Rebar Ibrahim

هیچ بارودۆخێک وەک خۆی نامێنێتەوە ؛ ژیان هەمیشە دەورانی خۆی ئەکات ، بۆیە قەت بە هێز و پێگەی ئەمڕۆتەوە مەنازە چونکە چەرخی زەمانە پڕە لە سوپرایزی چاوەڕواننەکراو.. ئەم دیمەنە بە یەکێک لە کاریگەرترین دیمەنەکانی دراماکە دادەنرێت کە تیشک دەخاتە سەر ئەوەی بارودۆخی ژیان چۆن دەگۆڕێت و مرۆڤ نابێت بەهۆی پارە و پێگەی کۆمەڵایەتییەوە لوت بەرز بێت. ئەم ڤیدیۆیە کورتکراوەی دیمەنێکی بەناوبانگی درامای ئێرانی «حرفه‌آی» کە لە دەرهێنانی “مستەفا تاهیری”یە و لە ساڵی ٢٠٢١ بەرهەم هێنراوە. https://beenar.net/title-detail/1141?series=true

فیلمی سینەمایی "هۆڵی ٤" یەکێکە لە بەرهەمە نوێیەکانی سینەمای ئێران ، فیلمەکە کۆمەڵێک ئەکتەری بەهێز و ناسراو کۆدەکاتەوە لەوانە ئەستێرەی دڵخوازی جەماوەر میلاد کیمرام کە بە ستایلێکی تەواو جیاواز و پڕ لە نھێنی دەردەکەوێت، لەگەڵ سارا ڕەسولزادە، موحسین قەسابیان و ساغر قەناعەت. کەش و هەوای فیلمەکە ململانێیەکی قووڵ و نھێنی ئامێز لەخۆ دەگرێت و چاوەڕوان دەکرێت سەرنجی زۆری بینەران و ڕەخنەگران بەلای خۆیدا ڕابکێشێت. https://kurdcinama.com/moves-details.aspx?movieid=19611

فیلمی سینەمایی “زن و بچە” نوێترین بەرهەمی دەرهێنەری ناوداری ئێرانی سەعید ڕووستاییە (دەرهێنەری فیلمە بەناوبانگەکانی وەک ابد و یک روز، متری شیش و نیم و برادران لیلا) فیلمێکی کۆمەڵایەتی قووڵە و باس لە کێشەکانی ژنان و پێکهاتەی خێزان دەکات لە کۆمەڵگەدا ، ئەم فیلمە بەهۆی هاوکاری دووبارەی پەیمان مەعادی و پەریناز ئیزەدیار لەگەڵ سەعید ڕووستایی سەرنجێکی زۆری بینەران و ڕەخنەگرانی بۆ لای خۆی ڕاکێشاوە و وەک یەکێک لە فیلمە کۆمەڵایەتییە بەهێزەکانی ئەم دواییانە تەماشا دەکرێت. https://kurdcinama.com/moves-details.aspx?movieid=19667

فیلمێکی ترسناک لە سینەمای ئێرانەوە ؛ زمانی فیلمەکە کوردی و فارسییە ، (زالاوا) باس لە گوندێکی کوردنشین ئەکات بانگەشەی "جن" ئەکەن لە لادێکەیان ، جنۆکە گرێک دێت تا جنەکە بگرێت و بەرپرسی بنکەی پۆلیس هەوڵ ئەدات دۆخەکە هێمن بکاتەوە.. زالاوا بەهۆی جیاوازی و نایابی چیرۆک و دەرهێنانەکەی توانیویەتی چەندین خەڵاتی گرنگ لە فێستیڤاڵەکان بەدەست بهێنێت و سەرنجی گەورەترین ڕەخنەگرانی جیهان ڕابکێشێت. کلیک لێرە بکە بۆ بینینی فیلمەکە 👉🏼

