ERA ኢትዮጵያ መንገዶች አስተዳደር

መንግስት መንገድ ለማኅበረ-ኢኮኖሚያዊ እና ለሀገር ግንባታ ያለውን ጠቀሜታ በመገንዘብ፣ ለመንገድ መሠረተ-ልማት ዝርጋታ በየጊዜው ከፍተኛ መዋዕለ ነዋይ ፈሰስ ያደርጋል፡፡ ከፍተኛ የሀገር ሀብት የሚፈስበት የመንገድ ሃብት የሚጠበቅበትን አገልግሎት እንዲሰጥ ተገቢ ጥበቃ እና እንክብካቤ ያስፈልገዋል፡፡ መንገዶችን ለብልሽት ከሚዳርጉ ምክንያቶች አንዱና ዋነኛው ከተፈቀደው ክብደት በላይ በመጫን መጓዝ ነው። በዚህ ረገድ የኢትዮጵያ መንገዶች አስተዳደር በመላው ሀገሪቱ ባቋቋማቸው 14 የክብደት እና መጠን መቆጣጠሪያ ጣቢያዎቹ በኩል ቁጥጥር ያደርጋል፡፡ የተሽከርካሪዎችን ክብደት የመቆጣጠር ዋና ዓላማ በመንገዶች ላይ የሚንቀሳቀሱ ተሽከርካሪዎች ከተፈቀደላቸዉ የአክስል ክብደት መጠን በላይ ጭነት ጭነዉ በከፍተኛ ወጪ የተገነቡ የመንገድ አውታሮች ላይ ጉዳት እንዳይደርስ የመከላከል እንዲሁም መንገዶች እና ድልድዮች ዲዛይን ለተደረጉበት የአገልግሎት ጊዜ በጥሩ ሁኔታ ላይ ሆነው አገልግሎት መስጠት እንዲችሉ ማድረግ ነዉ፡፡ ከዚህም አኳያ ተቋሙ የተሽከርካሪ ክብደትና መጠንን ለመወሰንና ለመቆጣጠር በወጣው የሚኒስትሮች ምክር ቤት ደንብ ቁጥር 491/2014 አንቀጽ 20 ንዑስ አንቀጽ 6 መሰረት “በዚህ ድንብ ላይ የተሽከርካሪ ክብደትን በመተላለፍ ለተቀመጡት ቅጣቶች የሚከፈል ክፍያ ለኢትዮጵያ መንገዶች አስተዳደር የሚከፈል ሲሆን የተሽከርካሪ መጠንን በመተላለፍ ለተቀመጡ ቅጣቶች የሚከፈል ክፍያ ለሚኒስቴሩ ይከፈላል” በሚል በግልፅ እንደተመለከተው ትርፍ የጫነ ተሽከርካሪ ለጫነው ትርፍ ጭነት ቅጣት ተቀጥቶ፣ ቅጣቱን ኢ.መ.አ. ለዚሁ አገልገሎት በከፈተው ሂሳብ ቁጥር ገቢ የሚደረግ ሲሆን፣ ትርፍ የጫነ ተሽከርካሪ ጉዞውን መቀጠል የሚችለው ጭነቱን ካስተካከለ በኋላ ብቻ ነው። በደንቡ አንቀጽ 3 ንዑስ አንቀጽ 1 መሰረት “ይህ ደንብ በማናቸውም የኢትዮጵያን መንገድ በሚጠቀሙ ጠቅላላ ክብደታቸዉ ከ3,500 ኪሎ ግራም በላይ በሆኑ ተሽከርካሪዎች፣ የተጣመሩ ተሽከርካሪዎች እና ተሳቢዎች ላይ ተፈጻሚ ይሆናል” በሚል የደንቡን ተፈፃሚነት ወሰን አስቀምጧል:: በደንቡ አንቀጽ 9 መሰረት ለእያንዳንዱ አክስል የተፈቀደ ከፍተኛ ክብደት የሚከተለው ነው፡- I. የነጠላ አክስል (Axle) ሁለት ወይም ሶስት ጎማዎች የተገጠሙለት ተሽከርካሪ የፊት እና የኋላ የአክስል (Axle) ክፍሎች ጠቅላላ የክብደት መጠን የሚከተለዉ ነዉ፡- ሀ) የፊት አክስል (የመሪ አክስል) Steering Axle የክብደት መጠን ከ7.7 ቶን (77 ኩንታል) መብለጥ እንደሌለበት፤ ለ) ከመሪዉ አክስል (Steering Axle) ዉጪ ሆኖ ነጠላ ጎማ የተገጠመለት ተሸከርካሪ ከሆነ ጠቅላላ ክብደቱ ከ8 ቶን (80 ኩንታል) መብለጥ እንደሌለበት፤ ሐ) የኋላዉ የአክስል ክፍል አራት ጎማዎች የተገጠሙለት ከሆነ የአክስል ክብደቱ ከ10 ቶን (100 ኩንታል) መብለጥ እንደሌለበት፡፡ II. የተሸከርካሪዉ የአክስል ክፍል ባለ ሁለት (Tandem Axle Unit) ወይም ባለሶስት (Tri-dem axle) ሲሆን፣ ለተሽከርካሪዉ የማይፈቀድ የአክስል (Axle) ክብደት መጠን እንደሚከተለዉ ነዉ፡- ሀ) ስምንት ጎማዎች ለተገጠሙለት የጥንድ አክስል (Tandem Axle) ጠቅላላ የአክስል ክብደቱ በአንድ ላይ ተደምሮ ከ18 ቶን (180 ኩንታል) መብለጥ እንደሌለበት በሕጉ ላይ ተቀምጧል፡፡ ለ) እያንዳንዳቸው አክስሎች ላይ አራት ጎማ የተገጠመላቸው ባለ ሶስት አክስል ክፍል (Tri-dem axle) ጠቅላላ የአክስል ክብደቱ በአንድ ላይ ተደምሮ ከ24 ቶን (240 ኩንታል) መብለጥ እንደሌለበት በሕጉ ላይ ተቀምጧል፡፡ በደንቡ መሰረት በሚደረግ የአክስል ክብደት ቁጥጥር ላይ በሚታዩ ተግዳሮቶች የቁጥጥር ሂደቱ ላይ አሉታዊ ተፅኖ እየፈጠሩ የሚገኝ ሲሆን፣ ለዚህም ከምንግዜውም በላይ ከሚመለከታቸው አካላት ጋር በጋራ እና በቅንጅት መስራት ያስፈልጋል ነገር ግን ደንቡን ለማስፈፀም ከፍተኛ ሚና ያላቸው እና ሚዛን ጣቢያዎቸ በተተከሉብት አካባቢ የሚገኙ አንዳንድ የመስተዳደር አካላት በሚፈለገው ልክ ድጋፍ እያደረጉ ባለመሆኑ በትርፍ ጭነት ቁጥጥር ሂደቱ ላይ አሉታዊ ተጽዕኖ እየፈጠረብን ይገኛል፡፡ ስለሆነም ከፍተኛ መዋለ ንዋይ የወጣባቸ ለሀገራችን ኢኮኖሚያዊ እድገት ጉልህ ሚና ያላቸው የመንገድ እንዲሁም ድልድይ ሀብታችንን በትርፍ ጭነት ምክንያት ከሚደርስ ጉዳት ለመከላከል በጋራ እንድንሰራ ለሁሉም የህብረተሰብ ክፍል ሀገራዊ ጥሪያችንን እያቀረብን በተለይም የፀጥታ እንዲሁም የክልልና ዞን መስተዳድር አካላት የምንጊዜም ትብብራችሁ ተጠናክሮ እንዲቀጥል ስንል እንጠይቃለን፡፡ በቁጥጥር ሥርዓቱ ላይ የሚስተዋሉ ማንኛውም ችግሮች ካሉ፣ ተገልጋዮች ከሥር በተቀመጡት የጥቆማ አማራጮች እንዲያሳውቁን እንጠይቃለን። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

