AAU - Muslim Students Union

አሰላሙዓለይኩም ወረህመቱላሂ ወበረካትሁ ​📢 በ6 ኪሎ ጀመዓ ዋና ቻናል የሚካሄድ ታላቅና ልዩ የሁለት ቀናት የኦንላይን ስልጠና ! ​በዘመናችን በፍጥነት እየተስፋፉ ያሉ የሐሳብ ፍሰቶች፣ የአስተሳሰብ አቅጣጫዎች እና ማኅበራዊ ግፊቶች በተለይ በዩኒቨርስቲ ተማሪዎች ላይ ጥልቅ ተፅዕኖ እያሳደሩ ይገኛሉ። ዛሬ ተማሪዎች ከትምህርታቸው ሥነ-ምህዳር በተጨማሪ በማኅበራዊ ሚዲያ፣ በተለያዩ የውይይት መድረኮች እና በውጭ የሐሳብ ግፊቶች መካከል በብዙ አቅጣጫዎች ተጋጥመው ይገኛሉ። ይህም እምነታቸውን፣ አቋማቸውን እና የአኗኗር መርሃቸውን በሚመለከቱ ጉዳዮች ላይ ግልጽ አቋም እንዳይኖራቸው እና ለተለያዩ ግራ መጋባቶች እንዲዳረጉ ምክንያት ይሆናል። በተለይም በቅርብ ዓመታት በጀመዓችን ግሩፖች፣ በተለያዩ መድረኮች እና በማኅበራዊ ሚዲያ ላይ በተደጋጋሚ እየተነሱ በሚገኙ ጉዳዮች መካከል የ ፌምኒዝም አጀንዳ በቀዳሚነት የሚጠቀስ ነው! ​ አብዛኛውን ጊዜ ፌምኒዝም በትክክል ሳይገለጽ ወይም ከእስልምና እይታ ጋር ያለው ግንኙነት በበቂ ሁኔታ ሳይታይ፤ በስሜት ወይም በተሳሳተ መረጃ ላይ ተመሥርቶ ውይይት ሲደረግ ይስተዋላል። ይህ ደግሞ ስለ ሴት መብት፣ ስለ ፍትሕ፣ ስለ ቤተሰብ አወቃቀር ፣ እስልምና ለሴቶች ስላለው ክብር እና እውነተኛ ዕይታ የተዛባ ግንዛቤ እንዲፈጠር አድርጓል። ​ስለሆነም ተማሪዎች በቂ የመረጃ መሠረት ሳይኖራቸው ወደ አላስፈላጊ ክርክር ከመግባት እንዲቆጠቡና በእውቀት ላይ የተመሠረተ ሚዛናዊ አቋም እንዲኖራቸው ለማስቻል የ6 ኪሎ ጀመዓ ሚዲያና ኮሙኒኬሽን ሴክተር በመጪው ቅዳሜ እና እሁድ (ሐምሌ 18 እና 19) ልዩ ስልጠና አዘጋጅቶላችኋል! ​📌 የመርሃ-ግብሩ ዝርዝር መረጃ፦ 📝 ርዕስ ፦Feminism — ታሪካዊ አመጣጡ፣ የሚያነሳቸው ጥያቄዎች እና ሚዛናዊው የእስልምና ዕይታ 👤 ​አሰልጣኝ ፦ባለፈው ሳምንት በ«Critical Thinking» ርዕስ ዙሪያ ስልጠና የሰጠን በጋዜጠኝነትና በዘመናዊ አስተሳሰቦች (Ideologies) ዙሪያ ሰፊ ልምድ ያለው ወንድማችን ጋዜጠኛ አብዱረህማን አሚን 🗓 ​ዕለት ፦መጪው ቅዳሜ እና እሁድ (ሐምሌ 18 እና 19) ⏰ ​ሰዓት፦በሀገር ውስጥ ሰዓት አቆጣጠር ከምሽቱ 3:00 ሰዓት ጀምሮ 📍 ​ቦታ ፦በ6 ኪሎ ጀመዓ ዋና ቴሌግራም ቻናል ላይ ( @AAU6KiloJemea ) ይህ ስልጠና ሁሉም አካል አእምሮውን ከተዛቡ አመለካከቶች ለመጠበቅና በእውቀት ላይ የተመሰረተ አቋም ለመያዝ የግድ ሊወስደው የሚገባ እጅግ አስፈላጊና ወሳኝ ስልጠና ነው! ​ስለሆነም በርካታ ተማሪዎች የዚህ ወርቃማ እድል ተካፋይ እንዲሆኑና ከግርግር የፀዳ እውነተኛ ግንዛቤ እንዲጨብጡ ​ይህንን ማስታወቂያ በቴሌግራም ስቶሪ ላይ በመለቀቅ፣ ​ለቅርብ ጓደኞቻችሁ እና በምትገኙባቸው የተለያዩ ግሩፕ ወይም ቻናል ሁሉ ሼር በማድረግ እንዲሁም ​ሌሎችም ሰዎች እንዲከታተሉ በመጋበዝ የበኩላችሁን እንድትወጡ ጥሪያችንን እናስተላልፋለን!