ፍኖተ-አማራ ሚዲያ (Finote Amhara Media)
الذهاب إلى القناة على Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
إظهار المزيد4 374
المشتركون
-324 ساعات
-617 أيام
-930 أيام
أرشيف المشاركات
የአማራ ፋኖ ብሔራዊ ንቅናቄ (አፋብን) ዕዞች የ2019 ዓ/ም የትምህርት ዘመን መደበኛ የመማር ማስተማር ሥራ በይፋ እንዲጀመር ጥሪ አቅርበዋል!!
ነሐሴ 27/2018 ዓ.ም።
ትምህርት ለአንድ ሀገር ማኅበራዊ፣ ኢኮኖሚያዊ እና ፖለቲካዊ እድገት ወሳኝ መሠረት መሆኑ በውል የሚታወቅ ሲሆን፤ ሀገራችን ከገጠማት ውስብስብ ችግር እና የጸጥታ ስጋት አንጻርም ጭምር የትምህርትን አስፈላጊነት ከግምት ውስጥ በማስገባት የ2019 ዓ/ም የትምህርት ዘመን በወቅቱ እና በአግባቡ እንዲጀመር የአማራ ፋኖ ብሔራዊ ንቅናቄ (አፋብን) ዕዞች ጥሪ አስተላልፈዋል።
የአማራ ፋኖ ብሔራዊ ንቅናቄ (አፋብን) ባስቀመጠው አጠቃላይ አቅጣጫ መሠረት፦
፩. አፋብን አሳምነው 5ኛ ዕዝ (በማኅበራዊ ጉዳዮች መምሪያ ኃላፊ አርበኛ አስታወሰኝ ላቀ በኩል) እንደገለጸው፤ ትምህርት ሰላም እና መረጋጋት ቢፈልግም፣ ከሀገራችን ነባራዊ ሁኔታ አኳያ በስጋት ውስጥ ሆነንም ቢሆን የ2019 ዓ/ም የትምህርት ዘመን የመማር ማስተማር ሥራ በወቅቱ እንዲጀመር አቅጣጫ ተቀምጧል። በመሆኑም በየደረጃው ያሉ የፋኖ አመራሮች፣ ወላጆች፣ መምህራን፣ ርዕሰ መምህራን እና የሚመለከታቸው አካላት ሁሉ የበኩላቸውን ኃላፊነት እንዲወጡ ጥሪ ቀርቧል።
፪. አፋብን ቴዎድሮስ 2ኛ ዕዝ ለሁሉም ኮሮች ባስተላለፈው ጥሪ፣ ድርጅታችን ባስቀመጠው አቅጣጫ መሠረት መደበኛ ትምህርት እንዲጀመር አሳስቧል። ለዚህም ስኬት አስፈላጊው ቅድመ ዝግጅት እንዲደረግ አሳስቦ፣ ሁሉም ኮሮች ትምህርት እንዲጀምሩ ጥሪ አቅርበዋል።
፫. አፋብን በላይ ዘለቀ 3ኛ ዕዝ (በማኅበራዊ ጉዳይ መመሪያ ኃላፊ አርበኛ ብዙአየሁ ወንድምነው አማካኝነት) በሰጠው መግለጫ፣ ድርጅቱ ያስቀመጠውን አቅጣጫ መሠረት በማድረግ በዕዙ ሥር የሚገኙ ሁሉም ኮሮች አስፈላጊውን ቅድመ ዝግጅት አድርገው ትምህርት እንዲያስጀምሩ አሳስቧል። ሙሉው ሕዝብ፣ መምህራን፣ የተማሪ ወላጆች እና ባለድርሻ አካላት አስፈላጊውን ኃላፊነት እንዲወጡ ጥሪ ተላልፏል።
፬. አፋብን ምኒልክ 1ኛ ዕዝ በሰጠው ማሳሰቢያ፣ የ2019 ዓ/ም የትምህርት መርሐ ግብር እውን እንዲሆን በቁጥጥራቸው ሥር በሚገኙ አካባቢዎች የሚገኙ ትምህርት ቤቶች ወደ ሥራ እንዲገቡና የምዝገባ ሥራዎች እንዲጀመሩ አሳስቧል፤ ለዚህም አስፈላጊው ትብብር እንዲደረግ ጥሪ አቅርቧል።
