ERA ኢትዮጵያ መንገዶች አስተዳደር

በአቦምሳ - አሰኮ - ዲቡ ወንዝ የመንገድ ፕሮጀክት አስፋልት ማንጠፍ ተጀመረ አዲስ አበባ፣ ታህሳስ 23 ቀን 2017 ዓ.ም (ኢመአ) 60 .91 ኪሎ ሜትር በሚረዝመው የኮንትራት አንድ አቦምሳ - አሰኮ - ዲቡ ወንዝ የመንገድ ፕሮጀክት ላይ የአስፋልት ንጣፍ ተጀምሯል፡፡ መነሻውን አቦምሳ ከተማ አድርጎ ዲቡ ወንዝ ላይ በሚያበቃው በዚህ የመንገድ ፕሮጀክት የአስፋልት ንጣፍ ስራ ጎን ለጎን የአፈር ድልዳሎ፣ የምርጥ ጠጠር፣ የድልድይ ግንባታ ስራዎች በመካሄድ ላይ ናቸው፡፡ በአሁኑ ወቅት የፕሮጀክቱ አጠቃላይ የግንባታ እንቅስቃሴ 36.43 በመቶ የደረሰ ሲሆን ይህንንም በማጠናከር በተቀመጠው እቅድ መሰረት ለማስኬድ በትኩረት እየተሰራ ነው። ፕሮጀክቱ በሚፈለገው ፍጥነት ለማስኬድ ብሎም በግንባታ ሂደቱ ላይ ያጋጠሙ የፀጥታና አለመረጋጋት እንዲሁም የካሳ ክፍያ ችግሮችን ለመፍታት በኢትዮጵያ መንገዶች አስተዳደር በኩል የቅርብ ድጋፍና ክትትል እየተደረገበት ይገኛል፡፡ የመንገድ ግንባታውን ሐቨሪም ኮንስትራክሽን ጠቅላላ የስራ ተቋራጭ ከአለማየሁ ከተማ ጠቅላላ የስራ ተቋራጭ ጋር በጣምራ እያከናወኑት ይገኛል፡፡ የፕሮጀክቱን የማማከር እና የቁጥጥር ስራ መታፈሪያ ኮንሰልቲንግ ኢንጂነርስ ከኤልዳ ኮንሰልቲንግ ኢንጂነር ጋር በጋራ በመሆን እየሰሩት ነው፡፡ መንገዱ በወረዳ 19 በቀበሌ 16 ፣ በገጠር 10 ሜትር የመንገድ ትከሻን ጨምሮ አጠቃላይ የጎን ስፋት ያለው ነው ። ግንባታውን ለማከናወን የሚያስችለውን ሁለት ቢሊዮን ሁለት መቶ ስልሳ ሚሊዮን ስምንት መቶ ዘጠና ዘጠኝ ሺህ አርባ ሶስት (2,260,899,043) ብር በኢትዮጵያ መንግስት ተሸፍኗል። የአቦምሳ-አሰኮ-ዲቡ ወንዝ የመንገድ ግንባታ ፕሮጀክት ሲጠናቀቅ በዋናነት በአርሲ ዞን ስር የሚገኙ በርካታ የወረዳ እና የቀበሌ ከተሞችን በቅርበት በማስተሳሰር የኢኮኖሚ ዕድገትን ለመፍጠር የሚያስችል ይሆናል፡፡ በተጨማሪም በአካባቢው በስፋትየሚገኙትን የጤፍ ፣ የስንዴ ፣ የገብስ ፣ የማሽላ ፣ የበቆሎ ፣ የሽንኩርት እና የጫት ምርቶች ወደ ገበያ አውጥቶ በመሸጥ ነዋሪዎች ከምርታቸው ተጠቃሚ እንዲሆኑ ከማድረግ አንጻር ጠቀሜታው የላቀ ነው። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የኮንስትራክሽን ኢንዱስትሪውን ውጤታማ ለማድረግ የባለድርሻ አካላት ሚና ወሳኝ መሆኑ ተገለጸ ዘርፉ የሚገኝበትን ነባራዊ ሁኔታ፣ የዘርፉ ቁልፍ ፈተናዎች እንዲሁም ቀጣይ አቅጣጫዎችን በተመለከተ በዛሬው ዕለት ከባለድርሻ አካላት ጋር በኢትዮጵያ መንገዶች አስተዳደር የመንገድ ምርምር ማዕከል ምክክር ተካሂዷል። የከተማ እና መሠረተ ልማት ሚንስቴር ዴኤታ አቶ የትምጌታ አሥራት፥ መንግስት ለዘርፉ ሰፊ ትኩረት ሰጥቶ እየሠራ መኾኑን አንስተው፥ ፕሮጀክቶች በተቀመጠላቸው ጊዜ፣ የጥራት ደረጃ እና የዋጋ መጠን አለመጠናቀቅ፣ የጸጥታ ስጋቶች፣ የአንዳድን የሥራ ተቋራጮች የአቅም ማነስ እና ጤናማ ያልኾነ ፉክክር፣ የቴክኖሎጂ እና የብቃት ክፍተት እንዲሁም የፍይናንስ እጥረቶች የዘርፉ ማነቆ መኾናቸውን ገልጸዋል። በመኾኑም የኢንዱስትሪውን ውስብስብ እና አንገብጋቢ ችግሮች ለመፍታት እና ውጤታማ ለማድረግ በሁሉም ደረጃ የሚገኙ የዘርፉ ተዋንያን የነቃ ተሳትፎ አስፈላጊ መኾኑን አጽንዖት ሰጥተውበታል። ከዚህ አንጻር የዛሬው መድረክ በቀጣይ ለሚኖሩ ዕርምጃዎች መደላድል የሚፈጥር ነው ብለዋል። ዘርፉ ላይ የሚስተዋሉ ብልሹ አሠራሮች እና የስነ ምግባር ጉድለቶችን በጋራ መታገል ይገባልም ብለዋል። የመድረኩ ተሳታፊዎች በበኩላቸው በየጊዜው እየተባባሰ የመጣው የግንባታ ጥሬ እቃ ዋጋ መናር፣ የአቅም ማነስ፣ ፍትሃዊ የኾነ የውድድር ከባቢ ማነስ፣ የጸጥታ ችግር እንዲሁም የገንዘብ እጥረት ፈተና እንደኾነባቸው አንስተዋል። ዘርፋን ከተደቀኑበት ችግሮች አላቅቆ ውጤታማ እንዲኾን በዋናነት አስቻይ የሥራ ከባቢዎችን መፍጠር፣ ነባራዊ ሁኔታዎችን ያገናዘበ የፖሊስ ማሻሻያዎችን በየጊዜው መተግበር እና ዘመኑን የዋጀ የቴክኖሎጂ እና ብቁ የሰው ኃይል አቅርቦት ሊኖር ይገባል ብለዋል። በቀጣይም የዘርፉን ችግሮች ለመፍታት ከመንግስት እና ከሁሉም የባለድርሻ አካላት ጋር በቅንጅት እና በትብብር እንደሚሠሩም ተሳታፊዎቹ አረጋግጠዋል። ሚንስቴር መ/ቤቱ ባሰናዳው በዚሁ መድረክ ላይ ከፍተኛ የመንግስት የሥራ ኃላፊዎች፣ የሥራ ተቋራጮች፣ አማካሪ መሀንዲሶች፣ የሙያ ማኅበራት እንዲሁም ሌሎች የዘርፉ ተዋንያን ተሳትፈዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የኮንስትራክሽን ኢንዱስትሪ የባለድርሻ አካላት የምክክር መድረክ እየተካሄደ ይገኛል አዲስ አበባ፣ ታኅሣሥ 16፣ 2017 (ኢ መ አ):- የኮንስትራክሽን ኢንዱስትሪ የባለድርሻ አካላት የምክክር መድረክ ቃሊቲ በሚገኘው የኢትዮጵያ መንገዶች አስተዳደር የመንገድ ምርምር ማዕከል እየተካሄደ ይገኛል። የኮንስትራክሽን እመርታ ለሀገር ግንባታ በሚል መሪ ሐሳብ የሚካሄደው መድረኩ፥ የኮንስትራክሽን ዘርፉ የሚገኝበት ነባራዊ ሁኔታ (ደረጃ)፣ የዘርፉ ቁልፍ ፈተናዎች እንዲሁም ቀጣይ አቅጣጫዎችን በተመለከተ ትኩረቱን አድርጓል። የከተማ ልማት እና ኮንስትራክሽን ሚኒስቴር ባሰናዳው በዚሁ መድረክ ላይ ከፍተኛ የመንግስት ኃላፊዎች፣ የሥራ ተቋራጮች፣ አማካሪ መሀንዲሶች እንዲሁም ሌሎች የዘርፉ ተዋንያን ይሳተፉበታል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

