Euroscope

უკრაინის სახელმწიფო სასაზღვრო სამსახურმა გამოაქვეყნა სიმინდით დატვირთული გემის ადრები, რომელიც ოკუპანტებმა ოდესის პორტის დატოვებისას დაბომბეს. გემს ორი მართვადი „შაჰედი“ მოხვდა. ეკიპაჟის შვიდმა წევრმა და უკრაინელმა ლოცმანმა გადარჩენა შეძლეს. ორი მეზღვაური დაკარგულად ითვლება.

მედია წერს, რომ დრონი ჩავარდა ისრაელის ეროვნული უშიშროების მინისტრის ითამარ ბენ-გვირის სახლთან ქალაქ ჰებრონში. დეტალები დგინდება, თუმცა მინისტრიც და მისი ოჯახის წევრებიც უსაფრთხოდ არიან.

ირანის საგარეო საქმეთა სამინისტროს განცხადებით, უკრაინა კასპიის ზღვაში ირანულ სავაჭრო გემს დაესხა თავს, რის შედეგადაც ერთი მეზღვაური დაიღუპა, ხოლო მეორე დაშავდა. ​უწყებამ თავდასხმა საერთაშორისო სამართლის დარღვევად და აგრესიის აქტად შეაფასა და დაგმო.

Interfax: ტოკაევს უკრაინასთან დაკავშირებით თანმიმდევრული პოზიცია აქვს, თუმცა ეს არ ნიშნავს, რომ მოსკოვი მას ეთანხმება დიმიტრი პესკოვი „ტოკაევს უკრაინის საკითხზე არაერთხელ გამოუთქვამს აზრი. მას ამ თემაზე თანმიმდევრული პოზიცია აქვს. ეს არ ნიშნავს, რომ ჩვენ მას ვეთანხმებით. თუმცა ყაზახეთი ჩვენი უახლოესი პარტნიორი და მოკავშირეა“ განაცხადა რუსეთის პრეზიდენტის პრესმდივანმა, დმიტრი პესკოვმა „როსიისკაია გაზეტასთან“ ინტერვიუში. „ეს ნიშნავს, რომ ჩვენ საკმარისად არ ვუყვებოდით კონფლიქტის პირველად მიზეზებზე. ამას ორმაგი ძალისხმევით გავაგრძელებთ. ჩვენმა პარტნიორებმა ჩვენი პოზიცია უნდა იცოდნენ“ თქვა პესკოვმა. შაბათს ტოკაევმა, რუსეთის პრეზიდენტ ვლადიმირ პუტინს ომის გაყინვა, სტამბოლის მოლაპარაკებების ფორმულის აღდგენა და მშვიდობისკენ სვლის დაწყება შესთავაზა.

"შაჰედების“ ჩამოგდების კადრები Як-52-ის ბორტმსროლელის თოფით, რომლებიც გადაღებულია თვითმფრინავის კაბინიდან ოდესის რაიონში.

​ოკუპირებული ყირიმში „სბერბანკის“ ბანკომატები დაჰაკეს, რის გამოც რუსი ოკუპანტები ნაღდი ფულის გამოტანას ვერ ახერხებენ. ნაღდი ფულის ნაცვლად, მათ ეკრანზე გზავნილი ხვდებათ: ​დიდება უკრაინას! გაიქეცით ყირიმიდან!

უკრინული მედია: უკრაინამ და Raytheon-მა Patriot-ის რაკეტების მიწოდების გაზრდა განიხილეს უკრაინის პრემიერ-მინისტრმა განაცხადა, რომ თავდაცვის მინისტრის მოვალეობის შემსრულებელ ევგენი ხმარასთან ერთად შეხვდა თავდაცვითი კომპანია Raytheon-ის სახმელეთო და საჰაერო თავდაცვის მიმართულების ვიცე-პრეზიდენტს, ასევე Raytheon Ukraine-ის აღმასრულებელ დირექტორს. „განვიხილეთ, როგორ შეიძლება ზამთრის დადგომამდე Patriot-ის სისტემებისთვის რაკეტების მიწოდების დაჩქარება, მათი წარმოების გაფართოება და უკრაინის თავდაცვითი სამრეწველო კომპლექსის გაძლიერება“, — განაცხადა კორეცკიმ. გარდა ამისა, შეხვედრაზე ისაუბრეს საჰაერო თავდაცვის საშუალებების ერთობლივ წარმოებაზეც. კორეცკიმ აღნიშნა, რომ ეს საკითხი უკრაინისა და აშშ-ის პრეზიდენტებმა ანკარაში გამართულ შეხვედრაზე განიხილეს, ხოლო ამერიკულმა მხარემ უკვე წარმოადგინა პრაქტიკული ნაბიჯები ასეთი თანამშრომლობის დასაწყებად.

