Infocom

📌 Վաղվանից Երևանում իրազեկման ակցիաներ կսկսվեն՝ հանրությանը Սահմանադրության փոփոխության հնարավոր վտանգները ներկայացնելու նպատակով։ Այս մասին հայտնեց Նարեկ Կարապետյանը՝ ԱԺ ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումից հետո։ |civilnet.am|

🔶 Տեղի է ունեցել Ազգային ժողովի ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումը: 📌 Հանդիպումից հետո լրագրողների հետ զրույցում «Ուժեղ Հայաստան» խմբակցության ղեկավար Նարեկ Կարապետյանը չի բացառել փողոցային պայքարը Սահմանադրության փոփոխության դեմ։ 🗣 «Սահմանադրության պաշտպանության համար մենք բոլոր գործիքակազմներին պատրաստ ենք։ Երբ դրա կարիքը լինի, նոր կոչ կանենք մեր ժողովրդին»,- ասաց Կարապետյանը։ |civilnet.am|

🚨 Կրակովում հրաձգության հետևանքով զոհերի թիվը հասել է 5-ի, տասնյակ մարդիկ վիրավորվել են։ 📢 Լեհաստանի վարչապետ Դոնալդ Տուսկը հայտնել է, որ ոստիկանությունը պարզում է կատարվածի դրդապատճառներն ու բոլոր հանգամանքները։ |news.am|

🇵🇱Կրակովի Շուկայի գլխավոր հրապարակում հրաձգության հետևանքով երկու մարդ է զոհվել, ևս տասը վիրավորվել է։ 📌 Կասկածյալը ձերբակալվել է, հայտնել են լեհական լրատվամիջոցները՝ վկայակոչելով արտակարգ ծառայությունների և ոստիկանության ներկայացուցիչներին։ 🚨 Polsat News-ի տվյալներով՝ ավտոմեքենայի վարորդը մտել է հրապարակ և կրակ բացել։ Վիրավորների թվում երկու ոստիկան կա։ |news.am|

🇦🇲🇦🇿 Ադրբեջանը Հայաստանից սահմանադրության փոփոխություն պահանջել չի կարող:  Այս մասին հայտարարել է Հայաստանի վարչապետ Նիկոլ Փաշինյանը։ 🗣 «Մենք չենք պատրաստվում այդ խնդիրը քննարկել որևէ արտաքին ակտորի կամ գործընկերոջ հետ, որովհետև դա մենք պատրաստվում ենք քննարկել միայն ու միայն մեր ժողովրդի հետ»,- նշել է Փաշինյանը: 📌Նա ընդգծել է, որ Ադրբեջանի նախագահն իր հետ խոսակցություններում ասել է, որ իրենք ընդունում են, որ դա ՀՀ ներքին գործն է․ «Իրենք այդ հարցը չեն բարձրացնում մեր առաջ, բայց նաև ասում են որ սահմանադրական այս կարգավորումների գոյության պայմաններում չեն պատրաստվում, չեն ուզում ստորագրել խաղաղության համաձայնագիրը և վավերացնել ՀՀ հետ: Կարող է թվալ, թե տարբերությունը մեծ չի այս երկու ձևակերպումների, բայց իրականում տարբերությունը շատ մեծ է և շատ կարևոր է խնդիրը ճիշտ հասկանալու համար»,- ասել է ՀՀ վարչապետը։

🇦🇲🇮🇷 Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին։ Այս մասին հայտարարել է Անվտանգության խորհրդի քարտուղար Ալեն Սիմոնյանը։ 🗣 «Մեր գործընկերները դրա մասին տեղեկացված են, մենք երբեք չենք մտնի որևիցե պրոցեսի մեջ Իրանի դեմ կամ մեր հարևաններից որևիցե մեի դեմ: Դա մեր քաղաքական դիրքորոշումն է։ Բացի այդ, TRIPP–ը տնտեսական ծրագիր է, և դա չի նախատեսում, որ այնտեղ զինված գոնե մեկ զինվոր է լինելու»,–ասել է Սիմոնյանը։ |arm.sputniknews.ru|

⚽️ Դեկտեմբերի 26-ին ՀՖՖ-ում կանցկացվեն Գործադիր կոմիտեի ու ՀՖՖ նախագահի ընտրություններ։ [Հայաստանի ֆուտբոլի ֆեդերացիա]

