Professional Engineering (PMP)

🎯🎯🎯 ទាំងចំណេះដឹង ទាំងសមត្ថភាព ទាំងបទពិសោធន៍ ប្រសិនបើយើងមិនប្រឹងសន្សំបន្តិចម្តងៗ ហើយជារៀងរាល់ថ្ងៃនោះទេ យើងក៏នឹងមិនមានថ្ងៃរីកចម្រើននោះដែរ។ ចូរប្រឹងសន្សំ និងធ្វើវាដោយការអត់ធ្មត់ មិនយូរទេ យើងនឹងសម្រេចគោលដៅរបស់យើង។

🎯🎯🎯 ជិតដាច់មួយសប្តាហ៍ទៀតហើយ តើបានធ្វើអ្វីខ្លះដែលមានការរីកចំរើនដល់ខ្លួនឯងហើយ ឬនៅ? មិនអីទេ បើមិនទាន់ចាប់ផ្តើម ក៏សូមចាប់ផ្តើមថ្ងៃនេះ ហើយឥលូវនេះ បន្ទាប់ពីអាន Status នេះចប់ !!! សាកគិតម្តងទៀត ថាយើងមានចំនុចខ្សោយអ្វី យកក្រដាសមួយសន្លឹក ហើយកត់ពីអ្វី ដែលយើងខ្សោយ ឬខ្វះខាត.... !!! បន្ទាប់ពីដឹងថា យើងខ្វះ ឬខ្សោយអ្វី ចូរចាប់ផ្តើមពង្រឹងចំនុចនោះ... ខ្វះអ្វី បំពេញនោះ មិនចេះអ្វី​ ចាប់ផ្តើមរៀនពីនោះ !!! សង្ឃឹម ហើយត្រូវតែសង្ឃឹមរាល់ថ្ងៃ !!! បើផ្លូវចិត្តចាប់ផ្តើមទន់ខ្សោយ កុំទាន់អាលសម្រេចចិត្ត ចូរប្រឹក្សាជាមួយខ្ញុំ !!!

🎯🎯🎯 ចង់បង្កើត Master Schedule មួយដ៏មានប្រសិទ្ធភាព និងអាចយកទៅប្រើប្រាស់បានសំរាប់ការសាងសង់ តើត្រូវធ្វើអ្វីខ្លះ? Master Schedule គឺជាផែនការគោលនៃគម្រោងសាងសង់ ដែលដើរតួនាទីដ៏សំខាន់ក្នុងការដឹកនាំគម្រោងអោយដើរទៅមុខ ដោយរលូន និងមានគោលដៅច្បាស់លាស់។ ការរៀបចំ Master Schedule គឺទាមទារអោយបុគ្គលនោះមានទាំងសមត្ថភាពចំណេះដឹងផ្នែក​ Project Management និងបទពិសោធន៍នៃការគ្រប់គ្រងគម្រោងអោយបានច្រើនឆ្នាំ ជាពិសេសលើគម្រោងធំៗ។ ចំនុចសំខាន់ៗមួយចំនួន ដែលត្រូវការចាំបាច់ក្នុងការរៀបចំ Master Schedule មានដូចជាៈ 🧿 ការស្គាល់អំពី Scopes នៃគម្រោងៈ Scopes គឺសំដៅទៅលើប្រភេទការងារគោលសំខាន់ៗនៃគម្រោងសាងសង់ ដែលម្ចាស់គម្រោងចង់បានពីក្រុមហ៊ុនសាងសង់។ Scopes ក៏អាស្រ័យផងដែរនឹងប្រភេទនៃគម្រោង មានន័យថា ប្រភេទគម្រោងខុសគ្នា នោះ Scopes ក៏មានការខុសគ្នាដែរ។ 🧿 ការបំបែកលម្អិតនៃ WBS [Work Break-Down Structure]: WBS គឺជាការងារលម្អិតនៅក្រោម Scopes នីមួយៗក្នុងគម្រោង ដែលមានភាពលម្អិត និងច្បាស់លាស់ ដើម្បីអោយភាគីសាងសង់ស្គាល់កាន់តែច្បាស់អំពីភាពលម្អិតនៃការងារ ដែលត្រូវធ្វើ។ 🧿 ការបំបែក Activites: នៅក្រោម WBS នីមួយៗ គឺមានសកម្មភាពការងារតាមលំដាប់ ដើម្បីបំពេញ WBS នីមួយៗអោយបញ្ចប់ដោយជោគជ័យ។ ការកំណត់ Activities នៅក្រោម WBS ទាមទារនូវការយល់ដឹងពីបច្ចេកទេសការងារការដ្ឋានអោយបានច្បាស់។ 📌📌📌ចូរផ្លាស់ប្តូរខ្លួនឯង តាមរយៈការសិក្សា និងដកស្រង់បទពិសោធន៍ពីប្រព័ន្ធ Project Management អោយបានច្រើន ដើម្បីក្លាយជាអ្នកគ្រប់គ្រងគម្រោងដ៏ល្អមួយ។

