Thae Thae🇲🇲🇲🇲🇲🇲

မိုးလေဝသနှင့်ဇလဗေဒညွှန်ကြားမှုဦးစီးဌာနမှ အောက်တိုဘာလ(၁၁)ရက်နေ့ ထုတ်ပြန်သည့် အယ်လ်နီညိုအခြေအနေ

အောက်တိုဘာ ၁၁ ရက်နေ့ မမြဆည်အခြေအနေ #UNION_Politics_News

ဒီရက်ပိုင်း သမ္မတကြီးရဲ့ လမ်းညွှန်မူဝါဒ ကြောင့် တချို့ဂိတ်တွေ ပိတ်သိမ်းသွားကြတယ်။ ကိုယ်တိုင်က စစ်သား ဖြစ်လေတော့ လုံခြုံရေး ဂိတ်ရဲ့ တန်ဖိုးကို နားလည်တယ်။ သာမန်လူတွေကတော့ ဘေးအမြင်ပဲ ရှိကြလိမ့်မယ်။ ဒါပေမယ့် လုံခြုံရေး အမြင်အရ ဆိုတိုင်းလည်း တချို့အရာတွေ ခွင့်ပြုလို့မရတဲ့ ကိစ္စတွေရှိတယ်။ ဥပမာ လုံခြုံရေးကို အကြောင်းပြပြီး ပြည်သူတွေကို နိုင်ထက်စီးနင်း လုပ်မရတာမျိုး။ ဥပဒေကို ဘမ်းပြပြီး လုပ်ထုံး လုပ်နည်း မညီတာမျိုးက လုပ်ဖို့ မသင့်ဘူး‌။ ဒါက လုပ်တာက သာမန် နေရာ တစ်ခုစာ လေးက ဆိုပေမယ့် အင်စတီကျူးရှင်းနဲ့ ယှဉ်လာရင် ....မျက်နှာပျက်ရတဲ့ အခြေအနေအဆင့်အထိ တခါတလေ ဖြေရှင်းရတတ်တယ်။ ဆိုပါစို့။ လက်ရှိ စစ်မှုထမ်းပြဿနာမှာ အယောင်ဆောင် Case တွေ ဖြစ်နေတဲ့ ပုံစံမျိုးနဲ့ ပုံမှားရိုက်လာရင် တကယ့် တပ်မတော် ဆိုတဲ့ အဖွဲ့အစည်းက သိက္ခာကျရတယ်။ ပြောချင်တာကတော့ လုံခြုံရေးက သပ်သပ်၊ အဂတိက သပ်သပ်ပါ။ ဒီပုံကတော့ လူမှုကွန်ရက်မှာ နာမည်ကြီးနေတဲ့ ပြင်ဦးလွင် ဝက်ဝံဂိတ် ကွင်းလမ်း အခြေအနေလို့ ပြောပါတယ်။ စစ်ဆေးရေးဂိတ်ရှိတယ်။ ကွင်းလမ်းလည်း ရှိတယ်ဆိုရင် သမ္မတကြီးရဲ့ လမ်းညွှန်ချက် သွေဖယ်သွားမှာ စိုးပါတယ်။ #(နရီမိုး)

ဒီရက်ပိုင်း သမ္မတကြီးရဲ့ လမ်းညွှန်မူဝါဒ ကြောင့် တချို့ဂိတ်တွေ ပိတ်သိမ်းသွားကြတယ်။ ကိုယ်တိုင်က စစ်သား ဖြစ်လေတော့ လုံခြုံရေး ဂိတ်ရဲ့ တန်ဖိုးကို နားလည်တယ်။ သာမန်လူတွေကတော့ ဘေးအမြင်ပဲ ရှိကြလိမ့်မယ်။ ဒါပေမယ့် လုံခြုံရေး အမြင်အရ ဆိုတိုင်းလည်း တချို့အရာတွေ ခွင့်ပြုလို့မရတဲ့ ကိစ္စတွေရှိတယ်။ ဥပမာ လုံခြုံရေးကို အကြောင်းပြပြီး ပြည်သူတွေကို နိုင်ထက်စီးနင်း လုပ်မရတာမျိုး။ ဥပဒေကို ဘမ်းပြပြီး လုပ်ထုံး လုပ်နည်း မညီတာမျိုးက လုပ်ဖို့ မသင့်ဘူး‌။ ဒါက လုပ်တာက သာမန် နေရာ တစ်ခုစာ လေးက ဆိုပေမယ့် အင်စတီကျူးရှင်းနဲ့ ယှဉ်လာရင် ....မျက်နှာပျက်ရတဲ့ အခြေအနေအဆင့်အထိ တခါတလေ ဖြေရှင်းရတတ်တယ်။ ဆိုပါစို့။ လက်ရှိ စစ်မှုထမ်းပြဿနာမှာ အယောင်ဆောင် Case တွေ ဖြစ်နေတဲ့ ပုံစံမျိုးနဲ့ ပုံမှားရိုက်လာရင် တကယ့် တပ်မတော် ဆိုတဲ့ အဖွဲ့အစည်းက သိက္ခာကျရတယ်။ ပြောချင်တာကတော့ လုံခြုံရေးက သပ်သပ်၊ အဂတိက သပ်သပ်ပါ။ ဒီပုံကတော့ လူမှုကွန်ရက်မှာ နာမည်ကြီးနေတဲ့ ပြင်ဦးလွင် ဝက်ဝံဂိတ် ကွင်းလမ်း အခြေအနေလို့ ပြောပါတယ်။ စစ်ဆေးရေးဂိတ်ရှိတယ်။ ကွင်းလမ်းလည်း ရှိတယ်ဆိုရင် သမ္မတကြီးရဲ့ လမ်းညွှန်ချက် သွေဖယ်သွားမှာ စိုးပါတယ်။ #(နရီမိုး)

