ፍኖተ-አማራ ሚዲያ (Finote Amhara Media)
الذهاب إلى القناة على Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
إظهار المزيد4 408
المشتركون
-1724 ساعات
-527 أيام
+5630 أيام
أرشيف المشاركات
ሰላም ዴቭ ዛሬ ምን ተፈጠረ መሰለህ ..ከ ቀኑ 12 አካባቢ በ ሾላ አትሌቲክስ ፌደረሽን አካባቢ የባቡር መስመሩን ይዛ ከላይ አንድ ድሮን ወደ መገናኛ አቅጣጫ በ 1000ጫማ በማይሞላ ከፍታ እየጨኸች ስትጓዝ የ አዲስ አበባ ህዝብ መን አያሉ ይጓዛሉ መሰለህ ...ኧረ ወደ 4 ኪሎ ነዉ እያሉ ሲሰሳቁ በተራቸዉ የአዲስ አበባ ፖሊስ ወደላይ እያንጋጠጡ ሲርበተበቱ ተመልክቸ ተገረምኩ እስኪ ሌሎቻችሁ አዲስ አበባ ያላችሁ ሃራባችሁን አካፍሉኝ
#ሌላ_ሰበር_በባህርዳር
በዛሬው እለትበሆዱ የወደወቀው የአገዛዙ ሎሌ ድረስ ሰሃሉ አሁን ምሽት 12 ሰአትጨ አካባቢ በቀበሌ 04 ከንስሮቻችን እርምጃ ለጥቂት አምልጧል
ፎቶው እዛው ላይ ምሽት 12:00 ላይ የተነሳ ነው
ማንም ይሁን ማን ከእጃችን ማምለጥ አይችልም
ቀኘ💪
በጦር ሄሊኮፕተሮችና ድሮኖች የታጀበው የጠላት ኃይል በአፋብን ጎንደር ጠቅላይ ግዛት በላይ ዘለቀ 3ኛ ዕዝ ተደመሰሰ!
መስከረም 22/2019 ዓ.ም
መስከረም 21 ቀን 2019 ዓ.ም ከቀኑ 8:00 ሰዓት ጀምሮ ከሁመራና ከጎንደር ተቀናጅቶ ወደ በለሳ አካባቢ ለመግባት የሞከረው የጠላት 401ኛ ኮር፣ በአፋብን ጎንደር ጠቅላይ ግዛት በላይ ዘለቀ 3ኛ ዕዝ ዳግማዊ ቴዎድሮስ 5ኛ ኮር እና 204ኛ አስቻለው ደሴ ኮር በተቀናጀ ውጊያ ተከቦ ከፍተኛ ኪሳራ አስተናግዷል። በዕዙ ዘመቻ መሪ በጀነራል ተሾመ አበባው መሪነት በተካሄደው በዚህ አውደ ውጊያ፣ የጠላት የዕዝ ሰንሰለት በመበጣጠስ በሰውና ወታደራዊ ቁሳቁስ ላይ ከፍተኛ ውድመት ደርሶበታል።
በቀጠለው አውደ ውጊያ በዕዙ የመረጃና ቴክኖሎጂ መምሪያ ኃላፊ በአርበኛ ያለው አዱኛ መሪነት የዳግማዊ ቴዎድሮስ 5ኛ ኮር መብረቅ ክፍለ ጦር ሬጅመንት 1 በደጎማ ስብና ፣ ቁሩንጎና አብርሃም ግንባሮች ባደረገው ከፍተኛ ትንቅንቅ ታላቅ ድል ተቀዳጅቷል። በሌላኛው አውደ ግንባር የደደሃ ማርያም ሬጅመንት 2 እና ሬጅመንት 3 እና ጥቁር አንበሳ ክፍለ ጦር ጋር በተቀናጀ የደፈጣ ምት፣ ስንቅና ተተኳሽ የጫነ የጠላት ተሽከርካሪን በአርፒጂ (RPG) በመምታት ሙሉ በሙሉ ከጥቅም ውጭ አድርገውታል።
በተመሳሳይ መልኩ በዋና አዛዡ በአርበኛ ወርቁ ዘገየ የሚመራው ዳግማዊ ቴዎድሮስ 5ኛ ኮር ጎንደሬ በጋሻው ክፍለ ጦር በወርሃላ፣ ቃላይ እና ወደ አርባያ ከተማ ለመግባት በሞከረው የጠላት ስብስብ ላይ በሰነዘረው የበረታ ምት አንድ የጦር ፓትሮል ተሽከርካሪ ሙሉ በሙሉ የተደመሰሰ ሲሆን፣ በርካታ የጠላት ኃይልም ጉዳት ደርሶበታል።
