intern-itis | سواليف 🥼

لو سمحت انا اللي سألت اذا يمدي انتقل مع اخوي في الامتياز او لا شفت كثير ردود خصوصا في تويتر بس للاسف البيئة هذي غير امنة لنا وخصوصا ان الاذى من والدي اكثر وهو حتى مريض نفسي ورافض العلاج يعني خروجي من هذا البيت يضمن سلامتي انا واخوي وسبب اختياري لجدة لاني في بيئة طرفية غير امنة وحسيت الاجارات فيها افضل واقدر استاجر واطلع سيارة بس غالبا راح اخلي الموضوع لين انقبل في البورد ان شاء الله وشكرا لكم جميعا

اللي تقول بتطلع من بيت أبوها قهرتني لييييه 😭 ليه تطلعين؟ البيت لحاله يكسر الظهر، نصيحة لك. أنا أذكر استأجرت شقة خايسة بحي خايس بـ ٢٠ ألف بالسنة، وكانت أرخص شي لقيته! مستوعبة؟ غير الأكل وغير وغير من المصاريف اللي ما تخلص. أنا من وجهة نظري، اقعدي على قلوبهم وخليك طيبة، وتجنبيهم قدر الإمكان. هو أبوك مهما كان، وأقلها إن البيت مكان آمن لك. قفلي غرفتك، وحاولي تقللين الاحتكاك فيهم قدر ما تقدرين. ارجعي متأخرة إذا تقدرين، واطلعي أنتِ وأخوك كل يوم، بس لا تطلعون من البيت إلا لما تستقرون ماديًا ويكون عندكم مكان مناسب تروحون له. وممكن لو أخوك يشتغل، يساعدكم هذا الشيء ويخفف عليكم شوي. ترى أقول لك هالكلام مو من باب الراحة أو إني أقلل من اللي تمرين فيه، مستوعبة إن الوضع ممكن يكون متعب جدًا، لكن أبيك تفكرين بالموضوع من كل النواحي قبل ما تاخذين خطوة زي كذا. ❤️ والرجعه لنفس وضعك القديم بتكون شبه مستحيله ومعقده الله ييسر امرك

ودي امسك حالات مع التيم لكن دايم اتردد لاني ما اعرف الشغل ولا اعرف للسستم واذا قلت لهم علموني اخاف اعطلهم وبدال ماينجزون يبتلشون بتعليمي :(

لا حد يستحي تكفون اسال اسال اسال حاول تستفيد وتتعلم ترى بطيح بناس ابن حلال يشرح لك ويساعدك

مرة قال الدكتور اسمعوا المرمر بالبيشنت وروسنا تصاقعت وحنا نحاول نسمع قال الدكتور ما يحتاج خلاص اطلعوا

اليوم بالراوند من الحماس دست على رجل الاستشاريه وكادت تطيح لولا لطف الله وعنايته اتوقع كذا قدرت اثبت نفسي الحمدلله الذي لايحمد على مكروه سواه

ردي على اللي عايشين مع زوجة ابوهم ويبغوا يستقلو ، النقل في فترة الامتياز قرار خاطئ في هالمرحلة تحتاجي تجمعي فلوس لرسوم البورد + بعد الامتياز حتجلسي كم شهر بدون راتب عبال ماتطلع نتايج البورد وحتى بعد ماتطلع نتايج البورد الرواتب تتاخر شهرين ثلاثة . الله يعينك فترة وتعدي

عندي شكوى على الاشخاص الي يجون يتكلمون معي في الدوام بدون ما يقولون لي من هم، وساعات يطلبون مني شي او يسالوني اسئلة ويقيموني ونا ما اعرفهم. طبعا يطلعون في النهاية rtp, مدير قسم، شيف ولا دبيوتي 🙂شالوضع يا جماعة صراحه هم احسهم ينسون ان في ناس ما تعرفهم. مقدر اعطي تفاصيل التخصص عشان لا انكشف 😭والله يستر عاد

