متاح الآن! بحث تيليغرام 2025 — أهم رؤى العام 
M.O.R East Addis Ababa Branch
الذهاب إلى القناة على Telegram
East Addis Ababa Small Tax Payer Branch Office is one of many branches of Ministry of Revenues at Addis Ababa. Which are responsible for collecting revenue from customs duties and domestic taxes.
إظهار المزيد📈 نظرة تحليلية على قناة تيليجرام M.O.R East Addis Ababa Branch
تُعد قناة M.O.R East Addis Ababa Branch (@moreastaa) في القطاع اللغوي Amharic لاعباً نشطاً. يضم المجتمع حالياً 24 017 مشتركاً، محتلاً المرتبة 2 481 في فئة السياسة والمرتبة 1 386 في منطقة Ethiopia.
📊 مؤشرات الجمهور والحراك
منذ تأسيسه في невідомо، حقق المشروع نمواً سريعاً وجمع 24 017 مشتركاً.
بحسب آخر البيانات بتاريخ 06 يوليو, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار 489، وفي آخر 24 ساعة بمقدار 37، مع بقاء الوصول العام مرتفعاً.
- حالة التحقق: غير موثّقة
- معدل التفاعل (ER): يبلغ متوسط تفاعل الجمهور 30.98%. وخلال أول 24 ساعة من النشر يحصد المحتوى عادةً 15.47% من ردود الفعل نسبةً إلى إجمالي المشتركين.
- وصول المنشورات: يحصل كل منشور على متوسط 7 440 مشاهدة. وخلال اليوم الأول يجمع عادةً 3 716 مشاهدة.
- التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 6.
📝 الوصف وسياسة المحتوى
يصف المؤلف القناة بأنها مساحة للتعبير عن الآراء الذاتية:
“East Addis Ababa Small Tax Payer Branch Office is one of many branches of Ministry of Revenues at Addis Ababa. Which are responsible for collecting revenue from customs duties and domestic taxes.”
بفضل وتيرة التحديث المرتفعة (أحدث البيانات بتاريخ 07 يوليو, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة السياسة.
24 017
المشتركون
+3724 ساعات
+1777 أيام
+48930 أيام
أرشيف المشاركات
ወድ ግብር ከፋዮቻችን ገቢዎች ሚኒስቴር በተያዘው በጀት ዓመት የግብር ከፋይ ምደባ( segementation) ማድረጉ የሚታወቅ ሲሆን ስም ዝርዝራችሁ ከዚህ በታች የተጠቀሳችሁት ግብር ከፋዮች ከሀምሌ 1/2018 ዓ.ም ጀምሮ ታክስ የምትከፍሉትም ሆነ ማንኛውንም አገልግሎት የምታገኙት አዲስ በተከፈተው መካከለኛ ግ/ከ/ ቁጥር 3 ቅ/ጽ/ቤት መሆኑን አውቃችሁ ተገቢውን ዝግጅት እንድታደርጉ ስንል በአክብሮት እናሳውቃለን፡፡
መካከለኛ ግ/ ከ/ ቁጥር 3 ቅ/ጽ/ቤት አድራሻ የቀድሞ ግሎባል ሆቴል አጠገብ መሆኑን እናሳውቃለን
Dear Taxpayers,
The Ministry of Revenues has conducted taxpayer segmentation during the current fiscal year. Accordingly, taxpayers whose names appear on the list below are hereby informed that, effective Hamle 1, 2018 E.C. (July 8, 2026 G.C.), all tax payments and other tax-related services will be provided through the newly established Medium Taxpayers Branch Office No. 3.
We respectfully notify you of this change and request that you make the necessary preparations.
Please also be informed that the Medium Taxpayers Branch Office No. 3 is located near the former Global Hotel.
