ادبیات سئونلر

اوستاد شهریارین بو شعیری اوچ دورد گوندو دیلیمدن دوشمور... آمدی جانم به قربانت ولی حالا چرا؟ بی‌وفا حالا که من افتاده‌ام از پا چرا؟ نوشدارویی و بعد از مرگ سهراب آمدی سنگدل این زودتر می‌خواستی حالا چرا؟ عمر ما را مهلت امروز و فردای تو نیست من که یک امروز مهمان توام فردا چرا؟ نازنینا ما به ناز تو جوانی داده‌ایم دیگر اکنون با جوانان ناز کن با ما چرا؟ وه که با این عمرهای کوته بی اعتبار این همه غافل شدن از چون منی شیدا چرا؟ شور فرهادم بپرسش سر به زیر افکنده بود ای لب شیرین جواب تلخ سر بالا چرا؟ ای شب هجران که یکدم در تو چشم من نخفت اینقدر با بخت خواب آلود من لالا چرا؟ آسمان چون جمع مشتاقان پریشان می‌کند در شگفتم من نمی‌پاشد ز هم دنیا چرا؟ در خزان هجر گل، ای بلبل طبع حزین خامشی شرط وفاداری بود غوغا چرا؟ شهریارا بی‌حبیب خود نمی‌کردی سفر این سفر راه قیامت می‌روی تنها چرا؟ https://t.me/Adabiyyatsevanlar

نادر_الهی بیر قورد یوخوسونا گیردیم، قئیدیمه قالانمادیلار. قورخوشدو بوتون دوستلاریم، دؤوره‌مه دولانمادیلار. قاییتدیم یارالی، خسته، گؤردوم دوروب باشیم اوسته. منی او قوردون الیندن، اللشیب آلانمادیلار. اوز-گؤزومون قانین یودو، دئدی: «بالا، قورخما، سودو!» ظالیم بالالاری باری- آنامدان اوتانمادیلار. منیم حالوامی یئدیلر، یئنه «یوخودو» دئدیلر. اوستومه داش دوزه-دوزه، سؤزومه اینانمادیلار. https://t.me/Adabiyyatsevanlar

علی رشتبر قاییب پاییز یاغیر گؤیدن یئره, هر شئی ساری سن ده ساری. بولود ساری،یاغیش ساری، دومان ساری، چن ده ساری... هاردا رنگلر دوشوب دویون؟ بوم بوزاریب رنگی کؤیون، دئیه سن کی تانری بو گون، ساریییبدیر کنده ساری... بیز نه دئدیک کی آللا‌ها، نفس چکمک اولدو باها. گؤرن نئیه اسمیر داها، سحر یئلی کنده ساری، حیات آخیر باشقا تهر، گولوشلری بوغوب قهر، دئ هانسی کند نئجه شهر؟! قالیبمی هئچ کند آثاری؟ سؤزلویوموز اسیر،یئسیر، قارا آغین رولون گئدیر. کلمه‌لرین آنلامی بیر؛ «یوخ» دا ساری« هن» ده ساری. باغلانیب عشقین بازاری، بیر گؤرونور قوجا قاری. سئچمک اولمور آداملاری، دوست ایله دوشمن ده ساری. هر شئی دهشت هر شی برباد، قبله‌یه دوغرودور موراد. بو گون، دونن اولان آزاد_ ماراقلانیر بنده ساری. بو دهشتدن چکیر آمان، قورخا قورخا سؤکولور دان. گؤز گؤردویو بویاقلاردان، یاناقلار شرمنده، ساری. ساری ، ساری هر شئی ساری، کندی باسیب درد غوباری، بیر دینن ده یوخدور باری..... بلکه هر شئی من ده ساری.