20ኛውን የሌበር ቤዝድ ፕራክቲሽነርስ አህጉራዊ ኮንፈረንስ  አስመልክቶ ጋዜጣዊ  መግለጫ ተሰጠ አዲስ አበባ፣ ህዳር 5 \2017 ዓ.ም በመጪው ግንቦት   ወር  የሚካሄደውን 20ኛው የሌበር ቤዝድ ፕራክቲሽነርስ አህጉራዊ ኮንፈረንስ  አስመልክቶ ጋዜጣዊ መግለጫ ተሰጠ። የ20ኛው አህጉራዊ ኮንፈረንስ  አስቸጋሪ ሁኔታዎችን የሚቋቋም እና ከችግር ቶሎ ማገገም የሚችል እንዲሁም ከተለዋዋጭ ሁኔታዎች ጋር መላመድ የሚችል ማህበረሰብ በመገንባት  አሁንም ወደፊትም የሰው ልጅን የማይተካ ሚና በሚሹ በርካታ የስራ ዘርፎች ዙሪያ የልምድ ልውውጦች የሚካሄዱበት እና  የፖሊሲ ግብዓት የሚገኝበት  ጉባኤ ነው፡፡ ኮንፈረንሱ “የበለጠ የሰው ኃይል በሚጠቀሙ የኢንቨስትመንት አማራጮች  ጠንካራ ማህበረሰብ እና ጤናማ አካባቢን እንፍጠር” (Resilient Communities and Healthy Environment: the Employment Intensive Investment Program approach) በሚል መሪ ሃሳብ  ነው የሚካሄደው፡፡ በመጪው ግንቦት ወር ኢትዮጵያ የምታስተናግደዉ ይኸው አህጉራዊ  ኮንፈረንስ  በዘላቂ የልማት ግቦች ሁሉን አቀፍ የኢኮኖሚ እድገትን ለማምጣት ፣ ድህነትን እና ረሃብን ለማጥፋት እንዲሁም ሌሎች የተቀመጡ ግቦችን በቀጥታም ሆነ በተዘዋዋሪ  በማሳካት ረገድ ከፍተኛ አስተዋፅኦ ይኖረዋል ተብሎ ይታመናል፡፡ በተጨማሪም በዚሁ መድረክ መንግስታት ፣ የግሉ ዘርፍ ተዋናዮች፣ ፋይናንሰሮች እና የልማት አጋሮች ለወጣቶች ሰፊ የስራ እድል በሚፈጥሩ እና ክህሎታቸውን በሚያሳድጉባቸው የመሰረተ ልማት ዝርጋታ እና ተያያዥ መስኮች  ላይ ምክክር ያደርጋሉ፡፡ በ20 ኛው አህጉራዊው ኮንፈረንስ ላይ የልማት አጋሮች ፣ የዓለም አቀፍ ተቋማት ፣ የግሉ ዘርፍ ተወካዮች ፣ ምሁራንና ተመራማሪዎች የሚሳተፉበት ሲሆን ሰፊ የስራ እድል በሚፈጥሩ የመሰረተ ልማት ኢንቨስትመንቶች እና ተያያዥ ጉዳዮች ውጤታማ የሃሳብና የልምድ ልውውጦች  ይካሄዱበታል። በተጨማሪም ሀገራት በመሠረተ ልማቶች ዝርጋታ እንዲሁም ሌሎች የኢንቨስትመንት መስኮች ለዜጎች ጥራት ያለው የሥራ ዕድል በስፋት ሊፈጥሩ የሚችሉባቸውን መንገዶች በተመለከተ የተለያዩ ጥናቶች ይቀርባሉ ፣ የመስክ ጉብኝቶች ይካሄዳሉ ፣ የአገራት ተሞክሮ ቀርቦ ውይይት ይደረግበታል።   ይህ ኮንፈረንስ ከላይ የተጠቀሱትን ዓላማዎች ከማሳካት ባሻገር በተጓዳኝ በሚካሄዱ ኩነቶች አማካኝነትን  ሀገራችን  የማስተዋወቅ ዕድል የሚፈጥር ከመሆኑም ባሻገር  የዲፕሎማቶች መቀመጫ የሆነችው አዲስ አበባ ተመራጭ የኢንቨስትመንት እና የቱሪስት መዳረሻ መሆኗን በተጨባጭ ለማሳየት ትልቅ እድል የሚፈጥር ነው፡፡ በዚህም መሰረት ሀገሪቷ በከተማና የገጠር ኮሪደር ልማት እና ሌሎች የኮንስትራክሽንና መሠረተ ልማት ሥራዎች ረገድ ያሳካቻቸውን ውጤቶች እና ያላትን ተሞክሮ የምታካፍልበት እንዲሁም እንደ ህዳሴ ግድብ ያሉ አገራዊ ሜጋ የመሰረተ ልማት ፕሮጀክቶች የሚኖራቸውን አገራዊና አህጉራዊ ፋይዳ ጭምር የበለጠ የምታስተዋውቅበት ይሆናል ተብሎ ይጠበቃል። ኢትዮጵያም ከዚህ ቀደም 17ኛውን አህጉራዊ ኮንፈረንስ በስኬት ማካሄዷ የሚታወስ ሲሆን  የዘንድሮውንም በተሳካ መልኩ ለማዘጋጀት የመንግስት ተቋማትን እና ባለድርሻ አካላትን ያካተተ አገራዊ አዘጋጅ ኮሚቴ ተቋቁሟል። ፕሮግራሙን የዓለም ሥራ ድርጅት (ILO) የከተማና መሰረተ ልማት ሚኒስቴር እንዲሁም የኢትዮጵያ መንገዶች አስተዳደር  በጋራ የሚያዘጋጁት ሲሆን ፣ ፕሮግራሙን  ለማካሄድ የሚያስችሉ የቅድመ ዝግጅት ሥራዎች እየተካሄዱ ነው፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የድሬደዋ የመንገድ ጥገና ዲስትሪክት የተለያዩ የጥገና ስራዎችን በማካሄድ ላይ ነው አዲስ አበባ፣ ህዳር 3 ቀን 2017 ዓ.