ERA ኢትዮጵያ መንገዶች አስተዳደር

የዓለምገና - ቡታጅራ መንገድ ግንባታ እየተካሄደ ነው ቡታጅራ፣ ጥቅምት 06፣ 2018 (ኢ መ አ):- የኦሮሚያ እና የማዕከላዊ ኢትዮጵያ ክልሎችን ጨምሮ በርካታ አካባቢዎችን የሚያስተሳስረው የዓለምገና - ቡታጅራ መንገድ ፕሮጀክት እየተካሄደ ነው። የመንገድ ፕሮጀክቱ ወደ አዳዲ ማርያም ገዳም የሚወስደውን የ12 ነጥብ 7 ኪሎሜትር መንገድ ጨምሮ በጥቅሉ 132 ነጥብ 7 ኪሎሜትር የሚሸፍን ሲኾን፥ በአስፋልት ኮንክሪት ደረጃ በመገንባት ላይ ይገኛል። ከጥቂት ወራት በፊት የተጀመረው የመንገድ ግንባታው አሁን ላይ የአፈር ቆረጣ እና ሙሌት፣ የውኃ መፋሰሻ ቱቦ ቀበራ እንዲሁም የፉካ ሥራዎች በመከናወን ላይ ናቸው። የመንገድ ፕሮጀክቱ በከተማ ክልል የብስክሌት እና የእግረኛ መንገድ፣ የአነስተኛ እና ከፍተኛ ከልቨርቶች እንዲሁም የ16 ድልድዮች ግንባታ አካትቷል። የመንገድ ግንባታውን የሚያከናውናው ሀገር - በቀሉ የንኮማድ ኮንስትራክሽን በርካታ ማሽነሪዎችን ወደ ሥፍራው በማንቀሳቀስ ፕሮጀክቱን ለማፋጠን እየሠራ ይገኛል። የማማከር እና የቁጥጥር ሥራውን ኤ አይ ሲ ፕሮጀቲስፓ ከስትራይድ ኮንሰልቲንግ ኢንጅነርስ ጋር በጥምረት ያከናውናሉ። ለመንገድ ግንባታው የተመደበው 14 ቢሊዮን ብር በፌደራል መንግስት በጀት ይሸፈናል። መንገዱ ከዚህ ቀደም ጠባብ እና በአገልግሎት ብዛት በእጅጉ የተገጎዳ ሲኾን፣ አሁን ላይ በየጊዜው እየጨመረ የመጣውን ከፍተኛ የትራፊክ ፍስሰት ማስተናገድ እንዲያስችል በዞን መቀመጫ የመንገድ አካፋይ፣ የእግረኛ እና የብስክሌት መንገድ ጨምሮ 26 ሜትር ስፋት ይኖረዋል። በወረዳ ከተማ 19 ሜትር፣ በቀበሌ ከተማ 12 ሜትር እንዲሁም በገጠር የመንገድ ትከሻን ጨምሮ 10 ሜትር የጎን ስፋት ይኖረዋል። የመንገድ ግንባታው ሲጠናቀቅ በፊት ከዓለምገና ቡታጅራ ለመጓዝ የሚወስደውን ከ3 ሰዓት በላይ የጉዞ ጊዜ ወደ 1 ሰዓት ተኩል ያሳጥረዋል። በአካባቢው የሚገኙትን የጥያ ትክል ድንጋይ መካነ-ቅርስ እንዲሁም የአዳዲ ማርያም ገዳም የቱሪስት መዳረሻዎችን ለጎብኘዎች ምቹ በማድረግ ረገድ ከፍተኛ ጠቀሜታ ይኖረዋል። በመንገዱ የሚገኙትን ዓለምገና፣ ሌመን፣ ተሬ፣ ጥያ፣ ሱተን፣ ኬላ፣ ቡታጅራ እና መሰል ከተሞች ማኅበራዊ እና ምጣኔ ሀብታዊ ትስስር ያጠናክራል። በተጨማሪም የተለያዩ የግብርና ምርት ውጤቶችን በቀላሉ ወደ ማዕከላዊ ገበያ ለማድረስ ያስችላል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የኢትዮጵያ መንገዶች አስተዳደር የሥራ ኃላፊዎችና ሰራተኞች የብሔራዊ የሰንደቅ ዓላማ ቀንን አከበሩ አዲስ አበባ፣ ጥቅምት 3፣ 2018 (ኢመአ) : የኢትዮጵያ መንገዶች አስተዳደር የሥራ ኃላፊዎችና ሰራተኞች የብሔራዊ የሰንደቅ ዓላማ ቀንን “ሰንደቅ ዓላማችን ለኢትዮጵያ ታላቅ የከፍታ ዘመን ብሥራት፣ ለብሔራዊ አንድነታችን፣ ለሉዓላዊነታችንና ለኢትዮጵያ ሕዳሴ!” በሚል መሪቃል አከበሩ፡፡ ቀኑን አስመልክቶ በተላለፈው መልዕክት ሰንደቅ ዓላማ የኢትዮጵያ የጀግንነት፣ የአሸናፊነት፣ የአንድነትና የድል ምልክት እንደሆነና አባቶቻችን ለሀገር ሉዓላዊነት አጥንታቸውን ከስክሰውና ደማቸውን አፍሰው ያቁዩት የሉዓላዊነት ምልክዕት መሆኑ ተገልጿል፡፡ “አርበኝነትና ጀግንነት በደም ብቻ ሳይሆን በላብ ማህተም የሚጸና ነው” በሚል ተሰምሮበታል፡፡ ቀኑን ስናከብር በብዝሃ አርበኝነትና ጀግንነት ለኢትዮጵያ መንሰራራት በአንድነት መቆም እንደሚገባም መልዕክት ተላልፏል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የያቤሎ ከተማ ተለዋጭ አስፋልት መንገድ ፕሮጀክት 98 በመቶ ተጠናቀቀ አዲስ አበባ፣ መስከረም 30 ቀን 2018 ዓ.ም (ኢመአ): ሰባት ነጥብ አራት ኪሎሜትር የሚረዝመው የያቤሎ ከተማ ተለዋጭ አስፋልት መንገድ ፕሮጀክት 98 በመቶ ተጠናቅቋል፡፡ የመንገድ ግንባታው በአስፋልት ኮንክሪት ደረጃ እየተሰራ የሚገኝ ሲሆን፣ ፕሮጀክቱን በማካሄድ ላይ ያለው የስራ ተቋራጭ የኢትዮጵያ ኮንስትራክሽን ስራዎች ኮርፖሬሽን ነው፡፡ የማማከርና የቁጥጥር ስራውን ቤስት ኮንሰልቲንግ ኢንጂነርስ ኃ.የተ.የግ.ማ. በጥምረት እየሰሩ ነው፡፡ መንገዱ በሁለት መቶ ዘጠና ስድስት ሚሊዮን ስምንት መቶ ሃምሳ ሶስት ሺህ አምስት መቶ ዘጠና ዘጠኝ ብር (296,853,599 ) እየተገነባ የሚገኝ ሲሆን፣ ወጪው በኢትዮጵያ መንግስት ተሸፍኗል፡፡ በመንገድ ስራው ከተከናወኑት ስራዎች መካከልም የጠረጋ ስራ፤ አፈር ሙሌት፣ የመንገድ ግራና ቀኝ የዉሃ ማፍሰሻ፣ የድልድይ እና የአስፋልት ስራ ተከናውነዋል፡፡ በመንገዱ ግንባታ በእስካሁኑ ስራም 7 ኪሎ ሜትር ሙሉ በሙሉ የአስፋልት ስራ ተጠናቋል፡፡ መንገዱ 21.5 ሜትር ስፋት ሲኖረው፣ 14 ሜትር አስፋልት፤ የእግረኛ መንገድ እና የመንገድ አካፋይን አካቶ ይዟል ፡፡ የመንገድ ግንባታ ስራው ሲጠናቀቅ በኦሮሚያ ክልል ቦረና ዞን ያቤሎ ከተማ የሚስተዋለውን ከፍተኛ የትራፊክ ጫና ይቀንሳል፡፡ የዞኑ ዋና መቀመጫ ከመሆኑም በተጨማሪ የመንገዱ መገንባት ለነዋሪዎቹ ኢኮኖሚያዊና ማህበራዊ ጠቀሜታዎችን ያስገኛል፡፡ ለአብነትም የቀንድ ከብት ንግድ፣ ለስንዴ ምርት፣ ለጤፍ ፣ ለማዕድን ምርት ብሎም በአከባቢው ለሚገኘው የቦረና ብሄራዊ ፓርክን ጨምሮ የዚህ መንገድ ግንባታ ከፍተኛ አስተዋጾ ያበረክታል፡፡ መንገዱ ቀጠናዊ የንግድ ትስስርን ከማጠናከር አንጻርም ትልቅ አስተዋጽኦ ያበረክታል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የኢ .