شعر نه دیر اوشاقلار؟ محمد_عابدین‌پور   شعر اوشاق دیر دوز بیزیم کیمین ائله اویناماغی سئور بوش بوشونا گولر ائله گولر دیشلری آغارار. بیلیرسیز شعر آغلاردا اوندا گؤردون شاققیلدادی گؤی دیسگیندیک یاغیش آلتیندا قالدیق ایسلاندیق. دانیشاندا دانیشدیغی کیمی هوپ توتاندا هوپ توتار شعر ائله سوسار چیغیرماقدان بئش‌بئتر. بیلیرسیز نه وار اوشاقلار؟ فیکر ائلیرم هر زاددا بیرآز شعر وار گؤرنن گؤرنمه‌ین شئیلرده بعضی سسلرده بعضی اللرده بعضن بعضی باخیشلاردا مثلن آینادا سنه باخان سنده بورنوندا چیخان چیوزه‌ده قاشیوین حالتینده آنلیوا دوشن تئلده گئیدیگین تیشرتین طرحینده جورابین رنگینده من دا چوخ  شئی بیلمیرم اوشاقلار آما فیکر ائلیرم هامیسیندا بیرآز شعر وار بیرآز دا موسیقی البت دوغروسو بیلمیرم شعر نه دیر! فیکر ائلیرم شعرده هردن مریضلر تب ائیلر اؤلر اؤلر سؤزلرده سؤزلر ده اؤلر اوندا اوندا گؤردون بیردن نارینج آغاجلاری نارینجک سالدیلار یئرآلمالار مینلر اکدیلر کردیده روماندا کور اولدو هامی بیردن ناغیلدا وزیر اولدو هامی بیردن دئو اولدو هامی بیرن کؤیچک فاطمانین آنالیغی حاج صیادین قارداشی اولدو هامی بیردن اوندا گؤردون بیردن یاشیل چمنی چمن پارکی پارک شهری قوودو قاوالادی اؤزوندن! اوندا گؤردن بیردن خیال تصویرده تصویر خیالدا کلمه سؤزده سؤز کلمه‌ده رقص حرکتده حرکت رقصده نوخوشلادی شعر کیمی اؤلدو بیردن! 19/07/1401 #مرند  https://t.me/Adabiyyatsevanlar

محمدعلی کاظمی هئشته سر مثل واردیر: «یوخا قلم ایشله‌میر» یالان یازان قلم یادداشین یییر. دن تؤکولر، اؤرکن توولار، داش دارتار، دنسیز ده‌ییرمانین داش داشین یییر. کیشی‌لیک وار- دولت، مال- مقام دئییل، ائو، سوسوز، چؤره‌کسیز قوری دام دئییل، واریندان یئمیین بیل آدام دئییل، اؤز مالین گیزله‌یر، یولداشین یییر. گؤزوم نه‌لر گؤردو، دونیادا نه‌لر؟! یئتیم قوزو هر قویونو دورتمه‌لر، قونشو وار تیکه‌سین قونشویلا بؤلر، قارداش وار باجی‌سین، قارداشین یییر. قیشا ساخلار اعتیبارلی قاری نار، خسته گؤرسه بؤلوب وئرر یاری نار، یوخسول وار ائوینه گلن بارینار، وارلی وار ثروتی اؤز باشین یییر. «هئشته‌سر» مرد اولان دوز نکاه ائیلر، قادین دا کیشینی پادشاه ائیلر، اوغول وار قبرینی بارگاه ائیلر، ائولاد وار داراشیب باش داشین یییر.

✍️: ثریا_بخشی  " آیلار "  آخشام یئنه گون گؤزلرینی سوزدو داریخدیم بیر-بیر یادیما خاطیره لر دوشدو داریخدیم سسلندی قاپیم ،حسرت‌ایله آچماغا قاچدیم گؤردوم قاپیدا سندن اثر یوخدو داریخدیم قالدی گؤزوم آغلار باشیما دونیا دولاندی زحمتله تیکن آرزیم ائوی اوچدو داریخدیم سئوگی غزلین سؤیله‌مه‌یه دیل-دیل اؤتن دیل بیردن بیره لال تک دایانیب سوسدو داریخدیم لعنت بو یامان آیریلیغا ، یوللارا گلسین باشدان باشامی ایل‌لرایلن یوردو داریخدیم سن‌سیزلیگه اؤیرَنمیش‌ایدی وای اولا باشدان سنله دولانان یئرلری گؤز گؤردو داریخدیم باش یاسدیغا قویدوم اونودام بلکه بو دردی "آیلار"جا گؤزومدن یوخودا کوسدو داریخدیم https://t.me/Adabiyyatsevanlar