■ယူကရိန်းသမ္မတ ဇယ်လန်းစကီးနေရာတွင် ခေါင်းဆောင်သစ်တစ်ဦး အစားထိုးတင်မြှောက်ရန် ထရန့် ပြောကြား ယူကရိန်းသမ္မတ ဗိုလိုဒီမာ ဇယ်လန်းစကီး၏နေရာတွင် ခေါင်းဆောင်သစ်တစ်ဦး အစားထိုးတင်မြှောက်ရန် အမေရိကန်သမ္မတ ဒေါ်နယ်ထရန့်က အောက်တိုဘာ ၁၀ ရက်တွင် ပြောကြားခဲ့သည်။ အမေရိကန်သက်တမ်းဝက်ရွေးကောက်ပွဲ မတိုင်မီ သီတင်းပတ်အနည်းငယ်အလိုတွင် အမေရိကန်၌ လောင်စာဆီစျေးနှုန်းများ မြင့်တက်နေသည့် ဖိအားများနှင့် ရင်ဆိုင်နေရသော ထရန့်သည် ရုရှား၏ ဒီဇယ်များအပေါ် ပိတ်ဆို့အရေးယူမှုများ ဖြေလျှော့ပေးခဲ့ခြင်းကို ဇယ်လန်းစကီးက ပြင်းပြင်းထန်ထန် ဝေဖန်ခဲ့ ပြီးနောက် ထရန့်၏ ပြောကြားချက် ထွက်ပေါ်လာခြင်း ဖြစ်သည်။ စွမ်းအင်စရိတ် မြင့်မားမှုကြောင့် နိုဝင်ဘာလတွင် ပြုလုပ်မည့် သက်တမ်းဝက် ရွေးကောက်ပွဲတွင် အလားအလာ မကောင်းသည့် ရီပတ်ဘလစ်ကန်ပါတီကို ဦးဆောင်နေသည့် ထရန့်က ရုရှားသမ္မတ ဗလာဒီမာပူတင်သည် ယူကရိန်းပဋိပက္ခကို ကျေအေးရန် ဆန္ဒပြင်းပြနေကြောင်း ပြောကြားခဲ့ပြီး ရုရှားဒီဇယ်များကို ကမ္ဘာ့စျေးကွက် အတွင်း ပိုမိုရောင်းချခွင့်ပြုသည့် သဘောတူညီချက်ကို ကာကွယ်ပြောဆိုခဲ့သည်။ ထို့အပြင် ထရန့်က ယူကရိန်းသမ္မတသည် ရုရှားနှင့် သဘောတူညီချက်ရရှိရေးကို တားဆီးနေပြီး ရုရှားရေနံချက် စက်ရုံများကို မတိုက်ခိုက်ရန် ညွှန်ကြားချက်များကို လျစ်လျူရှုနေသည်ဟု စွပ်စွဲခဲ့သည်။ တစ်ချိန်တည်းမှာပင် ယူကရိန်းနှင့် ၎င်း၏ ဥရောပမဟာမိတ်များကမူ ရုရှားအပေါ် ဖိအားများ ဖြေလျှော့ပေးခြင်းသည် ရုရှား၏ စစ်ပွဲအတွက် ရန်ပုံငွေထောက်ပံ့ပေးရာ ရောက်လိမ့်မည်ဟု သတိပေးခဲ့ကြသည်။ သမ္မတ ထရန့်က ရုရှားသမ္မတ ပူတင်နှင့် စကားပြောဆိုခဲ့ပြီး ကမ္ဘာ့စျေးကွက်အတွင်းသို့ ရုရှားဒီဇယ် ပမာဏအများအပြား ထုတ်ရောင်းခွင့်ပြုရန် သဘောတူခဲ့ကြောင်း အောက်တိုဘာ ၉ ရက်က ကြေညာခဲ့သည်။ ယူကရိန်းသမ္မတ ဇယ်လန်းစကီးကမူ ရုရှားဒီဇယ်များကို ထုတ်ရောင်းခွင့်ပြုခြင်းသည် အားနည်းသော ဆုံးဖြတ်ချက်ဖြစ်ကြောင်း ဝေဖန်ခဲ့သည်။ အဆိုပါ ဝေဖန်မှုများနှင့်ပတ်သက်ပြီး မေးမြန်းရာတွင် ထရန့်က ဇယ်လန်းစကီးသည် ရုရှားရေနံ ချက်စက်ရုံများကို မတိုက်ခိုက်ရန် မိမိ၏အမိန့်များကို မနာခံခဲ့ကြောင်းနှင့် အဆိုပါတိုက်ခိုက်မှုများသည် အမေရိကန်၊ အစ္စရေးနှင့် အီရန်စစ်ပွဲနှင့် ဆက်စပ်နေသော လောင်စာဆီ ပြတ်လပ်မှုများကို ပိုမိုဆိုးရွားစေသည့် စွန့်စားမှု ဖြစ်စေကြောင်း ပြောဆိုခဲ့သည်။ “သူ့ (ဇယ်လန်းစကီး)အနေနဲ့ အမြန်ဆုံးရပ်တန့်လိုက်တာ ကောင်းလိမ့်မယ်။သဘောတူညီချက် ရယူနိုင်မယ့် ခေါင်းဆောင်သစ်တစ်ယောက်ကို ရွေးချယ်ဖို့ ကျွန်တော်အကြံပြုပါတယ်။ ဘာကြောင့်မှန်းမသိဘဲ သူ (ဇယ်လန်း စကီး) ဘယ်တော့မှ မလုပ်ခဲ့တဲ့ သဘောတူညီချက် အများအပြားကို သူအရင်ကတည်းက လုပ်ခဲ့လို့ ရနိုင်ပါတယ်” ဟု ထရန့်က ပြောကြားခဲ့သည်။ “ရုရှားက သဘောတူညီချက်တစ်ခု ရယူချင်နေပါတယ်။ ဒါပေမဲ့ ဇယ်လန်းစကီးကတော့ သဘောတူညီချက် မလုပ်ချင်ပါဘူး။ ပူတင်က စစ်ပွဲကို ကျေအေးဖို့ ပြင်းပြတဲ့ဆန္ဒရှိနေပါတယ်” ဟု ထရန့်က ပြောကြားခဲ့သည်။ ထို့အပြင် အမေရိကန်သမ္မတသည် ၂၀၂၂ ခုနှစ် ရုရှားကျူးကျော်ဝင်ရောက်မှု စတင်ကတည်းက ယူကရိန်းတွင် ရွေးကောက်ပွဲ မကျင်းပခဲ့သည့်အတွက် ဇယ်လန်းစကီးကို ဝေဖန်ခဲ့သည်။ “ကျွန်တော့်အမြင်တော့ သူရွေးကောက်ပွဲ ကျင်းပသင့်ပါတယ်။ သူသာ ဆန္ဒရှိရင် ဒီစစ်ပွဲကိစ္စကို အကြိမ်ကြိမ် အပြတ်ရှင်းပြီး သဘောတူညီချက် ရယူနိုင်ခဲ့တာ ကြာပါပြီ” ဟု ထရန့် က ပြောကြားခဲ့သည်။ ဥရောပသမဂ္ဂ နိုင်ငံခြားရေးမူဝါဒ အကြီးအကဲ ကာဂျာကဲလက်စ်ကမူ ရုရှားဒီဇယ်များအပေါ် ပိတ်ဆို့မှုများ ရုပ်သိမ်းပေးခြင်းသည် ရုရှား၏ စစ်ပွဲကြိုးပမ်းအားထုတ်မှုများကို အထောက်အကူပြုရာရောက်ပြီး ရုရှားအပေါ် ဖိအားများကို ဖြေလျှော့ပေးရမည့် အချိန်မဟုတ်ကြောင်း ပြောကြားခဲ့သည်။ Ref:AFP #elevenews #ယူကရိန်းသမ္မတ ##ခေါင်းဆောင်သစ်တစ်ဦး #ထရန့်