🎯🎯🎯ថ្ងៃនេះ​ គឺជាថ្ងៃល្អសំរាប់គ្រប់គ្នា ហើយម្នាក់ៗនឹងធ្វើវាបាន !!! រៀនទទួលស្គាល់ចំនុចខ្សោយរបស់ខ្លួនឯង ខ្វះខាតកន្លែងណា ត្រូវប្រឹងប្រែងរៀនសូត្របន្ថែមផ្នែកនោះ សម័យនេះ ចេះតិចពេក ឬចេះអ្វីដដែលៗ ជីវិតដើរមិនទាន់សង្គមនោះទេ។ រៀនអ្វីដែលយើងមិនធ្លាប់រៀន ហើយត្រូវជំនាញរបស់យើង នោះការចាប់ឪកាសនឹងទទួលបានផលនូវថ្ងៃណាមួយ !!!

🎯🎯🎯 ខែក្រោយនេះ ប្អូនៗនិស្សិត និងវិស្វករនឹងទទួលបាននូវចំណេះដឹងថ្មីនៃការប្រើប្រាស់កម្មវិធី Primavera P6 សម្រាប់ការគ្រប់គ្រងផែនការគម្រោង ជាពិសេសផ្តោតលើការគ្រប់គ្រងតម្ឡៃគម្រោង !!!

🎯🎯🎯 ខ្ញុំនឹងសរសេរសៀវភៅទាក់ទងនឹងការប្រើប្រាស់កម្មវិធី Primavera P6 ក្នុងពេលឆាប់ៗខាងមុខ ជាភាសាខ្មែរ ដើម្បីជំនួយដល់ប្អូនៗវិស្វករ ដែលត្រូវការពង្រឹងសមត្ថភាពបន្ថែមក្នុងការរៀបចំផែនការ និងគ្រប់គ្រងការដ្ឋាន !!!

🎯🎯🎯 Primavera P6 គឺជាកម្មវិធីដ៏មានប្រសិទ្ធភាពសម្រាប់ Planning, Scheduling និង Project Control ជាពិសេសសម្រាប់គម្រោងសំណង់ដែលមានទំហំធំ និងមានភាពស្មុគស្មាញ។ សារៈប្រយោជន៍សំខាន់ៗរួមមាន៖ ✅ រៀបចំ Project Schedule និងកំណត់ពេលវេលាចាប់ផ្តើម និងបញ្ចប់ការងារ ✅​ គ្រប់គ្រង WBS និង Activities ឱ្យមានរចនាសម្ព័ន្ធច្បាស់លាស់ ✅ កំណត់ Activity Relationships ដើម្បីគ្រប់គ្រងលំដាប់ការងារ និង Critical Path ✅ គ្រប់គ្រង Resources ដូចជា Labor, Equipment និង Material ✅ គ្រប់គ្រង Budget និង Cost ដើម្បីដឹងពីថវិកាដែលត្រូវប្រើប្រាស់ ✅ រៀបចំ Cash Flow និង S-Curve ដើម្បីបង្ហាញផែនការចំណាយតាមពេលវេលា ✅ តាមដាន Planned vs. Actual Progress ដើម្បីដឹងថាគម្រោងកំពុងយឺត ឬលឿនជាងផែនការ ✅ ជួយព្យាករណ៍ និងគ្រប់គ្រង Delay ដោយវិភាគ Critical Activities និង Schedule Impact ✅ ជួយ Project Manager សម្រេចចិត្ត ដោយផ្អែកលើទិន្នន័យពេលវេលា ធនធាន និងថវិកា

🎯🎯🎯 វិដេអូពន្យល់ទាក់ទងនឹង Method Statement នៃបច្ចេកទេសការងារ៖ ១. បច្ចេកទេសការងារ Sheet Pile ២. បច្ចេកទេសការងារ CBP (Concrete Bored Pile Wall) ៣. បច្ចេកទេសការងារជញ្ជាំងបេតុង D-Wall

