ERA ኢትዮጵያ መንገዶች አስተዳደር

የኢትዮጵያ የመሠረተ-ልማት እና የኮንስትራክሽን ሣምንት በሚያዚያ ወር ይካሄዳል አዲስ አበባ፣ የካቲት 25/ 2018 (ኢ መ አ):- የኢትዮጵያ የመሠረተ-ልማት እና የኮንስትራክሽን ሣምንት "ኢትዮጵያ ትገነባለች!" በሚል መሪ ቃል ከሚያዚያ 9-12 በአዲስ ኢንተርናሽናል ኮንቬንሽን ሴንተር ይካሄዳል። ጉዳዩን አስመልክቶ በከተማ እና መሠረተ-ልማት ሚንስቴር ዋ/መሥሪያ ቤት ጋዜጣዊ መግለጫ ተሰጥቷል። የሀገር በቀል አቅምን በማሳደግና የቴክኖሎጂ ሽግግርን በማፋጠን የኮንስትራክሽን ኢንዱስትሪውን ወደ ላቀ ደረጃ ለማሸጋገር ያለመ ሥራ እየተሠራ መሆኑን የከተማና መሠረተ ልማት ሚኒስትር ክብርት ጫልቱ ሳኒ አስታውቀዋል ። ፍትሐዊ የመሠረተ-ልማት ስርጭትን ለማረጋገጥ በተሰራው ሥራ የመንገድ ዘርፍ ባለፉት 5 ዓመታት ብቻ ወደ 40 ሺ ኪ.ሜ የሚጠጋ አዳዲስ መንገዶችን በመገንባት እና የመንገድ ርዝመትን ከ144 ሺ ወደ 182 ሺህ ኪ.ሜ ማሳደግ ተችሏል። የከተማና መሠረተ ልማት ሚኒስትር ጫልቱ ሳኒ በሰጡት መግለጫ ሳምንቱ በዘርፉ የተመዘገቡ ስኬቶችን ለሕዝብና ለባለድርሻ አካላት በማቅረብ የተገኙ ተሞክሮዎችን ለመተንተንና የቀጣይ አቅጣጫዎችን ለማመላከት ያለመ ነው ብለዋል። የኢንዱስትሪውን የሀገር ውስጥ ምርት አቅም ለማሳደግ፣ የተቋማትን ቅንጅታዊ አሠራር ለማሳለጥና አዳዲስ የግንባታ ዘዴዎችን ለማስተዋወቅ ትልቅ ዕድል ይፈጥራል ነው ያሉት። በመርሐ ግብሩ በዘርፉ ላይ የተሻለ አፈጻጸም ያስመዘገቡ ተቋራጮች፣ አማካሪዎችና አስፈጻሚ ተቋማት ዕውቅና የሚያገኙ ሲሆን÷ መድረኩ የኮንስትራክሽን ዘርፉን በማነቃቃት ቁልፍ ሚና እንደሚኖረውም አመልክተዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የቡልቡላ - አላጌ - ባራ - ሚቶ የአስፋልት ኮንክሪት መንገድ ግንባታ ተጠናቀቀ። ቡልቡላ፣ የካቲት 23/2018 (ኢ መ አ):- የምሥራቅ ሸዋ፣ ስልጤ እና ሀላባ ዞኖችን የሚያስተሳስረው የቡልቡላ - አላጌ - ባራ - ሚቶ የአስፋልት ኮንክሪት መንገድ ግንባታ ተጠናቋል። የመንገድ ፕሮጀክቱ ወደ ባራ - ሚቶ የሚወስደውን አገናኝ መንገድ ጨምሮ አጠቃላይ 38 ነጥብ 8 ኪሎሜትር ይሸፍናል። የፕሮጀክቱ ጠቅላላ በጀት ስምንት መቶ ሰባ ስምንት ሚሊዮን አምስት መቶ አስራአራት ሺ ሰባት መቶ ሰላሳ ሁለት (878,514,732) ብር ሲሆን፤ በፌደራል መንግስት ተሸፍኗል፡፡ የመንገዱ ነባር ገጽታ 29.1ኪ.ሜትሩ በጠጠር ደረጃ የነበረ ሲሆን፥ ቀሪው 9.7ኪ.