uz
Feedback

Firibgarlarga uchmang! Telemetrio bunday kanallarni topadi va belgilaydi 👉 Belgini ko‘rmoqchi bo‘lsangiz, obuna bo‘ling

አፋብን ሸዋ ጠቅላይ ግዛት አሳምነው ፭ኛ ዕዝ

አፋብን ሸዋ ጠቅላይ ግዛት አሳምነው ፭ኛ ዕዝ

Kanalga Telegram’da o‘tish
5 407
Obunachilar
-324 soatlar
-277 kun
-7530 kun
Postlar arxiv
ጀግና ቢያልፍም ዓላማውና ታሪኩ ሕያው ሆኖ ይኖራል!! ህዳር፡ 06/2019 ዓ.ም ለወገኑ ህልውና፣ ለፍትሕ እና ለነፃነት ሲል በመንዝና ግሼ አውራጃ የአውደ ውጊያ ግንባር በተደረገው ተጋድሎ ውድ ሕይወቱን የሰጠው አርበኛ ዶ/ር አናንያ ጥላሁን ከመካከላችን ከተለየ እነሆ ዛሬ አርባ ቀን ሞልቶታል። አርበኛ ዶ/ር አናንያ ጥላሁን የሕብረተሰብ ጤና ባለሙያ በመሆን ሕዝቡን በሙያው እያገለገለ ሳለ፣ የወገኑ ህልውና አደጋ ላይ መውደቁ እረፍት ነስቶት የግል ሕይወቱንና ምቾቱን ወደ ጎን በመተው የትግሉን ሜዳ የተቀላቀለ ቁርጠኛ የሕዝብ ልጅ ነበር። ትግል ከጀመረበት ጊዜ ጀምሮ ባደረገው ተጋድሎ ሠራዊታችን በተዋደቀባቸው ቦታዎች ሁሉ በመገኘት በሙያው ቁስለኞችን በማከምና አለፍ ሲልም በዕዙ ቁልፍ የሀላፊነት ቦታ ላይ ሆኖ በማገልገል እንዲሁም በተለያዩ አውደውጊያዎች በግንባር ቀደምትነት በመፋለም አኩሪ ታሪክ ፈጽሟል። የአርበኛ ዶ/ር አናንያ ጥላሁን መስዋዕትነት ለትግል ጓዶቹ እና ለመላው ሕዝባችን የምንተክዝበት እና የምንቆዝምበት ሳይሆን ከፍተኛ የሞራል ስንቅ እና የዓላማ ጽናት የሚሰጥ ነው። በአካል ቢለየንም በተግባሩ ያስተማረንን ጽናትና ለወገን የነበረውን ንጹሕ ፍቅር በታሪክ መዝገብ ላይ ደምቆ ተጽፎ ይኖራል። በዚህ በአርባኛ ቀን መታሰቢያው፣ የድርጅታችን አፋብን ሸዋ ጠቅላይ ግዛት አሳምነው 5ኛ ዕዝ ለጀግናው አርበኛ ያለውን ታላቅ ክብር እየገለጸ፣ ለወላጆቹ፣ ለቤተሰቦቹ፣ ለትግል ጓዶቹ እና ለመላው ወገኖቹ መጽናናትን ይመኛል። ታጋይ ይሞታል ትግል ይቀጥላል። ጀግናው የተሰዋለትን አላማ ከግቡ እናደርሳለን። ፈጣሪ የጀግናው አርበኛ ዶ/ር አናንያ ጥላሁንን ነፍስ በአጸደ ገነት ያኑርልን!! " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ!!

የዛሬ ሶስት አመት ነበር! የደፈጣው ንጉስ ትክ አልባ ህይዎቱን ለአማራ ህዝብ ያለስስት የሰጠው! #የደፈጣው ንጉስ የአማራ የቁርጥ ቀን ልጅ የጀነራል አሳምነው ፅጌ ትንፋሽ፣የአስማረ ዳኜ መንፈስን፣የበላይ ዘለቀ ልቦና፣የመይሰው ካሳን ህቅታ የተቀበለው፣የእምዬ ምንይልክ የአብራክ ልጅ ኩሩ እርሱ የአማራ ህዝብ የህልውና ችግር በገጠመው እለት ነፍጡን አንስቶ ጫካ ወረደ።የአማራ ተራሮች ሜዳዎች የእርሱ የእግር ዱካዎች አሻራ ታትሞባቸዋል።የጀግና መንፈሱ ለተተኪ ጀግኖች ራዕይ ነውና! የደፈጣው ንጉስ ባለበት ቀጠና የፋሽስቱ የአብይ ሰራዊት ዘወትር ለአሞራና ጅብ ሲሳይ ይደረጋሉ።በቃ ለእርሱ የደፈጣ ውጊያ በፈጣሪ የተሰጠው ልዩ ችሎታው ነው።ከትካሻው ሰፋ ከግንባሩ ኮስተር ያለው የደፈጣው ንጉስ በፋኖ ትግል ትልቅ አሻራን የሰራ! ህያው ሀውልቱን በአማራ ህዝብ ልብ ውስጥ የገነባ ኩሩ ጀግና ነው። #የራምቦ የልብ ወዳጅና ወንድም ሰማዕቱ ቀኝአዝማች ጨለፍ ተስፋው "በቃ ደፈጣ ለእርሱ ትሰግዳለች።ደፈጣ እርሱ ሜዳ ላይ ሁሉ ያሲዛል።ደፈጣውም ሙሉ በሙሉ ይሳካል።ደፈጣ ለእርሱ ሜዳው ሁሉ የሚታዘዘው ነው።" በማለት የሚገልፀው! የሚመሰክርለት! የደፈጣው ንጉስ በዛሬዋ እለት ከዛሬ ሶስት አመት በፊት ነበር ለአማራ ህዝብ የህልውና ጉዳይ ትክ አልባ ህይዎቱን ሰጥቶን የተሰዋ። ህዳር 6/2016 ዓ/ም በደቡብ ወሎ ሀይቅ ዙሪያ የፋሽስቱን ገዳይ ሰራዊት የአማራን ህዝብ ለመጨፍጨፍ ባመራበት ወቅት የደፈጣው ንጉስ ከጠላት ጋር ስሊ ለስሊ በመተናነቅ #በክብር! #በፀጋ! #በጀግንነትና #በህያው አኩሪ ታሪክ መድረክ ፊት አንድያ ህይዎቱን ሰጠና የአማራን ህዝብ ታደገ።የጀግናውን ተጋድሎ ያዩና የሰሙ ጀግኖች በየአቅጣጫው ወደ አርበኛው አላማ ተመሙ።ሽህ የደፈጣው ንጉስን በተጋድሎው ያፈራው አርበኛ የደፈጣው ንጉስ ስንታየሁ ማሞ(ራምቦ) ያ መንፈሱ በጓዶቹና በትውልዱ ልብ ውስጥ ሰርጎ በመስረፁ ህዝባዊ ኩራትን በመታሰቢያ እለቱ ለታሪክ ገፆች ተበርክቷል። #እርሱ ራምቦ ነው። ራምቦ በሰሜኑ ጦርነት በቦሩ ስላሴ ብሬን የማረከ ክስተትና የጀግንነት ፈለግ ነው።በራምቦና ጓዶቹ ክንድ ያልተማረከ የጠላት ትጥቅም ሆነ ስንቅ የለም።የፋሽስቱን ሰራዊት በምርኮ አሰልፎ የነዳ የደፈጣው ንጉስ ራምቦ ሜዳ ገደሉ ስሙር የሚሆኑለት ደፈጣዎች ሁሉ ሙሉ የሚሳኩለት የጀግኖች ሁሉ ጀግና ነው። በህዳር ወር 2016 ዓ/ም ህቅታውን ለአማራ ህዝብ እስኪሰጥ ድረስ ሙሉ የጊዜና የህይዎቱን እድሜዎች ለአማራ ህዝብ ሰጥቶ ጨለማና ብርሀን፤ሀሩርና ወበቅ፤ብርድና ቆፍ ለአፍታም ሳይበግሩት ለህልውናው ትግል ማድረግና መከወን የቻለ ኩሩ ፋኖ ነበር።ታሪክና ጀብዱ! ስምና ህዝባዊነቱ በትውልዶች ህይዎት ሁሉ ሰርፆ ለዘላለም እንደ ቀደምት አባቶቻችን ይኖራል። #ክብር ለሰማዕታቱ👏 #ድል ለሰፊው ለሰፊው ህዝብ💪 #ፋኖ እሸቱ አባተ! ህዳር 6/2019 ዓ/ም!