🎯🎯🎯 ធ្វើជាវិស្វករការដ្ឋានអាចនឹងហត់ខ្លាំង ហើយខ្ញុំក៏ធ្លាប់ចាប់ផ្តើមពីចំនុចនេះដូចគ្នា តែតួនាទីមួយនេះនឹងផ្តល់បទពិសោធន៍ការងារជាច្រើនអោយយើង រួមនឹងភាពអត់ធន់ ការតស៊ូ និងភាពរឹងមាំក្នុងជីវិត និងជំនាញក្នុងការដឹកនាំការងារ... !!! ទោះបីជាតួនាទីនេះត្រូវហាលក្តៅ ហាលភ្លៀង គេមិនសូវអោយតម្លៃ តែចូរប្រឹងប្រែងឡើងបន្ថែមទៀត ចំនុចទាបមួយនេះ គឺជាមូលដ្ឋានគ្រឹះដ៏រឹងមាំសំរាប់ការចាប់គោលដៅលើវិថីសំណង់មួយនេះអោយកាន់តែខ្ពស់នៅថ្ងៃខាងមុខ...!!! កុំខ្វល់ថាមានរឿងអ្វី គេមើលមិនឃើញ ឬមិនអោយតម្លៃ ចូរកុំបាក់ទឹកចិត្ត ហើយធ្វើដើម្បីខ្លួនឯង ធ្វើដើម្បគោលដៅយើង និងបទពិសោធន៍ការងារយើង...!!! ចូរព្យាយាមស្វែងរកក្រុមហ៊ុន ជាពិសេសគម្រោង ដែលល្អ មានប្រព័ន្ធគ្រប់គ្រងបានត្រឹមត្រូវ នោះយើងនឹងឆាប់រីកចំរើននៅទីនោះ... !!!

🎯🎯🎯 Quality Control Checkling Flow សំរាប់ការងារសាងសង់? អ្វីទៅជា Qulaity Control Checkling Flow? វាជាដ្យាក្រាម ដែលបង្ហាញអំពីដំណើការទៅតាមជំហ៊ាននីមួយៗនៃការត្រួតពិនិត្យការងារមួយ ដើម្បីទទួលបាននូវគុណភាពទៅតាមស្តង់ដាបច្ចេកទេសតម្រូវ ឬម្ចាស់សំណង់/កុងស៊ុលតង់ចង់បាន។ Quality Control គឺជាទំនួលខុសត្រូវនៃភាគីពាក់ព័ន្ធ ដែលចូលរួមក្នុងការអនុវត្តការងាររួមមានៈ 🔲 ក្រុមហ៊ុនម៉ៅការទទួលការងារពីក្រុមហ៊ុនសាងសង់មេ [SUB CONTRACTOR] 🔲 ប្រធានការដ្ឋាន និងវិស្វករការដ្ឋានកាន់ការងារ 🔲 ផ្នែកគ្រប់គ្រងគុណភាពចុងក្រោយ [QA/QC SECTION] Checkling Flow នឹងជួយសំរួលដល់ដំណើរការនៃការត្រួតពិនិត្យការងារ និងធ្វើអោយភាគីពាក់ព័ន្ធនឹងទទួលខុសត្រូវលើការងាររៀងខ្លួន និងធ្វើអោយពួកគេដឹងអំពីការងារ ដែលត្រូវបំពេញ ក៏ដូចជាការត្រៀមឯកសារគោលសំខាន់ៗក្នុងការចុះត្រួតពិនិត្យការងារ។ ការទទួលខុសត្រូវក្នុងផ្នែកនីមួយៗ ដើម្បីគ្រប់គ្រងគុណភាពការងារបានល្អៈ ☑️ ផ្នែកក្រុមម៉ៅការ ឬក្រុមជាងៈ ដើរតួនាទីសំខាន់ក្នុងការអនុវត្តការងារទៅតាមប្លង់ និងស្តង់ដាបច្ចេកទេសតម្រូវអោយបានត្រឹមត្រូវ និងត្រូវយកចិត្តទុកដាក់ទៅលើទឹកដៃនៃគុណភាពការងាររបស់ជាង ☑️ វិស្វករការដ្ឋានៈ ណែនាំ តាមដាន និងយកចិត្តទុកដាក់ទៅលើដំណើរការងារ និងធ្វើការជួយផ្តល់ទីប្រឹក្សាលើបែបបទបច្ចេកទេសគោលសំខាន់ៗទៅកាន់ក្រុមម៉ៅការ ឬជាង អំឡុងពេលនៃអនុវត្តការងារការដ្ឋាន ☑️ ប្រធានការដ្ឋានៈ ដើរតួនាទីគ្រប់គ្រងពីលើវិស្វករការដ្ឋាន និងក្រុមម៉ៅការ/ជាង ដើម្បីធានាបាននូវការងារមានគុណភាព និងផ្តោតលើភាពរលូនទៅមុខនៃដំណើករការងារទៅតាមផែនការ ☑️ ផ្នែក QA/QC: ជាទូទៅ គេតែងយល់ច្រឡំថា ផ្នែក QA/QC ជាអ្នកទទួលខុសត្រូវធំជាងគេលើផ្នែកគ្រប់គ្រងគុណភាព ប៉ុន្តែតាមពិត ផ្នែកនេះគឺគ្រាន់តែជួយក្នុងផ្តល់ប្រឹក្សាយោបល់លើបែបបទបច្ចេកទេស និងធ្វើការត្រួតពិនិត្យគុណភាពចុងក្រោយ ដើម្បីបញ្ជាក់ថា ផ្នែកសាងសង់បានអនុវត្តការងារបានល្អ ត្រឹមត្រូវ មុនពេលផ្នែក QA/QC ស្នើរសុំម្ចាស់សំណង់ ឬផ្នែកកុងស៊ុលតង់មកធ្វើការចុះត្រួតពិនិត្យចុងក្រោយ។ QA/QC ក៍ដើរតួនាទីសំខាន់ក្នុងការរៀបចំរបាយការណ៍សំខាន់ៗផ្សេងៗទាក់ទងនឹងបញ្ហាគុណភាព (Defect Report) ដែលផ្តល់ដោយម្ចាស់សំណង់/កុងស៊ុលតង់ និងធ្វើការតាមដានទៅលើដំណើរការជួសជុលបញ្ហានៃការងារដោយក្រុមសាងសង់ មុនពេលស្នើរម្ចាស់សំណង់/កុងស៊ុលតង់មកធ្វើការត្រួតពិនិត្យសម្រេចម្តងទៀត។ ឯកសារគោលសំខាន់ៗក្នុងការចុះត្រួតពិនិត្យការងារៈ ជាការពិត ការចុះត្រួតពិនិត្យគុណភាពការងារមិនអាចចេះតែថាតាមមាត់ ឬអារម្មណ៍អ្នកដែលចុះត្រួតពិនិត្យនោះទេ ប៉ុន្តែអ្វីៗត្រូវតែមានឯកសារយោង ដូចជាៈ 🔘 ប្លង់សាងសង់សំរាប់អនុវត្តការងារ 🔘 តារាងត្រួតពិនិត្យការងារ [Checklist] 🔘 តារាង ITP [Inspection and Test Plan] 🔘 ឯកសារ Specification នៃសម្ភារៈប្រើប្រាស់ ជាដើម។ ការស្នើរសុំម្ចាស់សំណង់ ឬកុងស៊ុលតង់ចុះមកត្រួតពិនិត្យការងារចុងក្រោយៈ ដូចដែលបានបង្ហាញរួចមកហើយ ការចុះត្រួតពិនិត្យការងារចុងក្រោយរបស់ម្ចាស់សំណង់ ឬកុងស៊ុលតង់ត្រូវធ្វើឡើងបន្ទាប់ពីមានការត្រួតពិនិត្យផ្ទៃក្នុងរួចរាល់ពីក្រុមហ៊ុនសាងសង់ ទាំងផ្នែកក្រុមម៉ៅការ ប្រធានការដ្ឋាន/វិស្វករការដ្ឋាន និងផ្នែក QA/QC ផ្ទាល់។ ការចុះត្រួតពិនិត្យគុណភាពការងារចុងក្រោយរបស់ម្ចាស់សំណង់/កុងស៊ុលតង់ គឺត្រូវមានការស្នើរសុំជាលក្ខណៈផ្លូវការពីផ្នែក QA/QC តាមរយៈទំរង់ឯកសារ IR [Inspection Request] ដែលឯកសារនេះត្រូវតែបង្ហាញអោយបានលម្អិតទៅលើពត៌មានចាំបាច់មួយចំនួនដូចខាងក្រោមៈ ☑️ ប្រភេទការងារ ដែលត្រូវស្នើរចុះត្រួតពិនិត្យ ☑️ ទីតាំងការងារ ដែលត្រូវចុះត្រួតពិនិត្យ ☑️ កាលបរិច្ឆេទ និងពេលវេលា ដែលត្រូវចុះត្រូវពិនិត្យ ☑️ គោលបំណងនៃការចុះត្រួតពិនិត្យ ☑️ ឯកសារគោលសំខាន់ៗសំរាប់ការចុះត្រួតពិនិត្យដូចបង្ហាញក្នុងផ្នែកខាងលើ។

