778
Obunachilar
+324 soatlar
Ma'lumot yo'q7 kunlar
-330 kunlar
Postlar arxiv
778
...իսկ հիմա...
Նա ոչինչ չի սիրում,
ոչ մեկի չի սիրում
չի սպասում էլ ոչինչ արևից,
Եվ նրա աչքերին
արցունքներ են նիրհում
ու թափվում հասարակ բարևից․
| Ծով alizé |
778
Այս բոլոր օրերի մեջ մեկը չեղավ, որ քեզնով չլուսանա,
իսկ դու ոչ մի անգամ չհայտնվեցիր.
| Էդգար Կոստանդյան |
778
Ի՞նչ կատարվեց սիրո հետ: Ինչո՞ւ հանկարծ ամեն ինչ պարպվեց այդպես միանգամից, ինչո՞ւ գույները խամրեցին, բույրերն անհետացան, թրթիռները մարեցին:
Դեռ բոլորովին վերջերս էր, որ սերը ծփում էր լիությամբ, շնչում էր լիաթոք, երդվում էր լիահույս: Որտե՞ղ չքվեց, անէացավ այն խորին հավատը, թե աշխարհները կործանվում են սիրո պակասից.
| Հովիկ Չարխչյան |
778
արի պատճառներ չհորինենք, սեր իմ,
արի ասա, որ սեր չկա պարզապես,
ու վերջ,
արի ասա, որ ժամանակի հրապուրանք կամ
խաղ էր,
ու վերջ,
պարզապես սիրուն եմ եղել,
(ես քրքջում եմ)
ու վերջ.
ասա, որ չես սիրում ինձ.
այնքան շատ եմ ուզում լսել դա հիմա,
կատարյալ խելագարության համար
դա է միայն պակասում,
կատարյալ ցավի համար
դա է միայն պակասում.
ուզում եմ կատարյալ լինել, սեր իմ,
ասա, որ չես սիրում ինձ,
ու վերջ.
| անի հակոբջանյան |
778
...որովհետև ինչ֊որ պահի շնչահեղձ ես լինում մարդու չլինելուց
ու չես հասկանում` որ կողմ թեքվես, որ գտնես իրեն,
որ մեջքդ ամուր լինի,
որ ուղղակի մեջք ունենաս,
որ չքանդվես
ու սովորես դուրս գալ բոլոր թակարդներից։
Ինչ֊որ պահի մի բացակայությունը ներսդ ավերում ա,
ու քանդվում ես,
գրողը տանի, մաս առ մաս հավաքվելուց հետո քանդվում ես...
Մի օր անպայման. Երկրից դեպի Երկինք...