مەزنی مرۆڤ لە ژمارەی سەرکەوتنەکانیدا نییە لە پاکی دڵ و ڕەوشتیدایە لەکاتی جەنگدا.. 🎯 "عەبدولڕەسوڵ زەڕین" تەنیا نیشانە شکێنێکی بێبەزەیی نەبوو ، ئەو پاڵەوانێک بوو کە تەنانەت لە نێوان بارانی فیشەکیشدا بەها مرۆییەکانی لەبیر نەدەچوو ، گەورەیی ئەو لەوەدا بوو کە دوژمنەکانی لەبەرچاوی خۆی نەدەبوو بە ژمارە بەڵکو بە ڕەوشت و بنەماوە دەجەنگا.. کلیک لێرە بکە بۆ بینینی فیلمەکە 👉🏼

چیرۆکی ئەو پیاوەی تەنها بە تفەنگەکەیەوە بوو بە کابووسی سوپایەک ! فیلمەکە باس لە ژیانی ڕاستەقینەی (عەبدول ڕەسول زەڕین) دەکات ، کە بە یەکێک لە باشترین و بەناوبانگترین نیشانە شکێنەکانی جەنگ لە مێژووی هاوچەرخدا دادەنرێت ، نیشانە شکێنێکی بێبەزەیی بەرامبەر دوژمن و مرۆڤ دۆست لە پشت سەنگەرەکانەوە.. ئەگەر حەزت بە فیلمی جەنگی و ڕووبەڕوو بوونەوەی نیشانەشکێنەکانە ، ئەم فیلمە ڕاستەقینەیە لەدەست خۆت مەدە ! بەسەرهاتەکە بە تەواوی لە واقیعەوە وەرگیراوە.. 📝 کورتەی چیرۆک : فیلمەکە گێڕانەوەیەکی ڕاستەقینەیە لە قارەمانێتی و لێهاتوویی عەبدول ڕەسول زەڕین ، نیشانە شکێنێکی دەگمەن کە لەکاتی جەنگی نێوان ئێران و عێراقدا دەبێتە هۆی گۆڕینی هاوکێشەکانی جەنگ لە چەندین بەرەی جیاوازدا ، فیلمەکە تەنها تیشک ناخاتە سەر لایەنە سەربازییەکەی بەڵکو ململانێی دەروونی و لایەنە مرۆییەکانی ئەم کارەکتەرە لە ناو جەرگەی شەڕدا پیشان دەدات. کلیک لێرە بکە بۆ بینینی فیلمەکە 👉🏼

چیرۆکی ئەو پیاوەی تەنها بە تفەنگەکەیەوە بوو بە کابووسی سوپایەک ! فیلمەکە باس لە ژیانی ڕاستەقینەی (عەبدول ڕەسول زەڕین) دەکات ، کە بە یەکێک لە باشترین و بەناوبانگترین نیشانە شکێنەکانی جەنگ لە مێژووی هاوچەرخدا دادەنرێت ، نیشانە شکێنێکی بێبەزەیی بەرامبەر دوژمن و مرۆڤ دۆست لە پشت سەنگەرەکانەوە.. ئەگەر حەزت بە فیلمی جەنگی و ڕووبەڕوو بوونەوەی نیشانەشکێنەکانە ، ئەم فیلمە ڕاستەقینەیە لەدەست خۆت مەدە ! بەسەرهاتەکە بە تەواوی لە واقیعەوە وەرگیراوە.. 📝 کورتەی چیرۆک : فیلمەکە گێڕانەوەیەکی ڕاستەقینەیە لە قارەمانێتی و لێهاتوویی عەبدول ڕەسول زەڕین ، نیشانە شکێنێکی دەگمەن کە لەکاتی جەنگی نێوان ئێران و عێراقدا دەبێتە هۆی گۆڕینی هاوکێشەکانی جەنگ لە چەندین بەرەی جیاوازدا ، فیلمەکە تەنها تیشک ناخاتە سەر لایەنە سەربازییەکەی بەڵکو ململانێی دەروونی و لایەنە مرۆییەکانی ئەم کارەکتەرە لە ناو جەرگەی شەڕدا پیشان دەدات. کلیک لێرە بکە بۆ بینینی فیلمەکە 👉🏼

