Thae Thae🇲🇲🇲🇲🇲🇲

◾NSPNC ဥက္ကဋ္ဌ UWSA နဲ့ NDAA ဆီကို သွားမယ်ဆိုတဲ့ ကိစ္စလေးက စိတ်ဝင်စားစရာ ကောင်းတယ်။ ၁၀၂၇ မှာ UWSA ကိုယ်တိုင်မပါဘူးဆိုပေမယ့် နောက်ကွယ်မှာ လက်နက်/ ငွေကြေး ထောက်ပံ့ပေးခဲ့တာတွေ ရှိခဲ့တာကလည်း ငြင်းမရဘူး။ ဒါပေမယ့် ထူးခြားချက်က တပ်ကို အတိအလင်း စစ်ကြေညာပြီး တိုက်တာမျိုးလည်း မရှိဘူး။ တပ်မတော်နဲ့ အပစ်ရပ် ကာလ သတ်မှတ်ထားတာက ဆယ်စုနှစ် (၃) ခုစာလောက်ရှိနေပြီ။ အဓိကက တော့…UWSA ဘက်က စာတတ်သွားတာလို့ပြောလို့ရတယ်။ အပစ်ရပ်ကို ချိုးဖောက်မိ ခဲ့ရင်…လက်ရှိ UWSA ဒေသမှာရှိနေတဲ့ ငြိမ်းချမ်းမှုနဲ့ ဖွံ့ဖြိုးမှုတွေက လပိုင်း၊ နှစ်ပိုင်း လေးအတွင်း ပျက်စီးသွားနိုင်တယ်ဆိုတာ သိနေလို့ပဲ။ ------- ◾ရွေးကောက်ပွဲကနေ တက်လာတဲ့ သမ္မတနဲ့ တပ်ချုပ်အသစ်ကို ပထမဆုံး ဂုဏ်ပြု စကားဆိုခဲ့တာလည်း UWSA နဲ့ NDAA ဖြစ်နေတာကလည်း ထူးခြားချက်ဖြစ်တယ်။ FPNCC ရဲ့ အဓိက ခေါင်းကိုင်ဖြစ်တဲ့ UWSA နဲ့ NDAA ၊ SSPP တို့ NCA လက်မှတ်ရေးထိုးခဲ့ ရင် ဘာဆက်ဖြစ်နိုင်သလဲ။ UWSA ရဲ့ ဩဇာသက်ရောက်မှုက KIA အပေါ် မရှိနိုင်ရင်တောင် TNLA နဲ့ MNDAA တို့အပေါ် အနည်းအကျဉ်းတော့ သက်ရောက်မှုရှိနေနိုင်တယ်။ မြောက်ပိုင်းအဖွဲ့တွေအပေါ်မှာလည်း တရုတ်ရဲ့ ဩဇာသက်ရောက်မှုက ထပ်ရှိနေနိုင် သေးတယ်။ တစ်ဖက်မှာ…NCA ထိုးဖို့ဆိုတာက…UWSA တောင်းဆိုနေတာက ကိုယ်ပိုင် အုပ်ချုပ်ခွင့်ရ တိုင်းကနေ ပြည်နယ်အဆင့် ရချင်တာမျိုး။ ဒီအဆင့်ထက်ပိုတဲ့ အပေးအယူ မရှိရင်…လက်ရှိ နေမြဲအတိုင်းပဲ ဆက်ရှိနေနိုင်မလား။ ---------- ◾သမ္မတကြီးရဲ့ ပေကျင်းခရီးစဉ်မှာ တရုတ်အနေနဲ့ CMEC ကိုအဓိက ထားပြီး ဆွေးနွေးမှာ ပါပဲ။ ရှမ်းမြောက်မှာ BRI လမ်းကြောင်းပွင့်ဖို့ဆိုတာ…လက်နက်ကိုင်ပဋိပက္ခကို ကျော်သွား လိုက်လို့တော့ မရဘူး။ တကယ်လို့ပေါ့လေ…သမ္မတကြီးရဲ့ တရုတ်ခရီးစဉ်နောက်ဆက်တွဲ နဲ့ NSPNC ဥက္ကဋ္ဌကြီးရဲ့ ပန်ဆန်းခရီးစဉ်ကနေ UWSA ၊ NDAA ၊ MNDAA ၊ SSPP ၊ TNLA ဆိုတဲ့ တလှေကြီးကို NCA ထဲ ဆွဲသွင်းနိုင်ရင်ရော…ဘာလိုဆက်ဖြစ်လာမလဲ။ ဒါပေမယ့် NCA ထိုးခြင်း၊ မထိုးခြင်းထက် BRI နဲ့ CMEC လည်ပတ်နိုင်ဖို့ အပစ်ရပ်နဲ့ပဲ ထိန်းထား ရင်ရော…ဆိုတဲ့မေးခွန်းတွေလည်း ရှိနေဦးမှာပဲ။ ဆိုတော့…နောက်ကွယ်မှာ အာဂျင်တာ တွေရှိနိုင်သေးသလား။ ဘာတွေ ဆွေးနွေးကြမှာလဲဆိုတာ…စောင့်ကြည့်ချင်စရာပဲ။ #(နရီမိုး)

အမေရိကန်နိုင်ငံ ကာလီဖိုးနီးယားပြည်နယ်တွင် B52 မဟာဗျူဟာဗုံးကြဲလေယာဉ် ပျက်ကျ။ လေယာဉ်အဖွဲ့သား ၈ ဦးလုံးသေဆုံး။

