EFFECT.UZ | Расмий канал

Чегарада ушлаб туриш тартиби ўзгарди Ўзбекистонда чегара тартибини бузган шахсларни 48 соатдан ортиқ ушлаб туриш учун энди суд қарори талаб этилади. Аввал шахсни аниқлаш мақсадида 3 суткагача, ҳужжатлари бўлмаган ҳолларда эса прокурор санкцияси асосида 10 суткагача ушлаб туриш мумкин эди. 2026 йил 22 сентябрь куни Ўзбекистон Конституциявий суди мазкур нормаларни Конституцияга зид, деб топди. Қарор 25 сентябрдан кучга кирган. Telegram I Facebook I YouTube I Instagram

Давлат активлари агентлиги матбуот котиблигига раҳбар тайинланди Кўпчиликка Сабина номи билан таниш бўлган Элмира Бекмуродова Давлат активлари агентлиги Ахборот хизмати бўлими раҳбари — агентлик директорининг матбуот котиби лавозимига тайинланди. Охирги 2024–2025 йилларда у «O‘zbekiston neft va gaz» журнали бош муҳаррири сифатида ишлаган. Telegram I Facebook I YouTube I Instagram

ЙПХ ходими машинани қандай асосларга кўра тўхтатиши мумкин? Ижтимоий тармоқларда тарқалган видеолавҳада ЙПХ ходими хизматни мобиль видеокамерасиз олиб бораётган ҳолда ҳайдовчидан ҳужжатларини кўрсатишни талаб қилган. Амалдаги Вазирлар Маҳкамасининг 2018 йил 1 декабрдаги 975-сон қарори билан тасдиқланган Низомнинг 18-бандига кўра, йўл ҳаракати қатнашчиси хизматни мобиль видеокамерасиз олиб бораётган ЙПХ ходимига ҳужжатларни тақдим этмаслик ҳуқуқига эга. 👉 https://effect.uz/n/255 Telegram I Facebook I YouTube I Instagram

«2000 йилда Олимпиадада медаль олганимда менга Тико беришган» – Рустам Қосимжонов Шахмат бўйича Ўзбекистоннинг биринчи жаҳон чемпиони Рустам Қосимжонов билан янги автомобилдаги суҳбатда замонавий шахмат, ёш авлоднинг кучайиши, Ўзбекистон шахматчилари ва давлат мукофотлари ҳақида гаплашилди. Қосимжоновнинг таъкидлашича, бугун шахмат билан шуғулланиш учун имкониятлар анча кўпайган. Интернет, компьютер ва электрон базалар ёш шахматчиларга дунёдаги партияларни ўрганиш ва тайёргарлик кўриш имконини бермоқда. Унинг айтишича, аввалги йилларда бугунгидек катта мукофотлар бўлмаган. Бироқ шахматчи давлат ва халқ меҳрини доимо ҳис қилган.

«2000 йилда Олимпиадада медаль олганимда менга Тико беришганди», — деди Қосимжонов.

У ўша пайтда Тикони ҳам хурсанд бўлиб ҳайдаганини эслади. 👉 https://effect.uz/n/256 Telegram I Facebook I YouTube I Instagram

“Нариёқда тур” – ЙПХ ходими мобиль видеокамерасиз хизмат олиб бораётган бўлса, ҳайдовчи ҳужжат бермаслик ҳуқуқига эга Ижтимоий тармоқларда тарқалган видеолавҳада ЙПХ ходими хизматни мобиль видеокамерасиз олиб бораётган ҳолда ҳайдовчидан ҳужжатларини кўрсатишни талаб қилган. Амалдаги Вазирлар Маҳкамасининг 2018 йил 1 декабрдаги 975-сон қарори билан тасдиқланган Низомнинг 18-бандига кўра, йўл ҳаракати қатнашчиси хизматни мобиль видеокамерасиз олиб бораётган ЙПХ ходимига ҳужжатларни тақдим этмаслик ҳуқуқига эга. Бундан ташқари, ҳайдовчи ЙПХ ходимидан ўзини таништиришини, хизмат гувоҳномасини кўрсатишини ва кўкрак нишон белгисини маълум қилишини талаб қилиши мумкин. Низомнинг 14-бандида эса ЙПХ ходими хизмат вазифаларини мобиль видеокамерадан фойдаланган ҳолда ошкора олиб бориши, ҳайдовчини камерадан фойдаланаётгани ҳақида хабардор қилиши белгиланган. Шунинг учун, агар видеолавҳадаги ҳолатда ЙПХ ходими ҳақиқатдан ҳам мобиль видеокамерасиз хизмат олиб боргани тасдиқланса, ҳайдовчининг ҳужжатларни тақдим этмаслик ҳуқуқи мавжуд бўлган. Telegram I Facebook I YouTube I Instagram

