Professional Engineering (PMP)

🎯🎯🎯 វិធីសាស្រ្តនៃការបង្កើត និងគ្រប់គ្រងក្រុមហ៊ុនសំណង់ ជាសៀវភៅនិពន្ធស្នាដៃទី​៦ របស់ខ្ញុំ ដែលផ្តោតលើការរៀបចំក្រុមហ៊ុនម៉ៅការសាងសង់ ដោយចាប់ផ្តើមពីចំនុចតូចមក រហូតដល់ក្រុមហ៊ុនធំ និងប្រព័ន្ធនៃការគ្រប់គ្រងក្រុមហ៊ុនអោយមានប្រសិទ្ធភាព។ ក្នុងសៀវភៅនេះ ខ្ញុំបានសរសេរលម្អិតនូវចំនុចសំខាន់ៗមួយចំនួនដូចខាងក្រោម៖ ✅ និតិវិធីផ្លូវច្បាប់នៃការបើកក្រុមហ៊ុនសាងសង់ ✅ ការរៀបចំប្រព័ន្ធគ្រប់គ្រងក្រុមហ៊ុនសាងសង់សម្រាប់ផ្នែកការិយាល័យកណ្តាល (Head Office Management) ✅ ការរៀបចំប្រព័ន្ធគ្រប់គ្រងក្រុមហ៊ុនផ្នែកគ្រប់គ្រងគម្រោង/ការដ្ឋាន (Site/Project Management) ✅ ការគ្រប់គ្រងផ្នែកហិរញ្ញវត្ថុនៃក្រុមហ៊ុនសំណង់ ✅ ការគ្រប់គ្រងផ្នែកគុណភាពនៃគម្រោងរបស់ក្រុមហ៊ុនសំណង់ ✅ ការគ្រប់គ្រងផ្នែកសុវត្ថិភាពនៃគម្រោងរបស់ក្រុមហ៊ុនសំណង់ ✅ ការរៀបចំផែនការអនាគតក្រុមហ៊ុនសំណង់ ✅ ការពង្រីកក្រុមហ៊ុនអោយកាន់តែធំ និងមានប្រព័ន្ធគ្រប់គ្រងច្បាស់លាស់ ទនាក់ទំនងជាវសៀវភៅនេះតាមរយៈតេឡេក្រាម៖ @pitouvoek តម្លៃ៖ ៣៥​ ដុល្លា

🎯🎯🎯 សម្រាប់គ្រប់គ្នា ដែលចង់រៀបចំក្រុមហ៊ុន ម៉ៅការសាងសង់ ប្រកបដោយស្តង់ដាឡហើយចង់ប្រឹក្សាយោបល់ជាមួយខ្ញុំ អាចទំនាក់ទំនងតាមតេឡេក្រាមខ្ញុំខាងក្រោម: តេឡេក្រាម: @voekpitou

