Беларуская музыка

Гэты гурт называюць шэрымі кардыналамі беларускага року. І гэта, бадай, самы трапны эпітэт, якім можна ахарактарызаваць The UNB. Яны выпусцілі больш за сто альбомаў, зайгралі свой першы канцэрт праз дваццаць год і сталі абсалютна культавай з'явай на беларускай сцэне. Вы абавязкова іх палюбіце! https://youtu.be/PYK4lJH5koc

🇵🇹 Лісабон, сустракаемся 30 кастрычніка! Сябры, напрыканцы месяца еду ў Партугалію, дзе прачытаю лекцыю пра беларускую музыку 🎸 Вязу з сабой шмат цікавостак, нечаканых фактаў і гісторый пра нашых музыкаў. Магчыма, нешта вы ўжо чулі, але абяцаю, што будзе і шмат такога, што вас сапраўды здзівіць! 📚 А яшчэ прыхаплю абедзве свае кнігі — «Свінні» і «Гвалт». Так што будзе нагода не толькі пагаварыць пра музыку, але і сустрэцца асабіста. Усё гэта адбудзецца ў прыгожым і атмасферным месцы ў самым цэнтры Лісабона. Карацей, прыходзьце самі, запрашайце сяброў і знаёмых з Партугаліі! Буду вельмі рады ўсіх пабачыць ❤️ 🎟 Квіточкі вось тут: https://ticketshop.eu/en/events/108069

Працяг настальгічнай падборкі пра хіты мінулага! У нулявыя пачалі як грыбы з'яўляцца хіты СНДшнага маштабу. Тут вам і Крамбамбуля, і адзіны бэнгер Стокс, і маладыя J:Морс, і гарачая Б'янка, і шмат чаго яшчэ. Залятайце глядзець і плакаць ад настальгіі! https://youtu.be/zRLmWxLmxtY

🔥🔥🔥 Ух, што ўчора было! Вогненны беларускі метал сусветнага ўзроўню ад Dymna Lotva. Дзякуй вам за тое, што ўчора былі з намі — глядзелі гэты круцейшы канцэрт і падтрымлівалі музыкантаў. Гэта было так магутна, што ўжо хочацца паўтарыць! 👻 А калі раптам прапусцілі трансляцыю, то абавязкова паглядзіце канцэрт у запісе па гэтай спасылцы https://youtube.com/live/ffkeiZwZW-Q ❤️ І скажыце дзякуй музыкантам і камандзе праекта сваімі данатамі. Бо за гэтым канцэртам стаіць вялікая праца! https://buymeacoffee.com/sepulive Дзякуй вам і да сустрэчы!

Dear friends! Tomorrow we will play a big 2-hours online show at @sepulive YouTube channel. There is an opportunity to support the project here: https://buymeacoffee.com/sepulive The donations for Dymna Lotva show will collected until October 15th. The author of the biggest single donation will receive a gift from the band: - signed Vyraj color vynil with envelop handpainted by Nokt; - red net from our 2023-2025 stage costumes set; - newest number of Metallurg zine with Dymna Lotva interview in English; - drumsticks from our drummer; - guitar picks from our guitarists; - ritual candles from our singer; - set of patches and stickers; - coaster with our logo; - bone from Nokt’s crown and a ribbon from her costume from Zory music video aaaaand... A PIECE OF REAL METEORITE See you tomorrow 🤘

👻 Сябры! Ужо заўтра, 8 кастрычніка, адбудзецца эпічны канцэрт Dymna Lotva. Шчыра запрашаем вас далучацца да гэтай трансляцыі, каб убачыць адзін з самых прыкметных сучасных беларускіх метал-гуртоў. Глядзіце, слухайце, кайфуйце разам з намі! https://youtube.com/live/ffkeiZwZW-Q І падтрымлівайце праект Сепультура Alive і цудоўны гурт, калі зараз знаходзіцеся не ў Беларусі! https://buymeacoffee.com/sepulive Дзякуй вам і да сустрэчы!

🗣 Сустрэча з Аляксандрам Чарнухам 🗓 4 кастрычніка | нд | 14:00 📍 Miejsce Aktywności Lokalnej, Legionów 20 🐾 Уваход вольны Да нас зноў завітае Аляксандр Чарнуха - музычны журналіст, аўтар кніг «Свінні» і «Гвалт», музычны крытык і аўтар праекта «Міністэрства сепультуры». Ён ужо быў нашым госцем, а цяпер вяртаецца ў Лодзь на новую сустрэчу. Пагаворым пра беларускую музыку, гурты, якія на нас паўплывалі, і асабістыя гісторыі з музычнага жыцця. Не абыдзецца і без Depeche Mode, беларускай эстрады ды іншых цікавых сюжэтаў. Як нас знайсці: https://t.me/TBM_u_Lodzi_info/583 Будзем радыя сустрэчы і добрай размове! 👋