➤ ህዳር 03/2019 ዓ.ም፣ ምዕራብ ጎንደር ዞን፣ መተማ ወረዳ፣ በአዲሳለም እና ቁጥር 1 ቀበሌዎች መካከል "ደለሎ" የተባለ አካባቢ፣ አፋብን ጎንደር ጠቅላይ ግዛት በላይ ዘለቀ 3ኛ ዕዝ፣ 305ኛ ጎቤ መልኬ ኮር 76ኛ እና 52ኛ ክፍለ ጦሮች እንዲሁም የኮሩ ተወርዋሪ ኃይል፣ በቅንጅት በወሰዱት እርምጃ በጠላት ኃይል ላይ ከፍተኛ ኪሳራ አድርሰዋል። ➛ በዚህም የሻለቃ መሪውን ጨምሮ 23 የጠላት ኃይል ተደምስሷል፤ 15 ከባድና ቀላል ቁስለኞች እንዲሁም 5 ወታደሮች ተማርከዋል። ➛ 20 ክላሽንኮቭ መሳሪያዎች፣ 1 እስታር ሽጉጥ፣ 3,000 የክላሽ እና 2,700 የብሬን ተተኳሾችን መማረክ ችለዋል። 5ኛ, ምዕራብ ግንባር፦ ➤ ጥቅምት 29/2019 ዓ.ም፣ አፋብን ቴዎድሮስ ዕዝ 102ኛ ኮር 22ኛ ክፍለ ጦር፣ የባህር ዳር ሻለቃ ጀግኖችና የክፍለ ጦሩ ቃኝና መሐንዲስ በይቫቭ አስፓልት ላይ በምሽት በተፈጸመ የደፈጣ ጥቃት በርካታ የጠላት ኃይል ሙትና ቁስለኛ ተደርጓል፤ 3 ጥቁር ክላሾች ተማርከዋል። ➛ ሸቨር ባታ በተባለ ልዩ ቦታ ላይ ከአንዳሳ ወደ ባህር ዳር ሲጓዝ በነበረ የጠላት ኃይል ላይ በማለዳ በተፈጸመ የደፈጣ ጥቃት ከፍተኛ ሰብአዊና ቁሳቁሳዊ ኪሳራ ደርሷል። ➧ በምርኮ የተገኙ መሳሪያዎችና ቁሳቁሶች፦ ➛11 ክላሽንኮቭ መሳሪያዎች ➛450 የብሬን እና 260 የክላሽ ተተኳሾች (ጥይቶች)     ➛ ​5 ካዝናዎች፣ 1 መገናኛ ሬዲዮ፣ 2 የብሬን ሸንሸሎች፣ 5 የወገብ ትጥቆች እና የእጅ ስልኮች ተጠቃሽ ናቸው። ➤ ጥቅምት 30/2019 ዓ.ም፣ ጃቢ ጠህናን ወረዳ፣ የፍራጥ አዳንህኝ፣ ወይንማ ወርቅማ እና እርግብ ቀበሮ ሜዳ 3 ቀበሌዎች፣ አፋብን ቴዎድሮስ 2ኛ ዕዝ፣ 109ኛ ኮር 77ኛ ክፍለ ጦር፣ ከአካባቢው አባት አርበኞችና ሕዝባዊ አስተዳደር ጋር ሰፊ ውይይት በማድረግ አርበኞችን የማደራጀትና ለግዳጅ ዝግጁ የማድረግ ሥራ አከናውኗል። በውይይቱ ለተነሱ ጥያቄዎች ምላሽ ተሰጥቶ፣ ለቀጣይ ሥራዎች በፍጹም መግባባትና መተማመን አቅጣጫዎች ተቀምጠዋል። ➤ ጥቅምት 30/2019 ዓ.ም፣ የአገዛዙ ሠራዊት አባላት ሥርዓቱን በመክዳት አፋብን ቴዎድሮስ 2ኛ ዕዝን ተቀላቅለዋል። ከአዮጓጉሳ እሁዲት ካምፕ 2 የሠራዊቱ አባላት ወጥተው 109ኛ ኮር 88ኛ ክፍለ ጦር ወርቅ ዓባይ ሻለቃን ተቀላቅለዋል። ➛ይዘው የገቡት ትጥቅ፦1 ስናይፐር እና 2 ጥቁር ክላሽንኮቭ መሳሪያዎች ናቸው። ​ማጠቃለያ፦ 1. የጠላት ኃይል ጉዳትና እጅ መስጠት ➛ የተደመሰሱ (የተገደሉ) የጠላት ኃይሎች ፦(በምስራቅ ግንባር 74 + በምዕራብ ግንባር 265) በድምሩ=339 ➛ ​በውጊያ የተማረኩ የጠላት ኃይሎች፦ (በምስራቅ 43 + በምዕራብ 40) በድምሩ= 83 ➛ ​ከድተው ወደ ፋኖ የተቀላቀሉ የዘረ ፈጁ የሠራዊት አባላት፦ በደቡብ ግንባር ሸዋ 12 + በምዕራብ ግንባር ጎንደር 4 + በምዕራብ ቴዎድሮስ ዕዝ 2) በድምሩ=18 ➛ ​አጠቃላይ የተማረኩና ከድተው የተቀላቀሉ ድምር=101 ➛ የቆሰሉ የጠላት ኃይሎች በምዕራብ ግንባር መተማ ላይ ብቻ= 77 ​2. የተማረኩና ገቢ የሆኑ መሣሪያዎች ብዛት (በድምሩ) ➛ ዶሽቃ፦ 1 ➛ ብሬን (መትረየስ)፦ 9 ➛ ስናይፐር፦ 6 ➛ ​ክላሽኮቭ እና ሌሎች ነፍስወከፍ መሣሪያዎች (SKS, M-14, ሽጉጥ ጨምሮ)፦ በምስራቅ 35፣ በምዕራብ ግንባር ጎንደር 173፣ በምዕራብ ግንባር ቴዎድሮስ 2ኛ ዕዝ 16፣ በደቡብ ግንባር 13) በድምሩ 237 ➛ እስታር ሽጉጥ፦ 1 ➛ ​የእጅ ቦንቦች፦600 ​3. ተተኳሽ ጥይቶች እና ካዝናዎች ➛ ​አጠቃላይ ተተኳሾች (ጥይቶች)፦~168,800 (የብሬን፣ ስናይፐር እና ክላሽ ጥይቶች) ➛ ​የካዝና ብዛት፦ 600 የክላሽ + 6 የስናይፐር ካዝናዎች በድምሩ= 606 ​4. ሌሎች ወታደራዊ ቁሳቁሶች ➛ የመገናኛ ሬዲዮኖች፦ 6 ➛ የውሃ መያዣ ኮዳዎች፦ 111 ➛ በተጨማሪም የወገብ ትጥቆች፣ የብሬን ሸንሸሎች እና