በሌላኛው አውደ ውጊያ ደግሞ ከደጎማ እስከ አርባያ ከተማ የዕዝ ሰንሰለቱ እየተበጣጠሰ የደረሰ ኃይሉ መሐል ከተማ ላይ በበለሳ ታርቆ ከበደ ክፍለ ጦር በአርበኛ አሳመረ ታርቆ እየተመራ ድል ተቀዳጅተዋል።
ጀነራል ተሾመ አበባው በግንባር ቀደምትነት በተሳተፉበት የደንጎራ ግንባር፣ የ204ኛ አስቻለው ደሴ ኮር ሁሉም ክፍለ ጦሮች እና ዳግማዊ ቴዎድሮስ 5ኛ ኮር ንስር በለሳ ኢ/ር ቅጣው እጅጉ ክፍለ ጦር በተሳተፉበት ከፍተኛ ጥቃት የጠላት ኃይል ተመቶ ሙትና ቁስለኛውን እየጎተተ ሌላውን አስቆርጦ ወደ ጎሐላ ለመግባት ጥረት አድርጓል።
በዚህም ተስፋ የቆረጠው የጠላት ኃይል የተበታተነውንና እየተደመሰሰ ያለውን ኃይሉን ለማዳን፣ እንዲሁም የደረሰበትን ከፍተኛ ምት ለመሸፈን ከጎንደር አዘዞ የጦር ሄሊኮፕተሮችንና የድሮን ቅኝቶችን እንደ መጨረሻ አማራጭ ለመጠቀም ቢሞክርም፣ የጀግኖችን ድል ማስቆም ሳይችል ቀርቶ በአውደ ውጊያዎች ሁሉ ከፍተኛ ኪሳራ አስተናግዷል።
አውደ ውጊያዎች እንደቀጠሉ ናቸው። ተጨማሪ ዝርዝር መረጃዎችን የምናደርስ ይሆናል።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዘለቀ 3ኛ ዕዝ የሕዝብ ግንኙነት መምሪያ
"ለአማራ ህዝብ ሞተን እናሳየዋለን"
(፲ አለቃ ቻላቸው ሳህሉ)
የገባውን ቃልኪዳን በተግባር ያሳዬ ቆራጡ ጀግና
የ ፲ አለቃ ቻላቸው ሳህሉ መብሬ(ቻቻ) አጭር የህይወት ታሪክ ~~~~~~~~~~~~
መስከረም 22/2019 ዓ.ም 24ኛ ክ/ጦር ሚዲያ ክፍል
የታሪክ ማህደር በወርቅ ቀለም ከሚመዘግባቸው የዘመናችን የቁርጥ ቀን ጀግኖች መካከል፣ ለህዝባቸው ህልውናና ነፃነት ሲሉ የህይወትን የመጨረሻ ዋጋ የከፈሉ ብርቅዬ የፋኖ አመራሮች በግንባር ቀደምትነት ይጠቀሳሉ። ከእነዚህ አንጸባራቂ ከዋክብት መካከል አንዱ፣ ቃሉን በተግባር አስደግፎ ውድ ህይወቱን ለህዝቡ አሳልፎ የሰጠው ጀግናው ፲ አለቃ ቻላቸው ሳህሉ መብሬ (ቻቻ) ነው።
፲ አለቃ ቻላቸው ሳህሉ (ቻቻ) ከባቱ አቶ ሳህሉ መብሬ እና ከእናቱ ወይዘሮ ይደነቁ ካሴ ሰኔ 27 ቀን 1990 ዓ.ም ይህችን ዓለም የተቀላቀለ ሲሆን፣ የተወለደውም ደባይ ጥላት ግን ወረዳ ገሜ ቀበሌ ታች ገሜ ጎጥ ተብሎ በሚጠራው ልዩ ስፍራ ተወለደ።
ቻቻ የልጅነት ጊዜውን በቤተሰቡ ውስጥ ከሌሎቹ ታላቅ ወንድሞቹና እህቶቹ ጋር በመሆን ያሳለፈ ሲሆን በተወለደበት አካባቢ የአንደኛ ደረጃ ትምህርቱን ያጠናቀቀ ሲሆን
የወጣትነት ዕድሜውን ለህዝቡ ደህንነት ለማዋል በነበረው ጽኑ ፍላጎት፣፲ አለቃ ቻላቸው ሳህሉ መብሬ በ2007 ዓ.ም የቀድሞው ባለግርማ ሞገሱን የሀገር መከላከያ ሰራዊት በክብር በልጅነት ዕድሜው በታላቅ ወኔ ተቀላቀቅሎ ሀገሩን በጀግንነት ሲያገለግል ቆይቷል። በመቀጠልም በ2011 ዓ.ም ነበልባሉን የአማራ ልዩ ኃይል በመቀላቀል በልዩ ኃይሉ ውስጥም እጅግ ከፍተኛ አካላዊ ጥንካሬን፣ ስልትን እና ስነ-ልቦናዊ ብቃትን በሚጠይቀው የተከዜ ብርጌድ አባል በመሆን ወደር የለሽ ግዳጆችን ሲወጣ ቆይቷል። ቻቻ በአማራ ልዩ ሐይልም ከጓደኞቹ ጋር በመሆን በወቅቱ ከነበረው የሰሜን ጦርነት በደብረብርሃን:በወሎ ኮምቦልቻ በጎንደር እንዲሁም በሰሜን ወሎ እጅግ በርከታ ግዳጆችን በመፈፀም ታላቅ አማራዊ ግዴታውን በብቃት ተወጥቷል።