🎯🎯🎯 មនុស្សម្នាក់ៗសុទ្ធតែចាប់ផ្តើមចេញពីចំនុចសូន្យដូចគ្នា រួមទាំងខ្ញុំដែរ តែពេលយើងនៅត្រង់ចំនុចសូន្យ យើងមានជំរើសតែមួយគត់ គឺប្រឹងរៀន និងប្រឹងសន្សំបទពិសោធន៍អោយបានខ្លាំង។ ខ្ញុំធ្លាប់ចាប់ផ្តើមពីជីវិតជាកូនវិស្វករកំរិតទាបមួយ ដែលធ្លាប់បានធ្វើការតាមបង្គាប់បញ្ជាពីប្រធានផ្នែក ឬថ្នាក់លើ ពីព្រោះនៅត្រង់ចំនុចនោះ ខ្ញុំមិនមានសិទ្ធក្នុងការដឹកនាំ ឬធ្វើការសម្រេចចិត្តនោះទេ។ ក៏ប៉ុន្តែ ប្រសិនបើយើងស្ថិតក្នុងកាលៈទេសៈនោះ យើងត្រូវប្រើបញ្ញដោយភាពឆ្លាតវៃ ក្នុងការធ្វើខ្លួនអោយខ្លាំង ដើម្បីលោតចេញពីទីតាំងនោះអោយបានលឿនបំផុត។ ពេលនោះហើយ ដែលខ្ញុំប្រឹងរៀនអ្វីដែលខ្ញុំមិនធ្លាប់ដឹង ជាពិសេសរបៀបនៃការគ្រប់គ្រង (Management) ពីព្រោះខ្ញុំដឹងថា ចង់ឡើងទៅដល់តំណែងជាមេគេ មិនអាចធ្វើអ្វី ឬចេះអ្វីដដែលៗនោះទេ ហើយពេលនោះជាពេលដែលខ្ញុំប្រឹងលួចពីរបៀបនៃការដឹកនាំ និងការគ្រប់គ្រងរបស់មេធំៗ ជាពិសេសប្រធានគ្រប់គ្រងគម្រោង។ ចង់រំដោះខ្លួនចេញពីឋានៈតូចទាប ដែលឈានទៅដល់ការទទួលបានប្រាក់ខែច្រើន ឬអាចរហូតទៅដល់បើកការម៉ៅការខ្លួនឯង យើងត្រូវប្រឹងរៀនពីរបៀបនៃការគ្រប់គ្រងអោយបានច្រើន គ្រប់គ្រងទាំងការងារ គ្រប់គ្រងទាំងមនុស្ស និងការគ្រប់គ្រងទាំងលុយ។

🎯🎯🎯 ពេលយើងប្រឹងធ្វើល្អ ជួយអ្នកដទៃ ហើយគេនៅតែមិនអោយតម្លៃ ឬមិនយល់ពីយើង ថ្ងៃណា ដែលយើងដើរចាកចេញ យើងត្រូវចងចាំថា យើងគ្រាន់តែបាត់បង់មនុស្សធម្មតាម្នាក់ប៉ុណ្ណោះ តែគេជាអ្នក ដែលបាត់បង់មនុស្សល្អម្នាក់ដែលជួយជ្រោមជ្រែង សម្រាប់រូបគេ…..