የሞባይል ስልኮች ይገኙበታል። ​5. በጠላት ጥቃት በንጹሐን ዜጎች ላይ የደረሰ ጉዳት፦ ➛  ​ሕይወታቸው ያለፈ ንጹሐን በድሮን፣ በግድያ እና በድብደባ፦በወለጋ 34+፣ በመቄት/ምስራቅ 5፣ በደቡብ 3፣ በድምሩ= 42 ➛ ​ወላጆቻቸውን ሙሉ በሙሉ ያጡ ህፃናት፦11 ➛ ከባድ ቁስለኞች፦ በርካታ ንጹሐን ዜጎች ይገኙበታል። ➛ የመሠረተ ልማት ውድመት፦ በአገዛዙ መድፍ አማካኝነት የአርሶ አደር ሰብሎች እና የመብራት መሰረተ ልማቶች (ፖሎች) ወድመዋል። የአማራ ህዝብ የህልውና ተጋድሎ ተጠናክሮ ይቀጥላል.....። ክብር እና ሞገስ ለትግሉ ሠማዕታት! ድል ለአፋብን! ድል ለአማራ ህዝብ! ድል ለኢትዮጵያ ህዝባዊ ኃይሎች ትብብር ለህልውና! ----ህዳር 04 / 2019 ዓ.ም። ቴሌግራም ቻናላችን👇👇👇 https://t.me/abeamoraw

​የውይይቱ ዋና ዋና አጀንዳዎች፦ ➙የትግሉ ወቅታዊ ገጽታ። ➙የፋኖ እና የሕዝብ ትስስር ማጠናከሪያ መንገዶች። ➙ማህበራዊ መስተጋብሮች። ➙የሲቪል መዋቅር አስፈላጊነትና የሕዝብ ተሳትፎ ተጠቃሽ ናቸው። ➣ አመራሮቹም ለተነሱ ጥያቄዎች ምላሽ የሰጡ ሲሆን፣ አባት አርበኞችና ነዋሪዎቹም ከጀግናው የፋኖ ሠራዊት ጎን በመቆም ትግሉን እስከ መጨረሻው ለመደገፍ ያላቸውን ዝግጁነት አረጋግጠዋል። ➤ ጥቅምት 30/2019 ዓ.ም፣ ከላላ ወረዳ  የአፋብን ምኒልክ 1ኛ ዕዝ 15ኛ ኮር እና የጊዜያዊ ሕዝብ አስተዳደር ከፍተኛ አመራሮች ከከላላ ወረዳ ነዋሪዎች ጋር ሰፊ ሕዝባዊ ውይይት አካሂደዋል። ​የውይይቱ ዋና ዋና ነጥቦች፦ ➛ የትግሉ አሁናዊ ደረጃ፣ ጊዜያዊ አስተዳደር፣ የፀጥታና የፍትህ መዋቅሮች ላይ ምክክር ተደርጓል። ➛ የፋኖ እና ሕዝብ ትስስር እንዲሁም የሲቪል መዋቅር አስፈላጊነት ተነስቷል፤ ነዋሪዎቹም መዋቅሩን አድንቀዋል። ➙ከጠላት ጎን ተሰልፈው ለሚገኙ የካቢኔ ቤተሰቦች እና ሚሊሻዎች ወደ ቤተሰቦቻቸው ቢመለሱ ምንም ችግር እንደማይገጥማቸው የማረጋገጫ ጥሪ ተላልፎላቸዋል። ➤ ጥቅምት 30/2019 ዓ.ም፣ መቄት ወረዳ (ወቄጣ፣ ፍላቂት፣ ገረገራ ከተማ እና አካባቢው) ➛ የዘረ-ፈጁ ብልፅግና መንግሥት የጸጥታ ኃይሎች በንጹሐን ዜጎች ላይ ግድያ፣ አፈና እና ከፍተኛ እንግልት እየፈጸሙ ሲሆን፦ ​ህይወታቸው ያለፈ ንጹሐን፦ ➛ደስታ ውቤ (የ19 ዓመት ወጣት) ➛አቶ ጌታ ወርቁ (የ60 ዓመት አዛውንት) ➛ማርየ ካሣው (የ15 ዓመት ታዳጊ) ➛ቄስ ደረጀ አሻግሬ ➛ወ/ሮ ሙሉ አባተ ይገኙበታል። ➣ መምህራን ከትምህርት ቤት እየተወሰዱ ድብደባና አፈና ደርሶባቸዋል፤ ያመለጡትም ከሥራቸው ተባረዋል። ➣ የፋኖ ቤተሰቦች ናችሁ" በሚል በርካታ ነዋሪዎች በሌሊት ታፍነው ወደ ወታደራዊ ካምፖች በመወሰድ ከባድ የአካል ጉዳት ደርሶባቸዋል። ➤ ህዳር 03/2019 ዓ.ም፣ ሰሜን ወሎ ዞን፣ ራያ ቆቦ ወረዳ (ከቆቦ ከተማ አቅራቢያ ልዩ ስሙ አዩብ አካባቢ)፣ የአፋብን ምኒልክ 1ኛ ዕዝ 102ኛ ኮር ቃኝ እና 15ኛ ክፍለ ጦር ቃኝ ከቆቦ ወደ ዋጃ ተተኳሽ ለመውሰድና ዙ-23 (ZU-23) ለመቀበል ሲጓዝ በነበረ አንድ የመንግሥት ፓትሮል መኪና ላይ የደፈጣ ጥቃት ፈጽመዋል። ➛ በጥቃቱ 18 የመንግሥት ሠራዊት አባላት የተገደሉ ሲሆን፣ ቀሪው ኃይል የጮቢ በር ምሽጉን ለቆ ወደ ቆቦ እና ጥሙጋ ከተሞች አፈግፍጓል። 4ኛ, ምዕራብ ግንባር፦ ➤ ጥቅምት 27/2019 ዓ.ም፣ አፋብን ጎንደር ጠቅላይ ግዛት በላይ ዘለቀ 3ኛ ዕዝ (ዳግማዊ ቴዎድሮስ 5ኛ ኮር)፣ ኮሩ ላለፉት ወራት የገጠሙትን ውስጣዊ ችግሮች ለመፍታትና ተቋማዊ አደረጃጀቱን ለማስተካከል ለተከታታይ ቀናት ጥልቅ ግምገማ በማድረግ አዲስ የኮር አደረጃጀትና አመራር ይፋ አድርጓል። የክፍለ ጦር አደረጃጀቶቹ፦ ፩ ጎንደሬ በጋሻው ክፍለ ጦር     ፪  መብረክ ክፍለ ጦር ፫  ንስር በለሳ ኢ/ቅጣው እጅጉ ክፍለ ጦር ፬ ጥቁር አንበሳ ክፍለ ጦር ፭ ኪንፋዝ በገላ ታርቆ ከበደ ክፍለ ጦር ሲሆኑ፦ ➛ከተለያዩ የሥራ ዘርፎች (ከዋና ጽሕፈት ቤት፣ ወታደራዊ አዛዥነት፣ ዘመቻ፣ ፖለቲካ፣ ሎጀስቲክስ፣ ፋይናንስ፣ ጤና እና ሌሎች መምሪያዎች) ጋር በተያያዘ አጠቃላይ የኃላፊነት ምደባዎች ተጠናቀዋል። ➤ ጥቅምት 28 እና 29 ቀን 2019 ዓ.