သင်ရိုးဝင်စာအုပ်များနှင့်ဆရာလမ်းညွှန်စာအုပ်များ

မြန်မာစာတတ်မြောက်မှုစစ်ဆေးခြင်း၊ နဝမတန်း ၁။အောက်ပါမေးခွန်းများကို သေချာဖတ်၍သင့်လျော်သောအဖြေကိုရွေးချယ်ပါ။ (၁)ရှင်မဟာရဋ္ဌသာရ၏ ပျို့များအနက် အထင်ရှားဆုံးပျို့ကို ဖော်ပြပါ။ သံဝရပျို့ ကိုးခန်းပျို့✅ ဘူရိဒတ်ဇာတ်ပေါင်းခန်းပျို့ (၂)ခိုက်ရန်ဖြစ်ပွါးမှုမရှိစေရန် မည်သည့်အရာကို ချုပ်တည်းရမည်ဟု ရှင်မဟာရဋ္ဌသာရက ဆုံးမခဲ့သနည်း။ မာန်မာန✅ ချစ်ခြင်းတရား မနာလိုဝန်တိုခြင်း (၃)ရှေးခေတ်ခရီးအကွာအဝေး‌ဖြစ်သော (၂)ယူဇနာသည် မိုင်မည်မျှနှင့်ညီသနည်း။ ၂၅.၄၄မိုင်✅ ၁၂.၇၂မိုင် ၂၀၄၈၂.၅၆မိုင် (၄)"မောင်တရုတ်ပုတ်ထမ်းထွက်သလို"ဟူသော စကားစုသည် မြန်မာစကားစုများအနက်မည်သည့် အမျိုးအစားတွင်ပါဝင်သနည်း။ စကားထာ ဆိုရိုး စကားပုံ✅ (၅)မောင်တရုတ်ပုတ်ထမ်းထွက်စကားပြေမှ မည်သည့်သင်ခန်းစာရသနည်း။ မိန်းမစကားကို သေချာနားထောင်သင့်ကြောင်း မည်သည့်ကိစ္စမဆို သူတစ်ပါးစကားနှင့်လမ်းမဆုံးသင့်ဘဲ ကိုယ်ပိုင်စဉ်းစားဆင်ခြင်ဉာဏ်ဖြင့်ပြုသင့်ကြောင်း✅ မည်သည့်ကိစ္စမဆို စေ့စပ်သေချာပြီးပြတ်အောင်လုပ်ဆောင်သင့်ကြောင်း (၆)ဒဲဘစ်စာရင်းဆိုသည်မှာအဘယ်နည်း။ အသုံးငွေ✅ ဝင်ငွေ ချေးငွေ (၇)ပထမဆုံးအင်္ဂလိပ်မြန်မာ အဘိဓာန်ကို --------နိုင်ငံတွင်ပုံနှိပ်ခဲ့သည်။ အင်္ဂလန် တရုတ် အိန္ဒိယ✅ (၈)ဆရာကြီးပီမိုးနင်းသည် --------၏အခြေခံကိုသိရှိစေရန် ပြီးအောင်လုပ်ဆောင်းပါးကို ရေးသားခဲ့သည်။ ကြီးပွါးခြင်း✅ ကျန်းမာခြင်း စိုက်ပျိုးဖြစ်ထွန်းခြင်း (၉)မြန်မာတို့၏အမျိုးသားပန်းမှာ ပိတောက်ပန်းဖြစ်ပြီး အောင်ပန်းမှာ--------ဖြစ်သည်။ စကားဝါပန်း သပြေပန်း✅ ငုဝါပန်း (၁၀)အင်္ဂလိပ်-မြန်မာပထမကျူးကျော်စစ်အပြီးတွင်--------စာချုပ်ကို ချုပ်ဆိုပြီး‌စစ်လျော်ကြေးပေးခဲ့ရသည်။ ပင်လုံ ပန်းဝါ ရန္တပို✅ ၂။ဝါကျများကိုဖတ်၍သက်ဆိုင်ရာ အလင်္ကာနှင့်ယှဉ်တွဲပြပါ။ (၁)စကားပြောဆိုရာတွင် မည်သူနှင့်ပြောဆိုသည်ဖြစ်စေ ပျားသကာသို့ ချိုသာစွာပြောဆိုရမည်။ (၂)ဝိတိုရိယတောင်ထိပ်နားနီးလာသည်နှင့် တရှုန်းရှုန်း တိုက်ခတ်နေသော ခပ်ကြမ်းကြမ်းလေပြင်းတို့နှင့်ထိတွေ့မိသည်။ (၃)ကျွန်တော်ပတ်ဖြန်းသည့် မေတ္တာမိုးရေတို့ကြောင့် တစ်ကမ္ဘာလုံးစစ်မက်မရှိအေးချမ်းစေလိုပါသည်။ (၄)လျန်ဝှါးနှင့် ပုကြုတို့သည် သေတူရှင်ဖက်များပင်ဖြစ်ကြလေ၏။ (၅)မုန့်ကျလွတ်ကျသွားသော ကလေးငယ်သည် မျက်ရည်ချောင်းစီး အားပါးတရ ငိုနေရှာသည်။ (က)ရူပကအလင်္ကာ (ခ)မြည်သံစွဲအလင်္ကာ (ဂ)အတိသယဝုတ္တိအလင်္ကာ (ဃ)ဥပမာအလင်္ကာ (င)ဝင်္ကဝုတ္တိအလင်္ကာ (၁)[ဃ] (၂)[ခ] (၃)[က] (၄)[င] (၅)[ဂ] ၃။အောက်ပါတွင် မှန်ကန်သော ဝါကျကဏ္ဍကိုရွေးပြပါ။ (၁)အမှီဝါကျကဏ္ဍတွင် နာမ်ဝါကျကဏ္ဍ၊နာမ်အထူးပြုဝါကျကဏ္ဍနှင့်------တို့ရှိကြသည်။ ကြိယာဝါကျကဏ္ဍ ဝိဘတ်ဝါကျကဏ္ဍ ကြိယာအထူးပြုဝါကျကဏ္ဍ✅ (၂)(အသားအရေကြည်လင်တောက်ပအောင် )အသီးအရွက်များများစားပြီး