በአጠቃላይ የአፋብን ዕዞች ባስተላለፏቸው መልእክቶች፤ ትውልድን ለማዳን፣ አስተሳሰብን ለመገንባት እና ትናንትን በአዲስ ተስፋ ለመተካት ትምህርት ቤቶች መደበኛ አገልግሎታቸውን እንዲጀምሩና መላው የህብረተሰብ ክፍል አስፈላጊውን እገዛና ትብብር እንዲያደርግ አጽንኦት ተሰጥቷል።
— የአማራ ፋኖ ብሔራዊ ንቅናቄ(አፋብን) ወታደራዊ ቃል አቀባይ
02 سبتمبر, 13:41
የአብይ አህመድ አራዊት ሰራዊት የ1ዓመት ህፃንና የ70ዓመት ሽማግሌወች ላይ በዙ=23 ጉዳት አደረሰ።
==================
ነሐሴ 27/2018 ዓ.ም
አብይ አህመድ የአማራን ህዝብ አጠፋለው ብሎ ወደ ክልሉ ከገባ ጊዜ ጀምሮ ንፁሃንን በሁሉም የአማራ ቀጠናዎች ሰለቫ አድርጓል።
በሁለት እጅ እነሴ ወረዳ ቆንትር ቀበሌ በዛሬው እለት ከቀኑ 8:00 ሰዓት ላይ ከቤታቸው የተቀመጡ ንፁሀንን በዙ=23 ሰለቫ አድርጓቸዋል።
መኖር ያልተፈቀደለት ህዝብ መኖሪያ ቤቱ ድረስ እየተሰቃዬ ይገኛል።
ይኸውም
1.ብዙአለም አሰማ
2.ዳሳሽ ብየዋለሁ
3.ምትኬ ብዙአየሁ
4.አቧሀይ ጨቤ እና ለጊዜው በስም ያልደረሱኝ 2ወደ ጤና ጣቢያ የሄዱትን ጨምሮ ጭፍጨፋ ፈፅሟል።
አማራን የማጥፋት ዘመቻ በየቀኑ እየፈፀመ የሚገኘው አገዛዝ በአካባቢው ቁጣን ቀስቅሷል።
ህፃን በተኛበት የሚቀርበትን፤ አረጋዊ በመጡሪያው የሚረሸንበትን የጥፋት ዘመቻ አቅዶ የሚንቀሳቀሰው ብልፅግና መራሹ የአብይ አህመድ አማራ ጠል ስርዓት በፋኖነት መቃብሩ ይፈፀማል።
ህዝባችን ከወትሮው በተለዬ ራሱን ያዘጋጅ።
አ.ፋ.ብ.ን ቴወድሮስ 2ኛ ዕዝ 201ኛ ኮር ህዝብ ግንኙነት።
02 سبتمبر, 13:23
በእነማይ ወረዳ ከሚገኙ መምህራን ጋር በትምህርት ጉዳይ ወቅቱን ያማካለ ስብሰባ ተካሂዶል።
64ኛ ክ/ጦር ነሀሴ 27/2018 ዓ.ም
64ኛ ክ/ጦር ትምህርት በተመለከተ በእነማይ ወረዳ የሚገኙ መምህራን፣ ዕርሰ መምህራንና ሱፕር ቫይዘሮች ጋር ነሀሴ 27/2018 ዓ.ም በእነማይ ወረዳ ዲማ ንዑስ ከተማ ጥልቅ ውይይት አካሂዶል።
የብልፅግና አገዛዝ በዚህ ሶስት ዓመት ትምህርትን እንደ ትልቅ የፖለቲካ ፍጆታ በመጠቀም የፕሮፓጋንዳ መሳሪያ በማድረግ ሲጠቀምበት ቆይቷል። አገዛዙ በጊዚያዊነት በተቆጣጠረባቸው ቦታዎች ሳይቀር ማህበረሰቡን በመሰብሰብ ጽንፈኛው ልጆቻችሁ ትምህርት እንዳይማሩ ከልክሏል እኛ ግን ትምህርት እናስጀምራለን የሚሉ የሐሰት አጀንዳዎችን በመንዛት ማህበረሰቡን ከፋኖ ለመነጠል ከፍተኛ ጥረት ሲያደርግ ቆይቷል።
መድረኩን የመሩት የ64ኛ ክ/ጦር እና የእነማይ ወረዳ ጊ/መንግስት አመራሮች ጠላት በትምህርት ጉዳይ ሲያሰራጨው የነበረው የሐሰት መረጃ መሆኑን ግንዛቤ በመስጠት አፋብን በሚያስተዳድረው የትኛውም ቀጠና ትምህርት እንዲጀመር የፈቀደ መሆኑን ለመድረኩ ተሳታፊ መምህራን ሰፊ ግንዛቤ በመስጠት በእነማይ ወረዳ ፋኖ በተቆጣጠራቸው ነፃ ቀጠናዎች የትምህርት ተቋማት ከየትኛው የፀጥታ አካላት ነፃ እንደሚያደረግና ህዝባችን ልጆቻቸውን ወደ ት/ት ተቋማት እንዲልኩና ትምህርት እንዲጀምሩ ጥሪ አስተላልፏል።