တရုတ်ကို ၂၀၂၁ အလွန်မှာ ရောက်တာ ၂ ကြိမ် ရှိခဲ့တယ်။ တကြိမ်က မဲခေါင်ဒေသခွဲ အစည်းအဝေးနဲ့ တကြိမ်က SCO အစည်းအဝေး။ သမ္မတ အဖြစ်ရွေးချယ်ခံမလား၊ အတိုင်ပင်ခံ သွားမလားလို့ လူတွေ မေးခွန်းထုတ်တဲ့အခါ... ကိုယ်ခြေကိုယ်လက်နဲ့ တည်ဆောက်ထားတဲ့ ၅ နှစ်တာ ကာလတစ်ခု၊ SCO၊ လျန်ချန်း-မဲခေါင်၊ BRICS တွေမှာ ကမ္ဘာ့ခေါင်းဆောင်တွေနဲ့ တွေ့ခွင့်ရမယ့် အခွင့်အရေးအတွက်...ပါဝါတူတဲ့ နေရာပဲ ယူမှာလို့ သုံးသပ်ခဲ့ဖူးတယ်။ ဒီကနေ့ ပေကျင်းက SAC ဥက္ကဋ္ဌ မဟုတ်၊ နိုင်ငံတော် ယာယီ သမ္မတ မဟုတ်၊ နိုင်ငံတော် သမ္မတ အဖြစ်နဲ့ တရားဝင် သွားရောက်တဲ့ ခရီးစဉ် ဖြစ်လာခဲ့တယ်။ #(နရီမိုး)

ပြည်ပကစားသမားခေါ်ယူမှုကြောင့် နိုင်ငံတကာပရိသတ်များအကြား မြန်မာအမျိုးသမီးလိဂ်အပေါ် စိတ်ဝင်စားမှု မြင့်တက်လာ ပြည်ပကစားသမားများကို ခေါ်ယူလိုက်ပြီးနောက် နိုင်ငံတကာပရိသတ်များအကြား မြန်မာအမျိုးသမီးလိဂ် (MWL) ကို စိတ်ဝင်စားမှု မြင့်တက်လာကြောင်း သိရသည်။ အထူးသဖြင့် လူမှုကွန်ရက်စာမျက်နှာများနှင့် TikTok ပေါ်တွင် ပြည်ပပရိသတ်များ၏ စိတ်ဝင်စားမှုကို ရရှိနေခြင်းဖြစ် သည်။ ယင်းသည် ဧရာဝတီအမျိုးသမီးအသင်းက ဘင်္ဂလားဒေ့ရှ်၊ ထိုင်းနှင့် ဖိလစ်ပိုင်နိုင်ငံတို့မှ ကစားသမားများကို ခေါ်ယူခဲ့ရာမှ ယခုကဲ့သို့ စိတ်ဝင်စားမှုမြင့်တက်လာခြင်းဖြစ်သည်။ အဆိုပါ နာမည်ရှိပြီး ပရိုဖိုင်မြင့်မားသည့် ကစားသမားများကို ခေါ်ယူနိုင်ခဲ့ခြင်းကြောင့် အသင်းအတွက်သာမက မြန်မာ့အမျိုးသမီးဘောလုံးလောကအတွက်ပါ ပြည်ပပရိသတ်များ၏ အားပေးဝန်းရံမှုကို ရရှိလာစေကြောင်း သုံးသပ်မှုများ ရှိနေသည်။ #Popular

တောင်ကြီးက မိန်းကလေးငယ် ၂ ဦးကို အမျိုးသမီးတစ်ဦးက အေးသာယာရှိ ပြည့်တန်ဆာ ခန်းသို့ ရောင်းစားမှု ဖြစ်ပွား ရှမ်းပြည်နယ်တောင်ပိုင်း၊ တောင်ကြီးမြို့နေ အသက် ၁၆ နှစ်နှင့် ၁၇ နှစ်အရွယ် မိန်းကလေးငယ် နှစ်ဦးသည် အလုပ်အကိုင် ရှာဖွေနေရာမှ ဇွန်လ ၁၃ ရက်တွင် ရွှေညောင်မြို့သို့ ရောက်ရှိခဲ့ပြီး ရွှေညောင်မြို့၊ ရွှေဘုံသာရပ်ကွက်နေ အမျိုးသမီး ၂ ဦးနှင့် တွေ့ဆုံခဲ့ကာ မိန်းကလေးငယ်များအား အေးသာယာမြို့ရှိ KTV တစ်ခု၌ အလုပ် အပ်ပေးမည်ဖြစ်ကြောင်းနှင့် လစာကောင်းကောင်းပေမည်ဟု ပြောဆိုစည်းရုံး၍ အေးသာယာမြို့ရှိ နန်းရွှေရည် ပြည့်တန်ဆာခန်း၌ တစ်ဦးလျှင် တစ်သိန်းကျပ်ပေးကာ လိမ်လည်လှည့်ဖျား ရောင်းစားခဲ့ခြင်း ဖြစ်ကြောင်း သိရသည်။ မိန်းကလေးငယ် နှစ်ဦးသည် ယင်းအမျိုးသမီး ပြန်သွားပြီးနောက် ညပိုင်းအချိန်မှသာ ပြည့်တန်ဆာလုပ်ငန်း လုပ်ကိုင် နေသည့် အိမ်ဖြစ်သည်ကို သိရှိခဲ့ရပြီး နောက်တစ်နေ့ ဇွန်လ ၁၄ ရက်တွင် မိန်းကလေးငယ်တစ်ဦးမှ ထွက်ပြေးခဲ့ကာ ရွှေညောင်-ရပ်စောက်လမ်းဆုံ မီးပွိုင့်တွင် တာဝန်ကျနေသော ယာဉ်ထိန်းရဲအား အကူအညီ တောင်းခံခဲ့ခြင်းဖြစ်ကြောင်း သိရသည်။

တစ်ခြားနိုင်ငံမှာ ကိုယ့်နိုင်ငံအလံကို ဝင့်ဝင့်ကြွားကြွားမြင်ရတာလောက် ဂုဏ်ယူစရာရှိမလား ခေတ်စနစ်အသစ်တစ်ခု New Era တစ်ခု စတင်ပြီလို့ပဲ မှတ်ယူပါတယ်။ နိုင်ငံတော်လျှောက်လှမ်းနေတဲ့ လမ်းအသစ်မှာ ဘက်ပေါင်းစုံကနေ ကြိုးပမ်းနေသူ တစ်ဦးတစ်ယောက်ချင်းစီကို ဂုဏ်ပြုပါတယ်။ #(ပိုင်စိုး)

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ် အဖွဲ တရုတ်ပြည်သူ့သမ္မတနိုင်ငံသို့နိုင်ငံတော်အဆင့် ချစ်ကြည်ရေးခရီးစဉ် စတင်ထွက်ခွာ။

အသုံးချခံ PDF လူငယ်တစ်ဦးရဲ့ ကိုယ်တွေ့ခံစားချက် "လမ်းမှန်" သီချင်း လူဆိုတာ မှားတတ်ပေမယ့် အမှားကို ဆက်မိုက်နေရင်တော့ အမိုက်မဲဆုံး ဖြစ်သွားပါလိမ့်မယ်... "လမ်းမှန်" ဆိုတဲ့ သီချင်းလေးက လက်ရှိ လမ်းပျောက်နေတဲ့ PDF လူငယ်တွေအတွက် အလင်းရောင်တစ်ခု ဖြစ်လာပါစေ...

