intern-itis | سواليف 🥼

ممكن تعطونا وجه احنا الانتيرن حرام يضيع يومنا جالسين ونلحقكم تقل صوص بدون فائده

أنا اشتغل مع تيم استشاري توه جديد صار استشاري أول مرة يمسك تيم قراراته جدا مترددة كل شوي يكلمني سينيور وقفي هذا استشاري قال لا كذا طول الوقت يقول اكتبي في نوتس انه ناقشتي هذا مع دكتور استشاري قلت بكتب نوقش مع سنيور بعد نقاش من استشاري قال لاتكتبي أسمي بس اسم استشاري قلت مالي دخل نقاش أخذته منك اكتبه منك انت في نوت اكتب مع استشاري رفض اذا شاف نوت حقتي يدق أعدل انه احذف اسمه ايش أسوي في هذه اللحظة الله يسعدك أبي طريقة سليمة إلى الآن مصرة اكتب نوقش مع سنيور ؟

كلامك وفعلك صحيح ماعليك بس الافضل تذكرين الاستشاري دامه هو راعي القرار اما في الاونكولات تقولين اسم السينور او اللي اتصلتي عليه وقال رايه

للي عندها قلق في سنة ثانيه تقريبا مريت بنفس التجربة ولكن الدكتور خيرني بين الأدوية والعلاج السلوكي مع اخصائي واخترت السلوكي والحمد لله ساعدني كثير واستمريت يمكن أربع او خمس جلسات وفعلا خلاني أغير كثيررر من تفكيري لدرجة كان يخلني أعي ليش انا أفكر كذا ويعطني اللمبة 💡 اللي تولع في مخي واعرف ليش فكرت كذا وليش توترت هنا واحاول أتعايش مع افكاري وأتقبلها ببساطه ثم اسمح لها تكون مجرد فكره مو حقيقه ولا شعور تسيطر علي

عشان ما أتفلسف عليك ماعندي خبره لكن لو كنت مكانك بسأل احد يعرفني زين ويعرف شخصيتي وأشاوره او حتى اخصائي نفسي وبستخيرررررر الله والاستخاره تكون بعد ما تفكر وتختار القرار اللي تحسه مناسب، تستخير واذا حسيت بارتياح للخيار اللي اخترته أوردي تكمل فيه وبالنهاية ادعي الله يعطيك القوة وكمل طريقك بثقة وأمل بالله ولاتستحي من انك تقول لا ما دام انك على حق وهذا قرارك وحياتك انت مسؤول عنها

بشارككم موضوع مأزمني شوي انا طالبه طب بسنه ثاني لاحظت صعوبه ف المذاكرة وخوف من الرسوب والنجاح وحرفيا كنت ابكي وارجف وتهرب بسيط بالترم الاول الموضوع زاد سوء بالترم الثاني يوم بدينا بلوكات حرفيا ما اقدر اذاكر واقعد اتهرب اتهرب وما اضغط على نفسي الا قبل الاختبار باسبوع وطبعا نزلت درجاتي ومعدلي بشكل حسيت وضعي مو اوكيه سويت رقيه وقررت اروح ثيرابيست بالاجازه وشخصني باضطراب قلق وصرف لي لوسترال وانديرال وبدينا سنه ثالث تحسن وضعي شوي بالترم الاول بس لسا فيه تهرب وحمدلله تحسنت درجاتي شوي جا بلوك الجي اي وقعدت اسمع من كلام دفعات قبل انه صعب و٩٠ محاضره والكلام الفاضي هذا وطبعا خفت ورجع الموضوع لي ورحت للثيرابيست وزود الجرعه لي المهم حمدلله عديت وجا الترم الثاني وتحسنت اكثر حمدلله خصوصا باخر بلوكين بس هل معقول بستمر طول عمري على الادويه ؟ طبعا ما احكيكم عن الضغط من الاهل اتركيها بتجننك وتتعبين الخ (تعرفون نظره المجتمع للطب النفسي ) الزبده ما ادري شسوي والثيرابيست صراحه ما احسه افضل شي بالسلوكي صرفني بالادوية وهي حل مؤقت لو تركتها برجع لحالي

