RSN WEB

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Jun 1 - 7, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၆ ခု ခွဲ၍ ဖော်ပြထားသည်။ 🔖 ပေါ်တာဆွဲပြီး ရပ်ကွက်ရုံးထဲ ညှင်းပန်းနှိပ်စက်

· လှိုင်မြို့နယ်၊ ၁၃ ရပ်ကွက်၊ ရပ်ကွက်အုပ်ချုပ်ရေးမှူးရုံးထဲ၌ ဇွန်လ ၃ ရက်နေ့ မနက်အစောပိုင်းတွင် လူငယ်များကို ညှင်းပန်းနှိပ်စက်နေခဲ့ကြောင်း MPA မှ သိရှိရသည်။ · ပေါ်တာဆွဲခံထားရသည့် လူငယ်များကို ညှင်းပန်းနေကြခြင်းဖြစ်ပြီး လူငယ်တို့၏ အော်ဟစ်ငိုကြွေးသံများကို ၎င်းရပ်ကွက်ရုံးအနီး နေထိုင်သူများနှင့် ဖြတ်သွားဖြတ်လာများမှ အတိုင်းသား ကြားနေခဲ့ရသည်။ မနက်အစောပိုင်း နေမထွက်ခင်ချိန်မှစပြီး မိုးလင်းချိန်ထိ တောက်လျှောက်နှိပ်စက်နေခဲ့ကြကြောင်း သိရသည်။

———— 🔖 ကျားဖြန့်နှိမ်နင်းရေး ခေါင်းစဉ်တပ်ပြီး လုပ်ငန်းတချို့ကို လိုက်ရမ်းပြ

· ကျားဖြန့်လုပ်ငန်းများ ရှာဖွေဖမ်းဆီးဖို့ဆိုပြီး ဇွန်လ ၅ ရက်နေ့မှ စ၍ ရန်ကုန်မြို့ရှိ အိမ်ရာဝင်းများ၊ ကွန်ဒိုများများကို အကြမ်းဖက်တပ်သား အင်အားအလုံးအရင်းဖြင့် လိုက်လံစစ်ဆေးနေခဲ့ကြောင်း Khit Thit မှ သိရှိရသည်။ ရန်ကုန် စစ်တိုင်းမှူးမှ 'ကျားဖြန့်များ ရှာဖွေဖမ်းဆီးရေး အထူးညွှန်ကြားချက်' ဆိုပြီး အမိန့်ထုတ်ပြန်ထားသည်ဟု ဆိုသည်။ · ဇွန်လ ၅ ရက်နေ့ ည ၇ နာရီခန့်တွင် တောင်ဥက္ကလာမြို့နယ်၊ သံသုမာလမ်းပေါ် စီမံကိန်းမှတ်တိုင်အနီး အထပ်မြင့်တိုက်ထဲ ၎င်းစစ်တိုင်းမှူးကိုယ်တိုင် ဦးစီးပြီး ဝင်ရောက်စီးနင်းကာ လိုင်စင်မဲ့ Online Shopping လုပ်ငန်းတခုမှ ဝန်ထမ်း လူငယ်ရာချီကို ဖမ်းဆီးသွားခဲ့သည်။ ထောင်ကား ၃ စီးစာ ပါသွားပြီး စစ်ကြောရေးတန်းပို့လိုက်သည်ဟု သိရသည်။ ရုံးသုံးပစ္စည်းများပါ သိမ်းဆည်းသွားသည်။ · လိုင်စင်မရှိပဲ လုပ်ကိုင်နေသည့် လုပ်ငန်းများကိုသာ ကျားဖြန့်ခေါင်းစဉ်တပ်၍ ဟန်ပြလိုက်ဖမ်းပြနေခြင်းဖြစ်ပြီး အမှန်တကယ်ကျားဖြန့်လုပ်ကိုင်နေသည့်နေရာများကို ဝင်စစ်ဆေးခြင်း မရှိဟုလည်း သိရသည်။ မြန်မာနိုင်ငံသား တရုတ်လူမျိုးများ၏ လိုင်စင်မဲ့လုပ်ငန်းများကို ပစ်မှတ်ထား လိုက်ရှာဖမ်းနေသည်ဟု ဖော်ပြထားသည်။ · လှိုင်သာယာ၊ တာမွေ၊ လမ်းမတော်၊ ရန်ကင်း နှင့် မင်္ဂလာဒုံမြို့နယ်များရှိ အုပ်ချုပ်ရေးမှူးများကိုလည်း အစစ်အဆေး လုပ်ပြနေပြီး ကျားဖြန့်တကယ်လုပ်နေသည့် တရုတ်နိုင်ငံသားပိုင် ဟိုတယ်များ၊ ကွန်ဒိုများကိုမူ ဝင်မစစ်ဆေးဟု ဆိုသည်။

———— 🔖 လေဆိပ်တွင် ပြည်ပထွက်ခွင့်ပိတ်ခံထားရသူများထံမှ ငွေလိမ်

· ရန်ကုန်အပြည်ပြည်ဆိုင်ရာလေဆိပ်တွင် အကြမ်းဖက်စစ်တပ်အဖွဲ့၏ အလုပ်သမားညွှန်ကြားရေးဌာနမှ အရာရှိတချို့ ငွေကြေးလိမ်လည်မှုများလုပ်နေကြောင်း Khit Thit မှ သိရှိရသည်။ ဦးစီးအရာရှိ လှမျိုးသန်းနှင့် စိုးမင်းထက်တို့ဟု ဖော်ပြထားသည်။ · ပြည်ပထွက်ခွာခွင့် ပိတ်ပင်ခံထားရသူများကို ထွက်ခွင့်ရမည်ဟု လိမ်ညာလှည့်ဖြားကာ ငွေကျပ် သိန်း ၅၀ တောင်းသည်။ ထို့ပြင် လက်ဖက်ရည်ဖိုး ၈ သိန်းထပ်ပေးလျှင် မည်သည့် စစ်ဆေးမေးမြန်းမှုမှ မခံရနိုင်ဟု ထပ်တောင်းသည်။ · သို့သော် တကယ်တမ်း ထွက်ဖို့လုပ်ပါက လဝက ကောင်တာပင် မဖြတ်နိုင်ပဲ အထောက်အထားမခိုင်လုံဟုဆိုကာ ပြန်လှည့်ပြန်ခိုင်းကြောင်း သိရသည်။