በውይይት መድረኩ ከተገኙት መምህራን ጋር በተካሄደው ቅድመ አቅጣጫ መተግበር ያለባቸው ጉዳዩች ውስጥ ትምህርት ቤቶች ከማነኛም ወታደራዊ አካል ነፃ ማድረግ፣ በት/ቤቶች የትምህርት ቁሳቁስን እንዲሟሉ ማድረግ፣ የተሰባበሩ ወንበሮችን መጠገንና በአገዛዙ የወደሙ ት/ቤቶች ጥገናና እድሳት በማድረግ በ2019 ዓ.ም በሁሉም የ64ኛ ክ/ጦር ቀጠና ትምህርት እንዲጀመር አቅጣጫ ሰጥቷል።
አዲስ ትውልድ፣ አዲስ አስተሳሰብ፣ አዲስ ተስፋ!
ነሀሴ 27/2018 ዓ.ም
አፋብን ቴዎድሮስ 2ኛ ዕዝ 201ኛ ኮር 64ኛ ክ/ጦር ሕዝብ ግንኙነት
02 سبتمبر, 12:12
የአፋብን ፖለቲካ መምሪያ ኃላፊ አርበኛ ረ/ፕ ጌታ አስራደ በተገኘበት በመና መቀጠዋ ወረዳ አጊሳ ከተማ እና አካባቢዋ ማህበረሰብ ጋር ውይይት አካሄደ!
ነሐሴ 27/2018 ዓ.ም
አፋብን የበላይ ዘለቀ 3ኛ ዕዝ እና የ204ኛ አስቻለው ደሴ ኮር ከፍተኛ አመራሮች በመና መቀጠዋ ወረዳ አጊሳ ከተማ እና አካባቢዋ ማህበረሰብ ጋር ወቅታዊ ሁኔታዎችን በተመለከተ ፍሬያማ ውይይት አድርጓል።
በዚሁ ህዝባዊ መድረክ ላይ የአፋብን ፖለቲካ መምሪያ ኃላፊ አርበኛ ረ/ፕ ጌታ አስራደ ፣የአፋብን በላይ ዘለቀ 3ኛ ዕዝ ዋና ሰብሳቢ አርበኛ ዮሐንስ ንጉሱ፣ ተቀዳሚ ምክትል ሰብሳቢ አርበኛ ሰለሞን አጣናው፣ የዘመቻ መምሪያ ኃላፊ ጄኔራል ተሾመ አበባው፣ የፋይናንስ መምሪያ ኃላፊ አርበኛ ሀብታሙ ሙላው፣የሰው ሀይል አስተዳደር መምሪያ ኃላፊ አርበኛ አዳነ ፀጋ እና ሌሎች የኮርና የክፍለ ጦር ከፍተኛ አመራሮች ተገኝተዋል።
በመድረኩም አደረጃጀትንና አንድነትን ማጠናከር፣ የፋኖን ወቅታዊ የትግል ቁመና ጠንካራና ደካማ ጎኖችን በጥልቀት መገምገም፣ የቀጣይ የፖለቲካና የወታደራዊ ዘመቻዎችን ግብ ማስቀመጥ፣ እንዲሁም ከማህበረሰቡ ጋር ስላለው የደጀንነት አሰላለፍና አጠቃላይ የትግሉ ሂደት በተመለከተ ሰፊ ውይይት ተካሂዷል። በውይይቱ ላይ የተሳተፉት የአጊሳ ከተማ እና የአካባቢው ነዋሪዎች፣ የማህበረሰብ ተወካዮች፣ የሃይማኖት አባቶችና የሀገር ሽማግሌዎች የጎንደር ፋኖ ወደ አንድነት መምጣቱ ታላቅ ደስታ እንደፈጠረላቸው ገልጸው ማህበራዊ ፍትህን ማስፈን፣ህዝባዊ አደረጃጀቶችን ማስተካከል እና የአባት አርበኞችን አወቃቀር ወቅቱን የዋጀ እንዲሆን ማስቻል ተገቢ ነው ብለዋል።
ስለሆነም ግልጽ የሆነ የዕዝ ሰንሰለትና የአሰራር ስርዓት በመፍጠር የአካባቢን ሰላምና ፀጥታ በአስተማማኝ ሁኔታ ለማረጋገጥ ወሳኝ እርምጃ ሊወሰድ ይገባል ያሉት የውይይቱ ተሳታፊዎች ፣ የመረጃ የሞራል እና የመሰረታዊ ቁሳቁስ ድጋፍ በተቀናጀ ሁኔታ ለመምራት ያስችላል ዘንድ የኦዲትና የቁጥጥር ስራዎች መኖር አለባቸው ሲሉም አንስተዋል ።