Гэта эпічны фінал гісторыі гурта Ляпис Трубецкой. Ад светлага і прыгожага альбома Веселые картинки да рэвалюцыі і персанальнага выкліку Лукашэнку і Пуціну. Бязвізавыя канцэрты для беларусаў, Навальны і Майдан, песня Воины света і нечаканы і прыгожы канец гурта. Абавязкова паглядзіце гэты выпуск! https://youtu.be/13pckv31pq0 А тут вы можаце знайсці папярэднія выпускі і скласці гісторыю Ляписа Трубецкого ў адзін маштабны фільм Першая частка https://youtu.be/eJYflX-_1Fs Другая частка https://youtu.be/b3k8fHO86L0 Калі вам спадабалася гэтая праца, можаце пачаставаць мяне піўком ці кавай https://buymeacoffee.com/charnukha

Анастасія Рыдлеўская сёння выдала свой чацвёрты паўнафарматны альбом Alchemia — артыстка працягвае эксперыментаваць, мяняецца літаральна на вачах і зноў раскрывае новыя рысы сябе і сваёй творчасці. За дыскаграфіяй Рыдлеўскай цікава назіраць у дынаміцы. Безадносна паспяховасці яе творчыя эксперыменты заўсёды выклікаюць, як мінімум, павагу — па іх можна вывучаць гісторыю электроннай музыкі, корпацца ў крыніцах натхнення: ад Рэджыны Спектар да Карын Дрэер Андэрсан, ад Б’ёрк да Райха, ад мінімалістычных хатніх песень пад піяніна да маштабных містыфікацый і вядзьмарства. Alchemia зноў жа моцна адрозніваецца ад папярэдніх рэлізаў Рыдлеўскай, і ў ім артыстка раскрываецца з новага боку — высвятляецца, што яна можа быць злой, нават жорсткай. Гэтая злосць на мяжы з лютасцю, адчай на мяжы з маніякальнасцю імплементаваныя ў розныя гатункі электроннай музыкі: Kris з уплывам мінімалізму, Pusteča з цёмным брыстальскім гучаннем, рытуальная Your Woman, інтэнсіўная Lilith. Рыдлеўская працавала над Alchemia самастойна: сама сачыняла, сама запісвала, сама рабіла звядзенне і майстарынг. То бок альбом — гэта на сто адсоткаў яе светаадчуванне і эмоцыя. Канцэптуальна запіс будуецца вакол класічных этапаў алхіміі, але прысвечаны ён у першую чаргу, па адчуваннях, вельмі асабістай гісторыі. У песнях настрой Рыдлеўскай мяняецца ад раздушанасці да лютасці, яе голас то самотны, то грыміць сотнямі персаналій — яна енчыць, крычыць, шэпча, гагоча, спявае, нарэшце. У гэтым дыяпазоне эмоцыі час ад часу губляецца менавіта музычная думка, песня зрываецца ў споведзь, споведзь зрываецца ў інтымны і персанальны мэсэдж — і ў такія моманты слухачу, напэўна, будзе бракаваць кантэксту, каб глыбей зразумець трэк на эмацыйным узроўні. Alchemia — цікавы працяг дыскаграфіі Рыдлеўскай і на сто адсоткаў самы эмацыйны і цёмны яе рэліз. Скрыгатанне зубамі, ведзьміны скокі, чорная атрутная злосць і помста, у якую канчаткова правальваецца артыстка. Што будзе далей? https://band.link/aralchemia

🔥🔥🔥 Беларускі метал-гурт Dymna Lotva выступіць у эфіры шоў Сепультура Alive! Рыхтуйцеся да сапраўднай спёкі. 👻 Нядаўна музыканты выдалі найкруцейшы альбом Vyraj, які Metal Hammer ужо называе адным з найлепшых рэлізаў 2026 году ў сусветным метале. Гэта будзе магутна, прыгожа і драйвова, таму запісвайце дату і абавязкова далучайцеся да нашай трансляцыі! 📢 8 кастрычніка, 20:00 (GMT+3), YouTube-канал Сепультура Alive. Стаўце лайк і званочак пад трансляцыяй, каб яе змагло ўбачыць як мага больш людзей! https://youtube.com/live/ffkeiZwZW-Q ❤️ А яшчэ абавязкова купляйце сімвалічныя квіткі на гэты канцэрт — такім чынам вы падтрымліваеце праект і цудоўных музыкантаў, якія выступаюць для вас. https://buymeacoffee.com/sepulive Да сустрэчы, сябры!