🎯🎯🎯 ឆ្ងល់អត់ ថាហេតុអ្វីប្រឹងដូចគេដែរ តែហេតុអីមិនសូវទទួលបានលទ្ធផល ឬរីកចំរើនដូចគេ? ថ្ងៃនេះ ខ្ញុំទុកការចែករំលែកលើការគ្រប់គ្រងប្លង់ មកធ្វើការបង្ហាញខ្លះៗទៅលើសំណួរខាងលើ ដែលទាំងនិស្សិត និងអ្នក ដែលចេញធ្វើការកំពុងជួបប្រទះ។ វាមានកត្តាជាច្រើន ដែលយើងប្រឹងហើយ តែហាក់បីដូចជាពុំសូវទទួលបានលទ្ធផលល្អដូចគេ។ កត្តាសំខាន់ទាំងនោះរួមមានដូចការពន្យល់ខាងក្រោម៖ ១. កត្តាខ្លួនឯង 🟢🟢🟢 ☑️ ស្គាល់ខ្លួនឯងមិនទាន់បានច្បាស់ ជាពិសេសពីអ្វី ដែលបេះដូងយើងត្រូវការពិតប្រាកដ ☑️ ពុំសូវមាគោលដៅពិតប្រាកដ ឬមានដែរ តែជាគោលដៅតាមអារម្មណ៍ ឬតាមសង្គមមួយឆាវៗ ☑️ ការគ្រប់គ្រងអារម្មណ៍៖ មិនសូវចេះគ្រប់គ្រងអារម្មណ៍ខ្លួនឯងបានល្អ ជាពិសេស គឺការចង់មានចង់បានលឿនពេក ដោយមិនបានចាប់ផ្តើមពីចំនុចតូចៗមក ☑️ រៀនដឹងតែចំណងជើង ដឹងអ្វីមួយត្រឹមច្បោលៗ មិនបានសិក្សាស៊ីជម្រៅពីវា ☑️ ទំលាប់មិនសូវល្អ៖ មិនចេះកែប្រែទំលាប់ ដែលធ្វើអោយមានការអភិវឌ្ឍន៍ខ្លួនជាប្រចាំ ☑️ បិទទ្វាចំណេះដឹង៖ មិនសូវបើកចិត្ត និងមិនចង់បានចំណេះដឹងបន្ថែមពីអ្នកដទៃ ដែលប្រសើរជាងខ្លួន ☑️ គិតអីងាយៗ មិនសូវគិតអោយបានលម្អិត និងវែងឆ្ងាយតទៅ​មុខ ☑️ ខ្សោយទំនាក់ទំនង និងមិនសូវមានទំនុកចិត្តលើខ្លួនឯង ២. កត្តាខាងក្រៅ 🔵🔵🔵 កត្តាខាងក្រៅ គឺជាផ្នែកមួយបន្ទាប់ពីកត្តាខាងក្នុង (កត្តាខាងក្នុង ឬកត្តាខ្លួនឯងគឺសំខាន់ជាង) ដែលក្នុងនោះរួមមាន៖ ☑️ រៀនជំនាញ ដែលខ្លួនឯងមិនចូលចិត្ត តាមគ្នា មិនសួរបេះដូងខ្លួនឯងថា​ យើងស្រលាញ់ជំនាញនេះ ឬអត់ ហើយហេតុអ្វីបានជាយើងជ្រើសរើសយកវា? ☑️ រើសជំនាញត្រូវ និងស្រលាញ់ពេញចិត្ត តែសកម្មភាពអភិវឌ្ឍន៍ខ្លួនលើជំនាញនោះមិនសូវមានច្រើន ☑️ រើសសាលា ដែលមិនសូវមានការបណ្តុះបណ្តាលខ្ពស់ ឬមិនមានការយកចិត្តទុកដាក់ដល់និស្សិត ☑️ លេសច្រើន និងការសេពគប់ជាមួយមនុស្ស ដែលនាំតែគិតរឿងអវិជ្ជមាន ☑️ រើសតួនាទីនៅកន្លែងធ្វើការខុស ដែលធ្វើអោយមានអារម្មណ៍ថា មិនចង់អភិវឌ្ឍន៍ខ្លួនលើផ្នែកនេះ ☑️ រើសក្រុមហ៊ុន ដែលរញ៉េរញ៉ៃ ធ្វើការខុសតួនាទី គ្មានការគ្រប់គ្រងត្រឹមត្រូវ ☑️ ប្រឹងដែរ តែប្រឹងខុសគោលដៅ ប្រឹងខុសទីតាំង ប្រឹងខុសពីអ្វី ដែលខ្លួនឯងចង់បាន

🎯🎯🎯 មនុស្សខ្លះមានក្តីសុបិន្តចង់ទទួលបានជោគជ័យ តែអត់បានដឹងថា តើត្រូវធ្វើដូចម្តេចទើបទទួលបានភាពជោគជ័យនោះ... ចង់ទៅដល់ភាពជោគជ័យមួយ ដែលយើងប៉ងប្រាថ្នាមិនមែនមានភាពងាយស្រួលនោះទេ តែវាទាមទាអោយមានក្តីសុបិនដ៏រឹងមាំ ការកំណត់គោលដៅអោយច្បាស់លាស់ ការរៀបចំផែនការ ដើម្បីដើរអោយបានត្រឹមត្រូវ ហើយត្រូវមានសក​ម្មភាពធ្វើជាប្រចាំ ដោយមានវិន័យច្បាស់លាស់ .....