ရေများများသောက်သင့်သည်။ အကျိုးမျှော်✅ နှိုင်းယှဉ်ပြ အကြောင်းပြ (၃)(အမေသည် ဆန်ဆေးရင်း) ညီလေးကိုဆုံးမစကားပြောနေသည်။ အမူအရာပြ ကန့်သတ်ချက်ပြ တစ်ပြိုင်နက်ပြုလုပ်ကြောင်းပြ✅ (၄)Hotpot (ရော) မာလာရှမ်းကော(ရော) စားမည်။ တစ်ခုမဟုတ်တစ်ခုပြ နှစ်ယောက်စလုံးပြ နှစ်ခုစလုံးပြ✅ (၅)(ရမှတ်(၁၅)ရှိမှ) တတ်မြောက်မှုစစ်ဆေးခြင်း အောင်မည်။ အကြောင်းပြ ကန့်သတ်ချက်ပြ✅ ခွင့်ပြုချက်ပြ ဝါကျများကိုသေချာဖတ်၍ မည်သည့်ရသမြောက်သည်ကိုရွေးချယ်ပေးပါ။ (၁)မောင်တရုတ်သည် ပုတ်ကြီးကိုသာကြည့်၍ခရီးသွားသောကြောင့် ခရီးမရောက်ဘဲ အိမ်သာပြန်ရောက်လာလေသည်။ သိင်္ဂါရရသ ရုဒ္ဒရသ ဟဿရသ✅ (၂)ကြက်မကြီးသည် ကြက်ငယ်လေးများကိုမိုးမစိုစေရန် အတောင်ဖြင့်အုပ်မိုးကာကွယ်ပေးထားသည်။ ဝိဘစ္ဆရသ ဝစ္ဆလရသ✅ ဝီရရသ (၃)ဘာသာတရားအသီးသီးတို့၏ ရှိခိုးဝတ်ပြုနေသောမြင်ကွင်းမှာ စိတ်မြက်ခင်းပြင်ကို မိုးပွါးများကျဆင်းသွားသကဲ့သို့ခံစားရစေသည်။ သိင်္ဂါရရသ ဘယာနကရသ သန္တရသ✅ (၄)လေယာဉ်လုပ်မည့်ပျဉ်တွင် အပေါက်ပါမှန်းသိရက် ဖယောင်းပိတ်ရောင်းချခြင်းကြောင့် လေယာဉ်ပျက်ကျလေသည်။ ဝိဘစ္ဆရသ✅ သန္တရသ ဝီရရသ (၅)ကလေးငယ်သည် ဗိုက်ဆာနေသော်လည်း အပြင်မှ လေယာဉ်ဗုံးချသံကြောင့် မထွက်ရဲဘဲ ကျင်းထဲတွင်နားပိတ်ကာနေနေသည်။ ဝီရရသ ကရုဏာရသ✅ သန္တရသ

*မင်္ဂလာနေ့သစ်ပါဗျ* နိုးထလာရလို့ကျေးဇူးတင်ပါတယ်။ ငါ့မှာရှိတဲ့ကောင်းမွန်ခြင်းတွေအတွက်ကျေးဇူးတင်ပါတယ်။ အသက်ရှင်သန်နေလို့၊ကျန်းမာနေလို့ ကျေးဇူးတင်ပါတယ်။ လုပ်သင့်တဲ့အရာလုပ်ချင်တဲ့အရာအများစုကိုလုပ်ခွင့်ရ လုပ်နေနိုင်လို့ ကျေးဇူးတင်ပါတယ်။ အင်တာနက်လိုင်းရနေလို့ကျေးဇူးတင်ပါတယ်။ သင်ကြားသင်ယူလိုစိတ်ရှိလို့လည်းကျေးဇူးတင်ပါတယ်။ ကိုယ့်ပတ်ဝန်းကျင်ကလူတွေလည်းအထီးမကျန်စေလို့ကျေးဇူးတင်ပါတယ်။ ငါ့ကိုလုံခြုံအေးချမ်းစေတဲ့အိမ်လေးကိုလည်းကျေးဇူးတင်ပါတယ်။ ဝါသနာပါရာလမ်းကိုလျှောက်လှမ်းခွင့်ပေးတဲ့မိဘတွေကိုလည်းကျေးဇူးတင်ပါတယ်။ ဝါသနာနှင့်ဘဝ တစ်ထပ်တည်းကျနေလို့လည်း ကျေးဇူးတင်ပါတယ်။ ငါနဲ့အတူလက်တွဲလုပ်ကိုင်နေကြတဲ့လုပ်ဖော်ကိုင်ဖက်ဆရာ၊ဆရာမတွေ သူငယ်ချင်းတွေကိုကျေးဇူးတင်ပါတယ်။ ငါ့ကိုစစ်မှန်တဲ့မေတ္တာနှင့်ချစ်ပေးသူတစ်ဦး‌တစ်ယောက်ချင်းကိုကျေးဇူးတင်ပါတယ်။

ရှင်မဟာရဋ္ဌသာရ၏ ပညာသင်နည်းစနစ် (၈)ချက် 🌻 "သုစိပုဘာ၊ဝိလိသိဓာ"🌻 "သုစိပုဘာ၊ ဝိလိသိဓာ"ဆိုတာ မြန်မာ့ပညာရေးသမိုင်းမှာ အလွန်တန်ဖိုးရှိပြီး ခေတ်အဆက်ဆက် ပညာရှင်ကြီးတွေ လက်ကိုင်ထားခဲ့ကြတဲ့ "ပညာတတ်ကြောင်း နည်းလမ်း (၈) သွယ်"ပဲ ဖြစ်ပါတယ်။ ဒါကို အင်းဝခေတ်က ပေါ်ထွန်းခဲ့တဲ့ စာဆိုအကျော်အမော် "ရှင်မဟာရဋ္ဌသာရ"က သူရဲ့ "ဂမ္ဘီသာရပျို့" မှာ လူငယ်တွေ ပညာရှာတဲ့အခါ စနစ်တကျနဲ့ ထိရောက်အောင်မြင်ဖို့အတွက် အတိုကောက် ဆောင်ပုဒ်လေးအဖြစ် လမ်းညွှန်ခဲ့တာပါ။ ဒီ (၈) လုံးရဲ့ ကျယ်ပြန့်တဲ့ အဓိပ္ပာယ်နဲ့ လက်တွေ့အသုံးချပုံကို တစ်လုံးချင်း စီစစ်ပြီး