በአማራ ክልል እየተከናወኑ ያሉ የፌደራል የመንገድ ግንባታ ፕሮጀክቶችን አስመልክቶ ውይይት ተካሄደ አዲስ አበባ ፣ ታኅሣሥ 14 ፣ 2017 (ኢ መ አ):- በአማራ ክልል እየተከናወኑ ያሉ የፌዴራል የመንገድ ግንባታ ፕሮጀክቶች አፈጻጸምን አስመልክቶ የኢትዮጵያ መንገዶች አስተዳደርና የአማራ ክልል ከፍተኛ የመንግስት የሥራ ኃላፊዎች ውይይት አካሂደዋል፡፡ በዕለቱም የክልሉ ርዕሰ መስተዳደር አቶ አረጋ ከበደ እና የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን የተገኙ ሲሆን በግንባታ ላይ ያሉ የመንገድ ፕሮጀክቶች ያሉበትን አሁናዊ ሁኔታ የሚያመላክት ሪፖርት ቀርቦ ውይይት ተደርጎበታል፡፡ በክልሉ በአንዳንድ ፕሮጀክቶች ከጸጥታ፣ ከወሰን ማስከበር ፣ የተቋራጮች አቅም ውስንነት እና ግንባታቸው ከተጀመረ በኋላ የሚስተዋሉ የዲዛይን ማሻሻያ ስራዎች ጋር የተያያዙ ችግሮች በፕሮጀክቶቹ አፈጻጸም ሂደት ላይ ተፅዕኖ ስለማሳደራቸው ተገልጿል፡፡ በመንገድ ግንባታ ፕሮጀክቶቹ ላይ የሚስተዋሉ ችግሮቹን ለመፍታት የኢትዮጵያ መንገዶች አሥተዳደር እና የክልሉ መንግሥት በጋራ በመስራት አፋጣኝ መፍትሄ መስጠት እንዳለበት አጽንኦት ተሰጥቷል፡፡ ለፕሮጀክቶቹ መዘግየት ምክንያት የሆኑ ችግሮችን በመቅረፍ ፕሮጀክቶችን በተቀመጠላቸው የግንባታ ጊዜ እንዲጠናቀቁ የቅርብ ክትትል የሚያደርግ ከሁለቱም አካላት የተውጣጣ ኮሚቴ ተቋቁሟል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የነጌሌ ቦረና - ኪሎሜትር 64 ነጥብ 5 መንገድ ፕሮጀክት በጥሩ አፈጻጸም ላይ ይገኛል ነጌሌ ቦረና፣ ታኅሣሥ 08፣ 2017 (ኢ መ አ):- በኦሮሚያ ክልል ምሥራቅ ቦረና ዞን'ን ከሶማሌ ክልል ሊበን ዞን ጋር የሚያገናኘው ምዕራፍ አንድ የነጌሌ ቦረና - ኪሎሜትር 64 ነጥብ 5 መንገድ ፕሮጀክት በጥሩ አፈጻጸም ላይ ይገኛል። የመንገድ ፕሮጀክቱ ኢትዮጵያን ከሱማሊያ እና ኬንያ ጋር የሚያስተሳስረው የነገሌ ቦረና - ዶሎ አዶ - መልካሱፍቱ ግዙፍ ፕሮጀክት አካል ሲኾን፥ የመጀመሪያው ምዕራፍ 64 ነጥብ 5 ኪሎሜትር ይሸፍናል። ከዚህ ቀደም በጠጠር መንገድ ደረጃ የነበረው ይህ መንገድ፣ ካለው በርካታ ሀገራዊ ፋይዳ አንፃር በአስፋልት ኮንክሪት ደረጃ በመገንባት ላይ ይገኛል። የፕሮጀክቱ አጠቃላይ አፈጻጸም አሁን ላይ 74 ነጥብ 4 በመቶ ደርሷል። ግንባታውን በጣምራ የሚያከናውኑት ሀገር በቀሎች ኤም ሲ ጂ ኮንስትራክሽን እና ዓለማየሁ ከተማ ጠቅላላ ሥራ ተቋራጭ፣ በአሁኑ ወቅት የ36 ኪሎ ሜትር የአስፋልት ሥራ አጠናቅቀዋል። በተጨማሪም የ96 በመቶ የጠረጋ፣ የ69 በመቶ የፍሳሽ ማስወገጃ፣ የ97 በመቶ የአፈር ቆረጣ እና ሙሌት፣ የ50 ኪሎሜትር ሰብቤዝ እና የ37 ኪሎሜትር ቤዝኮርስ ሥራዎች ተሠርተዋል። የአንድ ድልድይ ግንባታም ተጠናቅቋል። ፕሮጀክቱን በዚህ ዓመት ለማጠናቀቅ የሚያስችሉ በማሽነሪ እና በቁሳቁስ አቅርቦት በኩል አስፈላጊው ዝግጅት መደረጉን በሥፍራው ባደረግነው ቅኝት ተመልክተናል። በተቋማችን በኩልም ከመስተዳድር አካላት ጋር በመቀናጀት ተገቢው ድጋፍ እና ክትትል እየተደረገ ይገኛል። ለፕሮጀክቱ የተመደበው 1 ነጥብ 3 ቢሊዮን ብር በፌደራል መንግስት በጀት የሚሸፈን ሲኾን፣ ኤስ ጂ ኮንሰልቲንግ ኢንጅነርስ ፕሮጀክቱን የማማከር እና የቁጥጥር ሥራ ይሠራል። የመንገድ ግንባታው ሲጠናቀቅ ከዚህ ቀደም ከነጌሌ ቦረና ከተማ አንስቶ እስከ ፕሮጀክቱ መዳረሻ ድረስ የሚወስደውን 2 ሰዓት የጉዞ ጊዜ ወደ 50 ደቂቃ ያሳጥረዋል። የሁለቱን ክልሎች የሕዝብ ለሕዝብ ትስስር በማጠናከርም የነገሌ፣ ዴካሱፍቱ፣ ሀይሱፍቱ እና መሰል ከተሞችን በቅርበት ያገናኛል። በአካባቢው በስፋት የሚገኙትን ስንዴ፣ ጤፍ እንዲሁም የቁም እንስሳት ንግዱን ያቀላጥፋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የያቤሎ ከተማ ተለዋጭ መንገድ ፕሮጀክትን በተያዘው ዓመት ለማጠናቀቅ እየተሠራ ነው ያቤሎ፣ ታኅሣሥ 03፣ 2017 ዓ.ም (ኢ መ አ):- በኦሮሚያ ክልል ምዕራብ ቦረና ዞን በ304 ሚሊዮን ብር ወጪ እየተገነባ የሚገኘውን የያቤሎ ከተማ ተለዋጭ መንገድ ፕሮጀክት በተያዘው ዓመት ለማጠናቀቅ እየተሠራ ነው። የመንገድ ፕሮጀክቱ 7 ነጥብ 44 ኪሎሜትር የሚሸፍን ሲኾን፥ የዞኑ መቀመጫ ለኾነችው ያቤሎ ከተማ ተጨማሪ አማራጭ ኾኖ የሚያገለግል ነው። በተለይም በያቤሎ -ኬላ ነባር መንገድ ላይ የሚስተዋለውን የትራፊክ ጭንቅንቅ ያስቀራል፡፡ ከዚህም ባለፈ በአቅራቢያ ከሚገኙ የጎሮቤት ሀገራት ጋር ያለውን የወጪ እና የገቢ ንግድን በማቀላጠፍ በኩልም አዎንታዊ ሚና ይጫወታል፡፡ አሁን ላይ የፕሮጀክቱ አጠቃላይ አፈጻጸም 91 ነጥብ 43 በመቶ ደርሷል። እየተከናወኑ ከሚገኙ የግንባታ ሥራዎች መካከል የ87 በመቶ የፍሳሽ ማስወገጃ፣ የ99 በመቶ የአፈር ቆረጣ እና ሙሌት፣ የ7 ኪሎሜትር ሰብቤዝ፣ የ6 ኪሎሜትር ቤዝኮርስ እና የ5 ኪሎሜትር አስፋልት ሥራዎች ተከናውነዋል። በተጨማሪም የአንድ ድልድይ ግንባታ ሙሉ በሙሉ ተጠናቅቋል። ግንባታው በታቀደለት ጊዜ እንዲጠናቀቅም በኢትዮጵያ መንገዶች አስተዳደር በኩል አስፈላጊው ድጋፍ እና ጥብቅ ክትትል እየተደረገ ይገኛል። መንግስታዊው የልማት ድርጅት የኢትዮጵያ ኮንስትራክሽን ሥራዎች ኮርፖሬሽን ግንባታውን ያከናውናል። ቤስት ኮንሰልቲንግ ኢንጅነርስ ፕሮጀክቱን የመቆጣጠር እና የማማከር ሥራ ይሠራል። የግንባታው ወጪ ሙሉ በሙሉ በፌደራል መንግስት ይሸፈናል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads