የታለመ መሆኑን ጠቅሰዋል። በሆስፒታል የበጎ ፈቃድ ስራ፣ የስፓርት ንቅናቄ፣ የሙያ፣ የቤተመፅሐፍት፣ የመጀመሪያ እርዳታ ስልጠና እና ሌሎች የበጎ ፈቃድ አገልግሎት ዘርፍ ናቸው ተብሏል። የ2018 ዓ.ም በጎ ፈቃድ አገልግሎት 9.4 ቢሊየን ብር የሚገመት ወጪን ለማዳን ታቅዶ እየተሰራ ነው። በጎ ፈቃድ አገልግሎት የሕሊና፣ የመተባበር እና ምንም ዓይነት ክፍያን ሳይጠይቁ፣ እንዲሁም ጾታንና ቦታን ሳይለዩ የሚከናወን በጎ ተግባር ስለመሆኑ የኮሚሽኑ ምክትል ኮሚሽነር ወ/ሮ አስራት ንጉሴ ለጣቢያችን ገልፀዋል። ሰናይት በየነ የአራዳን ገጾች በመወዳጀት ቤተሰብ ይሁኑ Youtube:https://www.youtube.com/@aradafm95.1 Tiktok:https://www.tiktok.com/@aradafm95.1offical Telegram:-https://t.me/Arada_Fm  Facebook:-https://web.facebook.com/aradafm @Arada_Fm