🎯🎯🎯 សៀវភៅនិពន្ធផ្ទាល់របស់ខ្ញុំស្នាដៃទី 10 នៅមានស្តុកនៅឡើយ.... សម្រាប់ការជាវ, អាចទំនាក់ទំនងតាមតេឡេក្រាមខ្ញុំបាន៖ តេឡេក្រាម៖ @pitouvoek តម្លៃសៀវភៅ៖ ៣៥ ដុល្លា

🎯🎯🎯 សម្រាប់ប្អូនៗ ដែលចង់បានវិដេអូពន្យល់ រហូតដល់ ៤០ វិដេអូ និងសៀវភៅមួយក្បាលទាក់ទងនឹងកម្មវិធី Microsoft Project នេះអាចធ្វើការទំនាក់ទំនងមកតេឡេក្រាមខ្ញុំផ្ទាល់ខាងក្រោមបាន ហើយសម្រាប់មាតិកាវិដេអូពន្យល់ទាំង ៤០ វិដេអូនៃកម្មវិធីនេះ គ្រប់គ្នាអាចធ្វើការ Review ក្នុង File PDF ខាងក្រោម។ តេឡេក្រាម៖ @pitouvoek តម្លៃវិដេអូ (៤០ វិដេអូ) + សៀវភៅមួយក្បាល៖ ៥០ ដុល្លា

🎯🎯🎯គោលដៅយើងនៅវែងឆ្ងាយ យើងគ្មានជម្រើសអ្វីក្រៅពីប្រឹងរៀន ប្រឹងធ្វើការ ប្រឹងបង្កើនសមត្ថភាពអោយខ្លាំងពីមួយថ្ងៃទៅមួយថ្ងៃ.... ជីវិតគឺជារបស់យើង អ្នកដទៃមិនខំប្រឹង ក៏យើងត្រូវតែខំប្រឹង ហើយកុំយកជីវិតគេមកប្រៀបធៀបជាមួយជីវិតរបស់យើង ព្រោះបរិបទនៃជីវិតនៃមនុស្សម្នាក់ៗ គឺមានភាពខុសគ្នា !!! រៀនធ្វើសេចក្តីល្អជាមួយនឹងមនុស្សជុំវិញខ្លួន បង្កើនទំនាក់ទំនង ដែលធ្វើអោយយើងមានការរីកចម្រើន នោះទើបយើងអាចឆាប់ចាប់យកគោលដៅជីវិតយើងបាន !!!

🎯🎯🎯 មុនពេលខ្ញុំចេញពីទឹកដីកូរ៉េខាងត្បូង ក្រោយពេលបញ្ចប់សញ្ញាបត្រអនុបណ្ឌិត សាស្រ្តាចារ្យជនជាតិកូរ៉េរបស់ខ្ញុំផ្តាំខ្ញុំថា “ ប្រទេសគាត់រីកចម្រើនបាន ដោយសារជនជាតិគាត់កាត់បន្ថយភាពអាត្មានិយម និងអោយតម្លៃជនជាតិខ្លួនឯងជាងសាសន៍ដទៃ “ ពាក្យនេះ ខ្ញុំតែងចាំក្នុងបេះដូងរបស់ខ្ញុំ ហើយយកចំណេះដឹង និងបទពិសោធន៍ ដែលខ្ញុំទទួលបានពីប្រទេសគេ យកមកចែករំលែកដល់យុវជនជំនាន់ក្រោយ….