በሌላ በኩል ህዝባዊ ደጀንነትን በተግባር ለማረጋገጥ መነሻ መሆኑን በመረዳት የመሰረተ ልማት እና ሌሎች ህዝባዊ ተቋማት ከአደጋና ከጉዳት እንዲጠበቁ ማድረግ ተገቢ ነው ሰመሉም አጽንኦት ሰጥተዋል።
በመጨረሻም የአፋብ ፖለቲካ መምሪያ ኃላፊ አርበኛ ረ/ፕ ጌታ አስራደ እና የዕዙ ከፍተኛ አመራሮች በተነሱ ጥያቄዎች እና አስተያየቶች ላይ ማብራሪያዎችን የሰጡ ሲሆን ህዝባችን ለትግሉ መሳካት ዋና መሰረት እና የጀርባ አጥንት መሆኑን ገልጸፀው ላለፍት ሦሥት ዓመታት በታዩ የመልካም አስተዳደር፣ የአደረጃጀት እና የፍትህ ጥያቄዎች ተገቢዎች መሆናቸውን በመውሰድ የታዩ ድክመቶችን በፍጥነት በማስተካከል ከህዝቡ ጋር በቅርበት ለመስራት ዝግጁ መሆናቸውን አረጋግጠው ፣ በየግንባሩ የሚደረገው መራር ትግል የህዝብን ህልውና፣ ነጻነትና ክብር ለማስጠበቅ ያለመ መሆኑን በመጠቆም፣ ህዝቡ የገባውን ቃል በማደስ ያደረገውን የመስመርና የደጀንነት ድጋፍ አጠናክሮ እንዲቀጥል ጥሪ አቅርበዋል።
ህልውናችን በተባበረ ክንዳችን!
አፋብን በላይዘለቀ 3ኛ ዕዝ የሕዝብ ግንኙነት መምሪያ
02 سبتمبر, 11:23
በምስራቅ ወለጋ ኪረሙ ወረዳ አዳዲስ የኃይል ምልመላዎች እና የደህንነት ስጋቶች መኖራቸው ተገለጸ
በኦሮሚያ ክልል ምስራቅ ወለጋ ዞን ኪረሙ ወረዳ በንጹሃን ዜጎች ላይ ያለውን የደህንነት ስጋት የሚጨምሩ አዳዲስ የኃይል ምልመላዎች እና የጥቃት ዝግጅቶች እየተካሄዱ መሆናቸውን የሚጠቁሙ ስጋቶች መውጣታቸው ተገለጸ።
ከአካባቢው የተገኙ መረጃዎች እንደሚያመለክቱት፣ በወረዳው በሚገኙ በየቀበሌዎቹ ከ60 እስከ 80 የሚደርሱ ወጣቶች በብልጽግና ባለስልጣናት እየተመለመሉ እንደሆነ ታውቋል።
እነዚህ የተመለመሉ ኃይሎች ከአካባቢው የጸጥታ አካላት ጋር በመቀናጀት፣ በወረዳው በሚኖሩ የአማራ ተወላጆች እና በንብረቶቻቸው ላይ ጥቃት ለማድረስ ዝግጅት እያደረጉ እንደሆነ ተጠቅሷል።
ከዚሁ ጋር ተያይዞ ዘመቻው ለመምራት ወደ አካባቢው ለሚገቡ የገዳ ኮማንዶ ኃይሎች አቀባበል እና ግብዣ ለማደራጀት በሚል፣ ከእያንዳንዱ ነዋሪ በነፍስ ወከፍ 500 ብር እንዲሰበሰብ ትእዛዝ ተላልፏል።
እንደ ምንጮቹ ዘገባ፣ ይህ የዘረፋና የጥቃት ዝግጅት በዋናነት ያነጣጠረባቸው ቀበሌዎች፦
* ሀሮ አዲስ አለም፣
* ኖሌ ገብርኤል፣
* ስደን፣
* ቦቃ፣
* ነጭሎ፣
* ወዴሳ ዲማ እና ሌሎች አቅራቢያ የሚገኙ ዐማራው በብዛት የሚኖርባቸው ቦታዎች እንደሆኑ ታውቋል።
02 سبتمبر, 03:14
የ2019 የት/ት ዘመንን አስመልክቶ ከመምህራን ጋር ጥልቅ ውይይት ተካሄደ!