ሜትር ምንም ዓይነት የመንገድ መሠረተ ልማት አልነበረውም። አሁን ላይ የመንገዱ አጠቃላይ ስፋት በወረዳ 21ሜትር ሆኖ፤ 7 ሜትር በግራና ቀኝ ለተሽከርካሪ፣ 2 ሜትር አካፋይ እንዲሁም 2.5 ሜትር በግራና ቀኝ የእግረኛ መንገድ ሲሆን፣ በገጠር 11 ሜትር ስፋት ያለው ነው። የመንገድ ግንባታው ያከናወነው ሀገር በቀሉ ኪቢሽ ኮንስትራክሽን ሲሆን፣ የማማከርና የቁጥጥር ስራውን ዩናይትድ ኮንሰልቲንግ ኢንጂነርስ አከናውኖታል። በመንገድ ግንባታው ከመንገድ ደኅንነት እና የእግረኛ መሄጃ ጋር የተያያዙ ጥቂት ሥራዎች በመከናወን ላይ ናቸው። የመንገዱ መገንባት ከዚህ ቀደም የነበረውን አስቸጋሪ የመንገዱ ሁኔታ በማሻሻል ይወስድ የነበረውን የጉዞ ጊዜ አሳጥሮ በዙሪያው ያሉትን የወረዳ ከተሞች እና አጎራባች ቀበሌዎች በ30 ደቂቃ ማገናኘት አስችሏል። በተጨማሪም አካባቢው ብዛት ያለው ህዝብ በመኖሩ ለብዙሃኑ የኑሮ መሻሻል፣ የትምህርት እና የህክምና እንዲሁም አጎራባች ክልሎችን ከፈጣን መንገድ ጋር በማገናኘት አይነተኛ ድርሻ ይኖረዋል። አከባቢው እንደ ስንዴ፣ በቆሎ፣ ቦሎቄ እና በርበሬ አብቃይ በመሆኑ፤ እነዚህን የግብርና ምርቶችን በቀላሉ ወደ ማዕከላዊ ገበያ ለማቅረብ ምቹ ሁኔታን ፈጥሯል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የኢተያ - ሮቤ - ሴሩ መንገድ የአስፓልት ስራ ተጠናቀቀ ። አራት ወረዳዎችን የሚያገናኘውና 75.6 ኪሎ ሜትር የሚረዝመው ኢተያ-ሮቤ- ሴሩ ሎት 1 ኢተያ ሮቤ የመንገድ ግንባታ ፕሮጀክት የአስፓልት ስራው ተጠናቋል ። ግንባታውን እያከናወነ የሚገኘው ቻይና ሬል ዌይ ቁጥር 3 ኢንጅነሪግ ግሩፕ የተሰኘው አለም አቀፍ የሥራ ተቋራጭ ሲሆን የማማከርና የቁጥጥር ስራውን የሚሰራው ደግሞ የኢትዮጵያ ኢንጅነሪግ ኮርፖሬሽን የትራንስፖርት ዘርፍ ነው፡፡ መንገዱ ከዚህ ቀደም በጠጠር ደረጃ የነበረ ሲሆን ካለው ከፍተኛ ማህበራዊና ኢኮኖሚያዊ እንቅስቃሴ አንፃር ደረጃውን ጠብቆ ከአንድ ቢሊየን ሶስት መቶሀያ አራት ሚሊዮን ሁለት መቶ ሰላሳአራት ሺህ አምስት መቶ አስር ብር (1,324,234,510.32) በላይ በሆነ ወጪ የኢትዮጵያ መንግስት ሸፍኖ ወደ አስፋልት ኮንክሪት ደረጃ አድጓል ፡፡ የመንገድ ስራው ያካተተው የአፈር ቆረጣ እና ሙሌት፣ የድሬኔጅ ፣ ስትራክቸር ስራዎች፣ የሰብ ቤዝ ንጣፍ ፣የቤዝ ኮርስ እንዲሁም ሙሉ የአስፋልት ንጣፍ የተከናወነ ሲሆን ቀሪ ስራዎች ማለትም የቀለም ቅብ፣ የዲች ክዳን እና የመንገድ ትከሻ ና የእግረኛ መሄጃዎች ተጠቃሽ ነው ። የመንገድ ፕሮጀክቱ አጠቃላይ የጎን ስፋት በወረዳና በከተማ ከ 19 – 21 ሜትር ፣ በቀበሌ 15 ሜትር ፣ በገጠር ደግሞ 10 ሜትር ስፋት ያለው ነው፡፡ የመንገዱ መገንባት በአርሲ ዞን ውስጥ የሚገኙትን የሄጦሣ፣ የሎዴ ሄጦሳ፣ የዲክሲስ እና ሮቤ ወረዳዎችን እና ቦሩ ሌንጫ፤ጎበያ፤አርብ ገበያ፤እድገት ፋና፤ቡላላ ቀበሌዎችን አስተሳስሮ ከዚህ በፊት ይወስድ የነበረውን የጉዞ ጊዜ በአራት ሰአት አሳጥሮ ምቹ የትራንስፖርት እንቅስቃሴ እንዲኖር አስችሏል ፡፡ በተጨማሪም በአካባቢው ላይ የሚመረቱ የግብርና ምርቶችን ስንዴ፤ገብስ እና ከአትክልቶችም እንደ ሽንኩርት፤ድንች እና ቲማቲም በአካባቢው ላይ ስለሚመረቱ በቀላሉ ወደ መሃል አገር እንዲቀርብ በማድረግ የአምራች ገበሬዎችን ተጠቃሚነት ያሳድጋል ተብሎ ይታሰባል ። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የኢተያ - ሮቤ - ሴሩ መንገድ የአስፓልት ስራ ተጠናቀቀ ። አራት ወረዳዎችን የሚያገናኘውና 75.6 ኪሎ ሜትር የሚረዝመው ኢተያ-ሮቤ- ሴሩ ሎት 1 ኢተያ ሮቤ የመንገድ ግንባታ ፕሮጀክት የአስፓልት ስራው ተጠናቋል ። ግንባታውን እያከናወነ የሚገኘው ቻይና ሬል ዌይ ቁጥር 3 ኢንጅነሪግ ግሩፕ የተሰኘው አለም አቀፍ የሥራ ተቋራጭ ሲሆን የማማከርና የቁጥጥር ስራውን የሚሰራው ደግሞ የኢትዮጵያ ኢንጅነሪግ ኮርፖሬሽን የትራንስፖርት ዘርፍ ነው፡፡ መንገዱ ከዚህ ቀደም በጠጠር ደረጃ የነበረ ሲሆን ካለው ከፍተኛ ማህበራዊና ኢኮኖሚያዊ እንቅስቃሴ አንፃር ደረጃውን ጠብቆ ከአንድ ቢሊየን ሶስት መቶሀያ አራት ሚሊዮን ሁለት መቶ ሰላሳአራት ሺህ አምስት መቶ አስር ብር (1,324,234,510.32) በላይ በሆነ ወጪ የኢትዮጵያ መንግስት ሸፍኖ ወደ አስፋልት ኮንክሪት ደረጃ አድጓል ፡፡ የመንገድ ስራው ያካተተው የአፈር ቆረጣ እና ሙሌት፣ የድሬኔጅ ፣ ስትራክቸር ስራዎች፣ የሰብ ቤዝ ንጣፍ ፣የቤዝ ኮርስ እንዲሁም ሙሉ የአስፋልት ንጣፍ የተከናወነ ሲሆን ቀሪ ስራዎች ማለትም የቀለም ቅብ፣ የዲች ክዳን እና የመንገድ ትከሻ ና የእግረኛ መሄጃዎች ተጠቃሽ ነው ። የመንገድ ፕሮጀክቱ አጠቃላይ የጎን ስፋት በወረዳና በከተማ ከ 19 – 21 ሜትር ፣ በቀበሌ 15 ሜትር ፣ በገጠር ደግሞ 10 ሜትር ስፋት ያለው ነው፡፡ የመንገዱ መገንባት በአርሲ ዞን ውስጥ የሚገኙትን የሄጦሣ፣ የሎዴ ሄጦሳ፣ የዲክሲስ እና ሮቤ ወረዳዎችን እና ቦሩ ሌንጫ፤ጎበያ፤አርብ ገበያ፤እድገት ፋና፤ቡላላ ቀበሌዎችን አስተሳስሮ ከዚህ በፊት ይወስድ የነበረውን የጉዞ ጊዜ በአራት ሰአት አሳጥሮ ምቹ የትራንስፖርት እንቅስቃሴ እንዲኖር አስችሏል ፡፡ በተጨማሪም በአካባቢው ላይ የሚመረቱ የግብርና ምርቶችን ስንዴ፤ገብስ እና ከአትክልቶችም እንደ ሽንኩርት፤ድንች እና ቲማቲም በአካባቢው ላይ ስለሚመረቱ በቀላሉ ወደ መሃል አገር እንዲቀርብ በማድረግ የአምራች ገበሬዎችን ተጠቃሚነት ያሳድጋል ተብሎ ይታሰባል ።

