Kokebe Tsibah General Secondary School

ለትምህርት ቤታችን የ12ኛ ክፍል ተፈታኝ ተማሪዎች የፈተና ምድባችሁ 4ኪሎ Addis Ababa University CNCS (College of Natural and Computational Sciences) campus መሆናችሁን እንገልፃለን:: ዩኒቨርሲቲ የምትገቡበት ጥዋት 12 ሰዓት ከላይ በተጠቀሰው ሰዓት መሆኑን አዉቃችሁ ቅድም ዝግጅት እንድታደርጉ እናሳስባለን:: ት/ቤቱ Follow for more 🎓https://t.me/kokebetsibahexam

ለትምህርት ቤታችን የ12ኛ ክፍል ተፈታኝ ተማሪዎች የፈተና ምድባችሁ 6 ኪሎ Addis Ababa University CNCS (College of Natural and Computational Sciences) campus መሆናችሁን እንገልፃለን:: ዩኒቨርሲቲ የምትገቡበት ሰዓት ከላይ በተጠቀሰው ሰዓት መሆኑን አዉቃችሁ ቅድም ዝግጅት እንድታደርጉ እናሳስባለን:: ት/ቤቱ Follow for more 🎓https://t.me/kokebetsibahexam

ቀን 29/10/2016 ዓ.ም ማስታወቂያ ኦን ላይን ተፈታኝ የማህበራዊ ሳይንስ ተማሪዎች ይመለከታል:- 👉 ዛሬ ቅዳሜ ሰኔ 29/2016 ዓ.ም ከቀኑ 7:30 ሰዓት አብሮሇት ቤተመፅሐፍት ኦን ላይን ለመፈተን ልምምድ ስታደርጉ የነበራችሁ የማህበራዊ ሳይንስ ተማሪዎች በሙሉ ዛሬ የመጨረሻ ልምምድ ስለሚደረግ እንድትገኙ ስንል እናሳዉቃለን:: ማሳሰቢያ:-1, ትራስፓርት ለዛሬ ማቅረብ ስላልቻልን በግላችሁ ቀድማችሁ እንድትሄዱ 2, የተሟላ ዩኒፎርም የት/ቤት /ሲነር/ መልበስ ይጠበቅባችሗል:: 3, መታወቂያ: አድሚሽን ካርድ እና የይለፍ ቃል መያዝ ይጠበቅባችሗል:: 4, ፈተናችሁ በት/ቤት ሳይሆን አብሮሇት ቤተ መፅሐፍት ኦንላይን መሆኑ ስለተረጋገጠ ዛሬ መገኘት ይጠበቅባችሗል:: 5, መረጃ ቀድሞ የደረሰዉ ላልደረሰዉ መረጃ ያድርስ መልካም ቀን!! ት/ቤቱ

ማስታወሻ!! ሁላችሁም[ የወረቀት እና የኦን ላይን ተፈታኞች በሙሉ] የቀን እና የማታ የማህበራዊ እና የተፈጥሮ ሳይንስ ተማሪዎች ወደ ዩንበቭረስቲ ትገባላችሁ:: በት/ቤት ዉስጥ የሚሰጥ የበየነ መረብ/Online/ ፈተና የለም:: የበየነ መረብ/Online/ ፈተና የሚሰጠዉ ትምህርት ሚኒስቴር እና የምዘናና ፈተናዎች አገልግሎት ከሌሎች ባለድርሻ አካላት ጋር በጋራ በመሆን አሳካበታለሁ ብለዉ በሚያምኑባቸዉ ዩንቭርስቲዎች ይሆናል:: 👉 በመሆኑም ይህን አዉቃችሁ በት/ቤት እና በአዲስ አበባ ዩንቭርስቲ እሸቱ ጮሌ ኮምፓስ ተመድባችሁ የነበራችሁ የማህበራዊ ሳይንስ የበየነ መረብ/Online/ተፈታኞች በወረቀት ከሚፈተኑት ጋር ሰኞ ወደ ተመደባችሁበት ዩንቭርስቲ የምትገቡ ይሆናል:: 👉 የተፈጥሮ ሳይንስ ተማሪዎችም በተመሳሳይ የእናንተ ፕሮግራም ሲደርስ ሁላችሁም ወደ ዩንቭርስቲ ትገባላችሁ:: 👉 የእኛ ት/ቤት ሙሉ በሙሉ በወረቀት ነዉ ወይስ ኦን ላይን በዩንቭርስቲ የሚፈተኑ አሉ በማለት ለምታቀርቡት ጥያቄ በወረቀት እና በኦን ላይን የሚፈተኑ ተማሪዎች መረጃ ተለይቶ ስለተላከ በተመደባችሁበት ዩንቭርስቲ በተመደቡ የፈተና ጣቢያ ሃላፊዎች አማካኝነት ምላሽ የምታገኙ ይሆናል:: ሰኔ 29/2016 ዓ.ም መልካም ዕድል!! ት/ቤቱ

ለ12ኛ ክፍል ተፈታኞች በሙሉ (ሰኔ 28/2016 ዓ.ም) ትምህርት ሚኒስቴር የ2016 ዓ.ም የ 12ተኛ ክፍል ማጠናቀቂያ ብሔራዊ ፈተና በበይነ መረብና በወረቀት እንደሚሰጥ መግለጹ ይታወቃል። ሆኖም በተለያዩ ማህበራዊ ሚዲያ ገጾች የበይነ መረብ ፈተናው እንደቀረ ተደርጎ እየቀረበ ያለው መረጃ በፍጹም ከእውነት የራቀ ሃሰተኛ መሆኑን እየገለጽን ፈተናው በሁለቱም በወረቀት እና በኦንላይን እንደሚሰጥ በድጋሜ እንገልጻለን። በመሆኑም ተማሪዎች ይሄንኑ ተገንዝባችሁ ዝግጅታችሁን እንድትቀጥሉ ሆኖ ትምህርት ሚኒስቴር ፈተናውን የተሳካ ለማድረግ እንደተለመደው ከሚመለከታቸው ባለድርሻ አካላት ጋር በጥምረት እየሰራ መሆኑንና ለዚህም ከፍተኛ ዝግጅት ማድረጉን እናስገነዝባለን። ትምህርት ሚኒስቴር መረጃዎችን በፍጥነት ለማግኘት ማሰፈንጠሪያዎቹን ይጫኑ! What Sapp: - https://whatsapp.com/channel/0029VaHFiBpA2pLF0lLslK2D You Tube: https://www.youtube.com/@addisababaeducationbureau9728 TikTok፡- tiktok.com/@aaeducationbureau Telegram ፡ https://t.me/wwwAddisAbabaeducationbureau Twitter ፡ https://twitter.com/aacaebc Face book: https://www.facebook.com/aacityeducationcommunication Blog: - http://www.aacaebc.wordpress.com/ Website: - aaceb.gov.et Email;- [email protected] Instagram: - https://www.instagram.com/aacaeb/