የተሻሻለው የታክስ አስተዳደር አዋጅ በርካታ ለውጦችን እና አማራጭ አሰራሮችን የያዘ እንደሆነ ተረጋግጧል።የአዋጁን ሙሉ ማሻሻያ በሂደት የምናደርሳችሁ ይሆናል ።
የፌደራል የታክስ አስተዳደር አዋጅ ቁጥር 983/2008ን ለማሻሻል የወጣው ማሻሻያ አዋጅ በርካታ መሠረታዊ ለውጦችንና አዳዲስ አሰራሮችን ይዞ ቀርቧል። ዋና ዋናዎቹ ለውጦች የሚከተሉት ናቸው፡-
1. አዳዲስ ትርጓሜዎችና የተቋም ስም ለውጥ
መስማማት (Settlement)፡ የታክስ አለመግባባቶችን በውይይትና በስምምነት ለመፍታት የሚያስችል አዲስ አሰራር በትርጓሜ ደረጃ ተካቷል።
የታክስ ማጭበርበር፡ ታክስን ለመሰወር የሚደረጉ እንደ ሐሰተኛ ደረሰኝ ማቅረብና ገቢን መደበቅ ያሉ ተግባራት በዝርዝር ተተርጉመዋል።
2. የታክስ አለመግባባቶችን በመስማማት የመፍታት ሥርዓት
ይህ አዋጁ ይዞት የመጣው ትልቁ ለውጥ ሲሆን፣ ክርክሮችን በፍርድ ቤት ወይም በይግባኝ ኮሚሽን ከመጨረስ ይልቅ በባለሥልጣኑና በታክስ ከፋዩ መካከል በሚደረግ ስምምነት እንዲቋጩ የሚያስችል ነው።
የአስማሚ ሚና፡ የታክስ ባለሥልጣኑ ነጻና ገለልተኛ "አስማሚ" በመመደብ ሂደቱን ያመቻቻል።
ሂደቱ፡ መስማማት የሚቻለው በታክስ ውሳኔ ላይ ቅሬታ ከቀረበ በኋላ ሲሆን፣ በዚህ ወቅት ለይግባኝ የተቀመጡ የጊዜ ገደቦች ታግደው ይቆያሉ።
ውጤቱ፡ የሚደረሰው ስምምነት በጽሁፍ ሆኖ በሁለቱም ወገኖች ከተፈረመ አስገዳጅና ተፈጻሚነት ይኖረዋል።
3. በአዲስ ማስረጃ አቀራረብ ላይ የተጣለ ገደብ
ታክስ ከፋዮች የታክስ ውሳኔ ከተሰጠ በኋላ በቅሬታ ወይም በይግባኝ ወቅት አዲስ ማስረጃ የማቅረብ መብታቸው ተገድቧል።
አዲስ ማስረጃ ተቀባይነት ሊያገኝ የሚችለው ማስረጃው የታወቀው ከውሳኔ በኋላ ከሆነ ወይም አቅም በላይ በሆነ ምክንያት ካልቀረበ ብቻ ነው።
ከታች ስማችሁ የተዘረዘረው ወደ ቅርጫፋችን የተቀላቀላችሁ ውድ ግብር ከፋዮቻችን በገቢዎች ሚኒስቴር የሴግመንቴሽን ምደባ መሠረት፣ ከሐምሌ 1/2018 ጀምሮ አገልግሎትና ክፍያ የምትፈጽሙት ምስራቅ አዲስ አበባ አነስተኛ ግብር ከፋዮች ቅ/ፅ/ቤት መሆኑን እየገለጽን ወደ ቅ/ጽ/ቤታችን በመምጣታችሁ እንኳን ደስ አላችሁ እንላለን ።
• ብሔራዊ ባንክ (NBE) የኢ-ክፍያ ሂሳብ፡- 0100191040217
• ከባንክ ወደ ባንክ ማስተላለፊያ፡- ቁጥር.0100191040194.
• የአካውንት ስም፡- Ministry Of Revenues east Addis Abeba Small Tax Payers Branch Office
• ለተጨማሪ መረጃ፡- መገናኛ ለም ሆቴል አካባቢ በሚገኘው ኮሜት ህንፃ አንደኛ ፎቅ የታክስ ከፋዮች ምዝገባና አገልግሎት እንዲሁም ከዘፍመሽ ወደሾላ ገበያ መብራቱን ሳይደረስ ሲቲስኩዌር ህንጻ 5ኛ ፎቅ ትምህርትና መረጃ አቅርቦት ማንኛውም መረጃና ድጋፍ ማግኘት የምትችሉ መሆኑን እያሳወቅን
በተጨማሪም በስልክ ቁጥር 0116674695 መደወል እና ማብራሪያ ማግኘት እንደምትችሉ እንገልጻለን ።
በገቢዎች ሚኒስቴር የምስራቅ አዲስ አበባ አነስተኛ ግ/ከ/ቅ/ጽ/ቤት!