ချင်းတောင်ပိုင်းမှာ တိုက်ပွဲ ပိုပြင်းထန်လာပြီး လေကြောင်းတိုက်ခိုက်မှုတွေ ဆက်တိုက်ရှိနေ ဇွန် ၁၄ ၊ ၂၀၂၆ GG (VOM) ချင်းပြည်နယ်တောင်ပိုင်းက ကန်ပက်လက်မြို့နဲ့ မင်းတပ်မြို့ တိုက်ပွဲတွေ ဆက်လက်ဖြစ်ပွားနေပြီး လေကြောင်းကနေ ဗုံးကြဲတိုက်ခိုက်မှုတွေလည်း ဆက်တိုက် ဖြစ်ပွားနေတယ်လို့ စုံစမ်း သိရှိရပါတယ်။ မင်းတပ်မြို့ကိုဆိုရင် ခုဇွန်လ ၆ ရက်နေ့ကစပြီး ဒီကနေ့ ဇွန် ၁၄ ရက်နေ့အထိ လေကြောင်းကနေဗုံးကြဲတိုက်ခိုက်မှုတွေ ဆက်တိုက်ပြုလုပ်နေတာ ဖြစ်တယ်လို့ သိရပါတယ်။ ဇွန်လ ၆ ရက်နေ့ကနေ ၉ ရက်နေ့အတွင်း မင်းတပ်မြို့နယ်မှာ လေကြောင်းကနေ အကြိမ် ၃၀ ကျော် ဗုံးကြဲတိုက်ခိုက်ခံရပြီး ဇွန် ၁၀ ရက်ကနေ ၁၄ ရက်မနက်ပိုင်းအထိ လေကြောင်းတိုက်ခိုက်မှု ၁၆ ကြိမ်ထက်မနည်းရှိခဲ့ကာ အားလုံးပေါင်း ဗုံးအရေအတွက် ၁၀၀ ကျော်ကြဲချတိုက်ခိုက်ခဲ့တာ ဖြစ်တယ်လို့ သိရပါတယ်။ " ဒီရက်ပိုင်း မင်းတပ်ကို လေကြောင်းကနေ တအားဖိနေတာတွေ့ရတယ်။ မြေပြင်တိုက်ပွဲကလည်း ပြင်းထန်နေတယ် ။ ကန်ပက်လက်ဘက်လည်း တိုက်ပွဲတွေပြင်းထန်နေတယ်။ မြေပြင်စစ်ကြောင်းရော လေကြောင်းရောကလည်း နေတိုင်းရှိနေတော့ စစ်ရေးကပိုတင်းမာပြီး ပြင်းထန်နေတဲ့ သဘောရှိတယ်။ တပ်ကလည်း ချင်းတောင်ကို အင်အားထောင်ချီသုံးပြီးတော့ကို တိုက်နေတာ ။ " လို့ စစ်ရေးသတင်း ရင်းမြစ်က သုံးသပ် ပြောပါတယ်။ ကန်ပက်လက်မြို့ကိုလည်း ဇွန် ၆ ရက်ကနေ ဇွန် ၁၃ ရက်နေ့အတွင်း လေကြောင်းတိုက်ခိုက်မှု အကြိမ် ၂၀ လောက်ရှိခဲ့တယ်လို့ သိရပါတယ်။ ကန်ပက်လက်မြို့နယ်မှာ မေ ၁၈ ရက်နေ့ကစပြီး အစိုးရတပ်နဲ့ ချင်းလက်နက်ကိုင်တပ်တွေ အကြား တိုက်ပွဲဖြစ်ပွားနေတာ ဒီကနေ့အထိဖြစ်လို့ တိုက်ပွဲဖြစ်ပွားနေတာ တလနီးပါးအထိ ကြာမြင့်လာပြီဖြစ်ပါတယ်။ အလားတူ မင်းတပ်မြို့နယ်မှာလည်း မေလ ကတည်းက တိုက်ပွဲတွေ စတင်ဖြစ်ပွားခဲ့တာဖြစ်ပြီး ဇွန်လထဲမှာတော့ တိုက်ပွဲကပိုပြီးပြင်းထန်လာတာ ဖြစ်တယ်လို့ သိရပါတယ်။ မင်းတပ်နဲ့ ကန်ပက်လက်မြို့တွေမှာ လေကြောင်းတိုက်ခိုက်မှုတွေကြောင့် နေအိမ်တွေထိခိုက်ပျက်စီးမှုရှိကြောင်းသိရှိရပေမယ့် လူထိခိုက်မှုနဲ့ပတ်သက်လို့တော့ အတိအကျမသိရသေးပါဘူး ။ မတူပီမြို့နယ်မှာတော့ လောလောဆယ် တိုက်ပွဲငြိမ်နေတဲ့ အခြေအနေရှိသလို လေကြောင်းတိုက်ခိုက်မှုလည်း နည်းတယ်လို့ သိရပါတယ်။ လက်ရှိမှာ ချင်းတောင်ပိုင်းမှာ ဖြစ်နေတဲ့ စစ်ရေးတင်းမာတဲ့အခြေအနေတွေကြောင့် ဒေသခံတွေအများအပြား စစ်ရှောင်နေကြရပြီး ချင်းတောင်ကို ကုန်စည်စီဆင်းမှုဖြတ်တောက်ခံထားရတာကြောင့် စစ်ရှောင်တွေအတွက် စားနပ်ရိက္ခာအပါအဝင် အကူအညီတွေလိုအပ်နေတယ်လို့ သိရပါတယ်။ မင်းတပ်နဲ့ ကန်ပက်လက်မြို့ကို အစိုးရတပ်တွေက အင်အား ၂၀၀၀ ဝန်းကျင်နဲ့ စစ်ကြောင်းထိုး ထိုးစစ်ဆင်လာသလို လေကြောင်းတိုက်ခိုက်မှုကိုလည်း အကြိမ်ပေါင်းများစွာ ပြုလုပ်နေတယ်လို့ ချင်းပြည်သူ့အစည်းအရုံး CPU က ထုတ်ပြန်ထားပါတယ်။ ဓာတ်ပုံ - HKL #Voiceofmyanmar #VOM #ချင်းတောင် #မင်းတပ် #မတူပီ #ကန်ပက်လက် #တိုက်ပွဲပြင်းထန် #လေကြောင်းတိုက်ခိုက်မှု

လိင်အင်္ဂါအတွင်း သေနတ်ဝှက်ပြီး သယ်ဆောင်လာသည့် အမျိုးသမီးတစ်ဦး ဘရာဇီးတွင် ဖမ်းဆီးခံရ ၈ လက်မကျော်တဲ့သေနတ်ကို ဘယ်လိုများ ဝှက်ထားခဲ့သလဲ?😳

◾ တနေ့က NSPNC နဲ့ SSPP တို့ တွေ့ဆုံခဲ့တာလေး တွေ့မိတယ်။ ဒါက ရှမ်းနီပြီးရင် ဒုတိယမြောက်တွေ့ဆုံတဲ့ လက်နက်ကိုင်အဖွဲ့အစည်းလည်း ဖြစ်တယ်။ တခြားဒေသတွေ မှာ ပထဝီအနေအထားအရ သီးခြားလက်နက်ကိုင်တစ်ခုတည်းရှိပေမယ့် ရှမ်းပြည်မှာ SSPP ရော၊ RCSS ရော ရှိနေတဲ့အနေအထားက အတော်လေးတော့ စိတ်ဝင်စားစရာ ကောင်းတဲ့ အခြေအနေ ရှိနေတယ်။ --------- ◾ ဆွေးနွေးချက်ထဲမှာပါတဲ့ ကိုယ်ပိုင်ပြဌာန်းခွင့်ပါ ဒီမိုကရေစီနဲ့ ဖက်ဒရယ်စနစ် တည်ဆောက်ရေးဆိုတဲ့ စကားလုံးအသုံးအနှုန်းမှာ SSPP ရော၊ RCSS ရောက ရှမ်းလူမျိုး တွေကို ကိုယ်စားပြုထားကြတယ်။ ဒီနေရာမှာ ရှမ်းပြည်နယ်နဲ့ ရှမ်းလူမျိုးဟာ တူညီတဲ့ ပုံစံမရှိနေဘူး။ ရှမ်းပြည်နယ်ထဲမှာ တအာဝ်း၊ ဝ၊ ကိုးကန့်၊ ပအိုဝ့်၊ ဓနု၊ အင်းသား၊ ဗမာ၊ရှမ်း စသဖြင့် ရှိကြသေးတယ်။ ---------- ◾ လက်ရှိ မြန်မာနိုင်ငံမှာ SSPP ထိန်းချုပ်နယ်မြေ၊ RCSS ထိန်းချုပ်နယ်မြေ၊ TNLA ထိန်းချုပ်နယ်မြေ၊ UWSA ထိန်းချုပ်နယ်မြေတွေဆိုပြီး ပုံစံမျိုးစုံရှိကြတယ်။ တစ်ချို့က လည်း ဖွဲ့စည်းပုံအရ ကိုယ်ပိုင်အုပ်ချုပ်ခွင့်ရဒေသတွေအဖြစ်နဲ့ တရားဝင် ရှိထားကြပြီး လည်းဖြစ်တယ်။ ဆိုတော့…လူမျိုးစုတစ်ချို့တွေက လက်နက်ကိုင်မယ်။ အင်အားကြီး လာရင်…လူမျိုးအခြေခံတဲ့ ဖက်ဒရယ်စနစ်မျိုး တောင်းဆိုလာကြတယ်။ ရှမ်းလူမျိုးစုကို ကိုယ်စားပြုတာက RC လား SSPP လား။ ဒါလည်း ပြဿနာ တစ်ခုပဲ။ ---------- ◾ သေချာတာကတော့…SSR အဆင့်အထိ မဆွေးနွေးနိုင်ရင်…လက်နက်ကိုင်တွေစုစည်း ထားတဲ့ လူမျိုးစု အာဏာပြိုင်တွေ ဆက်ရှိနေဦးမယ့် အခြေအနေမျိုး ဆက်ရှိနေဖို့ များတယ်။ #(နရီမိုး)

မတ္တရာဒေသမှာ ရွှေလုပ်ကွက်တွေ အပိုင်စီးရသွားတော့...အခွန်ဆက်ကြေး သပ်သပ်ချည်းကို ပိဿာလိုက် ဒေသခံ လုပ်ကွက်တွေက ပေးရတယ်။ အဲ့ဒီမှာ ဘာမှ မဆိုင်တဲ့ စိုးသူရဇော်လိုမျိုးကို ရာထူးကြီးကြီး ပေးပြီး လှမ်းထိန်းရတဲ့ အဆင့်ဖြစ်လာတယ်။ မကွေးအညာမြေဒူဘိုင်းနဲ့ မတ္တရာဒေသတွေကို NUG လက်အောက်ခံဖြစ်ဖို့ သိမ်းသွင်းကြပေမယ့် တချို့ LPDF တွေက NUG ရဲ့ MoD ထဲ မဝင်ခဲ့ကြဘူး။ လက်နက်ကိုင်တော်လှန်ရေးကာလ (မြို့သိမ်းပြီးနောက်ပိုင်း) ခဏလေးအတွင်းမှာတောင် ဆက်ကြေးကနေ ရွှေအချိန် ၁၆ ပိဿာ အထက်ရနေ‌ တော့.....MDY-PDF တွေက တော်လှန်ရေး စိတ်မဝင်စား၊ NUG ကလည်း သူ့ဆီ အခွန်မရောက်ရလေလား ဆိုပြီး မုန်တိုင်းတို့ကို ဖမ်းဆီးပါလေရော။ အကျိုးဆက်က ခုထိ သေသလား၊ ရှင်သလားတောင် မသိသေး။ တော်လှန်ရေးက ၃ လ မကြာဘူးဆိုပြီး ဂျင်းကျွေးခဲ့တဲ့ ပေါ်ဦးတို့၊ နန်းတွင်းထဲထိ ဝင်သိမ်းမယ်ဆိုပြီး False Hope ပေးခဲ့ကြတဲ့ MDY PDF တွေလည်း ခုဆို အခြေတည်ဖို့ မပြောနဲ့၊ ဆောက်တည်ရာ မဲ့ ပြေးနေကြရပြီ မဟုတ်လား။ #(နရီမိုး)