ይሁን እንጂ የፖለቲካው ሁኔታ ተቀይሮ የአማራ ልዩ ኃይል እንዲበተን ሲደረግ፣ ፲ አለቃ ቻላቸው ሳህሉ መብሬ ትጥቁን ፈትቶ እጁን አጣጥፎ ለመቀመጥ ህሊናው ፈጽሞ አልፈቀደለትም። ይልቁንም ወታደራዊ እውቀቱን ክህሎቱን ይዞ ወደ ትውልድ አካባቢው በመመለስ፣ የህዝቡን ህልውና ለማስጠበቅ የሚደረገውን መራራ የፋኖ ትግል ለመቀላቀል ቆራጥ ውሳኔ አሳለፈ።
የፋኖ መዋቅር መመስረት በተጀመረበት ወቅት፣ በባህርዳር ዙሪያ ቀጠና በመዘዋወር በዙሪያው የሚገኘውን ማህበረሰብ በማስተባበር የማይተካ ታሪካዊ ሚና ተጫውቷል። በህዝቡ ዘንድ ያለውን ከበሬታ እና ወታደራዊ እውቀቱን ተጠቅሞ የባህርዳር ብርጌድን በመመስረት በወቅቱም የባህርዳር ብርጌድ ዋና ዘመቻ መምሪያ ኃላፊ በመሆን የትግሉን መሰረት በፅኑ ዓለት ላይ ተከለ።በዛውም ባለበት ብርጌድ እጅግ አኩሪ ጀብዶችን በመፈፀም የባህርዳር ብርጌድ ለዛሬ ፅኑ መሠረቷ እንድትበቃ ቻቻ ትልቁን ሚና ተጫውቷል።
ቻቻ ከዚህም በተጨማሪ በዚሁ ባህርዳር ብርጌት ም/ወታደራዊ አዛዥ በመሆን ሲያገለግል በድሮው የአፋጎ የ1ኛ ክ/ጦር ዘመቻ መሪ ሆኖ የተመረጠ ሲሆን፣ ይህንን ኃላፊነትም በከፍተኛ ብቃት፣ በታማኝነት እና በእልህ አስጨራሽ ተጋድሎ ተወጥቷል።
የፋኖ ትግል እያደገ እና እየተጠናከረ ሲመጣ፣ የቴዎድሮስ ዕዝ ባደረገው ጠንካራ የመዋቅር ማሻሻያ መሰረት ፲ አለቃ ቻላቸው ሳህሉ ወደ ተወለደበት አካባቢ በመመለስ በ24ኛ ክ/ጦር በሌላ ኃላፊነት ታጨ። በዚህም መሰረት ከ 2018 ዓ.ም ጀምሮ በ206ኛ ኮር 24ኛ ክ/ጦር ም/ዘመቻ መምሪያ ኃላፊ ሆኖ ተመደበ፣ ፲ አለቃ ቻላቸው ሳህሉ በ24ኛ ክ/ጦር ም/ዘመቻ መምሪያ ኃላፊ ሆኖ ከተመደበበት ዕለት ጀምሮ ህይወቱ እስካለፈበት ሰአት ድርስ በርካታ ግዳጆችን በታማኝነት ደከመኝ ሰለቸኝ ሳይል ሲፈጽምና በርካታ ጀግና ታጋዮችን በወታደራዊ ሳይንስ በማነፅና በማብቃት ለትግሉ ሲያበረክት ቆይቷል።
ጀግና ይወድቃል እንጂ አላማው ፈጽሞ አይሞትም! ለአማራ ህዝብ ሞተን እናሳየዋለን ብሎ በገባው ቃል መሠረት ቻቻ መስከረም 15/2019 በደብረ ኢየሱስ ቀበሌ ሰፍሬ በተባለ ቦታ ላይ በነበረው ወሳኝ እልህ አስጨራሽ ውጊያ የጠላትን ጠንካራ ምሽግ በጀግንነት በመስበር እና በመደምሰስ ጠላትን በማመሳቀል አኩሪ ታሪክ ሰርቶ ለቆመለት የህዝብ አላማ ክቡር ህይወቱን አሳልፎ ሰጥቷል (መስዋዕት ሆኗል)። ቻቻ በስጋ ቢያልፍም፣ ያፈራቸው ሺህ ጀግኖች የጀመረውን ትግል ከዳር ያደርሳሉ፤ ስሙና ገድሉም ሁሌም በትውልዱ ልብ ውስጥ በክብር ሲታወስ ይኖራል።
"ክብር ለህዝባቸው ህልውና ሲሉ ውድ ህይወታቸውን ለገበሩ ጀግኖች ሁሉ ይሁን"!