დონალდ ტრამპის პოსტი

ყაზახეთის პრეზიდენტმა პუტინს ომის გაყინვისკენ მოუწოდა. ყასიმ-ჟომარტ ტოკაევმა პუტინს პირისპირ შეხვედრისას შესთავაზა, დაბრუნდნენ 2022 წლის სტამბოლის მოლაპარაკებების პირობებზე. შესაბამისი ვიდეო „Смотри“-ს არხმა გაავრცელა. ყაზახეთის პრეზიდენტის თქმით, რადგან მას შუამავლობის თხოვნით მიმართავენ, საჭიროდ მიაჩნია ომის დასრულების კონკრეტული ვარიანტის შეთავაზება. „შესაძლოა, უკვე დადგა დრო, ეს კონფლიქტი გაიყინოს და დავუბრუნდეთ „სტამბოლის ფორმულა 2.0“-ს, რადგან მაშინ მნიშვნელოვანი შედეგები იყო მიღწეული. შემდეგ კი, დიდი სახელმწიფოების, მათ შორის რუსეთის, გარანტიებით, გაგრძელდეს გზა დიდი ხნის ნანატრი მშვიდობისკენ,“ განაცხადა ტოკაევმა.

Euractiv: კანადის მოქალაქე, რომელიც ბელგიაში, NATO-ს სტრატეგიულ სამხედრო შტაბში სტაჟირებას გადიოდა, უცხო სახელმწიფოს სასარგებლოდ ჯაშუშობისა და კრიმინალურ ორგანიზაციაში მონაწილეობის ბრალდებით დააკავეს, — ამის შესახებ შაბათს ბელგიის ხელისუფლებამ განაცხადა. https://x.com/euractiv/status/2080975522268643496?s=46&t=y_CGTERA-jRwj9nvu86lhQ

უკრაინის უპილოტო სისტემების ძალების სარდალმა, რობერტ „მადიარ“ ბროვდიმ, გამოაქვეყნა „Wildberries“-ის საწყობებზე განხორციელებული დარტყმების ვიდეო, რომელსაც ფონად ადევს ტრეკი „ველური კენკრა“ (Дика Ягода). სიმღერა ჩაწერილია ჯგუფის „The Bloger UA“-ის მიერ, რომელიც 414-ე ცალკეული ბრიგადის, „მადიარის ჩიტების“ წევრებისგან შედგება.

გაეროს გენერალური მდივანი ბოლო 14 წლის განმავლობაში სირიაში პირველად ჩავიდა ​სირიის პრეზიდენტმა აჰმად ალ-შარაამ ანტონიუ გუტერეში დამასკოში, ხალხთა სასახლეში მიიღო. შეხვედრისას მხარეებმა სირიასა და გაეროს შორის ჰუმანიტარულ სფეროში თანამშრომლობისა და ქვეყნის აღდგენის საკითხების გაძლიერების გზები განიხილეს. გარდა ამისა, მხარეებმა დაადასტურეს სირიის სუვერენიტეტის, ერთიანობისა და ტერიტორიული მთლიანობის დაცვის მნიშვნელობა. ​ვიზიტის ფარგლებში გაეროს გენერალურმა მდივანმა მოინახულა ომაიანთა მეჩეთი, დამასკოს ერთ-ერთ მთავარ ისტორიულ და რელიგიურ ღირსშესანიშნაობას.

საფრანგეთსა და ესპანეთში ტყის ხანძრების გამო 220 ათასზე მეტი ადამიანის ევაკუაცია განხორციელდა ​ესპანეთში ხანძრის კერების ლოკალიზება, რომელთა საერთო ფართობმაც შესაძლოა 20 ათას ჰექტარს მიაღწიოს, ჯერჯერობით ვერ ხერხდება. ტყის ხანძრებმა უპრეცედენტო მასშტაბებს მიაღწია საფრანგეთში-, განაცხადა პრემიერ-მინისტრმა ლეკორნუმ. მისი თქმით, ჟირონდისა და ლანდის დეპარტამენტებში უსაფრთხოების მიზნით უკვე 141 ათასზე მეტი ადამიანის ევაკუაცია განხორციელდა. ხელისუფლებამ ასევე გასცა ბრძანება ბორდოს მახლობლად მდებარე ოთხი დასახლებული პუნქტიდან 60 ათასი ადამიანის ევაკუაციის შესახებ. მეხანძრეების დასახმარებლად საფრანგეთის პრეზიდენტმა ემანუელ მაკრონმა სამხედრო მოსამსახურეები ჩართო.