انا واخوي عايشين مع زوجة ابوي والصدق يبغونا نطلع من البيت بعد انا الان سنة سادس هل يمدي في الامتياز نروح جده ونستاجر ونستقر هناك او اذا بديت البورد افضل ؟ خصوصا اني بكون اصرف على شخصين اخوي صغير يعتبر احتاج اجابة ضروري الله يسعدكم الموضوع مصيري بالنسبة لنا

اليوم غفيت غفوه ولا اروع بالستيشن حقت الراديولوجي واضح من البدايه اني بكون اقوى راديولوجست على الكون 😆

إعطاء الوالدة مبلغا من المال شهريا أو دوريا (ولو كانت مقتدرة) مما يؤنسها ويفرحها ويشرح صدرها .. وستجد من الدعوات الصادقة ما يفتح لك أبواب البركات والخيرات والرزق الو(والعطاء الدائم على حسب الحال ولو كان قليلا).

الله يطول بأعمار امهاتنا ويحفظهم ، ويرحم من هي عنده تحت رحمته

صرت اشك بأي أحد فالمستشفى إنه هو الزائر السري، لدرجة مرة واحد سألني عن دورات المياه مرتين شكيت إنه بيختبرني اعصب وافصل ولا لا حسيت انه هو الزائر السري

تحصل 😅

والله كان معاي وحدة ستيودنت هي اللي كانت تعلمني وانترستد بالتخصص احسن من كل الانتيرنز ما شاء الله هي اللي تعلمنا مو احنا والله

ماشاءالله

نحجز لك موعد اختبارك في برومترك 🤖 بإمكانك الان اختيار اي تاريخ/مدينه، واحنا نشيل عنك هم حجز الموعد بشكل كامل ✅ تعال شوف التفاصيل هنا: http://saudi-bot.com/ ✅ يوجد تقسيط لرسوم الاختبار بدون فوائد

انا سويت لي غرفه دراسه بالسطح كانت فاضيه حطيت فيها كنبه ومكتب ونبتات وديكور بسيط واحسن شيء انها بالبيت اقدر ادرس باي وقت يناسبني والقهوه والاكل يوصل للغرفه، ماكانت مكلفه مره لاني استخدمت اثاث موجود عندي والحين متحمسه اجددها للرزدنسي

ابشرك انا اول طبيب في القرية وينادوني دكتور من التحضيري ويعاملوني معاملة استشاري ولا اجلس الا بصدر المجلس وعلى المفطحات ولو يدرون عن معدلي حطوني قهوجي لهم 😆

طلاب الامتياز يعلموهم حبه حبه والا يرموهم عالشغل وبس طالب سادس يرجف

لا ماعليك الحياة حلوه ويعلمونهم

اللي يقول ياعمري قسم بالله قد شفت استشاري ميدسن عطانا محاضرة والله انه شكله يعني مطوع ولحية ومحترم وعينه بالأرض حرفيا والله لكن إذا سالته بنت يقول حبيبتي وسط الكلام

ياجماعه وش الحل مع الرزدنت الي يتامرون علينا كاننا خدم عندهم ويحاسبون ويراقبون ف الانتيرن وجع انشغلو بانفسكم وهل لو عاملتها بنفس اسلوبها ورديت عليها بردود وقحه تقدر تسوي لي شي يضرني ف تقييمي ؟ انا جربت اقول لرزدنت مين انتي اصلا عشان اعطيك خبر وشعرفني برقمك وقالت ليش تكلميني بالاسلوب ذا!!! بتواصل مع المسؤول قمت قفلت بوجهها والحين خايفه تستقعد لي بالشفت وتكرفني

انا اول يوم احضر مع الاستشاريه ومسويه اني انترست وكبيت القهوه كلها وماعرفت اقوم امسح او انادي عمال النظافه وتأخرت ع المرضى عشان القهوه

متعود ارد على اخوياي باهلا ياعمري ومره نادتني الاستشاريه وقلت لها اهلا ياعمري لا ارادي قدام التيم