ም (ኢመአ) ፡- በኢትዮጵያ መንገዶች አስተዳደር በድሬደዋ የመንገድ ጥገና ዲስትሪክት በበጀት ዓመቱ ሶስት ወራት 121 ኪሎ ሜትር የመደበኛ እና ወቅታዊ ጥገና ለማካሄድ ታቅዶ 106,076,851 ብር ወጪ በማድረግ ከዕቅድ በላይ 171 ኪሎ ሜትር የጥገና ስራ ለማካሄድ ተችሏል፡፡ በሩብ አመቱ በአገልግሎት ብዛት ለብልሽት የተዳረገዉ የደንገጎ-ሐረር መንገድ ዳግመኛ በአስፋልት ደረጃ የተጠገነ ሲሆን ፣ በሜኢሶ-ድሬዳዋ መስመር ለትራፊክ አስቸጋሪ በሆኑ የመንገድ ክፍሎች ላይ የመደበኛ እና የከባድ ጥገና ስራዎች ተከናውነዋል፡፡ ከዚህም ባሻገር ባለፉት ሶስት ወራት ውስጥ ከአየር ንብረት ለዉጥ ጋር በተያያዘ የድልድይ እና የመንገድ መዘጋት እንዳይከሰት የቅድመ መከላከል ስራ የተከናወነ ሲሆን ፣ ከዚህ ቀደም በሚፈለገው ደረጃ የጥገና ሽፋን ያላገኙ የጎዴ-ሀርገሌ ፣ እና ቀብሪደሀር-ሺላቦ መንገዶች በተገቢው ሁኔታ ተጠግነዋል፡፡ በተጨማሪም በዲስትሪክቱ ስር ያሉ የሴክሽን ካምፖችን ይዞታ በማረጋገጥ በተለይም የአዋሽ ሴክሽንን የማደራጀት እና የቢሮ ግንባታ ስራ ተከናውኗል፡፡ በተያዘው በጀት ዓመት ቀሪ ወራቶችም የበጀት አመቱን የመንገድ ጥገና ስራዎች በቀሪ ወራት በጥራት የማካሄድ ፣ በአገልግሎት ብዛት ለብልሽት የተዳረጉ የመንገድ ክፍሎችን በበቂ ሁኔታ የመጠገን ፣ የሀገሪቱ ገቢ እና ወጪ ንግድ የሚከናወንበት የኢትዮ-ጅቡቲ የመንገድ ክፍል እንዳይስተጓጎል ቅድመ መከላከል ስራ የማከናወን እና ከመንገድ ተጠቃሚዉ ለሚነሱ የመንገድ ጥገና ጥያቄዎች አፋጣኝ ምላሽ የመስጠት ስራዎች ይከናወናሉ፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የአስፋልት መንገድ ጥገናን በተመለከተ ወቅቱ የደረሰበትን ቴክኖሎጂ ለመጠቀም የሚያስችል የግብዛቤ ማስጨበጫ ተሰጠ አዲስ አበባ፣ ጥቅምት 29 ቀን 2017 ዓ.ም (ኢ.መ.አ)፡ የኢትዮጵያ መንገዶች አስተዳደር ከቻይና ኮሙኒኬሽን ኮንስትራክሽን ካምፓኒ ጋር በጋራ በመሆን የአስፋልት መንገድ ጥገና ቴክኖሎጂ እና የተሻሻሉ የአስፋልት ጥገና ግብሃቶችን በተመለከተ SBS (Styrene S - Butadiene B - Styrene - S) የተሻሻለ አስፋልት እና Super-CRB (Cold Repair Binder) ፖሊመር ማቴሪያል ላይ ያተኮረ ስልጠና ተሰጥቷል። የስልጠናው ዋና አላማ በአሁን ወቅት የአስፋልት መንገድ ጥገና ላይ የሚያጋጥሙ ተግዳሮቶችን ለማቃለል እና ጊዜው የደረሰበትን ቴክኖሎጂ በመጠቀም የአስፋልት መንገዶችን በተሻለ ፍጥነት፣ በንፅፅር በተሻለ ዋጋ እና በተሻለ ጥራት ለመጠገን የሚያስችል የግንዛቤ ማስጨበጫ ነው። SBS የተሻሻለ አስፋልት የተሻለ የጥገና ጥራት፣ ቀላል የሆነ የአሰራር ሂደት፣ በንፅፅር እስከ 20 በመቶ የዋጋ ቅናሽ፣ ዝቅተኛ የአካባቢ ብክለት እና በቀላሉ ለመተግበር የሚያስችል በመሆኑ የአስፋልትን ባህሪ በማሻሻል የተሻለ ውጤት ያመጣል። ይህ የተሻሻለ አስፋልት አይነት ከዚህ ቀደም በቻይና ኮሙኒኬሽን ኮንስትራክሽን ካምፓኒ አማካኝነት በአዲስ አበባ ኤርፖርት የአውሮፕላን ማረፊያ መንገድ ማሻሻያ ፕሮጀክት ላይ በተግባር ላይ ውሎ የተሻለ አፈፃፀም ማሳየቱን በስልጠናው ላይ ተገልጿል። በተመሳሳይ የቀረበው Super-CRB ፖሊመርን መጠቀም በአስፋልት ላይ በይበልጥ የሚስተዋሉትን የአስፋልት መጎድጎድ ወይም መበሳት (Pothole) እና የመንገዶች የተሽከርካሪዎችን ጎማ ተከትሎ የመሰርጎድ (Rut) ጉዳቶችን የአስፋልት መንገድ ጥገና ግብዓቶችን ከSuper-CRB ኬሚካል ጋር በማዋሀድ፣ መንገዶችን በፍጥነት፣ በንፅፅር በተሻለ ዋጋ እና በተሻለ ጥራት ለመጠገን ያስችላል። እነዚህ ቴክኖሎጂዎች በተለይ ከፍተኛ የትራፊክ እንቅስቃሴ የሚበዛባቸው መንገዶች ላይ ተግባራዊ ቢደረጉ በጥገና ወቅት የሚወስደውን ጊዜ በማሳጠር እና በተለመደው የጥገና አይነት የሚያስፈልጉ የመሳሪያ ግብሃቶችን በመቀነስ የተሻለ የአስፋልት ጥገና አፈጻጸም እንዲኖር እንዲሁም መንገዶች ተገቢውን ጥገና በተገቢው ወቅት እንዲያገኙ በማድረግ የአገልግሎት ዘመናቸውን ለማራዘም ይረዳል። በስልጠናው ላይ የመንገድ ጥገናውን በመምራትም ሆነ በማስተባበር ከፍተኛ ሚናን የሚጫወቱት የመንገድ አውታር አስተዳደር ቅ/ቢሮዎች፣ ከመንገድ ጥገና ዲስትሪክቶች እና በማዕከል የሚያስተባብሩ ከመንገድ ሀብት አስተዳደር ዘርፍ የስራ ትሥሥር ያላቸው፣ ከምርምር ማዕከል፣ ከግንባታ ፕሮጀክት ማኔጅመንት እና ከአፈፃፀም ጥራት እና ስርዓት አስተዳደር የተወጣጡ ባለሙያዎች ተሳትፈውበታል። በቀጣይም ከኢትዮጵያ መንገዶች አስተዳደር የምርምር ማዕከል ጋር በጋራ በመሆን ይህንን የአስፋልት መንገድ ጥገና ቴክኖሎጂ በተመረጡ የመንገድ ክፍሎች ላይ ተግባራዊ በማድረግ ከሀገሪቷ የመልክዓ-ምድር አቀማመጥ እና የአየር ፀባይ ጋር ተስማሚነቱን በማረጋገጥ ተጨማሪ ስልጠናዎች የሚሰጡ ይሆናል። በዘርፉ የተሰማሩ የስራ ተቋራጮችም ይህንን ቴክኖሎጂ እንዲጠቀሙ እና ባለሃብቶች ቴክኖሎጂውን በሀገር ውስጥ እንዲያመርቱ የግንዛቤ ማስጨበጫ በመስጠት በስፋት ጥቅም ላይ ማዋል ያስፈልጋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የኦሮሚያ ክልልን ከአማራ ክልል ጋር የሚያስተሳስረው የሙከጡሪ ኮከብ መስክ የመንገድ ግንባታ ፕሮጀክት 88 በመቶ ደርሷል አዲስ አበባ ፣ ጥቅምት 27 ቀን 2017 ዓም (ኢ መ አ):-በኦሮሚያ ክልል ሰሜን ሸዋ ዞን የውጫሌ ወረዳ መቀመጫ የሆነችውን የሙከጡሪ ከተማን በአማራ ክልል ሰሜን ሸዋ ዞን የእንሳሮ ወረዳ ለሚ ከተማን በማገናኘት እስከ ኮከብ መስክ የሚዘልቀው የሙከጡሪ ኮከብ መስክ የመንገድ ግንባታ ፕሮጀክት በአሁኑ ወቅት 88 በመቶ ደርሷል ፡፡ 59 ኪሎ ሜትር የሚረዝመው ይህ ፕሮጀክት አሁን ላይ 52 ኪሎ ሜትር ያህሉ በአስፋልት ተሸፍኗል፡፡ ከዚህ በተጨማሪም ሙከጡሪ ከተማ ውስጥ የመንገድ ዳር ውሃ ማፋሰሻ ክዳኖች ፣ በገጠር የመንገድ ዳር ማፋሰሻ ቦይ ፣ ለሚ ከተማ ውስጥ አደባባይ እንዲሁም አስር ሜትር የማፋሰሻ ቱቦ የመቅበር ስራ እየተገባደደ ሲሆን ፣ ፕሮጀክቱ አሁን ላይ የማገባደጃ ስራዎች ይቀሩታል፡፡ ግንባታውን እያከናወነ የሚገኘው ዓለም አቀፉ ቻይና ሪልዌይ ቁጥር ሶስት ኢንጂነሪንግ ግሩፕ ሲሆን የማማከሩንና የቁጥጥር ስራውን ኤልዳ ኢንጂነሪንግ ኮንሰልትንት ከዳምራ ኮንሰልቲንግ ጋር በጥምረት እያከናወኑት ይገኛሉ ፡፡ ለግንባታው የሚውለው ሰባት መቶ ስልሳ ስምንት ሚሊዮን ስድስት መ ሃያ ሁለት ሺ ብር በኢትዮጵያ መንግስት እየተሸፈነ ነው ፡፡ መንገዱ በገጠር 10 ሜትር ፣ በቀበሌ 12 ሜትር ፣ በወረዳ ደግሞ 21 ሜትር ስፋ እንዲኖረው ተደርጎ ነው በመገንባት ላይ የሚገኘው፡፡ መንገዱ ተገንብቶ ሲጠናቀቅ በሚያልፍባቸው አካባቢዎች የሚገኙ የኦሮሚያ እና አማራ ክልል ህዝቦችን ማህበራዊ እና ኢኮኖሚያዊ ግንኙነት ይበልጥ ያጠናክራል ፤ ከዚህም ባሻገር በአካባቢው የሚመረቱ የአዝርእት ምርቶችን እና ጀማ ወንዝ አካባቢ የሚገኙ የማዕድን ምርቶችን በቀላሉ ወደገበያ ለማድረስ ያስችላል፡፡ እንዲሁም የመንገድ ደረጃውን ጠብቆ መገንባት በቅርቡ ግንባታው ተጠናቆ ወደ ማምረት ሂደት የገባው በሃገሪቱ ትልቁ የለሚ ሲሚንቶ ፋብሪካ ምርቱን በቀላሉ ወደ ገበያ እንዲያቀርብ ከማድረግ አንጻር ከፍተኛ አስተዋጽኦ ያበረክታል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

4ኛ/ የክልል ፍርድ ቤቶች በተሸሻለው አዋጅ መሰረት ከካሳ ክፍያ ጋር በተያያዘ የፌዴራል ተቋማቱ ተከፋይ የሚሆኑባቸውን ክሶች የመዳኘት ስልጣን የፌዴራል የመጀመሪያ ፍርድ ቤት መሆኑ በግልጽ የተደነገገ መሆኑን በመገንዘብ ክሶቹ በፌዴራል የመጀመሪያ ፍርድ ቤት እንዲታዩ ማድረግ የሚጠበቅባቸው በመሆኑና ለአዋጁ ተግባራዊነት የበኩላቸውን ሚና እንዲጫወቱ ተጠይቋል፤ 5ኛ/ ከሐምሌ 4 ቀን ጀምሮ የሚቀርቡ የንብረት ይነሳልኝ ጥያቄዎች የካሳ ክፍያ በነባርም ሆነ በአዳዲስ ፕሮጄክቶች ላይ ክፍያ የመፈጸም ኃላፊነት የክልልሎች በመሆኑ የማሻሻያ አዋጁ ሙሉ ለሙሉ ተግባራዊ ለማድረግ እና አዋጁ እንዲያመጣ የታሰበውን ለውጥ ለማስገኘት ሁሉም ባለድርሻ አካላት በትኩረት እንዲሰራ ተጠይቋል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበትና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ውይይት ተካሄደ አዳማ፣ ጥቅምት 21 ቀን 2017 ዓ.