ကရင်ပြည်နယ်တွင် ခြောက်လအတွင်း တရားမဝင်ကုန်သွယ်မှု ၁၃၉ မှု ဖမ်းဆီးရမိ၊ ကျပ် ၂၅ ဒသမ ၉၂၇ ဘီလီယံဖိုးရှိ ကရင်ပြည်နယ်အတွင်း ၂၀၂၆ ခုနှစ် ဧပြီလမှ စက်တင်ဘာလအထိ ခြောက်လတာကာလအတွင်း တရားမဝင်ကုန်သွယ်မှု အမှုတွဲပေါင်း ၁၃၉ မှု ဖမ်းဆီးရမိခဲ့ပြီး ဖမ်းဆီးရမိပစ္စည်းများ၏ ခန့်မှန်းတန်ဖိုးမှာ ကျပ် ၂၅ ဒသမ ၉၂၇ ဘီလီယံခန့်ရှိကြောင်း ကရင်ပြည်နယ် တရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ အချက်အလက်များအရ သိရသည်။ အဆိုပါအချက်အလက်များကို အောက်တိုဘာ ၉ ရက် မွန်းလွဲပိုင်းက ဘားအံမြို့ရှိ ပြည်နယ်အစိုးရအဖွဲ့ရုံး အစည်းအဝေးခန်းမ (၂) တွင် ကျင်းပသည့် ကရင်ပြည်နယ် တရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ လုပ်ငန်းညှိနှိုင်းအစည်းအဝေးတွင် ထုတ်ဖော်ပြောကြားခဲ့ခြင်းဖြစ်သည်။ အစည်းအဝေးတွင် အထူးအဖွဲ့ဥက္ကဋ္ဌ၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး စိုးမိုးဝင်းက တရားမဝင်ကုန်သွယ်မှုများကြောင့် နိုင်ငံတော်အနေဖြင့် အကောက်ခွန်နှင့် အခြားရသင့်ရထိုက်သည့် အခွန်အခများ ဆုံးရှုံးနေရကြောင်း ပြောကြားခဲ့သည်။ ထို့ကြောင့် တရားမဝင်လမ်းကြောင်းများမှ သယ်ဆောင်လာသည့် ကုန်စည်များကို တားဆီးစစ်ဆေးဖမ်းဆီး၍ ဥပဒေနှင့်အညီ ထိရောက်စွာ အရေးယူဆောင်ရွက်ရန်နှင့် တရားမဝင်ကုန်သွယ်မှုများ လျော့နည်းပပျောက်ရေးအတွက် သက်ဆိုင်ရာဌာနများ ပူးပေါင်းဆောင်ရွက်ကြရန် တိုက်တွန်းခဲ့သည်။ ထို့ပြင် အထူးအဖွဲ့ဒုတိယဥက္ကဋ္ဌ၊ စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးညီညီဇော်က စစ်ဆေးရေးစခန်းများ၊ ဂိတ်များနှင့် ကုန်သွယ်ရေးဇုန်များတွင် တာဝန်ထမ်းဆောင်နေသည့် ဝန်ထမ်းများအနေဖြင့် သတ်မှတ်ထားသော စံပြုလုပ်ငန်းစဉ်များ (SOPs)၊ သက်ဆိုင်ရာဥပဒေ၊ နည်းဥပဒေများနှင့်အညီ စနစ်တကျ ပူးပေါင်းစစ်ဆေးဆောင်ရွက်ကြရန် ပြောကြားခဲ့သည်။ အစည်းအဝေး၌ အထူးအဖွဲ့အတွင်းရေးမှူးဖြစ်သူ အကောက်ခွန်ဦးစီးဌာန ညွှန်ကြားရေးမှူးက တရားမဝင်ကုန်သွယ်မှုတိုက်ဖျက်ရေး လုပ်ငန်းဆောင်ရွက်နေမှုအခြေအနေများကို ရှင်းလင်းတင်ပြခဲ့ပြီး အဖွဲ့ဝင်များကလည်း သက်ဆိုင်ရာကဏ္ဍအလိုက် ဆောင်ရွက်နေမှုများကို ဆွေးနွေးခဲ့ကြသည်။ ကရင်ပြည်နယ်အတွင်း တရားမဝင်ကုန်သွယ်မှုများ လျော့နည်းပပျောက်စေရေးနှင့် တရားဝင်ကုန်သွယ်မှုလမ်းကြောင်းများသို့ ရောက်ရှိလာစေရေးအတွက် သက်ဆိုင်ရာဌာနများ ပူးပေါင်း၍ ဆက်လက်ဆောင်ရွက်သွားမည်ဖြစ်ကြောင်း သိရသည်။

😀😀😀😀 နိုင်ငံတော်သမ္မတက အမိန့် (၇)ခုထုတ်ပြန်၍ အစိုးရအဖွဲ့များအတွင်း အပြောင်းအလဲများထပ်မံပြုလုပ် အောက်တိုဘာ ၁၀၊၂၀၂၆ အစိုးရအဖွဲ့သစ်သက်တမ်း(၆)လအကြာတွင် အစိုးရအဖွဲ့အတွင်း အပြောင်းအလဲများစတင်ပြုလုပ်နေရာ ယနေ့ အောက်တိုဘာ ၁၀ရက်နေ့တွင်လည်း ဒုတိယဝန်ကြီးများခန့်အပ်ခြင်း၊ ဒုတိယဝန်ကြီးများအား နေရာ ပြောင်းရွှေ့တာဝန်ပေးခြင်းအပါအဝင် ပြောင်းလဲမှုအချို့ကို နိုင်ငံတော်သမ္မတ လက်မှတ်ရေးထိုး၍ အမိန့်ထုတ်ပြန်ဆောင်ရွက်ခဲ့သည်။ ၁။ အမျိုးသားစီမံကိန်း၊ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနဒုတိယဝန်ကြီး ဦးကျော်ထင်ကို ဘဏ္ဍာရေးနှင့် အခွန်ဝန်ကြီးဌာနသို့လည်းကောင်း၊ ဘဏ္ဍာရေးနှင့်အခွန်ဝန်ကြီးဌာန ဒုတိယဝန်ကြီး ဦးဟန်ဝင်းအောင်ကို အမျိုးသားစီမံကိန်း၊ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာနသို့လည်းကောင်း ပြောင်းလဲတာဝန်ပေးသည်။ ၂။ အားကစားရေးရာဝန်ကြီးဌာန ဒုတိယဝန်ကြီးဦးညီညီနှင့် ပြည်ထောင်စုရာထူးဝန်အဖွဲ့ အဖွဲ့ဝင် ဦးထွန်းထွန်းဝင်းတို့ကို မြန်မာနိုင်ငံ လူ့အခွင့်အရေးကော်မရှင်အဖွဲ့ဝင်များအဖြစ်ပြောင်းလဲတာဝန်ပေး သည်။ ၃။ အမျိုးသမီးရေးရာဝန်ကြီးဌာန ဒုတိယဝန်ကြီး ဒေါ်စန်းစန်းနွယ်ကို ပြည်ထောင်စုရာထူးဝန်အဖွဲ့ အဖွဲ့ဝင်အဖြစ် ပြောင်းလဲတာဝန်ပေးသည်။ ၄။ အလုပ်သမားဝန်ကြီးဌာန ဒုတိယဝန်ကြီး ဦးမောင်မောင်သန်းကို နေပြည်တော်ကောင်စီဝင်အဖြစ် ပြောင်းလဲတာဝန်ပေးသည်။ ၅။ ပညာရေးဝန်ကြီးဌာန ဒုတိယဝန်ကြီးအဖြစ် ဦးဝင်းမောင်သိန်း၊ ကျန်းမာရေးဝန်ကြီးဌာန ဒုတိယဝန်ကြီး အဖြစ် ဒေါက်တာတင်ထွန်း၊ အမျိုးသမီးရေးရာဝန်ကြီးဌာန ဒုတိယဝန်ကြီး အဖြစ် ဒေါက်တာ နေသွယ် ကြည်၊ အလုပ်သမားဝန်ကြီးဌာန ဒုတိယဝန်ကြီးအဖြစ် ဦးမျိုးအောင်၊ အားကစားရေးရာဝန်ကြီးဌာန ဒုတိယဝန်ကြီးအဖြစ် ဦးမျိုးကျော်သူတို့ကို ခန့်အပ်သည်။ ၆။ စစ်ကိုင်းတိုင်းဒေသကြီးအစိုးရအဖွဲ့ စည်ပင်သာယာရေးဝန်ကြီးဌာန ဝန်ကြီးအဖြစ် ဦးစောရန်အောင်ကို ခန့်အပ်သည်။ ၇။ ရှမ်းပြည်နယ် တရားလွှတ်တော်တရားသူကြီးအဖြစ် ဒေါ်အေးအေးလှိုင်ကိုခန့်အပ်သည်။ အဆိုပါပြောင်းလဲမှုများကို အမိန့်အမှတ် ၇၄/၂၀၁၆ မှ ၈၀/၂၀၂၆ အထိ နိုင်ငံတော်သမ္မတ လက်မှတ်ရေးထိုး ထုတ်ပြန်ခဲ့ခြင်းဖြစ်သည်။