ለ3 አመታት ተቋርጦ የነበረውን ት/ት ለማስቀጠል እና የተማረ ትውልድ መገምባት አስፈላጊ በመሆኑና የአፋብን ቴዎድሮስ ዕዝ ያወረደውን መመሪያ ተከትሎ የቅድመ ዝግጅት ስራዎዝና ከመምህራን ጋር ጥልቅ ውይይት ተካሂዷል።
ውይይቱ የተካሄደው ከውጊያ ጎን ለጎን በርካታ ስራዎችን እየሰራ በሚገኘው 34ኛ ክ/ጦር ከሚያስተዳድራቸው ወረዳዎች ውስጥ በሆኑት ደጀን ወረዳ እንድሁም አዋበል ወረዳ ሲሆን በመጭው የት/ት ዘመን ዙሪያ በርካታ ሀሳቦች ተነስተዋል።
በውይይቱ ላይ የተገኙት መምህራን እንድሁም ርዕሰ መምህራን ፋኖ ትምህር ለማስጀመር የሚያደርገውን ርብርብ አድንቀው እና አመስግነው ነገር ግን በርካታ ት/ቤቶች እንድሁም ለትምህርት የሚያስፈልጉ ቁሳቁሶች በአገዛዙ ተጭነው ተወስደዋል ፣ ተቃጥለዋል ያሉ ሲሆን ስለዚህ ፋኖ የሚችለውን ሁሉ ድጋፍ እንዳደርግልን ሲሉም ጠይቀዋል።
በውይይት መድረኩ ላይ የተገኙት የ34ኛ ክ/ጦር አመራሮች እንድሁም የወረዳ ጊዜያዊ መንግስት አመራሮች ፋኖ በተቆጣጠራቸው ቦታዎች ያሉ ት/ቤቶች ሙሉ ጥገና እና ጥበቃ ተደርጎላቸው ለአገልግሎት ዝግጁ መሆናቸውን ገልፀው አሁንም ድጋፋቸው እንደማይለይ ተናግረዋል ።
ነገር ግን በርካታ ት/ቤቶች እና ቁሳቀስ በአገዛዙ መዘረፋቸውንና መውደማቸውን የተናገሩ ሲሆን የተወሰዱ ጥሬ እቃዎች እንድመለሱ ጫና ማድረግ እንዳለባቸው ተናግረዋል ።
ምንጭ፦ በአፋብን ቴዎድሮስ 2ኛ ዕዝ 206ኛ ኮር 34ኛ ክ/ጦር ህዝብ ግንኙነት ክፍል!
02 سبتمبر, 03:13
+3
የኋላ ከሌለ የፊቱ አይኖርም! በአፋብን በጎንደር ሰማይ ሰር ግንባር የሚንቀሳቀሰው የበላይ ዘለቀ 3ኛ ዕዝ አመራሮችና አርበኞች የታሪክን መሠረትና የመስዋዕትነትን ዋጋ በግንባር ቀደምትነት በማሰብ፣ የማይረሳ የክብርና የደህንነት ጉብኝት አድርገዋል።
በዚህ ልብ የሚነካ መርሃ-ግብር ላይ አርበኛ ዮሐንስ ንጉሱ ሙጨ ተቀዳሚ ም/ሊቀመንበር አርበኛ ሰለሞን አጠና እና ሌሎች የትግል ጓዶቻቸው በአንድነት በመሆን የጀግናው ወንዱ አስቻለው ደሴ ወላጅ አባት እና እናት ዘንድ በአካል በመገኘት ሞቅ ያለ ሰላምታና የእንክብካቤ ጥየቃ አድርገዋል።
አርበኞቹ የወላጆችን ጤናና ደህንነት በጥበቃና በእንክብካቤ ከመጠየቅ ባለፈ፣ ለሀገርና ለትግሉ ስላበረከቱት ጀግና የከበረ የወንድማማችነት በማሰብ ወንድማችን ለእኛ ትልቅ ጉልበትና ብርታት ነው፤ የእናንተ አብራክ ደግሞ የሁላችንም ኩራት ነው!
በዚህ ውብ አጋጣሚ አርበኞቹ የጀግናውን ቤተሰቦች በመጎብኘት፣ ደህንነታቸውን በማረጋገጥና አብሮነታቸውን በማሳየት የማይናወጥ የትግል አጋርነታቸውን እና ጥልቅ አክብሮታቸውን ገልጸዋል። #Dave #Amhara
02 سبتمبر, 03:12
ቀን፡ 27/12/2018 ዓ/ም ቁጥር፡ አፋብን/አስ/ዕ/ማ/ጉ/መ/001/18
በየደረጃው ላሉ የፋኖ አመራሮች
ለወላጆች
ለመምህራንና ለርዕሰ መምህራን
ለሚመለከተው ሁሉ ባለበት
ጉዳዩ፡- ትምህርት ማስጀመርን ይመለከታል
------------------------------------------------------
ትምህርት ለአንድ ሀገር ማህበራዊ፣ ኢኮኖሚያዊ እና ፖለቲካዊ እድገት ወሳኝ መሳሪያ መሆኑ ግልፅ ነው። ምንም እንኳን ትምህርት ሰላም እና መረጋጋት ቢፈልግም የትምህርትን አስፈላጊነት ከግምት ውስጥ በማስገባት ሀገራችን ከገጠማት ውስብስብ ጉዳይ አኳያ በስጋት ሁኔታ ውስጥ ሆነንም ቢሆን ከላይ በርዕሱ ለመግለፅ እንደተሞከረው የ2019 ዓ/ም የትምህርት ዘመን የመማር ማስተማር ስራ በወቅቱ እና በአግባቡ እንዲጀመር ሲል አፋብን አሳምነው 5ኛ ዕዝ የማህበራዊ ጉዳዮች መምሪያ ያሳውቃል።
አስታውሰኝ ላቀ
አፋብን አሳምነው 5ኛ ዕዝ ማህበራዊ ጉዳዮች መምሪያ ሀላፊ
ድል ለአማራ ህዝብ!
ድል ለአማራ ፋኖ!
ክብር ለትግሉ ሰማዕታት!
02 سبتمبر, 01:26
ሰበር ዜና!!
የአማራ ፋኖ ብሔራዊ ንቅናቄ ምኒልክ 1ኛ ዕዝ የ102ኛ ኮር የ12ኛ ክፍለጦር ቃኝ በዞብል እና በተኩለሽ ግንባር በአገዛዙ ሰራዊት ላይ መብረቃዊ ጥቃት ፈፀሙ።
ነሐሴ 26 /2018ዓ/ም የ102ኛ ኮር የ12ኛ ክፍለጦር ቃኝ በሰሜን ወሎ ዞን በራያ ቆቦ ወረዳ ከቆቦ ከተማ በምስራቅ እና በምዕራብ በሚገኙ በዞብል እንድሁም በተኩለሽ በተባሉ አካባቢዎች በአገዛዙ ሰራዊት ላይ ያልተጠበቀ የደፈጣ ጥቃት ወሰዱ።
አገዛዙ ከቆቦ ከተማ በምዕራብ ግንባር እና በምስራቅ ግንባር ከሌሊቱ 10 ሰዓት ጀምሮ ጥቃት ሊከፍት እንዳሰበ የ102ኛ ኮር ፀረ-መረጃዎች ባገኙት መረጃ መሰረት የ102ኛ ኮር የ12ኛ ክፍለጦር ቃኝ በሌሊት ተስበው ቀድመው ቦታዎችን በመያዝ ጠላት ባልጠበቀው እና ባለአቀድው መንገድ ዋጋ አስከፍለውታል።
በመሆኑም አገዛዙ የ102ኛ ኮር የ12ኛ ክፍለጦር ቃኝ ጀግኖችን ክንድ መቋቋም ባለመቻሉ በሁሉም አቅጣጫ ወደ ኋላ እንድያፈገፍግ ተገዷል።
በአውደ ውጊያው የተገኘ አጠቃላይ ውጤት 7 ክላሽን ኮፍ መሳሪያ ፣ ስድሰት F1 ቦንብ ፣ አምስት የወገብ ትጥቅ ፣ሁለት ሞርኮ ፣ አስራ ሶስት የተደመሰሰ እንድሁም ስምንት የቆሰለ መሆኑን የ12ኛ ክፍለጦር ህዝብ ግንኙነት መረጃውን አድርሳል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
"ክብር ለትግሉ ሰማዕታት"
ህልውናችን በተባበረ ክንዳችን!