ም (ኢመአ)፡ ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበት እና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ከባድርሻ አካላት ጋር በአዳማ ከተማ ውይይት ተካሄደ ። በውይይት መድረኩ ዋና ዓላማ ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበትና መልሰው የሚቋቋሙበትን ለመወሰን በወጣው አዋጅ ቁጥር 1161/2011 መሰረት ገማች ኮሚቴ የማቋቋም፣ ግምት የመስራትና ካሳ የመክፈል እና ንብረቶች የማስነሳት ስልጣን ለተሰጣቸው የክልል መስተዳድሮች እና ከካሳ ክፍያ ጋር የሚቀርቡ አቤቱታዎችን የመዳኘትና ውሳኔ የመስጠት ስልጣን ያላቸው የክልል ፍርድቤቶችና የፍትህ አካላት እና የፌድራል የመሰረተ ልማት ዘርጊ ተቋማትየማሻሻያ አዋጅ ቁጥር 1336/2016 ለውጥ ባደረገባቸው ኃላፊነቶች ላይ ግንዛቤ ማስጨበጥ ነው፡፡ በዚሁ መሰረት በተለይም ከግምት ሥራ ጋር በቀጥታ የሚገናኙ የክልል ርዕሰ መስተዳድሮች፣ የየመሬት አስዳደደር ቢሮዎች፣ የገጠር መሬት አስተዳደር ቢሮዎች፣ የከተማ አስተዳደር ቢሮዎች፣ የጠቅላይ ፍርድቤቶች፣ የፍትህ ቢሮዎች ፣ የተፈጥሮ ኃብት ቢሮዎች፣ የግብርና ቢሮዎች እና ከፌድራል መሰረተ ልማት ዘርጊ ተቋማትና ሌሎች ጉዳዩ የሚመለከታቸው ተቋማት መካከል የፌድራል የመጀመሪያ ፍርድቤት፣ የከተማ እና መሰረተ ልማት ሚኒስቴር፣ የኢትዮጵያ መንገዶች አስተዳደር፣ የፍትሕ ሚኒስቴር፣ የቆላማና መስኖ ሚኒስቴር ፣ የኢትዮጵያ መብራት አገልግሎት፣ የኢትዩጲያ መብራት ኃይል፣ የኢትዮ ቴሌኮም ፣ የግብርና ሚኒስቴር እና የገንዘብ ሚኒስቴር የሥራ ኃላፊዎች ተሳትፈዋል ። መድረኩን በንግግር የከፈቱት የከተማ እና መሠረተ ልማት ሚኒስቴር ሚኒስትር ዴኤታ ክቡር አቶ የትምጌታ አሥራት የግንዛቤ ማስጨበጫ ሥራው ወደ ሁሉም ክልሎችና ከተሞች ብሎም ቀበሌዎች የማውረዱና ንቅናቄ በመፍጠር የተሟላ ግንዛቤ መፍጠር ጊዜ የማይሰጠው መሆኑን አስገንዝበዋል፡፡ አያይዘውም ለሥራው ስኬታማነት ሚኒስተር መ/ቤቱ አስፈላጊውን ድጋፍ ሁሉ ለማድረግ ዝግጁ መሆኑን ገልጸዋል። በተጨማሪም ሁሉም ባለድርሻ አካላት የማሻሻያ አዋጁ እንዲወጣ ገፊ ምክነያት የሆኑትን እጅግ የተጋነነ ነጠላ ዋጋ፣ ምርታማነት ፣ ህገወጥ ግንባታ ፣ተገቢነት የጎደላቸው ክሶች መበራከት መሆኑን ግንዛቤ ውስጥ ማስገባት እጅግ አስፈላጊ መሆኑንና ይህንን አዋጅ ተግባራዊ በማድረግ አስከአሁን የተስተዋሉትን ከካሳ ክፍያ ጋር የተያያዙ መስመር ያልተከሉ አሰራሮችን ፈር ማስያዝ ከሁሉም ባለድርሻ አካላት የሚጠበቅ መሆኑን በአጽእኖት ገልጸዋል፡፡ በመድረኩ ዓዋጅ ቁጥር 1161/ 2011 እና አዋጅ ቁጥር 1336/ 2016 በከተማና መሰረት ልማት ሚኒሰቴር በኩል ቀርበው ሰፊ ውይይት እና ማብራርያ ተደርጎባቸዋል። በአዋጅ ቁጥር 1336/ 2016 መሠረት ከሐምሌ 4 ቀን 2016 ዓም ጀምሮ በይፋ የካሣ ክፍያ ሥርዓት ሙሉ በሙሉ መብቱ ከፌደራል ላይ ተነስቶ ለክልል መሠጠቱ ተገልጿል። በመድረኩ ላይ የማሻሻያ አዋጅ ቁጥር1336/2016 እና የተሸሻለው አዋጅ ማስፈጸሚያ ረቂቅ ደንብ በተመለከተ ገለጻ የተደረገ ሲሆን የሰነዶቹ ዋና ጭብጥ የካሳ ክፍያ የመፈጸም ኃላፊነት ከፌድራል የመሰረተ ልማት ዘርጊ ተቋማት ለክልሎች የተላለፈ መሆኑን፣ ከካሳ ክፍያ ጋር በተያያዘ የሚቀረቡ ክሶች የፌድራል ተቋማቱ ተካፋይ የሚሆኑባቸው ሆኖ ሲገኝ ክሳቸው የሚቀርበው በፌድራል የመጀመሪያ ፍረድቤት መሆኑን፣ ማናቸውም በፍረድቤት የሚሰጡ ውሳኔዎች ፍጻሜ የሚያገኙት የፌድራል የመጀመሪያ ፍርድቤት ፕሬዜደንት ትእዛዝ ሲሰጡ መሆኑን ተገልቷል፡፡ የተሸሻለውን አዋጅ መማስፈጸሚያ ረቂቅ ደንብ አስመለልክቶ በተደረገው ገለጻ የማሻሻያ ደንቡ ትኩረት ያደረገባቸው ለውጥ በተደረገባቸው ድንጋጌዎች ለአፈጻጸም በሚያመች መልኩ ዘርዘር ተገርጎ የቀረበ መሆኑና ሥራ ላይ የነበረው በሚኒስትሮች ምክረቤት የጸደቀው ደንብ ቁጥር 472/2012 ወደፊት ተሸሽሎ በሚወጣው ደንብ ተሸሽሎ አንድ የተጠቃለለ ደንብ እንደሚወጣ ተገልቷል፡፡ በአዋጆቹ እና በረቂቅ ደንቡ ዙሪያ ከተሳታፊዎች ጥያቄዎችና ገንቢ አስተያየቶች የቀረቡ ሲሆን በቀረቡት አስተያየቶችና ጥያቄዎች ላይ ማብራሪያና ምላሽ ተሰጥቶባቸዋል፡፡ ከፌድራል አልሚ ተቋማት መካከል የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱረሕማን የመንገድ ፕሮጀክቶች በተያዘላቸው የጊዜ ገደብ ተሰርተው እንዲጠናቀቁ በማስቻል ረገድ በግንባታ ሥፍራ ያሉ ቤቶችና ንብረቶች በአዲሱ አዋጅ መሰረት በአፋጣኝ በማንሳት ሁሉም ባለድርሻ አካላት በባለቤትነት ስሜት ኃላፊታቸውን እንዲወጡ አሳስበዋል፡፡ በሌላ በኩል የማሻሻያ አዋጁ ለውጥ ያደረገበት ከካሰ ክፍያ ጋር የተያያዙ ክሶች የፌድራል ተቋማቱ ዋና መስሪያቤት በሚገኝበት የፌድራል የመጀመሪያ ፍርድ ቤት እንዲሆን ፣ በተቋማቱ ሂሳብ ላይ እግድ የመስጠት ፣ የተቋማቱ ዋና ሥራ አስፈጻሚዎች ተገደው ውሳኔዎችን እንዲፈጽሙ የማድረግ ስልጣን ለፌድራል የመጀመሪያ ፍርድ ቤት ፕሬዚዳንት የተሰጠ ቢሆንም አሁንም የክልል ፍርድ ቤቶች አዳዲስ ክሶችን እየተቀበሉ መሆኑን እና የፍርድ አፈጻጸምም በስፋት ወደ ባንክ እየተላከና በመንግስት ገንዘብ ላይ ተገቢ ያልሆነ ጫና እያሳደረ በመሆኑ የክልል ፍርድ ቤቶች በአዋጁ መሰረት ክሶችን እንዲያስተናግዱ ተጠይቋል፡፡ ከገንዘብ ሚኒስቴር የመጡት የሥራ ኃላፊ በበኩላቸው በጀትን አስመለክቶ የቀረቡትን ጥያቄዎች በተመለከተ ለከሳ ክፍያ የሚውለው ገንዘብ ሶስት ምንጮች እንደሚኖሩት አነሱም፡- የፌድራል መንግስት ለክልሎች ከሚመድበው የበጀት ድጋፍ፣ ክልሎች ከሚሰበስቡት ገቢና የፌድራል መንግስት ፕሮጄክቶችን ታሳቢ በመድረግ ከሚመድበው በጀት እንደሚሆን ገልጸው ክልሎች በራሳቸው በጀት የካሳ ክፍያ ሥራዎችን ማከናወን መጀመር እንደሚገባቸውና ጎን ለጎን ጥያቄዎችን ማቅረብ እንደሚቻል አስረድተዋል፡፡ በተጨማሪም ከፌድራል መንግስት ለካሳ ክፍያ የሚመደበው በጀት ክልሎች አቅም እየፈጠሩና ገቢያቸውን እያሳደጉ ሲሄዱ የካሳ ክፍያ ሙለለሙ በክልሎች የሚፈጸም መሆኑን መረዳት እንደሚያስፈልግ አብራርተዋል፡፡ በመድረኩ ማጠቃለያላይ ከቡር አቶ የትምጌታ አስራት የከተማና መሰረተ ልማት ሚኒስተር ዴታ የሚከተለውን አቅጣጫ ሰጥተዋል ፡- 1ኛ/ ሁሉም ባለድርሻ አካላት በተሸሻለው አዋጅና በተደረገው የኃላፊነት ለውጥ መሰረት ኃላፊነታቸውን እንዲወጡ፣ 2ኛ/ ውዝፍ ክፍያ ማለት አዋጁ ከጸናበት ከሐምሌ 4 ቀን 2016 በፊት በተቋማቱ ተልከው ክፍያ በመጠባበቅ ላይ የሚገኙ መሆኑን፣ 3ኛ/በወረዳ/ከተማ አስተዳደሮች እጅ የሚገኙ የግምት ሰነዶች በክልሎች በኩል ክፍያቸው መፈጸም የሚገባው መሆኑን፣

ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበትና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ውይይት ተካሄደ አዳማ፣ ጥቅምት 22 ቀን 2017 ዓ.ም (ኢመአ)፡ ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበት እና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ከባድርሻ አካላት ጋር በአዳማ ከተማ ውይይት ተካሄደ ። በውይይት መድረኩ የከተማ እና መሰረተ ልማት ሚኒስቴር፣ የኢትዮጵያ መንገዶች አስተዳደር፣ የፍትሕ ሚኒስቴር፣ የኢትዮጵያ መብራት ኃይል አገልግሎት፣ የኢትዮ ቴሌኮም ፣ የግብርና ሚኒስቴር እና የገንዘብ ሚኒስቴር የሥራ ኃላፊዎች እንዲሁም በተዋረድ በተቋማቱ ሥር ያሉ አቻ የክልል የሥራ ኃላፊዎች ተሳትፈዋል ። የውይይቱ ዋና ዓላማ አዋጅ ቁጥር 1161/2011 ላይ የነበረውን ከካሣ ክፍያ ጋር የተያያዙ ድንጋጌዎችና ከካሳ ክፍያ ጋር የተያያዙ ክሶች የሚዳኙበትን ሁኔታ ለመወሰን በተሻሻለው አዋጅ ቁጥር 1336/2016 መተካትን በሚመለከት ግንዛቤ ማስጨበጥ ነው፡፡ በዚህም መሠረት ለህዝብ ጥቅም ሲባል የመሬት ይዞታ የሚለቀቅበት ፣ ካሣ የሚከፈልበት ፣ እና ተነሺዎች መልሰው የሚቋቋሙበትን ሁኔታ ለመወሰን በታወጀው ዓዋጅ ዙሪያ ውይይት በማካሄድ ተሳታፊዎች ወደየክልላቸው ወስደው ግንዛቤ የሚያስጨብጡበትን ሁኔታ እንዲፈጠር ማስቻል ነው ። መድረኩን በንግግር የከፈቱት የከተማ እና መሠረተ ልማት ሚኒስቴር ሚኒስትር ዴኤታ አቶ የትምጌታ ዓሥራት የግንዛቤ ማስጨበጫ ሥራው ወደ ሁሉም ክልሎችና ከተሞች ብሎም ቀበሌዎች የማውረዱና ንቅናቄ በመፍጠር የተሟላ ግንዛቤ መፍጠር ጊዜ የማይሰጠው መሆኑን አስገንዝበዋል፡፡ አያይዘውም ለሥራው ስኬታማነት ሚኒስተር መ/ቤቱ አስፈላጊውን ድጋፍ ሁሉ ለማድረግ ዝግጁ መሆኑን ገልጸዋል። በተጨማሪም ሁሉም ባለድርሻ አካላት የማሻሻያ አዋጁ እንዲወጣ ገፊ ምክነያት የሆኑትን እጅግ የተጋነነ ነጠላ ዋጋ፣ ምርታማነት ፣ ህገወጥ ግንባታ ፣ተገቢነት የጎደላቸው ክሶች መበራከት መሆኑን ግንዛቤ ውስጥ ማስገባት እጅግ አስፈላጊ መሆኑንና ይህንን አዋጅ ተግባራዊ በማድረግ አስከአሁን የተስተዋሉትን ከካሳ ክፍያ ጋር የተያያዙ መስመር ያልተከሉ አሰራሮችን ፈር ማስያዝ ከሁሉም ባለድርሻ አካላት የሚጠበቅ መሆኑን በአጽእኖት ገልጸዋል፡፡ በመድረኩ ዓዋጅ ቁጥር 1161/ 2011 እና አዋጅ ቁጥር 1336/ 2016 በፍትህ ሚኒስቴር ተወካዮች በኩል ቀርበው ሰፊ ውይይት እና ማብራርያ ተደርጎባቸዋል። በአዋጅ ቁጥር 1336/ 2016 መሠረት ከሐምሌ 4 ቀን 2016 ዓም ጀምሮ በይፋ የካሣ ክፍያ ሥርዓት ሙሉ በሙሉ መብቱ ከፌደራል ላይ ተነስቶ ለክልል መሠጠቱ ተገልጿል። በአዋጆቹ ዙሪያ ከተሳታፊዎች ጥያቄዎችና አስተያየቶች ቀርበው ማብራሪያና ምላሽ ተሰጥቶባቸዋል፡፡ የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱረሕማን የመንገድ ፕሮጀክቶች በተያዘላቸው የጊዜ ገደብ ተሰርተው እንዲጠናቀቁ በማስቻል ረገድ በግንባታ ሥፍራ ያሉ ቤቶችና ንብረቶች በአዲሱ አዋጅ መሰረት በአፋጣኝ በማንሳት ሁሉም ባለድርሻ አካላት በባለቤትነት ስሜት ኃላፊታቸውን እንዲወጡ አሳስበዋል፡፡ በሌላ በኩል የማሻሻያ አዋጁ ለውጥ ያደረገበት ከካሰ ክፍያ ጋር የተያያዙ ክሶች የፌድራል ተቋማቱ ዋና መስሪያቤት በሚገኝበት የፌድራል የመጀመሪያ ፍርድ ቤት እንዲሆን ፣ በተቋማቱ ሂሳብ ላይ እግድ የመስጠት ፣ የተቋማቱ ዋና ሥራ አስፈጻሚዎች ተገደው ውሳኔዎችን እንዲፈጽሙ የማድረግ ስልጣን ለፌድራል የመጀመሪያ ፍርድ ቤት ፕሬዚዳንት የተሰጠ ቢሆንም አሁንም የክልል ፍርድ ቤቶች አዳዲስ ክሶችን እየተቀበሉ መሆኑን እና የፍርድ አፈጻጸምም በስፋት ወደ ባንክ እየተላከና በመንግስት ገንዘብ ላይ ተገቢ ያልሆነ ጫና እያሳደረ በመሆኑ የክልል ፍርድ ቤቶች በአዋጁ መሰረት ክሶችን እንዲያስተናግዱ ተጠይቋል፡፡ በመድረኩ ማጠቃለያ ፡- 1ኛ/ ሁሉም ባለድርሻ አካላት በተሸሻለው አዋጅና በተደረገው የኃላፊነት ለውጥ መሰረት ኃላፊነታቸውን እንዲወጡ፣ 2ኛ/ ውዝፍ ክፍያ ማለት አዋጁ ከጸናበት ከሐምሌ 4 ቀን 2016 በፊት በተቋማቱ ተልከው ክፍያ በመጠባበቅ ላይ የሚገኙ መሆኑን፣ 3ኛ/በወረዳ/ከተማ አስተዳደሮች እጅ የሚገኙ የግምት ሰነዶች በክልሎች በኩል ክፍያቸው መፈጸም የሚገባው መሆኑን፣ 4ኛ/የክልል ፍርድ ቤቶች በተሸሻለው አዋጅ መሰረት የፌዴራል ተቋማቱ ተከፋይ የሚሆኑባቸውን ክሶች የመዳኘት ስልጣን የፌዴራል የመጀመሪያ ፍርድ ቤት መሆኑ በግልጽ የተደነገገ መሆኑን በመገንዘብ ክሶቹ በፌዴራል የመጀመሪያ ፍርድ ቤት እንዲታዩ ማድረግ የሚጠበቅባቸው በመሆኑና ለአዋጁ ተግባራዊነት የበኩላቸውን ሚና እንዲጫወቱ ተጠይቋል፤ 5ኛ/ ከሐምሌ 4 ቀን ጀምሮ የሚቀርቡ የንብረት ይነሳልኝ ጥያቄዎች የካሳ ክፍያ በነባርም ሆነ በአዳዲስ ፕሮጄክቶች ላይ ክፍያ የመፈጸም ኃላፊነት የክልልሎች በመሆኑ የማሻሻያ አዋጁ ሙሉ ለሙሉ ተግባራዊ ለማድረግ እና አዋጁ እንዲያመጣ የታሰበውን ለውጥ ለማስገኘት ሁሉም ባለድርሻ አካላት በትኩረት እንዲሰራ ተጠይቋል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

ለህዝብ ቅም ሲባል መሬት የሚለቀቅበት፣ ለተነሺዎች ካሳ የሚከፈልበትና ተነሺዎች መልሰው ስለሚቋቋሙበት ለመወሰን የወጣው የመሻሻያ አዋጅ ቁጥር 1336/2016 ወደተግባር ለማስገባት ውይይት ተካሄደ አዳማ፣ ጥቅምት 21 ቀን 2017 ቀን 2016 ዓም (ኢመአ)፡ ለህዝብ ጠቅም ሲባል መሬት የሚለቀቅበት፣ ለተነሺዎች ካሳ የሚከፈልበትና ተነሺዎች መልሰው ስለሚቋቋሙበት ለመወሰን የወጣው የማሻሻያ አዋጅ ቁጥር 1336/2016 ወደተግባር ለማስገባት ከባድርሻ አካላት ጋር በ አዳማ ከተማ ውይይት ተካሄደ ። በውይይት መድረኩ የከተማና መሰረተ ልማት ሚኒስቴር፣ የኢትዮጵያ መንገዶች አስተዳደር፣ የፍትሕ ሚኒስቴር፣ የኢትዮጵያ መብራት ኃይል አገልግሎት፣ የኢትዮ ቴሌኮም ፣ የግብርና ሚኒስቴር እና የገንዘብ ሚኒስቴር የሥራ ኃላፊዎች እንዲሁም በተዋረድ በተቋማቱ ሥር ያሉ አቻ የክልል የሥራ ኃላፊዎች