———— 🔖 ခရမ်းမြို့နယ်တွင်း စစ်ဆေးရေးဂိတ်အများစု ဖျက်သိမ်းမည်ဟုဆို

· ခရမ်းမြို့နယ်တွင်း အကြမ်းဖက်စစ်တပ် အာဏာသိမ်းပြီးနောက် တိုးချဲ့ဖွင့်လှစ်ထားသည့် စစ်ဆေးရေးဂိတ်များကို ဇူလိုင်လကုန်တွင် ပိတ်သိမ်းတော့မည်ဟု Khayan Channel မှ သိရှိရသည်။ ယခင်ကတည်းက ရှိနေခဲ့သည့် ဒေးပေါက်ဂိတ်နှင့် သစ်တောဂိတ်တို့သာ ဆက်ရှိမည်ဟု သိရသည်။ · ထို့ပြင် ပိတ်ဆို့ထားသည့် ခရမ်းမြို့နယ်၏ အဓိကမိန်းလမ်းမကြီးကို ပြန်ဖွင့်ပေးလိုက်ကြောင်းလည်း သိရသည်။ ခရမ်းမြို့နယ်၏ မြောက်ဘက်နှင့် တောင်ဘက်ကို ဆက်သွယ်ထားသည့် လမ်းမကြီးဖြစ်ပြီး ရဲစခန်းရှေ့တွင် မေလကုန်ပိုင်းထိ ၅ နှစ်ကာ ဖြတ်ပိတ်ထားခဲ့ခြင်းဖြစ်သည်။

———— 🔖 ဧည့်စစ်လူရှာဖြစ်စဉ်များ

· ယခု သီတင်းပတ်အတွင်း ဧည့်စစ်လူရှာဖြစ်စဉ်များအနက် မြို့နယ် ၃ မြို့နယ်မှ ဖြစ်စဉ် ၄ ခုကို သိရှိခဲ့ရသည်။ · လှိုင်သာယာ၊ မြောက်ဒဂုံနှင့် စမ်းချောင်းမြို့နယ်တို့၌ ဧည့်စစ်သွားခဲ့ခြင်း ဖြစ်သည်။

———— 🔖 စက်ရုံတွင်း အလုပ်သမားများဆန္ဒပြ

· ရွှေပြည်သာမြို့နယ်၊ LIDA Myanmar စက်ရုံတွင် မန်နေဂျာနှင့် ကြီးကြပ်ရေးမှူးတို့က အလုပ်သမားများပေါ် ရုန့်ရင်းကြမ်းတမ်းစွာ ဆဲဆိုခဲ့သောကြောင့် ဆန္ဒပြမှုများ ဖြစ်ပွားနေကြောင်း မီဒီယာသတင်းများမှ သိရှိရသည်။ · မေလ ၃၀ ရက်နေ့တွင် အလုပ်သမားများ ညဆိုင်းမဆင်းလို့ဟုဆိုကာ ၎င်းတို့မှ ဆဲဆိုရိုင်းပြခဲ့ခြင်းဖြစ်ပြီး ၎င်းတို့ ၂ ဦးကို အလုပ်မှ ထုတ်ပယ်ရန် အလုပ်သမား ၂၀၀ နီးပါးက ဇွန်လ ၁ ရက်နေ့မှ ၆ ရက်နေ့ထိ ဆန္ဒပြနေခဲ့ကြသည်။

08 Jun 2026 #RangoonScoutNetwork #YGN_weekly

⚫️ ကျားဖြန့်နှိမ်နင်းရေး ခေါင်းစဉ်တပ်ပြီး ကျားဖြန့်မလုပ်သည့် လုပ်ငန်းတချို့ကို လိုက်ရမ်းပြ ကျားဖြန့်လုပ်ငန်းများ ရှာဖွေဖမ်းဆီးဖို့ဆိုပြီး ဇွန်လ ၅ ရက်နေ့မှ စ၍ ရန်ကုန်မြို့ရှိ အိမ်ရာဝင်းများ၊ ကွန်ဒိုများများကို အကြမ်းဖက်တပ်သား အင်အားအလုံးအရင်းဖြင့် လိုက်လံစစ်ဆေးနေခဲ့ကြောင်း Khit Thit မှ သိရှိရသည်။ ရန်ကုန် စစ်တိုင်းမှူးမှ 'ကျားဖြန့်များ ရှာဖွေဖမ်းဆီးရေး အထူးညွှန်ကြားချက်' ဆိုပြီး အမိန့်ထုတ်ပြန်ထားသည်ဟု ဆိုသည်။ ဇွန်လ ၅ ရက်နေ့ ည ၇ နာရီခန့်တွင် တောင်ဥက္ကလာမြို့နယ်၊ သံသုမာလမ်းပေါ် စီမံကိန်းမှတ်တိုင်အနီး အထပ်မြင့်တိုက်ထဲ ၎င်းစစ်တိုင်းမှူးကိုယ်တိုင် ဦးစီးပြီး ဝင်ရောက်စီးနင်းကာ လိုင်စင်မဲ့ Online Shopping လုပ်ငန်းတခုမှ ဝန်ထမ်း လူငယ်ရာချီကို ဖမ်းဆီးသွားခဲ့သည်။ ထောင်ကား ၃ စီးစာ ပါသွားပြီး စစ်ကြောရေးတန်းပို့လိုက်သည်ဟု သိရသည်။ ရုံးသုံးပစ္စည်းများပါ သိမ်းဆည်းသွားသည်။ လိုင်စင်မရှိပဲ လုပ်ကိုင်နေသည့် လုပ်ငန်းများကိုသာ ကျားဖြန့်ခေါင်းစဉ်တပ်၍ ဟန်ပြလိုက်ဖမ်းပြနေခြင်းဖြစ်ပြီး အမှန်တကယ်ကျားဖြန့်လုပ်ကိုင်နေသည့်နေရာများကို ဝင်စစ်ဆေးခြင်း မရှိဟုလည်း သိရသည်။ မြန်မာနိုင်ငံသား တရုတ်လူမျိုးများ၏ လိုင်စင်မဲ့လုပ်ငန်းများကို ပစ်မှတ်ထား လိုက်ရှာဖမ်းနေသည်ဟု ဖော်ပြထားသည်။ လှိုင်သာယာ၊ တာမွေ၊ လမ်းမတော်၊ ရန်ကင်း နှင့် မင်္ဂလာဒုံမြို့နယ်များရှိ အုပ်ချုပ်ရေးမှူးများကိုလည်း အစစ်အဆေး လုပ်ပြနေပြီး ကျားဖြန့်တကယ်လုပ်နေသည့် တရုတ်နိုင်ငံသားပိုင် ဟိုတယ်များ၊ ကွန်ဒိုများကိုမူ ဝင်မစစ်ဆေးဟု ဆိုသည်။ Source: Khit Thit 07 Jun 2026 #RangoonScoutNetwork

⚫️ လူငယ်များကို ပေါ်တာဆွဲပြီး ရပ်ကွက်ရုံးထဲ ညှင်းပန်းနှိပ်စက် လှိုင်မြို့နယ်၊ ၁၃ ရပ်ကွက်၊ ရပ်ကွက်အုပ်ချုပ်ရေးမှူးရုံးထဲ၌ ဇွန်လ ၃ ရက်နေ့ မနက်အစောပိုင်းတွင် လူငယ်များကို ညှင်းပန်းနှိပ်စက်နေခဲ့ကြောင်း MPA မှ သိရှိရသည်။ ပေါ်တာဆွဲခံထားရသည့် လူငယ်များကို ညှင်းပန်းနေကြခြင်းဖြစ်ပြီး လူငယ်တို့၏ အော်ဟစ်ငိုကြွေးသံများကို ၎င်းရပ်ကွက်ရုံးအနီး နေထိုင်သူများနှင့် ဖြတ်သွားဖြတ်လာများမှ အတိုင်းသား ကြားနေခဲ့ရသည်။ မနက်အစောပိုင်း နေမထွက်ခင်ချိန်မှစပြီး မိုးလင်းချိန်ထိ တောက်လျှောက်နှိပ်စက်နေခဲ့ကြကြောင်း သိရသည်။ Source: MPA 07 Jun 2026 #RangoonScoutNetwork

⚫️ ရုက်တရက်ပျောက်သွားပြီး ၂ လအကြာမှ ပေါ်တာဆွဲခံရကြောင်း မိသားစုကို အသိပေးခွင့်ရ ရန်ကုန်တိုင်း၊ တာမွေမြို့နယ်ထဲ ဆိုက်ကားနင်းပြီး မိသားစုကိုလုပ်ကျွေးနေသည့် အသက် ၄၇ နှစ်အရွယ် ဦးမြင့်ဆိုင် တစ်ယောက် လွန်ခဲ့သည့် မတ်လ ၁၆ ရက်နေ့က ရုတ်တရက်ပျောက်ဆုံးသွားခဲ့ကြောင်း Khit Thit မှ သိရှိရသည်။ ထို့နောက် ၂ လအကြာ မေလ ၁၀ ရက်နေ့မှသာ မိသားစုနှင့် အဆက်အသွယ်ပြန်ရပြီး ပေါ်တာဆွဲခံခဲ့ရကြောင်း သိရသည်။ မန္တလေးတိုင်း၊ ရမည်းသင်းမြို့နယ်၊ အမှတ် ၃ စစ်အခြေခံလေ့ကျင့်ရေး သင်တန်းကျောင်းခွဲ ၁ သို့ ပို့ခံရပြီး ထိုနေရာ၌ စစ်သင်တန်းတက်နေခဲ့ရခြင်းဖြစ်သည်။ ထို့ပြင် သူ့နဂိုရှိပြီးသား မှတ်ပုံတင်အစစ်ပါ ဖျက်ဆီးခံလိုက်ရပြီး မှတ်ပုံတင်နံပါတ်အသစ်၊ မွေးသက္ကရာဇ်အသစ် စသည့်အချက်အလက်အသစ်များဖြင့် အသက် ၃၅ နှစ်အရွယ်လူတစ်ဦးအဖြစ် စာရင်းသွင်းခံထားရကြောင်းလည်း သိရသည်။ Source: Khit Thit 07 Jun 2026 #RangoonScoutNetwork

⚫️ လူငယ်များ အလုပ်ကိစ္စဖြင့် သွားလာနေစဉ် ပျောက်သွားကြ၊ ပေါ်တာဆွဲခံလိုက်ကြရသည်ဟု ဆို ဇွန်လ ၁ ရက်နေ့ မနက်ပိုင်းတွင် ရန်ကုန်တိုင်း၊ စမ်းချောင်းမြို့နယ်နေ KBZpay Center တာဝန်ခံ ကိုရှိုင်းအောင်ထွန်း အိမ်မှ အလုပ်သို့ထွက်သွားပြီးနောက် အလုပ်သို့ရောက်မလာပဲ ပျောက်ဆုံးသွားခဲ့ကြောင်း MPA မှ သိရှိရသည်။ ဖုန်း စက်ပိတ်ထားပြီး အဆက်အသွယ်လုပ်မရဖြစ်နေသည်။ အသက် ၂၇ နှစ်အရွယ်ဖြစ်ပြီး အလုပ်မှလွဲ၍ အခြားနေရာများသို့ သွားလေ့သွားထမရှိကြောင်းလည်း သိရသည်။ ထို့ပြင် ဇွန်လ ၂ ရက်နေ့ ည ၈ နာရီခန့်တွင် အသက် ၂၁ နှစ်အရွယ် ကိုသက်နိုင်ဖြိုး တစ်ယောက် လမ်းမတော်မြို့နယ် စိန့်ဂျွန်းဘက်သို့ ပါဆယ်ပစ္စည်း ၁ ခု Delivery ပို့ဖို့ အိမ်မှ ထွက်သွားပြီးနောက် ပျောက်ဆုံးသွားခဲ့ကြောင်း Khit Thit မှ သိရှိရသည်။ သက်ဆိုင်ရာလမ်းကြောင်းမျာဖြင့် လိုက်လံရှာဖွေသော်လည်း လူကော စက်ဘီးကော ပစ္စည်းကော ပြန်ရှာမတွေ့ဟု သိရသည်။ ပေါ်တာဆွဲခံလိုက်ကြရသည့်ပုံစံဟု ဆိုကြသည်။ Source: MPA, Khit Thit 07 Jun 2026 #RangoonScoutNetwork