ም፣ ምዕራብ ጎንደር ዞን ቁጥር 04 የአፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች (አርበኛ ደረጀ በላይ፣ ኮሎኔል አበራ አዛናው፣ አርበኛ ኪሩቤል ጎቤ፣ አርበኛ ወልደ-አረጋይ ሸርብ እና አርበኛ ብዙአየሁ ወንድምነው) ከአካባቢው የሃይማኖት አባቶች፣ የሀገር ሽማግሌዎችና ወጣቶች ጋር ሰፊ ሕዝባዊ ውይይት አካሂደዋል። ➛ የውይይት ነጥቦቹ፦ ወቅታዊ ማህበራዊና ፖለቲካዊ ተግዳሮቶች ተገምግመዋል፤ ችግሮችን በጋራ በመፍታትና የትግሉን አውድ ከፍ በማድረግ ረገድ ዘላቂ አቅጣጫዎች ተቀምጠው ተሳታፊዎችም ትግሉን ለማስቀጠል ያላቸውን ዝግጁነት ገልጸዋል። ➤ ጥቅምት 30/2019 ዓ.ም፣ (ማለዳ 11:00 ሰዓት) ምዕራብ ጎንደር ዞን፣ መተማ ወረዳ (ዘባጭ ባህር ከተማ)፣ አፋብን ጎንደር ጠቅላይ ግዛት በላይ ዘለቀ 3ኛ ዕዝ 305ኛ ጎቤ መልኬ ኮር በከተማው ሰፍሮ የነበረውን ከአንድ ሻለቃ በላይ የሚሆን የመንግሥት ኃይል (መከላከያ፣ አድማ ብተና እና ፀረ-ሽምቅ) ሙሉ በሙሉ ደምስሶ ትጥቁንና ስንቁን ተቆጣጥሯል። ➛ ከ120 በላይ መከላከያ፣ 70 ፀረ-ሽምቅ እና ከ52 በላይ አድማ ብተና (አጠቃላይ ከ240 በላይ) ተደምስሰዋል። ➛ ከ62 በላይ ከባድና ቀላል ቁስለኞች እንዲሁም 35 ወታደሮች ተማርረዋል። ➛ 7 ብሬን (መትረየስ) እና 150 ነፍስወከፍ ክላሽኮቭ መሳሪያዎች ተማርከዋል። ➛ 12,000 የብሬን እና 150,000 የክላሽኮቭ ተተኳሾች (ጥይቶች) ተማርከዋል። ➛ 600 የእጅ ቦንቦች እና 600 የክላሽ ካዝናዎች ➛ 6 መገናኛ ሬዲዮኖች እና 111 የውሃ መያዣ ኮዳዎች መማረክ ተችሏል። ➤ ጥቅምት 30/2019 ዓ.ም፣ አፋብን ጎንደር ጠቅላይ ግዛት በላይ ዘለቀ 3ኛ ዕዝ፣ ሜጀር ጀነራል ውባንተ አባተ 1ኛ ኮር እና ሜጀር ጀነራል ከፍያለው ደሴ 206ኛ ኮር፣ ሁለቱ ኮሮች ከአንድነት ማግስት ጀምሮ በጋይንት፣ በስማዳ እና በመካነ ኢየሱስ በሁለት አቅጣጫዎች ወደ ቀጠናቸው ለመዝመት የሞከረውን የብልጽግናውን አገዛዝ ታጣቂ ኃይል በቅንጅትና በደፈጣ ጥቃት ከፍተኛ ምት አሳርፈውበታል። ➛ ጠላት በወለላ ባሕር፣ በ«5 ቁጥር»፣ በጉና ጓሳ፣ በሾለክት፣ በቅዳሜ ገበያ እና በክሬቸር አካባቢዎች በተወሰደበት እርምጃ ከባድ ሰብአዊና ቁሳቁሳዊ ኪሳራ ደርሶበታል፤ ወደ መጣበትና ወደ ከተሞች እንዳይመለስ ተደርጎ ተበትኗል። ➤ ህዳር 02/ 2019 ዓ.ም፣ የመንግሥትን ፀረ-ህዝብ አካሄድ የተረዱ 4 የሠራዊት አባላት (3 መከላከያ እና 1 ሚሊሻ) ከነሙሉ ትጥቃቸው አፋብን ጎንደር ጠቅላይ ግዛት በላይ ዘለቀ 3ኛ ዕዝ (ሜጀር ጀነራል ውባንተ አባተ 1ኛ ኮር - ጣና ገላውዲዎስ ክፍለ ጦር)ን ተቀላቅለዋል። ፩ ሙላት ጉልላት (የመከላከያ አባል - ከባህር ዳር ቤዛዊት ካምፕ) ፪ ብርሃን ምስጋን (የመከላከያ አባል) ፫ አቤል ከፋለ (የመከላከያ አባል) ፬ ቢሆነኝ እሸት (የሚሊሻ አባል - ከአንበሳሜ ከተማ) ➛ አባላቱም 2 ስናይፐር፣ 2 ጥቁር ክላሽንኮቭ፣ 1 ተጨማሪ ክላሽንኮቭ፣ 6 የስናይፐር ካዝናዎች እና 180 የስናይፐር ተተኳሾችን ይዘው በክብር ተቀላቅለዋል። ➤  ህዳር 02/2019 ዓ.ም፣ ለተከታታይ አራት ቀናት በቀጠለ አውደ ውጊያ፣ አፋብን ጎንደር ጠቅላይ ግዛት በላይ ዘለቀ 3ኛ ዕዝ፣ ሜጀር ጀነራል ውባንተ አባተ 1ኛ ኮር እና ሜጀር ጀነራል ከፍያለው ደሴ 206ኛ ኮር፣ ሁለቱ ኮሮች በቅንጅት ከንፋስ መውጫ፣ ከክምር ድንጋይ፣ ከስማዳ፣ ከመካነ ኢየሱስ እና ከአንዳቤት አቅጣጫዎች በተንቀሳቀሰው የአገዛዙ ሠራዊት ላይ በተለያዩ ግንባሮች ከባድ ውጊያና የደፈጣ ጥቃት ፈጽመዋል። ➛ የውጊያው ንዑስ ቀጠናዎች፦ ወላላ ባህር፣ አጎና፣ ጥቁር አምጃ፣ ዱርጌ፣ ማሸንት፣ ዋሾይ በር፣ ነጭሳር፣ አንጋጫት፣ ጥናፋ፣ ደገዛ፣ ቀፎዬ እና ዝንጀሮ ገደል፣ ሳጋ ቁራ እየሱስ፣ አምባ ተራራ፣ ፍየል ጭንቅላት፣ ጋላ ሜዳ፣ ዜናቶ፣ ሾለክት፣ ከአዳማ፣ ይናት መሀልጊ ማርያም፣ ረቡዕ ገበያ፣ ወለሽ እና ደንጎልት አካባቢዎች በተወሰዱ ጥቃቶች የጠላት ኃይል ከፍተኛ ሰብአዊ፣ ቁሳዊ እና ሞራላዊ ኪሳራ የደረሰበት ሲሆን መካነ እየሱስ ከተማ እንዲመሽግ አድርገውታል።