1142_የኤሌክትሮኒክ_ደረሰኝ_ሥርዓት_አስተዳደር_መመሪያ_ቁጥር_1142_2018_260701_203727.pdf5.06 KB
+6
የበጀት ዓመቱ የሰኔ ወር ክፍል ሶስትን የሞጁላር ስልጠናቸውን እያጠናቀቁ ላሉ ግብር ከፋዮች ጋር ስልጠናና ውይይት ተካሄደ
………………
ሰኔ 24 /2018 //ምስራቅ አ/አ/አነ/ግ/ከ/ቅ/ጽ/ቤት //
ቅርንጫፍ ጽ/ቤቱ ግብር ከፋዮች ታክስን በፈቃደኝነት እንዲከፍሉና ሀገራዊ ሀላፊነታቸውን እንዲወጡ ከሚያስችላቸው መንገዶች አንዱ ሞጁላር የተሰኘውን ስልጠና ለ90 ሰዓታት በመስጠት በታክስ ምንነትና አዋጅ ደንብ መመሪያና አሰራር ዙርያ ስልጠና እዲያገኙ ማድረግ ነው ፡፡
ይህንን ተከትሎ በዛሬው እለት የበጀት ዓመቱ የሰኔ ወር ክፍል ሶስትን የሞጁላር ስልጠናቸውን እያጠናቀቁ ላሉ ግብር ከፋዮች ጋር ስልጠናና ውይይት ተካሂዷል፡፡ ወ/ሮ የሺወርቅ ተጫኔ የታክስ ትምህርትና መረጃ አቅርቦት የስራ ሂደት አስተባባሪ በሴምስተሩ መጨረሻ የሚሰጠውን የታክስ አስተዳደራዊ እና የወንጀል ቅጣቶች ስልጠና ሰጥቷል ፡፡
ከዚህም ጋር ተያይዞ የታክስ ትምህርትና መረጃ አቅርቦት የስራ ሂደት አስተባባዋ በስልጠናው ዙርያ ከግብር ከፋዮቹ ጋር ውይይት ያካሄዱ ሲሆን ተለነሱ ጥያቄዎችና አስተያቶች ምላሰሽ ሰጥተዋል ፡፡
+2
በአዲሱ የግብር ከፋዮች ምደባ (tax payers’ segmentation) ከቅርንጫፍ ጽ/ቤቱ ወደ መካከለኛ ቁ3 ለሚዛወሩ ሰራተኞች የስራ አቅጣጫ ተሰጠ
..........
ሰኔ 20 / 2018 ዓ.ም (ምስራቅ አ/አ/አነ/ግ/ከ/ቅ/ጽ/ቤት
የገቢዎች ሚኒስቴር ግብር ከፋዮች ተገቢውን አገልግሎት እንዲያገኙ ለማድረግ፣ የሚኒስቴር መ/ቤቱን ተደራሽነት ለማስፋት እንዲሁም የግብር ከፋዮችን አደረጃጀት ለማስፋት ታስቦ አዲሱ የግብር ከፋዮች ምደባ (tax payers’ segmentation) ከሚቀጥለው በጀት ዓመት ጀምሮ ተግባራዊ ያደርጋል ።
ይህንንም ተከትሎ ወ/ሮ ወርቅዓለም ተሾመ የቅርንጫፍ ጽ/ቤቱ ስራ አስኪያጅ ከቅርንጫፍ ጽ/ቤቱ በአዱሱ ምደባ ወደ መካከለኛ ቁጥር 3 ግብር ከፋዮች ቅርጫፍ ጽ/ቤት የተመደቡ ሰራተኞችን የስራ አቅጣጫ ሰጥተዋል።
ቅርንጫፍ ጽ/ቤቱ በጀት ዓመቱን ጭምሮ እስካሁን ባሉት ዓመታት በስኬት መጓዙን በመግለፅ የዚህ ስኬት ምንጩ ጠንካራ አመራርና ሰራተኞች መኖራቸውእንደሆነ ተናግረው በአዱሱ ምደባ ከቅርጫፍ ጽ/ቤቱ የተዛወሩ ጠንካራ ሰራተኞች መሆናቸውን በመግለጽ እንደ ገቢዎች ሚኒስቴር የተቋሙን እቅድ ለማሳካትና ሀላፊነትን በመወጣት የቅርጫፍ ጽ/ቤቱ መልካም ስም እንደሚያስጠብቁ ጽኑ እምነት እንዳላቸው በመግለጽ አደራ ሰጥተዋል፡፡ በተጨማሪም በእጃቸው ያሉትን የቅርጫፉ ስራዎችን በተናበበ እና በተደራጀ አግባብ ላሉት ባለሙያዎችና ኋላፊዎች እንዲያስረክቡ አሳስበው መልካም የስራ ጊዜ ተመኝተዋል።
ለአዳዲስ ግብር ከፋዮ በመሰረታዊ የታክስ ህግ፣ መመሪያ እና ደንቦች ዙሪያ የግማሽ ቀን ስልጠና ተሰጠ፡፡
...........................