🔴 ဘားထဲ အင်အားအလုံးအရင်းဖြင့် ရှောင်တခင်ဝင်စစ်သွား ဇွန်လ ၄ ရက်နေ့ ညဘက်တွင် ရန်ကုန်တိုင်း၊ မရမ်းကုန်းမြို့နယ်၊ ကမ္ဘာအေးလမ်းမပေါ် နဝဒေးရုပ်ရှင်ရုံအနီးရှိ Rich Bar စားသောက်ဆိုင်ထဲ အကြမ်းဖက်တပ်သားများ စီးနင်းပြီး အစစ်အဆေးဝင်သွားခဲ့ကြောင်း AAMIJ မှ သိရှိရသည်။ ၎င်းတို့ရောက်လာပြီးနောက် ဆိုင်အဝင်အထွက်များကို ပိတ်ဆို့ကာ ဧည့်သည်များ၏ ဖုန်းကို သိမ်းဆည့်ပြီး ဖုန်းထဲ နိုင်ငံရေးနှင့် စလော့ဂိမ်းများ ရှိ မရှိ စစ်ဆေးသည်။ ကား ၁၅ စီးခန့် အင်အား ၇၀ ခန့်ပါပြီး အစစ်အဆေးကြာချိန် ၃ နာရီခန့်ရှိခဲ့ကြောင်း သိရသည်။ ရန်ကုန်မြိုရှိ နိုက်ကလပ်၊ ဘား၊ ကေတီဗီများကို ည ၁၁ နာရီတွင် ပိတ်ရမည်ဟု စစ်တပ်အသွင်ပြောင်းအဖွဲက ခိုင်းထားသည်။ ဘားရှိ သီဆိုဖျော်ဖြေမှုများကိုလည်း ည ၁၀ နာရီထိသာ ခွင့်ပြုထားသည်ဟု ဆိုသည်။ နိုက်ကလပ်အသီးသီးမှလည်း ညနေ ၅ နာရီမှ ည ၁၁ နာရီထိသာဖွင့်တော့မည့်အကြောင်း မေလ ၃၀ ရက်နေ့တွင် ၎င်းတို့၏ ဖေ့ဘုတ်စာမျက်နှာအသီးသီး၌ ကြေညာထားခဲ့ကြသည်။ Source: AAMIJ 06 Jun 2026 #RangoonScoutNetwork

⚫️ လိုင်းကားပေါ်ထိတက်ပြီး လူငယ်ကို ထိုးကြိတ်ဖမ်းခေါ် ပေါ်တာဆွဲသွား ဇွန်လ ၃ ရက်နေ့ ည ၇ နာရီခွဲခန့်တွင် ရန်ကုန်တိုင်း၊ လှိုင်မြို့နယ်၊ စစ်တပ်ချည်မျှင်စက်ရုံရှေ့ အုတ်ကျင်းကားမှတ်တိုင်အနီး၌ လိုင်းကား ၁ စီး ရှိနေစဉ် Probox Taxi ၁ စီးဖြင့် ပျူစောထီးအဖွဲ့များ ရောက်လာကာ လိုင်းကားပေါ်တက်၍ လူငယ် ၁ ဦးကို ခါးပိုက်နှိုက်ဟု စွပ်စွဲပြီး ဝိုင်းဆွဲချ ထိုးကြိတ်ကာ ၎င်းတို့တွင်ပါလာသည့် Probox Taxi ကားနောက်ခန်းထဲသို့ အတင်းအကြပ်တင်ဆောင်၍ ဖမ်းဆီးခေါ်ဆောင်သွားကြောင်း Khit Thit မှ သိရှိရသည်။ ဖမ်းသွားသည့်အဖွဲ့မှာ မရမ်းကုန်းမြို့နယ်၊ ၁ ရပ်ကွက်အုပ်ကြီး စိန်ဝင်းမြင့်၏ တပည့် ပျူစောထီးအဖွဲ့များဖြစ်ပြီး ပေါ်တာဆွဲသွားခြင်းဖြစ်ကြောင်းလည်း သိရသည်။ Source: Khit Thit 06 Jun 2026 #RangoonScoutNetwork

🔴 စမ်းချောင်း၊ ဟုမ်းလမ်းဘက် ဧည့်စစ် ယနေ့ည ၁၁ နာရီခန့်တွင် စမ်းချောင်းမြို့နယ်၊ ဟုမ်းလမ်းဘူတာရပ်ကွက်၊ ပန်းလှိုင်လမ်း (ဟုမ်းလမ်း) ထဲ ဧည့်စစ်ဝင်နေကြောင်း ကနဦးသိရှိရသည်။ – Sanchaung Scout Channel 03 Jun 2026 #RangoonScoutNetwork

🔴 မြောက်ဒဂုံ၊ ၃၅ ရပ်ကွက် အစစ်အဆေးဝင် ယနေ့ည ၁၀ နာရီခန့်တွင် မြောက်ဒဂုံမြို့နယ်၊ ၃၅ ရပ်ကွက်၊ ရွှေသွေးလမ်းထဲ အကြမ်းဖက်တပ်သား အများအပြား ရောက်ရှိနေပြီး အစစ်အဆေးဝင်နေကြောင်း သတင်းရရှိသည်။ 03 Jun 2026 #RangoonScoutNetwork

🔴 ရန်ကုန်တိုင်း မတရားဖမ်းဆီးမှုများ (မေလ၊ ၂၀၂၆ ခုနှစ်) •••••••••••••••®••••••••••••••• ၂၀၂၆ ခုနှစ်၊ မေလထဲ ရန်ကုန်တိုင်းအတွင်း အကြမ်းဖက်စစ်တပ်၏ မတရားဖမ်းဆီးခြင်းခံရသူများအနက်မှ လူ ၆၁ ဦး၏ ဖြစ်စဉ်ကို RSN မှ သိရှိခဲ့ရသည်။ ℹ️ ဖမ်းဆီးပြီးနောက် ပြန်လွတ်/မလွတ် အခြေအနေ

• ဖမ်းဆီးခံရသူ ၆၁ ဦးအနက် ၂၀ ဦးကို အကြမ်းဖက်စစ်တပ်မှ ပြန်လွှတ်ပေးခဲ့ကြောင်း သိရပြီး ၁၁ ဦးကို စစ်မှုထမ်းသင်တန်းကျောင်းများနှင့် အကျဉ်းထောင်များသို့ ပို့ဆောင်ခဲ့ကြောင်း သိရသည်။ • ကျန်သည့် ၃၀ ဦး၏ ဖမ်းဆီးခံရပြီး နောက်ဆက်တွဲအခြေအနေကိုမူ မသိရှိရသေးပါ။