የአፋብን ከጥቅምት 26 እስከ ህዳር  04/2019 ዓ.ም ወታደራዊ የግንባር አውደ ውጊያ ውሎ እና የተለያዩ ተያያዥ መረጃዎች--- በምስራቅ፣ በምዕራብ እና በደቡብ ግንባር የተመዘገቡ ድሎች፣ የተሸነፈው የአገዛዙ ጦር ንፁሀን ገበሬዎችን፣ ህፃናትና አዛውንቶችን አጠቃ!! አዘጋጅ፦ አርበኛ አበበ ሙላቱ፣ የአማራ ፋኖ ብሔራዊ ንቅናቄ (አፋብን) ወታደራዊ ቃል-አቀባይ ----ህዳር 04/2019 ዓ.ም። 1ኛ, በወለጋ የተፈፀመ የድሮን ጥቃት፦ ➤ ጥቅምት 26/2019 ዓ.ም፣ ሆሩ ጉዱሩ ዞን፣ አቤ ደንጎሮ ወረዳ፣ ፍልቅልቅ ከተማ፤ በዘፈቀደ በተፈጸመ የድሮን ጥቃት የሶስት ህፃናት እና የሁለት እናቶች ህይወት አልፏል። ​በዚህም የወረዳው መቀመጫ በሆነችው አቤ ደንጎሮ ከተማ ላይ በተደረገ ራስን የመከላከል አውደ ውጊያ፣ ዘረ-ፈጁ የብልፅግና ስርዓት ከ38 በላይ የጀትና የሄሌኮፍተር ድብደባዎች ፈፅሟል። ➤ ጥቅምት 28/2019 ዓ.ም፣ በኪረሙ ወረዳ ስር በምትገኘው ወደሳድማ አካባቢ፣ ከተለያዩ አካባቢዎች ማለትም፦ አሊ፣ አንዶዴ፣ ፈደቃ እና መለከታ ተፈናቅለው ተጠልለው በነበሩበት ስፍራ በተፈፀመ የድሮን ጥቃት፦ ➙ከ29 በላይ ንጹሐን (ህፃናት፣ እናቶች እና አረጋውያን) ህይወታቸው አልፏል። ➙በርካታ ሰዎች ከባድ ቁስል ደርሶባቸዋል። ➙በአሰቃቂው ጥቃት የበርካታ ህፃናት ወላጆች (እናትና አባት) ህይወታቸው ያለፈ ሲሆን፤ ከዚህም ውስጥ 11 ህፃናት ወላጆቻቸውን ሙሉ በሙሉ አጥተው በከባድ ቁስል እና ስቃይ ውስጥ ይገኛሉ። 2ኛ, ደቡብ ግንባር፦ ተጉለትና ቡልጋ ላይ የተደረገ አውደ ውጊያ፦ ➤ ከጥቅምት 25 እስከ 27 ቀን 2019 ዓ.ም፣ በተጉለትና ቡልጋ አውራጃ (አዲስጌ፣ መሀል አምባ፣ አይዞሽ አሞራ፣ አይሶፊ፣ አባ-በርሶማ እና ጭራሮ ደብር)፣ ከጉዶ በረት፣ ጣርማበር፣ ደብረ ብርሃን፣ ወርቄ ሙሽ እና ሠላድንጋይ፣ በአምስት አቅጣጫ የገሰገሰው የዘረ-ፈጁ የብልፅግና ኃይል በአፋብን ሸዋ ጠቅላይ ግዛት አሳምነው 5ኛ ዕዝ 502ኛ ኮር (74ኛ፣ 75ኛ እና 77ኛ ክፍለ ጦሮች) አጸፋዊ ምት ከፍተኛ የሰው ኃይልና የቁስ ኪሳራ ደርሶበት ሙትና ቁስለኞቹን በአምቡላንስና በፓትሮል ጭኖ ወደ መጣበት አፈግፍጓል። ➛ በከባድ መሣሪያ ድብደባ የአቶ ሽመልስ ጌታቸው ህይወት ሲያልፍ፣ ወ/ሮ ቅጂ ማሞ እና ቀለም ጣሰው ከባድ ጉዳት ደርሶባቸዋል። ➛ ጠላት ሲያፈገፍግ የአርሶ አደር ሰብሎችን እና የመብራት መሰረተ ልማቶችን (ፖሎችን) አውድሟል። ➤ ጥቅምት 28/2019 ዓ.ም፣ አፋብን ሸዋ ጠቅላይ ግዛት አሳምነው 5ኛ ዕዝ፣ 501ኛ ኮር - 72ኛ ክፍለ ጦር በድርጅቱ አዲስ የአሠራር መመሪያ መሠረት የመዋቅር ማሻሻያና የአመራር ምደባ አጠናቋል። ➙የተጓደሉ ኮሚቴዎች ተሟልተው አዲስ አመራሮች የተመደቡ ሲሆን፣ አመራሮቹም የተሰጣቸውን ታሪካዊ ኃላፊነት በታማኝነትና በብቃት ለመወጣት ቃል በመግባት ለቀጣይ ግዳጅ ዝግጁ መሆናቸውን አረጋግጠዋል። ➤ ህዳር 01/2019 ዓ.ም፣ የመንግሥት አመራሮችና አንድ ኮሎኔል ያደረጉትን ድብቅ ስብሰባ የተቃወሙ አንድ የመከላከያ ወታደር እና አንድ የሚሊሻ አባል የጦር መሳሪያዎቻቸውን በመያዝ አፋብን ሸዋ ጠቅላይ ግዛት አሳምነው 5ኛ ዕዝ (501ኛ ኮር)ን ተቀላቅለዋል። ➣ አባላቱም፦ ➛መሠረታዊ ወታደር ታያቸው ደባሱ 72ኛ ክፍለ ጦርን ተቀላቅሏል። ➛ የሚሊሻ አባል ቻለው በየነ 73ኛ ክፍለ ጦርን ተቀላቅሏል። ➣ ይዘው የገቡት ትጥቅ፦ ➛1 ዘመናዊ ስናይፐር (የኮለኔሉ ማጀቢያ የነበረ)፣ 1 ሰደፍ ክላሽንኮቭ፣ 1 ኤም-14 (ኢንፎርቲ) መሳሪያ ከነተተኳሾቻቸው። ​➤ ጥቅምት 27/2019 ዓ.