🏠 ماڵ بە کۆڵ کاتێک کۆمیدیای ڕەش دەبێتە ئاوێنەی ژیانمان ! هەموو تەمەنی خۆمان بە دیار کارەکتەری "ئاغای ماشەڵڵا" و "ئەحمەد" و “بیژەن”ـەوە بە پێکەنین بەڕێ کرد بەڵام کە گەورە بووین تازە تێگەیشتین ئەم درامایە پێش ئەوەی کۆمیدی بێت کۆمیدیایەکی ڕەشی تاڵ بوو ! ئەم درامایە تەنها بۆ خەندە نەبوو بەڵکو چیرۆکی ڕووت و ڕاستەقینەی ململانێی چینایەتی و ماندوو بوونی مرۆڤی سادە بوو لەپێناو بژێوی ژیاندا.. ئەم درامایە سەلماندی کە بەهێزترین کۆمیدیا ئەو کۆمیدیایەیە کە لە دڵی خەم و کێشە ڕاستەقینەکانی کۆمەڵگاوە لەدایک دەبێت ، “ڕەزا عەتاران” شاکارێکی خولقاند کە دوای چەندین ساڵیش هێشتا لێی بێزار نابین. ✍️ ئێوە چ یادگارییەکتان لەگەڵ ئەم درامایەدا هەیە؟ ✍️ کام کارەکتەرتان زیاتر خۆش دەویست؟ کلیک لێرە بکە بۆ بینینی دراماکە 👉🏼

درامای "شغال" (چەقەڵ) یەکێکە لە دراما نوێ و پڕ دەنگ و باسەکانی تۆڕی نمایش خانی ئێرانی (فیلیمو) کە لە دەرهێنانی بێهرەنگ تۆفیقی و نووسینی زامیاد سەعدوەندیانە ، ئەم درامایە لە ژانەری تێکەڵاوی کۆمەڵایەتی ، تاوانکاری و مەتەڵاویدا جێگای خۆی دەکاتەوە و بەهۆی بەشداری ئەکتەرە ناسراوەکانییەوە سەرنجێکی زۆری ڕاکێشاوە.. دراماکە بەپشت بەستن بە کۆمەڵێک ئەکتەری بەئەزموون و بەتوانا هێزێکی باشی بەدەستهێناوە ، مهدی سلطانی وەک هەمیشە ڕۆڵێکی قورس و کاریزماتیک دەگێڕێت کە قورساییەکی تایبەتی بەلایەنە دراماییەکە بەخشیوە.. https://beenar.net/detail-cowatching/2744?series=true

پێت وایە دانیشتنت لەگەڵ دایک و باوکت شتێکی بێ بایەخە؟ پێت وایە کات بەسەربردنت لەگەڵ دایکی تەنهات لە ژوورەکەیدا شتێکی بچووکە لەلای خودا؟ پێت وایە تەلەفۆنکردنت بۆی کاتێک لەو دووریت پێکەنین و دڵخۆشکردنی و گوێی بۆ بگریت باسی یادگارییەکانی و ساڵانی ڕابردووی تەمەنی بکات کارێکی بێبایەخە؟ خزمەتکردنی دایک و باوک فەرزە ئەی ئەو کەسەی دڵت بە خودا و ڕۆژی دوایی خۆشە ، ئەی ئەو ئەو کەسەی حەزت لە داهاتوویەکی ڕووناک و سەرکەوتنە ، ئەی ئەو کەسەی چاوەڕێی ڕێزی لە منداڵەکانت ، ئەی ئەو کەسەی کارەکانی ژیانت تێکچووە و نازانیت هۆکارەکەی چییە؟ ئاگات لە دایکت بێت ، ئاگات لە باوکت بێت بەخودا تەنها یەک دوعای ئەوان کە خودا قبوڵی بکات بەسە بۆ ئەوەی ژیانت بگۆڕێت بۆ بەهەشت و هەموو هەنگاو و هەوڵێکت بکات بەخێر و ڕزقێکی بێ بڕانەوە ، دڵنیابە ڕەزامەندی خودا لە ڕەزامەندی ئەواندایە و توڕەیی خوداش لە توڕەیی ئەواندایە ، ئەمە تەرازوویەکە بۆ من و تۆ پێویستە بیزانین..