ရှင်းပြပေးပါ့မယ် ၁။ သု (သုဏေယျ - ကြားနာခြင်း) ✨အဓိပ္ပာယ်✨ ဆရာသမားတွေရဲ့ သင်ကြားပြသမှုကို စူးစူးစိုက်စိုက် 'နားထောင်ခြင်း'၊ ဗဟုသုတဖြစ်ဖွယ်ရာများကို ရှာဖွေ'နာယူခြင်း'။(သူတစ်ပါးပြောဆို ဆွေးနွေးသည်ကိုလည်းကောင်း၊ ဆရာသမားတို့ ပို့ချသည်ကိုလည်းကောင်း စူးစူးစိုက်စိုက် နာယူခြင်း ဖြစ်သည်။) ✅စာပေလေ့လာနည်း အသုံးချမှု: စာပေတစ်ခုကို မလေ့လာခင် သို့မဟုတ် နားမလည်ခင်မှာ အရည်အချင်းရှိသူတွေရဲ့ ဟောပြောပို့ချချက်တွေကို အာရုံစိုက် "နားထောင်" ဖို့ လိုအပ်ပါတယ်။ နားထောင်မှု စွမ်းရည် (Listening Skill) ကောင်းမှသာ အသိပညာ ဗဟုသုတအခြေခံ မြဲမြံမှာ ဖြစ်ပါတယ်။ ✅ယနေ့ခေတ်မှာတော့ နားထောင်ခြင်းအပြင် စာဖတ်ခြင်း၊ Video တွေကနေတစ်ဆင့် လေ့လာခြင်းတွေပါ အကျုံးဝင်ပါတယ်။ ပညာသင်ယူသူတစ်ယောက်ရဲ့ ပထမဆုံးခြေလှမ်းဟာ အချက်အလက်တွေကို သေချာဂရုတစိုက် လက်ခံရယူခြင်း (Input) ကနေ စတင်ရပါမယ်။ ၂။ စိ (စိန္တေယျ - ကြံစည်တွေးတောခြင်း) ✨အဓိပ္ပာယ်✨ ကြားသိလိုက်ရတဲ့အရာတွေကို ဒီအတိုင်း အလွတ်မမှတ်ဘဲ မိမိဦးနှောက်နဲ့ 'တွေးတောကြံဆခြင်း'၊ 'ဝေဖန်ပိုင်းခြားခြင်း'။(ကြားနာလိုက်ရတဲ့ အကြောင်းအရာတွေကို ဟုတ်မဟုတ်၊ မှန်မမှန် မိမိဉာဏ်ဖြင့် ဝေဖန်ပိုင်းခြားပြီး ဆင်ခြင်တွေးတောခြင်း ဖြစ်သည်။) ✅စာဖတ်သူ သို့မဟုတ် ကျောင်းသားသည် "ဒီစာသားက ဘာကိုဆိုလိုတာလဲ"၊ "ဒီကဗျာရဲ့ နောက်ခံအကြောင်းအရင်းက ဘာလဲ" ဆိုပြီး အမြဲဦးနှောက်ကို အလုပ်ပေးနေရပါမယ်။ ✅အလွတ်ကျက်မှတ်ခြင်းထက် ပိုမိုနက်ရှိုင်းတဲ့ "ဝေဖန်ပိုင်းခြားတွေးတောမှု"ဒါကို ခေတ်သစ်ပညာရေးမှာ "Critical Thinking" (ဝေဖန်ပိုင်းခြားတွေးခေါ်မှု) လို့ ခေါ်ပါတယ်။ "ဒီအချက်က ဟုတ်ကောဟုတ်ရဲ့လား၊ ဘာကြောင့် ဒီလိုဖြစ်ရတာလဲ" ဆိုပြီး အမှားအမှန်ကို ကိုယ်ပိုင်ဉာဏ်နဲ့ ချင့်ချိန်တာမျိုး ဖြစ်ပါတယ်။ ၃။ ပု (ပုစ္ဆေယျ - မေးမြန်းခြင်း) ✨အဓိပ္ပာယ်✨ မိမိတွေးတောလို့မှ မရှင်းလင်းတဲ့အချက်တွေ၊ သံသယရှိတာတွေကို ဆရာသမား ဒါမှမဟုတ် တတ်သိနားလည်သူတွေကို 'မေးမြန်းခြင်း'။(မိမိတွေးတောလို့ မပြတ်သားတဲ့အချက်၊ နားမလည်တဲ့ အမေးပုစ္ဆာတွေကို ဆရာသမား သို့မဟုတ် တတ်သိနားလည်သူတွေကို မဆိုင်းမတွ မေးမြန်းခြင်း ဖြစ်သည်။) ​✅ပညာသင်ယူရာမှာ မေးခွန်းထုတ်ဖို့ မရှက်ရွံ့ခြင်းက တိုးတက်မှုရဲ့လမ်းစဖြစ်ပါတယ်။ ✅"မသိလျှင်မေး၊ မစင်လျှင်ဆေး" ဆိုသလိုပါပဲ။ မေးခွန်းမေးဖို့ ဝန်မလေးရပါဘူး။ မေးမြန်းခြင်းဟာ အသိပညာရဲ့ တံခါးကို ဖွင့်လှစ်တဲ့ သော့ချက်ဖြစ်ပြီး မိမိရဲ့အမြင်ကို ပိုမိုကျယ်ပြန့်သွားစေပါတယ်။ ၄။ ဘာ (ဘာသေယျ - ပြောဆိုဆွေးနွေးခြင်း) ✨အဓိပ္ပာယ်✨ မိမိသိထားတဲ့ ပညာရပ်တွေကို သူငယ်ချင်း အပေါင်းအသင်းတွေနဲ့ဖြစ်စေ၊ ပညာရှင်တွေနဲ့ဖြစ်စေ 'ပြန်လည်ပြောဆို ဆွေးနွေးခြင်း'။(မိမိသိရှိထားတဲ့ ပညာရပ်တွေကို သူတစ်ပါးကို ပြန်လည်ရှင်းလင်းပြောပြခြင်း၊ သို့မဟုတ် အချင်းချင်း