🇮🇷 Իրանը շարունակում է մեծացնել իր հրթիռների հեռահարությունը և չի պատրաստվում դադարեցնել այդ գործընթացը, հայտարարել է Իսլամական հեղափոխության պահապանների կորպուսի խոսնակ Հոսեյն Մոհեբին։ 📢 Անդրադառնալով Իրանի միջուկային դոկտրինի հնարավոր վերանայմանը՝ Մոհեբին հայտարարել է, որ եթե երկրի ղեկավարությունն անհրաժեշտ համարի նման փոփոխությունը, Թեհրանը պատրաստ կլինի արձագանքել արևմտյան երկրների սպառնալիքներին։ 📌 Իրանական լրատվամիջոցների փոխանցմամբ՝ Մոհեբին նաև հայտնել է, որ հրթիռների և անօդաչուների արտադրական գծերը տեղափոխվել են ստորգետնյա համալիրներ, որոնք նա անվանել է «հրթիռների արտադրության քաղաքներ»։ |azatutyun.am|

Կուսակցությունից՝ ՍԴ․ ինչի՞ համար էին քննադատում Թովմասյանին, և ինչպե՞ս ընտրվեց Վարդանյանը 🧑‍⚖️ ⚖️ «Քաղաքացիական պայմանագիր» կուսակցության նախկին անդամ, իշխող քաղաքական ուժի նախկին պատգամավոր Վլադիմիր Վարդանյանը երեկ ընտրվեց Սահմանադրական դատարանի նախագահ։ 🗣 Նախկինում ընդդիմադիր պատգամավոր և այսօր Հայաստանի վարչապետ Նիկոլ Փաշինյանն ու թիմակիցները բազմիցս քննադատել են անկախ պաշտոններում կուսակցականացված անձանց նշանակումն ու ընտրությունը։ 🗳 Իսկ Վլադիմիր Վարդանյանի դեպքը միակը չէ․ Կենտրոնական ընտրական հանձնաժողովի նախագահը ևս նախկին ՔՊ-ական է։ 🔗 Կարդալ ավելին

🌨 Հանրապետության տարածքում` նոյեմբերի 7-ի ցերեկը, 8-9-ը լեռնային և նախալեռնային գոտիներում կդիտվեն  տեղումներ ձյան և թաց ձյան տեսքով։  📌 Օդի ջերմաստիճանը նոյեմբերի 7-9-ի ցերեկային ժամերին աստիճանաբար կնվազի՝ 3-5, 8-10-ի գիշերը՝ 9-11 աստիճանով։ 📍 Երևան քաղաքում` նոյեմբերի 7-ի ցերեկը, 8-ին ժամանակ առ ժամանակ սպասվում է անձրև, 8-ի երեկոյան և 9-ի գիշերը բարձրադիր գոտում սպասվում է թաց ձյուն։ Նոյեմբերի 9-ի ցերեկը, 10-12-ը սպասվում է առանց տեղումների եղանակ։ [Հիդրոօդերևութաբանության և մոնիթորինգի կենտրոն]

🇦🇿🇹🇷 Թուրքիայի նախագահ Ռեջեփ Թայիփ Էրդողանը շնորհավորական ուղերձ է հղել Ադրբեջանի նախագահ Իլհամ Ալիևին՝ այդ երկրում նշվող հաղթանակի վեցերորդ տարեդարձի կապակցությամբ։ 🗣 «Մեր համակարգված աշխատանքի արդյունքում Հարավային Կովկասն այլևս չի ընկալվում որպես հակամարտությունների և անկայունության տարածաշրջան, այլ դիտարկվում է որպես համագործակցության և զարգացման տարածաշրջան», - ասված է Թուրքիայի նախագահի ուղերձում։ 🔸 Շնորհավորանքը հնչում է Թուրքիայի և Ադրբեջանի հարաբերություններում վերջին շրջանում ի հայտ եկած տարաձայնությունների ֆոնին։ |azatutyun.am|

🇺🇦🇷🇺 Ռուսաստանի Օրյոլ քաղաքը նոյեմբերի 7-ի գիշերը ենթարկվել է զանգվածային հրթիռային հարձակման։  📌 ASTRA պարբերականի՝ բաց աղբյուրների տվյալների ուսումնասիրության համաձայն՝ հարվածի հետևանքով խոշոր հրդեհ է բռնկվել «Պրոտոն» գործարանում, որը Ռուսաստանում օպտոէլեկտրոնային սարքավորումների կարևորագույն արտադրողներից է։ Այս մասին հայտնում է DW-ն։ 🔹Ուկրաինական Exile+ և Supernova+ OSINT ալիքների տվյալներով՝ գործարանի արտադրանքն օգտագործվում է, մասնավորապես, Ս-71 «Կովյոր» թևավոր ավիացիոն հրթիռներում, 9Մ723 «Իսկանդեր-Մ» բալիստիկ հրթիռներում և «Պանցիր-Ս1» զենիթահրթիռահրանոթային համալիրներում։ |factor.am|