አዲስ ትውልድ አዲስ ተስፋ አዲስ አስተሳሰብ!!
አፋብን ቴዎድሮስ ዕዝ 2ኛ ዕዝ 206ኛ ኮር 24ኛ ክ/ጦር ሚዲያ ክፍል
መስከረም 22/2019 ዓ/ም
የነቃ ማሕበረሰብ እየፈጠረ የሚገኘው ጀብደኛው ምኒልክ 1ኛ ዕዝ ከድሐና ወረዳ አምደወርቅ ከተማ የንግዱ ማህበረሰብ ጋር የተሳካ ውይይት አካሄደ!
በዋግኸምሯ ብሔረሰብ አስተዳደር ዞን የድሐና ወረዳ እና የወረዳው መቀመጫ በሆነው አምደወርቅ ከተማ ሰሞኑን ከብልፅግና መራሹ አገዛዝ ነፃ መውጣታቸውን ተከትሎ ከምኒልክ 1ኛ ዕዝ 13ኛ ኮር ከንግዱ ማህበረሰብ ጋር የተሳካ ውይይት ተደርጓል።
መስከረም 22/ 2019 ዓ/ም በተካሔደው ውይይት በተፈጠረው ወቅታዊ ሁኔታ ነጋዴውና ማህበረሰቡ እንዴት ተሳስቦና ተረዳድቶ መኖር እንዳለበትና ወቅቱን አስመልክቶ ህገ-ወጥ የመሰረታዊ ፍላጎቶች ግብዓቶች ክምችትና አላስፈላጊ ኪራይ ሰብሳቢነት እንዳይኖር ከነጋዴው ማህበረሰብ ምን ይጠበቃል በሚል አጀንዳ የተወያዩ ሲሆን ከመድረኩ በተሰጡ ዕድሎችም የንግዱ ማህበረሰብ ሃሳቦችን በነፃነት ሲሰጥና ሲያንሸራሽር ውሏል።
የንግዱ ማህበረሰብም መሰረታዊ ሸቀጦች ላይ ሰው ሰራሽ የዋጋ ጭማሪ እንደማያደርጉና አርሶ አደሩም የግብርና ተዋፅዖ ምርቶች ላይ ጭማሪ እንዳያደርግብን እና ይህንን ጊዜ አንዳችን ለአንዳችን እየተሳሰብን ይህንን የጨለማ ዘመን ማለፍ ይገባናል ብለዋል።
በመጨረሻም ውይይቱን የመሩት የ13ኛ ኮር እና የ139ኛ ክፍለጦር ከፍተኛ አመራሮችም ባስተላለፉት መልዕክት የድሐና ህዝብ በአማራነቱ ብሎም በኢትዮጵያዊነቱ የማይደራደር የዋግሹም ጓንጉል ብሩ - (አባ መርከብ) ሐገር የጣልያኖች የቀኝ ክንፍ ተዋጊ የነበረውን በቆራጥነት በመዋጋት አሸንፈው ጀኔራል አልቤርቶኒን የማረከ ጀግና ምድር ልጆች በመሆናችሁ የመጣብንን ባዕድ መንግስት እና ፀረ-አማራ ለማስወገድ በምናደርገው ተጋድሎ የአባቶቻችሁ የውርስ ባለቤት በመሆን በምትችሉት ሁሉ ከጎናችን እንድትሆኑ ያሉ ሲሆን ነጋዴውም በሞራል ድጋፋቸውን በመግለፅ ውይይቱ ተጠናቋል ሲል የ13ኛ ኮር ቃል አቀባይ መረጃውን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል።
ህልውናችን በተባበረ ክንዳችን!