گرنگ نییە ئێستا لە چ دۆخێکدایت ؛ یان چەند شت لە ژیانتدا بەو شێوازە ناڕوات کە تۆ ئەتویست ، بیرت بێت نەمام پێش ئەوەی ببێتە دارێکی بەرز لەژێر تاریکی خاکدا زۆر ماوەتەوە.. "ماندووبوونەکەت کاتییە بەڵام ئەنجامەکەی هەمیشەییە" کۆڵ مەدە هێشتا کات ماوە بۆ درەوشانەوە !

فیلمی سینەمایی "سیاه باز" تێکەڵەیەک لە تەڵەکەبازی ، چاوچنۆکی و یارییە بێبەزەییەکانی ژیان ! فیلمەکە باس لە جیهانی تاریکی تەڵەکەبازی و بیتکۆین و پاره‌ی دیجیتاڵی دەکات ، کەسێک کە پێی وایە زۆر زیرەکە و دەتوانێت لە ڕێگەی فێڵکردنەوە بگاتە لوتکەی دەوڵەمەندی بەڵام نازانێت کە خۆی بووەتە نێچیر لە ناو یارییەکی زۆر گەورەتردا ! چیرۆکەکە پڕە لە خیانەت ، نهێنی شاردراوە و ئەو باجە قورسەی مرۆڤەکان لەپێناو تەماحدا دەیدەن.. فیلمەکە کاتی مردووی نییە ، ڕووداوەکان یەک لەدوای یەک دێن و ڕێگەت پێ نادەن چاو لەسەر شاشەکە لابدەیت. https://kurdsubtitle.net/movies/448757-Siah-Baz-syah-baz

ئەم دیمەنەی لە نێو فۆتۆکەدا دەبینرێت ، بەشێکە لە فیلمێکی کورتی ئێرانی بە ناوی "پوتین" (Boots / کفش‌ها). فیلمەکە باس لە سەربازێکی پاسەوانی سەر سنووری ئێران دەکات کە پوتینەکانی خۆی دەبەخشێتە زیارەتکارێکی بەتەمەن (کە بەپێی پەتی ڕێ دەکات) و کاتێک فەرماندەکەی لێی دەپرسێت "سەرباز پوتینەکانت لەکوێن؟ ئەو بەپێی پەتی و بەبێ پوتین ڕێز لێ دەنێت ، ئەم کارەساتە گوزارشت لە میھرەبانی و قوربانیدانی سەربازەکە دەکات.. کلیک لێرە بکە بۆ بینینی کورتە فیلمەکە 👉🏼

فیلمی فارسی "ئاوازی چۆلەکەکان" یەکێکە لە شاکارە هەرە مرۆیی و قووڵەکانی دەرهێنەری ناوداری ئێرانی مەجید مەجیدی (بڵاوکراوەی ٢٠٠٨) ئەم فیلمە تەنها چیرۆکێک نییە بەڵکو وانەیەکی قووڵی ژیانە لەسەر پاکی ، گۆڕانی مرۆڤ لە ژێر فشاری ماددەدا و گەڕانەوە بۆ سەرچاوەی خۆشەویستی.. پەیامی فیلمەکە : مرۆڤ لەوانەیە لە ناو جەنجاڵی و ڕاکێشانی ژیانی ماددیدا ڕەنگ بگۆڕێت بەڵام هەمیشە دەرفەتێک هەیە بۆ گەڕانەوە بۆ لای خۆیی ڕاستەقینە و دۆزینەوەی ئارامی لە ناو سادەییدا. کلیک لێرە بکە بۆ بینینی فیلمەکە 👉🏼

جەژنیشتان پیرۆزبێت.. ئەم ھۆنراوەی تاھیر بەگی جاف بۆ مـن بووەتە ڕەمـزی جێژنانە !