Памятаеце, як мяняўся гурт Ляпис Трубецкой? Папса пачатку нулявых, тур у падтрымку Лужкова, дзікія карпаратывы і вечна бухі Міхалок. А пасля цудоўнае перараджэнне, Капітал, Маніфест і першыя праблемы з беларускімі ўладамі. Сёння я прынёс вам другую частку серыяла пра Ляпісаў. А гэта значыць, што хутка вас чакае і трэцяя! https://youtu.be/b3k8fHO86L0

🔥🔥🔥Гэта было ЛЕГЕНДАРНА! Праўда, шалёны канцэрт, які вы проста абавязаныя ўбачыць, калі яшчэ не бачылі. Дзякуй усім, хто ўчора быў з намі і кайфаваў пад песні Сяргея Пукста і суперВовы. 👻Паглядзець запіс трансляцыі можна тут https://youtube.com/live/_QscZaB2YjU ❤️А тут — падтрымаць праект і музыкантаў https://buymeacoffee.com/sepulive Дзякуй вам і да сустрэчы на наступным канцэрце!

Сябры, ужо сёння для вас выступіць герой мінскага андэграўнда Сяргей Пукст. Не прапусціце трансляцыю, гэта будзе крута! https://youtube.com/live/_QscZaB2YjU

Усе мы любім гурт Ляпис Трубецкой, але ці ведаеце вы яго сапраўдную гісторыю? З чаго ўсё пачыналася: альбом за новыя зубы для Міхалка, п’яныя прыгоды, тролінг Лукашэнкі і продаж у Маскву https://youtu.be/eJYflX-_1Fs

Спадарства, сустракайце! Для вас на Сепультуры Alive выступіць галоўны хуліган беларускай музыкі Сяргей Пукст. Гэта будзе шалёны канцэрт, які абавязкова трэба паглядзець, каб больш зразумець беларускі андэграўнд і яго адданага героя. Запісвайце дату: 17 верасня ў 20:00 па менскім часе на канале Сепультуры Alive. Стаўце лайк і званочак пад трансляцыяй, каб яе ўбачыла як мага больш людзей! https://youtube.com/live/_QscZaB2YjU Падтрымайце праект і артыста сімвалічнымі квіткамі, бо такога вы яшчэ не бачылі! https://buymeacoffee.com/sepulive Да сустрэчы, сябры!

Хіты 90-х -- гэта настальгічная скарбонка з успамінамі. Малодзенькая Ліка Ялінская, гарачая Іна Афанасьева, дэградацыя Сяброў, уздым Кірыла Слукі. У гэтым выпуску будзе шмат-шмат вайбовых трэкаў, якія вы стопудова памятаеце і любіце. Залятайце глядзець! https://youtu.be/AyKqJdT7-fk

Сябры, дзякуй вам за тое, што ўчора былі з намі! Беларусы і беларусачкі з усяго свету глядзелі канцэрт Крамбамбулі — і гэта было нешта неверагоднае. Столькі шчаслівых водгукаў, столькі цеплыні, столькі важных словаў. Як кажуць, свята ў кожную хату! Калі раптам прапусцілі трансляцыю, то можаце паглядзець канцэрт у запісе — энергія, драйв і весялосць б’юць праз экран! https://youtube.com/live/ewI-Jv-Aq2g І скажыце, калі ласка, дзякуй камандзе праекта і цудоўным музыкантам, якія зрабілі для вас гэтае свята! https://buymeacoffee.com/sepulive Да сустрэчы на наступных канцэртах, даражэнькія!

Сябры, ужо сёння вас чакае магутны канцэрт Крамбамбулі на Сепультуры Alive! 👻Далучайцеся да трансляцыі, каб разам заспяваць любімыя песні і павесяліцца. Гэта будзе топ! https://youtube.com/live/ewI-Jv-Aq2g ❤️І не забывайцеся падтрымліваць праект і музыкантаў, калі ў вас ёсць такая магчымасць https://buymeacoffee.com/sepulive Да сустрэчы, даражэнькія!

Сезон беларускіх летніх фестываляў працягваецца і дзясяткі тысяч беларусаў ідуць паглядзець на артыстаў, якіх ім сёлета прывезлі. А прывезлі небагата. Дзіма Білан, Бабунец, Ваня Дзмітрыенка. Гэтага мы хацелі? А калі менавіта гэтага, то чаму? У новым выпуску Міністэрства сепультуры разбіраемся, што не так з беларускімі оўпэн эйрамі. https://youtu.be/okDXJjM-C_k

❗️Спадарства! Сёння адбылася непрыемная гісторыя: нейкім чынам злаўмыснікі атрымалі доступ да трансляцыі Крамбамбулі і пачалі яе заўчасна з рэкламай. 💔На жаль, нам спатрэбілася зрабіць новую трансляцыю, таму шчыра прашу вас паставіць пад ёй лайк і націснуць калакольчык, каб алгарытмы пачалі працаваць і трансляцыю ўбачыла як мага больш людзей. Дзякуй вам і да сустрэчы 20 жніўня! https://youtube.com/live/ewI-Jv-Aq2g