የአፋብን ምኒልክ 1ኛ ዕዝ ሚዲያና ኮሚኒኬሽን መምሪያ
መስከረም፦ 22/ 2019 ዓ/ም
የፊስቡክ ፒጃችን በተደጋጋሚ እየተዘጋ ተቸግረናል ለማነኛውም ይህንን ይወዳጁን!!
https://www.facebook.com/share/1CR45sMyGW/
አሳዛኝ ዜና ❗
መስከረም 22/2019 ዓ ም
በሸዋ ጠቅላይ ግዛት ይፋትና ጥሙጋ አውራጃ አንፆኪያ ገምዛ ወረዳ ሀገረማርያም ሟጨራ ቀበሌ ሕዝብ ላይ የአገዛዙ ብልፅግና አመራሮች ኬሚሴ ባደራጁት ሚሊሻ ታጣቂ ቡድን ሕዝባዊ ጭፍጨፋና የዘረፋ ተግባር ፈፀመ።
የኦሮሞ ማሕበረሰብ አስተዳዳሪ የሆኑት አቶ አህመድ አሊ አባፋሮ የብልፅግና ስርዓት አገልጋይ የሆነውን የሚሊሻ ታጣቂ ቡድንን ከአርጡማ ፉርሲና ከዳዋ ጨፋ ወረዳዎች በማሠባሠብ፡ የሀገረማሪያም ሟጨራ ቀበሌ ነዋሪዎችን ጨፍጭፎ መዝረፉ ሲረጋገጥ፡ አርሶ አደሮቹ ከብቶቻቸውን በማሳቸው ላይ አሠማርተው ሰብላቸውን እያለሙ ባለበት ወቅት፡ በቀን 20/01/2019 ዓ.ም ዘረፋውና ግድያው ተፈፅሞባቸዋል።
በአገዛዙ ድጋፍ የሁለት ወረዳዎች ሚሊሻ ታጣቂ ቡድን፡ የሎጀስቲክስ ግብዓት እዲያገኝ ማሕበረሰብን በማስገደድ ምንም የታጠቀ ኃይል በሌለበት የአንዲትን ቀበሌ አርሶ አደሮች ንብረት በወረራ መልክ ከበባ በመፈፀም ከብቶቻቸው መወሰዳቸው ታውቋል። ይሕ ዘረፋ ሲፈፀም ከብቶቻቸው እየጠበቁ ማሳቸውን እያለሙ የነበሩ ስድስት ንፁሐን አርሶአደሮች መገደላቸውና ከዘጠኝ በላይ መቁሠላቸው ተረጋግጧል።
ይሕ ፀረ-ሕዝብ ስርዓት ለዘረፋ ተልዕኮው ያደራጀውን ታጣቂ ቡድን፡ በተቀነባበረ ሁኔታ ሕዝብን ከሕዝብ እዲጋጭለት በማሰብ፡ በአካባቢው ያለውን ኦሮሞ አርሶ አደሮችን በማነሳሳት ዘረፋውን ሲፈፅም፡ አቶ አህመድ አሊ አባፋሮ እና የአንፆኪያ ገምዛ ወረዳ የብልፅግና አመራሮች በጋራ ተናበው መፈፀማቸው ታውቋል።
የአንፆኪያ ገምዛ ወረዳ አስተዳደር የሕዝብን ቆላማ የማሳ መሬቶች እዳይለሙ ከማሳደር አልፎ፡ ሕዝብን በማጋጨት በሁለቱ ሕዝቦች መካከል የጠላትነት ፖሊሲ እየዘረጋ መሬትን እያሳደረ በግጭቱ የዘረፋ ተግባር በመፈፀም የሚሊሻ ደመወዝ እየከፈለ መሆኑ መረጃችን አረጋግጧል።
የጭፍጨፋት ( የተገደሉት) አርሶ አደሮች ስም ዝርዝር፦
1 ሸጋው አሰፋ
2.ማሞ ገዜ
3.ብዙነህ ጥላሁን
4.ደረጀ ብዙነህ
5.መሳይ ካሳው
6.እሸት ወሰን ሲሆኑ
በጭፍጨፋው ቆስለው የተረፉ አርሶ አደሮች ስም ዝርዝር፦
1.ሽመት ቸሩ
2.ሻምበል ማሞ
3.ይማኔ ታደሰ
4.ግርማ እሸቴ
5.ጣሌ አልታዬ
6.አልይ ሰይድ
7.አሰፋ ማሞ
8.ተስፋ በለጠ
9.ታደሰ ንጉስ ናቸው።
" ክብር ለትግሉ ሠማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ
+1
ወንጀለኛውን የዓብይ አህመድ አገዛዝ ለመገርሰስ ሰራዊታችን ጠላትን መደምሰስ ጀምሯል።
ዕዛችን ጎንደር ጠቅላይ ግዛት በላይ ዘለቀ 3ኛ ዕዝ በተሰለፈባቸው የአውደ ውጊያ ግንባሮች የዘረ ፈጁን ስርዓት ኢላማ ያደረገ ማጥቃት ይሰነዝራል።መሰንዘርም ጀምሯል።
ህዝባችን የተለመደውን ትብብር አጠናክሮ እንዲቀጥል እናሳስባለን!!