ፌ. ዴ. ሪ ከተማና መሰረተ ልማት ሚኒስቴር እና የኢትዮጵያ ኮንስትራክሽን ስራ ተቋራጮች ማህበር የመግባቢያ ሰነድ ተፈራረሙ አዲስ አበባ፣ መስከርም 28 ፣ 2018 (ኢ መ አ):- የስምምነት ሰነዱ በቅርቡ ይፋ የሆነውና እ. ኤ. አ ከ2025-2050 ባሉት 25 ዓመታት ውስጥ እንዲሣካ የሚጠበቀውን የኮንስትራክሽን ኢንደስትሪ ትራንስፎርሜሽን ኢኒሼቲቭ ከፍ ወዳለ የእድገት ደረጃ ለማሸጋገር ከፍተኛ ፋይዳ ያለውን ነው፡፡ ስምምነቱን የከተማና መሰረተ ልማት ሚኒስቴርን በመወከል የሚኒስቴር መስሪያ ቤቱ ሚኒስትር ድኤታ ክቡር የትምጌታ አስራት እንዲሁም የኢትዮጵያ ኮንስትራክሽን ስራ ተቋራጮች ማህበርን በመወከል ደግሞ የማህበሩ ፕሬዚዳንት የሱፍ መሀመድ ተፈራርመዋል ። ከዘርፉ ባለድርሻ አካላት ጋር በመቀናጀት ፕሮጀክቶችን በተያዘላቸው የጊዜ ሰሌዳ እና የፋይናንስ ዕቅድ የጥራት ደረጃቸውን ጠብቀው እንዲሰሩ ለማድረግ በቁርጠኝነት እንደሚሰራ በስምምነቱ ወቅት ተገልጿል፡፡ ከስምምነቱ አላማዎች መካከልም ለኮንስትራክሽን ኢንደስትሪው ትራንስፎርሜሽን ኢኒሼቲቭ መሳካት የባለድርሻ አካላትን ማስተባበር ፣ ከብልሹ አሰራር በፀዳ መልኩ የጋራ እና የተናጥል ኃላፊነት መውሰድ ፣ ለሚፀድቁ መመሪያዎች ተገዥ መሆን ተጠቃሾች ናቸው ። ከዚህም ባሻገር ለኮንስትራክሽን ኢንደስትሪው እድገት የሚበጁ አዳዲስ ቴክኖሎጂዎችን ፣ የአሰራር ስርአቶችን ፣ እንዲሁም የተለያዩ ስልጠናዎችን ለስራ ተቋራጮች ተደራሽ እንዲሆኑ ቀጣይነት ባለው መልኩ በጋራ መስራትም የሰነዱ ተጨማሪ አላማዎች ናቸው ። በስራ ላይ እንዲውሉ የሚዘጋጁ አዋጆች ፣ ደንቦችና መመሪያዎች አሳታፊ በሆነ መንገድ እንዲዘጋጁና ተግባራዊ እንዲሆኑ ማድረግ ፤ ፕሮጀክቶቹ በተያዘላቸው እቅድ መሰረት እንዲመሩ ማስቻል ፣ የተጀመሩ የአቅም ማጎልበቻ ተግባራትን ማጠናከር እና የቴክኖሎጂ ሽግግርን በማመቻቸት ተወዳዳሪነትን መፍጠር በሚኒስቴሩ እና በተቋራጮች በኩል ከሚከናወኑ ተግባራት መካከልም በዋናነት ይጠቀሳሉ፡፡ በተጨማሪም በሚኒስቴሩ በኩል እየተዘጋጀ ስላለው የኢንዱስትሪ ስነ-ምግባር መመሪያ የማህበሩ አባላት ተገቢውን ግንዛቤ አግኝተው ተገዥነታቸውን በማረጋገጥ ከሚኒስትሩ ጋር በጋራ እንደሚሰሩ ተገልጿል ። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የኮንስትራክሽን ኢንዱስትሪውን አሠራር ማዘመን ለዲጅታል ኢትዮጵያ ወሳኝ ተደማሪ ምዕራፍ ነው - ሚንስትር ጫልቱ ሳኒ አዲስ አበባ፣ መስከርም 27፣ 2018 (ኢ መ አ):- የኮንስትራክሽን ኢንዱስትሪውን ዲጅታይዝ ማድረግ ዲጅታል ኢትዮጵያን በማረጋገጥ ረገድ ወሳኝ ሚና አለው ሲሉ የከተማ እና መሠረተ ልማት ሚንስትር ጫልቱ ሳኒ ተናግረዋል። የኮንስትራክሽን ኢንዱስትሪውን የአሠራር ሥርዓት ለማዘመን የሚያስችለው የ "ኮንስትራክሽን ሬጉላቶሪ ኢንፎርሜሽን ሲስተም" ዲጂታል የመተግበሪያ ሥርዓት በዛሬው ዕለት በብሔራዊ ሳይንስ ሙዚየም በይፋ ተበስሯል። የከተማ እና መሠረተ-ልማት ሚንስትር ጫልቱ ሳኒ በዚሁ ወቅት እንደተናገሩት፤ ዛሬ ይፋ የተደረገው ዲጅታል መተግበሪያ በቅርቡ ይፋ የተደረገው የኮንስትራክሽን ኢንዱስትሪ ትራንስፎርሜሽን ኢንሼቲቭ አንዱ አካል ነው። የዲጅታል መተግበሪያው የኮንስትራክሽን ኢንዱስትሪው ዘላቂ ተወዳዳሪ እና ተጠያቂነት የሰፈነበት እንዲኾን በማስቻል ረገድ ወሳኝ ምዕራፍ ነው ብለዋል። ይህም በዘርፍ ላይ ይበልጥ ዕምነት እንዲፈጠር ያስችላልም ብለዋል። ፕሮጀክት በማስተዳደር እና በመፈጸም ረገድ አዎንታዊ ለውጦች መታየታቸውን ያነሱት ሚንስትሯ፣ መተግበሪያው ዘርፉን ይበልጥ ውጤታማ የሚያደርግ መኾኑን ገልጸዋል። የዲጅታል መተግበሪያው በኢንፎርሜሽን መረብ ደኅንነት ኤጀንሲ መልማቱ መንግስት ለዲጅታል ኢትዮጵያ የሰጠው ትኩረት አንዱ ማሳያ እንደኾነም ተናግረዋል። የኢትዮጵያ ኮንስትራክሽን ባለሥልጣን ዋና ዳይሬክተር መስፍን ነገዎ (ዶ/ር) በበኩላቸው፤ የኮንስትራክሽን ዘርፍ ከአጠቃላይ ኢኮኖሚው 20 በመቶ ድርሻ እንዳለው አንስተው ኢንዱስትሪውን ወደ ላቀ ደረጃ ለማሸጋገር ወሳኝ ምዕራፍ ነው ብለዋል። የዲጅታል መተግበሪያው የዘርፍን የአሠራር ሥርዓት በማዘመን ብልሹ አሠራርን የሚያስቀር፣ ግልጽነት እና ተጠያቂነት እንዲሰፍን የሚያስችል መኾኑን ተናግረው። ሶፍትዌሩ 9 ንዑሳ ክፍሎች እንዳሉት ያነሱት ዋና ዳይሬክተሩ ደኅንነቱ ሙሉ በሙሉ የተረጋገጠ መረጃ የሚሰጥ ሥርዓት ነው ብለዋል። ከግንባታ ፍቃድ ጋር ተያይዞ የተንዛዙ የአሠራር ሂደቶችን በማስቀረት የተቀላጠፈ የአሠራር ሥርዓት መኾኑንም አንስተዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