🇮🇷🇦🇿 Իրանի և Ադրբեջանի միջև դիվանագիտական տարաձայնությունները շարունակվում են։ 🔹Ադրբեջանական 55 հասարակական կազմակերպություններ բաց նամակով դիմել են Իրանի նախագահ Մասուդ Փեզեշքիանին՝ պահանջելով ապահովել Իրանում բնակվող էթնիկ ադրբեջանցիների մայրենի լեզվով կրթություն ստանալու իրավունքը։ 📌 Ինչպես հաղորդում է OC Media-ն, նոյեմբերի 2-ին կազմակերպությունների ներկայացուցիչները նամակը փոխանցել են Բաքվում Իրանի դեսպանատուն, սակայն հաջորդ օրը դիվանագիտական ներկայացուցչությունը հայտարարել է, թե այն պաշտոնապես չի ստացել։ 🔸 Այս արձագանքը դժգոհություն է առաջացրել նամակը ստորագրած ադրբեջանական կազմակերպությունների շրջանում։ |azatutyun.am|

⚖️ Արարատի դատախազությունը խախտումներ է հայտնաբերել բնապահպանական հողամասերի օտարման գործընթացում 📌 Վ.Հ.-ն (խմբ․ - Վարդգես Հովակիմյան) 2008-2010 թթ․, պաշտոնեական լիազորություններն անցնելով, Հ.Ա.-ի (խմբ․ - Հովիկ Աբրահամյան), պատգամավոր Վ.Մ.-ի և Ա.Ս.-ի համար ցանկալի արդյունքի հասնելու նպատակով ձևական մրցույթով «Կենդանիների աշխարհ» ՍՊԸ-ին 25 տարով վարձակալության է տրամադրել 1054.95 հա բնապահպանական հողատարածք (4 հողամաս)։ Դատախազությունը 2026 թ․ օգոստոսին դիմել է Հակակոռուպցիոն դատարան՝ 2009 թ. նոյեմբերի 23-ի մրցույթն անվավեր ճանաչելու պահանջով․ հայցն ընդունվել է վարույթ։ 📌 Ա.Ս.-ն (խմբ․ - Ալիկ Սարգսյան) մարզպետի պաշտոնում, տարբեր պաշտոնյաների օգտին ցանկալի արդյունքի հասնելու նպատակով, 2005-2008 թթ․ ձևական մրցույթներով վարձակալության է հանձնել 1480 հա բնապահպանական հողեր։ Դատախազը 2026 թ․ նոյեմբերի 5-ին դիմել է դատարան՝ մրցույթներն անվավեր ճանաչելու պահանջով, ինչպես նաև հանցանքի մասին հաղորդում է ներկայացրել Հակակոռուպցիոն կոմիտե։ [ՀՀ գլխավոր դատախազություն]

🔶 Ներքին գործերի նախարարությունից հայտնել են, որ համայնքային ոստիկանության Կենտրոնական բաժնի ծառայողները ֆիզիկական ներգործության կասկածանքով 3 անձի են ձերբակալել: Այս մասին  Factor.am-ին հայտնել են ՆԳՆ-ից։ 📌 Ավելի վաղ՝ Oragir.News-ը տեղեկացրել էր, որ այսօր հարձակման է ենթարկվել լրատվական կայքի գլխավոր խմբագիր Գևորգ Էմին-Տերյանը:  🔹 Ըստ լրատվամիջոցի՝ Մաշտոցի պողոտայում «10 EA 055» համարանիշերով «Lexus» մակնիշի ավտոմեքենան կտրել է Գևորգ Էմին-Տերյանի ավտոմեքենայի ճանապարհն ու ավտովթար է տեղի ունեցել, ինչից հետո «Lexus»-ի 3 ուղևորները ծեծկռտուք են հրահրել, հարձակվել են Գևորգ Էմին-Տերյանի վրա, ձեռքերով ու ոտքերով հարվածներ հասցրել:

🦠 Կաթնամթերքի մեջ վերջին շրջանում չեն հանդիպել աղիքային ցուպիկի խմբի մանրէների վտանգավոր շտամներ։ 📌 Սննդամթերքի անվտանգության տեսչական մարմինը մշտապես ուշադրության կենտրոնում է պահում հանությունից եկող դիտարկումներն ու անհանգստությունները, արագորեն արձագանքում է և տալիս իր գործառույթներից բխող լուծումներ: [ՍԱՏՄ]