နေမကောင်းလို့ သတင်းတွေ မတင်ဖြစ်တာနော် အမျိုးတို့ရေ🙏

အီရန်နှင့် သဘောတူညီချက်ရတော့မည်ဟု စစ်ပွဲစတင်ချိန်မှစ၍ ၃၉ ကြိမ် ထရမ့် ပြောဆိုခဲ့ 🔸 အမေရိကန်သမ္မတ ဒေါ်နယ်ထရမ့်သည် အီရန်နိုင်ငံနှင့် သဘောတူညီချက်တစ်ခု ရရှိရန် အလွန်နီးစပ်နေပြီဖြစ်ကြောင်း ထပ်တလဲလဲ ပြောဆိုခဲ့သည့် ဗီဒီယိုအပိုင်းအစများကို စုစည်းကာ CNN သတင်းဌာနက ထုတ်လွှင့်ပြသလိုက်ပါတယ်။ 🔸 စစ်ပွဲစတင်ချိန်မှစ၍ ယနေ့အထိ သမ္မတထရမ့်သည် ယခုကဲ့သို့ "သဘောတူညီချက် ရတော့မည်" ဟူသော ပြောဆိုချက်မျိုးကို စုစုပေါင်း (၃၉) ကြိမ်တိုင်တိုင် ပြောကြားခဲ့ပြီးဖြစ်ကြောင်း CNN က ထောက်ပြထားပါတယ်။ CNN ကို သတင်းတုဌာနလို့ ပြောထားလို့ထင်တယ် ပြန် ခွပ် နေတာ😂

အမေရိကန် National Mall မြက်ခင်းပြင်မှာ '8647' လို့ ရေးထားတာကို ရဲတွေ စုံစမ်းစစ်ဆေးနေ ဝါရှင်တန်ဒီစီက National Mall မြက်ခင်းပြင်မှာ 8-6-4-7 ဂဏန်းတွေကို အကြီးကြီး ရေးဆွဲထားတဲ့ ကိစ္စကို အမေရိကန်ရဲတွေက စုံစမ်းစစ်ဆေးနေပါတယ်။ "Eighty-six (86)" ဆိုတာက "ဖယ်ရှားပစ်တာ" ကို ဆိုလိုတဲ့ ဗန်းစကားတစ်ခုပါ။ ဒီဂဏန်းတွေဟာ 47 ဆက်မြောက် သမ္မတဖြစ်တဲ့ ထရမ့်ကို အကြမ်းဖက်ဖို့ လှုံ့ဆော်တဲ့ သဘောမျိုးဖြစ်တယ်လို့ ထရမ့်အစိုးရအဖွဲ့ တာဝန်ရှိသူတွေက ဆိုပါတယ်။ ကြာသပတေးနေ့ မနက် ၁၁:၃၀ လောက်မှာ "အများပြည်သူပိုင်နေရာ ဖျက်ဆီးခံရတယ်ဆိုတဲ့ တိုင်ကြားချက်အရ သွားရောက်စစ်ဆေးခဲ့တယ်" လို့ US Park Police က ထုတ်ပြန်ချက်မှာ ပြောထားပါတယ်။ "မြက်ခင်းတွေ ဘာလို့ အရောင်ပြောင်းသွားရတယ် ဆိုတဲ့ အကြောင်းရင်းကိုတော့ အတိအကျ မသိရသေးပါဘူး။ စမ်းသပ်ဖို့အတွက် မြက်နမူနာတွေကိုတော့ ယူထားပါတယ်။ စုံစမ်းစစ်ဆေးမှုတွေ ဆက်လုပ်နေပါတယ်" လို့လည်း ဆိုပါတယ်။ မြက်ခင်းပြင် ဓာတ်ပုံတွေအရ 8၊ 6 နဲ့ 7 ဂဏန်းတွေကို တွေ့ရပေမယ့်၊ 4 ဂဏန်းကတော့ သိပ်မထင်ရှားပါဘူး။ #Popular