اوشاق ادبیاتی تیق ،تیق اوشاق ماهنیلاری https://t.me/Adabiyyatsevanlar

اوشاق ادبیاتی اومای خانیم راد مهر اولارین مدرسه لری بیزیم مدرسه لریمیز؟!! و سونوندا او گون گلدی چاتدی، منیم ائکیز بالالاریم اوشاق‌باغچاسی صفحه‌سینی باغلاییب، یاشاملاریندا یئنی بیر صفحه آچدیلار و مدرسه‌یه باشلادیلار. بو سئوینجی ساده‌جه یاشایانلار آنلار. بوتون یای آیلاری، مدرسه باشلانقیجینین سئوینجی نی یاشاییردیم، و آلمانیا مدرسه سیستمینه نابلد اولدوغوم اوچون سئوینج یانیندا استرس ده یاشاییردیم، هر شئی قصورسوز اولسون دئیه، منیم یول بیلمزلییمدن دولایی مدرسه ده اوشاغیمین باشی آشاغی اولماسین دئیه. آلیش وئریشلری تاماملادیم، کیف، دفتر، مداد، و لیست ده اولان  اونلارجا اشیا. ان سون کیتابلارینی آلدیم. کیتابی واراقلادیغیمدا، گؤزلریمدن یاشلار آخدی. حیسسیمین آدی عنوانی نه‌دیر بیلمیردیم. بیر نئچه گون سونرا، مدرسه‌نین باشلانقیج جشن ایدی. عاییله لر و ایلک کلاسین اوشاقلاری واریدی. عاییله لرین بلکه ۸۰ فایزی آلمانیالی ایدی. او جشنده ائله بیر آن گلدی کی، مدیر دانیشدیغیندا، عائله‌لرین هامیسی گؤز یاشی تؤکوردو. او آن اؤیرندیم کی والدین حس‌لرینین دیلی، ملیتی، جغرافیاسی یوخدور. ایلک کلاسین درس‌لری بونلاردان عبارت‌دیر: ریاضی آلمان دیلی ایدمان (ورزش) موزیک اخلاقیات ال‌ایشلری و فنی ایشلر علوم و عمومی اطلاعات هنر باغ، باغچا ایشلری ایلک مدرسه گونلرینده هله درسلر باشلامامیشدی، دانیشیق نان و تانیشلیق‌نان گئچمیشدی، ساده جه بیر شفاهی و بیر کتبی درس نن گلدیلر : شفاهی: کیمسه‌نین _حتی عائیله عضولرین_  سندن ایزین‌سیز سنین بدنیوه ال وورماسینا حاققی یوخدور. کتبی: من سنه آرزولاییرام: شجاعت، یئنی وضعیت‌لر اوچون. استقامت، بیر ایش فورا یولونا گئتمه‌دیغینده. سئوینج، یئنی اؤیرندیکلرینده. ائیلنجه، یئنی دوستلارین‌لا. https://t.me/Adabiyyatsevanlar

اوشاق ادبیاتی « گؤل و دنیز » یازان : علی صمدلی  کؤچورن : علی آغ گونئيلی  -  ابرازی  کتاب :‌ ژنرالین اوشاقلیغی  - ناغیللاربؤلومو  گؤل دنیزه همیشه حسد آپاریردی. اونا گؤره کی ،دنیزه ایری و جوشغون چایلار آخیردی . اونا گؤره کی ، دنیزده ایری گمیلر وبالیقلاراوزوردو. بیرده دنیزین ایری دالغالاری کولکده ، توفاندا شاخه قالخیر لاپ اوزاقلاردان گؤرونوردو. آنجاق گؤل بلمیردی کی ، همن دنیزه جوشغون چایلار آخماسا دا اوندا ایری گمیلر، ایری بالیقلار اوزمه سه ده اونون دالغالاری توفاندا شاخه قالخماسا دا دنیز ائله دنیزدی . https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

✅سایین کانالداشلار بوگونجه میرزا علی معجز شبستری حاقیندا قیرخ اثر نشر اولوب بو قیر خ اثرین سیاهه سینی اوستاد نقابی نین دست خطی ایله تقدیم ائدیریک ،ادبیات سئونلرده یادیگار قالسین اوستاد نقابی تشکور،تشکور

طنز :بویوک آغا افندی قربون برم خدا رو، یک بوم و دو هوا رو  این ور بوم گرما را، اون ور بوم سرما را  وقتی از تلویزیون ملی تحقیرت می‌کنند، سوسکت می‌خوانند، کسی ککش نمی‌گزه،  وقتی هزاران نفر در ورزشگاه آزادی به زبان وملیت تو توهین می‌کنند، کسی ککش نمی‌گزه؟  حالا چه اتفاقی افتاده که وزیر ارشاد، که در عمرش دو بیت شاهنامه فردوسی نخوانده، علیه زینب موسوی مصاحبه می‌کند، قوه‌قضائیه برعلیه‌اش اطلاعیه می‌دهد؟  فقط یک زبان در این کشور مهم است که هیچ‌کس نباید با چشم چپ به آن نگاه کند؟! حتی امپراتور کوزکو؟!، والا فردوسی را با رستم و سهراب را می‌آورید تا زبان امپراتور را ببرند و زینب را به جنگ دیو سپید بفرستند، بالام جان آستانه تحملت را بالا ببر کار طناز نقد هست سعدی و فردوسی و باجناق ها و ترامپ هم نمی شناسد... https://t.me/Adabiyyatsevanlar