အပြန်အလှန် နှီးနှောဖလှယ် ဆွေးနွေးခြင်းမျိုး ဖြစ်သည်။) ​✅မိမိဖတ်မှတ်ထားတာကို သူငယ်ချင်းတွေ၊ လုပ်ဖော်ကိုင်ဖက်တွေနဲ့ စာဖတ်ဝိုင်း (Book Club) လုပ်ပြီး ပြန်လည်ဆွေးနွေးခြင်း သို့မဟုတ် ပြန်လည်သင်ကြားပြသခြင်း (Peer Teaching) ဖြစ်ပါတယ်။ ဒီလိုလုပ်ခြင်းက မိမိရဲ့ အသိပညာကို ပိုမိုစွဲမြဲသွားစေပါတယ်။ ✅မိမိသိတာကို ပြန်ပြောပြတာ၊ Discussion လုပ်တာဟာ ပညာကို ပိုမိုစွဲမြဲစေပါတယ်။ "တစ်ယောက်တွေးတော့ တစ်ကိုယ်စာ၊ ခေါင်းချင်းရိုက်တွေးတော့ အများစာ" ဆိုသလို အမြင်ချင်းဖလှယ်ခြင်းဖြင့် ကိုယ်မမြင်မိတဲ့ အားနည်းချက်တွေကိုပါ ပြင်ဆင်နိုင်ခွင့် ရရှိစေပါတယ်။ ၅။ ဝိ (ဝိစာရေယျ - စုံစမ်းစစ်ဆေးခြင်း) ✨အဓိပ္ပာယ်✨ ရရှိလာတဲ့ အချက်အလက်တွေကို အပေါ်ယံမကြည့်ဘဲ အကြောင်းအကျိုး သင့်မသင့်၊ ဟုတ်မဟုတ်ကို 'ထပ်မံစုံစမ်းစစ်ဆေးခြင်း'။(အကြောင်းအရာတစ်ခုကို ပြီးစလွယ်မမှတ်ဘဲ အရင်းအမြစ်၊ အကြောင်းအကျိုး အမှားအမှန်ကို အသေးစိတ် စူးစမ်းစစ်ဆေး ရှာဖွေခြင်းမျိုး ဖြစ်သည်။) ​✅ဒါကတော့ သုတေသနပြုတဲ့ အဆင့် (Research) ဖြစ်ပါတယ်။ ဥပမာ - ကဗျာတစ်ပုဒ်ကို လေ့လာရင် ကဗျာစာသားတင်မကဘဲ ခေတ်ပြိုင်သမိုင်းကြောင်း၊ စာဆိုရဲ့ ဘဝနောက်ခံနဲ့ ဒေသန္တရဗဟုသုတတွေကိုပါ လိုက်လံရှာဖွေ ဖတ်ရှုခြင်းမျိုး ဖြစ်ပါတယ်။ ✅စာအုပ်တစ်အုပ်တည်း၊ အရင်းအမြစ်တစ်ခုတည်းကိုပဲ မယုံဘဲ တခြားအထောက်အထားတွေနဲ့ တိုက်ဆိုင်စစ်ဆေးပြီး အမှန်ကန်ဆုံး အမှန်တရားကို ရှာဖွေတာ ဖြစ်ပါတယ်။

🌿 တို့ကမ္ဘာမြေကို ကာကွယ်စို့ (ကမ္ဘာ့ပတ်ဝန်းကျင်ထိန်းသိမ်းရေးနေ့ အသိပညာပေး) ဇွန်လ (၅) ရက်နေ့ဟာ "ကမ္ဘာ့ပတ်ဝန်းကျင်ထိန်းသိမ်းရေးနေ့" ဖြစ်ပါတယ်။ ဒီနေ့မှာ ပတ်ဝန်းကျင်ထိန်းသိမ်းဖို့ ဘာကြောင့် အရေးကြီးတာလဲ၊ ငါတို့ဘာတွေလုပ်နိုင်လဲဆိုတာကို အတူတူ လေ့လာကြည့်ရအောင်။ 📜 *၁။ ကမ္ဘာ့ပတ်ဝန်းကျင်ထိန်းသိမ်းရေးနေ့ ပေါ်ပေါက်လာပုံသမိုင်း* ဒီနေ့လေး စတင်ပေါ်ပေါက်လာတာကတော့ ၁၉၇၂ ခုနှစ်ကတည်းက ဖြစ်ပါတယ်။ အဲဒီနှစ် ဇွန်လ (၅) ရက်ကနေ (၁၆) ရက်အထိ ဆွီဒင်နိုင်ငံ၊ စတော့ဟုမ်းမြို့မှာ ကုလသမဂ္ဂ (UN) က ဦးဆောင်ပြီး "လူသားတို့၏ ပတ်ဝန်းကျင်ဆိုင်ရာ ညီလာခံ" (Stockholm Conference) ကို ပထမဆုံးအကြိမ် ကျင်းပခဲ့ပါတယ်။ အဲဒီညီလာခံကနေ ကမ္ဘာကြီးရဲ့ သဘာဝပတ်ဝန်းကျင် ပျက်စီးလာမှုကို လူတွေ ပိုမိုသတိပြုမိလာစေဖို့နဲ့ ကမ္ဘာလုံးဆိုင်ရာ အရေးယူဆောင်ရွက်မှုတွေ လုပ်ဆောင်နိုင်ဖို့အတွက် ဇွန်လ (၅) ရက်နေ့ကို "ကမ္ဘာ့ပတ်ဝန်းကျင်ထိန်းသိမ်းရေးနေ့" အဖြစ် သတ်မှတ်ခဲ့ပြီး ၁၉၇၃ ခုနှစ်ကစလို့ နှစ်စဉ်နှစ်တိုင်း ကမ္ဘာတစ်ဝန်းမှာ ကျင်းပလာခဲ့တာ ဖြစ်ပါတယ်။ 🌍 *၂။ ငါတို့ ဘာကြောင့် ပတ်ဝန်းကျင်ကို ထိန်းသိမ်းသင့်တာလဲ*။ "ကမ္ဘာမြေကြီးက လူသားတွေရဲ့ လိုအပ်ချက်အားလုံးကို ဖြည့်ဆည်းပေးနိုင်ပေမယ့် လူသားတွေရဲ့ လောဘကိုတော့ မဖြည့်ဆည်းပေးနိုင်ဘူး" ငါတို့အသက်ရှင်သန်ဖို့အတွက် လိုအပ်တဲ့ လေထု၊ ရေထု၊ အစားအစာနဲ့ ရာသီဥတုမျှတမှု အားလုံးဟာ သဘာဝပတ်ဝန်းကျင်အပေါ်မှာပဲ မှီခိုနေရတာပါ။ အခုအချိန်မှာတော့: ရာသီဥတု ဖောက်ပြန်လာခြင်း: ကမ္ဘာကြီး ပူနွေးလာပြီး ရေကြီးတာ၊ မိုးခေါင်တာတွေ ပိုဆိုးလာတယ်။ ဂေဟစနစ် ပျက်စီးခြင်း: တောပြုန်းတာ၊ ပလတ်စတစ်ညစ်ညမ်းမှုတွေကြောင့် သတ္တဝါတွေ မျိုးသုဉ်းကုန်တယ်။ ကျန်းမာရေး ထိခိုက်ခြင်း: ညစ်ညမ်းတဲ့ လေနဲ့ ရေတွေကြောင့် လူသားတွေမှာ ရောဂါဘယတွေ ပိုများလာတယ်။ ဒါကြောင့် ပတ်ဝန်းကျင်ကို ထိန်းသိမ်းတာဟာ ကမ္ဘာကြီးကို ကယ်တင်တာတင်မကဘဲ ငါတို့ရဲ့ အနာဂတ်နဲ့ ငါတို့ရဲ့ မျိုးဆက်သစ်တွေကို ကာကွယ်တာ ဖြစ်ပါတယ်။ 🎉 *၃။ ဒီနေ့မှာ ကမ္ဘာတစ်ဝန်း ဘာတွေလုပ်လေ့ရှိကြလဲ။* နှစ်စဉ် ဇွန်လ (၅) ရက်နေ့ရောက်ရင် နိုင်ငံတကာမှာ အသိပညာပေး လှုပ်ရှားမှုပေါင်းများစွာကို တက်ကြွစွာ လုပ်ဆောင်ကြပါတယ် - သစ်ပင်စိုက်ပျိုးခြင်း: အဖွဲ့အစည်းတွေ၊ ကျောင်းတွေနဲ့ လူမှုအသိုင်းအဝိုင်းတွေ စုပေါင်းပြီး သစ်ပင်စိုက်ကြတယ်။ ပတ်ဝန်းကျင် သန့်ရှင်းရေးလုပ်ခြင်း: ကမ်းခြေတွေ၊ ပန်းခြံတွေနဲ့ လမ်းပေါ်က ပလတ်စတစ်နဲ့ အမှိုက်တွေကို စုပေါင်းကောက်ကြတယ်။ ဆွေးနွေးပွဲနှင့် ဝေါ့ရှော့ပ် (Workshops) များ ကျင်းပခြင်း: ကျောင်းတွေ၊ ရုံးတွေမှာ ပတ်ဝန်းကျင်ထိန်းသိမ်းရေးဆိုင်ရာ ဟောပြောပွဲတွေ၊ ပြိုင်ပွဲတွေ လုပ်ကြတယ်။ Green Campaigns များ ပြုလုပ်ခြင်း: စက်ဘီးစီးတာ၊ အများသုံးသယ်ယူပို့ဆောင်ရေး သုံးတာ၊ အဝတ်အိတ်သုံးဖို့ လှုံ့ဆော်တာမျိုးတွေ လုပ်ကြပါတယ်။ 💪 *၄။ ငါတို့ကော တစ်ဦးချင်းအနေနဲ့ ဘာတွေလုပ်နိုင်လဲ။* ကမ္ဘာကြီးကို ပြောင်းလဲဖို့ အကြီးကြီးတွေ စလုပ်ဖို့ မလိုပါဘူး။ ငါတို့ရဲ့ နေ့စဉ်လူနေမှုဘဝ သေးသေးမွှားမွှား အလေ့အထလေးတွေကို ပြောင်းလဲရုံနဲ့တင် အများကြီး ထောက်ကူပြုနိုင်ပါတယ်။ Reduce, Reuse, Recycle (လျှော့သုံး၊ ပြန်သုံး၊ ပြုပြင်သုံး): Single-use ပလတ်စတစ် (တစ်ခါသုံးပလတ်စတစ်အိတ်/ခွက်) တွေကို လျှော့သုံးပါ။ အဝတ်အိတ်၊ ရေဘူး ဆောင်ပါ။ Save Energy (စွမ်းအင်ချွေတာပါ): မလိုတဲ့ မီးလုံးတွေ၊ ပန်ကာတွေကို ပိတ်ထားပါ။ Save Water (ရေကို ချွေတာသုံးပါ): သွားတိုက်နေချိန် ဒါမှမဟုတ် မျက်နှာသစ်နေချိန်မှာ ရေဘုံဘိုင်ခေါင်းကို မဖွင့်ထားပါနဲ့။ Plant a Tree (သစ်ပင်စိုက်ပါ): ကိုယ့်အိမ်ခြံဝန်းထဲမှာပဲဖြစ်ဖြစ်၊ လသာဆောင်မှာပဲဖြစ်ဖြစ် အပင်လေးတွေ စိုက်ပျိုးပါ။ အခုလို ပတ်ဝန်းကျင်အကြောင်း အသိပညာပေးတဲ့ အကြောင်းအရာတွေကို မိသားစု၊ သူငယ်ချင်းတွေဆီ မျှဝေပေးပါ။ "ငါတို့မှာ နေထိုင်စရာ ကမ္ဘာမြေ 'တစ်ခုတည်း' ပဲ ရှိပါတယ်။" ဒီနေ့ကစပြီး ကိုယ်တတ်နိုင်တဲ့ ဘက်ကနေ ပတ်ဝန်းကျင်ကို စတင်ချစ်ခင် ကာကွယ်ကြပါစို့။ Happy World Environment Day! 🌍🌱

🌈🌈🌈Welcome Pride Month🌈🌈🌈

▪️ဒီကဗျာလေးကို ကြားဖူးခဲ့လား...? ▪️ဘယ်ခေတ်က ကဗျာလေးဖြစ်မယ်ထင်လဲ...? ▪️ကဗျာလေးရဲ့ခေါင်းစဥ်က .....