ထိုင်းနိုင်ငံ၊ ဘန်ကောက်မြို့တွင် စားပွဲထိုးမြန်မာအမျိုးသမီး မအေးအေးနွဲ့ကို ဦးခေါင်းမှစတင်၍ တစ်ကိုယ်လုံး အပိုင်းပိုင်းဖြတ်သတ်ပြီး သံသယ တရားခံ ခင်ပွန်း မြန်မာအမျိုးသား စားဖိုမှူး အောင်ပြည့် ထွက်ပြေးတိမ်းရှောင် ရန်ကုန်၊ ဇွန် ၁၂ ထိုင်းနိုင်ငံ၊ ဘန်ကောက်မြို့တွင် စားပွဲထိုးမြန်မာအမျိုးသမီးကို ဦးခေါင်းမှစတင်၍ တစ်ကိုယ်လုံး အပိုင်းပိုင်းဖြတ်သတ်ပြီး ခင်ပွန်းဖြစ်သူ မြန်မာအမျိုးသား စားဖိုမှူးမှာ ထွက်ပြေးတိမ်းရှောင်သွားကြောင်း ထိုင်းသတင်းဌာနများက သတင်းဖော်ပြသည်။ ထိုင်းနိုင်ငံ၊ ဘန်ကောက်မြို့ရှိ တိုက်ခန်း တစ်ခုတွင် အလုပ်လုပ်ကိုင်နေသည့် အသက် ၃၄ နှစ်အရွယ် မြန်မာအမျိုးသမီးတစ်ဦးသည် ရက်စက်စွာ သတ်ဖြတ်ခံရပြီး ခန္ဓာကိုယ်အစိတ်အပိုင်းများကို ပလတ် စတစ်သေတ္တာအတွင်း ထည့်သွင်းဖျောက်ဖျက်ကြောင်း၊ ရဲတပ်ဖွဲ့၏ စီစီတီဗွီ (CCTV) မှတ် တမ်းများအရ လူသတ်မှုအတွက် သံသယရှိသူ လင်ယောက်ျားဖြစ်သူ မြန်မာနိုင်ငံသား စားဖိုမှူးမှာ အထုပ်အပိုးကြီးဖြင့် ထွက်ပြေးတိမ်းရှောင်သွားကြောင်း သိရသည်။ ယနေ့ မွန်းလွဲပိုင်းတွင် ဘန်ကောက်မြို့၊ ဒင်းဒန်း Din Daeng ရဲစခန်းမှ ရဲတပ်ဖွဲ့ဝင်များသည် ရာ့ချ်ပရာရော့ (Rajprarop) လမ်းသွယ် ၁ ရှိ တိုက်ခန်းတစ်ခုအတွင်း လူသတ်ကာ အပိုင်းပိုင်းဖြတ်၍ သေတ္တာထဲထည့်ထားကြောင်း သတင်း တိုင်ကြားချက်အရ အခင်းဖြစ်ပွားရာအခန်းသို့ မှုခင်းဆရာဝန်များ၊ သက် ဆိုင်ရာ စုံစမ်းစစ်ဆေးရေးအဖွဲ့များနှင့်အတူ သွားရောက်စစ်ဆေးခဲ့ကြသည်။ ထိုင်းရဲတပ်ဖွဲ့ဝင်များ အခန်းအတွင်းသို့ ဝင်ရောက်စစ်ဆေးရာတွင် ရုန်းရင်းဆန်ခတ်ဖြစ်ပွားထားသည့် အထောက် အထားများကို တွေ့ရှိရပြီး အခန်းထဲတွင် အပုပ်နံ့များ အလွန်ပြင်းထန်စွာ ထွက်နေကြောင်း၊ အခန်းနောက်ဘက် ဝရန်တာအနက်ရောင် ပလတ်စတစ်သေတ္တာအကြီးကြီးတွင် အပိုင်းပိုင်းဖြတ်ထားသော အမျိုးသမီးအလောင်းကို တွေ့ရှိရကြောင်း သိရှိရသည်။ အဆိုပါ သေတ္တာအတွင်း လူခန္ဓာကိုယ် အစိတ်အပိုင်းများကို တွေ့ရှိခဲ့ရကြောင်း၊ သေဆုံးသူအမျိုးသမီး၏ ဦးခေါင်း၊ ပုခုံးဆစ်မှ လက်မောင်းနှစ်ဖက်နှင့် ဒူးဆစ်မှ ခြေထောက်နှစ်ဖက်စလုံးကို ဖြတ်တောက်ထားသည့်အပြင်၊ ပေါင်နှစ်ဖက်ကိုလည်း ဖြတ်တောက်ရန် ကြိုးစားထားသည့် ဓားဒဏ်ရာကြီးများကို တွေ့ရှိရသည်။ ထို့ပြင် ဝမ်းဗိုက်ကိုလည်း လှီးဖြတ်ထားပြီး သေဆုံးသည်မှာ ရက်အတော်ကြာပြီဖြစ်ကြောင်း သိရသည်။ လက်ရှိတွင် ပျောက်ဆုံးနေသော အခြားခန္ဓာကိုယ် အစိတ်အပိုင်းများကို ရဲတပ်ဖွဲ့က လိုက်လံရှာဖွေနေဆဲ ဖြစ်သည်။ ကနဦး စုံစမ်းစစ်ဆေးမှုများအရ သေဆုံးသူမှာ ဘန်ကောက်မြို့ Khlong Toei ရှိ စားသောက်ဆိုင်တစ်ခုတွင် စားပွဲထိုးအဖြစ် လုပ်ကိုင်နေသူ မြန်မာနိုင်ငံသူ အသက် ၃၄ နှစ်အရွယ် မအေးအေးနွဲ့ ဖြစ်ကြောင်း ၊ရုပ်အလောင်းကို ဆေးရုံသို့ ပို့ဆောင်ကာ ဆေးဘက်ဆိုင်ရာ အထောက်အထား (DNA) များကို ထပ်မံစစ်ဆေးအတည်ပြုရဦးမည် ဖြစ်ကြောင်း သိရှိရသည်။ ကျူးလွန်သူဟု သံသယရှိခြင်း ခံထားရသူမှာ သေဆုံးသူ၏ လင်ယောက်ျားဖြစ်ပြီး ပေချာဘူရီ Phetchaburi လမ်းရှိ စားသောက်ဆိုင်တစ်ခုတွင် စားဖိုမှူး အဖြစ် လုပ်ကိုင်နေသူ မြန်မာနိုင်ငံသား မောင်အောင်ပြည့် ဆိုသူ ဖြစ်ကြောင်း သိရှိရသည်။ CCTV ကင်မရာမှတ်တမ်းများအရ ၎င်းသည် အခင်းဖြစ်ပွားပြီးနောက် ခရီးဆောင်အိတ်အကြီးကြီးတစ်ခုကို ဆွဲကာ တိုက်ခန်းအတွင်းမှ ထွက်ပြေးတိမ်းရှောင်သွားသည်ကို အထင်အရှား တွေ့မြင်ခဲ့ရသည်။ ယင်းအမှုမှာ သေဆုံးသူ မအေးအေးနွဲ့နှင့် ရက်အတော်ကြာ ဖုန်းအဆက်အသွယ်မရသဖြင့် စိတ်ပူနေသော ဆွေမျိုးဖြစ်သူ မြန်မာနိုင်ငံသား မောင်အောင်မျိုးဝင်းက ဒင်းဒန်း ရဲစခန်းသို့ သွားရောက်တိုင်ကြားကာ အကူအညီတောင်းခံရာမှ စတင်ခဲ့ခြင်းဖြစ်သည်။ ရဲတပ်ဖွဲ့ဝင်များက ဆွေမျိုးဖြစ်သူ၊ တိုက်ခန်းပိုင်ရှင်တို့နှင့်အတူ လိုက်လံဖွင့်လှစ်ကြည့်ရှုရာမှ ယခုကဲ့သို့ ရက်စက်ကြမ်းကြုတ်သော လူသတ်မှုကို စုံစမ်းဖော်ထုတ်နိုင်ခဲ့ခြင်း ဖြစ်သည်။ ထိုင်းရဲတပ်ဖွဲ့၏ ကနဦးသုံးသပ်ချက်အရ ယခုကဲ့သို့ ရက်ရက်စက်စက် သတ်ဖြတ်ရခြင်းမှာ အိမ် ထောင်ရေး ဖောက်ပြန်မှု သို့မဟုတ် အချစ်ရေးအပေါ် သဝန်တို (စိတ္တဇအလွန်အကျွံဖြစ်မှု) တို့ကြောင့် ဖြစ်နိုင်ကြောင်း ယူဆထားပြီး၊ ထွက်ပြေးတိမ်းရှောင်နေသည့် တရားခံ မောင်အောင်ပြည့်ကို ဖမ်းဆီးရမိရေးအတွက် ရဲတပ်ဖွဲ့က အပူတပြင်း လိုက်လံစုံစမ်းရှာဖွေလျက်ရှိသည်။ #labourhittai