«Ҳар доим — лаббай, деймиз!» — Ашрапов фуқаролар мурожаатига шундай жавоб қайтарди Ички ишлар вазирлиги тизимида аҳоли билан очиқ мулоқотни йўлга қўйиш ва фуқаролар мурожаатларини самарали кўриб чиқиш мақсадида шахсий ва сайёр қабуллар ўтказилмоқда. Шундай қабуллардан бири 24 сентябрь куни Ички ишлар вазири ўринбосари полковник – Рамазон Ашропов томонидан навбатдаги ўтказилди. Унда 138 нафар фуқаронинг 128 та мурожаати ўрганилди. Мурожаатларнинг 68 таси тергов ва суриштирув, 25 таси терговга қадар текширув, 11 таси ходимларнинг хатти-ҳаракатлари, 24 таси эса ички ишлар органлари фаолиятининг бошқа йўналишларига оид бўлган. Қабулнинг айримлари онлайн шаклда ҳам ташкил этилиб, Навоий ва Қашқадарё вилоятларидаги фуқаролар мурожаатлари масофадан қабул қилинди.

«Бизга ҳар доим мурожаат қилинса, жавобимиз «лаббай» бўлади. Бироқ, ҳатто департамент раҳбари сифатида терговчи томонидан қабул қилинаётган қарорга аралашишга мени ҳам ҳаққим йўқ. ЖКнинг 236-моддасида фақат назорат қила олишим мумкинлиги кўрсатилган, аралашиш эмас. Шуни билиш керакки, жавобгарлик муқаррарлиги доим таъминланади», дейди Ашрапов.

Мурожаатларнинг 32 таси (25 фоизи) шу жойнинг ўзида ижобий ҳал этилган, 34 таси (26 фоизи) бўйича ҳуқуқий тушунтириш берилган. Қўшимча ўрганиш талаб этилган 62 та мурожаат (49 фоиз) ижрога йўналтирилиб, назоратга олинган. Вазирлик маълум қилишича, аҳоли билан очиқ ва бевосита мулоқотга қаратилган шахсий ҳамда сайёр қабуллар тизимли равишда давом эттирилади. 👉 Қабулнинг тўлиқ видеоси Telegram I Facebook I YouTube I Instagram

Навоийлик фермернинг муаммоси ҳал этилди: Кадастр ходимларига миннатдорлик билдирилди Навоийлик фермер ер ва мулк масаласида дуч келган муаммоси юзасидан Давлат кадастрлари палатасига мурожаат қилган эди. Мурожаат масъуллар томонидан атрофлича ўрганилиб, қисқа фурсат ичида масалани ижобий ҳал этиш бўйича амалий ёрдам кўрсатилди. Чалғиш ва ортиқча сарсонгарчиликларсиз муаммоси ечилган фуқаро Кадастр палатаси ходимларининг тезкор ва адолатли ёндашуви учун ўз миннатдорлигини билдирди.

«Муаммом тез орада ечилганидан мамнунман, масъулларга раҳмат», — дейди мурожаатчи.

👉 Фуқаронинг тўлиқ муносабатини юқоридаги видеода томоша қилинг. Telegram I Facebook I YouTube I Instagram

Тошкентда «Demokrat.uz» раҳбари Фазлиддинхон Меҳмонов ва блогер Азиз Ғоипназаровга оид суд иши бошланди – тафсилотлар 29 сентябрь куни Миробод туман судида биринчи мажлис бўлиб ўтди. Меҳмоновга товламачилик, фирибгарлик ҳамда қуролга оид бир нечта моддалар бўйича, Ғоипназаровга эса товламачилик бўйича айблов қўйилган. Судда жабрланувчи Нигора Муҳитдинова ва Ўктам Мирзаевнинг кўрсатмалари эшитилди. Муҳитдинова Меҳмоновга жами 40 минг доллар берганини, Мирзаев эса 17 минг доллар берилаётганда Меҳмонов ва Ғоипназаров ушланганини билдирган. Ишда яна навоийлик тадбиркор Меҳрож Раҳматов жабрланувчи сифатида кўрсатилган. У 133 нафар фуқаронинг 37,8 млрд сўм маблағини фирибгарлик йўли билан қўлга киритишда айбланмоқда. Кейинги суд мажлиси — 6 октябрга тайинланди. Суд ҳукми қонуний кучга киргунига қадар шахслар айбсизлик презумпцияси асосида қаралади. Telegram I Facebook I YouTube I Instagram