ኔጌሌ ቦረና -ዶሎ አዶ-መልካ ሶፍቱ ሎት 1 የመንገድ  ፕሮጀክት 98 በመቶ ግንባታ ተጠናቋል አዲስ አበባ መስከረም 22፣ 2018 (ኢ .መ. አ) ሀገራችን በኦሮሚያ ክልል ምስራቅ ቦረና ዞን እና በሶማሌ ክልል ደግሞ ሊበን ዞንን የሚያገናኘው ኔጌሌ ቦረና ዶሎ አዶ መልካ ሶፍቱ  ሎት 1  የመንገድ ግንባታ ፕሮጀክት 98 በመቶ  ተጠናቋል ፡፡ 64.5 ኪ ሎ ሜትር የሚረዝመው የዚህ መንገድ ግንባታ የቀድሞ ገፅታ በጠጠር መንገድ ደረጃ የነበረ የነበረ ሲሆን ፣ በአሁኑ ወቅት በአስፋልት ኮንክሪት ደረጃ መሰራቱ የአካባቢውን የመንገድ ትራንስፖርት ዘርፍን ለማሳደግና በተለይም አላስፈላጊ የሆነ የጊዜ ብክነትን በማስቀረት ረገድ ከፍተኛ አስተዋፅኦ እንደሚያበረክት ታምኖበታል፡፡ አለማየሁ  ከተማ  ጄኔራል ኮንትራክተር ኤምሲጂ ኮንስትራክሽን  ኃ.የተ.የግ.ማ. ከተሰኘ  የስራ ተቋራጭ ጋር በመቀናጀት ግንባታውን በማካሄድ ላይ የሚገኝ ሲሆን የማማከርና የቁጥጥር ስራውን  ደግሞ ኤስጂ  አማካሪ መሀንዲሶች ኃ.የተ.የግ.ማ በማከናወን ላይ ነው፡፡ የመንገዱን ግንባታ ለማካሄድ አገልግሎት ላይ የዋለው1, 371, 325, 369 ( አንድ ቢሊየን ሶስት መቶ ሰባ አንድ ሚሊየን ሶስት መቶ ሃያ አምስት ሺህ ሶስት መቶ ስልሳ ዘጠኝ) ብር  በኢትዮጵያ መንግስት በጀት ተሸፍኗል፡፡ በ2013 በጀት ዓመት ግንባታው የተጀመረው ይኸው የመንገድ ግንባታ ፕሮጀክት በእስካሁኑ የስራ አፈጻጸም ከአጠቃላይ ስራው 64.32 ኪሎ ሜትር የአስፋልት ስራው ተጠናቋል፡፡   ቀሪ ስራዎች  ማለትም የአደባባይ ስራ ፣ የእግረኛ መንገድ በዞን እና በወረዳ ከተሞች የመንገድ ዳር ምልክት ተከላ ፣ የእግረኛ ማቋረጫ ቀለም እና ሌሎች የመንገድ ቅብ ስራዎቹ ደግሞ በመጠናቀቅ ላይ ናችው ፡፡ መንገዱ በገጠር 10 ሜትር ፣ በቀበሌ 12  ሜትር ፣  በወረዳ 19 ሜትር  እንዲሁም  በዞን 21.5  ሜትር  ስፋት እንዲኖረው ተደርጎ ነው በመገንባት ላይ የሚገኘው፡፡ የመንገድ ግንባታ ስራው በኦሮሚያ ክልል የምስራቅ ቦረና ዞን እና በሶማሌ ክልል የሊበን ዞን ዋና ከተማ ፊልቱን  ሚያገናኝ  መንገድ በመሆኑ በህብረተሰቡ ውስጥ ማህበራዊና ኢኮኖሚያዊ ትስስርን እንደሚያጠናክር ይጠበቃል ፡፡ ፕሮጀክቱ የሁለቱን ክልሎች እንዲሁም ከጎረቤት ሀገራት ጋር የሚኖረውን የማህበራዊና ኢኮኖሚያዊ እንዲሁም የንግድ ትስስርን ከማጠናከር ባለፈ በቂ የሆነ የመንገድ መሠረተ ልማት የሌለውን የአካባቢውን ሕብረተሰብ የመንገድ ተጠቃሚ ያደርጋል ተብሎ ይጠበቃል ፡፡ በተጨማሪም በአካባቢው በስፋት የሚመረተውን የስንዴ ምርት ከእርሻ ቦታዎች ወደ ከተማ እና ወደ ገበያ ለሟጓጓዝ እንዲሁም ዘመናዊ የአስተራረስ ዘዴን  ለማስፋፋት ምቹ ሁኔታን ይፈጥራል  ተብሎ ይታመናል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

መልካም በዓል !