ም፣ በታሪካዊው የአርበራ መድኃኒዓለም ቤተክርስቲያን፤ የአፋብን ሸዋ ጠቅላይ ግዛት አሳምነው 5ኛ ዕዝ (501ኛ ኮር) ከወታደራዊ ግዳጁ ጎን ለጎን የበዓሉን ጸጥታ በላቀ ኃላፊነት በማስጠበቅ ዓመታዊ ክብረ በዓሉ በሰላምና በድምቀት እንዲከበር አድርጓል። ➛የኮሩ አመራሮች ለምዕመናኑ የእንኳን አደረሳችሁ መልዕክት አስተላልፈው ሕዝቡ የህልውና ትግሉን በአቅሙ እንዲደግፍና እንዲቀላቀል ጥሪ ያቀረቡ ሲሆን፣ ምዕመናኑም ለተደረገላቸው የጸጥታ ጥበቃ ምስጋና አቅርበዋል። ➤ ህዳር 01/2019 ዓ.ም፣ ምሽት 2:00 ሰዓት አካባቢ፣ በመርሐቤቴ አውራጃ፣ አለም ከተማ 02 ቀበሌ፣ ልዩ ስሙ ቆሎ ተራ አሮጊት እናቷን እና ህፃን ልጇን በሻይ-ቡና ሥራ ታስተዳድር የነበረችው ወ/ሮ ሄዋን ታከለ፣ "ከእኛ ጋር ካላደርሽ" የሚለውን የዘረ-ፈጁ የብልፅግና መንግሥት ወታደሮች ጥያቄ ባለመቀበሏ በሥራ ቦታዋ በጥይት ተመታ ተገድላለች። ➙ በዚሁ ከተማ ከ15 ቀናት በፊትም ተማሪ ምህረት አምሳሉ በተመሳሳይ ሁኔታ መገደሏ የተገለጸ ሲሆን፣ ሕዝቡና ዓለም አቀፍ የሰብዓዊ መብት ተሟጋቾች ድርጊቱን እንዲያወግዙ ጥሪ ቀርቧል። ➤ ህዳር 03/2019 ዓ.ም፣ የመንግሥትን አሰራር የተቃወሙ 10 የመከላከያ (6ኛ ዕዝ)፣ የሚሊሻ እና የአድማ ብተና አባላት ከነሙሉ ትጥቃቸው አፋብን ሸዋ ጠቅላይ ግዛት አሳምነው 5ኛ ዕዝ፣ 503ኛ እና 505ኛ ኮሮችን ተቀላቅለዋል። ➙ ​የተቀላቀሉት አባላት ዝርዝር፦ ➛79ኛ ክፍለ ጦርን (7 አባላት)፦ ስለአባት አስማረ (የመከላከያ ጋንታ መሪ)፣ ቴዎድሮስ ታጁር (መከላከያ) እንዲሁም 5 የሚሊሻ አባላት (እሸቱ አላዩ፣ ኃይሌ ጋንፉር፣ ይታገስ ደረበ፣ ያለው አላዩ እና በለጠ ዛፉ)። ➛88ኛ ክፍለ ጦርን (3 አባላት)፦ ቴዲ ሮቤል (የአድማ ብተና ጋንታ መሪ)፣ ታደገ አራጌ እና ውለታው ባየ (አድማ ብተና) ሲሆኑ፦ ➙ ይዘው የገቡት ትጥቅ፦ 10 ጠመንጃዎች (2 ጥቁር ክላሽንኮቭ፣ 6 ባለሁለት እግር ታጣፊ ክላሽንኮቭ እና 2 SKS) ከበርካታ ተተኳሾችና ወታደራዊ ቁሳቁሶች ጋር። 3ኛ, ምስራቅ ግንባር፦ ➤ ጥቅምት 25/2019 ዓ.ም፣ አፋብን ምኒልክ 1ኛ ዕዝ አምባሰል ተራሮች ከደሴና ወልዲያ የተንቀሳቀሰው የዘረ-ፈጁ የብልፅግና ኃይል፣ በውጫሌ የተከበበውን ኃይል ለማዳን የመጣውን የአገዛዙ ሠራዊት በመደምሰስ ከፍተኛ ምርኮ አግኝቷል። ➣የሰው ኃይል ኪሳራና ምርኮ፦ ➛ ​50 የሠራዊቱ አባላት እና 6 ወታደራዊ አዛዦች ተደምስሰዋል። ➛ 43 የአገዛዙ ወታደሮች ተማርከዋል። ➣የተማረኩ የጦር መሳሪያዎች፦ 1 ዶሽቃ፣ 2 ብሬን፣ 2 ስናይፐር እና 35 ጥቁር ክላሽንኮቭ ጠመንጃዎች። ➤ ጥቅምት 27/2019 ዓ.ም፣ ሰሜን ወሎ ዞን፣ ራያ ቆቦ ወረዳ (ቆቦ ከተማ) በቆቦ ከተማ የትራፊክ ፖሊስ የነበረው ሳጅን ጥጋቡ ጌጡ ወርቁ በምኒልክ 1ኛ ዕዝ 102ኛ ኮር እርምጃ ተወስዶበታል። እርምጃው የተወሰደባቸው ምክንያቶች ፦ ➛ በራያ ቆቦ አዲስ ቅኝ ቀበሌ የኮር አመራሮችን ለማሳፈን የመንግሥት ወታደሮችን በማሰባሰብ በንጹሐን ላይ ጉዳት እንዲደርስ አድርጓል። ➛ በጎለሻ ቀበሌ የማህበረሰቡን የወል መሬት በግሉ በማጠርና በመሸጥ ገንዘብ አሰባስቧል። ➛ ከመንግሥት ካድሬዎች ጋር በመመሳጠር አሽከርካሪዎችን ያለአግባብ ቀጥቷል፤ እንዲሁም የተላለፈውን የተሽከርካሪዎች እቀባ በመጣስ ማስጠንቀቂያዎችን አልተቀበለም። ➤ ጥቅምት 30/ 2019 ዓ.ም፣ ቦረና ወረዳ፣ በታ ቀጠና አካባቢዎች፣ የአፋብን ምኒልክ 1ኛ ዕዝ እና የጊዜያዊ ሕዝብ አስተዳደር ከፍተኛ አመራሮች ከአካባቢው ሕዝብና አባት አርበኞች ጋር ሰፊ ሕዝባዊ ውይይት አካሂደዋል።