———————— ℹ️ ဖမ်းဆီးသည့်ပုံစံနှင့် ထူးခြားအချက်အလက်များ

• သတင်းအတိအကျဖြင့် ရှာဖွေဖမ်းဆီးခြင်းခံခဲ့ရသူ ၁၄ ဦး ရှိသည်။ ထိုထဲ စစ်မှုထမ်းစာရင်းဖြင့် ဖမ်းဆီးခံရသူများ၊ စစ်တပ်ကို ဝေဖန်၍ ဖမ်းဆီးခံရသူနှင့် PDF ထောက်ပို့လို့ဆိုပြီး ဖမ်းခံရသူတို့ ပါဝင်သည်။ • ရမ်းသမ်း ဖမ်းဆီးခံခဲ့ရသူ ၃၂ ဦး ရှိသည်။ ထိုထဲ လမ်းမပေါ်သွားလာနေစဉ် ကားဖြင့်ဆွဲဖမ်းခံရသူ ၉ ဦးပါသည်။ ထမင်းကြော်ဆိုင်ထဲ စားသောက်နေစဉ် ဝင်ဖမ်းခံရသူ ၂ ဦး၊ ကားမှတ်တိုင်/ကုန်းတံတားအောက် ထိုင်နေစဉ် ဖမ်းခံရသူ ၆ ဦး၊ ကားလမ်းဘေးထိုင်နေစဉ် ဖမ်းဆီးခံရသူ ၁၂ ဦး နှင့် ဆိုင်/ဂိုထောင်ရှေ့၌ အိပ်နေစဉ် ဖမ်းဆွဲခံရသူ ၃ ဦးတို့လည်း ပါဝင်သည်။ • ရှောင်တခင် စစ်ဆေးခံရပြီး ဖမ်းဆီးခံရသူ ၁၂ ဦး ရှိသည်။ ထိုထဲ ဧည့်စာရင်းစစ်စဉ် ရက်ကျော်နေလို့ဆိုပြီး ဖမ်းခံရသူ ၁၁ ဦးနှင့် လမ်းပေါ်သွားလာနေစဉ် ခေါ်စစ်ပြီး အထောက်အထားမပါလို့ဆိုပြီး ဖမ်းခံရသူ ၁ ဦးတို့ပါဝင်သည်။ တချို့မှာ ငွေညစ်ခံရ၍ ငွေပေးပြန်လွတ်လာနိုင်ကြကြောင်း သိရသည်။ ၄ ဦး စစ်မှုထမ်းထဲ ထည့်ခံလိုက်ရသည်။ • ထို့ပြင် အလုပ်ရှိသည်ဟု လိမ်လည်မျှားခေါ်ခံရကာ ဖမ်းဆီးခံရသူ ၃ ဦးလည်း ရှိသည်။

———————— ℹ️ အဖမ်းအဆီးဖြစ်ခဲ့သည့် မြို့နယ်များ

• မေလထဲ မြို့နယ်ပေါင်း ၁၉ မြို့နယ်မှ အဖမ်းအဆီးဖြစ်စဉ်များကို သိရှိခဲ့ရသည်။ • မြောက်ဒဂုံ၊ လှိုင်၊ မြောက်ဥက္ကလာ၊ သာကေတ၊ ဗဟန်း၊ အင်းစိန်၊ တာမွေ၊ တောင်ဒဂုံ၊ ပန်းဘဲတန်း၊ မင်္ဂလာတောင်ညွန့်၊ မရမ်းကုန်း၊ ရွှေပြည်သာ၊ လှည်းကူး၊ ကမာရွတ်၊ ကြည့်မြင်တိုင်၊ တောင်ဥက္ကလာ၊ ဒလ၊ လှိုင်သာယာနှင့် သင်္ဃန်းကျွန်းမြို့နယ်တို့ဖြစ်သည်။ • အထက်ပါ မြို့နယ်စာရင်းမှာ ဖမ်းဆီးခံရသည့် လူဦးရေအရေအတွက်အတိုင်း အစဉ်လိုက် ဖော်ပြထားခြင်းဖြစ်သည်။ မြောက်ဒဂုံနှင့် လှိုင်မြို့နယ်တို့တွင် ၈ ဦးစီဖြင့် အများဆုံးဖမ်းဆီးခံခဲ့ကြရသည်။

———————— ℹ️ စစ်မှုထမ်းသင်တန်း

• ဖမ်းဆီးခံခဲ့ရသူများအနက် စစ်မှုထမ်း သင်တန်းအတွက်ဟု ပြန်သိရသည်မှာ ၂၀ ဦး ရှိသည်။ ၎င်းတို့အနက် စစ်သင်တန်းကျောင်းပို့ခံခဲ့ရကြောင်း အတည်ပြုသိရသည်မှာ ၈ ဦး ဖြစ်သည်။ ကျန် ၁၂ ဦး၏ နောက်ဆက်တွဲအခြေအနေကို မသိရှိရပါ။ • ရန်ကုန် စစ်သင်တန်းကျောင်းများအပြင် တောင်ကြီးမြို့ရှိ စစ်သင်တန်းကျောင်းသို့ ပို့ဆောင်ခံလိုက်ရသူလည်း ရှိသည်။ • မေလ ၂၂ ရက်နေ့တွင် မြို့နယ်အသီးသီးမှ စစ်မှုထမ်းအတွက်စုဆောင်းထားသူများကို စစ်ကားကြီးများဖြင့် ဘုရင့်နောင်စစ်ကြောရေးသို့ပို့ပြီး ၂၃ ရက်နေ့တွင် ဂျိုးဖြူရှိ စစ်သင်တန်းကျောင်းသို့ ပို့လိုက်သည်ဟု သိရသည်။ • စစ်မှုထမ်းသင်တန်း အမှတ်စဉ် ၂၅ ကို မေလ ၂၅ ရက်နေ့တွင် စတင်ခဲ့ပြီး သင်တန်းသား ၅၀၀ ဦး ပါကြောင်း အကြမ်းဖက်စစ်တပ်မှ ကြေညာထားသည်။

———————— ℹ️ အခြားအဖမ်းအဆီးဖြစ်စဉ်များ

• သီလရှင်ဝတ်စုံဖြင့် အလှမယ်ပြိုင်ပွဲ ဝင်ပြိုင်မှု၊ သေနတ်ကိုင်ဆောင်မှု၊ မူးယစ်ဆေးမှု၊ မိုက်ကြေးခွဲငွေတောင်းမှု၊ ခါးပိုက်နှိုက်မှု၊ လောင်းကစားမှု၊ စသည့် ကိစ္စများဖြင့် ဖမ်းဆီးခံရသူများနှင့် လူပျောက်ဖြစ်စဉ်များလည်း ရှိပြီး ၎င်းတို့ကိုမူ ထည့်သွင်းတွက်ချက်ခြင်း မပြုထားပါ။

(ဤအချက်အလက်များသည် RSN သို့ ပေးပို့လာသည့် သတင်းများ၊ ချိတ်ဆက်အဖွဲ့အစည်းများထံမှ သိရှိရသည့်သတင်းများနှင့် မီဒီယာသတင်းများကို ကိုးကား၍ ပြုစုတွက်ချက်ထားခြင်းသာဖြစ်ပြီး လက်တွေ့မြေပြင်အခြေအနေမှာ ဤထက် ဆိုးရွားသည်။) 03 May 2026 #arrest #RangoonScoutNetwork

🆕 DAILY HIGHLIGHTS (30 MAY - 02 JUN 2026) •••••••••••••••®••••••••••••••• 💥 စစ်ရေးထူးခြားသတင်းများ တနင်္သာရီက ကျောက်လုံးကြီးစခန်းကို KNU သိမ်း – BBC ———— 🟢 နိုင်ငံခြားရေးထူးခြားသတင်းများ မင်းအောင်လှိုင် အိန္ဒိယရောက် – BBC မင်းအောင်လှိုင် နှင့် အိန္ဒိယဝန်ကြီးချုပ် မိုဒီ တွေ့ဆုံ – BBC အိန္ဒိယ-မြန်မာ-ထိုင်း သုံးနိုင်ငံ ချိတ်ဆက်မယ့် အဝေးပြေးလမ်းမကြီး စီမံကိန်းကို အရှိန်မြှင့် လုပ်ဆောင်ဖို့ မအလ နဲ့ အိန္ဒိယ သဘောတူ – THN ———— 💵 စီးပွားရေးထူးခြားသတင်းများ ကမ္ဘာ့အကြီးဆုံးဓာတ်ငွေ့သိုက်ဖြစ်လာနိုင်တဲ့ M15 လုပ်ကွက် ဒီနှစ်ကုန်စတူးဖော်မယ် – BBC ———— ⌛ ရာထူးကြီးအပြောင်းအရွှေ့ အမျိုးသားလုံခြုံရေးဗျူရိုမှာ စစ်တပ် တပ်ချုပ်က နံပါတ်သုံးနေရာရောက် – BBC ———— ➕ အခြားထူးခြားသတင်းများ စစ်ရေး၊ နိုင်ငံရေးနဲ့ သံတမန်ရေး တိုက်ခံနေရတယ်လို့ အေအေပြော – BBC အာရက္ခအမျိုးသားတော်လှန်ရေးကြီး ရာနှုန်းပြည့်အောင်မြင်ရန် လက်တကမ်းအလို ရောက်ရှိနေပြီဟု AA ကြေညာ – KT #RangoonScoutNetwork

🔴 လှိုင်သာယာ၊ ၁၀ ရပ်ကွက် ဧည့်စစ် ယနေ့ည ၁၀ နာရီ ၄၅ မိနစ်ခန့်တွင် လှိုင်သာယာမြို့နယ်၊ ၁၀ ရပ်ကွက်၊ ဆောလမ်း ချောင်းဦးလမ်း ရေစကြိုလမ်း မင်းဘူးလမ်း တဝိုက် အကြမ်းဖက် စစ်သား၊ ရဲ၊ ပျူ၊ အုပ်ကြီး စသည့် အဖွဲ့စုံဖြင့် ဧည့်စစ်ဝင်နေကြောင်း သတင်းရရှိသည်။ တချို့အိမ်ထဲ ဖုန်းပါ ယူစစ်ကြောင်း သိရသည်။ 01 Jun 2026 #RangoonScoutNetwork

🔴 လှိုင်သာယာ၊ ၃ ရပ်ကွက် ဧည့်စစ်ဝင် ယနေ့ ည ၉ နာရီ ၂၀ မိနစ်ခန့်တွင် လှိုင်သာယာမြို့နယ်၊ ၃ ရပ်ကွက်၊ မင်းရဲကျော်စွာ ၁၈ လမ်းထဲ ဧည့်စစ်ဝင်နေကြောင်း သိရှိရသည်။ – HTY Scout Channel 01 Jun 2026 #RangoonScoutNetwork

⚫️ သိမ်ကြီးဈေးကုန်းတံတားအောက် လူငယ်များကို ရိုက်နှက် ကားပေါ်တင် ဆွဲသွား ယမန်နေ့ မေလ ၃၁ ရက် ည ၆ နာရီခွဲခန့်တွင် ရန်ကုန်တိုင်း၊ ပန်းဘဲတန်းမြို့နယ်၊ သိမ်ကြီးဈေး၊ ကုန်းကျော်တံတားအောက်၌ ယောကျ်ားလေး ၂ ဦး ရှိနေစဉ် ပျူစောထီးအဖွဲ့များ ကားဖြင့်ရုတ်တရက်ရောက်ရှိလာပြီး ရိုက်နှက်၍ ကားနောက်ခန်းထဲသွတ်သွင်းကာ ပေါ်တာဆွဲ ဖမ်းဆီးခေါ်ဆောင်သွားကြောင်း Khit Thit မှ သိရှိရသည်။ ပေါ်တာဆွဲခံရသူ လူငယ် ၂ ဦးမှာ အသက် ၂၅ နှစ်ဝန်းကျင်များဖြစ်ပြီး ဒလမြို့နယ်မှ ရန်ကုန်မြို့ထဲ ပန်းရံလာရောက်လုပ်ကိုင်နေသူများဖြစ်သည်။ Source: Khit Thit 01 Jun 2026 #RangoonScoutNetwork