*အောက်ပါတို့ကို ဆိုရိုးစကားဖြစ်အောင်ယှဉ်တွဲပေးပါ။* (၁)ပညာရဲရင့်(က)ငွေမရှား။ (၂)တစ်ခါသေဖူး(ခ)ခွေးပုရန်လို။ (၃)နေ့မြင် (ဂ)ပျဉ်ဖိုးနားလည်။ (၄)လူပုစိတ်တို(ဃ)ညပျောက်။ (၅)လူ မသေ၊(င)ပွဲလယ်တင့်။

မင်္ဂလာမနက်ခင်းပါခင်ဗျ လုံခြုံပျော်ရွှင်ရတဲ့နေ့သစ်လေးဖြစ်ပါစေ။ ကိုယ့်အတွက်ရော ကိုယ်ချစ်ရတဲ့သူတွေအတွက်ရော တန်ဖိုးရှိတဲ့ သောကြာနေ့လေးဖြစ်ပါစေဗျာ။💕💕

"မင်းမဟာဂီရိနတ်" Grade 11 မြန်မာစာ "ရွှေနှင့်ယိုးမှားပန်းစံကား" ကဗျာအတွက် သင်ထောက်ကူအဖြစ် အသုံးပြုနိုင်ပါတယ်။ #လွတ်လပ်စွာ ယူသုံးနိုင်သည်။

"မင်းမဟာဂီရိနတ်"

✨မဟာဂီရိနတ်✨ အိမ်တွင်း မင်းမဟာဂီရိနတ်သည် အပြင် ၃၇ မင်း နတ်များတွင် ပါဝင်သည်။ အပြင် ၃၇ မင်းအစ အိမ်တွင်းက ဟု ဆိုလေ့ရှိကြသည်။ မြန်မာနိုင်ငံတွင် နတ်ကိုးကွယ်သည့် ယဉ်ကျေးမှု ဓလေ့သည် ပန်းပဲမောင်တင့်တယ် (အိမ်တွင်း မင်းမဟာဂီရိ) နတ်ပေါ်ထွန်းချိန်က စတင်ခဲ့ကြောင်း တွေ့ရှိခဲ့၏။ အိမ်တွင်းနတ် အုပ်စုဝင် နတ် (၇)ပါး၏ ကိုယ်ရေးရာဇဝင် သမိုင်းကြောင်းသည် တစ်ဦးနှင့် တစ်ဦး ဆက်စပ်လျှက်ရှိကြောင်း တွေ့ရှိရသည်။ ✨ပန်းပဲမောင်တင့်တယ်✨ တကောင်းနေပြည်တော်ကြီး ထင်ရှားချိန်က (ထိုအချိန်တွင် ပုဂံပြည်၌ သေဉ်လည်ကြောင်မင်း နန်းတက်နေချိန် ဖြစ်သည်။) ပန်းပဲဆရာကြီး ဦးတင့်တော်၏ ဇနီး ဒေါ်နော်တို့၌ သားသမီး သုံးဦးထွန်းကားခဲ့သည်။ အကြီးဆုံးသားမှာ မောင်တင့်တယ်ဟု အမည်တွင်၍ အလတ်နှင့် အငယ်မှာ သမီးမိန်းကလေးများ ဖြစ်ပြီး မြတ်လှ နှမတော် မမြတ်လှနှင့် ထွေးဖြူ (ဒွေးဖြူ) သုံးပန်လှနတ်တို့ ဖြစ်ကြသည်။ အားလုံးပင် အရွယ်ရောက်ပြီး ဖြစ်ကြ၍ မြန်မာ့ဓလေ့ထုံးစံအတိုင်း သားကြီးမောင်တင့်တယ်သည် ဖခင်၏ ပန်းပဲလုပ်ငန်းကို ဝင်ရောက်လုပ်ကိုင်ခဲ့သည်။ ဘဝအကျိုးပေးသန်သည့် မောင်တင့်တယ်သည် အသက်အရွယ်နှင့် မလိုက်အောင်ပင် ခန္ဓာကိုယ် သန်မာထွားကျိုင်း၍ ခွန်အားဗလလည်း ကောင်းလှသည်။ မီးဖုတ်ထား၍ ရဲရဲနီနေသော သံချောင်းကို ရေတွင်ရှဲခနဲနှစ်ကာ ပေပေါ်သို့တင်၍ လက်ဝဲလက်မှ ညှပ်နှင့်ကိုင်၍ လက်ျာလက်မှ ပိဿချိန်(၁၀၀)ရှိသော တူကြီးဖြင့် မြှောက်၍ ထုနှက်လိုက်သော အသံသည် ပတ်ဝန်းကျင် တစ်ခုလုံးကို ချောက်ချားသွားစေခဲ့သည်။ လက်ဝဲလက်နှင့် ပြောင်း၍ ပိဿချိန်(၅၀)ရှိသော တူကြီးဖြင့် ထုနှက်ရာတွင် မနားတမ်း ထုနှက်နိုင်စွမ်းရှိသည်ဖြစ်၍ မြင်ရသူများ အဖို့ အံ့ဩဖွယ်ရာ ဖြစ်စေသည်။ တစ်နေ့တခြား မောင်တင့်တယ်၏ သတင်းကြီးလာပြီး ထိုခေတ်အခါက အသိဉာဏ်နည်းပါးလှသည့် မှူးမတ်တို့၏ မရှုမှန်းထား ကုန်းစကားကြောင့် တကောင်းပြည့်ရှင် ဘုရင်ကြီးသည် မောင်တင့်တယ်အား ကြောက်ရွံ့လာကာ ထီးနန်းလုမည်ကို စိုးရိမ်မှုဖြစ်ကာ ဖမ်းဆီးခိုင်းတော့ သည်။ မင်းပြစ်မင်းဒဏ်ကို ကြောက်ရွံ့သော လူရိုးကြီး မောင်တင့်တယ်သည် တကောင်းဘုရင်၏ ပိုင်နက်မှ လွတ်ကင်းရာဒေသသို့ ထွက်ပြေးတိမ်းရှောင်ရင်း ပုပ္ပါးနယ် တစ်ဝိုက်တွင် ပုန်းအောင်းနေလေသည်။ တောတောင်ထဲတွင် ပုန်းအောင်းနေရာမှ နဂါးမင်း၏ သမီးတော် ရွှေနဘေ နဂါးမင်းသမီးရွှေနဘေနတ်နှင့် တွေ့ဆုံ၍ မေတ္တာသက်ဝင် ပေါင်းသင်း နေထိုင်ရာ ကာလအတန်ကြာတွင် သားတော်နှစ်ပါး ရရှိခဲ့သည်။ ထိုသားတော်နှစ်ပါး၏ အမည်များမှာ ရှင်ဖြူ မြောက်မင်း ရှင်ဖြူ၊ ရှင်ညို တောင်မကြီး ရှင်ညို ဟူ၍ ဖြစ်လေသည်။ ထိုသို့ ပုန်းအောင်းနေသော မောင်တင့်တယ်အား ဖမ်း၍မရသောအခါ တကောင်းဘုရင်သည် ဥပါယ်တံမျဉ်ဖြင့် ကြံစည်ပြန်လေသည်။ မောင်တင့်တယ်၏ နှမနှစ်ဦးအနက် အကြီးဖြစ်သော မမြတ်လှအား အထူးချောမောလှပပြီး ရုပ်ရည်ရှိသဖြင့် ၎င်းကို သိရိစန္ဒာ ဘွဲ့နှင်း၍ တောင်ညာစံ မိဖုရားမြှောက်လေသည်။ ထို့နောက် တဖြည်းဖြည်း မိဖုရားအား အယုံသွင်းကာ မောင်တင့်တယ်ကို ဖမ်းဆီးရန် မဟုတ်ဘဲ မင်းမိန့်နှင့် ဆင့်ခေါ်ခြင်းသာ ဖြစ်ကြောင်း၊ ဤသို့ ဆင့်ခေါ်ရခြင်းမှာလည်း ခွန်အားဗလနှင့် ပြည့်စုံသူဖြစ်၍ တကောင်းမြို့ဝန် ရာထူးကို ခန့်အပ်လိုသောကြောင့်သာ ဖြစ်ကြောင်း၊ မောင်တင့်တယ်သည် မိမိအား အထင်မှားကာ ထွက်ပြေးတိမ်းရှောင်နေခြင်း ဖြစ်၍ သိရိစန္ဒာက အခြေအနေမှန်ကို ရှင်းပြကာ ခေါ်ယူစေလိုကြောင်းဖြင့် ပြောကြားလေသည်။ မဟာဂီရိနတ်သည် တကောင်းမြို့မှ ပန်းဘဲမောင်တင့်တယ်ဖြစ်သည်။ အင်အားအစွမ်းကြီးမား၍ တကောင်းဘုရင်က စိုးရိမ်သဖြင့် ဖမ်းဆီးရာ ထွက်ပြေးရသည်။ ထိုအခါဘုရင်က မောင်တင့်တယ်၏နှမကို မိဖုရားမြှောက်၍ မောင်တင့်တယ်ကို လှည့်ဖြားခေါ်ယူပြီးလျှင်ဖိုကျင်ထိုးသတ်ရာမှ နတ်ဖြစ်သည်။ နတ်ရုပ်မှာဆင်ဖြူခုံတွင်ဘီလူးဆင့်သည်။ ယင်းအပေါ်တွင် မတ်ရပ်ထလျက် မင်းသားတို့၏ အဆောင်အယောင် ဗောင်းနားတောင်းစလွယ်နှင့် ယာလက်ကယပ်၊ ဝဲလက်က ဓားကိုင်ထားသည်။ #ကိုးကား #မင်းရာမ ရေး ၃၇-မင်း နတ် သိမှတ်ဖွယ်ရာအဖြာဖြာ #မြန်မာ့စွယ်စုံကျမ်း၊ အတွဲ(၁၃) သုံးဆယ့်ခုနစ်မင်း

ပုဂံစာပေကို လေ့လာရင်း..... ✨ပုဂံခေတ်က စကားပြေအရေးအသားအပြင် ​လင်္ကာကဗျာများလည်း ပေါ်ထွန်းခဲ့ပါသေးတယ် ✨ပုဂံခေတ် သေလည်ကြောင်မင်းလက်ထက်မှာ ရေးသားခဲ့တယ်လို့ အမှတ်အသားရှိခဲ့တဲ့ "ရွှေနှင့်ယိုးမှားပန်းစံကား" လင်္ကာကဗျာလေးဟာဆိုရင် ရှေးအကျဆုံး လင်္ကာစာပေအဖွဲ့အနွဲ့လို့လည်းဆိုနိုင်ပါတယ်။ 📖ဧကာဒသမတန်း 📖 မြန်မာကဗျာရွေးရွယ်ချက်မှာ ပြဋ္ဌာန်းထားတဲ့  "ရွှေနှင့်ယိုးမှားပန်းစံကား" ကဗျာလေးကို လေ့လာရင်း ကဗျာနောက်ခံဖြစ်တဲ့ ပုပ္ပားတောင်နဲ့စံကားဝါပန်းတို့ရဲ့ လွမ်းမောဖွယ် သဘာဝအလှတရားတွေအပြင် သမိုင်းနောက်ခံဇာတ်ကြောင်းလေးတွေကိုပါ လေ့လာရင်း တင်ပြပေးသွားမှာပါ။🌝🌻

**ဒသမတန်း၊မြန်မာစာ* အခန်းဆုံးစစ်ဆေးခြင်း(၂၅)မှတ်ဖိုး၊နမူနာမေးခွန်းလွှာ (၁)ဗုံကြီးသံများသည်မည်သည့်ခေတ်လောက်က စတင်ပေါ်ပေါက်ခဲ့သနည်း။ ပင်းယ အင်းဝ တောင်ငူ ကုန်းဘောင်✅ (၂)ဗုံပွဲတွင် ဗုံမင်းသားမှာ မည်သူနည်း။ လင်းကွင်းတီးသူ✅ ဗုံတီးသူ နှဲသမား ဝါးလက်ခုပ်တီးသူ (၃)ခနွှဲသည်မည်သို့သောအရာဖြစ်သနည်း။ ရေမြောင်းဖောက်ရာတွင်သုံးသည့်ကိရိယာ။ လယ်ထဲရေသွင်းရာတွင်သုံးသောအရိုးရှည်တပ်ပက်ခွက်။✅ လယ်ထွန်ရာတွင်သုံးသည့်ထွန်သွားတပ်ရိုးရှည်တုံး။ စပါးရိတ်သိမ်းရာတွင်သုံးသောစက်ကြီး။ (၄)အင်းလေး‌ဒေသတေးတိုက်ပွဲကိုမည်သည့်ချိန်ခါများတွင်ကျင်းပလေ့ရှိသနည်း။ တပေါင်းတခူး ကဆုန်နယုန် သီတင်းကျွတ်တန်ဆောင်မုန်း✅ နတ်တော်ပြာသို (၅)တိုက်တေးကိုမည်သို့ခေါ်ကြသေးသနည်း။ ဒွေးချိုး တျာချင်း ရတု ချိုတေး✅ (၆)ပြည်သူပြည်သားတာဝန်ကို မည်သည်မှထုတ်နုတ်ထားသနည်း။ ဘဝရတနာစာအုပ်✅ ပညာ၏အခြေခံသဘာဝ မြန်မာ့တေးဂီတအနုစာပေသမိုင်း ဝတ္ထုပဒေသာ (၇)ဆရာမကြီးဒေါ်သန်းတင်ကပြည်သူပြည်သားတို့လိုက်နာရမည့်တာဝန်ဝတ္တရားကို