ፀረ-ሕዝብ ስርዓትን የተቃወሙ የአገዛዙ ሠራዊት አባላት፡ አፋብን ሸዋ ጠቅላይ ግዛት አሳምነው 5ኛ ዕዝን በክብር ተቀላቀሉ!! ህዳር፡ 03/2019 ዓ.ም ▰▰▰▰▰▰▰▰▰ የብልፅግና አገዛዝ ስርዓት በሕዝቡ ላይ የሚፈፅመውን ግፍና ጭፍጨፋ የተቃወሙ የአገዛዙ ሠራዊት አባላት፡ አፋብን ሸዋ ጠቅላይ ግዛት አሳምነው 5ኛ ዕዝን በገፍ እየተቀላቀሉ ይገኛሉ። የተፈጠረውን የስርዓት ውድቀት ተከትሎ በየቀኑ እየፈረሰ የሚገኘው የአገዛዙ የሠራዊት መዋቅር፡ ከአመራር እስከ አባል ትጥቁን እየያዘ የህልውና ትግሉን መቀላቀሉን ቀጥሏል። አገዛዙ በመላው የሀገሪቱ ክፍል በሚፈፅመው ሕዝባዊ ፍጅትና እልቂት ሲቃወሙ የቆዩት የ6ኛ ዕዝ መከላከያ አባላት፣ ሚሊሻና አድማ ብተና አባላት ጊዜና ቦታ እያመቻቹ ከነሙሉ ትጥቃቸው 503ኛ እና 505ኛ ኮሮችን ተቀላቅለዋል። ➠ የአባላት ስም ዝርዝር፦ 1. ስለአባት አስማረ---መከ/ጋንታ መሪ ▰ 79ኛ ክ/ጦርን 2. ቴወድሮስ ታጁር---መከላከያ ▬ 79ኛ ክ/ጦርን 3. እሸቱ አላዩ---ሚሊሻ ▬ 79ኛ ክ/ጦርን 4. ኃይሌ ጋንፉር---ሚሊሻ ▬ 79ኛ ክ/ጦርን 5. ይታገስ ደረበ---ሚሊሻ ▬ 79ኛ ክ/ጦርን 6. ያለው አላዩ---ሚሊሻ ▬ 79ኛ ክ/ጦርን 7. በለጠ ዛፉ---ሚሊሻ ▬ 79ክ/ጦርን 8. ቴዲ ሮቤል---አድማ ብተና ጋ/መሪ ▬ 88ኛ ክ/ጦርን 9. ታደገ አራጌ---አድማ ብተና ▬ 88ኛ ክ/ጦርን 10. ውለታው ባየ---አድማ ብተና ▬ 88ኛ ክ/ጦርን ➠ የንብረት ዝርዝር፦ ► 02 ጥቁር ክላሽኮቭ መሳሪያ ► 6 ባሁለት እግር ታጣፊ ክላሽኮቭ መሳሪያ ► 02 SKS ክላሽኮቭ መሳሪያ ► በርካታ ተተኳሾችና ወታደራዊ ቁሳቁሶች " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ!!

አሳዛኝ ዜና !! በዘር አጥፊው አገዛዝ ብልፅግና ወታደሮች ወ/ሮ ሄዋን ታከለ በግፍ ተገደለች !! ህዳር፡ 02/2019 ዓ.ም በሸዋ ጠቅላይ ግዛት መርሐቤቴ አውራጃ አለም ከተማ 02 ቀበሌ፡ ልዩ ስሙ ቆሎ ተራ ተብሎ ከሚጠራው ቦታ በብልፅግና አገዛዝ ወታደሮች፡ ወ/ሮ ሄዋን ታከለ በግፍ መረሸኗን የአፋብን ሸዋ ጠቅላይ ግዛት አሳምነው 5ኛ ዕዝ 503ኛ ኮር ቃል አቀባይ አረጋገጠ። በአለም ከተማ 02 ቀበሌ ልዩ ስሙ ቆሎ ተራ ተብሎ በሚጠራው ቦታ፡ በሻይ-ቡና ስራ የምትተዳደረው ወ/ሮ ሄዋን ታከለ በግፈኛውና በጨፍጫፊው አገዛዝ ስርዓት ህይወቷን አጥታለች። ወ/ሮ ሄዋን ታከለ አሮጊት እናቷን እና ህፃን ልጇን ለማስተዳደር ሻይ-ቡና እየሰራች ባለችበት ሁኔታ፡ ከእኛ ጋር ካላደርሽ ወደ ቤትሽ አትሄጅም በማለት የአገዛዙ ታጣቂዎች በጥይት ተኩሰው በቀ 01/03/2019 ዓ.ም ምሽት 2:00 አካባቢ በስራ ቦታዋ አካባቢ ገድለዋታል። የብልፅግና አገዛዝ ስርዓት በአማራ ሕዝብ ላይ የሚያካሂድበት እስትራቴጂካል የጭፍጨፋ አካል አንዱ የሆነው ስልቱ፡ ግፈኞችን እና አረመኔዎችን አሠልጥኖ የግፍ ድርጊት በአደባባይ እዲፈፅሙ ማድረጉን ስልታዊ ያደረገው ሲሆን፡ ቀና ደፋ ብላ ቤተሰቦቿን የምታስተዳድረውን ለጋ ወጣት በተልካሻ ምክንያት በማን አለብኝነት በአደባባይ መግደሉ አሳዛኝ ነው። ከ15 ቀን በፊት ተማሪ ምህረት አምሳሉንም በዚህ ተመሳሳይ ድርጊት በመርሐቤቴ አውራጃ በአለም ከተማ በአሰቃቂ ሁኔታ መረሸኑ ይታወሳል።ይህ አገዛዝ ሴት ወንድ ሳይል ወጣቶችን በዕብሪት መረሸን የፀረ -አማራነት ድርጊት መሆኑ በግልፅ የለየለት ጉዳይ ነው። እንዲሕ አይነቱ ድርጊት የብልፅግና ስርዓት መገለጫ በመሆኑ፡ ሟችና ገዳይን እንደ ፊልም በሚያየው አገዛዝ ስር የምትገኙ ወገኖች ኢሰብዓዊ ድርጊቱን በአደባባይ በመቃወምና በማጋለጥ ፀረ-ሕዝብ የሆነውን ስርዓት ለአንድዬና ለመጨረሻ ጊዜ ለማስወገድ ከህልውና ታጋይ ልጆቻችሁ ጋር ሆናችሁ እድትታገሉ ስንል እናሳስባለን። በተጨማሪም ለአለም አቀፍ የሰብዓዊ መብት ተሟጋቾች በሙሉ ያለን መልዕክት፥ እንዲህ አይነቱ ጨፍጫፊ ስርዓት ንፁሀንን በአደባባይ እየረሸኑ ሀገርን ማስተዳደር የሚቻል ባለመሆኑ፡ በንፁሀን ሕዝብ ላይ የሚፈፅመውን ኢሰብዓዊ ድርጊት በማውገዝ አስቸኳይ ምላሽ ልሰጡበት ይገባል። " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