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [May 25 - 31, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၆ ခု ခွဲ၍ ဖော်ပြထားသည်။ 🔖 အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၄ မြို့နယ်တို့မှ လူ ၇ ဦး၏ ဖြစ်စဉ်ကို သိရှိလိုက်ရသည်။ · ရွှေပြည်သာ၊ တောင်ဒဂုံ၊ လှိုင်၊ သာကေတမြို့နယ်တို့၌ ဖမ်းဆီးခံခဲ့ကြရခြင်းဖြစ်သည်။ · လမ်းပေါ်သွားလာနေစဉ် ရမ်းသမ်းဆွဲခံရသူ ၅ ဦး၊ လမ်းဘေးထိုင်နေစဉ် ဆွဲခံရသူ ၂ ဦးတို့ဖြစ်သည်။

———— 🔖 စစ်မှုထမ်းသင်တန်း

· စစ်မှုထမ်းသင်တန်း အမှတ်စဉ် ၂၅ ကို မေလ ၂၅ ရက်နေ့တွင် စတင်ခဲ့ကြောင်း အကြမ်းဖက်စစ်တပ်မှ သတင်းထုတ်ပြန်ထားသည်။ · ထို့ပြင် စစ်မှုထမ်း အမှတ်စဉ် ၂၃ သင်တန်းဆင်းပွဲကိုလည်း မေလ ၂၉ ရက်နေ့ လုပ်ခဲ့သည်။

———— 🔖 နိုက်ကလပ်များကို စောပိတ်ခိုင်း

· ရန်ကုန်မြို့ရှိ နိုက်ကလပ်၊ ဘား၊ ကေတီဗီများကို ည ၁၁ နာရီတွင် ပိတ်ရမည်ဟု စစ်တပ်အသွင်ပြောင်းအဖွဲ့က ခိုင်းထားကြောင်း သိရသည်။ · နိုက်ကလပ်အသီးသီးမှလည်း ညနေ ၅ နာရီမှ ည ၁၁ နာရီထိသာဖွင့်တော့မည့်အကြောင်း မေလ ၃၀ ရက်နေ့တွင် ဖေ့ဘုတ်စာမျက်နှာအသီးသီး၌ ကြေညာထားခဲ့ကြသည်။ ဘားရှိ သီဆိုဖျော်ဖြေမှုများကိုလည်း ည ၁၀ နာရီထိသာ ခွင့်ပြုသည်ဟု ဆိုသည်။

———— 🔖 ရန်ဖြစ်ရင်း သေနတ်ပစ်ဖောက်သူကို ရှာဖမ်း

· မေလ ၃၁ ရက်နေ့ ည‌ ၈ နာရီခွဲခန့်တွင် မြောက်ဒဂုံမြို့နယ်၊ ၄၁ ရပ်ကွက်၊ ဦးဝိစာရလမ်း၊ ACE စားသောက်ဆိုင်တွင် ခိုက်ရန်ဖြစ်ပွားပြီး အမျိုးသား ၁ ဦးမှ သေနတ်ပစ်ဖောက်ခဲ့ကြောင်း စစ်တပ်လော်ဘီ မီဒီယာတို့မှ ဖော်ပြထားကြသည်။ · စားသောက်ဆိုင်၌ လင်မယား ၂ ဦးနှင့် အခြားလူ ၁ ဦးတို့ စားသောက်နေစဉ် လူ ၁၅ ဦးပါ အုပ်စု ရောက်ရှိလာပြီး ထိုးကြိတ်လုံးထွေးရာပြီး လူ ၁ ဦးကို ဓားဖြင့်ထိုးကာ မယားဖြစ်သူကို ကားပေါ်ဆွဲတင်သောကြောင့် လင်ဖြစ်သူမှ သေနတ်ပစ်ဖောက်ခဲ့ခြင်းဖြစ်ကြောင်း သိရသည်။ · အဆိုပါ သေနတ်ပစ်ဖောက်ခဲ့သူကို ရဲအုပ်စုမှ သေနတ်ကိုင်ဆောင်မှုဖြင့် ရှာဖွေဖမ်းဆီးခဲ့သည်ဟု ဆိုထားသည်။

———— 🔖 လေကြောင်းလူငယ် စစ်သင်တန်းသားများ

· အကြမ်းဖက်စစ်တပ်မှ ဖွင့်လှစ်ထားသည့် လေကြောင်းလူငယ် သင်တန်းတက်နေသူများ မေလ ၂၅ ရက်နေ့တွင် ရန်ကုန်ရောက်ရှိလာကာ ဘုရင့်နောင်စစ်ကြောရေးစခန်းတွင် တည်းခိုပြီး ရန်ကုန်တိုင်းအတွင်း လေ့လာရေးခရီးလှည့်ပတ်သွားလာနေခဲ့သည်။ · နျူကလီးယားစင်တာ၊ အာကာသပြတိုက်၊ သန်လျင်ရေတပ်နှင့် ရန်ကုန်မြစ်ထဲ သွားလာခဲ့သည်ဟု ဆိုသည်။ Minibus ကား ၁၅ စီးခန့်ဖြင့် လှည့်ပတ်သွားလာနေခဲ့ကြခြင်းဖြစ်သည်။

———— 🔖 ဧည့်စစ်လူရှာဖြစ်စဉ်များ

· ယခု သီတင်းပတ်အတွင်း ဧည့်စစ်လူရှာဖြစ်စဉ်များအနက် မြို့နယ် ၄ မြို့နယ်မှ ဖြစ်စဉ် ၄ ခုကို သိရှိခဲ့ရသည်။ · သာကေတ၊ မြောက်ဥက္ကလာ၊ ကျောက်တံတားနှင့် စမ်းချောင်းမြို့နယ်တို့၌ ဧည့်စစ်သွားခဲ့ခြင်း ဖြစ်သည်။

01 Jun 2026 #RangoonScoutNetwork #YGN_weekly

🔴 စမ်းချောင်း၊ မြေနီကုန်းဘက် ဧည့်စစ်ဝင်သွား ယမန်နေ့ မေလ ၂၉ ရက် ညဘက်တွင် စမ်းချောင်းမြို့နယ်၊ မြေနီကုန်းမြောက်ရပ်ကွက်၊ ရှမ်းကုန်းလမ်းထဲ ဧည့်စစ်ဝင်သွားခဲ့ပြီး ဧည့်စာရင်း ရက်ကျော်နေသူ အယောက် ၂၀ ခန့်၏ မှတ်ပုံတင်များကို သိမ်းယူကာ ပြန်ရွေးငွေ ကျပ် ၅ သောင်းခန့်စီ တောင်းယူခဲ့ကြောင်း သိရှိရသည်။ – RSG 30 May 2026 #RangoonScoutNetwork

⚫️ မြောက်ဥက္ကလာ၊ ဃ ရပ်ကွက်ထဲ ဧည့်ဝင်စစ်ပြီး လမ်းသွားလမ်းလာ လူငယ်ကို ဆွဲသွား ယမန်နေ့ မေလ ၂၉ ရက် ညဘက်တွင် မြောက်ဥက္ကလာမြို့နယ်၊ ဃ ရပ်ကွက်၊ ဝေပုလ္လ ၁ လမ်းထဲ ဧည့်စစ်ဝင်သွားခဲ့ကြောင်း သတင်းရရှိသည်။ DC ကား ၂ စီးခန့်ဖြင့် အကြမ်းဖက်တပ်သားများ၊ အုပ်ကြီးအဖွဲ့များ အင်အားစုစုပေါင်း ၂၀ နီးပါးပါသည်။ ဧည့်စစ်ပြီး ပြန်အထွက် လမ်းသွားလမ်းလာ ယောကျ်ားလေး ၁ ဦးကို စစ်ဆေးပြီး အထောက်အထားမပါလို့ဟုဆိုကာ ဆွဲခေါ်ဖမ်းဆီးသွားကြောင်းလည်း သိရသည်။ 30 May 2026 #RangoonScoutNetwork

⚫️ လှိုင်၊ ရွာမကျောင်းလမ်းပေါ် လူလိုက်ဆွဲ မေလ ၂၈ ရက်နေ့ ည ၈ နာရီခွဲခန့်တွင် ရန်ကုန်တိုင်း၊ လှိုင်မြို့နယ်၊ ၁ ရပ်ကွက်၊ ရွာမကျောင်းလမ်းပေါ် အောင်မေတ္တာ ၄ လမ်းထိပ်၌ ယောကျ်ားလေး ၆ ဦး အုပ်စုလိုက် ထိုင်နေစဉ် လူတစုရောက်ရှိလာပြီး ၂ ဦးကို ဖမ်းဆီးခေါ်ဆောင်သွားကြောင်း သိရှိရသည်။ အရက်ထိုင်သောက်နေသည်ဟု စွပ်စွဲကာ ဖမ်းခေါ်သွားပုံရသည်။ – RSG 29 May 2026 #RangoonScoutNetwork

⚫️ ရွှေပြည်သာထဲ ဂိုထောင်ရှေ့အိပ်နေသူကို ကားဖြင့် ဝင်ဆွဲသွား မေလ ၂၅ ရက်နေ့ မနက် ၁ နာရီခန့်တွင် ရန်ကုန်တိုင်း၊ ရွှေပြည်သာမြို့နယ်၊ ဗိုလ်ချုပ်လမ်းမပေါ် ခေါင်သုံးမှတ်တိုင်နှင့် ကားလေးဂိတ်မှတ်တိုင်ကြား သော်သော်ပိတ်လိပ်ဂိုထောင်ရှေ့ ဝန်ထမ်း ကိုခန့်ကိုကိုကျော် အိပ်နေစဉ် အရပ်ကား ၁ စီးဖြင့် လူ ၂ ဦး ရောက်လာကာ ကားပေါ်ဆွဲတင် ဖမ်းခေါ်သွားကြောင်း MPA မှ သိရှိရသည်။ ကားဖြင့် ခေါက်တုံ့ခေါက်ပြန် ပတ်မောင်း သေချာစောင့်ကြည့်ပြီးမှ ဆွဲသွားခြင်းဖြစ်ကြောင်း သိရသည်။ Source: MPA 28 May 2026 #RangoonScoutNetwork

🆕 DAILY HIGHLIGHTS (22-28 MAY 2026) •••••••••••••••®••••••••••••••• 💥 စစ်ရေးထူးခြားသတင်းများ

အင်းတော်မြို့နယ်ရှိ စီပိန်းရွာကို KIA ပူးပေါင်းတပ်က သိမ်းပိုက် – KT ချင်းတောင်ပိုင်းနဲ့မကွေးအစပ်မှာ စစ်တပ်က အင်အား တစ်ထောင်ကျော်နဲ့ စစ်ဆိုင်ထား – BBC

———— 🔗 မိတ်ဖက်ပြဿနာ

SRF ဥက္ကဋ္ဌ စံတင်ထွန်း ကို မင်းကင်းပကဖ က ပစ်ခတ်ဖမ်းဆီး ခေါ်ဆောင်သွား – THN

———— 🔍 နိုင်ငံရေးထူးခြားသတင်းများ

RCSS ဥက္ကဋ္ဌ ယွတ်ဆစ် လူထုတွေ့ဆုံပွဲ လုပ်နေစဉ် စစ်တပ်က တိုက်လေယာဉ်ဖြင့် အနီးကပ်ပျံသန်းခြိမ်းခြောက် – KT

———— 🟢 နိုင်ငံခြားရေးထူးခြားသတင်းများ

မြန်မာ့အရေးအတွက် အာဆီယံ ၁၀ နိုင်ငံမှ နိုင်ငံခြားရေးဝန်ကြီးများ အွန်လိုင်းအစည်းအဝေး ခေါ် – KT ကုလကိုယ်စားလှယ် နေပြည်တော်ရောက် – BBC မင်းအောင်လှိုင် အိန္ဒိယနိုင်ငံသို့ သွားရောက်မည် – KT စစ်တပ်ပိုင်စီးပွားရေးလုပ်ငန်းများနှင့် ဝါဒဖြန့်ချိရေးအကောင့် ၁၀၀ ကျော်ကို Facebook က ထပ်မံ ဖယ်ရှား – KT မြန်မာနိုင်ငံမှ ပဋိပက္ခနှင့် နိုင်ငံဖြတ်ကျော်မှုခင်းများကြောင့် ဒေသတွင်း လုံခြုံရေး အထူးစိုးရိမ်နေရဟု Quad ကြေညာ – KT

———— 💵 စီးပွားရေးထူးခြားသတင်းများ

ယာဉ်အို/ယာဉ်ဟောင်းများကို လျှပ်စစ် EV ကားဖြင့် အစားထိုးလဲ လှယ်ရေး အစီအစဉ် စတင် – KT

#RangoonScoutNetwork