ለተፈታኝ ተማሪዎች በሙሉ❗️❗️ የተፈታኝ ተማሪዎች መብቶች፦ ➭ ከፈተና ጥያቄ ውጪ ማንኛውንም ያልተረዳውን ነገር ጠይቆ የመረዳት መብት አላቸው። ➭ በዩኒቨርሲቲ ግቢ ውስጥ የምግብ፣ የህክምና አገልግሎት፣ የማደሪያ ክፍል፣ ፍራሽ እና ትራስ የማግኘት መብት አላቸው። ➭ ማንኛውም ተፈታኝ በዩኒቨርሲቲ ግቢ ውስጥ ያለውን የቤተ መፅሐፍት፣ የመጸዳጃ ቤቶች፣ የሻወር፣ የካፍቴሪያዎች፣ የሚኒ ሱፐር ማርኬቶች፣ የተለያዩ ሱቆች እንዲሁም የመናፈሻና መዝናኛ አገልግሎቶችን የመጠቀም መብት አላቸው። ➭ ዩኒቨርሲቲ ግቢ ውስጥ የጋራ የደህንነት ጥበቃ የማግኘት መብት አላቸው። ➭ በፈተና ሰዓት መፈተኛ ክፍል ገብቶ ብርሃናማ የመፈተኛ ቦታ፣ ወንበርና መፃፊያ ጠረጴዛ የማግኘት መብት አላቸው። ➭ ፈተና ከመጀመሩ አንድ ቀን ቀድሞ ስለፈተናው ገለጻ (ኦሬንቴሽን) የማግኘት መብት አላቸው። የተፈታኝ ተማሪዎች ግዴታዎች፡- ➤ ማንኛውም ተፈታኝ በፈተና ማዕከልና መፈተኛ ክፍል አድሚሽን ካርድ ይዞ የመገኘት ግዴታ አለበት። ➤ ማንኛውም ተፈታኝ ወደ ዩኒቨርሲቲ ሲመጣ የትምህርት ቤት ወይም የነዋሪነት መታወቂያ ይዞ መገኘት አለበት። ➤ ማንኛውም ተፈታኝ ወደ ግቢ ከመግባቱ በፊትና ወደ መፈተኛ ክፍል ከመግባቱ በፊት ሙሉ አካላዊ ፍተሻ የመፈተሽ ግዴታ አለበት። ➤ ማንኛውም ተፈታኝ በዩኒቨርሲቲ ግቢና በመፈተኛ ክፍል የተከለከሉ ዕቃዎችን መያዝ የለበትም። ➤ ማንኛውም ተፈታኝ እርሳስ፣ ላጲስና የእርሳስ መቅረጫ ይዞ መገኘት አለበት። ➤ ማንኛውም ተፈታኝ የፈተና ደንብን የማክበር ግዴታ አለበት። ➤ ማንኛውም ተፈታኝ በፈተና ማዕከል/በመፈተኛ ክፍል ውስጥ የፈተና አስፈጻሚዎች የፈተና አስተዳደር ሥራን ውጤታማ ለማድረግና ሁኔታዎችን ለማመቻቸት የሚያደርጉትን ጥረት የመተባበር ግዴታ አለበት። ➤ ማንኛውም ተፈታኝ ፈተና ከመጀመሩ በፊት መፈተኛ ክፍል የመገኘት ግዴታ አለበት። ➤ ተፈታኙ ፈተናው ሳይጠናቀቅ ከፈተና ክፍል የሚወጣ ከሆነ የፈተና ጥያቄ የያዘውን ቡኩሌት ለፈታኙ የማሰረከብ ግዴታ አለበት። ➤ ማንኛውም ተፈታኝ ወደተመደበበት ዩኒቨርሲቲ ሲመጣ አንሶላ፣ ብርድ ልብስ እና የትራስ ጨርቅ ይዞ የመምጣት ግዴታ አለበት። ለተፈታኝ ተማሪዎች የተፈቀዱ ነገሮች፦ ➣ አዲስ ወይም ቀድሞ ለመማር እና ለማጥናት ሲጠቀሙበት የነበሩ ማስተወሻ ደብተር፣ የትምህርት መፅሐፍ፣ መንፈሳዊ/ኃይማኖታዊ መፅሐፍት፣ ባዶ ወረቀት ➣ ደረቅ ምግቦች (ጩኮ፣ በሶ፣ ዳቦ ቆሎ፣ ቆሎ….) ➣ ገንዘብ (ብር) ➣ የልብስ ወይም የእጅ ቦርሳ፣ የግል ልብስ፣ ጫማ ➣ የግል ንጽህና መጠበቂያዎች (ሳሙና፣ ሞዴስ፣ የጥርስ ብሩሽ፣ የጥርስ ሳሙና፣ ፎጣ፣ ሶፍት፣ ሻምፖ፣ ኮንዲሽነር፣ ሎሽን፣ ቻፕስቲክ፣ የጸጉር ቅባት፣ የፊት ቅባት) ለተፈታኝ ተማሪዎች የተከለከሉ ነገሮች፦ ➣ ማንኛውንም ዓይነት የጦር መሣሪያ ይዞ መገኘት የተከለከለ ነው፡፡ ➣ ማንኛውንም ዓይነት ስለት እና ሹልነት ያላቸውን ብረታ ብረቶችና ጠንካራ ፕላስትኮች ይዞ መገኘት የተከለከለ ነው። ➣ ማንኛውም ድምጽ የሚቀዳ፣ ፎቶ የሚያነሳ፣ ቪዲዮ የሚቀርጽ፣ ከቴሌ መስመርም ሆነ ከቴሌ መስመር ውጭ መልዕክት በዲጂታል መንገድ የሚሰጥ ወይም የሚቀበል የግል ዕቃ/መሳሪያ/የቴክኖሎጂ ውጤት፣ ስልክ፣ አይ-ፓድ፣ ታብሌት፣ ኮምፕዩተር፣ ላፕቶፕ፣ ስማርት ሰዓት፣ ማጂክ ብዕር/እስክሪብቶ፣ ማጂክ ኮት/ጃኬት እና ሌሎች ማንኛቸውም ፎቶ፣ ምስል እና ድምጽ የሚቀርጹ የኤሌክትሮኖክስ መሣሪያዎችን በዩኒቨርሲቲው ግቢ ውስጥም ሆነ ግቢ ዙሪያ ይዞ መገኘት ወይም መጠቀም የተከለከለ ነው፡፡ ➣ በዩኒቨርሲቲ ግቢ ውስጥ ማንኛውንም ዓይነት የግል ፍላሽ ዲስክ፣ ሃርድ ዲስክ፣ ሲዲ፣ ሚሞሪ፣ ሚሞሪ ሪደር፣ ኦ-ቲጂ ኮንቨርተርና መሰል ዕቃዎችን ይዞ መገኘት ወይም መጠቀም የተከለከለ ነው፡፡ ➣ ማንኛውም አደንዛዥ እጾች (ጫት፣ ሲጋራ፣ በሐኪም ማዘዣ የሌለው መድኃኒት)፣ ህክምና መስጫ መርፌ መያዝ ወይም መጠቀም የተከለከለ ነው፡፡ ➣ ማንኛውም ዓይነት የአልኮል መጠጥ ይዞ መገኘት ወይም መጠቀም የተከለከለ ነው፡፡ ➣ ማንኛውም ዓይነት የአንገት ሐብል፣ የጸጉር ጌጥ፣ የጆሮ ጌጥ፣ የጣት ቀለበት፣ የእጅ አንባር፣ አድርጎ ወይም ይዞ መገኘት የተከለከለ ነው፡፡ (ከልሙጥ የጋብቻ ቀለበት በስተቀር) ➣ ፈተና ከተጀመረ ከ30 ደቂቃ በኋላ ወደ ፈተና ክፍል መግባት እና ፈተናው ተጀምሮ 45 ደቂቃ ሳይሞላ ከፈተና ክፍል መውጣት የተከለከለ ነው፡፡ ➣ ተፈታኙ ፈተናው ሳይጠናቀቅ ከፈተና ክፍል የሚወጣ ከሆነ የፈተና ጥያቄ የያዘውን ቡኩሌት ይዞ መውጣት ተከለከለ ነው፡፡ ➣ በፈተና ሰዓት በመፈተኛ ክፍል ውስጥ ማስቲካ መያዝም ሆነ መጠቀም የተከለከለ ነው፡፡ ➣ በዩኒቨርሲቲ ግቢ ውስጥ በግልም ሆነ በቡድን መጮህ ወይም በጣም ከፍተኛ ድምጽ ማሰማት የተከለከለ ነው። ✨@matrikexam✨ ✨@matrikexam✨ source - ATC