የራቤል ከተማ የረጅም ዘመን ህልም እውን ሆነ!! ህዳር: 02/2019 ዓ.ም በሸዋ ጠቅላይ ግዛት መንዝና ግሼ ወረዳ የራቤል ከተማ ነዋሪዎች ' የንፁህ መጠጥ ውሃ ፕሮጀክቱ' ተጠናቆ የመጀመሪያ ግፊት ተሳክቶ ውሃው ለተጠቃሚዎች በመድረሱ እንኳን ደስ አላችሁ። “Access to safe water is a fundamental human need and, therefore, a basic human right. Contaminated water jeopardizes both the physical and social health of all people. It is an affront to human dignity.” -Kofi Anann ትርጉም፦«ንፁህና ደህንነቱ የተጠበቀ ውሃ ማግኘት የሰው ልጅ መሠረታዊ ፍላጎት እና መብት ሲሆን፡ ንፁህ ያልሆነ ውሃ የሰውን አካላዊና ማህበራዊ ጤና ይጎዳል፤ የሰውንም ክብር ይነካል።..( ኮፊ አናን) ➦ውሃ ሕይወት ነው፤ ንፁህ ውሃ ደግሞ ክብርና እፎይታ ነው!!! እንደሚታወቀው የግሼ ወረዳ መቀመጫ የሆነችው ራቤል ከተማ አቀማመጥ ተራራማ ከመሆኑ ጋር ተያይዞ የንፁህ መጠጥ ውሃ አቅርቦት ባለመኖሩ ምክንያት ነዋሪዎቿ ከባድ ጊዜ ማሳለፋቸው ይታወቃል። በመሆኑም ይህንን ችግር ለመፍታት ይመለከተናል የሚሉ አካላት ሁሉ ሲደክሙ ቆይተው በ2012 ዓ.ም ONE WASH የሚባል ግብረ ሰናይ ድርጅት ችግሩን ለመፍታት ወደ ወረዳው አቀና። ነገር ግን ውሃው የሚጠለፍበት ቦታ ፍለጋ ቀላል አልነበረም በአራቱም አቅጣጫ አድካሚ የሆነ ሙከራ ተደርጎ ባለመገኘቱ ተስፋ ለቆረጠው ባለሙያ አቶ ውቤ ፀጋዬ የተባሉት ነዋሪ ወደ ወፍለቅ ቀበሌ ልዩ ቦታው ሸማ ማጠቢያ እንዲያቀና ጥቆማ በመስጠታቸው ባለሙያው ከዚህ ቦታ እንዲጠለፍ በደስታ አፀደቀ። ግንባታው ጥር 2016 ዓ.ም ተጀምሮ በወቅቱ ወረዳው ላይ በነበሩ ፋኖዎች አስተባባሪነትና ጥበቃ አማካኝነት ለሌላ ቦታ ተላልፎ ሊሰጥ የነበረውን የግንባታ ቁሳቁስ ህዝቡ እንዲረከብ ተደርጎ ስራውም ተጧጡፎ ቀጠሎ ሶስት ዓመት ባልሞላው ፈጣን ስራ ፕሮጀክቱ 213 ሚሊየን በላይ የሚገመት ወጪ ተደርጎበት 99% ተጠናቆ ቀሪ የቤት ለቤት ማዳረስና ፍተሻ ስራ ብቻ ሲቀረው በዛሬው እለት የመጀመሪያ ጊዜ ግፊት ተጠናቆ 200,000 ሊትር የሚይዘው ታንከር ሞልቶ በመፍሰስ ላይ ይገኛል። ይህ ስኬት ለራቤል ከተማ ነዋሪዎች ብቻ ሳይሆን እዚህ ወረዳ ለተወለዳችሁ፣ በስራ ምክንያት ለነበራችሁ ትዝታ ላላችሁ እና ችግሩ ተፈቶ ማየት ለምትፈልጉ ሁሉ በከተማ የሚኖሩ 6551 እና በላይ ነዋሪዎች ችግር በመቀረፉ በጣም የሚያስደስትና ታሪካዊ አጋጣሚ በመሆኑ ታላቅ የደስታ ዜና ነው በድጋሜ እንኳን ደስ አላችሁ እንላለን። በመጨረሻም < በዚህ ፕሮጀክት ስራ አሰኪያጅነት፣ የምህንድስና ባለሙያነት፣ የትራንስፖርት አገልግሎት በመስጠት፣ በውሃ ኮሚቴነት፣ በጉልበት ስራ ዘመቻ እና ሌሎችም አገልግሎቶች ላይ ስትሳተፉ ለነበራችሁ ሁሉ በራቤል ከተማ ህዝብ ስም ልባዊ ምስጋናችን ይድረሳችሁ> ። የአፋብን ሸዋ ጠቅላይ ግዛት አሳምነው 5ኛ ዕዝ አመራሮችና የሰራዊት አባላት ከህልውና ትግሉ ጎን ለጎን የችግሩን አሳሳቢነት በመረዳት ፕሮጀክቱ ተጀምሮ እስኪጨረስ በተለይ ባለሙያዎች ተረጋግተው እንዲሰሩ ላደረጋችሁት ምክርና ጥበቃ በያላችሁበት በነዋሪዎቹ ስም ምስጋናችን ይድረስ እንላለን። " ክብር ለትግሉ ሠማዕታት! " ህልውናችን በተባበረ ክንዳችን! የአፋብን ሸዋ ጠቅላይ ግዛት አሳምነው 5ኛ ዕዝ የመንዝና ግሼ አውራጃ ግሼ-ራቤል ወረዳ ጊዜያዊ አስተዳደር ራቤል ክላስተር