በአፍሪካ ልማት ባንክ፣ በገንዘብ ሚኒስቴር እና በኢትዮጵያ መንገዶች አስተዳደር በጋራ የአዳማ - አዋሽ የፈጣን መንገድ ሁለተኛው ክፍል፣ የመልካጂሎ - አዋሽ፣ ሎት 2 ፈጣን መንገድን በተመለከተ የፋይናንስ ድጋፍ ድርድር ተካሄደ በአፍሪካ ልማት ፈንድ የፋይናንስ ድጋፍ ለማካሄድ ግምገማና ውይይት ሲደረግበት የነበረው የአዳማ - አዋሽ የፈጣን መንገድ ሁለተኛው ክፍል፣ የመልካጂሎ - አዋሽ፣ ሎት 2 የፋይናንስ ድጋፍ ድርድር በአፍሪካ ልማት ባንክ፣ በገንዘብ ሚኒስቴር እና በኢትዮጵያ መንገዶች አስተዳደር መካከል የመጨረሻ የፋይናንስ ድርድር ተካሄደ። ይህ ድርድር ባንኩ ፕሮጀክቱን ለማጸደቅ በቅርቡ ለባንኩ ቦርድ ከማቅረቡ በፊት የጋራ ግንዛቤ እና ስምምነት ለማድረግ እንዲያስችል የተደረገ ነው። የዚህ ፕሮጀክት ኣላማ በዋናነት የፍጥነት መንገድ መገንባት እንዲሁም ተጓዳኝ መሰረተ ልማቶችን ማሻሻል ያካትታል። የፍጥነት መንገድ ግንባታው በሁለት (2) ክፍሎች የተከፈለ ሲሆን የመጀመሪው 48ኪ.ሜ በአፍሪካ ልማት ፈንድ ፋይናንስ የሚደረግ ሲሆን ቀሪው 19ኪ.ሜ በኮሪያ ኤግዚም ባንክ እንደሚሸፈን ይጠበቃል፡፡ ፕሮጀክቱ በዋናነት የሚያካትታቸው የመንገድ መሠረተ ልማት ግንባታ፣ የቴክኒክ ድጋፍ አገልግሎቶች፣ የሎጂስቲክስ፣ የትራንስፖርትና የንግድ፣ ተቋማዊ ድጋፍና አቅም ግንባታ፣ ለአካባቢው ህብረተሰብ የሚሰሩ ተጓዳኝ የልማት ስራዎች እና የካሳ ክፍያ እና የመልሶ ማቋቋም ይገኙበታል፡፡ ይህ መንገድ ኢትዮጵያ፣ ጅቡቲ እና ደቡብ ሱዳንን የሚያካትት ሁለገብ ፕሮጀክት ሲሆን ፕሮጀክቱ በአፍሪካ ቀንድ ያለውን የትራንስፖርት ትስስር ለማሻሻል ታሳቢ ያደረገ ሲሆን በኮሪደሩ ላይ ቀልጣፋ እና ውጤታማ የትራንስፖርት ስርዓት እንዲኖር ማድረግ እና የንግድ እና በአካባቢው ያሉ አገራትን እርስ በእርስ ማስተሳሰር ነው። ፕሮጀክቱ ለማህበራዊ እና ኢኮኖሚያዊ ልማት፣ ለድህነት ቅነሳ ጥረቶች እና በፕሮጀክቱ አካባቢ ኢኮኖሚያዊ ዕድሎችን በማነቃቃት ድህነትን ለመቀነስ አስተዋፅኦ ያደርጋል። በአፍሪካ ልማት ባንክ በኩል 138.66 ሚሊዮን UA ወይም ባለው ወቅታዊ ምንዛሪ 181.5 ሚሊዮን ዶላር ፋይናንስ ለማድረግ ታሳቢ የተደረገ ሲሆን መንግስትም እስከ 26.12 ሚሊዮን UA (34.2 ሚሊዮን ዶላር) ፋይናንስ እንደሚያደርግ ይጠበቃል፡፡ ከዚህ በኋላ የሚጠበቀው በአፍሪካ ልማት ባንክ በኩል በድርድሩ ውጤት መሰረት ፕሮጀክቱን ለባንኩ ቦርድ አቅርቦ ማጸደቅ ሲሆን እንደጸደቀም ቀጣዩ ስራ የፋይናንስ ስምምነት በመፈራም ወደ ትግበራ መግባት ሲሆን ይህም እ.ኤ.አ በ2026 መጀመሪያ ላይ እንደሚሆን ይጠበቃል፡፡ በሌላ በኩል ቀጣዩን 19ኪሜ የሚሆነውን የመንገድ ክፍል በተመለከተ ከኮሪያ ኤግዚም ባንክ ጋር የሚደረጉ ንግግሮች ትኩረት የሚሰጣቸው ይሆናል፡፡ በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

መልካም አዲስ ዓመት !