ادبیات سئونلر

آیدین باخیش هاوام گونشلی‌دیر هاوام بولوتلو     دوداغیم شیکایت بوغازیم‌دا نئی گؤزلریم آیدین‌دیر، گؤزلریم آغلار    بیر اوزوم قوزئی‌دیر، بیر اؤزوم گونئی خیال‌لار زَهَردیر، خیال‌لار شیرین             بیلمیرم بو آخشام آغلاییم، گولوم بیلمیرم بیر ایللیک کؤرپه طالعین        آلنیندا نه یازدی، نه پؤزدو اؤلوم بو آذر اوزون‌دور، بو آذر گوده              گونوم بیر ساعاتدیر، بیر ایل‌دیر آییم ائله دورومدایام یوزا بیلمیرم              اووجومدا توی توتوم، یاس قوجاقلاییم  پارکین قیراغیندا او پخله ساتان      سسله‌ییر «سویوندان وئریم بیرینده»؟ او دئییر بیلمیرم موتلویام موتسوز     دوغولدوم آذرین اییرمی بیرینده بیر آذر آخشامی یالنیزلیق یاغیش     خزل‌لر روحومو اوخشاییر خیش-خیش بوداق‌لار اوستونده قارلار آلتیندا         فیدان‌لار بویلانیر مین یاشیل باخیش... https://t.me/Adabiyyatsevanlar