ህልውናችን በተባበረ ክንዳችን!!
አርበኛ ዮሐንስ ንጉሱ ሙጨ
አፋብን ጎንደር ጠቅላይ ግዛት በላይ ዘለቀ 3ተኛ ዕዝ ዳግማዊ ቴውድሮስ 5ተኛ ኮር ከድንዛዝ እስከ አርባያ ከተማ ድረስ ከጠዋቱ 12 ሰዓት ጀምሮ የአገዛዙን ወንበር አስጠባቂ እያናዘዙት ሲሆን 7 መድፍ የያዘው የአገዛዙ ሀይል አሁን በድንጋጤ ድረሱልኝ በማለቱ ከጎንደር ድሮን ተልኮለት ለማትረፍ እየተፍጨረጨረ ይገኛል ። ጀግኖችም ዘጠኝ ቦላሌ ከፈስ አያድንም በማለት ወደ ሰቆጣ ለማለፍ የመጣውን ባንዳ እያሰጡት ይገኛል ።
ዝርዝሩን ይጠብቁን ።
እስከዚያ ቴሌግራም ቻናላችን ይወዳጁን
https://t.me/httpsuYkZrGfSZrNjNjFk
ሰበር ዜና
የምኒልክ 𝟏ኛ ዕዝ 101ኛ ኮር የአገዛዙን ምሽግ በመስበር ድሽቃና በርካታ መሳሪያዎችን ማረከ!
በደቡብ ወሎ ዞን አምባሰል ወረዳ ልዩ ቦታው ማርዬ በተባለ አካባቢ መሽጎ በነበረው የአገዛዙ ሰራዊት ላይ የአማራ ፋኖ ብሔራዊ ንቅናቄ (አፋብን) ምኒልክ 𝟏ኛ ዕዝ 101ኛ ኮር መብረቃዊ ጥቃት በመክፈት ታላቅ የውጊያ ድል አስመዝግቧል።
ከ101ኛ ኮር 15ኛ እና 11ኛ ክፍለ ጦሮች በተውጣጡ የፋኖ አሃዶች በተካሄደው በዚህ ልዩ ወታደራዊ ኦፕሬሽን፤ የጠላትን ምሽግ ሙሉ በሙሉ በመስበር አንድ(𝟏) ዶሽቃን ጨምሮ በርካታ የካላሽንኮቭ ጠመንጃዎችን፣አይኮሞችና ልዩ ልዩ ወታደራዊ ትጥቆችን በቁጥጥር ስር ማዋል ተችሏል።
እንደ ንስር በከፍታ ላይ እየበረረ ለወገን የድል ብስራት፣ ለጠላት ደግሞ መረበሽን በማብሰር የሚታወቀው የምኒልክ 𝟏ኛ ዕዝ 101ኛ ኮር፤ በአካባቢው በሚያደርገው እንቅስቃሴ አሁንም አዲስ ታሪክ መስራቱን አጠናክሮ ቀጥሏል ሲል የ𝟏𝟎𝟏ኛ ኮር ሚዲያና ኮሙዩኒኬሽን መምሪያ መረጃዉን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል።
ህልውናችን በተባበረ ክንዳችን!
አፋብን ምኒልክ 1ኛ ዕዝ ህዝብ ግንኙነት መምሪያ!
መስከረም፦ 𝟐𝟐/ 𝟐𝟎𝟏𝟗 ዓ.ም
በደረቀው ሌሊት ከየት እንደሚነሳ የማያውቁት ፤ የት ላይ እንደሚወድቅ ያልተረዱት ፤ መከላከል የማይችሉት እና ኢላማውን የጠበቀ መበረቅ በገሐድ እየወረደ ሊያስመስሉ ሲጋጋጡ እንደ ማየት ሚያሳዝንም ሚያስደሰትም ነገር የለም !