የአፋብን ወሎ(ቤተ-አማራ) ምኒልክ ዕዝ የ102ኛ ኮር ህዝብ ግንኙነት መምሪያ
ነሐሴ 27/2018 ዓ.ም
02 سبتمبر, 01:11
አፋብን በላይ ዘለቀ 3ኛ ዕዝ 204ኛ አስቻለው ደሴ ኮር ጋፋት ክፍለ ጦር የደፈጣ ጥቃት በመፈጸም በጠላት ላይ ከፍተኛ ኪሳራ አደረሰ!
በደቡባዊ ጎንደር ዞን ከደብረ ታቦር በቅርብ ርቀት ወደ ጋሳይ ከተማ በመጓዝ ላይ በነበረ የአገዛዙ ሰራዊት ላይ በተጣለ ደፈጣ 204ኛ አስቻለው ደሴ ኮር ጋፋት ክፍለ ጦር ደጀን ብርጌድ ከፍተኛ ሰብአዊ እና ቁሳዊ ጉዳት አድርሰዋል።
ልዩ ስሟ “ዋዶ” በተባለ ቦታ ላይ በተካሄደው ከባድ አውደ ውጊያ፣ የአገዛዙ ሚሊሻ አባላት የሆኑ 5 ሰራዊቶቹ ወዲያውኑ ሲደመሰሱ 7 የሚሆኑት ደግሞ ከባድ እና ቀላል የአካል ጉዳት አስተናግደው ደብረ ታቦር ሆስፒታል ገብተዋል።
በአውደ ውጊያው ከተደመሰሱ የአገዛዙ ኃይሎች 3 የነፍስ ወከፍ ክላሽኮቭ የጦር መሳሪያዎች ገቢ ሆነዋል።
ምንጭ፦በአፋብን 3ኛ በላይ ዘለቀ ዕዝ ሕዝብ ግንኙነት መምሪያ!
02 سبتمبر, 00:21
የአማራ ፋኖ ብሔራዊ ንቅናቄ ጤና መምሪያ ኃላፊ ዶክተር አቡበክር ሰይድ መሐመድ ያስተላለፈው መልዕክት!
ጃዋር መሀመድ እውነተኛ ቀለሙን አሳየ
መፅሐፍን በሽፋኑ አትመዝን!
አብሮ የማያኗኑር ፅንፈኛ ብሔርተኝነት አቀንቃኙ ጀውሐር መሐመድ ጭምብሉ ወልቆ እውነተኛ ቀለሙን ተገልጾ አየነው።
እውነት ለመናገር እንደ አንድ ሙስሊም ከነጥፋቱም ቢሆን የወንድምነት ስሜት ይሰማሀል። ይሻሻል ዘንድ በጎም ትመኝለታለህ። ሰው በፍጥረቱ ለሥህተት ቅርብ ነው።
ከተሳሳቾች ምርጦቹ ደግሞ ይህን ሀቅ የተረዱት፣ ለመታረምም ዝግጁ የሆኑትና ዳግም ከዚያው ሥህተታቸው ላይ ወድቆ ላለመገኘት የሚጠነቀቁት ናቸው።
የአማራ ጥላቻ ያሰከረው ጀውሐር ወንድማችን ግን ዛሬም አዳልጦት ወድቆ ጠብቶት ያደገው ፅንፈኛ ብሔርተኝነት ያለበሰውን ማቅ ለሱ በተሰላ መንገድ፣ ለአራዶቹ የነፃነት ዘቦች ግን ግልፅ በሆነ መንገድ ለማንሳት ሲሞክር ጭንብሉ ተገልጾ መበልፀጉን አሳበቀበት።
በርግጥ የጀውሐርን የፖለቲካ ሀሁ ለሚገነዘብ የሱ ፀረ ብልፅግናነት ለይስሙላ እንጅ የ7ኛ ጨውን ቦታ ባቋራጭ ቢሰጡት ከማንም በላይ በልፅጎ እንደሚገኝ ድሮም እሙን ነው።