သမ္မတကြီး တရုတ် ထပ်သွားမယ်ဆိုပဲ။ ဒါက အနှေးနဲ့ အမြန်ဆိုတာ သိသာနေတဲ့ အရာပါပဲ။ ဒီခရီးစဉ်မှာ တရုတ် အကျိုးစီးပွားနဲ့ ပြည်တွင်း လက်နက်ကိုင် ပဋပက္ခကို ဒဲ့ညှိနိုင်ရင် ...အစိုးရ ပြောတဲ့ ၅ နှစ်အတွင်း ငြိမ်းချမ်းရေး ရုပ်လုံးပေါ်လာပါလိမ့်မယ်။ တနင်္သာရီ သူပုန်ကိုလည်း အပြတ်ရှင်းပါ။ မဟုတ်ရင်...နျူစီမံကိန်းက ဗီယမ်နမ်ထက် နောက်ကျသွားနိုင်တယ်။ ထားဝယ်ရေနက်ဆိပ်ကမ်း စီမံကိန်းပေါ်လာရင်...အာဆီယံ ဆိုတာ ကိုယ်က အပေါ်စီးက ပြောရမယ့် အနေအထား ဖြစ်သွားလိမ့်မယ်။ #(နရီမိုး)

■ မန္တလေးမြို့တွင် လူငယ်များကို စစ်မှုထမ်းရန် လူကုန်ကူးမှုသဖွယ် ခေါ်ဆောင်ခြင်းခံနေရသလို ငွေကြေးဖြင့်ပြန်လည်ရွေးချယ်ခံနေရမှုနှင့်ပတ်သက်ပြီး လွှတ်တော်တွင်မေးမြန်း မန္တလေးမြို့တွင် လူငယ်များကိုစစ်မှုထမ်းရန် လူကုန်ကူးမှုသဖွယ်ခေါ်ဆောင်ခြင်းခံနေရသလို ငွေကြေးဖြင့်ပြန်လည်ရွေးချယ်ခံနေရမှုနှင့်ပတ်သက်ပြီး လွှတ်တော်တွင်မေးမြန်းခဲ့ကြောင်း သတင်းရရှိသည်။ တတိယအကြိမ် မန္တလေးတိုင်းဒေသကြီးလွှတ်တော်၏ ဒုတိယပုံမှန်အစည်းအဝေး ဇွန်လ ၁၀ရက်တွင် ချမ်းအေးသာစံမြို့နယ် တိုင်းဒေသကြီးလွှတ်တော်ကိုယ်စားလှယ်အမှတ်(၁) ဦးကိုကိုထွေးမှ " မန္တလေးမြို့အတွင်း တပ်မတော်နှင့်လက်တွဲမှုမရှိသည့် ပြည်သူ့စစ်အမည်ခံဆောင်ရွက်မှုများကို ကြီးကြပ်ကွပ်ကဲဆောင်ရွက်ပေးရန် အစီစဥ်ရှိမရှိ သိရှိလိုကြောင်း" မေးခွန်းတွင် ထည့်သွင်းပြောကြားချက်များအရ သိရသည်။ " မန္တလေးမြို့တွင် နိုင်ငံတော်မှဖွဲ့စည်းထားသည့် ရပ်ရွာလုံခြုံရေး၊ ပြည်သူ့စစ်အဖွဲ့များရှိပြီး လက်ရှိ မန္တလေးမြို့အခြေနေအရ ပြည်သူ့စစ်အဖွဲ့များကိုဖျက်သိမ်းခြင်း သို့မဟုတ် ရပ်ရွာလုံခြုံရေးအဖွဲ့ထဲသို့ ထည့်သွင်းရန်လိုကာ လက်နက်များကို တပ်မတော်ထံ ပြန်လည်အပ်နှံစေလိုပါတယ်။ မန္တလေးမြို့တွင် စစ်တိုက်စရာမလိုတော့ကြောင်း၊ ပြည်သူ့စစ်အမည်ခံများ၏ ရပ်တည်မှုများက မေးခွန်းထုတ်စရာများရှိနေပြီး လုပ်စားဟောက်စားအဖွဲ့များကို ဆိုလိုခြင်းသာဖြစ်ပြီး တပ်မတော်နှင့်လက်တွဲခဲ့ကြသည့် ပြည်သူ့စစ်များကို ဆိုလိုခြင်းမဟုတ်ပါ။စစ်မှုထမ်းအတွက်လိုလို ပြည်သူ့စစ်အတွက်လိုလို လိုင်စင်မဲ့ကားတွေစီး၊ သေနတ်ကြီးတွေ တရား၀င်ရော၊ တရားမ၀င်​ရောကိုင်ဆောင်ပြီး စျေးကွက်ကြီးတစ်ခုလို မြို့တွင်းလူကုန်ကူးမှုသဖွယ် ဥပဒေမဲ့စွာစည်းမဲ့ကမ်းမဲ့ တွေ့ကရာနေရာမှာ အဆွဲခံနေရပြီး နောက်ကျောမလုံစွာနေကြရတဲ့ မန္တလေးမြို့ခံလူငယ်များအတွက် ရွေးကောက်ခံအစိုးရအနေနဲ့ ပြည်သူကို ဘယ်လိုစောင့်ရှောက်မှုများပေးနိုင်မလဲဆိုတာ သိလိုပါကြောင်း" ဟု မေးမြန်းခဲ့ခြင်းဖြစ်သည်။ မေးမြန်းချက်နှင့်ပတ်သက်ပြီး လုံခြုံရေးနှင့်နယ်စပ်ရေးရာ၀န်ကြီး ဗိုလ်မှူးကြီးနေလင်းစိုးက "ပြည်သူ့စစ်များလိုက်နာရမယ့် ကျင့်စဥ် ၁၃ ချက်ကို လိုက်နာစေဖို့ သက်ဆိုင်ရာ ကွပ်ကဲမှုအဖွဲ့များကလည်း ကြပ်မတ်ဆောင်ရွက်လျှက်ရှိပြီး သတ်မှတ်စည်းကမ်း လိုက်နာမှုမရှိသည့် ပြည်သူ့စစ်များ၊ အမိန့်နာခံမှုမရှိသည့် ပြည်သူ့စစ်များကို ဥပဒေနှင့်အညီ အရေးယူဆောင်ရွက်လျှက်ရှိကြောင်း၊ စည်းကမ်းမဲ့ ပြည်သူ့စစ်များ၏ လုပ်ဆောင်ချက်များကို တိုင်ကြားလညလျှင် ဥပဒေနှင့်အညီ ထိထိရောက်ရောက် အရေးယူဆောင်ရွက်သွားမည်ဖြစ်ကြောင်း " ပြန်လည် ဖြေကြားခဲ့သည်။ " မြေပြင်မှာက ဘာတွေဖြစ်နေလဲဆိုတော့ ကျွန်တော်တို့ဆိုရင် အသက်မပြည့်တဲ့ ကျောင်းနေရွယ်ကလေး၂ယောက်ကို စစ်မှုထမ်းပါသွားတာကနေ ​​ပြန်ထုတ်ပေးခဲ့ရတယ်ဗျာ။နောက်တစ်ခုက လုပ်ငန်းခွင်၀င်နေတဲ့ကလေးတွေ ညဆိုရင် ဘယ်သူက၊ ဘယ်အဖွဲ့က ဘယ်ကို ဆွဲသွားမှန်းမသိတော့ က​လေးတွေခမျ နောက်ကျောမလုံဘူး။ညအချိန်ဆိုရင် အပြင်ကိုမထွက်ရဲအောင်ဖြစ်နေရလို့ မေးမြန်းရတာပါ။၀န်ကြီးကတော့သူ့ဆီတိုင်ရင် ထိထိရောက်ရောက်အရေးယူမယ်ပြောတယ်။ ဒါပေမယ့် ဖမ်းသွားတဲ့ခါ ဘယ်အဖွဲ့ကဖမ်းမှန်းမသိဘူး။ သွား​​ရွေးတဲ့အခါ ဘယ်သူကလာပို့လို့ပို့သွားမှန်းလည်းမသိတဲ့တွက် ဘယ်သူ့ကိုတိုင်ကြားရမှာလဲ စတဲ့အခက်ခဲတွေရှိပါတယ်။ ကျွန်တော်တို့မဟာအောင်​မြေခရိုင်မှာ ၀န်ကြီးကိုယ်တိုင်သင်တန်းဆင်းပေးသွားတဲ့ ပြည်သူ့လုံခြုံရေးနဲ့အကြမ်းဖက်ကာကွယ်ရေး(ပလကပ)အထူးမွမ်းမံသင်တန်း၂၅၀ ဦး သင်တန်းဆင်းသွားပါတယ်။ ဒီအဖွဲ့တွေရှိရဲ့သားနဲ့ ပြည်သူ့စစ်တွေက လက်နက်ကိုင်ပြီး မြို့ထဲမှာ ထားဦးမှာလား။ ဒါတွေကိုရောစိစစ်ဖို့ရှိလားဆိုတာ တင်ပြခဲ့တာပါ" ဟု မေးခွန်းမေးမြန်းရခြင်းနှင့်ပတ်သက်၍ ဦးကိုကိုထွေးက ​​ရှင်းပြခဲ့သည်။ # Eleven

တရုတ်သမ္မတဖိတ်ကြားချက်အရ နိုင်ငံတော်သမ္မတ ဦးမင်းအောင်လှိုင် တရုတ်နိုင်ငံသို ဇွန် ၁၅ ရက်မှ ၁၉ ရက်အထိ နိုင်ငံတော်အဆင့် ချစ်ကြည်ရေးခရီးစဉ် သွားရောက်မည် ၁၂. ၆. ၂၀၂၆ တရုတ်နိုင်ငံ သမ္မတရှီကျင့်ဖျင်၏ ဖိတ်ကြားချက်အရ မြန်မာနိုင်ငံတော် သမ္မတ ဦးမင်းအောင်လှိုင်သည် လာမည့် ဇွန်လ ၁၅ ရက်နေ့မှ ၁၉ ရက်နေ့အထိ တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) သွားရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက သောကြာနေ့တွင် ကြေညာခဲ့သည်ဟု တရုတ်နိုင်ငံပိုင် ဆင်ဟွာသတင်းဌာနက ယခု သတင်းထုတ်ပြန်ဖော်ပြသည်။