🔶 Ազգային ժողովի աշխատակազմի վարչատնտեսական վարչության պետ Ռազմիկ Առաքելյանի նկատմամբ կանցկացվի ծառայողական քննություն։ Այս մասին նշված է ԱԺ նախագահ Ռուբեն Ռուբինյանի նոյեմբերի 6-ի կարգադրության մեջ։ 📃 Ըստ դրա՝ նպատակն է Առաքելյանի պարտականությունների կատարմանն ու գործունեությանն առնչվող հարցերի պարզաբանումը, ինչպես նաև կարգապահական տույժ կիրառելու հիմքերի առկայությունն ուսումնասիրելը։ 🔹 Քննությունն անցկացնելու համար ձևավորվել է հանձնաժողով, որը պետք է աշխատանքն ավարտի 20-օրյա ժամկետում։ 📌 Այլ մանրամասներ չեն նշվում․ հայտնի չէ, թե որն է քննության պատճառը։

👮 Արմավիրի քրեական ոստիկանները կանխել են նախապատրաստվող սպանությունը։ 📌 Քրեական ոստիկանության Արմավիրի մարզային վարչության ծառայողները ստացել էին օպերատիվ տեղեկություններ, որ Մեծամոր քաղաքի երկու բնակիչ շուրջ 5000 ԱՄՆ դոլարի դիմաց նախապատրաստվում են սպանել Երևանի մի բնակչի։ 🚨 Նոյեմբերի 6-ին ձերբակալվել են սպանության նախապատրաստության հետ առնչություն ունենալու մեջ կասկածվող երեք տղամարդիկ։ 🔸 Բացի այդ, ձերբակալվածներից մեկին պատկանող «ԲՄՎ» մակնիշի ավտոմեքենայում հայտնաբերվել է մեթադոնի լուծույթ։ Օպերատիվ տեղեկությունների համաձայն՝ այն նույն օրը Փարաքար բնակավայրում տղամարդուն իրացրել էր մեկ այլ քաղաքացի։ ⚖️ Կազմված փաստաթղթերն ուղարկվել են նախաքննական մարմին։ [ՆԳՆ ոստիկանություն]

🇺🇦🇷🇺 Նոյեմբերի 7-ի գիշերը ռուսական զորքերը հարվածել են Կիևի Հյուսիսային կամրջին։ Ինչպես հայտնել է քաղաքի քաղաքապետ Վիտալի Կլիչկոն, կամրջով երթևեկությունը երկու ուղղություններով դադարեցվել է։ 🗣«Վնասվել են ճանապարհի ծածկը, տրոլեյբուսների կոնտակտային ցանցը և էլեկտրահաղորդման գիծը։ Պայթյունի ալիքից կամրջի մոտ գտնվող կայանատեղիում վնասվել է հինգ բեռնատար», – նշել է քաղաքապետը։ 📌 Վերջին տվյալներով՝ Կիևի վրա հարձակումների հետևանքով տուժել է հինգ մարդ, այդ թվում՝ 14-ամյա դեռահաս։ Քաղաքում վնասվել են բազմաբնակարան բնակելի շենքեր, մանկապարտեզ և ոչ բնակելի շինություն։ |azatutyun.am|

🇮🇷🇺🇸 Միացյալ Նահանգները մինչև 20 միլիոն դոլարի պարգև է առաջարկում Իրանի միջուկային ծրագրի մասին տեղեկություններ տրամադրելու դիմաց։ 🔹 ԱՄՆ Պետդեպարտամենտի «Պարգև արդարադատության համար» ծրագրի նոյեմբերի 6-ի հայտարարության համաձայն՝ Վաշինգտոնին հետաքրքրում են Իրանի միջուկային օբյեկտների, սարքավորումների և ծրագրում ներգրավված անձանց, այդ թվում՝ գիտնականների մասին տեղեկությունները։ 🔸Պետդեպարտամենտը հիշեցրել է Ատոմային էներգիայի միջազգային գործակալության (ՄԱԳԱՏԷ)՝ 2025 թվականի տվյալները, որոնց համաձայն՝ Իրանը ուրանը հարստացնում էր մինչև 60 տոկոս։ Միջուկային զենքի արտադրության համար անհրաժեշտ է 90 տոկոս հարստացում։ |azatutyun.am|