အပိုင်းမည်မျှဖြင့်ဖော်ပြထားသနည်း။ (၃)ပိုင်း (၄)ပိုင်း✅ (၅)ပိုင်း (၆)ပိုင်း (၈)လှိုင်ထိပ်ခေါင်တင်သည်မည်သည့်အရွယ်တွင်လှိုင်မြို့စားမင်းသမီးဖြစ်လာသနည်း။ (၄)နှစ်✅ (၆)နှစ် (၈)နှစ် (၁၀)နှစ် (၉)လှိုင်ထိပ်ခေါင်တင်၏ခံစားချက်ဖြစ်သော ဝမ်းနည်းရာမှအားငယ်၊အားငယ်ရာမှစိတ်နာကြည်း၊စိတ်နာကြည်းရာမှနောင်တသံဝေဂရပုံကိုဖော်ညွှန်းထားသည့်သီချင်းကိုဖော်ပြပါ။ စိန်ခြူးကြာညောင် ဣန္ဒာဝံသ နာဂဆဒ္ဒန်✅ ဆင်ကြီးဂဠုန်ချီ (၁၀)ကနောင်မင်းသားသည် မည်သည့်အရေးတွင်နတ်ရွာစံခဲ့သနည်း။ ပထမကျော်ကျူးစစ်အရေး ဟံသာဝတီအရေး သံလျင်တိုက်ပွဲအရေး မြင်ကွန်းမြင်ခုန်တိုင်အရေး✅ (၁၁)ကုန်းဘောင်ခေတ်တွင်ပေါ်ထွန်းခဲ့သည့် ရှေးရိုးတျာဘွဲ့မျိုးကိုအခြေခံ၍ဖွဲ့ဆိုထားသောသီချင်းကိုမည်သို့ခေါ်သနည်း။ ဘောလယ်✅ တျာချင်း ဗုံကြီးသံ အိုင်ချင်း (၁၄)ပတ္တမြားရွှေဂူကဗျာသည့်ဇာတ်တော်ကိုအခြေခံထားသနည်း။ မဏိဇောတဇာတ်တော် မဏိသုကရဇာတ်တော်✅ သုဝဏ္ဏသျှံဇာတ်တော် ဆန္ဒဝန္ဒောဇာတ်တော် (၁၂)အင်းလေးတိုက်တေးယဉ်ကျေးမှုသည် မည်သည့်အချိန်‌တွင်မှေးမှိန်ခဲ့ရသနည်း။ အင်္ဂလိပ်-မြန်မာပထမကျူးကျော်စစ် ပထမကမ္ဘာစစ် ဒုတိယကမ္ဘာစစ်✅ အင်းဝပျက်သုဉ်းချိန် (၁၃)"နားတောင်းကိုဗုံခေါင်းလောက်ဝတ်စေမယ်"ဟူသောအရေးအဖွဲ့သည် မည်သည့်အလင်္ကာမြောက်သောအရေးအဖွဲ့ဖြစ်သနည်း။ ဥပမာအလင်္ကာ ရူပကအလင်္ကာ အတိသယဝုတ္တိအလင်္ကာ✅ ဝင်္ကဝုတ္တိအလင်္ကာ (၁၅)အစိုးဆိုသည်မှာမည်သို့သောပုဂ္ဂိုလ်မျိုးဖြစ်သင့်သနည်း။ ပြည်သူလူထုကတင်မြှောက်ထားသော✅ အသိဉာဏ်ပညာနှင့်ပြည်စုံသော စိတ်ထားပြည့်ဝကောင်းမွန်သော အရည်အသွေးပြည့်ဝသော (၁၆)ကလေးများအတွက်ရည်ရွယ်ထားသောစာပေကို------ဟုခေါ်သည်။ ဆောင်းပါး ဝတ္ထု ပုံပြင်✅ ပြဇာတ် (၁၇)လူထုသတင်းစာတိုက်ကိုစတင်ထူထောင်သူမှာ-----ဖြစ်သည်။ ဂျာနယ်ကျော်မမလေး ဂျာနယ်ကျော်ဦးချစ်မောင် ဒေါ်အမာ✅ လှိုင်ထိပ်ခေါင်တင် (၁၈)လူထုဦးလှပြောသည့် စကားစမြည်ပြောရာတွင်ရှိတတ်‌သောချွတ်ယွင်းချက်တစ်ခုမှာ-----ဖြစ်သည်။ လုပြောသောအလေ့✅ မျက်နှာလွှဲသောအလေ့ သမ်းဝေသောအလေ့ နှာချေသောအလေ့ (၁၉)ပုံစံကျသောနေ့စဉ်မှတ်တမ်းတစ်စောင်တွင်အင်္ဂါရပ်-----ရှိသည်။ ၅ရပ် ၆ရပ်✅ ၇ရပ် ၈ရပ် (၂၀)ပေးစာများကိုအဓိကအားဖြင့် လုပ်ငန်းသဘောသက်ဝင်သောပေးစာနှင့်-----သဘောသက်ဝင်သောပေးစာဟူ၍နှစ်မျိုးခွဲခြားနိုင်သည်။ စီးပွါးရေး ကျန်းမာရေး လူမှုရေး✅ နိုင်ငံရေး (၂၁)သတ်ပုံမှန်ရွေးချယ်ပါ။ လက်လှန်းမီ လက်လှမ်းမှီ လက်လှန်းမှီ လက်လှမ်းမီ✅ (၂၂)ပူပြင်းသောပန်ကာကို နေ့လယ်ခင်းတွင်ဖွင့်ပါ။ဤဝါကျတွင်မည့်သည့်ပုဒ်အထားအသိုလွဲနေသနည်း။ ကတ္တားပုဒ် ကံပုဒ် နာမ်အထူးပြုပုဒ်✅ ကြိယာအထူးပြုပုဒ် (၂၃)ဂီတစာဆိုလှိုင်ထိပ်ခေါင်တင်သင်ခန်းစာပါ "မျက်နှာများသူ"ဟူသောဝေါဟာရသည်မည်သူ့ကိုရည်ရွယ်၍ မည်သည့်လင်္ကာမြောက်သနည်း။ ကနောင်မင်းသား၊ဝင်္ကဝုတ္တိအလင်္ကာ လှိုင်ထိပ်ခေါင်တင်၊ဥပမာအလင်္ကာ ကနောင်မင်းသား၊ဥပမာအလင်္ကာ လှိုင်ထိပ်ခေါင်တင်၊ဝင်္ကဝုတ္တိအလင်္ကာ (၂၄)"ထမင်းကညံ့လိုက်တာ၊မသေရုံချဉ်ပေါင်ဟင်း တင်းမျိုရရှာ။"ဟူသောအဖွဲ့သည် မည်သည့်အလင်္ကာမြောက်သနည်း။ ဝီရရသ ကရုဏာရသ✅ သန္တရသ ဝိဘစ္ဆရသ (၂၅)ဇွန်လတစ်လလုံးကို ------တို့အတွက်အထိမ်းအမှတ်လအဖြစ်သတ်မှတ်ကြသည်။ အမျိုးသမီး ကလေးသူငယ် အမျိုးသား LGBTIQ ✅