🎯🎯🎯 នេះជាកិច្ចសន្យាការងារ ដែលខ្ញុំធ្វើការអោយក្រុមហ៊ុនមួយ មុនពេលខ្ញុំសម្រេចចិត្តឈប់ធ្វើការអោយក្រុមហ៊ុនទាំងអស់ ដោយចេញធ្វើអ្វីជារបស់ខ្លួនឯង។ នេះជាការដាស់តឿនដល់ប្អូនៗនិស្សិតអោយខិតខំប្រឹងប្រែងរៀនសូត្រអោយបានខ្លាំង និងត្រូវចេះអោយប្រាកដ នោះជំនាញសំណង់នឹងជួយយើងអោយមានជីវភាពធូធារបាន។ ការរៀនដឹងតែចំណងជើង រៀនរាក់ៗ ម្តងរៀនម្តងអត់ រៀនតាមអារម្មណ៍ រៀនបានតែសញ្ញាបត្រ តែមិនមានទំងន់នៅក្នុងខ្លួន នោះយើងពិតជាពិបាកនៅថ្ងៃខាងមុខ ហើយទីផ្សារការងារសម្រាប់យើងកាន់តែចង្អៀត។ កុំបោះបង់ការសិក្សា ខ្វះអ្វីរៀនបន្ថែមហ្នឹង វិនិយោគលើការសិក្សា វាប្រសើរជាងវិនិយោគលើការចាយវាយអត់ប្រយោជន៍ !!! អ្នកគេប្រឹង គេនឹងបាន យើងអង្គុយ Drama យើងនឹងនៅនឹងមួយកន្លែង !!!

🎯🎯🎯 អោយគេថាយើងមិនល្អចុះ ហើយអោយគេបន្តរឹះគន់ ឬមិនចូលចិត្តយើងទៀតចុះ តែត្រូវដឹងរឿងមួយថា យើងកំពុងធ្វើអ្វី ហើយមានគោលដៅអ្វីអោយច្បាស់.... ចូរចងចាំថា មនុស្ស ដែលចូលចិត្តរឹះគន់ ឬតាមដានជីវិតយើង ពួកគេមិនមានពេលវេលាគ្រប់គ្រាន់ ដើម្បីកសាងជីវិតពួកគេអោយប្រសើរឡើងនោះទេ....

🎯🎯🎯វិដេអូពន្យល់ពី "របៀបនៃការកំណត់តម្លៃការងារគម្រោង" (ផ្នែក QS)

🎯🎯🎯 វិដេអូមេរៀនពន្យល់លើជំនាញ QS លើផ្នែក "ប្រភេទ Cost សំខាន់ៗក្នុងការសិក្សាតម្លៃគម្រោង"

🎯🎯🎯 សៀវភៅនិពន្ធផ្ទាល់របស់ខ្ញុំស្នាដៃទី 10 នៅមានស្តុកនៅឡើយ.... សម្រាប់ការជាវ, អាចទំនាក់ទំនងតាមតេឡេក្រាមខ្ញុំបាន៖ តេឡេក្រាម៖ @pitouvoek តម្លៃសៀវភៅ៖ ៣៥ ដុល្លា

🎯🎯🎯 វិដេអូមេរៀនលើកម្មវិធី Microsoft Project ទាក់ទងនឹងចំនុចសំខាន់ៗដូចជា៖ ✅ 1. Baseline Cost ✅ 2. Acutal Cost ✅ 3. Cost Variance (CV)

🎯🎯🎯ថ្ងៃនេះ​ គឺជាថ្ងៃល្អសំរាប់គ្រប់គ្នា ហើយម្នាក់ៗនឹងធ្វើវាបាន !!! រៀនទទួលស្គាល់ចំនុចខ្សោយរបស់ខ្លួនឯង ខ្វះខាតកន្លែងណា ត្រូវប្រឹងប្រែងរៀនសូត្របន្ថែមផ្នែកនោះ សម័យនេះ ចេះតិចពេក ឬចេះអ្វីដដែលៗ ជីវិតដើរមិនទាន់សង្គមនោះទេ។ រៀនអ្វីដែលយើងមិនធ្លាប់រៀន ហើយត្រូវជំនាញរបស់យើង នោះការចាប់ឪកាសនឹងទទួលបានផលនូវថ្ងៃណាមួយ !!!