دام البنت كويسه هاذي فرصه ما تتعوض اخطبها وقل بعد سنه الزواج والحمدلله سنه تكفيك تتعلم منها الاعتماد على نفسك واكل العنب حبه حبه مستحيل تحصل على كل شي بلحظة وصل استخاره قبل كل حاجه

…. انا طبيب امتياز حاليا… عمري ٢٧… (متأخر سنتين في كلية الطب)… ساكن بالرياض مع أهلي، وانا اكبر اخواني … أهلي من بداية الامتياز غصب يخطبون لي ويملكوني ببنت عمي (وهي جميلة ولافيها أي عيب والكل يتمناها) لكن المشكلة انا ما ابغا اتزوج الحين ابدا ، مو مستعد نفسيا أو ماديا (اعرف فيه ناس بتقول راتب طبيب عام يزوجك بالراحة) لكن انا ضمن عائلة بسيطة وما قصروا معاي في الأساسيات ، لكن فيه امور كثير ناقصتني وحاب اني خلال الفترة الجاية باذن الله احسن من وضعي واكمل احتياجاتي ، انا سيارتي كورولا 2009 وحاب اشتري سيارة جديدة (مو لازم مرسيدس ، بس شي ينسيني تعب ٩ سنين ) ازيرا مثلا انا راضي جدا … ماعمري سافرت من يوم ولدت وحاب اسافر برا ، جوالي ايفون x وحاب اشتري جوال ، حاب اشترك في نادي راقي زي زي باقي الناس ، حاب اسكن في شقة وأثثها بنفسي ، حاب اعيش كم سنة لحالي اطور لغتي ….. يا عيال جواز سفر مو عارف اطلعه، انا معرف اسدد فاتورة كهرب ومويه، انا ما اعرف اتخذ اي قرار اهلي يمشوني بكيفهم وعلى رغبتهم، اقول لأهلي ضروري الشاب يكون معتمد على نفسه ويخوض تجارب ويعرف كيف يواجه ويحل مشكلات قبل ياخذ بنت الناس معه (الرجل في الأول والأخير هوالمسؤول) لكن لا حياة لمن تنادي…………… ابغا اعتمد على نفسي بعيد عن اهلي وأصقل مهاراتي واكتشف نفسي واعيش حياتي شويتين قبل اخذ وحدة تعيش معاي ،الزوجة يبيلها اهتمام مادي ونفسي ، واهلي يبوني علطول احط راتبي كله في مهر وشبكة وقاعة وتأثيث شقة وقرض في بداية حياتي… ويمكن اكون بخيل على نفسي وزوجتي بسبب التكاليف واعيش حياة غير مرضية لي او لها ، طيب لو فشل المشروع هذا وطلقت !!!!!!! وش شعوري وقتها ؟!!! طبعا راح تكون حياتي منهاره حطيت الي قدامي وراي من أجل "اتزوج" …… وانا اعترف اني ضعيف شخصية مقدر اواجه اهلي خصوصا الوالد ،اكثر من مره ادخل عليهم الصالة بشخصية البطل الواثق الذي لن يقدم على فكرة الزواج ، لكن كلها مجرد ١٥ دقيقة اطلع لغرفتي وانا حزين مكسور اني راح اتزوج وما اقدر اقول لا واشرح فكرتي ….. صرت كل شوي اقول اخروا الخطبة، من أجل كسب الوقت ، وانا في قرارة نفسي مجرد ما اخلص الامتياز ما راح اقدم رزدينسي بالرياض راح اقدم GP في منطقة صغيرة خارج الرياض عشان ما اتزوج واروح مركز صحي في هجرة او قرية صغيرة كم سنة بعدين اقدم رزدينسي ثم انزوج… لكن حسيت انها فكرة غبية ونابعة من شخصية ضعيفة لا تقدر على مواجهة الموقف ….. حاولت اتواصل مع بنت عمي واشرحلها الوضع عشان ترفضني واطلع من السالفة واكون انا الربحان، بس حسيت كرامتي وعزة نفسي في الارض….. اتمنى الي عندة خبرة في مثل هذه المواقف ويعرف كيف يقنع اهله بالزواج، او يعرف كيف يقنع اهله برفض فكرة الزواج ياليت يفيديني وشكرا❤️ ( اتمنى عدم التجريح ، الي فيني مكفيني ، ناقش الفكرة لا تناقش صاحب الفكرة )

هل تنصحوني اروح عياده نفسيه اانا انتيرن واحس فيني قلق

الحمدلله بعد م تعالجت نفسياً من القلق كلام الناس والجدار واحد 😘 انصح به بشده لدرجه ان الاستشاري يفرشني في الروتيشن وابتسم وامشي مو تسليك والله بقناعه اشوف كلامه يضحك هذا مفعول الادويه النفسيه مدري وش بسوي دونها اخاف اقطعها والله

ممكن تسأل للناس اللي زيي ، انا انسانة شديدة القلق وأستبق الاحداث وأفكر في كل حاجة و اي كلمة شخص يقولها ليا اتحسس واقول في نفسي ايش يقصد بكلمته؟ اكيد عملت شي غلط او قصرت او يفكر اني مو كفو يعني لدرجة اجلس ايام وتكون الكلمة شاغلة بالي .. ودائما اتوقع الاسوء واحس لو كلمت الدكتور الفلاني وطلبت حاجة حيرفض ولا حتهزأ ولا يحسب اني ما بشتغل، فكيف الناس شديدة الحساسية قدروا انهم يحلوا المشكلة او يتجاوزوها؟ خصوصا اني مقبلة ع امتياز دحين ما ابى اجلس طول السنة في سترس وقلق مو في محله وأضيع ع نفسي فرص لاني خايفة اتهزأ او انرفض

قابلت طلاب ب اول شهر امتياز ومتحمسين ماشاءلله يعرفون يسون كل شي حرفيا ويمسكون البيشنت من A-Z وانا باقيلي شهر واخلص الامتياز ومااعرف امسك بيشنت لحالي اخاف واتوتر احس نقدت على نفسي كنت اطلع بدري عشان يمدي اذاكر للSMLE ومالي خلق الدوام شايل هم الاختبار وبس في اشياء كثير ماتعلمتها مثل اركب كثيتر او اخيط كويس ومدري كيف اعوض هالفتره💔

وقت السيرفس تعوضها ان شاءالله

تجربة د.فهد الغامدي مع سعودي بوت لحجز موعد اختبار الهيئة : تم الحجز في اعلى فترة عليها منافسة في السنة 👌🏻 تفاصيل الخدمة: https://saudi-bot.com ✅ يوجد تقسيط لرسوم الاختبار بدون فوائد

بالنسبة للجراحة ووقت التعقيم حسب السنتر اشوف صراحة الجراحين الرجال ما شاء الله يحترمو هذه الخصوصية من نفسهم يخلصو هم سريع وانا كنت بعدهم وتوقف معاي نيرس للمساعدة وادخل بس بعض السناتر يحتاج انك تتكلمي وقت السكربة تقولي لهم من بعدكم وفيه تكنيك يكون القاون مجهز مسبقا علشان بدون مساعدة self surgical scrub technique بس لازم يكون الباب لغرفة العمليات ينفتح تلقائي او بالقدم ..

اسمع ناس يقولون اسحب على روتيشن التخصصات اللي مو مهتم لها ما أتفق معه أول شي انت المفروض انضباطك واحد، بس يكون زيادة في شهور الالكتف و تخصص الرغبة. خلي سيرتك حسنة عند الكل. انت تمثل نفسك في النهاية ما قلنا كون الكريف اللي يخرب على الانترستد لكن في نفس الوقت لا تسحب. غياباتك و سحبتك انت كذا تورط التيم و ترمي عليهم شغلك ثانيا هذي آخر فرصة لك تتعلم و تشوف حالات في تخصصات ما حتدخلها مرة ثانية. مريضك اللي حيجيك ما بيشتكي بس من حالة لها علاقة بتخصصك بس و بيكون عنده أمراض ثانية. مو حلوة بعد كم سنة و انت كونسلتنت يكون الانترن يعرف أكثر منك انت (إذا محظوظ) تستلم راتب إمتياز تسأل عليه أمام ربك، اتق الله في مرضاك و عملك

الانترنز الجدد لاتخافوا أبدا بالعكس لازم تعرفوا إنتوا بمرحلة لو غلطتوا ماينشره عليكم حتى مع المرضى أنا بهذه السنة اتحسنت كثيييييييير كنت م اقدر أتخيل بس اني امسك مريض لوحدي بعيادة مثلا وأتوتر وأفكر مليون فكرة اما بأخر الامتياز صرت أحاشرهم اخذ عيادة وأمسك اكبر عدد عادي واكتب نوتات واخذ واعطي مع المرضى فرق معايا الموضوع جدا احسن سنة فعلا ولاقابلت العينات الي نقرا عنها هنا كل الرزدنتس والفيلو حتى طيبين والاستشاريين حتى الي كانوا يهزأو الطلاب لو قدموا حالة غلط صار تعاملهم غير ويساعدوا ويشكروا انبسطوا بكل دقيقة

نزلت درجات يونيو 2026 🧊لمعرفة الدرجات ( النتيجة + الاداء ) : - https://scfhs.org.sa/ar/ExaminationResult 🧊لمعرفة الدرجة بالنسبة المئوية % : - https://scfhs.org.sa/ar/E-Services/weighted_score لحساب النسبة الموزونة👇 https://matching-stats.com/

اخاف اتكلم وتنقلب الاية علي بس انا حرفيا الحمدلله ماعمري واجهت تقريبا سينيور او ريزيدنت بطالين، كلهم محترمين جدا وأسوأ واحد ممكن مر علي يكون محترم فقط مو جدا يعني عن جد عن جد شكرا لدعوات امي دائما السينيور كويسين يعني اسوأ شي صار لي من جهتهم اذا سحبت على الاونكول يدقوا، وانا اعرف خلاص اقول جايكم الحين ويمر اليوم بحلاوة ولا الرزيدنتس ادخل غرفتهم واهرجهم كأنهم أخوياي، ومرة كان عندي اونكول وكنت منحرج اتعذر وارجع البيت اذاكر ، فجأة وانا فالغرفة R1 يشوفني اذاكر ومنشغل يقول خلاص روح انا كلمت لك السينيور بدون مااطلب منه ي عيال!!! ياخي ذول الناس اللي كل ماتتذكرهم تدعي لهم وتركوا لانفسهم اثر طيب معانا، اش بتستفيد ياعزيزي الرزيدنت/السينيور لمن تنشب للانتيرن المسكين! كذا ولا كذا دوره تكميلي فالمستشفى فخليكم لطيفين لان والله السمعة الطيبة نعمة

السلام عليكم ورحمة الله وبركاته مزعجتني فكرة اني مضطره بالعمليات اكشف لنصف يدي وقت السكربه هل الفيميل يعطونهم وقتهم يسكربون؟ ولا مايهتمون لهالشي ولو طلبتهم بيعطوني وجه بهالموضوع؟ باقي لي سنة واتخرج وللحين اراجع فكرة دخولي لتخصص جراحي

الي تقول ماتعرف تتكلم مع المرضى نصيحتي بسيطة ترا مارح تتعلمين فجأة من العدم لازم تجربين تتكلمين وراح تتطورين مع الوقت مادمتي خايفه ماراح توصلين لمكان. تذكري إن هذي مهارة بتقعد معك طول عمرك مابيضرك لو خبصتي مرة ومرتين

في روتيشن اليوم البنات يقلون لا تطلعين الايباد اذا صرتي تاخذين هستوري؟ 😑 هل هذا الكلام صح او لا؟ لاني مو حافظته كامل خاصه انه اوبي وكل ترايمستر له هستوري