Суд экспертиза тайинлаш бўйича илтимосномани қаноатлантирди Аввал хабар берганимиздек, Сергели тумани «Хонобод» МФЙда жойлашган хонадон юзасидан Фуқаролик ишлари бўйича Яккасарой туманлараро судида навбатдаги суд мажлиси бўлиб ўтди. Судья Тожибоева раислигида ўтган жараёнда даъвогар вакили адвокат Дилфуза Саидова иш бўйича экспертиза тайинлаш ҳақида илтимоснома киритди. Суд томонлар фикрини тинглаб, маслаҳатхонага чиқди ва илтимосномани қаноатлантирди. Мазкур ҳолат юзасидан расмий экспертиза тайинланди. Мурожаатчи Миробиддин Ҳакимов узоқ йиллардан буён бу илтимоснома қаноатлантирилмай келганини қайд этиб, амалдаги судья ишни холис ва адолатли олиб бораётганини таъкидлади. Иш кўриб чиқилиши давом этади. Effect.uz воқеалар ривожини кузатиб боради. 👉 ТЎЛИҚ ВИДЕО Telegram I Facebook I YouTube I Instagram

Вояга етмаганлар ҳуқуқларини ҳимоя қилишга қаратилган қонун лойиҳаси биринчи ўқишда қабул қилинди Қонунчилик палатасида вояга етмаганларнинг ҳуқуқларини ҳимоя қилиш тизимини такомиллаштиришга қаратилган қонун лойиҳаси кўриб чиқилиб, биринчи ўқишда қабул қилинди. Telegram I Facebook I YouTube I Instagram

Ботаника боғида дарахтлар кесилмаяпти — ҳокимлик расмий муносабат билдирди Ижтимоий тармоқларда Тошкент Ботаника боғи ҳудудида дарахтлар кесилаётгани ва қурилиш ишлари бошлангани ҳақида тарқалган хабарлар ҳақиқатга тўғри келмайди. Юнусобод тумани ҳокимлиги маълум қилишича, ҳудудда дарахт кесиш ишлари олиб борилмаяпти. Айни пайтда аҳоли учун қулай дам олиш шароитларини яратиш ва дарахтлар учун зарур намликни ошириш мақсадида махсус лойиҳа асосида сунъий кўл барпо этилмоқда. Лойиҳа доирасида: — сунъий кўл майдони — 0,5 гектар; — сув ҳажми — 10 минг куб метр; — велосипед ва пиёдалар йўлаги — 1,2 километр; — қўшимча экиладиган дарахтлар — 180 туп. Ҳокимлик фуқароларни ижтимоий тармоқлардаги асоссиз хабарларга ишонмасликка ва маълумотларни расмий манбалар орқали текширишга чақирди. Telegram I Facebook I YouTube I Instagram

“Отам ўрнида ота бўлиб, менга уй совға қилдилар…”. Қувонч, ҳаяжон ва миннатдорлик ёшлари Пойтахтимизда ўтказилган тантанали тадбирлар доирасида “Йил ўқитувчиси” танлови ғолибларининг дил сўзларига қулоқ тутилди. Уларнинг самимий эътирофларида чексиз ҳаяжон, қувонч ва миннатдорлик туйғулари акс этган:

💬 «Отам жуда эрта вафот этган... Онам ёлғиз боши билан 6 фарзандни ўқитиб, олий маълумотли қилди. Президентимизга раҳмат, отам ўрнида ота бўлиб, менга уй совға қилдилар...»

💬 «Танловдаги ғолиблик нафақат ўзимга бўлган ишончни мустаҳкамлади, балки мени туманимизга машҳур қилди...»

💬 «Бугун мен Ўзбекистоннинг энг бахтли педагогларидан бириман. Бунинг учун муҳтарам Президентимизга мингдан-минг раҳмат айтаман».

Уларнинг ҳар бири — заҳматли меҳнат ва эътирофдан иборат алоҳида бир ҳикоя. Самимий лаҳзалар акс этган видеолавҳада батафсил томоша қилишингиз мумкин. Telegram I Facebook I YouTube I Instagram

«Эринманглар, тарбия қилинглар, қаттиққўл бўлинглар» — Президент ота-оналарга мурожаат қилди Президент Шавкат Мирзиёев шахматчилар билан учрашувда чемпионларнинг бугунги ютуқларида ота-оналарнинг меҳнати ва тарбияси катта ўрин тутганини таъкидлади.

«Энг катта бахт ота-она учун нима? Фарзандининг камолини, бахтини кўриш. Мана, ота-оналар ўтирибди. Мен ҳам отаман, мен ҳам бобоман. Ҳаммамиз ким бўлишимиздан қатъи назар, энг катта бахт — боламизнинг кўзига қараб, унинг бахтини кўриш», — деди давлат раҳбари.