Reuters: იტალიის თავდაცვის მინისტრმა კროზეტომ უკრაინის თავდაცვის ყოფილ მინისტრ მიხაილო ფედოროვს რომში მრჩევლის პოზიცია შესთავაზა და შეაქო იმის გამო, რომ მან დრონების გამოყენებით ბრძოლის ველის წესები ხელახლა დაწერა. ​ფედოროვზე ამ შეთავაზებამ ემოციურად იმოქმედა, მაგრამ არ დათანხმდა.

რუმინეთის საგარეო საქმეთა მინისტრი, ტოიუ ოანა წერს თავის X ზე: ორი დღის განმავლობაში უკვე მეორედ, რუმინეთის F-16-ის პილოტმა ქვეყნის საჰაერო სივრცეში შეჭრილი დრონი ჩამოაგდო. დღეს დილით დრონი დანუბის დელტის რაიონში, სფინტუ-გეორგედან დაახლოებით 10 კილომეტრით დასავლეთით, იქნა აღმოჩენილი და განადგურებული. ამასთან, უკვე ცნობილია მეტი ინფორმაცია პარასკევის ინციდენტზეც — გენერალურმა პროკურატურამ დაადასტურა, რომ პადინასთან ჩამოგდებული დრონი Shahed-ის ტიპის იყო — სწორედ იმ ტიპის, რომელსაც რუსეთი ღამე-ღამე იყენებს უკრაინაზე თავდასხმებისთვის. 48 საათში ორი შეჭრა შემთხვევითობა არ არის — ეს უკვე ტენდენციაა. ჩვენი პასუხიც ამ ტენდენციაზე უცვლელია: დროული აღმოჩენა, შეჩერება, ჩვენი მოქალაქეების დაცვა და სრული გამჭვირვალობა მოკავშირეების მიმართ.

ანტონიუ კოშტა: ბოლო 24 საათის განმავლობაში უკვე მეორედ, რუმინეთის საჰაერო სივრცე დრონების შეჭრის შედეგად დაირღვა. ვაქებ რუმინეთის ხელისუფლებას სწრაფი და ეფექტიანი რეაგირებისთვის. ჩვენ სრულ სოლიდარობას ვუცხადებთ რუმინეთსა და მის ხალხს. რუმინეთის უსაფრთხოება ევროპის უსაფრთხოებაა. ჩვენ გავაგრძელებთ ევროკავშირის უსაფრთხოების, მდგრადობისა და შეკავების შესაძლებლობების გაძლიერებას, მათ შორის ჩვენი აღმოსავლეთ საზღვრის გასწვრივ.

კასპიის ზღვის აკვატორიაში შორ მანძილზე დარტყმების ძალიან კარგი შედეგები გვაქვს. დრონებმა დააზიანეს გემები, რომლებიც ირანიდან სამხედრო ტვირთების გადასაზიდად გამოიყენებოდა, — ზელენსკი.

ვაშინგტონში, სასტუმრო Waldorf Astoria-ს საპრეზიდენტო საბანკეტო დარბაზში აპრილში სროლის გამო შეწყვეტილი თეთრი სხლის კორესპონდენტთა ასოციაციის ვახშამი გაიმართა, რომელზეც დონალდ ტრამპი ერთსაათიანი მიმართვით გამოვიდა. მან სახელებით გააკრტიკა ჟურნალისტები, თუმცა განაცხადა, რომ მედიის თავისუფლებას და თავისუფალ სიტყვას ყველა ამერიკელმა პატივი უნდა სცეს. " ჩვენ განსხვავებულ პოზიციებს ღია, აქტიური დებატებით ვაგვარებთ და არა ტყვიებით"-განაცხადა ტრამპმა. გამოსვლისას მან რამდენჯერმა გაიხუმრა, რომ პრეზიდენტობა შემდეგი ვადითაც სურს. "​ვაცხადებ ჩემი გეგმის შესახებ, კენჭი ვიყარო ამერიკის შეერთებული შტატების პრეზიდენტის პოსტზე მეოთხე ვადით. ​მე სამჯერ გავიმარჯვე და ამის გაკეთებას ისევ ვაპირებ"-ხუმრობით განაცხადა ტრამპმა.

ამ დრომდე ხანძარია საუდის არაბეთის უმსხვილეს ნავთობ-ობიექტზე ჯიზანში. ღამით ქარხანაზე იერიში იემენიდან განხორციელდა.

თეთრ სახლში სააგენტო Reuters- ს დაუდასტურეს, რიმ ვოლოდიმირ ზელენსკი დონალდ ტრამპს სამშაბათს ვაშინგტონში შეხვდება.