የምንከተለው ፖለቲካ መር የትጥቅ ትግል ክንዱ የብረት አለሎ ከመሆኑ በላይ እንዳሸነፈ የምንረዳው ግን የገጠምነው ጠላት የመወጋት ሞራሉ የላሸቀ ፣ አንድነት የሌለው ፣ መረጃዎቹን በቀላሉ አሳልፎ የሚሰጥ እና በህዝቡ ዘንድ ተንቆ አይንህን ለአፈር ተብሎ የተተፋበት በመሆኑም ጭምር ነው ።
ይሄ አገዛዝ አጭበርብሮ ስልጣን የጨበጠ ፤ ስራው ሁሉ ህገ ወጥ የሆነ ፤ የሕዝብ ደም የጠማው ፤ ጦርነት ጠማቂ ስርአት ወፍ እንኳን እኛ ሳንፈቅድ መብረር አትችልም ሲል ነበር የጤና ችግር እንዳለበት መገመት እና መጠርጠር የነበረብን ። እስከ አፈቀላጤዎቹ ድረስ ምድር እና ሰማይን ለሰው ልጆች እኩል የፈጠረውን አምላክ በመርሳት በእበሪት ሰማዩ የኛ ነው (The sky is our ) ሲሉ የነበሩ የቤተ መንግስቱ ለማዳ እንስሳቶች እነ ናትናኤል መኮነን ዛሬ ላይ ድሮንን በኢሊኮፍተር ለመከላከል ሲሞክሩ ስናይ ' ሞኝ ባያፍር የሞኝ ዘመድ ያፍር ' ብለን ተገርመን ሳንጨርስ የገዳዩ ስርአት መሪ ጽ/ቤት በድሮን ተመታ ሲባል ለአብይ ያጎነበሱ እና በመስቀል ለመደበቅ የሚሞክሩት ስጋ ለባሽ ሰይጣኖች እነ ዳንኤል ክብረት ምን ተሰምቷቸው ይሆን ? አሁንም ተረተ ተረት ይዘው ብቅ ይሉ ይሆን ?
በራሱ ጊዜ ህዝብ የሰጠውን ተስፋ ቀርጥፎ ከበላ በኋላ መውጫ የሌለው የጦርነት አዙሪት ውስጥ የገባው አገዛዝ አሁን ላይ የሚዲያ ልሳኖቹ ሳይቀር እውነት ከስቲዲዮቻው እንዳትደርስ አድርገው ቢቀብሯትም ለህዝቡ ግን በተለያያ አማራጮች እየደረሰች የአገዛዙን ገመና በማሳየት የውሸታም ሰብሰብ መሆናቸውን ዓለም እንዲረዳ እያደረገች ነው ። የህዝቡን ሰላም እና ደህንነትን ማስጠበቅ አቅቶት በየቦታው በሞት የወጣቱን የነገ ተስፋ በመቀማት የሕዝብ ደም ማፍሰስን እንደ ተቀዳሚ ተግባሩ ያደረገው የዱርየ ስብስብ አሁን ጉሮሮውን ተይዟል ። በጌታቸው ፕሮፖጋንዳ ይሁን በፃድቃን የጦርነት ጥበብ አይድንም ፣ የአልሲስም ዲፕሎማሲ ይሁን ኢሳያስ ወዳጅነት የሚያድነውም የሚያስጠጋውም አይመስልም ። አሁን ሁለት ምርጫዋቹ ከእጁ ላይ ይገኛሉ እነሱም መሠረት ያጣበትን ስልጣን ለሽግግር መንግስትነት አሳልፎ መስጠት ወይም አይኑ እያየ አራት ኪሎን ለቆ መፈርጠጥ ብቻ ነው ። ከዚህ ውጭ የተሸከሙት የዛር መንፈስ እንኳን የሚያድናቸው ቢሆን ከዛር መንፈሱ መቀመጫው አካባቢ የተከሰተውን የደብረ ዘይቱን የድሮን ጥቃት በተከላከለ ነበር ።