እስልምና በኢትዮጵያ ..... የሚለውን መፅሐፍ በሽፋኑ ላለመመዘንና የማላውቀውን ለመገንዘብ ሲባል አነበብኩት። እንደዚህ በሙህራዊ ትንተና አለም አቀፍ የታሪክ ምንጮችን በማጣቀስ የሙስሊሙን የሀገር ባለቤትነት ማሳወቅና መብቱን መጠየቅ ማለማመድ የሚበረታታ መልካም ሥራ ሆኖ ነው ያገኘሁት።
ሙስሊሙ በሀገራችን የነበረውን የፖለቲካ ተሳትፎ ያሳድጋል ብየ አምናለሁ። ነገር ግን የሙስሊሙ ማህበረሰብ ጉዳይን በትከሻቸው ተሸክመው በህዝበ ሙስሊሙ ሥም ዘር አጥፊ ሥርአትን ማውገዛቸው ቢቀር በስልት መደገፍም ይሁን መተባበር ላይ ለሚገኙ ወንድሞቼ ልነግራቸው የምፈልገው ሀቅ ፋኖ አያደርገውም እንጂ በሌሎች አካባቢዎች ባየነው ተሞክሮ ቢሆን ለህዝበ ሙስሊሙ ቄራን እያዘጋጁለት እንደሆነ እንድያውቁት ነው።
ሙስሊሙ ማህበረሰብ እንደማንኛውም ኢትዮጵያዊ የተጎዳ እንደ አማራ ደግሞ በግ ተብሎ እየታረደ ባለበት ሁኔታ መቼ ነው የነፍስ መዳኛ፣ የፍትህና የእውነት ዘብነታችሁን የምናየው? እዚህ ላይ ለኔ የመልስ ምት የሚሆኑ አንዳንድ ክስተቶችን እንደምታነሱ አልጠራጠርም።
እኔም እላችኋለሁ ኑ ሁሉንም ኢፍትሃዊነቶች በጋራ እንታገላቸው። የእናንተ የበለፀገ ቤት ያለን ኢፍትሃዊነት እየታገልን እኛ ቤት ኢፍትሐዊነትን አናነግስም። ልጅ በጨቅላነቱ ለምን ሸናህብኝ አይባልም።
ድርጅት ሳይመሠረትና ሁሉም በመሠለው በሚንቀሳቀስበት ወቅ የታዘብናቸው ግድፈቶች ሊኖሩ ይችላሉ። አሁን በድርጅታዊ የተጠየቅ ሠንሠለት በሚሠራበት ወቅት ያ ይደገማል ብላችሁ እንዳታስቡ። ድርጅቴ ውስጥ የተማርኩት እውነተኛ ትግል ይህንን ነው።
በውርስ ሥልጣን ላይ የጃጀው ብልፅግናችሁ ብልግና መቼ ነው የሚታያችሁ? ሙስሊሙ ማህበረሰብ እንደማንኛውም ያገሬው ሰው ፀረ ህዝቡን ሥርአት እንዳይታገል የተሳሳተ ትርክት የምትሰጡትን ነገርስ መቼ ነው የምታቆሙት? በአለም ፊት በሰብአዊ መብት ጥሰትና በጦር ወንጀል የፍርድ አደባባይ ላይ መቅረብ ያለበትን ግለሰብ ከፈጣሪ የቅርብ ወዳጆች ተርታ ያሳለፉ የኛ የህዘበ ሙስሊሙ መሪ እጅግ በጣም አሳዝነውኛል።
ከገጠመን የህልውና ሥጋትና ሀገራዊ ቀዉስ ለመውጣትና ሙስሊሙም መብቱን በልኩ ለማስከበር ዛሬ ከኛ ከወንድሞቹ ጎን ሆኖ ይህንን ፀረ ሰው ሥርአት መታገል አለበት።
የአማራ ፋኖ ብሔራዊ ንቅናቄ ጤና መምሪያ ኃላፊ ዶክተር አቡበክር ሰይድ መሐመድ!
02 سبتمبر, 00:19