ئاگاداری دڵی بەرامبەرتان بن ئێمە نازانین مرۆڤەکان بەچیدا تێپەڕدەبن ، ئەو پیاوەی کە ئەیبنیت پێ ئەکەنێت بەڕووی تۆ نازانی دوێنێ چی کێشەیەکی گەورەی هەبووە قەرزەکان لەسەری کەڵەکەبووە ، ئەو ژنە پیرەی کە بەردەوام لە کۆڵان ئەیبینی ڕەنگە ئەمڕۆ کەمێک بێتاقەت بێت لەبەر ئەوەی کچ و کوڕەکەی لە دەرەوەی شارن دەمێکە نەیبنیوون ، ئەو منداڵەی کە بەردەوام پێدەکەنێت ئەمڕۆ کز و ماتە ڕەنگە هۆکاری ئەوە بێت کە بە ماڵەوەی ووتوە حەزم لە شاری یارییە بەڵام ماڵەوە نەیان بردووە ، ئەو هاوڕێیەت کە هەواڵت ناپرسێت ڕەنگە دایکی نەخۆش بێت کاتی ئەوەی نییە هەواڵت بپرسێت ، ئەو کچەی هەموو ڕۆژەکان جوان دەردەکەوت و میکیاجی دەکرد ئەمڕۆ جوان دەرنەکەوتووە ڕەنگە ئەمشەو قسەیان پێ ووتبێ و بێتاقەت بووە بۆیە خۆی جوان نەکردووە ، ئەو کوڕەی کە هەموو ڕۆژێک قژی دائەهێنا بۆنی ئەدا لە خۆی ئەمڕۆ قژی شانە نەکردووە ڕەنگە هۆکار ئەوە بێت دڕەنگ لە ئیش تەواو بووە کاتی قژ داهێنانی نەبووە و بۆنەکە بدات لەخۆی ، هەوڵبدەن لەگەڵ کەسەکان کەمێک میهرەبان بن ژیان پڕە لە بەرز و نزمی ، پڕە لە خەم ، پڕە لە دەرد ئاگاداری یەکتر بن..

فیلمی «بازی خونی» (کە بە کوردی دەبێتە کایەی خوێناوی یان یاری خوێناوی)، یەکێکە لە بەرهەمە نوێ و گرنگەکانی سینەمای ئێران لە چەشنی مێژوویی ، سیاسی و سیخوڕیدا ، ئەم فیلمە لە دەرهێنانی حسێن میرزا محممدییە (کە پێشتر فیلمی سەرکەوتووی «کت چرمی» دروستکردبوو) و لە نواندنی کۆمەڵێک ئەکتەری ناسراوە.. فیلمەکە کۆمەڵێک ئەکتەری بەتوانای تێدایە کە زۆربەیان لە دراما و فیلمە کۆمەڵایەتی و پۆلیسییەکانی ئەم دواییانەی ئێراندا درەوشاونەتەوە ، پێشنیارم بۆ ئێوەی ئازیز بینەری بن و چێژی لێ ببینن.. https://kurdsubtitle.net/movies/956586-The-Detection-bazy-khwny

لەوانەیە خەون بەزۆر شتەوە ببینین ؛ ڕەنگە ئاوات بۆ شتەکان بخوازیت ، ڕەنگە بیر لەوە بکەیتەوە کە چیت نییە ، ڕەنگە سەیری دەوروبەرت بکەیت و بڵێیت خۆزگە وەک فڵان کەس بوومایە ، خۆزگە چیم هەبووایە لەوانەیە دڵە ڕاوکێت هەبێت و بیرکردنەوەکان بتبەن بۆ جیهانێکی تر ، ئەگەر ڕۆژێک ئەوەی ئەتەوێت بەدەستت نەهێنا مەڵێ “ئەمە بەدبەختی منە” بەڵکو بەدڵنیاییەوە بڵێ ڕەنگە خودا باشترینی بۆ من ویستبێت..

هەندێک جار پێویستە تەنها بیت ؛ دوور بیت ، بێدەنگ بیت ئاخر زۆرکات مرۆڤ پێویستی بە ئارامییەکی تەواوە تا چاوەکانی دابخات و حەقیقەتەکانی ژیان بەچاو نەبینێت ، ئەبێت تەنها بێت بۆ ئەوەی بزانێ کێ ئەبێتە هاودەمی تەنهایی ، دوور بێت تا بزانێت کێ لە دوورەوە چاودێری حاڵی ژیانت دەکات ، بێدەنگ بێت تا بزانێت کێ هەست بە ئازارەکانی ناخت دەکات ، هەندێک کات تەنها حەز دەکەی بزانی ئەوانەی دەوروبەرت دڵسۆزتن و خۆشیان دەوێیت یاخود هەر بە دەم هاوبەشی خەم و ئازارەکانتن..