🎯🎯🎯 សារចុងក្រោយសម្រាប់ប្អូនៗ ដែលបានការពារសារណាចប់ …. “សរណាមិនបានកំណត់ថា ជីវិតពួកប្អូនៗជោគជ័យ ឬបរាជ័យនៅក្នុងជីវិតនោះទេ ប៉ុន្តែ ចូរយកសមត្ថភាព និងចំណេះដឹងពិតប្រាកដទៅស្វែងរកការងារធ្វើ និងបន្តអភិវឌ្ឍន៍ខ្លួនបន្តទៀតជាប្រចាំ ស្គាល់ពីខ្លួនឯងអោយច្បាស់ ហើយកំណត់គោលដៅជីវិតខ្លួនឯងអោយប្រាកដ ភាពជោគជ័យត្រូវការពេលវេលា និងសេចក្តីអំណត់ព្យាយាម“

🎯🎯🎯 ពេលបានជួបលោកគ្រូ អ្នកគ្រូជំនាន់មុនៗ ទើបដឹងថា ខ្ញីចាស់កាន់តែហិរ សំខាន់ពួកគាត់បាញ់ខ្លាំងជាងខ្ញុំទៅទៀត….

🎯🎯🎯 ពិធីឡើងការពារសារណា និស្សិតថ្នាក់បរិញ្ញាបត្របច្ចេកទេស NTTI សម្រាប់ថ្ងៃទី 1….

🎯🎯🎯 វិធីក្នុងការបង្កើនសមត្ថភាព: 1. ធ្វើផែនការផ្លូរដើររបស់ខ្លួន សួរបេះដូងខ្លួនឯងថា យើងចង់ទៅណា ធ្វើអ្វី ដើម្បីអ្វី! 2. ពេលមានផែនការត្រឹមត្រូវ ច្បាស់លាស់ហើយ ចូរ List នៅចំនុចខ្វះខាតរបស់ខ្លួន (Your Weekness) ហើយចាប់ផ្តើមកែរប្រែ ខ្វះ/ខ្សោយអី ចូរពង្រឹងហ្នឹង! 3. តាំងសតិអោយបានល្អ ចាស់ទុំ កុំប្រើអារម្មណ៍ដើម្បីដើរទៅរកគោលដៅ ! 4. ស្តាប់ និងអានអោយបានច្រើនពីអ្វីៗជុំវិញខ្លួនដែលជំនួយដល់គោលដៅជីវិតរបស់ខ្លួន! 5. អំនត់ ធ្វើអ្វីមួយត្រូវតាំងចិត្ត កុំធ្វើតែមួយឆាវ ឬតាមអារម្មណ៍ចង់តែមួយពេល! 6. បើកចិត្តអោយទូលាយ អោនលំទោន គោរព ដើម្បីស្គាល់មនុស្សខ្លាំងៗបានច្រើន! 7. ប្រឹងពង្រឹងទាំងចំនេះបច្ចេកទេស ការគ្រប់គ្រង ( Management) និង Soft Skill អោយខ្លាំង! 🔲 🔲 🔲 នេះជាចំនុចខ្លះៗ ដែលជាគំនិត និងអ្វីដែលខ្ញុំផ្ទាល់បានអនុវត្ត!!!

🧿🧿🧿 QS - SOP !!! តើអ្វីទៅជា SOP ? ហើយអ្វីទៅជា QS-SOP? SOP (Standard Operation Procedure) សំដៅទៅលើនិតិវិធីនៃការអនុវត្តការងារមួយ ប្រកបដោយស្តង់ដា និងបទដ្ឋានត្រឹមត្រូវ។ SOP ត្រូវបានរៀបចំសំរាប់គ្រប់ផ្នែកទាំងអស់នៅក្នុងមុខងារសំណង់ ដើម្បីអោយក្រុមហ៊ុន ឬស្ថាប័នមានដំណើរការដោយប្រសិទ្ធភាព និងតម្លាភាព។ SOP សំរាប់ផ្នែក QS [Quantity Surveying] ជាការរៀបចំបែបបទ និងស្តង់ដានៃរបៀបធ្វើការនៅក្នុង QS Department ដើម្បីធានាបាននូវដំណើរការងារ ចាប់តាំងពីពេលដេញថ្លៃគម្រោង រហូតដល់ការបញ្ចប់ការអនុវត្តគម្រោង។ ភាគីសំខាន់ៗ ដែលពាក់ព័ន្ធក្នុងផ្នែក QS -SOP រួមមាន: ❌ ប្រធានគ្រប់គ្រងការដេញថ្លៃគម្រោង - Tendering Manager ❌ ប្រធានផ្នែកប៉ាន់ស្មានតម្លៃគម្រោង - QS Manager ❌ ផ្នែក Top Management នៃក្រុមហ៊ុនសំណង់ ❌ ផ្នែកម្ចាស់គម្រោង និងកុងស៊ុលតង់តំណាង ការរៀបចំ SOP គឺត្រូវគិតអោយបានលម្អិតទៅលើចំនុចសំខាន់ៗ ដែលផ្នែក QS ត្រូវការ រួមទាំងទំនួលខុសត្រូវនៃភាគីពាក់ព័ន្ធ។ 📌📌📌 ចូរធ្វើការដោយមាន SOP ត្រឹមត្រូវ ទើបក្រុមហ៊ុនសំណង់មួយអាចមានដំណើរការល្អ និងរីកលូតលាស់ទៅមុខ។

🎯🎯🎯 វិធីសាស្រ្តនៃការបង្កើត និងគ្រប់គ្រងក្រុមហ៊ុនសំណង់ ជាសៀវភៅនិពន្ធស្នាដៃទី​៦ របស់ខ្ញុំ ដែលផ្តោតលើការរៀបចំក្រុមហ៊ុនម៉ៅការសាងសង់ ដោយចាប់ផ្តើមពីចំនុចតូចមក រហូតដល់ក្រុមហ៊ុនធំ និងប្រព័ន្ធនៃការគ្រប់គ្រងក្រុមហ៊ុនអោយមានប្រសិទ្ធភាព។ ក្នុងសៀវភៅនេះ ខ្ញុំបានសរសេរលម្អិតនូវចំនុចសំខាន់ៗមួយចំនួនដូចខាងក្រោម៖ ✅ និតិវិធីផ្លូវច្បាប់នៃការបើកក្រុមហ៊ុនសាងសង់ ✅ ការរៀបចំប្រព័ន្ធគ្រប់គ្រងក្រុមហ៊ុនសាងសង់សម្រាប់ផ្នែកការិយាល័យកណ្តាល (Head Office Management) ✅ ការរៀបចំប្រព័ន្ធគ្រប់គ្រងក្រុមហ៊ុនផ្នែកគ្រប់គ្រងគម្រោង/ការដ្ឋាន (Site/Project Management) ✅ ការគ្រប់គ្រងផ្នែកហិរញ្ញវត្ថុនៃក្រុមហ៊ុនសំណង់ ✅ ការគ្រប់គ្រងផ្នែកគុណភាពនៃគម្រោងរបស់ក្រុមហ៊ុនសំណង់ ✅ ការគ្រប់គ្រងផ្នែកសុវត្ថិភាពនៃគម្រោងរបស់ក្រុមហ៊ុនសំណង់ ✅ ការរៀបចំផែនការអនាគតក្រុមហ៊ុនសំណង់ ✅ ការពង្រីកក្រុមហ៊ុនអោយកាន់តែធំ និងមានប្រព័ន្ធគ្រប់គ្រងច្បាស់លាស់ ទនាក់ទំនងជាវសៀវភៅនេះតាមរយៈតេឡេក្រាម៖ @pitouvoek តម្លៃ៖ ៣៥​ ដុល្លា

🎯🎯🎯 សម្រាប់គ្រប់គ្នា ដែលចង់រៀបចំក្រុមហ៊ុន ម៉ៅការសាងសង់ ប្រកបដោយស្តង់ដាឡហើយចង់ប្រឹក្សាយោបល់ជាមួយខ្ញុំ អាចទំនាក់ទំនងតាមតេឡេក្រាមខ្ញុំខាងក្រោម: តេឡេក្រាម: @voekpitou