Президент шахматчилар эришаётган натижалар ортида йиллар давомида фарзандига талабчан бўлган, уни қўллаб-қувватлаб, йўлини очган ота-оналар турганини қайд этди.

«Сизларга ота-онадан катта дуогўй, шароит яратадиган ва йўлларингизни очиб берадиган инсон дунёда йўқ. Шунинг учун бутун Ўзбекистон ёшларининг ота-оналарига миннатдорлик билдириб, бир нарсага даъват қилмоқчиман: эринманглар, тарбия қилинглар, қаттиққўл бўлинглар. Болаларни тарбия қилсак, келажак бизники бўлади», — деди Шавкат Мирзиёев.

Telegram I Facebook I YouTube I Instagram

“DEMOKRAT.UZ” раҳбарига қўйилган айбловлар судда кўрилмоқда 29 сентябрь куни Миробод туман судида Фазлиддинхон Меҳмонов ва блогер Азиз Ғоипназаров иши бўйича биринчи суд мажлиси ўтказилди. Ишда Меҳмоновга товламачилик, фирибгарлик ҳамда қурол ва бошқа ашёларга қонунга хилоф равишда эгалик қилиш билан боғлиқ бир нечта моддалар бўйича айбловлар қўйилган. Ғоипназаров эса товламачиликда айбланмоқда. Судда жабрланувчилар Нигора Муҳитдинова ва Ўктам Мирзаевнинг кўрсатмалари эшитилди. Муҳитдинованинг айтишича, у Меҳмоновга жами 40 минг доллар берган ва кейин пулларни қайтаришни талаб қилган. Мирзаев эса автосалон ва шахсий брендни ривожлантириш бўйича музокаралар бўлганини, 17 минг доллар берилаётганда Меҳмонов ва Ғоипназаров ушланганини билдирган. Судланувчилар уларга қўйилаётган жиддий айбловларни тўлиқ инкор этмоқда. Адвокатлар иш материалларида жабрланувчи бўлиб ўтган: Жўшқин Туйғунов, Руфат Садинов, Умид Иноятов, Меҳрож Раҳматов, Карим Камолов, Нигора Муҳитдинова, Лазиз Мирзаев, Ўктам Мирзаев ва Лутфулла Ҳафизовларга ҳимоя позициясида савол бериш арафасида. 👉 https://effect.uz/n/253 Telegram I Facebook I YouTube I Instagram

Ёш муҳандислар электромобил билан тақдирланди Олий таълим, фан ва инновациялар вазирлиги томонидан муҳандислик соҳасида ўтказилган “Энг яхши ғоя”, “Энг яхши лойиҳа” ва “Энг яхши ихтиро” танловлари ғолибларини тақдирлаш маросими бўлиб ўтди.

Боғча директори ва ўринбосари пора билан ушланди Нукус шаҳридаги мактабгача таълим муассасаси директори ва унинг ўринбосари 20 млн сўм пора олишда гумонланиб ушланди. Telegram I Facebook I YouTube I Instagram

Чемпионлар янги автомобилларида! Ўзбекистонлик шахмат чемпионлари Президент томонидан совға қилинган замонавий автомобилларда. Бу совға — спортчиларнинг тарихий ғалабасига муносиб эътироф бўлди. Telegram I Facebook I YouTube I Instagram

Пайғамбаримиз сийлаган мушуклар Саида Мирзиёева ўзининг ижтимоий тармоқдаги саҳифасида 13 дақиқалик видео жойлаштирди.

“Протоколни бузиб бўлсаям, ота-оналар билан алоҳида расмга тушайлик” — Президент Ҳар бир чемпион ортида фидойи ота-она турганини ҳис эттирган чиройли лаҳза! Ютуқларимиз қаҳрамонларини тарбиялаб вояга етказган ота-оналарга ҳурмат ва эътибор юксак даражада. Фахрланарли ҳолат! Telegram I Facebook I YouTube I Instagram

«Ўзбекнефтегаз»дан 8,8 млрд сўм компенсация ундириш талаби рад этилди Қашқадарё вилояти Экология ва иқлим ўзгариши бош бошқармаси «Ўзбекнефтегаз» АЖга қарашли Шўртан нефть ва газ қазиб чиқариш бошқармасидан 8,8 млрд сўм компенсация ундиришни талаб қилиб, Қарши туманлараро иқтисодий судига даъво киритган. Суд жараёнида «Ўзбекнефтегаз» АЖнинг ҳуқуқ ва қонуний манфаатлари Бизнес-омбудсман томонидан ҳимоя қилинди. 👉 https://effect.uz/n/252 Telegram I Facebook I YouTube I Instagram