የጅግጅጋ ከተማ ተለዋጭ አስፋልት ኮንክሪት መንገድ ግንባታ ተጠናቀቀ ጅግጅጋ፣ የካቲት 22/2018 (ኢ መ አ):- በሶማሌ ክልል የጅግጅጋ ከተማ ተለዋጭ አስፋልት ኮንክሪት መንገድ ፕሮጀክት መጠናቀቁን ተከትሎ ደረጃውን የጠበቀ የትራፊክ አገልግሎት እየሰጠ ይገኛል። አጠቃላይ የመንገድ ፕሮጀክቱ 6 ነጥብ 93 ኪሎሜትር የሚሸፍን ሲሆን፣ 30 ሜትር የጎን ስፋት እንዲኖረው ተደርጎ ተገንብቷል። መነሻውን ጅግጅጋ ከተማ መግቢያ አድርጎ ቶጎ-ጫሌ አደባባይ ላይ ያበቃው ይህ ፕሮጀክት ዋና ዋና ስራዎች የተጠናቀቁ ሲሆን፣ የትራፊክ ምልክቶች ተከላ  እና ሌሎች ጥቃቅን ስራዎች እየተከናወኑ ነው። በተጨማሪም የእግረኛ እና የብስክሌተኞች መተላለፊያ  ግንባታ ተካቷል። ሀገር-በቀሉ ይርጋለም ኮንስትራክሽን ግንባታውን ያከናወነው ሲሆን፣ የማማከርና የቁጥጥር ሥራውን ኤልዳ አማካሪ ድርጅት ከዳምራ ኮንሰልቲንግ ኢንጂነርስ ጋር  በጋራ ሰርተውታል። ለግንባታው ማስፈጸሚያ የዋለውን 672,098,730.28 (ስድስት መቶ ሰባ ሁለት ሚሊየን ዘጠና ስምንት ሺህ ብር ሰባት መቶ ሰላሳ ብር ከሃያ ስምንት) ወጪ ሙሉ በሙሉ በፌደራል መንግስት በጀት ተሸፍኗል። የተለዋጭ መንገድ ግንባታው መጠናቀቅ በጅግጅጋ ከተማ ውስጥ እንዲሁም መግቢያ እና መውጫ  ላይ የሚታየውን ከፍተኛ የትራፊክ መጨናነቅ ያቃልላል። ከቶጎ ጫሌ  እንዲሁም ከደገሀቡር የሚመጡ የከባድም ሆነ ቀላል የጭነት ተሽከርካሪዎች ጅግጅጋ ከተማን ሳያቋርጡ ለማለፍ አማራጭ መንገድ ሆኖ ያገለግላል። ከዚህም ባለፈ የከተማዋን ሁለንተናዊ ዕድገት እና ውበት በማሳለጥ በኩል ጉልህ ሚና ይጫወታል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የአጣጥ ማዞሪያ - ጉንችሬ - ቆሴ - ሌራ - ጌጃ አስፋልት መንገድ ፕሮጀክት 56 በመቶ ተጠናቀቀ ጉንችሬ፣ የካቲት 20/2018 (ኢ መ አ):- የጉራጌ፣ ስልጤ እና ሃዲያ ዞኖችን እንዲሁም 6 ወረዳዎችን የሚያስተሳስረው የአጣጥ ማዞሪያ - ጉንችሬ - ቆሴ - ሌራ - ጌጃ አስፋልት መንገድ ፕሮጀክት ከአጠቃላይ የግንባታ ሥራው 56 በመቶው ተጠናቅቋል። የመንገድ ፕሮጀክቱ 5 ነጥብ 1 ቢሊዮን ብር በፌደራል መንግሥት በጀት ተይዞለት በአስፋልት ኮንክሪት ደረጃ በመገንባት ላይ ይገኛል። አሁን ላይ ከአጠቃላይ የመንገዱ ክፍል 47 ኪሎሜትሩን በአስፋልት የማልበስ ሥራ ተከናውኗል። ከዚህ ጎን ለጎንም የመሬት ጠረጋ፣ የውኃ መፋሰሻ ቱቦ፣ የአፈር ቆረጣ እና ሙሌት፣ የሰብቤዝ እና ቤዝኮርስ፣ የአስፋልት ንጣፍ እንዲሁም የስትራክቸር ሥራዎች በመከናወን ላይ ይገኛሉ። የግንባታውን አፈጻጸም በተሻለ ሁኔታ ለማስቀጠል በተቋማችን በኩል የቅርብ ድጋፍ እና ክትትል እየተደረገ ይገኛል። የመንገድ ፕሮጀክቱ ወደ አጣጥ ሆስፒታል፣ ጉንችሬ፣ ዲንቁላ እና ጌጃ ከተሞች የሚወስዱትን አገናኝ መንገዶች ጨምሮ አጠቃላይ 97 ኪሎሜትር ይሸፍናል። ሀገር - በቀሉ ዓለማየሁ ጠቅላላ ሥራ ተቋራጭ የመንገድ ግንባታውን በማከናወን ላይ ይገኛል። ኤስጂ የምህንድስና አማካሪዎች የፕሮጀክቱን ጥራት እና ቁጥጥር ሥራ በመሥራት ላይ ይገኛል። የመንገድ ፕሮጀክቱ በሦስቱ ዞኖች ውስጥ የሚገኙትን የቸሃ፣ እኖር፣ ኤነርና መገር፣ እንደጋኝ፣ አመካ እንዲሁም ምዕራብ አዘርነትን ጨምሮ የ6 ወረዳዎች ሁለንተናዊ ትስስር ያጠናክራል። በአካባቢው የሚገኙትን የተለያዩ የግብርና ምርት ውጤቶች በስፋት ወደ ማዕከላዊ ገበያ በማቅረብ የጎላ ኢኮኖሚያዊ ፋይዳ ይኖረዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የቆሼ - ሚቶ - ወራቤ አስፋልት መንገድ ግንባታ በቀጣይ ዓመት ለማጠናቀቅ እየተሠራ ነው ወራቤ፣ የካቲት 18/2018 (ኢ መ አ):- በማዕከላዊ ኢትዮጵያ ክልል 5 ወረዳዎችን የሚያስተሳስረው የቆሼ - ሚቶ - ወራቤ አስፋልት መንገድ ግንባታ 79 ነጥብ 5 በመቶው የተጠናቀቀ ሲሆን፣ የፕሮጀክቱን ዋና ዋና ሥራዎች በቀጣይ ለማጠናቀቅ እየተሠራ ይገኛል። በመንገድ ፕሮጀክቱ አሁን ላይ የ47 ኪሎሜትር አስፋልት ንጣፍ፣ የአፈር ቆረጣ እና ሙሌት፣ የሰብቤዝ እንዲሁም የቤዝኮርስ ሥራዎች ተከናውነዋል። የሁለት ድልድዮች ግንባታም በፕሮጀክቱ ተካትቷል። ከፕሮጀክቱ አጠቃላይ የግንባታ ሥራ አሁን ላይ 58 ኪሎሜትሩ ወይንም 79 ነጥብ 5 በመቶው ተጠናቅቋል። የግንባታውን ዋና ዋና ሥራዎች በቀጣይ ዓመት ታኅሣሥ ወር ለማጠናቀቅ በትኩረት እየተሠራ ይገኛል። የመንገድ ፕሮጀክቱ 73 ኪሎሜትር የሚሸፍን ኾኖ፣ በአስፋልት ኮንክሪት ደረጃ ነው በመገንባት ላይ የሚገኘው። የመንገድ ግንባታውን ሀገር-በቀሉ የንኮማድ ኮንስትራክሽን የሚያከናውን ሲኾን፥ የጥራት እና ቁጥጥር ሥራውን ፕሮሚነንት ኢንጅነሪንግ ሶሉሽንስ ያከናውናል። ለግንባታ የተመደበው 1 ነጥብ 8 ቢሊዮን ብር በፌደራሉ መንግሥት ይሸፈናል። የመንገዱ ነባር ገጽታ 63 ኪሎሜትሩ በጠጠር ደረጃ የነበረ ሲኾን፥ ቀሪው ምንም ዓይነት የመንገድ መሠረተ ልማት አልነበረውም። አሁን ላይ መንገዱ በወረዳ የእግረኛ መንገድን ሳይጨምር 14 ሜትር፣ በገጠር ቀበሌ የመንገድ ትከሻን ሳይጨምር 7ሜትር የጎን ስፋት እንዲኖረው ተደርጎ ደረጃውን በጠበቀ መልኩ በመገንባት ላይ ነው የሚገኘው። ፕሮጀክቱ ሲጠናቀቅ የማረቆ እና የስልጤ ሕዝብ ማኅበራዊ እና ምጣኔ-ሃብታዊ ትስስር ያጠናክራል። ከዚህ ቀደም ከቆሼ ከተማ ተነስቶ የስልጤ ዞን መናገሻ ወራቤ ከተማ ለመድረስ የሚፈጀውን 3 ሰዓት የጉዞ ጊዜ በ2 ሰዓት በማሳጠር፣ በአካባቢው በስፋት የሚታወቁትን የበርበሬ፣ ስንዴ፣ በቆሎ፣ ጤፍ እና መሰል የጥራጥሬ እና የአዝርዕት ምርት ውጤቶች በፍጥነት እና በቀላሉ ወደ ማዕከላዊ ገበያ ለማድረስ ያስችላል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads