intern-itis | سواليف 🥼

خدمة حجز اختبار الهيئة (برومترك) https://saudi-bot.com ✅ بحث آلي عن المواعيد في أي تاريخ/ مدينة من اختيارك ✅ حجز تلقائي ✅ تقسيط الاختبار بدون فوائد تقييمات الي جربوهم تشهد انهم الرقم 1 👌🏻 ✅ يوجد تقسيط لرسوم الاختبار بدون فوائد

انا ف روتشين في مستشفى جامعي ف احس اني ضايع وهنا الناس كلهم صحبه وانا المنبوذ اللي تنيلت وجيت ع العموم ضايع وم اعرف للسيستم حقهم وكلمت كذا شخص من تيمي اني ماني عارف واحتاج احد يعلمني عليه صرفوني وكلمت من برا نفس الشي والرزدنت شوف لانتيرنز اللي معاك وكل واحد راميني وانا ماني قادر اشتغل 😀 ع العموم انا ماني انترستد بالتخصص اتعلم ولا طز اخليه لهم واجلس م اعرف هنا محسسيني الوضع غابه مين يسبق مين يسوي

اليوم كنت مغطي عيادة مع استشاري كالعادة وهو شخص جدا طيب كانه اب وهذا الشي مع الجميع المهم العيادة خلصت شوي بدري فجاء العيادة الي جالس فيها وصار يسألني عن حالي والامور الطبيعية بعدين قلي ها متى نفرح فيك ، قلت له لو لقيت الشخص المناسب ومن ذا الكلام بعدين صار يسالني عن الرزدنسي وكيف بنستفيد ، المهم لما جاء يخلص قلي انا عندي بنتي الصغير في الجامعة ونبغاها تستقل ومن ذا الكلام، وقعد يتكلم عنها ،كانت ردودي طبيعية الله يوفقها وكذا بس لما رجعت الببت حسيت انه كانه كان تلميح لي بشكل غير مباشر ، فالسؤال الان هل انا فهمته غلط؟ واذا كان فهمته صح فهل المفروض اني اسوي مجنون بعد كذا وكانه ماقال شي ولا كيف اتصرف

استغفر الله من يوم السبت وحدة رزدنت متصلة علي استغربت انا لاني مب انكول يومها طلعت ابي احد معهم بالعمليات رحت العمليات اليومين اللي راحت الوضع يبون احد يمسك لهم الجوال 😂 لا والكونسلنتت عصبت لان ماعرفت لجوالها سؤالي بس انا خذيت تقيمي خلاص وماعجبني الوضع ابد ممكن يصير لي شيء لاسمح الله لاني بسحب عليهم والله .

هل اقدر أحط اكثر من رغبه وقت التحويل 👀👀

أعتقد أن ما حصل في ماتش هذي السنة شيء مخجل جدا ويفتقر لأدنى صفات الإحترافية! فبين مرحلة تقديم الطلب والمقابلات ٥ شهور كاملة!! وبين المقابلات ونتائج القبول شهرين! وبعد هذا كله؛ يتم القبول والرفض وفقا لآلية مبهمة وغير واضحة وفيها من الإجحاف والظلم وقلة المهنية ما الله به عليم.. مقابلات أقل ما يقال عنها أنها تسليكية وما فيها أي إحترام للمتقدمين، وكأنها أعدت فقط كإجراء شكلي لا أكثر بينما كأن المقبولين قد تم إختيارهم بالفعل من قبل المقابلات. هل توقفت المهزلة هنا؟ أكيد، لا فالمرشح وصل إلى مرحلة إنعدام ثقة بنفسه إذا ما إتصلوا عليه السناتر اللي سوا المقابلات عندهم! وهذا ليس عيبا ولا قصورا فيه، بل لأن التنافس غير شريف وغير أخلاقي؛ فمن حق الجميع التنافس بشكل عادل ما هو " حطنا رغبة أولى/ ترى نبغاك " والخرابيط هذي .. عندك موعد لإعلان نتائجك إلتزم فيه، واترك الشغل من تحت الطاولة والمحاباة المقرفة. فيجي شخص تعبان على نفسه ومتميز بإنجازاته ومعدل ودرجة هيئة ومرتبة شرف، إلخ... وفي النهاية ينحكم عليه بمقابلة مدتها لا تتجاوز دقيقتين أو ثلاث، فهل هذا من العدل في شيء؟؟!! بعد هذا وذاك؛ يتفاجأ البعض بعدم قبولهم رغم أنهم في القائمة اللي تم رفعها، والأدهى من ذلك أن يتم قبول أشخاص غيرهم لم يكونوا على القائمة، أو حتى ما سووا مقابلة مع السنتر!! عبث في عبث وتخبط غير مبرر، ولا فيه أي إحترام للمتقدمين وكأنهم غير جديرين بوجود تبرير للمعاناة اللي يعيشونها. المرشح والمتقدم ماله أي علاقة بأي فوضى جالسه تصير، ولا هو ذنبه أن القرارات تؤخذ بغير دراسة وبغير خطة واضحة، وكذلك يستحق الاحترام حتى لو تم رفضه فعلى الأقل يكون راضي وعارف وين رايح وليه حصل له اللي حصل. من رأيي أن المنظومة كلها لابد لها من إعادة نظر وتقييم بشكل مهني بعيد عن الأهواء والعواطف الشخصية. بداية من فترة القبول والتقديم، إلى مرحلة المقابلات، وهنا لازم أتوقف وأتكلم بشكل مفصل؛ المقابلات الشخصية بعيدة كل البعد عن عدالة المنافسة، وتطغى عليها المحاباة والإنحيازات الشخصية، ومن الظلم أن تكون هي الفيصل في صنع القرار من قبول أو عدمه، فإما أن تكون المقابلات من قبل لجنة محايدة تلتزم بالأخلاقيات المهنية وتحترم كل مرشح وتعطيه حقه التام في تقديم نفسه وإجاباته، أو أن لا يترك القرار بالكلية للجنة تقييم تنهي حلم ومسيرة أطباء لمجرد ما أخذ عندهم روتيشن، أو شكله ما أعجبهم!!! في الختام، نحن نتكلم من أرض الواقع بعيدا عن عالم زمردة الذي يعيش فيه البعض، نتمنى الأفضل دائما لبلدنا العزيز، ونسعى دائما لرفعته وإزدهاره ورؤيته في مقدمة العالم في كل المجالات ومنها مجالنا، فالممارس الصحي ثروة عظيمة للوطن والأمة. لا نتمنى إلا الوضوح والسلاسة والإنسيابية في كل ما من شأنه أن يؤثر على تقدم الممارس والصحة بشكل عام. مبارك لكل الزملاء المقبولين، وأسأل اللهم لكم جميعا التوفيق والتسديد في مسيرتكم العلمية والعملية لما فيه من رفعة هذا الوطن العظيم، كما أسأل الله سبحانه وتعالى لكل من لم يحالفهم الحظ بالقبول أن يعينهم ويحقق أمنياتهم في القريب العاجل إنه ولي ذلك والقادر عليه. أعتذر على الإطالة، وبالتوفيق للجميع

شالفرق بين اني احول من تخصص لتخصص وبين اني انسحب من البورد؟ يعني ليش في ناس تنسحب من البورد وتتعرض لعقوبه بدل ماتحول للتخصص الثاني اللي تبيه وخلاص

ماقدرت تتحمل التخصص وتبي تطلع باي طريقة مسالة التحويل مو دايم مضمون ولازم تنتظر سنة كاملة وتشوف حصل لك قبول او تكمل نفس تخصصك

الصدق وبكل امانة اذا شلنا سالفة التنافس والبرستيج بختار التخصص التنافسي لأن الشيء السيء فيه هو التنافس وتنافس ممرض ماهو بالحميد وهل لما تنقبل فيه بينتهي التنافس؟ لا فيه تنافس بين الرزدنت (ولو على كلام احدهم انه اهون من تنافس قبل الرزدنسي) ولكن يبقى فيه ذا التنافس وحتى بعدها يصير الواحد كونسلتنت ولما افكر بالموضوع كأنهم يركضون طول حياتهم وما رح يوقفهم إلا الموت بينما التخصص الغير تنافسي صح فيه الشين والزين بس مافيه ذاك المرض اللي في التنافسي (فكرة: أنا وما بعدي الطوفان) اسولف مع اللي مثل مستواي واعطيه ويعطيني، اساعده ويساعدني ، وحتى اذا صار احساس سيء بينا فهو يبدو كغبطه اكثر من انه حسد. فهذي من الوقائع اللي محيرتني بين التخصصين هل بركض طول عمري وبين ناس تنافسسين ولا اعيش حياتي واداوم في تخصص فيه السيء والجيد وبرضه عاجبني ملاحظة جانبية: احيانًا من الاسباب اللي تخليني اتمسك بالتنافسي هم اصحاب الفكر المسموم والتنافس الممرض، لانه يخلني افكر هذا كيف بيصير دكتور وهو بهذي الانانية والقبح؟ والحمد لله اشوف رزدنت رهيبين ويساعدون ويعلمون ولكن بعض المرات اطيح برزدنت سيئين فأعرف وأقول في نفسي "ايه واضحه كان من الانانيين محبي الاضواء والمتملقين للدكاتره قبل قبولهم للبورد والحين هذا هو ما تغير وصار أسوء"؛ هذا يخليني أتحسف على أشخاص رائعين معطائين ماجاهم القبول وجاء لهذا كاتم العلم النرجسي

انا اليوم قاعد في النيرس ستيشن اطلب تحاليل لمريض شوي اسمع صوت ينادي علي و يقول وين الدكتور فلان (طبعا انا قلت اني نسيت اوردر ولا سويت شي غبي و مستعد للتهزيء) الا يطلع ولد مريض انا مسويله دسشارج جاي يقولي انو ابوه مره مبسوط من تعاملي معاه و يبي يعرف متى تكون عياداتي عشان يحجز عندي… شلون افهمه انو الانتيرن ماله عيادة ياشيخ انا مالي غرفة اجلس فيها انام في المصلى و ذا يقولي متى عيادتك😂

انا فردانيه لدرجة فظيعه لا اصدقاء ولا اهل ولا شي قولها تسمع كنبة السبت صدق افنان الغامدي الدكتورة اللي فيه صارت كانها صديقتي، بعد تتابع مسلسلات وتطلع تتمشى لحالها عادي ف البداية كنت استحي بس الحين لدرجة اذا شفت مكان حلو اوقف احد غريب واقول صورني ف المكان وعندي صور فنانه اللهم لك الحمد وذكريات حلوة لحالي

وش فائده التنافس بين الريزيدنت وش يفيدهم بعدين الكلام يطول لكن انا شخصيتي وتعاملي مع الوضع مايناسبني جو الرزيدنسي يوم كنت سيرفس اسوي شغلي وانا مرتاح صح مرات الادارة تزعجك ومرات ودك تطلع بورد وتتركهم لكن يوم جربت البورد والسيرفس صراحه فرق شاسع وراحة نفسيه لقيتها في السيرفس واحس اني طبيب اتخذ قرار والكل يحترمني ويقدر جهدي لكن في الرزيدنسي بتشوف عينات دواتكرهك الشغل وتحب الشو اوف وتأثر عليك بشكل عكسي يعني شخص متحمس جدا والله يوفقه وانت في حالك تطور نفسك تكتشف انك انت مقصر وغير مهتم وضايع وفلان افضل منك ولما تسال تقول ليه يصير كذا يقول حنا نبي جو التنافس ذا عشان تتطور وخذ لك انتقاد كل شوي

الي يقول ببي تخصص تنافسي ومحتار انا نفسك بالضبط ببالي تخصصين واحد تنافسي وواحد لا و الكل يدري ان التنافسي ابغاه لان هو الي احتجت ابني علاقات فيه و اسوي حملات وبحوث غيره، والى الان ماعرف وش ابي بالضبط بس بكل الاحوال سواء اخترت الاول ولا الثاني مافكرت ابدا بوش الناس يفكرون فيني و طز صراحه قاعدة ذهبية بالطب و بحياتك بشكل عام لا تفكر كيف الناس يشوفونك، حتى لو يقولون لك بنفسهم طنش مايهم الاهم انك تدخل تخصص حابه و يناسب شخصيتك مو بس عشان الناس تقول فلان دخل التخصص الفلاني لان اصلا التخصصات التنافسيه يبي لها انتظار و تضحيات المفروض مايسويها الا الي يبيها فعلا ومو لاسباب برستيج وغيره ودايم تذكر ان بمجرد انك دخلت كلية الطب وتخرجت طبيب هذا اكبر انجاز، لا تخلي الناس تحسسك بالنقص و انك لازم تبرر لهم افعالك

بخصوص الي مهتم بتخصص تنافسي وشايل هم نظره الناس انا تقريبًا مثلك من بدايتي بالكليه وانا مهتم بتخصص تنافسي ( بدون ما اجربه) وماكنت اشوف غيره ابد وتقريبا دائرتي كلهم يعرفون هالشي والسيفي حقي بنيته على هذا الاساس وبالنهايه جربته واكتشفت انه مايناسب شخصيتي ولو رحته مارح انبسط فيه رغم برستيجه العالي والعلاقات والسيفي الي سويته له .. بنفس الفتره اهتميت بتخصص غير تنافسي والصراحه اشوفه الخيار الاكثر منطقيه لاني لقيت شخصيتي ونفسي فيه اكثر من التنافسي بقولك اسبابي ممكن تغير منظورك اولا التخصص لو كان تنافسي انت تحتاج سيرفس واتاتشمنت وسيفي ودرجات عاليه وعلى الرغم من هذا كله ( فيه احتماليه ماتنقبل اصلا) فا هل تشوف منطقي انك تضحي بكل هذا لتخصص انت بقراره نفسك عارف انك ماتبغاه الا عشان انه تنافسي بس والناس يقولون واو ثانيًا فكر لو شلت عامل التنافس من التخصصين كلها واعتبرتهم كلهم مو تنافسيه وتقدر تدخل التخصصين كلها وانت انتيرن .. ايش الي تحس انك تبغاه منجد بينهم لو انه الثاني مو تنافسي اصلا الخيار خيارك مو خيار الناس والوظيفه وظيفتك طول حياتك ،الناس بتتكلم عليك لو انك مدري مين برضو بتلقى ناس تذمك قرر مع نفسك مو على حسب الناس

انا انقبلت في مدينة غير مدينتي وعندي ظرف الان ما اقدر اكمل مدينة ثانيه ، تنصحوني بالانسحاب انا موظفه وبطلع ايفاد ؟ ولا اكمل واطلب نقل اخاف ماينقلوني بعدين مهمومه مو عارفه كيف اتصرف خايفه انسحب وما في ايفاد السنه الجايه يكون

أهلاً يا ليت ما يكون فيه تهجم هي مجرد سالفة وأحاسيس، أنا مهتم بتخصص تنافسي وكثير خلاص عرفوا ذا الشيء عني (أنا = مهتم تخصص كذا التنافسي)، وهو فعلاً أنا مهتم بس ترى عندي تخصص ثانية مهتم فيه وهو تخصص غير تنافسي. من مخاوفي أني أحب الغير تنافسي أكثر وخلاص أقرر أقدم عليه يحسبون أني بس عشاني ما قدرت على التنافسي أو أني منحد عليه رحت له، خاصة بعدما كثير عرفوا أني مهتم بالتنافسي. حاليًا التوتر متملكني وكلما اسوي شيء للتنافسي أقول طيب وش بينتهي بك المطاف بعد هالشغل؟ ودايم اذكر نفسي ب"طيب وطز بنظرة الناس ما بتغير شي!" بس الصدق كل شوي ارجع لحلقتي المغلقة وأفكر برأيهم؛ يعني بعدما بنيت العلاقات وعرفوا اهتمامي بالتنافسي أحس أني مضطر اوضح نفسي أنه ترى لا، اهتمامي مو لشيء واحد انا مهتم بالتخصص هذا بعد إللي عنده وجهة نظر جديدة ممكن تفتح مداركي وتخليني أشوف زاوية جديدة ما قد شفتها بكون شاكر أو اللي بس يبغى يقول رأيه الله يحيه نسولف

للامانة انا ماعمره الطب كان من احلامي بس دخلته زي ام شهرة عشان المكانة والفلوس و الفشخرة وتورطت حاليا بس دام نجحت ب ٧ سنين هانت ولا افكر اتخصص حتى بشتغل بخبراتي ولو طفشت بسحب عادي

غريب جدا كلامك🤷🏻‍♂️

واحد من الاستشاريين قال قبل القضايا حقت الاخطاء الطبية عادي المستشفى يقفلها وما تنحل والأهل يسكتون ما كان فيه وعي اتكلم عن زمن قبل ١٥ سنة وأكثر القضايا الحين كثرت ومحد يسكت عن حقه الكل واعي وفاهم بحقوقه، قبل سنتين واتوقع انت نزلتها بقناتك يمكن عن رزدنت اوبي قايني نزلها بتويتر كان طالع من دوامه او العكس وفجاه جاء شخص وطعنه على كتفه اتذكر بعد قال ما يعرف مين الشخص وما قدرو يمسكونه والناس اغلبهم يقولون واضحه دامه اوبي قايني وحده وزوجها ما كان يبي رجال وهو ولدها، عاد اتمنى انه بخير حاليا

متضايقه مره سألت رزدنت ما اعرفها عن تخصصها لاني افكر فيه وراحت قالت لاخوها عني وهو انتبه لاسمي وطلع صديق اخوي وراح قال له وجا اخوي نقل لأهلي وصارو كلهم يتدخلون برغبتي من باب حنا اهلك ادرى بمصلحتك وانا ما كان في بالي اشاورهم اصلا لاني اعرف كيف راح يضغطوني لين اسوي اللي يبونه. احس ندمت مره اني سألتها لا هي الي فادتني وقروشتني زيادة

انا سيرفس ER و عندي اتاتشمنت الصباح كيف اقدر انسق بينهم؟ الكرف لا يعقل دوامي من ٣ العصر لين ١١ بليل او من ١١ بليل لين ٧ الصباح مره تعب تكفى افكر ما اقدم السنة هذي استسلمت كرف مو طبيعي تكفى اذا عندك حل ساعدني بليز

الله يعينك لا تجهد نفسك اذا ماخففوا عليك الشغل اسحب عليهم حرام تكرف نفسك كذا

بنات أنا انترن وكنت بقسم الرزدنت اي شيء تطلبه انفذه وملتزمة بالوقت ع رغم ضغط الحياة والخ يوم من الايام تلفظت علي ألفاظ معينة وصارخت قدام الكل بغرفة العمليات حتى البيشنت رحمتني يوم طلعنا رجعت تهاوش وقمت أدافع عن نفسي وأبرر قامت تقولي لا تردين علي!!!وانا راح اشتكي عليك وراح يخسفوني بتقييم !!! يوم قالت كذا قدام الزملاء قلت بطقاق مايهمني المهم الويكند كله اصيح ومغبونة الموضوع مازمني وكل شوي اعلم احد يقولون اشتكي المشكلة مين صدق بياخذ حقي أنا اول مرة بحياتي يصارخ احد علي ويقلل مني وتقعد تحاسبني اني مشيت بدري بيوم فلاني او بيوم جيت متاخرة ترا انترن وش متوقعة مني والمشكلة تمزقني وتخلي شغلها علي ما اقول شيء اتحمل لدرجة مرا طلبت اشيل زبالة وانتوا بكرامة ومرا طردت من غرفة رزدنت وسكت بليز هيلب لان خايفه ع تقييم وانا ابي ذا تخصص 🥹🥹🥲