ማስታወሻ ለቀን እና የማታ የ12ኛ ክፍል የማህበራዊ ሳይንስ ተማሪዎች በሙሉ:- 👉 ሰኞ ሐምሌ 1/2016 ዓ.ም ወደ ዩንቭርስቲ ስለምትገቡ ሁላችሁም የማህበራዊ ሳይንስ ተማሪዎች ከዚህ ቀደም በተሰጣችሁ ገለፃ መሠረት ለጉዞ ራሳችሁን ከወዲሁ እንድታዘጋጁ ስንል እየገለፅን ወደ ት/ቤት የምትመጡበትን ሰዓት እና የምትገቡበትን ዩንቭርስቲ በቀጣይ የምናሳዉቃችሁ በመሆኑ የቴሌግራም ቻናሉን እንድትከታተሉ ስንል እናሳዉቃለን:: ት/ቤቱ

ቀን 28/10/2016 ዓ.ም ማስታዎቂያ ከ9ኛ -11ኛ ክፍል ልጆቻችሁን ለምታስተምሩ ወላጆች /አሳዳጊዎች በሙሉ 👉 የ2016 ዓ.ም የትምህርት ዘመን ማጠቃለያ እና ሰርትፍኬት የሚሰጥበት እንዲሁም የ2017 ዓ.ም የተማሪዎች ምዝገባ በተመለከተ ሰኔ 30/2016 ዓ.ም ከጠዋቱ 3:00 ሰዓት ጀምሮ ፕሮግራም ስለተያዘ ልጅዎ በሚማርበት /በምትማርበት ክፍል በመገኘት በዉይይቱ ተሳትፈዉ ሰርትፍኬት እንዲውዱ ስንል በማክበር ጥሪያችን እናቀርባለን:: ማሳሰቢያ :- በዕለቱ ተማሪዎች ወደ ቅጥር ጊቢ እንዲገቡ የማይፈቀድ መሆኑን እንገልፃለን:: ት/ቤቱ

በፈተና ላይ ያሉ ተማሪዎች