ተሳትፈዋል ። የውይይቱ ዋና ዓላማ አዋጅ ቁጥር 1161/2011 ላይ የነበረውን ከካሣ ክፍያ ጋር የተያያዙ ድንጋጌዎችና ከካሳ ክፍያ ጋር የተያያዙ ክሶች የሚዳኙበትን ሁኔታ ለመወሰን በተሻሻለው አዋጅ ቁጥር 1336/2016 መተካትን በሚመለከት ግንዛቤ ማስጨበጥ ነው፡፡ በዚህም መሠረት ለህዝብ ጥቅም ሲባል የመሬት ይዞታ የሚለቀቅበት ፣ ካሣ የሚከፈልበት ፣ እና ተነሺዎች መልሰው የሚቋቋሙበትን ሁኔታ ለመወሰን በታወጀው ዓዋጅ ዙሪያ ውይይት በማካሄድ ተሳታፊዎች ወደየክልላቸው ወስደው ግንዛቤ የሚያስጨብጡበትን ሁኔታ እንዲፈጠር ማስቻል ነው ። መድረኩን በንግግር የከፈቱት የከተማና መሠረተ ልማት ሚኒስቴር ሚኒስትር ዴኤታ አቶ የትምጌታ ዓሥራት የግንዛቤ ማስጨበጫ ሥራው ወደ ሁሉም ክልሎችና ከተሞች ብሎም ቀበሌያት የማውረዱና ንቅናቄ በመፍጠር የተሟላ ግንዛቤ መፍጠር ጊዜ የማይሰጠው መሆኑን አስገንዝበዋል፡፡ ለሥራው ስኬታማነት ሚኒስተር መ/ቤቱ አስፈላጊውን ድጋፍ ሁሉ ለማድረግ ዝግጁ መሆኑን ገልጸዋል። በማከልም ሁሉም ባለድርሻ አካላት የማሻሻያ አዋጁ እንዲወጣ ገፊ ምክነያት የሆኑትን እጅግ የተጋነነ ነጠላ ዋጋ፣ ምርታማነት ፣ ህገወጥ ግንባታ መበራከትና ተገቢነት የጎደላቸው ክሶች መበራከት መሆኑን ግንዛቤ ውስጥ ማስገባት እጅግ አስፈላጊ መሆኑንና ይህንን አዋጅ ተግባራዊ በማድረግ አስከአሁን የተስተዋሉትን ከካሳ ክፍያ ጋር የተያያዙ መስመር ያልተከሉ አሰራሮችን ፈር ማስያዝ ከሁሉም ባለድርሻ አካላት የሚጠበቅ መሆኑን በአጽእኖት ገልጸዋል፡፡ በመድረኩ ዓዋጅ ቁጥር 1161/ 2011 እና አዋጅ ቁጥር 1336/ 2016 በፍትህ ሚኒስቴር ተወካዮች በኩል ቀርበው ሰፊ ውይይትና ማብራርያ ተደርጎባቸዋል። በአዋጅ ቁጥር 1336/ 2016 መሠረት ከሐምሌ 4 ቀን 2016 ዓም ጀምሮ በይፋ የካሣ ክፍያ ሥርዓት ሙሉ በሙሉ መብቱ ከፌደራል ላይ ተነስቶ ለክልል መሠጠቱ ተገልጿል። በአዋጆቹ ዙሪያ ከተሳታፊዎች ጥያቄዎችና አስተያየቶች ቀርበው ማብራሪያና ምላሽ ተሰጥቶባቸዋል፡፡ የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱረሕማን የመንገድ ፕሮጀክቶች በተያዘላቸው የጊዜ ገደብ ተሰርተው እንዲጠናቀቁ በማስቻል ረገድ በግንባታ ሥፍራ ያሉ ቤቶችና ንብረቶች በአዲሱ አዋጅ መሰረት በአፋጣኝ በማንሳት ሁሉም ባለድርሻ አካላት በባለቤትነት ስሜት ኃላፊታቸውን እንዲወጡ አሳስበዋል፡፡ በሌላ በኩል የማሻሻያ አዋጁ ለውጥ ያደረገበት ከካሰ ክፍያ ጋር የተያያዙ ክሶች የፌድራል ተቋማቱ ዋና መስሪያቤት በሚገኝበት የፌድራል የመጀመሪያ ፍረድቤት እንዲሆን ፣ በተቋማቱ ሂሳብላ ላይ እግድ የመስጠት ፣ የተቋማቱ ዋና ሥራአስፈጻሚዎች ተገደው ውሳኔዎችን እንዲፈጽሙ የማድረግ ስልጣን ለፌድራል የመጀመሪያ ፍርድቤት ፕሬዜደንት የተሰጠ ቢሆንም አሁንም የክልል ፍርድቤቶች አዳዲስ ክሶችን እየተቀበሉ መሆኑን እና የፍርድ አፈጻጸምም በስፋት ወደ ባንክ እየተላከና በመንግስት ገንዘብ ላይ ተገቢ ያልሆነ ጫና እያሳደረ በመሆኑ የክልል ፍርዴቶች በአዋጁ መሰረት ክሶችን እንዲያስተናግዱ ተጠይቋል፡፡ በመድረኩ ማጠቃለያ ፡- 1ኛ/ ሁሉም ባለድርሻ አካላት በተሸሻለው አዋጅና በተደረገው የኃላፊነት ለውጥ መሰረት ኃላፊነታቸውን እንዲወጡ፣ 2ኛ/ ውዝፍ ክፍያ ማለት አዋጁ ከጸናበት ከሐምሌ 4 ቀን 2016 በፊት ወተተቋማቱ ተልከው ክፍያ በመጠባበቅ ላይ የሚገኙ ማለት መሆኑን፣ 3ኛ/በወረዳ/ከተማ አስተዳደሮች እጅ የሚገኙ የግምት ሰነዶች በክልሎች በኩል ክፍያቸው መፈጸም የሚገባው መሆኑን፣ 4ኛ/የክልል ፍርድቤቶች በተሸሻለው አዋጅ መሰረት የፌድራል ተቋማቱ ተካፋይ የሚሆኑባቸውን ክሶች የመዳኘት ስልጣን የፌድራል የመጀመሪያ ፍርድቤት መሆኑ በግልጽ የተደነገገ መሆኑን በመገንዘብ ክሶቹ በፌድራል የመጀመሪያ ፍርድቤት እንዲታዩ ማድረግ የሚጠበቅባቸው በመሆኑና ለአዋጁ ተግባራዊነት የበኩላቸውን ሚና እንዲጫወቱ ተጠይቋል፤ 5ኛ/ ከሐምሌ 4 ቀን ጀምሮ የሚቀረቡ የንብረት ይነሳልኝ ጥያቄዎች የካሳ ክፍያ በነባርም ሆነ ባዳዲስ ፕሮጄክቶች ላይ ክፍያ የመፈጸም ኃላፊነት የክልልሎች በመሆኑን የማሻሻያ አዋጁኑ ሙሉ ለሙሉ ተግባራዊ ለማድረግ እና አዋጁ እንዲያመጣ የታሰበውን ለውጥ ለማስገኘት ሁሉም ባለድርሻ አካላት በትኩረት እንዲሰራ ተጠይቋል፡፡