නිසදැස් මැදුර 🌻🦋

නිහඬ

දකින සෑම විටම ඔහුගේ මුහුණත තිබුණේ පිරුණු සිනහවකි නුඹේ මුහුණටත් ඒ සිනහවම රැගෙන එන්නට ඔහු කිසිදා පසුබට නොවීය. එහෙත් ඒ මෘදු සිනහවට පිටුපසින් වාසය කළේ වෙනත් මිනිසෙකි අඳුරට ඇලුම් කළ, උන්මාදයට වශී වූ, තම ආශාවන්ට සීමා නොතැබූ නිහඬ මෘගයෙකි. සඳ කිරණ යට අප දෙදෙනා පමණක් වූ සෑම රාත්‍රියකම, ඔහුගේ අඳුරු පැත්තට අවශ්‍ය වූයේ මගේ ලෝකයම ඔහුගේ අතට ගැනීමටය. මගේ හුස්ම පවා ඔහුගේ නමට බැඳ තබන්නට, මගේ දෑස් තුළ ඔහුගේම සෙවණැල්ල දැකීමට, මගේ සෑම සීමාවක්ම ඔහුගේ ආශාව ඉදිරියේ නිහඬ කරවීමට ඔහුගේ සිහින එතරම්ම අඳුරු විය. නමුත්… මා තුළ වූ ආදරය ඔහු තුළ වූ ඒ සියලු අඳුරු ආශාවන්ට වඩා විශාල විය. නුඹ මගේ සෑම වචනයකටම අවනත වූ මොහොතවල පවා, මම මගේම ආශාවන් නුඹ ඉදිරියේ කිසිදා සම්පූර්ණයෙන් අවදි නොකළෙමි. මන්ද, නුඹව මගේ කරගැනීමට මට බලයක් අවශ්‍ය නොවීය. නුඹ මගේ ළඟම රැඳී සිටින්නට ආදරය පමණක් ප්‍රමාණවත් විය. ඒ නිසා සෑම රාත්‍රියකම මගේ ඇතුළත සිටින මෘගයා මම නිහඬ කළෙමි. නුඹට නොපෙනෙන ලෙස මගේ අඳුර මගේම පපුව තුළ සිරකර තැබුවෙමි. නුඹ සිතුවේ මගේ සිනහව නුඹව සැනසූ බවය. නමුත් සත්‍යය නම් නුඹේ සිනහවෙන් සැනසුණේ මමය.... මගේ අඳුරු ආශාවන්ට වඩා මම නුඹට ආදරය කළෙමි. නුඹව හිමි කරගැනීමට මට තිබූ ආශාවට වඩා, නුඹට කිසිදා බිය නොවී මගේ ළඟ ආදරයෙන් සිනාසෙන්නට ඉඩ දීමට මම ආදරය කළෙමි. ඒ නිසා මම තවමත් නිහඬය...... මගේ අඳුර නුඹ නොදන්නා රහසකි. මගේ ආශාව මගේම සිරකරුවෙකි. ඒත් මගේ ආදරය නුඹට නිදහසේ හුස්ම ගන්නට ඉඩ දෙන එකම දොරටුවයි.

නුබ ඔතන මා මෙතෙන විදිනවා ඈ එක මත රාගය ය්ටි හිත රවටල මන් ආවා උඩු හිත ඉල්ලන අන්සැපට

Charitha Attalage (Heena Maka ft Harshadeva X Ravi Jay) @SilentDarkXD2629