[[ተምሳሌቶችሺን ሰለፎችሺን አስታዉሺ]]

💧የደውራችን ጣፋጭ ትዝታና የመለያየት መራራ ስሜት!💧 🥀አልሐምዱሊላህ! በአላህ سُبْحَانَهُ وَتَعَالَى ቸርነትና ስኬት በጉጉት ስንጠብቀው የነበረው የታላቁ የዒልም ዑደት (የኮርስ/ደውራ) ፕሮግራማችን በድል ተጠናቋል። ያ አላህ! በእንዲህ ያለ የተቀደሰ ስብስብ ውስጥ የሚገኝን ደስታ በምን ቃላት ልግለጸው? ይህ እኮ እንዲሁ ተራ ስብሰባ ሳይሆን፣ መላእክት ክንፋቸውን የሚዘረጉበት፣ የአላህ سُبْحَانَهُ وَتَعَالَى ራህመት የሚዘንብበትና ነፍስ እውነተኛ እረፍቷን የምታገኝበት የጀነት ጨፌ ነበር። 🌹በእነዚህ ቀናት ውስጥ የታላቁ ነቢይ صَلَّى اللَّهُ عَلَيْهِ وَسَلَّمَ እውነተኛ ወራሾች የሆኑትን፣ የምድር ከዋክብትና የእውቀት ተራራዎችን፣ ታላላቅ መሻይኾቻችንንና ብርቅዬ ኡስታዞቻችንን ፊት ለፊት ማየት መታደል ብቻ ሳይሆን ትልቅ የልብ ሕክምና ነበር። ከማር የሚጣፍጥ፣ ልብን የሚያርስና ከመንገድ የወጣችን ነፍስ ቀጥ የሚያደርግ ያንን ጣፋጭ ምክራቸውን ስንሰማ ሰዓቱ እንዴት እንደረፈደ አናውቅም ነበር። ያልገባንን ነገር በጠየቅናቸው ቁጥር፣ በዚያ በአማረና በረጋ ፊታቸው፣ በለሰለሰ አንደበታቸውና በፈገግታ የታጀበ ማብራሪያቸው ልባችንን ሲያረኩት ማየት... ሀቂቃ ዱንያ ላይ ከዚህ የሚበልጥ ምንስ ደስታ አለ? 💦 በዛ ላይ ደግሞ የሰለፊይ ወንድሞቻችን በሱና ኑር (ብርሃን) የሚያበራ ፊት ማየት ሌላው ድምቀት ነበር። ከተለያየ አቅጣጫ መጥተን፣ በቋንቋ ባንግባባ እንኳ በዐቂዳና በመንሐጅ ተሳስረን፣ እርስ በርስ ተቃቅፈን ስንዘያየር፣ አብረን ስንበላና ስንጠጣ፣ በአንድ ምንጣፍ ላይ ቁጭ ብለን የዒልም ማዕድ ስንካፈል የተሰማን መከባበርና መዋደድ በቃላት የማይገለጽ ታላቅ ሀብታችን ነው። ይህ ነው እውነተኛው ወንድማማችነት! ለአላህ سُبْحَانَهُ وَتَعَالَى ተብሎ የሚመሰረት ፍቅር መጨረሻው እንዲህ ያማረ ነው። ⚠️ነገር ግን... ዛሬ ኮርሳችንን ስንጨርስና መለያያችን ሲደርስ፣ ያ ሁሉ ደስታ በናፍቆትና በሐዘን ደመና ተሸፈነ። ከነዚያ ብርቅዬ መሻይኾችና ከነዚያ ልብ ከሚያክሙ ኡስታዞችና ወንድሞች መለየት በእውነት አንጀትን የሚበላ መራራ ስሜት ነው። ያንን ልብ ሰንጥቆ የሚገባውን የመሻይኾቻችንን ፈገግታና የወንድሞቻችንን ፍቅር ትቶ መሄድ እንባን መቆጣጠር የማይቻልበት ከባድ ወቅት ነበር። 🥀 "እረ እነዚህን የምድር ኮኮቦች እንዴት ልለያቸው? መቼ ይሆን ድጋሚ እንዲህ በደስታ የምንገናኘው?" እያልኩ ልቤ በዝምታ ሲያለቅስ ተሰማኝ። በዚያ የመለያየት ሰዓት፣ በልቤ ውስጥ ለነዚህ እንደ ራሴ ለምሳሳላቸው መሻይኾቼ፣ ኡስታዞቼና የሱና ወንድሞቼ ወደ ጌታዬ እጆቼን ዘርግቼ እንዲህ አልኩኝ፦ 🌹"ያ አላህ! እነዚህን የዲንህን አርበኞች አንተ በያሉበት በራህመትህ ጥበቃ ስር አድርግልን። በሕይወታቸው ላይ በረካን፣ በዒልማቸው ላይ ጥንካሬን ስጣቸው። ያ አላህ! እኛንም እነሱንም እስከ እስትንፋሳችን መጨረሻ ድረስ በትክክለኛው የመንሐጅ ሰለፊያ ጎዳና ላይ አጽናን። ይህንን ልብ የሚመስጥ ፈገግታቸውን ከፊታቸው ላይ አታጥፋባቸው፤በዱንያም ላይ ደጋግመን የምንገናኝ አድርገን ለሙወሒዶች ባዘጋጀሀት ጀነትህም ላይ ሰብሰበን ብዬ ኢላሒን ከለመንኩ ቡሀላ ማንንም አቀፌ መሰናበት ሲያቅተኝ ውዱን ኡስታዜን ኢብኑ ሙነወርን እቅፍ አድርገጌ እጁን ስሜ ከታላቁ የየመን ሙሐድስ ወደ ደሴ ከ2 ወንድሞቼና ከዶ/ር ሰኢድ ሙሳ ጋር አቀናን በደሴ አረብገንዳ መስጅድ ላይም ለዛለች ነፍስ መድሀኒት የሚሆን የታላቁን ሸይኽ አሊዩ አራዚህን ጣፋች ምክሮችን ሰምተን ተለያየን።" ከሁሉም በላይ ደግሞ... ልክ ዛሬ በዚህች ምድራዊ ስብስብ ላይ እንዳገናኘኸን ሁሉ፣ ነገ በጀነተል ፊርደውስ ከነቢያትና ከሷሊሆች ጋር አብረን የምንቀመጥና የምንሳሳቅ የጀነት ጎረቤቶች አድርገን። መለያየታችን ለናፍቆት እንጂ ለጥል አይሁን። አላህ ሆይ! በሰማነውና በተማርነው የምንሰራ፣ ሱናን በተግባር የምናደምቅና ለዲንህ ታማኝ የሆንን ባሮችህ አድርገን። በመጨረሻ የምኮምቦልቻ ጠንካራ ሰለፊይ ጀመዓዎች ሆይ! ላደርጋችሁልን ያማር የጣፈጠ መስተንግዶ አላህ ጀዛችሁን በዱኒያም በአኼራም ይክፈላችሁ አላህ ያስደስታችሁ የዒልማችንን አዝመራ አላህ ይባርክላችሁ! ሁላችሁንም ለአላህ سُبْحَانَهُ وَتَعَالَى ስል እወዳችኋለሁ። 📝ለአላህ ብሎ የሚወዳችሁ ትንሹ ወንድማችሁ አቡ ሒበቲላህ ሁሰይን ኢስማኢል 🌹t.me/Abu_hibetillah_Asselfiy 🌹t.me/Abu_hibetillah_Asselfiy