በገቢዎች ሚኒስቴር የምስራቅ አዲስ አበባ አነስተኛ ግብር ከፋዮች ቅርንጫፍ ጽ/ቤት ዛሬ ሰኔ 19 ቀን 2018 ዓ.ም በቅርብ ጊዜያት ውስጥ የታክስ ከፋይ መለያ ቁጥር ላወጡ ለአዳዲስ ግብር ከፋዮች በመሰረታዊ የታክስ ህግ፣ መመሪያ እና ደንቦች ዙሪያ የግማሽ ቀን ስልጠና ሰጥቷል፡፡
የስልጠናው ዋና ዓላማ አዳዲስ ግብር ከፋዮች መሰረታዊ የታክስ ህጉን እንዲረዱ በማድረግ ካላስፈላጊ ቅጣት ማዳን ፣ግብርን በመክፈል ሀገራዊ ሀላፊነትን እንዲወጡ ማሰቻል ነው ።
ስልጠናውን የሰጡት የታክስ ከፋዮች ትምህርት ከፍተኛ ባለሙያ አቶ ተስፋየ ነጋሽ ሲሆኑ በስልጠናው ላይ ለተነሱ የተለያዩ ጥያቄዎች ሰፊ ማብራሪያ እና ምላሽ ሰጥተዋል ።
በመሠረታዊ የታክስና ጉምሩክ ህጎች ዙሪያ ለሰለጠኑ የዩኒቨርሲቲ ተመራቂ ተማሪዎች እውቅና ተሰጠ።
ሰኔ-18 ቀን 2018 ዓ.ም | አዲስ አበባ
የገቢዎች ሚኒስቴር እና የኢትዮጵያ ጉምሩክ ኮሚሽን በመሠረታዊ የታክስና ጉምሩክ ህጎች ዙሪያ ለሶስተኛ ጊዜ ላሰለጠኗቸው የዩኒቨርሲቲ ተመራቂዎች የማጠቃለያና የእውቅና መርሐ-ግብር አካሂደዋል።
በመድረኩ ላይ የተገኙት የገቢዎች ሚኒስትር ወ/ሮ አይናለም ንጉሴ ፤ ተመራቂ ተማሪዎች የነገ የሕዝብ አገልጋዬች እንደመሆናቸው የቀሰሙትን እውቀት ተጠቅመው የታክስ እና የጉምሩክ ህጎች ተገዥነትን በማረጋገጥ ረገድ መልካም ስነ-ምግባርን በመላበስ ግንባር ቀደም አገር ወዳድ አምባሳደር በመሆን አርአያ እንዲሆኑ አሳስበዋል።
በጉምሩክ ኮሚሽን የጉምሩክ የህግ ተገዢነት ዘርፍ ም/ ኮሚሽነር አቶ እዝዘው ጫኔ በበኩላቸው፣ ተመራቂዎች የሀገሪቱን የገቢ አሰባሰብ ስርዓት የሚጎዳውን ህገ-ወጥ ንግድ እና ኮንትሮባንድን በቁርጠኝነት የመከላከል ኃላፊነት እንዳለበት ገልጸዋል።
ምክትል ኮሚሽነሩ አክለውም ፤ የታክስና ጉምሩክ ህጎችን አክብረውና አስከብረው በታክስ አማካሪነት፣ በጉምሩክ አስተላላፊነት እና በፋይናንስ ዘርፍ በብቃት በመሰማራት የታክስ አምባሳደሮች መሆን እንደሚችሉም አመላክተዋል።
በጉምሩክ ኮሚሽን የደንበኞች ትምህርትና ድጋፍ ዳይሬክቶሬት ዳይሬክተር አቶ ሰኚ አሰፋ በበኩላቸው፤ ተመራቂ ተማሪዎች የህግ ተገዢነትን ከማሳደግ እና የሀገሪቱን የገቢና ወጪ ንግድ ስርዓት ከማዘመን ረገድ ከፍተኛ ሚና ሊጫወቱ እንደሚገባ አስምረውበታል ፡፡
በመርሐ-ግብሩ የታክስ ኦፕሬሽን ዘርፍ ሚኒስትር ዲኤታ ወ/ሮ ያስሚን ወሀቢረቢ ፣ የኢዳታ ዘርፍ ሚኒስትር ዲኤታ አቶ ዳዊት ውብሸት ፣ የዩኒቨርስቲ ዲኖች፥ የአዲስ አበባ ገቢዎችና ጉምሩክ ቅርንጫፍ ጽ/ቤቶች ተወካዮች እና ሌሎች ተጋባዥ እንግዶች ተገኝተዋል፡፡
በፕግራሙ ማጠቃለያ ላይ ስልጠናውን ላጠናቀቁ ተማሪዎች ፣ ለአስተባባሪዎች፣ የዩኒቨርሲቲና ኮሌጅ ዲኖች የምስክር ወረቀት፤ እንዲሁም የላቀ ውጤት ላስመዘገቡ ተማሪዎች የክብር ሽልማት ተበርክቶላቸዋል።