የትብብር ኃይሉን በአገር ክህደት ስም ሊያጠፋ የሚዳዳው ተቅበዝባዥ ፣ ጥቅመኛ እና የጥቅም ባሪያ ሁሉ ለሌላ አገር አማፂ ቡድን ለዮናይትድ አረብ ኢሚሬትስ በመላላክ አሶሳ ላይ የድሮን ቤዝ መገንባት ትክክል ነው ወይ ? ከዚህም አልፎ የሌሎች አገራትን የአየር ክልል ጥሶ የድሮን ጥቃት መፈፀምስ ልክ ነበር ወይ ? የአገር ብሔራዊ ቅርሶችን ሽጠህ የራስክን ህዝብ ለመጨፍጨፍ አቅደህ በ ድሮን መለወጥስ ልክ ነበረ ወይ ? ብለህ ጥያቄ ብታነሳ ብርሐኑ ጁላ ወጦ ልመርጥልክ ነው ፡ ድሮን የገዛነው ልንዋጋበት ነው ቻለው ይልሐል ። በዚህ ስትገረም ይልማ መርዳሳም ብቅ ብሎ UAE ወንድም አገራችን ነው አሁን ላይ በኢትዮጵያ ሰማይ ላይ እኛ ሳንፈቅድ አይደለም ሌላ ነገር 'ወፍ' እንኳን ማለፍ አይችልም ብሎ ይናገራል ። ከሰሞኑ አይነት ድነገቴ ሲገጥመው ደግሞ ጉድጓድ ውስጥ እንደ ገባች አይጥ ድምጡን አጥፍቶ ለጥ ይላል ።
አሁን በሕዝብ ላይ የለ አግባብ ሲሰሩ የነበሩ ግፎች ፣ መከራዎች እና ስቃዮች አገዛዙን የመጨረሻ ሕቅታው እንድትቋረጥ ሊያደርጉት ነው ። ለዚህም ተማርኮ የሚያዘው ወታደር የፍርሐት ድንጋጤ የወጣው ፤ በእድሜ ትንሽ እና ታፍሶ የመጣ ሲሆን ተማርኮ የሚያዘው ካድሬ የፖለቲካ ሬሳ ሁኖ በህይወት በመትረፉ ፋኖን በእልቅሶ እና ሳቅ ታጅቦ ሲያመሰገን ታየዋለህ ። አጠቃላይ አገዛዙ መውጫ እና ማምለጫ በሌለው አዙሪት ውስጥ ገብቶ በተግባር አዲስ አበባ ላይ በደረቀው ሌሊት ከየት እንደሚነሳ የማያዩት የት ላይ እንደሚወድቅ ያልተረዱት መከላከል የማይችሉት ኢላማውን የጠበቀ መበረቅ በገሐድ እየወረደ ሊያስመስሉ ሲጋጋጡ እንደ ማየት ሚያሳዝንም ሚያስደሰትም ነገር የለም ።
አገር እሳት ላይ ሁና ምንም እንዳልተፈጠረ የሚያስመስሉት የጥቅም ባሪያ ሚኒስተሮች ፤ ሆድ አደር ጄነራሎች እና ቅጥረኛ አፈቀላጤዎች ዋናው ጉዳይ አገዛዙ ከአበቃለት የሚያስጠይቃቸውን አንኳር ጉዳዮች ስለሚያውቋቸው እና ከ ከባድ የአገር ክህደት ወንጀሎች ማምለጥ ስለማይችሉ ብቻ የእነሱን ልጆች ውጭ አገር በሰላም እያኖሩ ለዚህ ሁሉ ወንጀል ሽፋን እንዲሰጣቸው የድሐን ልጅ ለጥፋት የሚማግዱ መሪዎች በውስጣቸው እርስ በርስ የሚሻኮቱ ፤ ጠፍተው ከአገር ለመውጣት በር የተዘጋባቸው እንዲሁም በፈረሰ አስተሳሰብ ውስጥ የአንድነት መዋቅር ለመትከል የሚሞክሩ ደናቁርቶች ናቸው ። ለነዚህ ስልጣን ተብሎ መስዋዕት እየሆነ ያለ ሰራዊት ግንዛቤ ሊፈጠርለት እና ምክንያት ያለው ሞት እንዲሞት የሚመለከተው አገር ወዳድ ዜጋ ሁሉ መልዕክቱን እንዲያደርስ ተፈጥሯዊ ግዴታ ላይ አለበት ።
በመጨረሻም የህዝብ መሠረቱን አስጠብቆ ከዚህ የደረሰው ህዝባዊ አቢዮት የማይቀለበስ የህዝብ ማዕበልነቱን አስጠብቆ ፤ ፍትህ ማስፈንን የነጻነታችን ሃይል በማድረግ ይሄን የግሳንግስ ስብስብ በትብብር ጠራርጎ ለማስወገድ የጀመረውን ውጥን የሚያሳካበት ታሪካዊ ጊዜ እና ታሪካዊ ግዴታ ላይ ይገኛል ።
አዲስ ትውልድ ፣ አዲስ አስተሳሰብ ፣አዲስ ተስፋ !
አርበኛ ግሩም ምሳሌ
የቴዎድሮስ 2ተኛ ዕዝ ፖለቲካ መምሪያ ኃላፊ