အစိုးရရုံးဌာနများ၏ ရုံးလုပ်ငန်းများကို အပတ်စဉ်ဗုဒ္ဓဟူးနေ့တိုင်းတွင် နေအိမ်မှသာဆောင်ရွက်ကြရန် သတ်မှတ်ကြေညာချက်အား ပယ်ဖျက် နေပြည်တော် အောက်တိုဘာ ၁ဝ အရှေ့အလယ်ပိုင်းပဋိပက္ခကြောင့် ဖြစ်ပေါ်လာခဲ့သည့်စက်သုံးဆီရှားပါးမှုကို ကြိုတင်ကာကွယ်ရန်အတွက် စက်သုံးဆီသုံးစွဲမှုကို ချွေတာလျော့ချရန်ရည်ရွယ်၍ အစိုးရရုံးဌာနများမှ အရာထမ်း၊ အမှုထမ်းများသည် သက်ဆိုင်ရာရုံးဌာနများသို့ သွားရောက်ခြင်းမပြုဘဲ မိမိနေထိုင်ရာ နေအိမ်၊အဆောင်များတွင်သာ ရုံးလုပ်ငန်း ဆောင်ရွက်ခြင်းအား၂၀၂၆၊ မတ်လ ၂၅ ရက်နေ့မှစတင်ပြီး အပတ်စဉ် ဗုဒ္ဓဟူးနေ့တိုင်း တွင် (work from home) ဆောင်ရွက်သွားကြရန် သတ်မှတ်ကြေညာခဲ့သည်။ ထို အပတ်စဉ်ဗုဒ္ဓဟူးနေ့တိုင်းတွင် (work from home) ဆောင်ရွက် သွားကြရန် သတ်မှတ်ကြေညာချက်အား အောက်တိုဘာ ၁၀ ရက်မှ စ၍ ပယ်ဖျက်လိုက်ကြောင်း သတင်းရရှိသည်။ Source-MRTV

ဖားကန့်မြို့နယ်အတွင်း ပုဒ်မ ၁၄၄ အရ လူ ၅ ဦးနှင့်အထက် စုဝေးခြင်းကို တားမြစ်ပြီး ည ၁၀ နာရီမှ နံနက် ၄ နာရီအထိ ညမထွက်ရအမိန့် ထုတ်ပြန်ထားပါတယ်။

ဘယ်သူက ဘယ်သူ့အတွက်....? =======================              ဟိုတချိန်တုန်းက အနုပညာလောကမှာ အနုပညာသည် ပြည်သူအတွက် ဆိုတဲ့ ဆောင်ပုဒ် ခေတ်စားခဲ့ဖူးတယ် ။ နောက်တော့ အနုပညာသည် အနုပညာအတွက် ဆိုပြီး ကြွေးကြော်လာကြပြန်တယ် ......               အိန္ဒိယ ရုပ်ရှင်ကားတခုမှာ ဥပဒေပညာရှင်ကြီးက တရားခံတယောက်ကို ထောင်မကျ ကျအောင် ကြိုးစားတယ်... တကယ်တန်းကျတော့ တရားခံမကျူးလွန်မှန်းလည်း သူသိတယ် ။ ဒီတော့ တပည့်ဖြစ်သူက ဆရာကြီးကို ပြောတယ်... တရားခံ မကျူးလွန်မှန်း သိနေတာတောင် ဘာကြောင့် ထောင်ကျအောင် ကြိုးစားနေရတာလည်း ဆရာကြီးဆိုတော့ ... '' သူမကျူးလွန်မှန်း ငါသိပေမယ့် သက်သေတွေက ကျူးလွန်တယ်ဆိုတဲ့ အချက်မှာ အလေးသာနေတော့ ဥပဒေသည် ဥပဒေအတွက် ဖြစ်စေဖို့ ငါကြိုးစားရတာ ''            လို့ ပြန်ဖြေလိုက်ပါတယ် ။ အဲဒီ အယူအဆက အမှန်လား အမှားလား ငြင်းခုန်စရာဖြစ်နေပြီး သေချာတာကတော့ ဆင်ခြင်တုံတရား မပါတဲ့ စီရင်ချက်များသည် အမှန်တရားအတွက် အားကိုးဖွယ် မရှိဆိုတဲ့ အချက်ကိုတော့ မီးမောင်းထိုးပြလိုက်တာပါပဲ ။                   တနေ့က လွှတ်တော်မှာ တရားမဝင် ကား ဆိုင်ကယ် ဘေးတွဲ တွေကို အခွန်ယူပြီး လိုင်စင်လုပ်ပေးဖို့ အမတ်မင်းက တောင်းဆိုတယ် ..... ဒု ဝန်ကြီးက ယခင်ကလည်း အဲလို လုပ်ပေးခဲ့ဖူးတယ် ၊ နောက်တော့လည်း လိုင်စင်မဲ့တွေ ပြန်စီးနေတာပဲ... ဒီတော့ လိုင်စင်ယာဥ် စျေးကြီးပေး စီးနေသူတွေ နစ်နာလို့  လိုင်စင်လုပ် မပေးတော့ဘူး တဲ့ ။ နောက်ထပ်မေးခွန်းမှာ ဆိုင်တွေက လိုင်စင်ပါတဲ့ဆိုင်ကယ် စျေးကြီးပေး ဝယ်စီးတော့ ယာယီလိုင်စင် မရှိဘူး ဆိုကာ ဖမ်းဆီးတဲ့ ပြဿနာမေးတော့လည်း ဖမ်းမယ်တဲ့ လိုင်စင်ရ ဆိုင်တွေကို ဒီလို မရောင်းဖို့ အဖွဲ့ဝင် ၇ ဦး နဲ့ တပတ်တခါ ကြီးကြပ်နေသတဲ့ ။             နောက်တခု ပညာရေးချေးငွေ စီမံချက် ( မတတ်နိုင်တဲ့ ကျောင်းသားများအတွက် ကျောင်းစရိတ်ကြိုချေးပေးထားပြီး သူတို့ ဘွဲ့ရ လုပ်ငန်းခွင်ဝင်မှ အရစ်ကျပြန်ဆပ်စေတဲ့ အစီအစဥ်) လုပ်ပေးဖို့ တိုက်တွန်းတော့လည်း ဒုဝန်ကြီးက တိုင်းပြည်က ဆင်းရဲလို့ ပညာသင်စရိတ် ချေးမပေးနိုင်ဘူးတဲ့ ။            ဒီ ပြဿနာတွေကို လေ့လာကြည့်ပါ ။ လိုင်စင်လုပ်ပေးလည်း နောက်ထပ် ခိုးဝင်နေကြအုံးမှာပဲ ဆိုတဲ့ အကြောင်းပြချက်အရ အစိုးရ ရဲ့ တာဝန်မကျေတဲ့ စစ်ဆေးရေးဂိတ်တွေကို ဖြုတ် ထုတ် သတ် လုပ်ပြီး ကြီးကြပ်ကာ ဖြေရှင်းဖို့ မလုပ်နိုင်ကြဘူးလား ။ နောက်တချက် စျေးကြီးပေး ဝယ်စီးနေတဲ့သူတွေ နစ်နာမှာစိုးလို့တဲ့.... ဟုတ်ကဲ့ ဒီလူတွေ မနစ်နာပါဘူး ခင်ဗျ  တကယ်သာ လိုင်စင်လုပ်ပေးလိုက်ပါ အဲဒီလူတွေက ထိပ်ဆုံးကနေ နောက်ထပ် လိုင်စင်ထပ်ယူကြပါလိမ့်မယ် OK ။          ဆိုင်ကြီးတွေကနေ လိုင်စင်ပါဆိုင်ကယ်မှ အပ မရောင်းရ ဆိုတဲ့ စည်းကမ်းကို ချိုးဖောက်ပြီး မသိနားမလည်တဲ့ ပြည်သူတွေထံ ယာယီလိုင်စင်ဆိုပြီး ရောင်းချရာမှာ တကယ်တန်းကျတော့ အဲဒီရောင်းတဲ့ ဆိုင်ကို အဓိကထား အရေးယူရမှာပါ ။ ခုဟာက ဆိုင်ရှင်ဘာမှ မဖြစ်ပဲ လက်ဝယ်ရှိသူပဲ ခံပေတော့ ဆိုတဲ့ ဥပဒေကြီးကလည်း.......           နောက်ဆုံးပြဿနာ ပညာရေးစရိတ်ချေးငွေ ကတော့ ဝန်ကြီးဌာနရဲ့ စိတ်စေတနာကို ထင်ရှားစေတာပါပဲ ။ စိတ်ရှိရင် ချိတ်မိပေမယ့် စိတ်မရှိလို့ မချိတ်မိတဲ့ ပြဿနာလို့ပဲ ဆိုရပါလိမ့်မယ် ။              အပေါ်က ရေးခဲ့တဲ့ အနုပညာသည် အနုပညာ အတွက် ၊ ဥပဒေသည် ဥပဒေအတွက် လုပ်နေသမျှ တရားမျှတမှု နဲ့ အမှန်တရားတို့သည် ပျောက်ကွယ်နေရသလိုပဲ အစိုးရသည် ပြည့်သူ့အတွက် မဟုတ်တော့ပဲ  '' အစိုးရသည် ဌာနဆိုင်ရာအတွက် '' ဖြစ်နေသရွေ့တော့ ပြည်သူ့အတွက် တရားမျှတမှု နဲ့ အမှန်တရားဆိုတဲ့ အရာတွေက လိုက်လေ ဝေးလေ တိမ်ပေါ်အိမ်ဆောက် နေသလို ဖြစ်နေကြအုံးမှာပါပဲ ။           #ကိုရွှေမျိုးဝင်း

တာဘောင်ကြံ့ခိုင်မှုကို ထိန်းနိုင်ဖို့ ဖောက်ချလိုက်တဲ့ ပုံစံပဲ။ ကြည့်ရတာ ရေပိုလွှဲ ကနေ မလွှတ်နိုင်တာ ဖြစ်မယ်။ တစ်ခု ခံသာတာက မိုးကုန်သွားတာပဲ။ ဒီချိန်မိုးတွင်းသာဆိုရင် ပိုဆိုးမယ်။ အိကျတဲ့ နေရာကတော့ နည်းနည်းများသလိုပဲ။ တာခြေထောက်ဖို့အတွက် အတော်လေး လုပ်ယူရမယ်။ သေချာတာကတော့ ဒီဆောင်းနဲ့ နွေတွေမှာ ရှိသမျှ မြေတမံတွေ အကုန်ပြန် Check ဖို့ လိုလိမ့်မယ်။ #(နရီမိုး)

  ဧရာဝတီတိုင်းဒေသကြီး မြန်အောင်မြို့နယ် မျှင်ဝါးတောင်ကျေးရွာ အုပ်စု မမြဆည်တာတမံ နိမ့်ဆင်းမှု ဖြစ်ပေါ်နေသည့် မြင်ကွင်း #PeopleMedia

နေပြည်တော် လယ်ဝေးမြို့နယ်မှာ မိသားစုလိုက် သေနတ်နဲ့ပစ်သတ်ခံရ အောက်တိုဘာ ၉ ၊ ၂၀၂၆ CC( VOM) နေပြည်တော် ၊ လယ်ဝေးမြို့နယ် ၊ ပင်သောင်ကျေးရွာအုပ်စု၊ ကျောက်အိုးကျေးရွာက နေအိမ်တခုမှာ မိသားစုလိုက် သေနတ်နဲ့ပစ်သတ်ခံခဲ့ရတယ်လို့ သိရပါတယ်။ ဖြစ်စဉ်က အောက်တိုဘာ ၇ ရက်နေ့ ၊ ညပိုင်းမှာ နေအိမ်ထဲထိဝင်ရောက်ပြီး အသက် ၄၂ နှစ်အရွယ် ဦးဝင်းဦး နဲ့ ဇနီးဖြစ်သူ အသက် ၃၅ နှစ်အရွယ် ဒေါ်ဖြူသွယ်ဦး ၊ သူရဲ့မောင်ဖြစ်သူ အသက် ၂၀ အရွယ် မောင်စိုးလင်းထက် နဲ့ တူဖြစ်သူ ၁၇ နှစ်အရွယ် မောင်ဆန်းသူအောင်တို့ကို သေနတ်နဲ့ ပစ်သတ်သွားတာ ဖြစ်ပါတယ်။ လက်နက်ကိုင်ထားတဲ့ လူခြောက်ယောက်လောက်က ဝင်ရောက်ပစ်သတ်သွားတာဖြစ်ပြီး ဒေသခံတွေ နဲ့ လုံခြုံရေးတပ်ဖွဲ့နီးစပ်သူတွေပြောပြချက်အရတော့ သတ်ဖြတ်သွားသူတွေဟာ ဒေသတွင်းလက်နက်ကိုင်အဖွဲ့ ဖြစ်တယ်လို့ သိရပါတယ်။ " အသတ်ခံရတာကို မနက်မှသိကြတာ။ အကုန်လုံးက အနီးကပ်ပစ်ခံရတဲ့ဒဏ်ရာတွေ နဲ့ပါ။ နားထင် ၊ နောက်စေ့ ၊ ဗိုက် ၊ရင်ဘတ်မှာ သေနတ်ဒဏ်ရာတွေ။ သူတို့မိသားစုတွေ အရှိုချင်းတိုင်းရင်းသားတွေပါ ။ " လို့ ဖြစ်စဉ်သိတဲ့ ဒေသခံက ပြောပါတယ်။ ကျောက်အိုးရွာဟာ အရှိုချင်းတိုင်းရင်းသားတွေ နေထိုင်တဲ့ရွာဖြစ်ပြီး လယ်ဝေးမြို့နယ်အစပ် ပဲခူးရိုးမနားကရွာဖြစ်ကြောင်း ၊ လက်ရှိအသတ်ခံရတဲ့ မိသားစုဟာ တောင်ယာလုပ်ကိုင်သူတွေဖြစ်ပြီး ဘာကြောင့်အသတ်ခံရသလဲဆိုတာကိုတော့ မသိရသေး ပါဘူး။ အဲဒီမိသားစုတွေ အသတ်ခံရတဲ့ကိစ္စနဲ့ပတ်သက်လို့လည်း ​ဒေသတွင်းလက်နက်ကိုင်အဖွဲ့တွေဘက်က သတင်းထုတ်ပြန်တာ မရှိသေးပါဘူး။ လက်ရှိမှာတော့ အသတ်ခံရသူတွေကို သက်ဆိုင်ရာက သဂြိုလ်ပြီးပြီ ဖြစ်ကြောင်း ၊ သက်ဆိုင်ရာရဲတပ်ဖွဲ့ကလည်း. တရားခံတွေကို အမြန်ဆုံးဖမ်းမိရေး လိုက်လံရှာဖွေနေတယ်လို့ သိရပါတယ်။ ဒါကြောင့် အခြေအနေကိုသိနိုင်ဖို့ သက်ဆိုင်ရာ လယ်ဝေးမြို့နယ်ရဲစခန်းကို ဖုန်းနဲ့ဆက်သွယ်မေးမြန်းခဲ့ပေမယ့် ဖုန်းဆက်သွယ်လို့မရခဲ့ပါဘူး။ အောက်တိုဘာ ၂ ရက်နေ့ကလည်း ပဲခူးတိုင်း ၊ ပန်းတောင်းမြို့နယ်၊ ကျီးပင်ကျေးရွာအုပ်စုအုပ်ချုပ်ရေးမှူး ဦးကျော်လင်းအောင်ကိုလည်း လက်နက်ကိုင်အဖွဲ့က နေအိမ်အထိ ဝင်ရောက်သတ်ဖြတ်မှုရှိခဲ့ပါတယ်။ အလားတူ အောက်တိုဘာ ၁ ရက်ကလည်း မန္တလေးတိုင်း ၊ မတ္တရာမြို့နယ်၊ နံ့သာမြိုင်ကျေးရွာက ရာအိမ်မှူး ဦးဌေးဝင်းကို လက်နက်ကိုင်နှစ်ယောက်က သေနတ်နဲ့ပစ်သတ်မှုရှိခဲ့ပါတယ်။ ဓာတ်ပုံ - CJ #Voiceofmyanmar #VOM #နေပြည်တော် #လယ်ဝေး #မိသားစုလိုက်အသတ်ခံရ

လူမှုကွန်ရက်ပေါ်တွင် တပ်မတော်သားတစ်ဦးကဲ့သို့ အယောင်ဆောင်ကာ ပြည်သူ့စစ်မှုထမ်းများ ပြန်လည်ထုတ်ပေးနိုင်ကြောင်း လိမ်လည်ဖော်ပြ၍ ငွေကြေးလိမ်လည်နေသူများအား ဖမ်းဆီးရမိ

■ အဆိုတော် ဆက်နိုင် အသတ်ခံရပြီး သေဆုံးသည်ဆိုသည့်သတင်းများမှာ မှားယွင်းပြီး နေအိမ်သို့ အသက်ရှင်လျက် ပြန်လည်ရောက်ရှိနေကြောင်း ရဲတပ်ဖွဲ့ပြောကြား အဆိုတော် ဆက်နိုင်သတ်ခံရပြီး သေဆုံးသည်ဟူသော သတင်းများထွက်ပေါ်နေခြင်းမှာ မှားယွင်းကြောင်း မန္တလေးတိုင်းရဲတပ်ဖွဲ့မှ အောက်တိုဘာ ၉ ရက်နေ့ည ၇နာရီက ရဲတပ်ဖွဲ့တာဝန်ရှိသူ၏ ပြောကြားချက်အရ သိရသည်။ မန္တလေးမြို့၊ တံတားဦးမြို့နယ်တွင် နေထိုင်သည့် အဆိုတော် ဆက်နိုင်ဆိုသူသည် အမရပူရမြို့နယ်နှင့်ပြည်ကြီးတံခွန်မြို့နယ်ကြားရှိ ရန်ကုန်-မန္တလေး အမြန်လမ်း၊ တံတားဖြူတံတားအောက်ရှိသံလမ်းတွင် သတ်ခံရပြီးသေဆုံးခဲ့သည့်သတင်းများ အောက်တိုဘာလ၉ရက်နေ့ နံနက်ပိုင်းမှစတင် ပျံ့နှံ့ခဲ့ကြောင်း သိရသည်။ အွန်လိုင်းပေါ်တွင် ပုဂ္ဂိုလ်ရေးကိစ္စများ အပြန်အလှန်ရေးသားကြပြီးနောက် ယခုကဲ့သို့ အသတ်ခံရသည့်သတင်းထွက်ပေါ်လာသဖြင့် မန္တလေးတိုင်းရဲတပ်ဖွဲ့မှစုံစမ်းစစ်ဆေးရှာဖွမှုများပြုလုပ်ခဲ့ပြီး ညနေ၆နာရီကျော်တွင် ၎င်း၏နေအိမ်သို့ ပြန်ရောက်ပြီဖြစ်ကြောင်း တိုင်းရဲတပ်ဖွဲ့မှ အတည်ပြုခဲ့သည်။ " အိမ်ကနေပျောက်သွားတာ ၇ရက်နေ့ကပါ။ဘယ်လိုဖြစ်လို့ပျောက်တယ် အဆက်သွယ်မရတာတော့ မသိသေး ဘူး။ ဒီကနေ့ ညနေ ၆နာရီ၂၀မိနစ်မှာ တံတားဦးက သူ့အိမ်ကို ပြန်ရောက်နေပါပြီ။ မိခင်ဖြစ်သူက သီလရှင်ဝတ်နေတာပါ။ အခုတော့ ရဲတပ်ဖွဲ့စစ်ဆေးဆောင်ရွက်မှုတွေပြုလုပ်နေဆဲဖြစ်ပါတယ်"ဟု မန္တလေးတိုင်းရဲတပ်ဖွဲ့တာဝန်ရှိသူတစ်ဦးက အတည်ပြုပြောကြားခဲ့သည်။

ငွေတိုက်စာချုပ် =============           ငွေတိုက်စာချုပ်ဆိုတာ အစိုးရကနေ ဘက်ဂျက်လိုငွေပြသောအခါ ဗဟိုဘဏ် ၊ ပုဂ္ဂလိကဘဏ်များ နဲ့ ပြည်သူများထံမှ နှစ်ရှည်ချေးငွေသဘောဖြင့် ငွေချေးယူခြင်း ဖြစ်ပါတယ် ။ အတိုးနှုံးက ယခင်ကာလများမှာ ချေးငွေသက်တမ်းအလိုက် 7.5 % မှ 9.5 % ထိ ရရှိပါတယ် ။ စာချုပ်သက်တမ်းပြည့်သောနှစ် ပြည့်မှသာ ငွေရင်းထုတ်ပေးပါတယ် ။ ယခု ငွေတိုးနှုံးမှာ 11.5 % မှ 12 % ထိ တိုးမြှင့်ထားပါတယ် ။   ဦးသိန်းစိန်   ၅ နှစ်         4500 ဘီလီယ်မှ 5000 ဘီလီယံ  ဒေါ်စုကြည် ၅ နှစ် 10800 ဘီလီယံ မှ 12000 ဘီလီယံ နစက ၅ နှစ် 20000 ဘီလီယံ မှ 25000 ဘီလီယံ            ဒီစာရင်းက အစိုးရ ၃ ခုရဲ့ ငွေတိုက်စာချုပ် ရောင်းထားရတဲ့ စာရင်းတွေပါပဲ ။ ငွေတိုက်စာချုပ်အား ပုဂ္ဂလိကဘဏ်များ နဲ့ ပြည်သူများက ဝယ်ယူလျှင် ငွေစက္ကူအသစ်ရိုက်ရန် မလိုအပ်ပါဘူး ။ ဗဟိုဘဏ်က ဝယ်ယူရာမှာ ဗဟိုဘဏ်ရဲ့ ချေးနိုင်တဲ့ ပမာဏထက် ပိုများနေရင် ငွေစက္ကူ အသစ် ရိုက်ရလေ့ရှိပြီး လှည့်လည်သုံးစွဲနေသော ငွေကြေးစနစ်ထဲ အများအပြား ဝင်လာပြီး ငွေကြေးတန်ဖိုးကျကာ ကုန်စျေးနှုံး မြင့်မားစေတဲ့ အရေးကြီးအချက်တချက် ဖြစ်လာစေပါတယ် ။            နစက လက်ထက်မှာ ပျမ်းမျှတနှစ် 4000 ဘီလီယံခန့် ထုတ်ရောင်းချခဲ့ပါတယ် ။ ယခု ရွေးကောက်ပွဲပြီး အစိုးရသစ်လက်ထက်မှာ 2100 ဘီလီယံထုတ်ရောင်းခြင်းသည် ဘက်ဂျက်လိုငွေ နည်းပါးစေရန် ချွေတာလာတဲ့ သဘော ပြနေပါတယ် ။ ကျနော်တို့ စိုးရိမ်ရမှာက ယခင် တနှစ် ဘီလီယံ ၄၀၀၀ ထုတ်ရောင်းရာကနေ ယခု တနှစ် ၄၀၀၀ ဘီလီယံ အထက် ထုတ်ရောင်းရပြီ ဆိုရင်တော့ ကြက်ဥတလုံး ၇၀၀ ကနေ ၁၅၀၀ ဖြစ်သွားနိုင်ပါတယ် ။            ငွေတိုက်စာချုပ်ဆိုတာ မြန်မာနိုင်ငံအနေနဲ့  နှစ်စဥ်ရောင်းကို ရောင်း​နေရအုံးမယ့် အနေအထားပါပဲ ။ ဘာကြောင့်လည်း ဆိုတော့ ရှေ့အစိုးရတွေ ရောင်းထားတဲ့ ငွေတိုက်စာချုပ်ရဲ့ အရင်းငွေ ထုတ်ယူမည့်ကာလဟာ နောက်အစိုးရလက်ထက်မှာ ပြန်ထုတ်ပေးရပါ့မယ် ၊ ဒီတော့ ပြန်ထုတ်ပေးနိုင်ဖို့ ထပ်ရောင်းလို့ ရတဲ့ငွေနဲ့ ပြန်ဆပ်ကြရတာပါ ။            ဒီတော့ အနှစ်ချုပ်ပြောရရင် ယခင်ကာလများမှာ ရောင်းချခဲ့တဲ့ တနှစ်စာ ငွေတိုက်စာချုပ်ပမာဏ ထက် လျှော့ရောင်းရပြီ ဆိုရင် စိုးရိမ်စရာ မလိုသေးပါဘူး ။ ပိုရောင်းနေရပြီ ဆိုရင်တော့ ပြည်သူတွေ ဒုက္ကရစရိယာ ကျင့်ကြံအားထုတ်ထားဖို့ပဲ အကြံပြုချင်ပါတယ် ။         #ကိုရွှေမျိုးဝင်း

လူရာဝင်မှု ရေချိန် ============== ဦးသိန်းစိန် ( 25 နိုင်ငံ) - အာဆီယံနိုင်ငံများ - ထိုင်း၊ စင်ကာပူ၊ မလေးရှား၊ အင်ဒိုနီးရှား၊ ဗီယက်နမ်၊ ကမ္ဘောဒီးယား၊ လာအို၊ ဖိလစ်ပိုင်၊ ဘရူနိုင်း - အာရှနိုင်ငံများ - တရုတ်၊ အိန္ဒိယ၊ ဂျပန်၊ တောင်ကိုရီးယာ - ဥရောပနိုင်ငံများ - ဗြိတိန်၊ ပြင်သစ်၊ ဂျာမနီ၊ နော်ဝေး၊ ဖင်လန်၊ ဩစတြီးယား၊ ဘယ်လ်ဂျီယံ၊ အီတလီ၊ ဆဗစ်ဇာလန်၊ နယ်သာလန် -  အမေရိကန်ပြည်ထောင်စု (ကုလသမဂ္ဂညီလာခံနှင့် အိမ်ဖြူတော်ခရီးစဉ်) ၊ သြစတြေးလျ ဦးထင်ကျော် (၂၀၁၆ - ၂၀၁၈) { 7 နိုင်ငံ} - အာဆီယံနိုင်ငံများ - လာအို၊ ဗီယက်နမ်၊ ထိုင်း၊ ကမ္ဘောဒီးယား - အာရှနိုင်ငံများ - အိန္ဒိယ၊ တရုတ် - ဥရောပနိုင်ငံများ - ရုရှား (အာဆီယံ-ရုရှား ထိပ်သီးအစည်းအဝေး) ဦးဝင်းမြင့် (၂၀၁၈ - ၂၀၂၁) { 6 နိုင်ငံ } - အာဆီယံနိုင်ငံများ - စင်ကာပူ၊ ဗီယက်နမ်၊ ကမ္ဘောဒီးယား၊ လာအို - အာရှနိုင်ငံများ - အိန္ဒိယ၊ နီပေါ ဒေါ်စုကြည် { 19 နိုင်ငံ နယ်သာလန် မပါ } - လာအိုနိုင်ငံ (မေလ ၂၀၁၆) ၊ ထိုင်းနိုင်ငံ (ဇွန်လ ၂၀၁၆) ၊ တရုတ်ပြည်သူ့သမ္မတနိုင်ငံ (ဩဂုတ်လ ၂၀၁၆) ၊ အိန္ဒိယနိုင်ငံ (အောက်တိုဘာလ ၂၀၁၆) ၊ ဗီယက်နမ် ၊ စင်ကာပူ ၊ မလေးရှား ၊ ကမ္ဘောဒီးယားနှင့် အင်ဒိုနီးရှား - အင်္ဂလန် ၊ အီတလီ ၊ ဗာတီကန် ၊ ပြင်သစ် ၊ ဘယ်လ်ဂျီယံ ၊ ဆွီဒင် ၊ (မေလ - ဇွန်လ ၂၀၁၇) - အမေရိကန် (စက်တင်ဘာလ ၂၀၁၆) - ဂျပန် ၊ တောင်ကိုရီးယား ၊ သြစတြေးလျှ ( 2016 မှ 19) ( 2019 ဒီဇင်ဘာ နယ်သာလန် ICJ ခရီးက တရားရင်ဆိုင်ရန် )            ဒါတွေက မြန်မာသမ္မတများရဲ့ အစိုးရ သက်တမ်း ၅ နှစ်အတွင်း ပြည်ပနိုင်ငံတွေကနေ အစိုးရခြင်း ဖိတ်ခေါ်ချက်အရ သွားခဲ့ကြရတဲ့ တရားဝင်ခရီးတွေပါပဲ ။             ယခု သမ္မတကြီး ဦးမင်းအောင်လှိုင်ဟာ သက်တမ်း ၇ လ ခန့်အတွင်း ပြည်ပအစိုးရများရဲ့ ဖိတ်ခေါ်ချက်အရ ၉ နိုင်ငံ သွားပြီးပါပြီ ။ လတ်တလောကာလအတွင်း ဆက်လက် သွားရမယ့် တိုင်းပြ​ည်တွေလည်း ရှိပါသေးပါတယ် ။           ဒီတော့ ရုပ်သေးသမ္မတ ၂ ဦးကို ဘေးဖယ်ပြီး အချိုးကျ သုံးသပ်ရရင် 5 နှစ်အတွင်း ဦးသိန်းစိန် ( 25 နိုင်ငံ) ဒေါ်စုကြည် ( 19 နိုင်ငံ) လို့ တွေ့ရလို့ ဦးသိန်းစိန်သည် ပျမ်းမျှ တနှစ် ၅ နိုင်ငံ ၊ ဒေါ်စုကြည်သည် ပျမ်းမျှ တနှစ် ၄ နိုင်ငံခန့် ဆိုပြီး တွေ့နိုင်ပါတယ် ။           ဒေါ်စုကြည်ကို တကမ္ဘာလုံးက ထောက်ခံတယ်လို့ ကြွေးကြော်နေပေမယ့် တကယ်တမ်း စနစ်တကျ လူရာသွင်း ဖိတ်ခေါ်မှုမှာတော့ ဦးသိန်းစိန်ထက် သိသိသာသာ လျော့နည်းနေတာ တွေ့ရပါတယ် ။           ကမ္ဘာက လက်မခံပါဘူးဆိုပြီး လူယုတ်မာတွေ တွင်တွင်အပုပ်ချနေတဲ့  သမ္မတသစ် ဦးမင်းအောင်လှိုင်ကတော့ 182 ရက် ( ၆ လ) အတွင်း တရားဝင်ဖိတ်ခေါ်ချက်အရ ပြည်ပခရီး 9 ခု သွားခဲ့ပြီးပါပြီ ။ ပျမ်းမျှ အနေနဲ့ တွက်ဆပါက ဒေါ်စုကြည်သည် တနှစ် ၄ နိုင်ငံနှုံးသာ သွားနိုင်ခဲ့တာမို့ ဦးမင်းအောင်လှိုင်က သူမရဲ့ တနှစ်စကေးကို ၆ လ နဲ့ ၂ ဆ နီးပါး ကျော်လွန်နေပြီ ဖြစ်ကြောင်း တွေ့ရပါ့မယ် ။          တချို့ ကိစ္စတွေက ကိန်းဂဏန်း အချက်အလက်တွေထက် ကောလဟာလတွေက ဟိတ်ဟန်ပိုကြီးနေတတ်တာ တွေ့ရပါတယ် ။           #ကိုရွှေမျိုးဝင်း { ခွေးနာ လောက်ကိုက်လေးတွေက လာအုံးမယ် စားဆီစျေး ၊ ကြက်သွန်နီစျေး ၊ လောင်စာဆီစျေး ဘလာ ဘလာ နဲ့ မန့်အုံးမယ် ၊ ခုပြောထားတာ ကုန်စျေးနှုံး ပြဿနာမဟုတ်ဖူး နိုင်ငံတကာ အသိအမှတ်ပြုခြင်း မပြုခြင်း ၊ လူရာဝင်ခြင်း မဝင်ခြင်း ကိုပဲ DATA နဲ့ နှိုင်းယှဥ်ပြထားတာ နော် }